[rating-type-4]
{likes}
{dislikes}
[/rating-type-4]
Ələkbərovun nəzarətindən çıxan bankda 288 milyon yığılmış zərər - DETALLAR

“Yelo Bank” ASC-nin 2023-cü ilin yekunları üzrə maliyyə hesabatları açıqlanıb.

“Ölkə.Az”ın məlumatına görə, sözügedən dövrə bankın cəmi aktivləri 1 mlrd 566 mln 453 min manat təşkil edib. Bu isə 2022-ci ilin yekunları ilə müqayisədə 91% çoxdur.

Müştərilərə verilmiş kreditlərin həcmi illik müqayisədə 22,9% artaraq 764 mln 310 min manat təşkil edib.

2022-ci ilin son rübü ilə müqayisədə bankın depozit portfeli 2,3 dəfə artaraq 1 mlrd 292 mln 23 min manata çatıb. Bankın cəmi öhdəlikləri isə 2 dəfəyə yaxın artaraq ötən ilin dekabrın 31-ə 1 mlrd 467 mln 384 min manat təşkil edib.

Bankın Mərkəzi Bank və dövlət fondları qarşısında öhdəlikləri də 91 mln 275 min manat olub ki, bu da illik müqayisədə 4,6% çoxdur.

Nizamnamə kapitalı 378 mln manat, yığılmış zərəri 288 mln 252 min manat olan “Yelo Bank”ın cəmi kapitalı illik müqayisədə 29,9% artaraq 99 mln 69 min manata yüksəlib.

Ötən ilin son rübünün yekununda bankın xalis faiz gəlirləri 67 mln 162 manat, xalis qeyri-faiz xərcləri isə 58 mln 956 min manat təşkil edib. Əməliyyatlarını 8 mln 206 min manat mənfəətlə icra edən bank mümkün zərərlərin ödənilməsi üçün xüsusi ehtiyatın yaradılmasına ayırmalarını 12 mln 555 min manat azaldıb. Bununla da, “Yelo Bank” ötən ili 20 mln 762 min manat xalis mənfəətlə başa vurub.

Qeyd edək ki, “Yelo Bank” ASC-nin səhmlərinin 98,94%-i Marina Kulişovaya (Bankın Müşahidə Şurasının sədri), 0,96%-i Anar Həsənova (İdarə Heyətinin sədri), 0,10%-i isə “İSR Holdinq” MMC-yə məxsusdur. Bir müddət əvvəl milyader Vahid Ələkbərovun nəzarət etdiyi “Topaz İnvestment Limited” MMC bankdakı payını digər səhmdarlara ötürüb. Bununla da Banka birbaşa nəzarət V. Ələkbərovdan M. Kulişovaya keçib.
[rating-type-4]
{likes}
{dislikes}
[/rating-type-4]
Güclü külək əsən kimi niyə ancaq məktəb binalarının dam örtüyü uçur? - HƏQİQƏTƏN DƏ...

Ötən həftənin sonu ölkənin bəzi ərazilərində müşahidə olunan güclü külək bir sıra rayon və kənd təhsil müəssisələrinə ziyan vurub. Güclü külək bir sıra bağça və məktəblərin dam örtüyünün bir qismini sıradan çıxarıb. Ölkə ərazisində güclü külək əsən kimi adətən ən çox zərər görən tikililər orta təhsil müəssisələrinin binalarıdır. Bu isə təhsil müəssisələrinin daha keyfiyyətli və təbiət hadisələrinə davamlı inşasına zəmin yaradır.

Təhsil eksperti Kamran Əsədov İqtisadiyyat.az-a açıqlamasında deyir ki, güclü külək nəticəsində adətən təhsil müəssisələrinin zərər görməsi tikintini həyata keçirən podratçı şirkətin ciddi şəkildə pozuntulara yol verdiyinin göstəricisidir:

"Etiraf edək ki, o qədər də güclü olmayan küləklərdə məktəblərin inzibati binasında müəyyən qədər söküntülər əmələ gəlir. Məsələn, dam örtükləri uçur və yaxud da inzibati binalarda qəzalar baş verir. Bu, onu göstərir ki, tikintini həyata keçirən podratçı şirkət ciddi şəkildə pozuntulara yol verir. Yəni bu gün Azərbaycanda biz əgər uğur qazanan bir məktəb istəyiriksə, burada təkcə müəllimlərin bilik və bacarıqları yüksək olmamalıdır, həmçinin təhlükəsiz məktəb mühitinin yaradılması məsələsi də daim gündəmdə olmalıdır".

