[rating-type-4]
{likes}
{dislikes}
[/rating-type-4]
"Oğlum xəstə ola-ola əsgər aparıblar" - Cəlilabad sakinindən şikayət - FOTO

Cəlilabad rayonu, Muğan kənd sakini Əli Əhmədov xəstə olmasına baxmayaraq, bu ilin yanvar ayında hərbi xidmətə göndərilib.
Bu barədə Bakupost.az -a onun atası Vüsal Əhmədov bildirib.
O, Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsindən şikayətçi olduğunu deyib:
"“Oğlum Əli Əhmədov 25 yanvar 2024-cü il tarixində Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsi tərəfindən ordu sıralarına çağırıldı. Ordan da Sərhəd Qoşunlarının Cəlilabad rayon Göytəpə qəsəbəsində yerləşən N saylı hərbi hissəsinə göndərildi”.
V.Əhmədov deyib ki, övladı 4 gün sonra qızılcaya yoluxub və vəziyyəti ağırlaşıb:
“Dörd gün sonra oğlumda yüksək temperatur müşahidə edilib və o, hərbi hissənin tibb məntəqəsin yerləşdirilib. Vəziyyəti ağırlaşdığı üçün dərhal Bakıya Sərhəd Qoşunlarının hərbi hospitalına göndərilib. Hospitalda bir neçə gün müalicə aldıqdan sonra onuSərhəd Qoşunlarının Məhəmmədi qəsəbəsində yerləşən modul tipli xəstəxanasına göndəriblər. Uşaq qızılcadan təxminən bir aya yaxın müalicə olundu”.
Onun sözlərinə görə, xəstəxanada həkimlər övladının səhhətində problemlər olduğunu aşkar ediblər:
“Müalicə aldığı müddətdə həkimlər oğlumu müayinə edərkən onda digər xəstəliklərin də olduğunu aşkar ediblər. Belə ki, övladımın bel tir sümüyündə əyrilik, gözündə zəiflik, qulağında ağır eşitmə və döş qəfəsində xəstəlik aşkar edilib. Bütün bu xəstəliklər onun tibbi sənədlərində qeyd olunub. Övladım fevralın 29-da hospitaldan Göytəpədə yerləşən hərbi hissəyə göndərilib”.
V.Əhmədov deyib ki, Əli daha sonra Göytəpədən Yevlaxa hərbi hissəyə yola salınıb və burda onun ordudan tərxis olunmasıyla bağlı qərar qəbul edilib:
“16 gün hospitalda qaldıqdan sonra hərbi hissə rəhbərliyi mənimlə əlaqə saxladı və bildirdilər ki, övladınız xəstədir, ordudan tərxis edirik, gəlin, uşağınızı aparın. Mən də gedib övladımı ağır vəziyyətdə hərbi hissədən gətirdim”.
V.Əhmədov hazırda övladını müalicə etdirdiyini deyib:
“Hələ də övladımın müalicələri davam etdirilir. Yarımçıq olub. Səhhətində ciddi problemlər var. Özüm isə əkinçiyəm, başqa heç yerdən gəlirim yoxdur. Banklara borcum var və elə övladımın da müalicəsini borcla edirəm”.
V.Əhmədov iddia edir ki, övladının səhhətində problemlər olduğunu bilə-bilə Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsi onu əsgər göndərib:
“Mənə hərbi hissədən xəstəliyi ilə bağlı sənəd və hərbi bileti verilib. Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsinə gedib sənədləri masanın üstünə qoyanda mənə dedilər ki, “bu xəstəliklər övladında necə çıxa bilər, axı biz onu müayinə etmişdik”. Hələ bizi borclu çıxarırlar. Ona görə Baş Prokurorluğa, məhkəməyə şikayət edəcəm. Övladımın xəstə olduğunu bilə-bilə ordu sıralarına göndərdilər və indi də yarımçıq edib üstümə qaytarıblar”.
Şikayətçinin səsləndirdiyi iddialarla bağlı Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsiylə əlaqə saxlamağa çalışdıq. Lakin qurumdan telefon zəngimizə cavab verən olmadı. Qarşı tərəfi dinləməyə hazırıq.
"Oğlum xəstə ola-ola əsgər aparıblar" - Cəlilabad sakinindən şikayət - FOTO"Oğlum xəstə ola-ola əsgər aparıblar" - Cəlilabad sakinindən şikayət - FOTO"Oğlum xəstə ola-ola əsgər aparıblar" - Cəlilabad sakinindən şikayət - FOTO

[rating-type-4]
{likes}
{dislikes}
[/rating-type-4]
Kəmaləddin Heydərovun məmur qohumunun oğlu 250 min dolları faizə verib - MƏHKƏMƏ İŞİ

Bakı Ağır Cinayətlər Məhkəmsində hakim Kamran Muxtarovun sədrliyi ilə Cinayət Məcəlləsinin 178.3.2-ci maddəsi ilə təqsirləndirilən Həsənov Samir Hafiq oğlu və Ağayev Nurlan Əlləz oğlunun məhkəmə prosesi keçirilib. Zərərçəkmiş qismində İsmayılov Rauf Əlövsət oğlu, qardaşı Mirməhəmməd Əlövsət oğlu İsmayılov isə şahid qismində tanınıb.

Zərərçəkmiş qismində Rauf İsmayılov ifadə verib: “Mən həbs edilənlərdən Nurlan Ağayevi yaxından tanımışam, atamın dostu olub. Bir neçə dəfə atamla aralarında pul haqq-hesabı olub. Nurlan topdan sement ticarəti ilə məşğul olub, zavoddan sementi nağd götürüb nisyə satırdı. Zavodda satışdan Nurlana bonus verirdi. 2020-ci ilin aprel ayının axırında ilk dəfə Nurlana 10 min dollar vermişəm. O pulun qarşılığında mənə faiz verəcəkdi. Nurlana pul vermək təklifini ilk dəfə mən etmişəm, qardaşımın toy ərəfəsi idi. Mən zəng edib dedim ki, əlimdə 30 min dollar var, işə qoya bilərik. Sonra 42 min dollar verdim, gəliri ilə birgə ümumi pulu qaytardı. Bir neşə gün sonra üstünə 18 min dollarda qoyub 60 min dollar verdim Nurlana. Bu pulun qarşılığında 16 min faiz verdi mənə. Ona həmişə deyirdim sifariş olsa mənə de. Mənim üçün Nurlanın hansı tikinti materialı alib-satmağının fərqi yox idi. May ayının axırlarında Nurlan mənə zəng elədi ki, Samir tutulub, pullarda Samirə verilib. Mən Samiri tanımamağımı ibtidai istintaqda da demişəm, mən Nurlanı tanımışam. Samiri cəmisi 3 dəfə görmüşəm. Birdə 60 min dolları verəndə Ulduz metrosunun yanında görmüşəm Samiri. Mən də istəyirdim iş görüm, pul qazanım. Mən Nurlana pulu başqa adamdan alıb verirdim, mənə etibar edirdilər. 60 min dollarım Nurlanda qala-qala 150 min dollarda verdim. Bu sifarişdən 10 gün ərzində 9 min manat xeyir verdi mənə. Ümumilikdə qaytardığı məbləğ 20 min dollarlıq 2 maşın, 3 min manat, birdə qazanc olaraq 16 min manat. Silah, narkotik biznesindən başqa nə biznesinə pul istəsəydi tapıb verərdim Nurlana, ona çox inanırdım”.

