Sumqayıtda güllələnmə hadisəsində yaralanan Türkiyə vətəndaşı bu gün ölüb.

Ötən ay Sumqayıtda silahlı basqın zamanı yaralanan Türkiyə vətəndaşı Sərkan Karakaş bu gün xəstəxanada vəfat edib.

S.Karakaş ötən gün axşam saatlarında Türkiyədəki xəstəxanalardan birinə köçürülmüşdü.

Xatırladaq ki, oktyabrın 28-də saat 05:50 radələrində Sumqayıt şəhərinin Corat bağları yaşayış massivində yerləşən fərdi yaşayış evlərindən birində odlu silahdan açılan atəş nəticəsində 2 nəfər - Susana Karakaş və Dağbəyi Fərəcov ölüb, 4 nəfər isə xəsarət alıb. Susana Karakaş Sərkan Karakaşın həyat yoldaşı idi.

Məlumdur ki, ölkə vətəndaşları icbari tibbi sığorta ilə Xidmətlər Zərfinə daxil olub tibbi xidmətlərdən ödənişsiz istifadə edə bilərlər. Azərbaycan vətəndaşının tibbi xidmətə ehtiyacı yarandığı halda TƏBİB-in tabeliyindəki istənilən dövlət tibb müəssisəsinə, yaxud da Azərbaycan Respublikası Səhiyyə Nazirliyinin 9 elm­i-tədqiqat institutuna şəxsiyyət vəsiqəsi ilə müraciət etmək hüququna malikdirl­ər. Qeyd edək ki, tibb müəssisələrində insanlara ixtisaslı həkimlər tərəfindən lazımı tibbi xidmət göstərilir və tibbi zərurət olduqda təminata alınan bütün laborator, diaqnost­ik müayinələr, fizioterapiya, ambulator və stasionar (xəstəxanada yatış) tibbi xidmət ödənişsiz həyata keçirilir. Dövlətin rəsmi qərarında bu belə olduğu halda, İcbari Tibbi Sığorta xəstələrin müalicəsi mümkün olan, eyni zamanda xəstənin öz istədiyi dövlət xəstəxanalarına göndəriş vermir. Misal üçün deyə bilərik ki, bugünlərdə Beyləqan RMX-dan Həmidova Dürrü Şəmsəddin qızına Tibb Un­iversitetinin Tədris Cərrahiyyə Klinikasına göndəriş verməyiblər. Amma, İcbari Tibbi Sığortadan Dünyagöz Kl­inikasına, Badama, Brizelə və digər özəl klinikalara göndəriş verirlər. Bu da onunla bağlı olur ki, həmin özəl klinikal­arda işləyən həkimlə­rlə İcbari Tibbi Sığortada çalışanlar müəyyən işbirliyində olurlar. Hansı ki, mövcud qanunvericiliyə görə xəstə müalicə olunmaq istədiyi səhiyyə müəssisəsini seçməkdə sərbəstdir. Bütün bunlara baxmayaraq, bu gün də İcbari Tibbi Sığorta öz əməllərindən əl çəkmək istəmir. Qeyd edək ki, eyni aqibəti Ağacanova Səyyarə İsmayıl qızı da yaşayıb. Hansı ki, adı çəkilən bu xəstənin sağ gözü Tibb Univ­ersitetinin Tədris Cərrahiyyə Klinikasının göz şöbəsində əməliyyat olunub, hal-hazırda sol gözü də əməliyyat olunmalıdır.Fakt budur ki, bu gün də xəstənin öz seçiminə bir kimsə əhəmiyyət vermir. Niyə, nə səbəbə? Söz yox ki, bütün bunların hər biri insanları düşünd­ürən məsələlərdir.

Mənbə: GundemXeber.Az
Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...

Oktyabrın 7-dən bu yana Qəzzada 15 mindən çox insanı qətlə yetirən İsrail ordusunun ölən fələstinlilərin orqanlarını da oğurladığı iddia edilib.