Nazirlər Kabinetinin tikinti normaları ilə bağlı 2012-ci ildə qəbul etdiyi 171 saylı qərarını xatırladan ekspert söyləyib ki, həmin qərarda orta ümumtəhsil məktəblərinin texniki göstəriciləri də qeyd olunub:

"Təəssüflər olsun ki, binanın dam örtüyünün bərkidildiyi konstruksiyalar taxtadan ibarət olur. Külək zamanı böyük ölçülü damların altına hava axını daxil olur. Nəticədə taxta örtüklər onu saxlaya bilmirlər. Ona görə də tikintini həyata keçirən və onu təhvil alan qurum binanın dam örtüyünün taxta konstruksiyalardan quraşdırılmasına icazə verməməlidir. Onlar dəmir şəbəkələrlə qorunmalıdır".

K.Əsədov həmçinin vurğulayıb ki, son 15 il ərzində ölkədə ümumilikdə 3 mindən çox yeni məktəb binası tikilərək istifadəyə verilib. Onun sözlərinə görə, amma hazırda 900-ə yaxın məktəb qəzalı vəziyyətdədir: "Bu qədər məktəbin qəzalı vəziyyətdə olmasına baxmayaraq, hər il orta rəqəmlə 40-a yaxın yeni məktəb binası tikilir və yaxud da əsaslı təmir işləri aparılır. Hazırda Azərbaycanda 4432 orta ümumtəhsil məktəbi mövcuddur və həmin məktəblərdə 1,6 milyon şagird təhsil alır".

Təhlükəsizlik məsələləri üzrə ekspert Elmar Nurəliyev isə İqtisadiyyat.az-a açıqlamasında bildirib ki, təkcə məktəblərdə deyil, bütün təyinatlı obyektlərdə tikinti norma və standartlarına əməl edilməlidir. Onun sözlərinə görə, obyekt tikilib hazır olduqdan sonra ona vaxtında dövrü xidmətlər göstərilməlidir:

"İstər üz boyası və dam örtüyünün, istərsə də pilləkən və həyətyanı sahələrdə əlavə tikililərin, zirzəmi, qazanxana, nasosxana və s. yerlərin daim saz vəziyyətdə olmasına diqqət etmək lazımdır. Hər hansı bir nasasazlıq varsa, vaxtında aradan qaldırmaqla, eləcə də korroziya, deformasiyaya uğrayan və yaxud da istismar müddəti bitmə üzrə olan avadanlıqları dəyişməklə bu kimi xoşagəlməz hadisələrdən müəyyən qədər sığortalanmaq olar".

Təbiət hadisələrindən yüz faiz qorunmağın qeyri-mümkün olduğunu deyən ekspert müxtəlif təyinatlı obyektlərdə dam örtüyünün uçması, üz qabığının qopması və yaxud da pəncərələrin, şüşələrin sınması kimi halların müşahidə edildiyini xatırladıb: "Əlbəttə, yaxşı olardı ki, bütün təyinatlı obyektlərin təbii fəlakətlər və bu kimi digər təhlükəli vəziyyətlər zamanı insanların daha az zərər çəkməsi üçün tədbirlər planı olsun. Təbii ki, bəzi obyektlərdə təbii fəlakətlərə, fors-major hallara qarşı yanaşma konsepsiyası var. Ümumiyyətlə, bütün təyinatlı obyektlər və insanlar hər bir gözlənilməz hadisələrə qarşı mənəvi, psixoloji və fiziki cəhətdən hazır olmalıdır".