Məhkəmə prosesində zərərçəkənin qardaşı şahid Mirməhəmməd İsmayılovda ifadə verib: “Xətai rayonu, Əbilov qəsəbəsində yaşayıram. Nurlanın ailəlikcə tanıyırıq, atamla dost olub. Pullardan bir hissəsini 42 min dolları mən gətirib vermişəm Nərimanov metrosunun yanında. Pullar iş üçün verilirdi. İlk dəfə işbirliyi barədə söhbət bizim evimizdə olub. Bildiyimə görə Samir Həsənov Nurlanın yeznəsidir”.

Təqsirləndirilən Nurlan Ağayev hakimin sualına cavab olaraq bildirib ki, toplam olaraq Samirə 406 min dollar pul vermişəm.
Məhkəmə prosesi aprel ayının 29-na kimi təxirə salınıb.
Xatırladaq ki, Rauf İsmayılov ümumi olaraq Nurlan Ağayevə 425 min manat (250 min dollar) pul verib. Faktla bağlı DİN-nin BMCMİ-nin İstintaq İdarəsində Cinayət Məcəlləsinin 178.3.2-ci maddəsi ilə cinayət işi başlanıb.(Yenixeber.org)
[rating-type-4]
{likes}
{dislikes}
[/rating-type-4]
Siqaretin qiyməti bahalaşacaq? - AKTUAL

Tütün məmulatının idxalı və istehsalını həyata keçirən sahibkarlıq subyektləri üçün yeni rüsum müəyyən edilir.
Bununla bağlı məsələ Milli Məclisin bu gün keçirilən iclasında müzakirə edildikdən sonra “Dövlət rüsumu haqqında” qanuna dəyişiklikdə öz əksini tapıb. Dəyişikliyə görə, tütün məmulatının idxalı və istehsalını həyata keçirən sahibkarlıq subyektlərinə tütün məmulatının idxalı və istehsalını həyata keçirən sahibkarlıq subyektlərinin Reyestrindən çıxarışın verilməsi rüsumu 150 manat təşkil edəcək. Müzakirələrdən sonra dəyişiklik səsverməyə qoyularaq birinci oxunuşda qəbul edilib
Bəs yeni rüsum siqaretin qiymətinə necə təsir edəcək?

Məsələyə münasibət bildirən iqtisadçı-ekspert Rəşad Həsənov “Sherg.az”a bildirib ki, tütün məmulatları ilə bağlı qəbul edilmiş yenilikləri məqsədəuyğun hesab edirəm:

“Son qərarlar daha çox bu istiqamətdən uçotun dəqiqləşdirilməsi, nəzarət və tənzimləmə mexanizmlərinin gücləndirilməsinə xidmət edir. Bu qaydalar və eyni zamanda rüsumlar qiymət artımları üçün iqtisadi əsaslar yaratmır. Sahə üzrə fəaliyyət göstərən müəssisələrin dövriyyəsi böyükdür. Bir sözlə, rüsumlar üzrə xərclər maya dəyərinə təsirsizdir”.
[rating-type-4]
{likes}
{dislikes}
[/rating-type-4]
`Sahil - S İnşaat` şirkətinin tikdiyi binanın sakinləri YENİ QALMAQALDA - NARAZILIQ VAR...

Paytaxtın Yeni Günəşli qəsəbəsində yerləşən "Sahil - S İnşaat" şirkətinin tikdiyi binanın sakinlərinin qalmaqaldan, özbaşınalıqla üzləşməkdən, dələduzlarla mübarizədən heç başı açılmır. Şirkətin dələduz sahiblərinin həbsinə nail olub, ardınca binanın yarımçıq işlərinin böyük hissəsini həll edən, kommunal infrastrukturunun qurulmasında dövlət rəhbərliyindən, I Vitse Prezident Mehriban Əliyevadan dəstək alan bina sakinləri indi də başqa bir dələduzluqla qarşılaşıblar. Bu barədə Anaxeber.info vasitəsi ilə Daxili İşlər naziri Vilayət Eyvazova, Baş prokuror Kamran Əliyevə müraciət edən sakinlərin sözlərinə görə, bu dəfə "Azərsu" ASC-nin Suraxanı rayon idarəsinin qəza şöbəsi rəisi Murad Məmmədov onları aldadıb. Belə ki, binanın içməli su təchizatı təmin olunması ilə yanaşı fasilələr olduqda su çənindən istifadə edilməsinə üçün sakinlər kömək istəyib. İdarənin qəza şöbəsi rəisi Murad Məmmədov da su hovuzundan mənzillərə suyun verilməsini təşkil etmək məqsədi ilə sakinlərdən 1000 manat alıb. Lakin pulu aldıqdan sonra qəhətə çıxıb. Sakinlər onunla əlaqə saxlaya bilmirlər. Onlar "Azərsu" ASC-nin Suraxanı idarəsinin rəisinə yaxınlaşıblar. Amma idarə rəisi deyib ki, Murad Məmmədov yoxdur və işə gəlmir. Sakinlər anlayıblar ki, daha bir dələduzla üzləşiblər. Amma əvvəl şirkət sahibləri idisə, indi dövlət qurumunun nümayəndəsi vətəndaşların pulunu alıb onlara yalan bəd verib. Bu dələduzluq faktı ilə bağlı sakinlər DİN rəhbərliyindən kömək istəyir. Həmçinin, "Azərsu" rəhbərliyinin şöbə rəisinin bu əməli ilə bağlı daxili təhqiqata başlanması haqda tapşırıq verməsi tələb olunur. Göründüyü kimi, bir dəfə dələduzluq qurbanı olmuş 165 ailəyə dövlət dəstək verdiyi halda, dövlətin bir idarəsinin şöbə rəisi 1000 manat alıb aradan çıxıb.

anaxeber.info
[rating-type-4]
{likes}
{dislikes}
[/rating-type-4]
Göygöl Suvarma Sistemləri İdarəsinin 1 milyon manatlıq tenderinin adı var, özü yox… - İLGİNC FAKTLAR


"Göygöl Suvarma Sistemləri İdarəsinin rəisi İsmayıl Əvəzov rayonda birncidir, amma..." Bu barədə dia-az.info-ya göndərilən məqalədə deyilir.

Məqalədə daha sonra bildirilir: "Yəni ki, adı çəkilənin İdarəsində "ölü" canlardan tutmuş, yararsız maşınları təmir adı altında pul ayrılması, yararsız maşınlara yanacaq silinməsi, kənd sakinlərinin suvarmadan istifadəsinə əsassız pul tələbi, Tender elan edərək görülməyən işlər vardır.
Göygöl rayonunun Suvarma kanallarına təmir adı altında maliyyə ayrılaraq görülməyən işlər var ki, öz təsdiqini araşdırılsa ortaya çıxır.

