[rating-type-4]
{likes}
{dislikes}
[/rating-type-4]
Fedek tikinti şirkəti tarixi binanı SÖKÜR: Nəsimi Rayon İH-i isə buna GÖZ YUMUR


2017-ci ildə Fedek tikinti şirkəti Nəsimi rayon İcra Hakimiyyətindən icazə alaraq, Bakıda Azadlıq küçəsi, 80 ünvanında yerləşən memarlıq abidəsi olan yaşayış binasını söküb. Bina 1935-ci ildə məşhur Sovet memarı Konstantin Sençixinin layihəsi əsasında tikilmişdi, hələ uzun müddət Bakının bəzəyi ola bilərdi, el arasında “Mütəxəssislər Evi” adlandırılırdı. Bu binanın yanında “Aktyorlar Evi” var idi.

“Mütəxəssislər Evi”ndə müxtəlif elm sahələrinin ən yaxşı gənc mütəxəssisləri – uzun illər Politexnik İnstitutun prorektoru vəzifəsində işləmiş İlsam Yusifov, memar Ənvər Kazımzadə, professorlar Aydın İmaməliyev, Nurəddin Rzayev, Gülzar İmaməliyeva, Şamil Quliyev, Əhməd Hacıyev, həkim Emin Əfəndiyev və başqaları yaşayırdı.

Bu binanı qoruyub saxlamaq yerinə, şəhər hakimiyyəti tarixi tikilini Bakının yenilənməsi layihəsi əsasında söküləcək binalar siyahısına daxil edib. Bu layihənin mahiyyəti sağlam və keyfiyyətli yaşayış evlərini sökərək, yerində özəl şirkətlərin gəlirli çoxmərtəbəli simasız binalar tikib, böyük miqdarda pul qazanmasından ibarətdir. Sakinlərə yeni evlərdə mənzil vəd ediblər, vətəndaşlarla çox sayda müqavilələr bağlanıb. Həmin vaxtdan etibarən onlarla Bakılı ailəsi mənzilsiz qalıb və onlara yeni bina tikilənə qədər vəd edilmiş müvəqqəti kirayə haqqı ödənilməyib.

Azadlıq küçəsi, 80 ünvanındakı binada yaşayan tarixçi Nigar Maksvell Turan-a bildirib ki, itaət göstərməyən sakinlər razılıqları belə alınmadan mənzillərindən qovulublar. Onlara yığışmaq üçün bir neçə həftə vaxt verilib.

Fedek tikinti şirkəti Naxçıvanın Kəngərli kəndində 10 manat nizamnamə balansı ilə qeydiyyatdan keçib.

“Biz tam altı ildir mənzillərimizə yerləşmək deyil – çünki onlar heç yoxdur, – amma ən azından, evimizin aqibətini öyrənmək üçün çırpınırıq”, deyə N.Maksvell yazır.
Fedek tikinti şirkəti tarixi binanı SÖKÜR: Nəsimi Rayon İH-i isə buna GÖZ YUMUR
Fedek tikinti şirkəti tarixi binanı SÖKÜR: Nəsimi Rayon İH-i isə buna GÖZ YUMUR

llər boyu Azadlıq 80 ünvanında tikilən ev

İyulun 24-də KİV rejissor, Azərbaycanın xalq artisti, Ankaradakı Qazi Universitetinin professoru Əflatun Nemətzadənin prezident İlham Əliyevə evin taleyini həll etmək xahişi yer alan müraciətini dərc edib. Bu nəşrdən sonra prezident Nemətzadənin işinə baxılması haqqında göstəriş verib, amma ümumilikdə binanın aqibəti hələ də sual altında qalıb. “Doğrudur, bir qədər qorxmuş İcra Hakimiyyəti başçısı Asif Əsgərov ev sakinləri ilə görüşüb. Sakinlərə bütün tələblərini təmin etməyi, habelə kirayə haqqı borclarını ödəməyi, mülkiyyət hüququmuzu göstərən yeganə sənəd olan köhnə qəbalə kağızlarını saxlamağı vəd ediblər. Bu gün təqvimdə 2022-ci ilin avqustudur. Evdən köçürüldüyümüz tarixdən, demək olar ki, altı il keçir. Bu müddət ərzində bəzi sakinlər yeni mənzillərə köçməyi gözləmədən, bu dünyanı tərk edib”, deyə N.Maksvell bildirib.

Turan Bakının Nəsimi rayon İcra Hakimiyyətinə zəng edib, buradan tikinti şirkətinə müraciət etməyi məsləhət görüblər, sakinlərlə müqavilələri tikinti şirkətinin bağladığını, suallara da onların cavab verməli olduğunu bildiriblər.

Fedek şirkətinin meneceri Ramil Qasımov N.Maksvellin iddialarını qəti inkar edib, Turan-a evin tikintisinin uğurla davam etdiyini və bir il sonra başa çatacağını bildirib. R.Qasımovun sözlərinə görə, sökülmüş binanın bütün sakinləri vaxtlı-vaxtında müqavilə üzrə ödənişləri alırlar, mətbuata isə «2-3 müti” şikayət edir.

Amma sakinlərə inanmaq üçün əsas var. 2021-ci ilin yanvarında Turan Fedek şirkətinin Azadlıq küçəsi, 80 ünvanındakı binanın sakini Həmid Əfəndiyevin ev əşyalarını məhv edən işçilərinin zorakılığı haqqında yazmışdı. 2018-ci il mayın 16-da ev sahiblərinin evdə olmamasından istifadə edən işçilər qarajı və Əfəndiyevin qarajda olan əmlakını məhv ediblər. O, dörd otaqlı, zirzəmisi olan mənzilini çoxmərtəbəli bina tikmək üçün bütün binanı sökmək niyyətində olan bu şirkətə verməkdən imtina edirdi.

Sonradan qonşu mənzillər və binanın çardağı və Əfəndiyevin birinci mərtəbədə yerləşən mənzilinin üzərindəki bütün mərtəbələr söküldü. İnşaatçılar Əfəndiyevə məxsus 14 rəsm əsərini oğurlamışdılar. O, rəsmlərdən birini Fedek-in ofisində görüb və polis vasitəsilə qaytarıb.

16.03.2020-ci il tarixində Bakının Apellyasiya Məhkəməsi iddiaçı Həmid Əfəndiyevin tikinti şirkətinə qarşı şikayətinə baxıb və birinci instansiya məhkəməsinin Fedek şirkətinin üzərinə 37,5 min manat ölçüsündə maddi ziyanı ödəmək öhdəliyi qoyan qərarını qüvvədə saxlayıb (iddiaçı 80 min manat tələb edirdi).

Məhkəmənin qərarı icra edilməyib, Əfəndiyevin Nəsimi Rayon Məhkəməsinə çoxsaylı müraciətlərinə cavab olaraq ona deyiblər ki, Apellyasiya Məhkəməsinin qərarı itirilib, qərarın icrasına görə kimin məsul olduğu məlum deyil.

