[rating-type-4]
{likes}
{dislikes}
[/rating-type-4]
Azərbaycanda Novruz bayramıdır


Azərbaycanda Novruz bayramı qeyd edilir.

Novruzun qeyd edilməsi yeni ilin, yazın ilk gününün qarşılanması anlamına gəlir.

Novruz Şimal yarımkürəsində astronomik yazın başlandığı, gecə-gündüz bərabərliyi günündə (martın 20-si, 21-i və ya 22-də) keçirilir. Bir sıra xalqlar yaz fəslinin gəlməsini təbiətin canlanması ilə bağlayıb, bu münasibətlə şənliklər keçirib, onu yeni ilin başlanğıcı kimi bayram ediblər.

Qədim zamanlardan başlayaraq İran, Əfqanıstan, Tacikistan, Özbəkistan və bəzi başqa şərq xalqları ilə yanaşı, Azərbaycan türkləri də baharın - yeni ilin gəlişini şənliklərlə qarşılayırlar.
2009-cu il sentyabrın 30-da Novruz UNESCO tərəfindən qeyri-maddi mədəni irs siyahısına daxil edilib, 23 fevral 2010-cu ildə isə BMT martın 21-ni “Beynəlxalq Novruz Günü” elan edib.

Qeyd edək ki, Nazirlər Kabineti tərəfindən təsdiqlənən müvafiq qərara əsasən, 2023-cü il martın 20, 21, 22, 23 və 24-ü Novruz bayramıdır.
[rating-type-4]
{likes}
{dislikes}
[/rating-type-4]
“Baku City Hospital”ın saytında bu cümlələr yazıldı - “Borcunu ödəməyə pul tapmır” - Foto


“Baku City Hospital”ın rəsmi saytında texniki problem yaşanıb.

“Qafqazinfo”nun məlumatına görə, bu, klinika rəhbərliyinin serverin ödənişini etmədiyi üçün baş verib.

Bu səbəbdən sayta daxil olanda ““Baku City Hospital”ın 120 AZN borcunu ödəməyə maddi gücü çatmadığı üçün serverləri bağlanıb. Ən ucuz “chek-up”ları belə 120 AZN-dən daha baha olan şirkət borcunu ödəməyə pul tapmır” cümləsi yazılıb.

Texniklərin etiraz mesajından qısa müddət sonra problem həllini tapıb və saytın fəaliyyəti bərpa olunub.
“Baku City Hospital”ın saytında bu cümlələr yazıldı - “Borcunu ödəməyə pul tapmır” - Foto
“Qafqazinfo”
[rating-type-4]
{likes}
{dislikes}
[/rating-type-4]
Göyçay sakinləri Prezidentdən KÖMƏK İSTƏYİR - ETİRAZ VAR!


Göyçay rayon 106 Peşə Liseyinin yataqxanasında məskunlaşan bir qrup şəxs video müraciət edərək məhz ölkə başçısı cənab İlham Əliyevdən kömək istəyirlər.

Onların DİA.AZ-a bildirdiyinə görə, dəfələrlə rayonda fəaliyyət göstərən aidiyyəti qurumlara öz etirazlarını bildirsələr də, problemləri həll olunmur ki, olunmur. "Azərsu" ASC Göyçay Su Kanal İdarəsi (Kazım adlı cavabdeh) vətəndaşlara büdcədə vəsait olmadığını, ona görə də köməklik göstərə bilməyəcəklərini deyirlər. Üstəlik bina Elm və Təhsil Nazirliyinin balansında olduğu üçün, nazirliyə müraciət etmək lazım olduğunu tövsiyə edirlər. Həmçinin, Göyçay "Şəhər Təsərrüfatı Birliyi"nin Mənzil Sahəsi də qəzalı durumda olan yataqxana qətiyyən təmir işləri aparmaq istəmir. Halbuki binanın kanalizasiya sistemi yararsız vəziyyətdədir. Bir sözlə, məsuliyyətdən yayınmaq məqsədilə hər bir idarə cavabdehliyi digər qurumun üzərinə atmaqdadır.

Eyni zamanda sakinlər deyir ki, onlar Göyçay Rayon İcra Hakimiyyəti başçısı Natiq Ağayevin də qəbulunda olublar. İcra başçısı problemin həlli istiqamətində öz tapşırığını versə də, Göyçay Su Kanal İdarəsi yataqxana sakinlərinə nə su verir, nə də ki, binanın divarlarını rütubətli və nəmişlik içərisində saxlayan dərilmiş kanalizasiya borularının təmir olunmasına köməklik göstərirlər...