Rayon sakinlərinin İsmayıl Əvəzovun hələ bu rayonda, bu sistemdə əvəzi olunmaması öz təstiqini tapmaqdadır.

2020 ci ilin sonlarına yaxın təyin olunan İsmayıl Əvəzov, rayonda özmaraqlarına uyğun işləyir. Digər məlumatlara görə sözü gedən lopa bığ kişi, levi xəttlər çəkilməsinə rayon ərazisində müəssisələrə imkan yaradaraq kobud qanun pozuntusu etmişdir.
Onun işlədiyi dövrdə 1 milyondan çox Tender elan edərək maliyyə əldə olunması, rəsmi olaraq əldə etmişik. tenderlərin hansı şirkətlə bağlanması, bağlanan şirkətin gördüyü işləri araşdırılmağa, Göygöl rayon Suvarma Sistemləri İdarəsinin maliyyə şöbəsinin yoxlanılmasına, Audit tələbinə ehtiyac olması mövcuddur.

İsmayıl Əvəzov 2020-ci ilin sentyabr ayından rəis təyin olunduğu Göygöl Suvarma Sistemləri İdarəsi 1 milyon manatdan çox tender müqaviləsi imzalayıb.

Maraqlıısı bundadır ki, tenderlərin hər biri eyni tərkiblidir.

Son 2021-ci ildən bu günə kimi imzalanmış tender müqaviləsinin siyahısını təqdim edir:
2023-cü ildə…

"GRAND MOTORS COMPANY" QSC - Lot 4 Avtomobil və Torpaqqazan mexanizimlərin ehtiyat hissələrinin satın alınması - Məbləğ: 37.895,06 AZN

Bildirək ki, nizamnamə kapitalı 2000 AZN olan QSC-nin qanuni təmsilçisi FƏRHAD NƏZƏROV NADİR OĞLUdur.
İXTİSASLAŞDIRILMIŞ ELEKTRİK AVADANLIQLARI TƏMİR QURAŞDIRMA- SAZLAMA İDARƏSİ ilə - “Lot-5 Xanarx kanalının beton üzlüyünün (PK 33+00-93+00 L=6.0 km) təmiri üzərindəki qurğularla birlikdə” (işin davamı) - Məbləğ: 108.080,95 AZN

2022-ci ildə...
"ART-PROJE" MMC ilə - Lot_3 Subartezian quyularının və nasos stansiyaların cari təmiri üçün ehtiyat hissələrinin satınalınması - Məbləğ: 101.999,21 AZN

Bildirək ki, nizamnamə kapitalı 1370010 AZN olan MMC-nin qanuni təmsilçisi ƏKRAM ƏLİYEV MUSA OĞLU OĞLUdur.
2021-ci ildə...
SUMQAYIT MELİOSERVİS İDARƏSİ ilə - "Lot 4 - Kanal və arxlarda ekskavatorla və buldozerlə lildən təmizləmə işlərinin satınalması" - Məbləğ: 87.237,4 AZN

"DECADA GROUP" Məhdud Məsuliyyətli Cəmiyyəti ilə - "Lot 2 - Nasos stansiyası və subartezian quyularının cari təmiri üçün mal-materialların satınalınması" - Məbləğ: 109.085 AZN

"DECADA GROUP" Məhdud Məsuliyyətli Cəmiyyəti ilə - "Lot 3 - Torpaqqazan mexanizmlər və avtomobil ehtiyat hissələrinin satınalınması" - Məbləğ: 75.016 AZN

GÖYGÖL SUVARMA SİSTEMLƏRİ İDARƏSİ 1 MİLYONUDAN

İşin gülünc tərəfi sözügedən MMC-nin nizamnamə kapitalə cəmi 2 AZN-dir. Qanuni təmsilçisi isə PƏRVANƏ XƏLİLOVA ADİL Qızıdır.

"GRAND MOTORS COMPANY" QSC ilə - "Lot 6 - SD-20 buldozerinin cari təmiri üçün işlərin satınalması" - Məbləğ: 16.517,64 AZN

GÖYGÖL SUVARMA SİSTEMLƏRİ İDARƏSİ - "EMV GROUP" Məhdud Məsuliyyətli Cəmiyyəti ilə - "Lot 8 - Xan arx kanalının əsaslı təmiri üçün mal-material və avadanlıqların satınalınması" - Məbləğ: 284.341,99 AZN

EMV GROUP" Məhdud Məsuliyyətli Cəmiyyəti ilə - "Lot 5 - Çaylarda çay mərcalarının təmizlənməsi üzrə buldozerlə götürüləcək işlərin satınalması" - Məbləğ: 34.838,91 AZN

"EMV GROUP" QSC-nin nizamnamə kapitalı 100000 AZN, qanuni təmsilçisi XALİD MƏMMƏDOV NƏRİMAN OĞLUdur.
"AZ TORQ" Məhdud Məsuliyyətli Cəmiyyəti ilə - "Lot 9 - 4 ədəd subartezian quyusunda yeni kalonun qazılması,elektrik təsərüfatının təmir və abadlıq işlərinin görülməsi işlərinin satınalınması" - Məbləğ: 117.886,72 AZN

Sözügedən tenderdə qalib olan MMC-nin nizamnamə kapitalı 10 AZN, qanuni təmsilçisi ELVİN ƏMİROV MİRSƏFTƏR Oğludur.

Aidiyyəti qurumlardan Göygöl rayon Suvarma Sistemləri İdarəsinin Maliyyə şöbəsinin araşdırılması xahiş olunur. Əsas olaraq qeyd edək ki, bu qurumu Hesablama Palatası, Maliyyə Nazirli araşdırılmasını öz üzərinə götürərək Audit tərəfindən həqiqətlərin doğruluğunu isbat etməlidir".(dia-az.info)
Göygöl Suvarma Sistemləri İdarəsinin 1 milyon manatlıq tenderinin adı var, özü yox… - İLGİNC FAKTLARGöygöl Suvarma Sistemləri İdarəsinin 1 milyon manatlıq tenderinin adı var, özü yox… - İLGİNC FAKTLARGöygöl Suvarma Sistemləri İdarəsinin 1 milyon manatlıq tenderinin adı var, özü yox… - İLGİNC FAKTLARGöygöl Suvarma Sistemləri İdarəsinin 1 milyon manatlıq tenderinin adı var, özü yox… - İLGİNC FAKTLARGöygöl Suvarma Sistemləri İdarəsinin 1 milyon manatlıq tenderinin adı var, özü yox… - İLGİNC FAKTLARGöygöl Suvarma Sistemləri İdarəsinin 1 milyon manatlıq tenderinin adı var, özü yox… - İLGİNC FAKTLARGöygöl Suvarma Sistemləri İdarəsinin 1 milyon manatlıq tenderinin adı var, özü yox… - İLGİNC FAKTLARGöygöl Suvarma Sistemləri İdarəsinin 1 milyon manatlıq tenderinin adı var, özü yox… - İLGİNC FAKTLARGöygöl Suvarma Sistemləri İdarəsinin 1 milyon manatlıq tenderinin adı var, özü yox… - İLGİNC FAKTLARGöygöl Suvarma Sistemləri İdarəsinin 1 milyon manatlıq tenderinin adı var, özü yox… - İLGİNC FAKTLAR
[rating-type-4]
{likes}
{dislikes}
[/rating-type-4]
Dövlətin etibarını “əyənlər” - “Qobu Park”a görə kimlər qandallanacaq?