Qeyd edək ki, Elm və Təhsil Nazirliyi qəzalı vəziyyətdə olan məktəb binalarının mütəmadi olaraq əsaslı təmiri, bərpası və ya yenidənqurması ilə əlaqədar olaraq tenderlər elan edir. İl ərzində bu kimi tenderlərə milyonlarla manat vəsait xərclənir.
[rating-type-4]
{likes}
{dislikes}
[/rating-type-4]
Məşhur şirkətin vergi borcu yarım milyonu ötdü, rəhbəri məhkəməyə verildi

“Cəlilabad Şərab-2” ASC-nin İdarə Heyətinin sədri Məmmədəli Qocayev məhkəməyə verilib.

İqtisadiyyat.az xəbər verir ki, Dövlət Vergi Xidmətinin 6 saylı Ərazi Vergilər Baş İdarəsi məhkəməyə müraciətində onun ölkədən çıxışına müvəqqəti məhdudiyyət qoyulmasını xahiş edib.

Buna səbəb isə ASC-nin yığılan vergi borcunun ödənilməməsi göstərilir. Şirkətin vergi borcu hazırda 550 min manatı ötüb.

Bütün növ saytların yığılması - EMBLEM.AZ
saytlarin yigilmasi
Məhkəmə işi hakim Günay Namazovanın sədrliyi ilə araşdırılacaq. Əgər məhkəmə DVX-nin iddiasını təmin etsə, M.Qocayevin Azərbaycanı tərk etmək hüququ müvəqqəti məhdudlaşdırılacaq.

Qeyd edək ki, “Cəlilabad Şərab-2” ASC Cəlilabad rayonunun Qarazəncir kəndində yerləşir. 1999-cu ildə yaradılan şirkətin 352 786 manat nizamnamə kapitalı var. 50 nəfər ətrafında işçiyə sahibdir. M.Qocayev isə bu ilin may ayından şirkətə rəhbərlik edir.
[rating-type-4]
{likes}
{dislikes}
[/rating-type-4]
Əvvəl priton idi, indi ''Vətən'' olub... - Məşhur restoranda soyğunçuluq
Yolun kənarındakı "Vətən" adı dostumla məni yolumuzdan döndərir.
İnsafən, yaxşı düzəldiblər, müştəriləri qarşılayan xanımın üzündən zəhər, xidmətçi bəylərin gözündən yuxu tökülsə də, ab-hava pis deyil. Təcili nahar edib çıxacağımızı dedik. İstədiyimiz yeməklərin heç biri yoxdur. Ofisiant "hisə verilmiş dana" məsləhət bilir. "Xolodnı"dan çox seçmirik - göyərti, turşu, içməyə ''Sirab'', vəssalam.
Bir az keçmiş bir nəfərlik tavada yemək gəlir. Baxan kimi tərifə uyğun olmadığını görsəm də, dostumun iştahını küsdürməmək üçün heç nə demirəm. Uzağı 100 qram ət, yanında da dilimlənmiş kartof. Kartof demək olar ki, bişməyib, bəlkə də, hisə dana əti yox, məhs kartof verilib. Çox keçmir, qurman dostum, dərhal ifşa edir: "Burada nə dana əti var, nə də his. Allah bilir, nə ətinə barbekü sousu qatıb, hisə verilmiş dana əti adıyla verməyin''. Araya zarafat qatıb, tələsik yeyirik. İki nəfərə demək olar ki, çatmır.
Hesab istəyəndə təəccüblənirik - 82 manat 83 qəpik. Bizə bir pors kimi görünən yeməyi üç pors yazıblar.