25 dekabr 2020-ci il tarixində isə tikinti şirkətinin sahibi Nicat sakinlərə açıq şəkildə mənzillərini Fedek-in mülkiyyətinə verənə qədər oraya daxil ola bilməyəcəklərini bildirib.

Fedek şirkəti Bakıda istədiyini edir, məhkəmədən isə qorxmur. Bununla belə, vətəndaşların məhkəməyə müraciəti hüquqlarını müdafiə etmələrinin yeganə konstitusion yoludur. Turan agentliyinin redaksiyası bina sakinlərinə bu hüquqlarından faydalanmağı məsləhət görür.
[rating-type-4]
{likes}
{dislikes}
[/rating-type-4]
ZAKİR QARALOVUN "AKKORD"-çuları CİNAYƏT TƏQİBİNƏ CƏLB OLUNACAQLAR?- TƏFƏRRÜAT


"Bəzi hallarda bəzi xırda səviyyəli məmurlar özlərini elə aparırlar ki, sanki bütün dünya bunlara borcludur. Özlərini ağa kimi, xan kimi aparırlar, insanlara yuxarıdan aşağı baxırlar. Mən dəfələrlədemişəm ki, Prezident başda olmaqla, bütün dövlət məmurları xalqın xidmətçisidir. Ancaq əfsuslar olsun ki, bir çox hallarda, bəzi hallarda yox, bir çox hallarda dövlət məmurları özlərini apara bilmirlər. Onlar hesab edirlər ki, onlara hansısa xüsusi imtiyaz verilib. Onlar qanunları pozurlar, bəzi hallarda çox ciddi pozurlar.

Cəmiyyətimizdəformalaşmış ənənəvi davranış qaydalarını pozurlar. Özlərini xalqdan yuxarıda hiss edirlər, təkəbbürlə yanaşırlar. Ona görə beləhallar mənə məruzə ediləndə dərhal müvafiq göstərişlər verilir və bu insanlar ya inzibati qaydada cəzalandırılır, ya da ki, cinayət məsuliyyətinə cəlb edilir. Əgər əyri yolla getsəniz, onda qanun qarşısında cavab verəcəksiniz”.

Prezident İlham Əliyev

“Magna Trans” MMC-dəki fırıldaq əməllərinin finalı?

Zakir Qaralovun baş prokurorluğu dövründə himayədarlıq etdiyi “AKKORD” ASC-nin direktoru Bürhan Həmidovun ətrafına topladığı mütəşəkkil dəstə üzvləri iləiş adamı-sahibkar Ağasəf İsmayılovun təsis etmiş olduğu “Magna Trans” MMC-nin 79 ədəd avtobusunu sənədləri saxtalaşdırmaqla satıb pulları mənimsəmələri, digər əmlakının talamaları, sərnişindaşımadan yığılan külli miqdarda pul vəsaitinin hesabatdan, o cümlədən vergidən gizləməklə mənimsəmələri və həmin qanunazidd əməlləri bu günlərdə dədavam etmələri barədə mətbuatda yazı dərc edilmişdi.

Həmin faktlarla bağlı araşdırmaların davamını təqdim edirik.

HAŞİYƏ: əvvəlki, yazılarda göstərmişdik ki, iş adamı Ağasəf İsmayılov 2010-cu ildə özü qurub yaratdığı “Magna Trans” MMC-nin fəaliyyətini nümunəvi və rentabelli bir şirkət səviyyəsinə çatdırdıqdan sonra, müəssisənin təsərrüffat işlərinin rəhbərliyini onun inamını qazanmış digər həmtəsisçi Həmidov Bürhan Əhməd oğlunun öhdəsinə buraxır.

Həmin dövrdə “AKKORD” ASC-nin direktoru olan Bürhan Həmidov müəssisəni idarəetməni ələ alan vaxtdan, sonradan sübuta yetirildiyi kimi, şirkətin əmlakını əlaltından talamaq, varidatını satıb, pullarını mənimsəməyi qərara alır və bu niyyətinə asan yolla nail olmaq üçün “AKKORD”da idarə rəisi işləyən “öz adamı” Ağayev Mirzahid Mirsahib oğlunu ikinci vəzifəyə - “Magna Trans” MMC-nin direktoru vəzifəsinəgətirir və özü ilə yeznə-qayın kimi qohum olan, Göyçay rayonu sakini Hacıyev Namiq Gülosman oğlunu da üçüncü həmtəsisçi kimi “işbirliyinə” cəlb edir. Beləliklə, Bürhan Həmidov etimadını-etibarını qazandığı, dost deyib güvəndiyi Ağasəf İsmayılova “qardaş sən narahat olma, hər şey yaxşı olacaq” deməklə, onu inandırır, özü isə, “sən arxayın, mən xain” prinsipi ilə, şirkətidə işləyən vəkənardan özünə yaxın bir neçə şəxdən ibarət mütəşəkkil bir dəstə yaradaraq planlaşdırdığı çirkin əməllərini həyata keçirməyə başlayır.

Bir zaman Ağasəf İsmayılova məlum olur ki, Bürhan Həmidovla direktor Mirzahid Ağayev sənədləri saxtalaşdırma yolu ilə şirkətin avtobuslarının bir hissəsini 213 saylı marşrutqarışıq satmışlar.

Bu səbəbə etdiyi sorğuya Ağasəf İsmayılova DİN BDYPİ-dən aldığı 26875/2020 №-li sənədlə “Magna Trans” MMC-nin mülkiyyətində olan avtobuslardan 21 ədədinin satıldığı təsdiqlənir.

Bundan başqa, Ağasəf İsmayılovun bankdan aldığı arayışlardan müəyyən olur ki, 21 ədəd avtobusun satışından əldə olunan və sərnişindaşımadan gündəlik yığılan pullar MMC-nin bank hesabına mədaxil edilmədən hesabatdan gizlədilərək mənimsənilmişdir.

“Magna Trans” MMC-də etdiyi maxinasiyalara dair soruşanda Burhan Həmidov bütün bu əməlləri vergidən yayınmaq üçün etdiyini bəhanə gətirir. Ağasəf İsmayılov isə, etiraz edir ki, hər bir halda vergi ödənilməlidir, məsuliyyəti biz daşıyırıq. Daha sonra isə, qeyri-qanuni yolla satılmış 21 ədəd avtobusun dərhal şirkətə qaytarılmasını və birlikdə MMC-də ümumi yoxlama aparmağı tələb etdikdə, Bürhan Həmidov özünün də bu işlərdən «bixəbər» olduğunu bildirərək, «məsələni yoluna qoymaq üçün» ondan vaxt istəyir.

Lakin, elə həmin gündən Bürhan Həmidov sözün əsil mənasında itir vəAğasəf İsmayılovun poçt vasitəsi iləçoxsaylı həmtəsisçi sorğularına, telefon zənglərinə, sms yazışmalarına və məsələni araşdırmaq üçün digər rəsmi təkliflərinə Bürhan Həmidovun cavab verməməsi, onunla üz-üzəgəlməkdən yayınması bir daha təsdiq edir ki, MMC-nin avtobuslarını sənədləri saxtalaşdırmaqla satıb pulları mənimsəyən, digər əmlakını talayan, xidmətdən yığılan pulları oğurlayan məhz Bürhan Həmidov özü və onun təşkil edib başçılıq etdiyi mütəşəkkil dəstə üzvləridir.