Daha ətraflı videoda:

DİA.AZ
[rating-type-4]
{likes}
{dislikes}
[/rating-type-4]
Jurnalist icra başçısı ilə ÇƏKİŞMƏDƏ - Baş prokurorluğa TƏŞƏKKÜR ETDİ


Dünən qeyd etdiyim kimi, Beyləqan rayon icra hakimiyyəti başçısı və ayrı-ayrı vəzifəli şəxslər barədə müraciətim əsasında açılmış cinayət işi ilə bağlı Prezident İlham Əliyevə etdiyim son müraciətimlə əlaqədar olaraq bu gün Baş Prokurorluq yanında KQMBİ dəvət edilmişdim. Dəvətlə bağlı bu günləri həmin ünvanda oldum. "Antikorrupsiya" idarəsində məni İdarənin istintaq İdarəsinin mühüm işlər üzrə böyük müstəntiqi Emin Cahangirov yüksək ehtiramla qəbul etdi və istintaq işinin yekun nəticələri ilə bağlı məni ətraflı şəkildə məlumatlandırdı. Yeri gəlmişkən qeyd etməliyəm ki, cinayət işi üzrə istintaq mərhələsindən məlumatsız idim və prosesin gedişi barədə konkret bilgiyə sahib deyildim.
Bu gün isə Baş prokuror Kamran Əliyevin şəxsən göstərişi ilə mən KQMBİ dəvət olunaraq istintaq prosesinin nəticələri barədə bilgiləndirilidim. Öncəliklə hörmətli Baş prokuror Kamran Əliyevə və məni qəbul edib işin hallarıni mənə ətraflı şəkildə izah edən KQMBİ-nin İstintaq İdarəsinin mühüm işlər üzrə böyük müstəntiqi Emin Cahangirova dərin təşəkkürümü bildirirəm. Əslində əvvəlcədən bir jurnalist olaraq Baş prokuror Kamran Əliyevə etdiyim müraciətimə həssaslıqla yanaşılacağına, ərizəmdə qeyd etdiyim korrupsiya cinayətlərini ehtiva edən bütün elementlərin ciddi şəkildə araşdırılacağına cinayət işinin materiallarında adı keçən vəzifəli şəxslər barədə hüquq müstəvisində tədbirlər görüləcəyinə əmin idim. Belə də oldu. Əminliyini özünü doğrultdu. Hər kəs etdiyi əmələ görə öz layiqli cəzasını aldı.Bir daha ölkənin Baş prokurorluğuna və əməkdaşlarına öz dərin təşəkkürümü bildirirəm.
İşin təfərrüatları barədə isə bir qədər sonra geniş yazacam. Bircə onu deyə bilərəm ki, Baş prokurorluq yanında KQMBİ tərəfindən açılmış cinayət işi üzrə 1 milyon manata yaxın pul vəsaitinin dövlət büdcəsinə ödənilməsi təmin edilmişdir.

Ramin Məhəmmədoğlu
RealMedia.az
[rating-type-4]
{likes}
{dislikes}
[/rating-type-4]
DTX-nin tutduğu gömrük generalları AZADLIĞA BURAXILDI


Dövlət Təhlükəsizliyi Xidmətinin (DTX) keçirdiyi əməliyyat zamanı saxlanılan gömrük generalları Ehtiram Xəlilov və Əməliyyat və İstintaq Baş İdarəsinin rəisi Məsum Rəsulov azadlığa buraxılıb.

Məhkəmə onların barəsində həbs qətimkan tədbirinin ev dustaqlığı ilə dəyişdirilməsi barədə istintaq orqanının təqdimatına baxıb.

Qərara əsasən, generallar ev dustaqlığına buraxılıb.

Qaynarinfo
[rating-type-4]
{likes}
{dislikes}
[/rating-type-4]
Paşinyan bu məbləğə görə Rusiyaya meydan oxuyur? - ARAŞDIRMA


İsveçrənin ən məşhur və etibarlı banklarından sayılan "Credit Suisse"də Ermənistanın yüzlərlə vətəndaşının hesabları aşkarlanıb. Həmin hesabların arasında məxfi olanlara yatırılan pulların izi Ermənistanın sabiq, habelə, indiki rəhbərliyinə gedib çıxır. Maraqlıdır ki, məhz bu hesablara astronomik məbləğdə pullar yatırılandan sonra Ermənistanın hakimiyyət dairələrində aşkar anti-Rusiya ritorikası güclənib.