Tibb mütəxəssisləri Qəzzada bəzi cəsədləri araşdırarkən qaraciyər, böyrək və ürək kimi həyati vacib orqanların əskik olduğu müəyyən edilib. Euro -Med Human Rights Watch təşkilatı İsrail ordusunu Qəzzada ölülərin orqanlarını oğurlamaqda günahlandırıb və müstəqil beynəlxalq araşdırmaya çağırıb.

Euronews-un məlumatına görə, Euro-Med Human Rights Watch təşkilatı verdiyi açıqlamada Qəzzada bəzi cəsədləri müayinə edən tibbi ekspertlərin hesabatlarından sonra Fələstin cəsədlərindən orqanların oğurlanması ilə bağlı narahatlıqların olduğunu bildirib. Təşkilat İsrail qüvvələrinin Qəzzanın şimalındakı Əl-Şifa və İndoneziya xəstəxanalarından və cənubdakı digər xəstəxanalardan onlarla cəsədi ələ keçirdiyini sənədləşdirdiyini iddia edib.

O, həmçinin qeyd edib ki, İsrail ordusu Əl-Şifa xəstəxanasının həyətində qazılmış kütləvi məzarlıqdan cəsədləri çıxarıb və müsadirə edib.

Tibbi ekspertlər tərəfindən müayinə edildikdən sonra qaraciyər, böyrək və ürək kimi həyati vacib orqanlar, eləcə də koklea və buynuz qişanın çatışmadığı aşkarlanıb və bu, potensial orqan oğurluğunun sübutu kimi qiymətləndirilib. Euro-Med-in məlumatına görə, Qəzzada müxtəlif xəstəxanaların həkimləri bildiriblər ki, orqan oğurluğu yalnız məhkəmə-tibbi ekspertiza ilə sübut edilə bilməz, çünki ölümdən əvvəl birdən çox cəsəd əməliyyat olunub.

Euro-Med həmçinin İsraili oktyabrın 7-dən Qəzzada apardığı hərbi əməliyyatlar zamanı həlak olan onlarla fələstinlinin cəsədini saxlamaqda ittiham edib. İsrailin ən azı 145 fələstinlinin cəsədini morqlarında, təxminən 255 fələstinlinin cəsədini isə İordaniya sərhədinə yaxın qeyri-ictimai ərazidə saxladığı iddia edilir.

Bu gün Mingəçevir şəhərində qeyri-adi yol qəzası baş verib.

Azdress qəsəbəsində “Hyundai Santafe” markalı avtomobil digər nəqliyyat vasitəsi ilə toqquşandan sonra sürücünün idarəetməsindən çıxıb. Nəticədə avtomobil yolun kənarındakı qapı-pəncərə mağazasına daxil olub.

İlkin məlumata görə hadisə yerində bir uşaq xəsarət alıb.

“Kanal 13” internet televiziyasının rəhbəri Əziz Orucov məhkəməyə çıxarılıb.

Səbail Rayon Məhkəməsində keçirilən iclasda iddianamə elan edilib.

İstintaq orqanının müstəntiqi və ibtidai araşdırmaya prosessual rəhbərlik edən prokuror təqsirləndirilən şəxsin həbs edilməsinin zəruri olduğunu deyiblər.

Müdafiə tərəfi ittihamı qəbul etməyib.

Hakimin qərarı ilə Ə.Orucov barədə 3 aylıq həbs qətimkan tədbiri seçilib.

Qeyd edək ki, Əziz Orucov dünən saxlanılıb. Onun evində axtarış aparılıb.

Kanal rəhbəri Cinayət Məcəlləsinin 188.2-ci (torpaq üzərində mülkiyyət, istifadə və ya icarə hüququnu pozma) maddəsi ilə ittiham olunur.

“Azər Türk Bank”la heç nə sifariş verməyin.