Hazırda Bürhan Həmidov haqqında Bakı şəhəri Nərimanov rayon İcra şöbəsi axtarış elan etmişdir.

“Magna Trans” MMC-nin fəaliyyəti iləbağlı bütün məsuliyyəti daşıyan – MMC-ni talayıb viran qoymaq məqsədi ilə 10 il müddətdə bütün sənədləri imzalayıb-möhür vuran direktor (qanuni təmsilçi) Mirzahid Ağayevdən hesabat tələb edəndə, o, təsisçi Ağasəf İsmayılova “heç nədən xəbərim yoxdur” deyərək, MMC-yədair maliyyə hesabatı sənədlərini təsisçiyə təqdim etməkdən imtina edir və onunla üz-üzə gəlməkdən qaçır. Bu adamın hansı məqsədlə «direktor»luğa gəlməsi, vəzifədən azad edilməsi, daha doğrusu aradan çıxmaq məqsədi ilətəsisçi Ağasəf İsmayılova yazdığı 21.09.2020-ci il tarixli ərizədən bilinir, sitat: «...işlədiyim 10 il müddətdəmənə heç bir əməkhaqqı ödənilməmişdir».

Bürhan Həmidovla Namiq Hacıyevin və direktor Mirzahid Ağayevin “Magna Trans” MMC-nin fəaliyyəti iləbağlı qanunazidd əməllərinə aydınlıq gətirmək məqsədi ilə, sahibkar Ağasəf İsmayılov üz tutur aidiyyəti dövlət vədigər qurumlara.

Vergılər Nazırlıyınin və 2 Saylı Ərazi Vergilər Baş İdarəsinin vergi cinayətlərinə biganəliyi nədəndir?

İlk öncə, bankdan aldığı çıxarışlardan təsisçi Ağasəf İsmayılova məlum olur ki, 2010-20-ci illər üzrə “Magna Trans” MMC-nin fəaliyyəti ilə bağlı pul vəsaiti banka mədaxil edilmir, hesabatdan gizlədilir ki, nəticədə külli miqdar məbləğ vergiyə cəlb olunmamış, məcburi dövlət sosial sığorta haqlarını ödəməkdən yayındırılmışdır, yəni cinayət yolu iləmənimsənilərək talanmışdır və indi dədavam etdirilir.

Bu səbəbə, iş adamı Ağasəf İsmayılov təsisçi hüququna malik olduğu “Magna Trans” MMC-nin müvafiq sənədlərinin ona verilməsi üçün müraciətinə 2 saylı Ərazi Vergilər Baş İdarəsində imtina edərək, bildirirlər ki, bu «kommersiya sirridir».
QARALOVUN HİMAYƏT ETDİYİ ŞƏBƏKƏNİN ŞOK ƏMƏLLƏRİ - “AKKORD”-çular “Magna Trans” MMC-ni necə çökdürüblər? » IFADETV.COM - İfadə İnformasiya Agentliyi
Lakin, 2 saylı Ərazi Vergilər Baş İdarəsi “Magna Trans” MMC-dətörədilmiş və indi də törədilən vergi iləbağlı cinayət əməlləri barədəsahibkarın-vətəndaşın rəsmi müraciətinə vəzifə məsuliyyətsizliyi göstərirlər. Vergilər Nazirliyinəmüraciətinə isə, Bakı şəhəri Kiçik Sahibkarlıqla İş üzrə Baş İdarəsi bildirir ki, «...24.04.2020-ci il tarixli 2017010021945700 nömrəli müraciətinizə qanunla müəyyən edilmiş müddətdə baxılacaq və nəticəsi barədə Sizə məlumat veriləcəkdir». Nəbaxılır, nə də ki, məlumat verilir. Səbəb həmin MMC-nin «altını-üstünəçevirən» Bürhan Həmidovun üzərindəsabiq baş prokuror Zakir Qaralovun kölgəsinin olması idimi?

Sahibkar isə deyir ki: “MMC-nin hesabları üzrə bankdan çıxarışı alsa, vergi orqanı görər ki, dediklərim düzdür”.

Abşeron rayon prokurorluğu cinayət hadisələrinə dair şikayəti niyə vergi orqanına ötürmüşdür?

Mütəşəkkil dəstə üzvləri tərəfindən sənədləri saxtalaşdırma yolu ilə“Magna Trans” MMC-nin atobuslarını, digər əmlakını satıb dəyərini ələ keçirmə, özbaşınalıq, dələduzluq, mənimsəmə, özgəəmlakını talama, külli mqdarda pul vəsaitini oğurlama əməllərinin törədilməsi barədə Ağasəf İsmayılovun 02.02.2021-ci il tarixli şikayətini Baş Prokurorluq “baxılması və nəticəsi barədə şikayətçiyə bildirilməsi” göstərişi ilə (№ 21-090-01-01-006812) Abşeron rayon prokurorluğuna göndərir.

Abşeron rayon prokuroru Qabil Qasımovun imzaladığı 201-Ş-21 №-li məktubda şikayətçiyə bildirilir ki, “müraciət araşdırılması üçün” 2 Saylı Ərazi Vergilər Baş İdarəsinə(Sumqayıt ş.) göndərilmişdir. Cinayət hadisələri ilə bağlı şikayətinin Baş Prokurorluğun “araşdırmaq” göstərişinə əməl etmədən vergi orqanına ötürülməsi, vətəndaşda təəccüb doğurduğu üçün, eyni məzmunlu şikayətlə təkrarən Baş Prokurora müraciət edir.
İkinci şikayəti də Baş Prokurorluq “yoxlanılması üçün” (№21-0090-01-01-022691) təkrarən Abşeron rayon prokurorluğuna göndərsə də, heç bir tədbir görülmür, heç şikayətçiyə cavab da verilmir. Sahibkar Ağasəf İsmayılov şikayətlərinin nəticəsini öyrənmək məqsədi ilə prokurorluğa və vergi orqanına müraciət edir.

2 Saylı Ərazi Vergilər Baş İdarəsindən (№210202041783700) bildirilir ki,“Abseron rayon prokurorluğundan 18.02.2021-ci il tarixli, 201-9-21 sayll məktub bas idarəyə daxil olmamışdır”. Abşeron rayon prokurorluğu isə ümumiyyətləcavab verməmişdir.