Qiymətlər belədir:
Turşu - 8 AZN
Göyərti - 4 AZN
Təndir çörəyi (ağ) - 4 AZN
Təndir çörəyi (qara) - 1,80 AZN
Lavaş - 0,50 AZN
Sirab - 3 AZN
Can əti hisli kartof ilə - 54 AZN
Tam məbləğ - 75,30 AZN
Servis - 7,53 AZN
Yekun - 82,83 AZN
Qiymətlərin baha olduğunu deyəndə ofisiant hamının narazı olduğunu, hətta qiymətlərə ofisiantların da etiraz etdiyini bildirir: "'Sizə hələ yaxşı yazıblar. Burada iki nəfərlik nahar 150 manatdan az olmur".
Administratoru otağa dəvət edib, pors sayının çox, qiymətlərin baha olduğunu demək istəyirik. Özü gəlmir, sifariş göndərir: ''Əvvəldən deyilsəydi ki, nahar edəcəkdilər, qiymətlər fərqli olardı. Bundan sonra gələndə fərqi görərlər''.
Bundan sonrakı söhbətləri, ofisiantların münasibəti, administratorun bir dələduz kimi rəftarını detallı yazmaq istəmirik. Bəlkə bu restoranın adı ''Vətən'' olmasaydı, kabinetlərinin hərəsinə bir rayonumuzun adı verilməsəydi, orada müşatərilərə ərəb turistlər kimi baxmaları adama toxunmazdı.
Maraqlıdır ki, bu restoran bir neçə il əvvələ qədər Bakının iki-üç pritonundan biri olub. Sonra adını ''Vətən'' qoyub restorana çeviriblər. Ad dəyişsə də, əxlaq, niyyət dəyişməyib...

Mənbə: BakuPost
Əvvəl priton idi, indi ''Vətən'' olub... - Məşhur restoranda soyğunçuluq
Əvvəl priton idi, indi ''Vətən'' olub... - Məşhur restoranda soyğunçuluq

[rating-type-4]
{likes}
{dislikes}
[/rating-type-4]
Yeni ildə köhnə ənənə: Bu məhsullar bahalaşacaq - NƏ ETMƏLİ?

Hər il olduğu kimi, bu ildə bayramqabağı qiymətlərin bahalaşacağı gözlənilir.

Bayram yaxınlaşdıqca “ənənəvi” qiymət artımının şahidi oluruq. Sanki bu, dəyişməz adətə çevrilib.

Alıcılar da hər bayramqabağı xüsusilə ərzaqların qiymətinin artmasından şikayətlənirlər.

Maraqlıdır ki, digər ölkələrdə bayramqabağl xüsusi, böyük qiymət endirimlərinə şahid oluruq. Lakin ölkəmizdə bayramqabağı ciddi bahalaşma olur.

İqtisadçı-ekspert Akif Nəsirli mövzu ilə bağlı Cebhe.info-ya bildirib ki, ərzağın qiymədətində bu il artım olacaq:

“Bu il ərzaq məhsullarının qiymətində artım olacaq. Bu il hökumət tərəfindən fermerlərə və digər sahibkarlara dövlət tərəfindən dəstək zəif olduğuna, bəzi hallarda isə heç bir dəstək olmadığına görə istehsalata maraq azalıb. Bu səbəbdən idxal məhsullarına maraq artıb. Buna görə də ərzaq və digər məhsulların qiymətində artım olacaq”.

Ekspert həmçinin, qiymətləri artacaq ərzaq məhsullarından danışıb. Onun sözlərinə görə, ətin, süd və süd məhsullarının, bitki mənşəyli məhsulların bahalaşması gözlənilir:

“Torpaqların istifadəsində aqrotexniki qaydalara əməl olunmadığına görə məhsuldarlıq aşağı düşür. Nəticədə məhsulun azalması yerli istehlak bazarının tələbatını qarşılaya bilmir. Yerli məhsulları idxal məhsulları əvəz edir. O da özlüyündə qiymət artımına gətirib çıxarır”.

Mənbə: Cebhe.info
[rating-type-4]
{likes}
{dislikes}
[/rating-type-4]
SOCAR: “Azərbaycan BEM sahəsində çox yaxşı mövqe tutub”


“Azərbaycan bərpaolunan enerji mənbələri (BEM) sahəsində çox yaxşı mövqe tutub”.

Bunu SOCAR-ın vitse-prezidentinin müşaviri Mustafa Qurbanlı Bakıda keçirilən SPE Xəzər Texniki Konfransında deyib.

“Azərbaycan bərpaolunan enerji mənbələri sahəsində çox yaxşı mövqe tutub, lakin indi əsas məsələ Azərbaycan və ən böyük neft-qaz şirkəti kimi SOCAR-ın nöqteyi-nəzərindən harada olduğumuzdur. Azərbaycan hökuməti istixana tullantılarını 2030-cu ilədək 35 faiz, 2050-ci ilədək isə 40 faiz azaltmağı öhdəsinə götürüb.