Tribunainfo.az yazır ki, bu barədə şikayətçi Mürsəl Mürsəlli bildirib. O qeyd edib ki, malı geri qaytarandan 30 gün sonra pulunuzu verirlər:

““Azər Türk Bank” kartıyla ödəniş edib “Trendyol”dan sifariş vermişəm. Sifariş iptal olanda digər banklardan fərqli olaraq “Azər Türk Bank” ödənişi 30 günə geri qaytarır. 2023-cü ildə bu hansı mərhələdir?
Eyni problem digər banklarda olanda anında ödəniş karta geri qayıdır. Sadəcə biabrçılıqdır”.

Mənbə: Tribunainfo.az

Bu ilin sentyabrında keçirilmiş antiterror tədbirləri zamanı şəhid olan hərbçilərimizin borcları ilə bağlı Azərbaycan Banklar Assosiasiyası toplantı keçirib və şəhid olanların bank borclarının silinməsi ilə bağlı qərar qəbul edib.

Qərarda bildirilib ki, şəhid olmuş hərbçilərimizin banklarda olan bütün növ kredit öhdəlikləri, onlara hesablanmış faizlər və digər ödəmələr tam həcmdə və yaralanmış hərbçilərimizin banklara olan kredit öhdəliklərinə 19 sentyabr 2023-cü il tarixindən 31 dekabr 2023-cü il tarixinə olan dövr ərzində hesablanan faizlər və digər ödəmələr bankların hesabına silinsin.

Maraqlıdır, şəhidlərin borclarının silinməsi hansı mərhələdədir?

Məsələni aydınlaşdırmaq üçün Azərbaycan Banklar Assosiasiyasına müraciət edib.

Assosiasiyanın sədri Zakir Nuriyev sorğumuza cavab olaraq bildirib ki, Müdafiə Nazirliyi və Daxili İşlər Nazirliyi tərəfindən bizə təqdim olunan siyahıda təqdim olunan bütün şəhidlərin banklara olan hər növ borcları tam şəkildə silinib.

O, silinən məbləğin nə qədər olduğunu açıqlamayıb.

“Təqdim edilən bütün şəhidlərin banklara olan hər növ borcları tam şəkildə silinib. Bu, bir az həssas mövzudur. Neçə nəfər olmasından, məbləğin nə qədər olmasından asılı olmayaraq, biz istəyərik ki, hamısının borcları silinsin”, - deyə Zakir Nuriyev vurğulayıb.

Qeyd edək ki, antiterror tədbirləri sentyabrın 19-20-də həyata keçirilib. Tədbirlər nəticəsində Qarabağdakı separatçı rejim təslim olub və özünü buraxmaq barədə qərar qəbul edib. Xankəndi, Xocalı, Xocavənd, Ağdərə, Əsgəran yaşayış məntəqələri Azərbaycan ordusunun nəzarətinə keçib.
Müdafiə Nazirliyinin məlumatında antiterror tədbirləri zamanı şəhid olan şəxslərin sayı 204 nəfərdir.(Modern.az)

“Araz” super-marketlər şəbəkəsinin mağazalarında satılan bəzi mallara endirim kampaniyaları tətbiq olunur. Endirim elanları hətta radio verilişlərinin içində reklam kimi səsləndirilir və səsgücləndirici qurğular vasitəsilə mağazaların salonunda müştərilərə də eşitdirilir.

Hərçənd, hər şey heç də göründüyü, göstərildiyi kimi deyil. Bu günlərdə redaksiyamıza müraciət edən müştəri bildirir ki, “Araz” marketlər şəbəkəsinin Bakı şəhəri, Azadlıq prospekti – 103 ünvandakı mağazadan toplam qiyməti 42.60 AZN təşkil edən bir neçə adda məhsul, o cümlədən, 5 kq-lıq bağlamada “Ariel” yuyucu tozu alıb. Müştərinin mağazanın içində çəkdiyi fotoşəkildən bəlli olur ki, yuyucu tozun 5 kq-lıq bağlamasının qiyməti 30.99 AZN-dən 15.99 AZN-ə endirilib. Müştəri malları alıb evə qayıdandan sonra mağazanın kassasından verilən qəbzə baxıb görüb ki, yuyucu toz ona 15.99 AZN-ə deyil, 21.99 AZN-ə satılıb. Beləliklə, müştəri 6 AZN aldadılıb.