Baş Prokurorluğun “araşdırmaq, yoxlamaq” göstərişi ilə gəlmiş şikayətləri Abşeron rayon prokuroru “araşdırılması üçün” vergi orqanına guya göndərməsi nə ilə izah oluna bilər? Əminik ki, qanunvericiliyin tələblərini prokurora sadalamağa ehtiyac yoxdur. Bircə onu qeyd edirik ki, prokuror köməkçisi Tural Maqsudov 3 aydan artıq icraatında olan şikayətlə bağlı 23.04.2021-ci il tarixdə prokurorluğa gəlmiş Ağasəf İsmayılovun heç izahatını da almır, sadəcə dinlədikdən sonra, “məsləhətləşib mütləq sizə zəng edəcəm” vədi ilə yola salır. Məsləhətləşmənin nəticəsi isə, o oldu ki, şikayətçiyə zəng etməyi söz verən prokuror köməkçisindən bir daha səs çıxmadı.

İş adamı Ağasəf İsmayılov isə bildirir ki, “yoxlanılması Baş Prokurorluqdan tapşırılmış, cinayət hadisələri ilə bağlı şikayətlərimi araşdırmaq əvəzinə Abşeron rayon prokuroru niyə “araşdıdlması üçün” vergi orqanına yollayır? Daha doğrusu, guya yollayır. Çünki, 2 saylı Ərazi Vergilər Baş İdarəsi rəsmi olaraq bildirir ki, elə bir məktub prokurorluqdan idarəyədaxil olmayıb. Prokuror kimi aldadıb, məni, yoxsa öz rəhbərliyini? Kimə qulluq edir: dövlətə-qanuna, yoxsa...”

Sabunçu rayon prokurorluğunun müstəntiqi cinayət işini niyə«yerində saydırır»?

Bürhan Həmidovun ətrafına topladığı mütəşəkkil dəstə üzvləri ilə “Magna Trans” MMC-də özgənin əmlakını ələkeçirməklə mənimsəmə, külli miqdarda pul vəsaitinin hesabatdan gizləməklə oğurlama və digər qanunazidd əməllər barədə iş adamı Ağasəf İsmayılov Daxili İşlər nazirinədə şikayətlə müraciət etmişdi.

Həmin şikayət əsasında DİN Bakı ŞBPİ Sabunçu RPİ-nin İstintaq Şöbəsində 04.11.2021-ci il tarixdəCinayət Məcəlləsinin 178.3.2. (dələduzluq cinayəti) maddəsi ilə210050957 №-li cinayət işi başlanılmışdır. Ağasəf İsmayılov həmin cinayət işi üzrə zərərçəkmiş şəxs qismində tanınmışdır.
Sabunçu RPİ İstintaq Şöbəsindəaparılmış zəruri istintaq hərəkətləri nəticəsində, cinayət işi daha ağır maddə ilə nəzərdə tutulmuş -
mənimsəmə və ya israf etmə, yəni təqsirkara etibar edilmiş külli miqdarda özgə əmlakını talama - cinayət əməlləri törədilməsinə görəCinayət Məcəlləsinin 179.3.2. maddəsinə tövsif olunaraq, aidiyyəti üzrə davam etdirilməsi üçün Sabunçu rayon prokurorluğuna verilmişdir.

Lakin, Sabunçu rayon prokurorluğunun müstəntiqi Tural Mürsəlov bu ilin mart ayında cinayət işini icraatına qəbul etmiş olsa da, uzun müddət iş üzrə heç bir istintaq hərəkətləri aparmadan özündə saxlayır. Təkcə onu demək yetər ki, 5 ay ərzində iş üzrə zərərçəkmiş şəxs Ağasəf İsmayılovun vermiş olduğu əsaslı vəsatətlər bir-birinin eynisi olan şablon qərarlarla təmin edilmir. Əslində isə zərərçəkmiş şəxsin iştirakı ilə aparılması qaçılmaz və mütləq olan istintaq hərəkətləri yetərincədir.

Bu halda isə Abşeron rayon prokurorluğunun “Magna Trans” MMC-də baş verən cinayət əməllərinədair şikayətləri vergi orqanına ötürməsi yada düşür. Və, haqlı olaraq sual yaranır ki, aidiyyəti üzrə davam etdirilməsi üçün icraatına verilmiş cinayət işini “dalana salmaq” üçün, bəlkə Sabunçu rayon prokurorluğunun müstəntiqi Tural Mürsəlov yollar axtarır?

Elə deyilsə, sabiq baş prokuror Zakir Qaralovun himayədarlıq etdiyi “AKKORD” ASC-nin sabiq direktoru Bürhan Həmidovavə onun mütəşəkkil dəstə üzvlərinə Sabunçu rayon prokurorluğunun bu qədər qayğıkeşlik göstərməsi nədən irəli gəlir? Qoy bu deylənləri biz əsaslandıraq kimsə təkzib etsin.

Zərərçəkmiş Ağasəf İsmayılovun ötən 5 ay ərzində dəfələrlə prokurorluğa gələrək şifahi və yazılı olaraq zəruri istintaq tədbirləri keçirməklə bağlı tələblərini müstəntiq Tural Mürsəlov müxtəlif bəhanələrlə: “qarşı tərəf ərizəyazıb ifadə verməkdən imtina edir”, “üzləşməyə gəlmir”, “qarşı tərəf dəşikayətçidir”, “burda nə var ki, beləçox gəlib-gedirsən”. Bircə onu demək yetər ki, elə zəruri istintaq hərəkətləri var ki, onların hər biri işin mahiyyətinətam aydınlıq gətirər. Müstəntiq Tural Mürsəlov isə, öz hərəkətləri ilə açıq-aşkar qarşı tərəfə sözün əsil mənasında vəkillik edir. Fikir verin ki, mart ayından indiyə kimi, prokurorluğa sözün əsl mənasında “cığır açmış” zərərçəkmiş şəxsi bu müstəntiq necəaldadıb.

Müstəntiq Tural Mürsəlovdan cinayət işinin gedişatı barədə heç bir məlumat ala bilməyən zərərçəkmiş şəxs məcbur olaraq ölkənin İnsan Hüquqları üzrə Müvəkkilə(Ombudsman) müraciət edir.

Və oradan aldığı 22.07.2022-ci il tarixli məktubda bildirilir ki, “müraciətinizlə əlaqədar tərəfimizdən edilmiş sorğuya Baş Prokurorluqdan bildirilmişdir ki, Sabunçu rayon prokurorluğu 19 may 2022-ci il tarixli qərarla iş üzrəicraatı AR CPM-nin 53.1.1. maddəsinə əsasən dayandırmışdır.

İcraatın dayandırılması haqqında 19 may 2022-ci il tarixli qərar əsassız olduğundan Baş Prokurorun Birinci müavini təfindən 04 iyul 2022-ci il tarixli qərarla ləğv olunaraq istintaq davam etdirilir”.

Prosessual qaydalara görə icraatın dayandırılması ilə bağlı qərarın surətini zərərçəkmiş şəxsə də təqdim etmək müstəntiq Tural Mürsəlovun vəzifə borcudur. Cinayət işinin icraatını dayandırması barədə 19 may tarixdə qərar qəbul etməsini prokurorluğa gəlib-gedən zərərçəkmiş şəxsdən gizlətməsi, qərarın surətini ona verməməsi Tural Mürsəlovun Bürhan Həmidova və onun mütəşəkkil dəstə üzvlərinə etməsi, onların cinayət məsuliyyətindən yayınmalarına şərait yaratması deyilsə, bəs nədir?