Hüquqşünas deyir ki, tikintini icra edənlərlə yanaşı nəzarət edən orqanlar da binaların əyilməsinə görə məsuliyyət daşıyırlar

Bakının Qaradağ rayonu ərazisində yerləşən “Qobu Park” yaşayış kompleksi Birinci Qarabağ müharibəsi zamanı evlərini itirmiş məcburi köçkünlər üçün inşa edilib. Şəhərcik üç hissədən ibarətdir - "Qobu Park", "Qobu Park-1", "Qobu Park-2". Müvafiq olaraq 2018, 2019 və 2020-ci illərdə istifadəyə verilib. Hazırda yaşayış kompleksində əsasən Laçın, Ağdam və Cəbrayıl rayonlarından ümumilikdə 3600-dən çox ailə məskunlaşıb.

“Qobu Park” yaşayış kompleksinin sakinləri iki ilə yaxındır ki, binaların qəzalı vəziyyətdə olduğunu deyirlər. Yaşayış kompleksi istismara təhvil veriləndən az sonra sakinlər yaranan ciddi problemlərdən şikayətlənməyə başlayıblar. Əvvəlcə kanalizasiya sistemi və su xətləri sıradan çıxıb. Sakinlərin sözlərinə görə, su və kanalizasiya borularından axan su və çirkab həyətləri basmaqla yanaşı, həm də binaların zirzəmilərinə dolub. Bildirir ki, problemlərin yaranması binaların çox qısa müddətdə tələsik inşa edilib, istismara verilməsi ilə bağlı ola bilər. Halbuki çoxmənzilli binaların tikintisi təxminən iki il davam edir, eyni zamanda binanın oturması yerin səthindən asılıdır. Əgər bina əyilirsə, deməli, konstruksiyası düzgün qurulmayıb. Mümkündür ki, binalar tikilməzdən əvvəl torpağın tərkibinin öyrənilməsində səhvlər buraxılıb. Nəticədə, buradan keçən qrunt suları binaların təməlini yuyub. Bundan başqa, yer səthində baş verən dalğalanmalar nəticəsində süxurun strukturunun dəyişməsi mümkündür. Bu, insan amili ilə də bağlı ola bilər.

Azərbaycanda dövlət qurumlarının xətti ilə aparılan tikinti işlərinin həyata keçirilməsi üçün agentliyin və ya komitənin yaradılması təklif olunur. Bu təkliflə Milli Məclisin son iclasında Razi Nurullayev çıxış edib. “Hazırda müxtəlif nazirliklərin, komitələrin demək olar ki, əksər dövlət qurumlarının tərkibində tikinti şöbələri var. Bilmirəm bu, sovetlərdən qalma ənənədir və ya sonradan formalaşıb. Dövlət qurumları öz vəzifələrini unudub tikinti yarışına girib. Təklif edirəm ki, aidiyyətsiz dövlət qurumlarındakı tikinti şöbələri ləğv edilsin, onların yerinə ayrıca agentlik və ya komitə yaradılsın ki, onlar tikinti ilə məşğul olsun”, - deputat vurğulayıb.

Dövlətin etibarını “əyənlər” - “Qobu Park”a görə kimlər tutulmalı?

“Bakı” Hüquq Şirkətinin rəhbəri Natiq Ələsgərov “Yeni Müsavat”a deyib ki, 2015-ci ildə Azərbaycan Respublikasının Dövlət Tikinti Normalarını (AzDTN) təsdiq edilib. Onun sözlərinə görə, AzDTN müvafiq qaydada verilmiş tikintiyə icazə əsasında yeni bina və qurğuların (tikinti obyektləri) inşasına, mövcud tikinti obyektlərinin yenidən qurulmasına və sökülməsinə, eləcə də ərazilərin abadlaşdırılmasına və mühəndis hazırlığına şamil olunur: "Elektrikötürücü xətlər, rabitə xətləri, boru kəmərləri və digər texniki infrastruktur obyektləri, o cümlədən dəmiryolu zolağında, avtomobil yolları və digər nəqliyyat yolları üçün ayrılmış zolaqlarda bu növ obyektlər inşa edilərkən əlavə olaraq şəhərsalma və tikintiyə dair normativ sənədlərin tələbləri nəzərə alınmalıdır. AzDTN tikintisinə icazə tələb olunmayan tikinti obyektlərinə və barəsində məlumatlandırma icraatının tətbiq olunduğu yaşayış evlərinə, həmçinin inşaat sənayesi və inşaat materiallarının sənayesi müəssisələrində materialların, məmulat və konstruksiyaların istehsalına şamil edilmir. Tikinti obyektlərinin inşası yalnız Azərbaycanın şəhərsalma və tikinti qanunvericiliyinə uyğun olaraq verilmiş tikintiyə icazə əsasında aparılır. Bu halda tikintiyə icazə verən, nəzarət etməli orqanlar da məsuliyyət daşıyırlar".

Natiq Ələsgərov deyib ki, sifarişçi ilə podratçı arasında müqavilə bağlanır: “Podratçı tikintini bilavasitə aparan şəxsdir. O, işlərinin layihəyə uyğun olaraq, şəhərsalma və tikintiyə dair normativ sənədlərin tələblərinə əməl edilməklə həyata keçirilməsini təmin etməlidir. Tikinti başa çatdıqdan sonra tikinti obyektinin qüvvədə olan qanunvericiliyin, şəhərsalma və tikintiyə dair normativ sənədlərin tələblərinə və layihəyə uyğunluğu yoxlanılır, o cümlədən tikintisi başa çatmış tikinti obyektinin istismarına icazə alınır. Araşdırılmalıdr ki, "Qobu Park"a görə belə icazə verilibmi? Verilibsə, AzDTN-ə uyğunluq məsələləri aydınlaşdırılıbmı?