Bundan başqa, Azərbaycan bərpaolunan enerji istehsalını 2030-cu ilədək 30 faiz artırmaqla bağlı strateji qərar qəbul edib. Bu, Azərbaycan hökumətinin qəbul etdiyi çox mühüm qərardır və SOCAR regiondakı ən iri şirkətlərdən biri olaraq, Azərbaycan hökumətinin qərarlarının sürətini izləyir”, - deyə o qeyd edib.
Onun sözlərinə görə, SOCAR cari məqsədlərə nail olmaq üçün üç istiqamətə diqqət yetirir.

“Birinci istiqamətimiz dekarbonizasiyadır. Fəaliyyət göstərdiyimiz bütün sahələrdə, bütün əməliyyatlarımızda kompleks dekarbonizasiya proqramını həyata keçiririk. İkincisi, yeni biznes növlərinə investisiya qoyuruq. SOCAR bərpaolunan enerji mənbələri sahəsində aparıcı şirkətlərlə əməkdaşlıq edir və külək, günəş, hidrogen və karbondan istifadə kimi yeni bizneslər qurmağa çalışır. Üçüncüsü, təşkilati dəyişikliklərdən ibarətdir.

SOCAR hazırda strukturunu dəyişdirməklə və inteqrasiya olunmuş idarəetmə sistemini optimallaşdırmaqla keçid prosesindədir. Strategiyamızda seçdiyimiz sahələr bunlardır: dekarbonizasiya proqramları, bərpaolunan enerji və hidrogen infrastrukturuna investisiya, elektrikləşdirmə və transformasiya proqramları. Enerji keçidinə nail olmaqda bizə kömək edəcək bütün qabaqcıl texnologiyalar da buraya daxildir”, - deyə o əlavə edib.
[rating-type-4]
{likes}
{dislikes}
[/rating-type-4]
Premyer Liqa: “Neftçi” “Sumqayıt”ı, “Turan Tovuz” “Sabah”ı qəbul edəcək

Bu gün futbol üzrə Azərbaycan Premyer Liqasında XIII turun daha iki oyunu keçiriləcək.

İlk olaraq “Neftçi” “Sumqayıt”ı qəbul edəcək.

“Neftçi Arena”dakı qarşılaşma saat 16:30-da start götürəcək. 18 xala malik komandalar 5-6-cı yerləri bölüşdürürlər.

Digər matçda da turnir cədvəlindəki “qonşu”lar görüşəcəklər: Belə ki, “Sabah” “Turan Tovuz”un qonağı olacaq. Bu görüş saat 19:00-da başlanacaq. Bölgə klubu 15 xalla 7-ci, paytaxt təmsilçisi isə 13 xalla 8-ci pillədə qərarlaşıb.

Azərbaycan Premyer Liqası, XIII tur

16:30. “Neftçi” - “Sumqayıt”

Hakimlər: Rauf Cabarov, Namiq Hüseynov, Müslüm Əliyev, Kamran Əliyev

Hakim-inspektor: Ramil Diniyev

AFFA nümayəndəsi: Zümrüd Ağayeva
“Neftçi Arena”

19:00. “Turan Tovuz” - “Sabah”

Hakimlər: Əliyar Ağayev, Zeynal Zeynalov, Akif Əmirəli, Emin Əliyev

Hakim-inspektor: Rəhim Həsənov

AFFA nümayəndəsi: Elgiz Abbasov

Tovuz şəhər stadionu

Qeyd edək ki, turun “Zirə” - “Qəbələ” və “Qarabağ” - “Səbail” oyunları noyabrın 12-də gerçəkləşəcək. Ötən gün “Kəpəz” “Araz-Naxçıvan”ı minimal hesabla üstələyib - 1:0.
[rating-type-4]
{likes}
{dislikes}
[/rating-type-4]
Macarıstan Azərbaycandan böyük həcmdə qaz almağı planlaşdırır