Niyə və nə üçün bu müstəniq olan şəxsin məsuliyyətsizliyindən vətəndaş başqa qurumlara müraciət etməlidir? Müstəntiqin vəzifə borcunu, məgər İnsan Hüquqları üzrə Müvvəkkil (Ombudsman) yerinə yetirməlidirmi? O isə, kimlərəsə yarınmaq üçün, heç bir əsas olmadığı halda vəzifəsindən sui-istifadə etməklə cinayət işinin icraatını süni yolla dayandırırdığı, bir tərəfə, hələ bunu da zərərçəkmişdən gizlədir. Əgər, belə deyilsə, onda niyəhəmin qərar Baş Prokurorun Birinci müavini səviyyəsində ləğv olunur? Hələ 3-4 ay bundan əvvəl zərərçəkmiş şəxs Ağasəf İsmayılov Baş prokurorluğa müraciət etdiyi şikayətlərdə, müstəntiq Tural Mürsəlovun cinayət işinin istintaqının nəticəsində maraqlı olduğunu və bunu gizlətmədiyini bidirərək, işi yarıtmaz-bərbad hala saldığı üçün ona inamının qalmadığını bildirərək, cinayət işinin Sabunçu rayon prokurorluğundan alınıb başqa hər hansı bir prokurorluqda davam etməsini xahiş etmişdi. Bundan xəbər tutan müstəntiq, zərərçəkmişə eyhamla bidirmişdi ki,“nə oldu, nəyə nail ola bildin?”

Cinayət işinin icraatının dayandırılması ilə bağlı, müstəntiq Tural Mürsəlovun Cinayət Prosessual Məcəlləsinin istinad etdiyi 53.1.1. maddəsində deyilir ki, istintaqı aparılan cinayət işi üzrətəqsirləndirilən şəxs qismində cəlb edilməli olan şəxs müəyyən olunmadıqda icraat dayandırıla bilər.

Bax elə bununla da zərəçəkmiş şəxsin təkzibolunmaz sübutlarla istintaqa təqdim etmiş olduğu çoxsaylı vəsatətlərin müstəntiq Tural Mürsəlov tərəfindən bir cümlə ilə rədd etməsi bir daha onun işin nəticəsində maraqlı olduğuna sübutdur. “Bir cümlə ilə” ona görə deyilir ki, onun yazdığı qərarlarda verilmiş vəsatətlərlə dair heç bir söz dəyoxdur. 14 və 29 aprel tarixli və hər biri cəmi natamam 2 səhifəlik qərarda vəsatətə aidiyyəti olmayan söz yığnağı, Cinayət Məcəlləsinin 18 ədəd maddələrini iki dəfə sadlamaqla, avtobusların şassi, mühərrik, buraxılış ili, rəngi və sairələri sadalamaqla, məqsəd nədir? Axı vəsatətlərdə bu barədə heç bir tələb yoxdur, əksinəkonkret vəzifə, maddi-məsuliyyət daşıyan 90 (doxsan nəfərə yaxın) şəxslərin dindirilməsi, üzləşdirilməsi tələb olunur. Hər biri çoxsalı cinayət əməllərinin birbaşa şahidləri, bəziləri isə iştirakçıları olan bu “şəxslər müəyyən olunmuşdur” və hər gün “Magna Trans” MMC-də işdə olurlar.

Müstəntiq Tural Mürsəlov vəsatətlərin rəd edilməsinə dair hər iki qərarda cinayət işinin istintaqının CM-nin 178.3.2. maddəsi ilə icra etdiyini göstərmişdir. Bu şəxs hələ bilmir ki, 210050957 saylı cinayət işi Cinayət Məcəlləsinin 179.3.2. maddəsi ilədavam etdirilməsi üçün onun icraatına verilib. Yəqin ki, şərhəehtiyac yoxdur.

Ölkəmizdə sahibkarlığın inkişafı aktual və vacib olduğunu nəzərəalaraq, güman edirik ki bu yazıda qaldırılmış problemin çözülməsi respublika Baş Prokurorluğunun rəhbərliyinin diqqətini cəlb edəcək vəəminik ki, Əfqanıstan Müharibəsi Veteranı, Qarabağ Müharibəsi iştirakçısı, III qrup müharibə əlili, qazi, sahibkar- iş adamı-vətəndaş Ağasəf İsmayılovun Azərbaycan Respublikası Konstitusiyası ilə qorunan əmlak hüquqları tezliklə bərpa olunacaq.


P.S. “Magna Trans” MMC-dətörətdikləri qanunazidd əməllərin cinayət məsuliyyətindən yayınmaq məqsədi ilə “AKKORD”-çuların növbəti audit-ekspert “işbirliyi müdafiəsinin” uğursuz nəticələri iləbağlı araşdırmamız davam edir. Qarşıdakı günlərdə oxucularımıza daha geniş məlumat vercəyik.

AZƏRBAYCANREALLIĞI.COM
[rating-type-4]
{likes}
{dislikes}
[/rating-type-4]
Mehriban Əliyeva Basqaldan səmimi fotolar paylaşdı


Xəbər verdiyimiz kimi, Prezident İlham Əliyev və Birinci vitse-prezident Mehriban Əliyeva İsmayıllı rayonunun Basqal qəsəbəsinə səfər ediblər.

Prezidentlə xanımı Tarixi Pir Çinar və Pir bulağına baş çəkiblər.

Mehriban Əliyeva öz instaqram hesabında səfərdən fotolar paylaşıb.

Fotoları təqdim edirik:
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı
Mehriban Əliyeva Basqaldan səmimi fotolar paylaşdı

[rating-type-4]
{likes}
{dislikes}
[/rating-type-4]
Əsginaslar bankda yenilənmək əvəzinə zibil qablarına atıldı


Sosial şəbəkələrdə manatla bağlı ürəkağrıdan video yayılıb.

Oxu.Az xəbər verir ki, görüntülərdə Azərbaycanın milli pul vahidi olan müxtəlif əsginaslar öz əskini tapıb. Əzilmiş və parçalanmış vəziyyətdə olan xeyli sayda 1, 5 və 50 AZN olan pul vahidləri paytaxtdakı zibil qutularından birində aşkarlanıb.

Milli valyutanın acınacaqlı halını əks etdirən görüntülər onlayn platformalarda paylaşılaraq səs-küy yaradıb.

Belə ki, pulların zibil qabına atılması sosial şəbəkə istifadəçilərini qəzəbləndirib. Onlar əsginasların banklarda yenisi ilə əvəzlənə biləcəyi halda, zibil qabına atılmasına etiraz ediblər.
[rating-type-4]
{likes}
{dislikes}
[/rating-type-4]
İcra başçısının "moyka" biznesinə girişdiyi bildirilir


Abşeron rayon icra hakimiyyətinin başçısı Abdin Fərzəliyevin biznesi ilə bağlı yeni məlumatlar yayılıb.