AzDTN-ə görə tikinti fəaliyyətinin subyektləri, yəni podratçı (baş podratçı), sifarişçi, layihəçi tikinti-quraşdırma işlərinin, tikinti obyektinin konstruksiyalarının, mühəndis-texniki təminat sistemlərinin şəhərsalma və tikintiyə dair normativ sənədlərin tələblərinə və tikinti layihəsinə uyğunluğunu qiymətləndirmək məqsədilə Azərbaycan Respublikasının şəhərsalma və tikinti qanunvericiliyi ilə nəzərdə tutulmuş qaydada tikintiyə nəzarəti həyata keçirməlidir. Əgər keçiriblərsə, bu halda binalarda yaşayan sakinlərin qeyd etdikləri çatışmazlıqlar olmamalı idi. Bu halda tikintini icra edənlərlə yanaşı nəzarət edən orqanlar da baş verənlərə görə məsuliyyət daşıyırlar".
[rating-type-4]
{likes}
{dislikes}
[/rating-type-4]
Gəncə Dövlət Universitetinin rektoru prezidentin əleyhinə gedir(?):Universitetin büdcəsi müxtəlif adlar altında talan edilir

Universitetin saytına baxanda məlum olur ki, 15 il bundan qabaq rəhmətə gedən universitet əməkdaşları hal-hazırda "elmi iş aparır", hətta "uğurlu elmi nəticələr əldə ediblər"(?)

Redaksiyamıza Gəncə Dövlət Universitetinin bir qrup müəllimi adınadan müraciət daxil olub. Müraciətdə rektorun qanunazidd əməllərindən və bir sıra digər özbaşınalıqlardan bəhs olunur. Biz Yenixeber.org olaraq yazıda yer alan iddialarla bağlı adları hallanan tərəfləri də dinləmək istədik. Təəssüf ki, bu istiqamətdəki cəhdlərimiz nəticəsiz oldu...

Aktuallığınbı nəzərə alıb müəyyən düzəliş və ixtisarla müraciəti dərc edirik:

Gəncə Dövlət Universitetindən nə qədər şikayət olunsa da, əlaqədar qurumlar heç bir tədbir görmədiyinə görə rektor Yusif Yusibovun özbaşınalığı pik həddə çatıb. Rektorun bu özbaşınalığının arxasında Mikayıl Cabbarov, Ceyhun Bayramov və Samir Şərifov üçlüyü dayanır. Ona görə ki, rektorun qardaşı Cavanşir Yusibov Maliyyə Nazirliyinin aparat rəhbəridir. Rektor o qədər "uzaqgörəndir" ki, beş il tamam olmamış qardaşının hesabına Maliyyə Nazirliyinin Yoxlama Komissiyasını gətirib öz korrupsiya əməllərini qanuniləşdirir.

Artıq rektor ölkə Prezidenti İlham Əliyevin siyasətinin əleyhinə getməyə başlayıb. Ölkə Prezidenti İlham Əliyev dəfələrlə çıxışlarında işçilərin iş saatı və iş günləri haqqında danışmışdır. Lakin rektor işçiləri şənbə və bazar günləri də işə gəlməyə məcbur edir, həmin günlər işə gəlməyən əməkdaşları yoxlatdırıb, maaşlarını kəsdirir. Universitetin əməkdaşlarının maaşı ən aşağı səviyyədədir. Gəncə Dövlət Unversitetinin tələbələrinin sayı Gəncədəki digər universitetlərin tələbələrindən çoxdur. Buna baxmayaraq, Gəncədəki digər universitetlərdə olan əmək haqqı GDU-dan qat-qat çoxdur. Alt qruplarda yığılan milyonlarla pulun hara getdiyi naməlumdur. Universitetin büdcəsi müxtəlif adlar altında talan edilir, universitetdə adi dəftərxana ləvazimatları, kağız, marker belə verilmir, bu məqsədlə ayrılan pullar mənimsənilir. Dərslərdə markeri tələbələr pul yığıb özləri alırlar.

Universitetin keçirdiyi tenderlər qanuni şəkildə yoxlansa bu universitetin respublikada ən böyük korrupsiya yuvası olduğu aşkar olunar.

Müəllimlərin maaşları artırılmır, universitetdə heç kim öz işi ilə məşğul deyil. Hərə əlinə bir siyahı alıb, yoxlama aparır, bir dərsdə beş-altı dəfə müxtəlif adamlar girib yoxlama aparır, tədris prosesi tam iflic vəziyyətindədir.

Təsəvvür edin ki, professorun dərsinin keyfiyyətini, onun sənədlərini 7000-10000 manat civarında rüşvət müqabilində işə təzə götürülmüş uşaqlar yoxlayır.

75 yaşlı, işə çəkələklə gələn prorektor Gülsüm Fətəliyeva dərsin ortasında dərsə girir, əlindəki siyahı üzrə höcələyə-höcələyə adları oxuyub, tələbələri adbaad yoxlayır. Dərsin də bütün vaxtı gedir. Görəsən qrup nümayəndəsi, tyutor, dekan müavini nə üçündür?

Rektor qorxur ki, birdən prorektor Şahin Xurşudov və dekanlar ondan xəlvət tələbələri aylığa buraxar, pul məsələsində rektoru aldadarlar. Ona görə qoca prorektoru göndərib təkrar-təkrar yoxlatdırır ki, onu haqq-hesabda aldatmasınlar. Rektorun qəbul saatı yoxdur, heç bir əməkdaş rektoru görə bilmir, çünki əməkdaşları qəbul etmir. Kabinetdən çölə çıxmır.

Universitetdə işləyən erməni əsilli vətəndaşlara yüksək maaş və xüsusi qayğı göstərilir. Bu erməni qardaşlardan biri Vasif Həsənov hələ də universitetdə at oynadır, prorektorları belə saymır. Digər qardaşı isə Bərdə rayonunda qeyri-hökumət təşkilatlarının birində yüksək vəzifədə işləyir,amma buna baxmayaraq adı Gəncə Dövlət Universitetində də gedir, buradan da maaşını alır. Amma bu heç vaxt işə gəlməsə də tam maaşını verən Yusif Yusibov laborantların 270-300 manatına göz dikir, onların beş-altı dəqiqə işə geçikmək dəqiqələrini sayır. Universitetdə özü Rusiyada olub, burada texniki işçi və ya müəllim işləyən şəxslər onlarladır. Görəsən rektor Yusif Yusibovda bu erməni sevgisi hardandır???