“Macarıstan gələcəkdə Azərbaycan, Qətər və Türkiyədən böyük həcmdə qaz almağı planlaşdırır, lakin regionda boru kəmərinin gücü bunun üçün yetərli deyil”.
Bu barədə Macarıstanın xarici işlər və xarici iqtisadi əlaqələr naziri Peter Siyarto Buxarestdə keçirilən 6-cı Rumıniya Beynəlxalq Qaz Konfransında (RIGC 2023) çıxış edərkən deyib.
Ölkəsinin qazın əsas hissəsinin hələ də Rusiyadan aldığını və mənbə ilə tədarük marşrutlarının şaxələndirilməsinin illüziya olaraq qaldığını vurğulayan diplomat buna səbəb olaraq Cənub-Şərqi Avropanın bu baxımdan yetərli gücə malik olmadığını qeyd edib. Onun fikrincə, sözügedən bölgədə boru kəmərinin gücü bunun üçün yetərli deyil və belə şəraitdə diversifikasiya sadəcə illüziya olaraq qalır.
XİN başçısı bildirib ki, qaz kəmərlərinin ötürmə qabiliyyətini artırmaq üçün əlavə vəsait lazımdır, lakin Cənub-Şərqi Avropa ölkələri üçün onları tapmaq çətindir və Avropa Komissiyası bu təşəbbüsün maliyyələşdirilməsi sorğusunu təsdiqləməkdən imtina edir.
Bu səbəbdən, onun fikrincə, “şaxələndirməyə ən böyük əngəl Brüsselin özü və bəzi Aİ üzvləridir”.
Siyarto əlavə edib ki, Macarıstan boru kəməri və interkonnektor imkanlarını genişləndirmək üçün qonşuları və tərəfdaşları ilə əməkdaşlığı davam etdirəcək.
Mənbə: TASS

[rating-type-4]
{likes}
{dislikes}
[/rating-type-4]
Samir Şərifov: “Dövlətin parkinq və cərimələrdən pul qazanmaq niyyəti yoxdur”


İyulun 25-dən dövlət avtomobil yollarında təşkil edilmiş parklanma yerlərinə görə yeni ödəniş məbləğlərinin tətbiqi dövlətin pul qazanmaq niyyətini daşımır.

Bunu maliyyə naziri Samir Şərifov Milli Məclisin Hüquq siyasəti və dövlət quruculuğu, Müdafiə, təhlükəsizlik və korrupsiya ilə mübarizə, Beynəlxalq münasibətlər və parlamentlərarası əlaqələr və İnsan hüquqları komitələrinin birgə iclasında deyib.

Onun sözlərinə görə, cərimənin məqsədi hansısa düzgün olmayan fəaliyyəti müəyyən formada yasaqlamaqdır:

“Kim ki, bu qaydaları pozur, ona qarşı müəyyən cəza tədbirləri görülür. O cümlədən, parkinqlər məsələsi daha geniş bir konsepsiyanın tərkib hissəsidir. Bu konsepsiya ictimai nəqliyyatın təkmilləşdirilməsi məsələsinə xidmət edir”.

Qeyd edək ki, nazir bunu deputat Fazil Mustafanın parkinqlərlə bağlı iradına cavab olaraq bildirib.

Qeyd edək ki, hazırda küçə və yollarda Bakı Nəqliyyat Agentliyinin quraşdırdığı bildirişlər parklanma yerlərinin dövlətə məxsus olduğunu bildirir. Yəni mövcud olan və müvafiq yol nişanları ilə təmin edilən bütün küçə parklanma yerləri dövlətə məxsusdur. Özəl və küçədənkənar parklanma yerlərinin idarə olunması, ödəniş məbləği və digər qaydalarla bağlı qərarları mülkiyyətçi özü qəbul edə bilər.

XƏBƏR LENTİ

17:07

"Bizi aldatdılar ki, axşam çıxaracağıq, sabah çıxaracağıq..." - Bakı Sağlamlıq Mərkəzi adlı QƏSSABXANA...

16:46

Prezidentdən Əsgər Rəsulovla bağlı sərəncam

15:58

"SOCAR" yanacaqdoldurma məntəqəsində 70 litr benzin tutan maşının çəninə 83 litr benzini necə vururlar? - Göz görə görə cibimizə belə girirlər...