Bu barədə "azfakt.com" məlumat yayıb.

Bildirilir ki, Fərzəliyev bu biznesi Nərimanov rayon icra hakimiyyətinin başçısı olduğu vaxt əldə edib.

Sayta məlumat verən sakinlər icra başçısını "əmlak kralı" kimi xarakterizə ediblər.

"İllər öncə paytaxtda - Nərimanov rayonunda əhali arasında "qəbiristanlıq" kimi tanınan ərazinin sökülməsi, bu ərazilərin iş adamlarına, yüksək vəzifəli şəxslərə satılması hesabına milyonlarla vəsait əldə edən Abdin Fərzəliyev həm də bu ərazidə - Əhməd Rəcəbli küçəsində çoxsaylı daşınmaz əmlaklara sahibdir. Əlbəttə ki, bu obyektlər İcra başçısının özünün yox, qohum-əqrabalarının, etibar etdiyi şəxslərin adınadır", - deyə məlumatda bildirilir.

Məlumata görə, Abdin Fərzəliyevin sərmayə yatırmağa başladığı sahələrdən biri də "avtoyuma" biznesidir: "İcra başçısı bu istiqamətdə artıq ilk obyektini istifadəyə verib. A.Fərzəliyevin yeni "biznes imperiyası"na əlavə olunan sonuncu obyekt "avtoyuma" məntəqəsidir. bu obyekt Əhməd Rəcəbli 1 ünvanında - Atatürk liseyinin qarşısında yerləşir".

İddia olunur ki, obyekt sənəddə Seyidzadə Saleh Mirmöhsün oğlunun adına olsa da, əslində nəzarəti Abdin Fərzəliyevin etibarlı adamı kimi tanınan və hazırda Abşeron Rayon İcra Hakimiyyətində baş məsləhətçi vəzifəsini icra edən Nurlan Həsənov edir: "Onu da vurğulayaq ki, Saleh Seyidzadə Nurlan Həsənovun yaxın qohumudur. Saleh Seyidzadə həm də Nərimanov Rayon İcra Hakimiyyəti başçısının 3 nömrəli Sahə inzibati ərazi dairəsi üzrə nümayəndəliyinin baş mühasibi vəzifəsində çalışır".

Saytın əməkdaşı əraziyə gedərək obyekt barədə yeni məlumatlar əldə edib. Belə ki, obyektin ümumi ərazisi dövlət sənədində 186 kvm göstərilsə də, tikinti zamanı layihədən kənara çıxmaq hesabına ümumi ərazi 200 kvm-dan yuxarıdır.

İkimərtəbəli olan obyektin birinci mərtəbəsi "təkər təmiri, "avtoyuma" "çilingər-yağlama" sexləri kimi fəaliyyət göstərir.

Obyektin ikinci mərtəbəsi isə Ataürk mərkəzinin qarşısında olan dairəyə-küçəyə açılır.

Ərzidəki sakinlər bildiriblər ki, burada kafe fəaliyyət göstərəcək. Hazırda ikinci mərtəbədə təmir işləri yekunlaşmaqdadır. Obyektin ümumi qiymətinin hazırda 1 milyon manat civarında olduğu bildirilir.

Həmin ərazidə olan "Altun" şadlıq sarayının da Abdin Fərzəliyevə məxsus olduğu deyilir.

A.Fərzəliyev 2003-2005-ci illərdə Nizami rayonunun, 2005-2022-ci illərdə Nərimanov rayonunun icra hakimiyyətinin başçısı vəzifəsində çalışıb.

Şikayətlə bağlı Abşeron Rayon İcra Hakimiyyətindən münasibət almaq mümkün olmayıb.

İcra başçısının "moyka" biznesinə girişdiyi bildirilir
İcra başçısının "moyka" biznesinə girişdiyi bildirilir
İcra başçısının "moyka" biznesinə girişdiyi bildirilir
İcra başçısının "moyka" biznesinə girişdiyi bildirilir
[rating-type-4]
{likes}
{dislikes}
[/rating-type-4]
"Dağın təpəsinə hansı yoldan çıxarsansa çıx, mənzərə eynidir"- Göyçay RMX-də vəziyyət hər gələn gün ötən günə nisbətən daha da çətinləşir.


"Dağın təpəsinə hansı yoldan çıxarsansa çıx, mənzərə eynidir" - Yəni rəhbərliyindən aslı olmayaraq Göyçay səhiyyəsinin dədə-babadan vəziyyəti belə gəlib, belə də davam edəcək.
Təəssüflər olsun olsun ki, Göyçay Rayon Mərkəzi Xəstəxanasında vəziyyət hər gələn gün ötən günə nisbətən daha da çətinləşir. "Yaşar Əhmədov hələki təzədir, tədricən hər şey düzələcək" deyərək yeni direktorun inqilab edərək vəzifəyə gəlməsinə köməklik göstərənlər, yalnız şəxsi maraqlarını güdürlər. Özündən öncəki sabiqlərin yalnışlarını təkrarlayan, hətta daha çox qanunsuzluqlara şərait yaradan Yaşar Əhmədov gəldiyi cəmi 8 ay müddət olmasına baxmayaraq, artıq o, sosial şəbəkələrin şikayət bölümlərində "Trend" olmağa başlayıbdır.
TEREF "Göyçay Operativ Xəbər " səhifəsinə istinadən yazır ki, Yaşar Əhmədovun islahatlar apara biləcəyinə və yaxşılığa doğru dəyişikliklər edə biləcəyinə etimad bəsləmək tamamilə əlçatmaz xəyallardan ibarətdir. Şah İsmayıl Xətai 14 yaşında, Makedoniyalı İsgəndər isə 20 yaşında böyük bir imperiyaya artıq hökmdar edirdilər. Yəni necə deyərlər: "Ağıl yaşda deyil, başdadır".
Bu gündən etibarən Yaşar Əhmədov 10 il müddət ərzində direktor olmağa davam etsə belə, nəaliyyətlər əldə edə bilməyəcəkdir. O, insanın idarəetmə qabiliyyəti yoxdur. Şübhəsiz ki, qırxında öyrənən gorunda çalar.
Göyçay Xəstəxanası rüşvət ocağıdır. Xəstələr bəzi insafsız "tibb işçiləri" üçün yalnız və yalnız çörək ağacıdır. Allah heç kimin yolunu Göyçay Rayon Mərkəzi Xəstəxanasına salmasın! Canımızı əmanət etməzdən öncə cibimiz can sağlığında qazandığımız pul-para ilə dolu olmalıdır ki, canı bizə verən Yaradanın əmanətinə xəyanət etməsinlər.
Sonunda onu da xatırladım ki, Göyçay səhiyyəsində nadanlarla yanaşı kifayət qədər savadlı və insaflı tibb işçiləri də vardır ki, onların xəstələrə göstərdiyi qayğı və məhəbbətin məsəli, gecələr səhərə kimi körpəsinin üstündə yuxusuz halda fədakarlıq edən ananın məsəlinə bənzəyir.
Ümid edirik ki, aidiyyəti qurumlar çoxsaylı şikayətlərimizə obyektiv yanaşaraq Göyçay Rayon Mərkəzi Xəstəxanasını ciddi nəzarətə götürəcəklər...
Teref.az olaraq məqalədə qaldırılan iddialarla bağlı qarşı tərəfin fikirlərini dərc etməyə hazırıq!
Teref.az
[rating-type-4]
{likes}
{dislikes}
[/rating-type-4]
“Messenat” Holdingin Sirr Pərdəsi Cəfər Vəliyev … – Tofiq İsayev Şirkəti Necə Ələ Keçirib ?