Universitet daha bir ilkə də imza atıb. Universitetin saytına baxanda məlum olur ki, 15 il bundan qabaq rəhmətə gedən universitet əməkdaşları hal-hazırda elmi iş aparır, hətta uğurlu elmi nəticələr əldə ediblər(?) Fəxrəddin Süleymanov, Cəlal Zeynalov, Nurəddin Əliyev, Mayıl Mustafayev, Maya Rəhimova 10-15 il bundan qabaq rəhmətə gediblər. Amma onlar Yusif Yusibovun qabaqçıl iş təcrübəsi nəticəsində dirilib, gəlib universitetin elmi-tədqiqat işlərinə sanballı töhfələr verirlər(?) http://rif.gdu.edu.az/?page_id=358 Linkə baxın, hər şey oradan açıq-aydın görünür. İqtisadiyyat fakültəsinin saytı bərbad gündədir, rəhmətə gedən adamlar burada da "elmi iş aparır", Menecment və turizm kafedrasında isə kafedra, onun əməkdaşları haqqında məlumat belə yoxdur. http://iif.gdu.edu.az/?page_id=4951 Filologiya fakültəsinin bəzi kafedralarında da vəziyyət belədir, müəllimlər haqqında heç bir məlumat yoxdur. http://filologiya.gdu.edu.az/?page_id=226 Bu sayta ümumi nəzarəti erməni qardaşlar və Təhsildə Keyfiyyətin Təminatı şöbəsinin müdiri, sabiq icra başçısı Elmar Vəliyevin yaxın qohumu İsmayıl İsmayılov həyata keçirir. Bunların özlərini gördüyü işin səviyyəsi budur, amma bunlar da gəlib kollektiv üzvlərində nöqsan axtarır, dərsə davamiyyəti yoxlayır, imtahanları bunlar götürür. Dərsi deyən müəllim qalır kənarda, bütün imtahanları "hərşeyşünas" İsmayıl İsmayılov götürür.

O qədər çatışmamazlıq var ki, bilmirsən hansından yazasan......Tədbir görən də yoxdur.... Artıq siqnal yox, vaqon siqnalı çalırıq ki, bəlkə eşidib tədbir görələr.... Əmiralı müəllimin şirkəti isə Leonid İliç Brejnev demişkən "şiroko şaqaet" yəni, iri addımlarla irəliləyir.....(Yenixeber.org)

Qarşı tərəflərin cavab haqqını tanıyırıq.
[rating-type-4]
{likes}
{dislikes}
[/rating-type-4]
Tanınmış iş adamı Milli Məclis TƏDARÜKÜNDƏ... - İDDİA


Azərbaycanda Rəqabət Məcəlləsinin qəbul olunması inhisarçı biznesdə təşviş yaradıb. Uzun illərdən bəri müxtəlif sahələrdə rəqabətin qarşısını “əjədəha” kimi kəsən iş adamları bizneslərini qorumaq üçün üzlərini parlamentə tutmaq qərarına gəliblər.

AFN.az-a bu istiqamətdə maraqlı məlumat daxil olub. Bildirilir ki, uzun illərdir ölkənin ərzaq bazarında böyük monopolistlərdən biri kimi tanınan “Veysəloğlu” Şirkətlər Qrupunun rəhbəri, iş adamı Aydın Talıbov da deputat olmaq qərarına gəlib. Belə ki, onun növbəti parlament seçkilərində namizədliyini verəcəyi deyilir. Xəbərin detalları bizə məlum deyil, A.Talıbovun hansı dairədən deputat olmaq istəməsi haqda da dəqiq məlumata malik deyilik. Lakin onun bu qərara gəlməsi kifayət qədər maraqlı haldır desək, yanılmarıq. A.Talıbovun rəhbərlik etdiyi “Veysəloğlu” Şirkətlər Qrupu 1994-cü ildən fəaliyyət göstərir. Onun özü isə biznes fəaliyyətinə 1992-ci ildə başlayıb.
Şirkətlər Qrupunun saytında bildirilir ki, A.Talıbov 1994-cü ilin 5 noyabr tarixində Türkiyədən Azərbaycana biskvit-peçenye kateqoriyasında ilk iri həcmli idxalını həyata keçirərək “Veysəloğlu Distribusiya” şirkətinin əsasını qoyub.
O, 2001-ci ildə ortaqları ilə birgə "Ulduz" Şokolad Fabrikini yaradıb. 2010-cu ildə ortaqları ilə birlikdə əsas səhmdar kimi Gürcüstanda "VG" adı ilə yeni distribusiya şirkətini, 2011-ci ildə "Araz" supermarketlər şəbəkəsini yaradıb.
2016-cı ildən etibarən sahibkarı olduğu biznesləri daha da inkişaf etdirərək "Araz" supermarketlər şəbəkəsini genişləndirməklə yanaşı, "OBA" marketlər şəbəkəsini qurub. O, 2017-ci ildə ölkənin ilk supermarketlərindən olan "Favorit" şəbəkə marketlərini satın alıb.
2017-ci ilin iyunun 14-dən “AVT Logistics” şirkətinin fəaliyyətinə start verilib. Bu, Cənubi Qafqazda ən böyük logistika mərkəzinə sahib olan şirkətlərdən biri hesab edilir. Aydın Talıbovun təşəbbüsü ilə 2018-ci ilin may ayından etibarən qida və xidmət sektorunda keyfiyyətli və münasib qiymətə xammal tədarük edən “Vesta-Horeka” distribusiya şirkəti fəaliyyətə başlayıb. 2015-ci ildə isə qida sektorunda topdan tədarük fəaliyyəti göstərən “V-Trade” distribusiya şirkəti qurulub. 2016-cı ilin fevral ayından “Xonça” brendi adı altında şirniyyat məhsullarının istehsalına başlanılıb.
Aydın Talıbov “Entrée Azərbaycan” ilə ölkəmizdə kafe biznesinə də daxil olub. Hazırda françayzinq hüquqi əsasında bu tanınmış brend adı altında ölkədə 5 kafe fəaliyyət göstərir.
Göründüyü kimi, kifayət qədər geniş biznes şəbəkəsinə malik olan A.Talıbovun bu il iyulun 1-dən qüvvəyə minəcək Rəqabət Məcəlləsi ilə bağlı narahatlıqlarının olması normaldır. Bazarda xeyli dərin inhisarçı olan “Veysəloğlu” Şirkətlər Qrupunun yaranacaq rəqabətə davam gətirib-gətirməyəcəyinin sual altına düşdüyünü bu qərardan da görmək olar.
Şirkətlər qrupunun ictimaiyyətlə əlaqələr şöbəsindən məlumatın doğru olmadığı bildirilib. Belə ki, sorğumuza cavab olaraq A.Talıbovun növbəti parlament seçkilərində namizədliyini irəli sürməklə bağlı niyyətinin və fikrinin olmadığı qeyd edilib. “Azərbaycan iqtisadiyyatına və vətəndaşların işlə təmin olunmasına töhfə verən “Veysəloğlu” Şirkətlər Qrupunda hazırda 23 mindən çox əməkdaş çalışır. Aydın Talıbovun gələcək fəaliyyət planı yalnız “Veysəloğlu” Şirkətlər Qrupu ilə bağlıdır” – deyə cavabda bildirilir.