Məsələ ilə əlaqədar “Araz” super-marketlər şəbəkəsinin aid olduğu “Veysəloğlu” Şirkətlər Qrupunun ictimaiyyətlə əlaqələr müdiri Pərvanə xanımla vatsapp vasitəsilə əlaqə saxladıq. İlk əvvəl şirkət rəsmisi problemi sistem xətası kimi təqdim etməyə çalışdı: “Bunların elanı artıq mağazalarda gedir radioda. Endirim çox olduğu üçün kassada sistemi dəyişməyə ləngiyir əməkdaşlar. Çeki dərhal təqdim etsinlər, dəyişsinlər”. Öz növbəmizdə bildirdik ki, hər şeyi olduğu kimi dərc edəcəyik, hadisəni də, onun verdiyi izahı da. Pərvanə xanım əvvəlcə “lazım deyil, Siz soruşdunuz, mən cavab verdim”, sonra isə “özünüz bilin” dedi və ardından həmin müştəriyə ünvanladığı belə bir tövsiyəsini çatdırmağı bizdən xahiş etdi: “Siz o müştəriyə deyin ki, çeki əlinə götürüb “Nəşriyyat”ı gəzənə qədər mağazada pulunu geri alsın. Ya da o müştəri Siz özünüz deyilsəniz”.

Pərvanə xanım bizə vatsap vasitəsilə mağaza əməkdaşının səsini də göndərdi: “Burda heç bir problem yoxdur, qiymətlər doğru keçir. 30 AZN-lik çek tamamlananda məhsul endirimə düşür. Burda 30 AZN endirimdə olan “Ariel”lə bir yerdə tamamlanıb. Elə olmalı deyil. Yəni, digər məhsulların cəmi qiyməti 30 AZN olmalıdır ki, “Ariel” endirimə düşsün. Burda heç bir qiymət fərqi yoxdur. Yəni, “Ariel”in normal qiyməti 21.99 AZN-dir, həmin qiymətlə də keçib, burda heç bir səhv yoxdur. 21.99 AZN-ə olan mal ümumiyyətlə, endirimdə olan mal deyil, endirimdə olan 5 kq-lıq maldır. 21.99-a olan 3 kq-lıq “Ariel”in qiymətidir”.

Bunun ardından şirkət rəsmisinin növbəti mesajı gəldi: “Ariel” məhsulundan 30 AZN-lik alanı nəzərdə tutur. Bu endirim “Araz”ın yox, “Ariel”in verdiyi endirimdir. Məhsul istehsalçısı öz məhsulundan daha çox sata bilmək üçün həvəsləndirici qiymət endirimi qoyub bizim mağazada. Siz səhv malı müqayisə edirsiniz. Endirim 5 kililuq “ariel”ədir, çekdəki 3 kq olan məhsuldur. Adam görmür ki, məhsul 3 kiloluq götürür, ya 5 kiloluq?”

Belə çıxır ki, “Araz” super-marketi“Ariel” yuyucu tozunun 5 kq-nı 15.99 AZN-ə, 3 kq-nı 21.99 AZN-ə satır? Hansı avam müştəri bu fürsəti qaçırar? Buradan belə nəticə hasil olur ki, “Araz” super-marketlər şəbəkəsi həm müştərini, həm də “Ariel” yuyucu tozunu onlara satdıran distribütoru da aldadır. Axı, “Araz”a kim ixtiyar verib ki, “Ariel”in etdiyi endirim hesabına müştəriyə özünün 30 AZN-lik digər məhsulunu sırısın?