İranlı Kusedgi Faradoun Heydaralı ilə Hacı Tofiqin işbirliyi..

Haqqında bəhs edəcəyimiz “Messenat” Holding Şirkətlər qrupu ilə bağlı bir məsələni xüsusi olaraq qeyd edək.
Belə ki, axtarış sistemində bu şirkətin ilk sahibi barədə heç nə yazılmır, bircə yerdə yazılır ki, Cəfər Vəliyev az müddət şirkətə rəhbərlik edib. Amma…
Əmması odur ki, Cəfər Vəliyev nə az, nə çox 2006-2012-ci illərdə şirkətin 1-ci prezidenti və əsl sahibi olub.
Kimdir Cəfər Vəliyev ?
Cəfər Vəliyev Azərbaycan SSR daxili işlər naziri (1978–1987), Azərbaycan Respublikası Mərkəzi Seçki Komissiyasının sədri (1992–2000) olub, general-leytenantdır, 2000–2005-ci illərdə isə Azərbaycan Respublikası İqtisad Məhkəməsinin sədri vəzifələrində çalışmışdır.
İndi bəlli oldumu ki, bu qalmaqallı şirkətin keçmişi kiminlə bağlıdır.
Ümumiyyətlə, bu şirkətin üzərində xeyli SİRR PƏRDƏSİ var. Bu barədə növbəti yazılarda bəhs edəcəyik.
2006-cı ildə fəaliyyətə başlayan Messenat Holding şirkətlər qrupu MMC müxtəlif sənaye, xidmət, ticarət, kənd təsərrüfatı və s. şirkətləri birləşdirir.
MMC-nin tərkibinə adları çəkilən 19 müəssisə – “Azərikimya İstehsal və Xarici İqtisadi Əlaqələr” ASC, “Bəhrəmtəpə-Çınqıl” ASC,
“İmişli Dəmir Beton” ASC,
“Muğan Su Elektrik Stansiyası” ASC,
“Qaradağ” ASC“Arbitr-H.T.İ Konsaltinq” MMC,
“Titanik” MMC,
“Mühafizəçi” MMC,
“Marka LTD” MMC,
“Viləş-A.A” MMC,
“Viləş-M.A” MMC,
“Kommunal” MMC,
“Aristokrat-İnşaat” MMC,
“Həbibli-LTD” MMC,
“GART” MMC, “RNT” MMC, “STR” MMC, “Hüquq” MTK, restoran, mehmanxanalar və “Konserv Məhsulları İstehsalı” firmaları daxildir.
Hazırda şirkətin qanuni təmsilçisi İsayev İsmayıl Avdlbarı oğludur. Əslində isə şirkət “Titanik Tofiq” kimi tanınan iş adamı Tofiq İsayevə məxsusdur.
Dəfələrlə Vergi Xidməti vergi borcuna görə, şirkəti məhkəməyə verib.
Görəsən milyonlarla gəliri olan bu şirkətin rəhbəri Tofiq İsayev nə üçün dövətin vergisini ödəmir..?
Tofiq İsayevlə bağlı mediada rast gəldiyimiz bir xəbər isə bizi sözün həqiqi mənasında sarsıtdı.

Şəhid atası yazır ki, “Messenat-Holdinq”in prezidenti Tofiq İsayevin məni altı ay get-gələ salması, yalan danışması, nə hacılığa, nə də tutduğu mövqeyə yaraşan hal deyil. O mənə ev verəcəyini demişdi, amma sözünə əməl etmədi. Hətta 13 (on üç) min manat pul təklif etdik ki, bizə tikdiyi binalardan bir otaq versin. O, bizi altı ay aldatdı. Hətta onunla görüşmək üçün dəfələrlə ofisinə getdim, yüzlərlə dəfə telefonla danışdıq. Sonuncu dəfə onun verdiyi cavab məni dəhşətə gətirdi: “Dövlət bizə şəhid ailəsinə ev verilməsinə icazə vermir!”
Axı, dövlət sənə münbit şərait yaradıb, cənab Hacı Tofiq..
Hacı Tofiq İsayev İmişlidə Heydər Əliyevin adına olan parkı özəlləşdirib. Belə demək olarsa, park 2010-cu ildən onun özəl mülkiyyətdədir. Gənclər Mərkəzi adı ilə parkda şadlıq sarayı, iki restoran, çayxana tikib, otel isə yarımçıq qalıb.
İmişli rayon sakinləri isə bir müddət əvvəl yuxarılara müraciət edərək rayonun iş adamı tərəfindən özəlləşdirildiyini vurğulayıblar: “Tofiq İsayevin İmişlidə mülkləri, gölləri, restoranı, daş karxanaları var. Bir sözlə, rayonun idarə edilməsində bu adamın rolu böyükdür. İmişlidə aparılan tikinti işləri Tofiq İsayevin tam nəzarəti altındadır. Onu daha çox “Titanik Tofiq” kimi tanıyırlar. Hazırda rayonun əsas nəqliyyat yollarının bərbad olmasının səbəbkarı da bu adamdır. İmişli-Bəhrəmtəpə yolu tamamilə sıradan çıxıb. Eləcə də, İmişli-Biləsuvar yolu. Tofiq İsayev Bəhrəmtəpə qəsəbəsi, Araz çayı sahili ilə qum-çınqıl daşıyır, “Kamaz”lar özünün, karxanalar özünün. İmişlinin sərvətini daşıması azmış kimi, insanların yolunu da dağıdır. Bu holdinq hətta rayonda yerləşən su elektrik stansiyasını da özəlləşdirib. Tofiq İsayev rayonun keçmiş icra başçısı, həbsdə olan Vilyam Hacıyevlə şərik olub.
Mətbuatın yazdığına görə, İmişlidəki bələdiyyə sədrlərinin çoxu Tofiq İsayevin adamlarıdır.
İş adamı Tofiq İsayev təkcə ticarət fəaliyyəti ilə məşğul olsaydı dərd yarı idi. Bu adamın radikal dini cərəyanlarla əlaqələri, şübhəli iş birliyi xeyli suallar doğurur.
Tofiq İsayevin İmişli rayonunda böyük məscidi var. Məscidə əsasən İrandan mollaların gəldiyi qeyd edilir. Mətbuatda zaman-zaman “Messenat Holdinq”in İran şirkətləri ilə əlaqəsindən də söz açılıb. Yazılanlara inansaq, ölkəmizdə xeyli vaxtdır fəaliyyət göstərən holdinqin əsas maliyyə mənbəyi 2001-2002-ci illərdə İran İslam Respublikasının ölkəmizdəki səfirliyində iqtisadiyyat şöbəsinin rəisi işləmiş Kusedgi Faradoun Heydaralıdır: “Bu faktın özü bir çox mətləblərdən xəbər verir. “İRAN KHODRA DİESEL” CO şirkətinin Azərbaycan filialının rəhbəri olan Kusedgi Faradoun Heydaralı ilə azərbaycanlı iş adamı Tofiq İsayevin xeyli sayda ortaq mülklərinin olduğu söylənilir. Faradoun Heydaralı Azərbaycandakı İran səfirliyində xidmət müddəti başa çatmamış diplomatik fəaliyyətdən qovulmuşdu. Onun yenidən Azərbaycana qayıtmasında Tofiq İsayevin xüsusi rolu olub. Tofiq İsayevin Şamaxıdakı dəyəri 1.5 milyon dollar olan villası, İmişlidəki mülkü, gölləri, restoranları məhz İranlı keçmiş diplomatla şərikli biznesin sayəsindədir. İran vətəndaşı olan Səid Tütünçüyə məxsus “Qələbə” kinoteatrı yaxınlığında dəyəri 1 milyonluq torpaq sahəsi də Tofiq İsayev tərəfindən ələ keçirilib. Bakıda və rayonlarda radikal və İranpərəst dini qruplaşmaların formalaşmasında mühüm rol oynayan Faradoun Kuseqdı Heydaralı Tofiq İsayevlə birlikdə tikinti sektorunda geniş fəaliyyət göstərib. Deyilənə görə Bakının Nərimanov, Binəqədi və digər rayonlarında bina tikintisi ilə məşğul olan iş adamı həm də Faradoun Kuseqdı Heydaralının bəzi planlarının əsas icraçılarından birinə çevrilib, xüsusilə İmişli rayonunda bəzi şəxslərin aktivləşməsində mühüm rol oynayıb”.
Gələn saylarımızda Hacı Tofiq İsayevin AXCP sədri Əli Kərimli və keçmiş spiker Rəsul Quliyevlə münasibətləri haqda yazacağıq.
Qarşı tərəfin mövqeyini dərc etməyə hazırıq.//Gundelik Bakı.com//
[rating-type-4]
{likes}
{dislikes}
[/rating-type-4]
"Bolt"a əmanət etməyin AXIRI BUDUR... - GİLEY