Bəs Rəqabət Məcəlləsi inhisarçı biznesə hansı problemləri yarada bilər? İqtisadi yazar Dünya Sakit AFN.az-a açıqlamasında bildirdi ki, əslində normal halda Rəqabət Məcəlləsi biznes üçün əlverişli mühit deməkdir: “Bu qanun heç bir halda sahibkarlara problem yaratmaq üçün deyil. Rəqabət Məcəlləsi sahibkarların qarşılaşdığı inhisarçı və rəqabətsiz bazar mühitinin aradan qaldırılması, bazarda sağlam rəqabət yaradıb sahibkarlığın inkişafını təmin etmək üçündür. Azərbaycanda da hazırlanan sənəd kifayət qədər təkmil hesab edilir, çatışmazlıqları, demək olar ki, çox azdır. Real icrasına nail olunarsa, kiçik və orta, hətta bəzi iri, inhisarçı olmayan sahibkarlar üçün geniş fürsətlər, inkişaf potensialı yarada bilər. Əsas məsələ bu məcəllənin icrasıdı, işləkliyidir. Ekspertlər də bildirirlər ki, onun tam icrasının effektivliyinə 2-3 il ərzində nail olmaq olar. Ən təkmil qanun belə icra olunmadığı halda heç bir işə yaramır. İndiyə qədər də Azərbaycanda sağlam rəqabəti təmin edə biləcək qanun aktları vardı. Düzdür, Rəqabət Məcəlləsi səviyyəsində deyildilər, amma o qanunvericilik aktları da icra olunsaydı, inhisarçılığın indiki ifrat həddini biz görməzdik. Rəqabət Məcəlləsi o qanunlardan daha təkmil və vahid sənəd olduğuna görə üstün hesab olunur”.
D.Sakitin sözlərinə görə, Rəqabət Məcəlləsi kimi sənədlərin, çərçivələrin, məhdudiyyətlərin olmaması hər bir ölkədə inhisarçılığın inkişafına, təşəkkül tapmasına imkan yaradır: “Azərbaycanda indi inhisarçılıq ən yüksək səviyyədə inkişaf edib, bazarlar inhisarçı şirkətlərin əlindədir, sağlam rəqabətdən danışmaq mümkün deyil. Daha çox bu və digər məmura söykənən arxalı biznesdən danışa bilərik, azad biznes hələ ki, yoxdur. Dediyim kimi, əgər Rəqabət Mərhələsi qəbul olunduğu formada icra olunarsa, biz indiki qeyri-sağlam mühitin aradan qalxmasını görə bilərik”. (AFN)
[rating-type-4]
{likes}
{dislikes}
[/rating-type-4]
Otel də yoxdur, turist də: Azərbaycanlıların “ərəbsayağı” istirahəti - ARAŞDIRMA

Bu ilin yanvar-mart aylarında Azərbaycandan xarici ölkələrə gedən vətəndaşların sayı ötən ilin eyni dövrü ilə müqayisədə 31,7 % artaraq 472,3 min nəfər olub.

"Cebhe.info" bu barədə Dövlət Statistika Komitəsinə istinadən xəbər verir. Məlumata görə, vətəndaşlarının 38,3 %-i Türkiyəyə, 20,8 %-i Rusiyaya, 9,4 %-i Gürcüstana, 8,6 %-i İrana, 22,9 %-i digər ölkələrə səfər edib. Son 1 ildə İrana gedən vətəndaşların sayı 40,6 %, Gürcüstana gedənlərin sayı 29 %, Türkiyəyə gedənlərin sayı 28,1 %, Rusiyaya gedənlərin sayı 20,1 % artıb. Gedənlərin 67,2 %-ni kişilər, 32,8 %-ni qadınlar təşkil edib. Vətəndaşların 67,4 %-i hava, 30,3 %-i dəmir yolu və avtomobil, 2,3 %-i isə dəniz nəqliyyatından istifadə edib.

Daxili turizmlə bağlı isə vəziyyət ürəkaçan deyil.

İqtisadçı-alim Vüqar Qocayev “Cebhe.info”-ya bildirib ki, Azərbaycanda turizm və xidmət sektoru iflas edəcək vəziyyətdədir:

“Son illər ölkəmizdə turizm sektorunda kifayət qədər çox nöqsanlar var. Belə ki, bölgələrdə istirahətə gedən vətəndaşlar fantastik qiymətlərlə rastlaşırlar. Qiymətlər kifayət qədər baha olduğundan vətəndaşların xarıcə üz tutması normaldır. Üstəlik bölgələrdə xidmət göstərən personalların qeyri- peşakar rəftarları, bir zamanlar ərəblər üçün təyin edilmiş qiymətlərin sadə Azərbaycan vətəndaşı üçün də keçərli olması xaricdə istirahət etməyə marağı daha da artırır”.

İqtisadçı Natiq Cəfərli isə bildirib ki, ölkəyə gələn turistlərin 90 % -i Bakıya istirahətə gəlir:

“Bu il gələn turistlərin əksəriyyəti Bakıya gəlib. Bakı daxili turizm üçün o qədər də yararlı deyil. Daxili turizmin inkişaf etməsi üçün Bakıdan rayonlara gedənlərin sayında artım olmalıdır ki, turizmə müsbət töhfə verə bilsin”.

Ekspertin fikrincə, Qəbələdə və digər istirahət zonalarında turizm axını ləngiyə bilər:

“Buna səbəb kimi otellərdə qiymətlərin yüksək olmasını da göstərə bilərik. Çünki ölkəmizdə, əsasən də regionlarda beşulduzlu otellərdə həddindən artıq bahalıqdır. Çünki tələb var, təklif azdır. Yəni otel sayı ölkəmizdə kifayət qədər azdır”.
[rating-type-4]
{likes}
{dislikes}
[/rating-type-4]
Deputatın tikdiyi binanın əyilməsi ilə bağlı XƏBƏRDARLIQ: - Komissiya yaradılması təklif edildi

Xəbər verdiyimiz kimi, “Qobu Park-3” yaşayış massivində məcburi köçkünlər üçün tikilən bina əyilib.

Qeyd edək ki, kompleksə daxil olan 26-cı binada bərkitmə işləri aparılması ilə bağlı görüntülər də yayımlanıb. Görüntülərdən məlum olur ki, ərazidə iş aparılarkən heç bir təhlükəsizlik qaydalarına riayət olunmur. Lakin məsələ ictimailəşdikdən sonra binanın həyətində, azyaşlıların mütəmadi oynadığı ərazidə qazılan quyunun ətrafına təhlükəsizlik lenti çəkilib.

Eyni zamanda, hadisə yerindən “İctimai” TV-nin hazırladığı reportajda binada əyilmənin aidiyyatı qurumların nümayəndələri tərəfindən adi hal kimi təqdim edilməsi də diqqət çəkir. Belə ki, Lökbatan Mənzil İstismar Sahəsinin rəis müavini Xaqani Həsənov bildirib ki, yaşayış massivində 26-cı binada iki blok arasında “bir balaca” fərq yarandığı üçün bərkitmə işləri aparılır: “Bunun qarşısını almaq məqsədilə, gələcəkdə problemlər yaranmasın deyə maili müstəvi şəklində bərkitmə işləri aparılır”.