Əgər müştəri doğrudan da 5 kq götürübsə, kampaniya indi də qüvvədədir 5 kq üçün, pulun qalığını alsın.

Noyabrın 28-də Amerika Birləşmiş Ştatlarının və Almaniyanın müvəqqəti işlər vəkilləri, habelə Fransanın fövqəladə və səlahiyyətli səfiri ayrı-ayrılıqda Xarici İşlər Nazirliyinə (XİN) çağırılıblar.

XİN-dən “Qafqazinfo”ya verilən məlumata görə, görüşlərdə bu ölkələrdə qeydiyyatda olan təşkilatların iştirakı ilə “AbzasMedia” xəbər portalının qeyri-qanuni maliyyə əməliyyatları həyata keçirdiyi, eləcə də sözügedən ölkələrin səfirliklərinin də bu fəaliyyətə cəlb olunduğu diqqətə çatdırılıb və bu fəaliyyətə ciddi etiraz bildirilib.

“ABŞ-ın Beynəlxalq İnkişaf Agentliyinin, FreedomNow, New Democracy Fund və digər təşkilatların qrant verilməsi qaydalarını pozaraq maliyyə resurslarının Azərbaycan ərazisinə qanunsuz yolla transferini həyata keçirdikləri, “AbzasMedia”nın fəaliyyətinə qanundan kənar töhfələr verdikləri qeyd olunub.

Qrant fəaliyyəti və qrant müqavilələri haqqında Azərbaycan Respublikasının qanunvericiliyə əsasən qrant müqavilələrinin müvafiq prosedura uyğun olaraq dövlət qeydiyyatına alınmasının tələb olunduğu, qeydiyyatı həyata keçirilməyən layihələrə maliyyə ayrılmasının ölkə qanunvericiliyinin ciddi pozuntusu olduğu vurğulanıb.

Bununla yanaşı, beynəlxalq təcrübəyə uyğun olaraq, Media haqqında Azərbaycan Respublikasının Qanununa əsasən, yerli media subyektinin xarici ölkələrin fiziki və ya hüquqi şəxsləri, habelə xarici ölkələrin dövlət qurumları tərəfindən maliyyələşdirilməsinə yol verilmədiyi xatırlanıb.

Sözügedən ölkələrin səfirliklərinin və onlara məxsus təşkilatların ölkəmizin ərazisində qeyd edilən qanunvericiliyə zidd hərəkətləri Diplomatik əlaqələr haqqında Vyana Konvensiyasının da pozuntusu olduğu qeyd edilib.

Azərbaycan tərəfi ölkəmizin qanunvericiliyinə zidd olan və ölkənin daxili işlərinə qarışmaq məqsədi daşıyan bu fəaliyyəti şiddətlə qınayıb və sözügedən faktlarla əlaqədar milli qanunvericiliyə uyğun olaraq müvafiq tədbirlər görmək hüququnu özündə saxladığı diqqətə çatdırılıb”, - XİN-in məlumatında qeyd olunub.

"Şikayətim "World Telecom"dandır.

Nə etmək istəyirlər başa düşə bilmirəm...

Hər ay 91 manat aylıq ödəniş məbləğinin maaşı günü dəyişməsi ilə əlaqədar 30 manat əskik ödəmişəm və bu hal ilə bağlı ödəniş günündən əvvəlcə telecomla əlaqə saxlayıb məlumat vermişəm.Ödənişdən bir gün sonra isə, verilən əlaqə nömrələrinə yığıb ödəniş etmədiyimi deyiblər.

Bu nə demək olur? Özlərinə şikayət xarakterli yazıram cavab vermirlər.1 günlük 30 manat gecikmə gününə görə valideynlə əlaqə nə deməkdir axı?

Mənə zəng etməmiş birbaşa əlaqə nömrəsinə yığmaq nə deməkdir axı?

Qətiyyən məsləhət görmürəm heç kəsə!"

Mənbə: "Müştərinin səsi" SQ
Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...