“Bolt”un çatdırılma xidməti ilə 50 azn dəyərində məhsulu mənimsəyib. Bu da şirkətə olan, etibarı tam sarsıdır. TİA. Az xəbər verir ki, belə bir iş müştəri Ramil Hüseynzadənin başına gəlib. “Sürücü telefonu söndürüb, məhsulu mənimsəyib. Bolta şikayət yazmışıq deyir sürücü blok olundu, danışın sürücü ilə nə vaxt sizə dəymiş ziyanı ödəyər o zaman hesabı açılacaq. Elə bil sürücünü mən tapmışam. Bir sözlə ehtiyyatlı olun Bolta etibar etməyin” .

"Bolt"a əmanət etməyin AXIRI BUDUR... - GİLEY

XƏBƏR LENTİ

19:16

Erməni generalın sanatoriyasında KÜTLƏVİ DAVA

19:01

Azərbaycanda koronavirus ilə bağlı son vəziyyət açıqlandı

18:33

Dövlət büdcəsinin xərcləri 11,6 faiz artıb

18:00

QAÇHAQAÇ: Ermənilər "Hayastanı" belə tərk edir

17:44

Sabunçu rayon icra başçısının müavini Güloğlan Məmmədov QOÇULUQ EDİR - VİDEO

15:50

“Rüşvəti Mədəniyyət Nazirliyinə gətirən Polad Bülbüloğlu olub”

13:13

Fedek tikinti şirkəti tarixi binanı SÖKÜR: Nəsimi Rayon İH-i isə buna GÖZ YUMUR

12:51

Nömrəsiz maşın sürdü, onu saxlayan polisə zor tətbiq etdi

11:39

Hirkan Park Otel xanım müştəriyə qarşı tərbiyyəsizlik

11:24

Ağsaqqalar Şurasının sədr müavini qazinin mülkünü əlindən alır – VİDEO

11:05

Nazirə məxsus olduğu deyilən şirkət gömrük qaydalarını pozub

22:33

"Yaxın həftələrdə Ermənistandan Zəngəzur dəhlizinin marşrutunu gözləyirik" - Dövlət başçısı

17:18

“Azərbaycanda taxılla təminat sahəsində heç bir problem yoxdur”

17:06

ZAKİR QARALOVUN "AKKORD"-çuları CİNAYƏT TƏQİBİNƏ CƏLB OLUNACAQLAR?- TƏFƏRRÜAT

16:53

Prokurorluq xəstəxanadakı əməliyyatla bağlı məlumat yaydı

16:41

Prezidentdən 3,2 milyon manatlıq SƏRƏNCAM

16:23

İlham Əliyev AzTV-yə müsahibə verdi

16:16

Prezident “Ağsu Aqropark”ın fəaliyyəti ilə tanış oldu

16:07

İlham Əliyev sərəncam imzaladı

15:59

Azərpaşa Nemətov “Şərəf” ordeni ilə təltif edildi

15:45

Satıcı qızın əri aptek müdirini bıçaqlayıb - Bakıda ƏDV fırıldağı

15:17

İlham Əliyev Ağsuda ulu öndərin abidəsini ziyarət etdi

15:08

Taekvondoçularımız İslamiadanı 5 medalla başa vurdu

14:24

Mehriban Əliyeva Basqaldan səmimi fotolar paylaşdı

14:09

Azərbaycan sərhədi “genişləndirir”, ermənilərin sülhməramlılara ümidi qalmır – TƏHLİL

13:54

Deputatın şirkəti vətəndaşın NƏFƏSİNİ KƏSDİ - NARAZILIQ VAR!

13:35

Prezident və xanımı "Basqal Resort & Spa" otelinin açılışında

13:18

Əsginaslar bankda yenilənmək əvəzinə zibil qablarına atıldı

12:30

Mehriban Əliyeva yeni video paylaşdı

11:49

İcra başçısının "moyka" biznesinə girişdiyi bildirilir

11:21

"Dağın təpəsinə hansı yoldan çıxarsansa çıx, mənzərə eynidir"- Göyçay RMX-də vəziyyət hər gələn gün ötən günə nisbətən daha da çətinləşir.

11:01

Prezidentlə xanımı “Diri Baba”da aparılan yenidənqurma işləri ilə tanış oldu - Fotolar

10:52

“Messenat” Holdingin Sirr Pərdəsi Cəfər Vəliyev … – Tofiq İsayev Şirkəti Necə Ələ Keçirib ?

10:22

Daşkəsəndə qızılçıxaranlar tariximizə necə ziyan vururlar? – Arxeoloq İTTİHAM EDIR