Onu da xatırladaq ki, bundan əvvəl eyni problem “Qobu Park-1” və “Qobu Park-2” yaşayış massivində də yaşanıb. “Qobu Park-3”-ün tikintisində isə problem daha əvvəldən mövcud idi. Diqqətli oxucular xatırlayar ki, həmin yaşayış kompleksində binaların üstü tam tollanmamış açılışı edilmişdi və ölkə başçısı da həmin açılışa dəvət edilmişdi\Sonxeber.az

Yenicag.az-a açıqlamasında yeni tikilən yaşayış binalarının təhlükəsizlik baxımından nə qədər dözümlü olduğu ilə bağlı fikirlərini səsləndirən Azərbaycan Qiymətləndiricilər Cəmiyyətinin (AQC) sədri, Türk Dövlətləri Qiymətləndiricilər Birliyinin vitse-prezidenti Vüqar Oruc deyib ki, hesablamalar dəqiq aparılmalı, materiallar keyfiyyətli olmalıdır ki, sürüşmə-əyilmə, vaxtından öncə aşınma kimi təhlükəli vəziyyət yaranmasın.

Onun sözlərinə görə, əgər lazımi qurumlar və strukturlar öz vəzifəsini qanunauyğun şəkildə icra edərsə, mənfi hallarla qarşılaşma ehtimalı ən aza endirilə bilər.

“Ölkəmizin seysmik zonada yerləşdiyini nəzərə alsaq, yaşayış binalarında yaşana biləcək hər hansı təhlükə yüzlərlə, bəlkə də minlərlə insanın həyatı bahasına başa gələ bilər. Yaxın müddət ərzində seysmikliyin artacağına dair proqnozlar mövcuddur. Belə olduğu təqdirdə, çoxmərtəbəli binaların dözümlülüyünə diqqət daha çox artırılmalıdır. Həmçinin indiyə qədər müəyyən səhvlər varsa, mütləq aradan qaldırılmalıdır”, – deyə o əlavə edib.

Ekspert qeyd edib ki, sözügedən məsələlərin araşdırılması və qarşısının alınması üçün bir neçə dəfə komissiyanın yaradılması barədə təkliflər irəli sürülüb:

“Aidiyyatı qurumlarla yanaşı ictimaiyyət nümayəndələrindən təşkil olunacağı bu komissiya mənfi tendensiyaların qarşısını ala bilər. Tikinti üzrə qurumlar heç bir halda qayda pozuntusuna göz yummamalıdır. Yerindəcə həmin tikintiyə rəhbərlik edən şəxs cəzalandırılmalıdır”.

O, barəsində danışılan problemlərin bir çox zaman tikinti materiallarının keyfiyyətsizliyi, eyni zamanda, mühəndis-layihə işlərinin lazımi tələbləri qarşılamadığı hallarda baş verdiyini vurğulayıb:

“Hesablamalar dəqiq aparılmalı, materiallar keyfiyyətli olmalıdır ki, sürüşmə-əyilmə, vaxtından öncə aşınma kimi təhlükəli vəziyyət yaranmasın. Ən azından qardaş Türkiyənin yaşadığı acı praktika bizlər üçün nümunə olmalıdır. Lazımi tədbirlər görülməzsə, çox təəssüf ki, həmin taleyi biz də gözləyirik”.

XƏBƏR LENTİ

21:13

Bakıda çoxmərtəbəli yaşayış binasında yanğın olub

21:03

Prezident İlham Əliyevin adından Sadır Japarovun şərəfinə dövlət ziyafəti verilib - YENİLƏNİB

19:51

Azərbaycanda yeni kollec yaradıldı

19:00

Qırğızıstan Prezidenti Bakıda şəhidlərin xatirəsini andı

18:38

İraqın şimalında PKK-nın 6 terrorçusu zərərsizləşdirildi

16:46

Məşhur pediatrın intihar səbəbi bu imiş

16:21

Bayden növbəti dəfə “erməni soyqırımı” ifadəsini işlətdi

15:53

"Oğlum xəstə ola-ola əsgər aparıblar" - Cəlilabad sakinindən şikayət - FOTO

15:27

Kəmaləddin Heydərovun məmur qohumunun oğlu 250 min dolları faizə verib - MƏHKƏMƏ İŞİ

14:40

Beş ayda 67 milyon manat dövlət sifarişi verilmiş müəmmalı MMC-nin arxasında kimlər durur?

14:08

Siqaretin qiyməti bahalaşacaq? - AKTUAL

13:35

`Sahil - S İnşaat` şirkətinin tikdiyi binanın sakinləri YENİ QALMAQALDA - NARAZILIQ VAR...

12:43

Göygöl Suvarma Sistemləri İdarəsinin 1 milyon manatlıq tenderinin adı var, özü yox… - İLGİNC FAKTLAR

12:16

Dövlətin etibarını “əyənlər” - “Qobu Park”a görə kimlər qandallanacaq?

11:39

Gəncə Dövlət Universitetinin rektoru prezidentin əleyhinə gedir(?):Universitetin büdcəsi müxtəlif adlar altında talan edilir

10:54

Təhsildəki kütləvi repititorluq... - Məktəblər NƏ İŞƏ YARAYIR?

10:16

Bakıda Sahil Babayevdirsə, Naxçıvanda da Ceyhun Cəlilovdur... - EYNİ SİTƏM...

09:55

Tanınmış iş adamı Milli Məclis TƏDARÜKÜNDƏ... - İDDİA

09:11

Otel də yoxdur, turist də: Azərbaycanlıların “ərəbsayağı” istirahəti - ARAŞDIRMA

22:52

İrəvandakı yürüşdə Azərbaycan və Türkiyə bayraqları yandırıldı - Fotolar

22:35

“Azərreyl” çempion oldu

20:17

Deputatın tikdiyi binanın əyilməsi ilə bağlı XƏBƏRDARLIQ: - Komissiya yaradılması təklif edildi

19:11

Azərbaycanda bu taksi şirkəti bağlanır

16:49

Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT

16:07

Bu il Qarabağa nə qədər vəsait xərclənib?

15:26

"Başqa brokerlər də belə bahaçıldır?" - GİLEY

14:23

Məktəb direktoru həmin qadından 300 min alıbmış

13:48

EMIN ƏMRULLAYEVIN 271 №LI MƏKTƏBDƏKI KADRI, HAQQINI TƏLƏB EDƏN MÜƏLLIMƏNI “GÖZÜMÇIXDIYA SALIB”- VİDEO/ FAKTLAR

13:06

Əsgərovların bankında problemli kreditlər 2 dəfədən çox artdı - TƏFƏRRÜAT

12:36

İmişlini BELƏ İDARƏ EDİRLƏR... - İTTİHAM VAR...

12:02

Qurban Qurbanova yaxşılıq, yoxsa pislik? - Əhmədzadənin Zaqatalanı məhv etmək uğurunda 15 illik MÜBARİZəsi - VİDEO

10:57

Ağstafa DAİM-in direktoru İŞDƏN ATILIR... - Əlaqələri də işə yaramayacaq...

10:24

Lerik acınacaqlı durumda, başçı öz kefində... - FAKT BUDUR!

09:46

`Kremlin Hall`da bişən kababın TÜSTÜSÜ... - Nazirliyə MÜRACİƏT OLUNDU