15:51

Dövlət Eyvaz İsmayılovun nazı ilə ÇOX OYNAYACAQ?

13:47

Sumqayıt məktəblərində direktorların işçilərinə qarşı qərəzli yanaşması gündəm edilir

11:20

BAŞ DİREKTOR VƏ MÜAVİNİNƏ BU İTTİHAM DA VERİLƏ BİLƏR - ŞOK İDDİA

10:50

Emin Əmirullayevin oliqarx balalarını yüksək vəzifələrə təyin etməsinin arxasında nə dayanır? - Yenə köhnə AB-HAVA?..

10:18

Şərikləri həbsdə olan “Teymuroğlu” MTK-nın sahibləri yenə də DİNC OTURMUR? - Məhkəməyə verildilər...

09:28

Rəşid Bədəlovun satınalma müqaviləsi bağladığı MMC-lər iki-üç aydan sonra niyə ləğv edilib? - İLGİNC FAKTLAR

21:46

Berlindən sonra səkkiz kənd: Mövcud variant - ŞƏRH

21:45

Berlindən sonra səkkiz kənd: Mövcud variant - ŞƏRH

16:48

Ziya Məmmədovun oğlu Londonda 2 milyon dollar zərərə düşüb

16:27

“Xaricdən alınan benzin əhaliyə 2 dəfə baha satır” – Ekspert qiymətləri açıqladı

15:57

Xalq artisti gənc həmkarlarına SƏSLƏNDİ: - "Musiqimizi bəsitləşdirməyin"

15:31

Saxta yolla ömürlük pensiya almaq istəyirdi, pulundan oldu... - MÜRACİƏT

14:42

Hakim Əli Məmmədov iki tikinti dələduzunu müdafiə edir - yeni ədliyyə nazirinə faktlar...

13:51

Azərbaycanda yeni fond YARADILDI

13:34

Ramin Abdullayevdən bezən gəncəlilər ədalət axtarışında: "Korrupsiya bitmir"

12:15

“Veysəloğlu Şirkətlər Qrupu”nun direktoru vəzifəsindən gedib - 2020-ci ildən bəir idi ki...

11:45

"Ziraat Bank Azərbaycan"ın İdarə Heyətinə yeni təyinat olub - BUNDAN SONRA...

11:03

Şərurda sakinlər buna görə NARAZILIQ EDİR - TƏFƏRRÜAT

10:27

"Kənd məhsulları" adı ilə aparılan oyunlar - "Kərə yağı" aldım "Sana" çıxdı

09:46

İLGİNC: Naxçıvan Ali Məclisinin sədr əvəzi Anar İbrahimov öz adamını işdən çıxartdı - “Səxavəti” başına bəla olan məmurun sonu

09:24

“Bank of Baku” 190 minlik evi 63 minə satıb... - BU NƏDİ BELƏ?!

09:08

Bacıoğluya güvənən dayı... Şəmkirdə QOÇULUQ EDİR - ÖZBAŞINALIQ!

22:49

“Fransa terrorizmin ən fəal tərəfdarıdır” - Ərdoğan

22:11

Sabah bu ərazilərdə qaz olmayacaq

21:41

Daha bir azyaşlı...

19:24

Dövlətin adından verilən evin pulunu hərbçilərə ödədirlər - Sərhəd Qoşunlarının ehtiyatda olan zabitindən ŞOK İDDİA

18:57

Eldar Əzizovun “tender camaşırxanası”: Mirzəyevlə Mehralıyevin “it yemi satınalması”

15:42

TALEH BƏŞİROV “PAT” VƏZİYYƏTİNDƏ - Əmlak məmuru yediyini nə uda, nə də qaytara bilir

15:04

Atatürkün layihəsi bu ölkədə həyata keçirildi - Bütün dünyaya örnək oldu - FOTOLAR

14:29

İlham Əliyev bu şəhərə 8.1 milyon manat pul AYIRDI

13:51

Britaniya yəhudi icmasını qorumaq üçün 91 milyon dollar ayıracaq