Sürix, "Paradelplatz" meydanı. Böyüklüyünə və nüfuzuna görə UBS-dən sonra İsveçrənin ikinci bank konqlameratı sayılan "Credit Suisse Group" bankının mənzil-qərargahının yerləşdiyi bina.

2011-ci ildən etibarən qlobal bank sistemində ən əhəmiyyətli banklardan birinə çevrilən "Credit Suisse"də yüz minlərlə insanın, şirkətin və təşkilatın hesabları, az qala trilyonlarla dollar vəsait var.

O pullarla hesabların arasında Ermənistanın 500 vətəndaşına təqribən 400 bank hesabı məxsusdur.

Hesabların total əksəriyyəti iş adamları və şirkətlərin vəsaitinin toplandığı akkauntlar olsa da, bəzi hesablar məxfidir.

Ermənistanın sabiq dövlət başçısı Armen Sarqsyan və onun bacısı Karine Sarqsyanın hesabları kimi.

A.Sarqsyan hələ Ermənistanın Britaniyadakı səfiri postunda çalışanda onun sözügedən bankdakı hesabında ən azı 10 milyon İsveçrə frankı vardı.

Anonim mənbə Ermənistan vətəndaşlarının, xüsusilə də bu ölkənin rəhbərliyinin gizli hesabları barədə məlumatlar verməyə razılaşıb.

Armen Sarqsyanın 2016-cı ilədək fəaliyyətdə olmuş hesabından o, sürəkli istifadə edib. Lakin sonradan o, bəhs etdiyimiz hesabı qapadaraq ofşor zonasında qeydə alınmış şirkətlərin adına rəsmiləşdirilmiş daha 3 hesab açıb.

İsveçrə banklarından birində hesab açmaq və həmin hesaba pul yatırmaq, təbii ki, cinayət deyil. Amma bu maliyyə vəsaitini vergilərdən yayındırmaq, gizlətmək, çoxsaylı ofşor şirkətlərin hesablarına paylayaraq iz itirməyə çalışmaq cinayətdir.

Armen Sarqsyan 2018-ci ilin aprelin 18-də Ermənistan prezidenti postuna seçiləndən sonra həmin hesablar barədə heç bir məlumat verməyib, heç nə olmayıbmış kimi davranıb.

O, 2022-ci ilin yanvarın 23-də qəflətən vəzifəsindən istefa verəndən sonra da "Credit Suisse"dəki hesabları barədə açıqlama verməyib, maliyyə vəsaitini bəyan etməyib.

Üstəlik, o, Sent-Kit və Nevis adalarının vətəndaşlıq pasportu da daşıdığından, gizli hesabların bir qisminin o pasportla rəsmiləşdirildiyi də istisna deyil.

Belə ki, Ermənistanda 2011-ci ilin mayın 26-da qəbul olunmuş "İctimai qulluq haqqında" qanuna və Ermənistan hökumətinin 2011-ci ilin dekabrın 15-i tarixli 1819 saylı qərarına görə, A.Sarqsyan əmlakı və maliyyə vəsaiti barədə vergi bəyannaməsi təqdim edəndə "cəmi" 8 milyon ABŞ dollarına malik olduğunu yazmışdı.

Sonralar, A.Sarqsyan Ermənistanın dövlət başçısı olanda həmin məbləğ kağız üzərində fasiləsiz azalıb. Halbuki, reallıqda məbləğ onlarla yox, yüzlərlə dəfə artıb. Artımın mənşəyi, yüz milyonlarla dolların sonradan milyardlarla dollara, daha dəqiq olsaq, 8,4 milyard dollara çevrilməsi barədə isə A.Sarqsyan susub.

Süküt indi də davam edir.

Qanunsuz gəlirləri, sirli milyardları və bank hesabları barədə sualları cavablamaqdan boyun qaçıran A.Sarqsyan sadəcə bildirib ki, Ermənistanın Britaniyadakı səfiri vəzifəsini tamamilə ödənişsiz əsaslarla ("pro-bono") icra edib, üstəlik "öz şəxsi vəsaitini sərf edib": "Vəzifəli şəxslərin belə hallarda gəlir və vergi bəyannamələri təqdim etməli olmaları barədə dəqiq qaydalar yoxdur. Ermənistanın digər "pro-bono" işləmiş vəzifəli şəxsləri də bəyannamələr verməmişdilər".

"Credit Suisse" bankında A.Sarqsyanın 3 hesabının olması artıq dəqiq faktdır.

Bu bankda 1997-ci ildə Ermənistan vətəndaşı Nina Minasyanın adına da hesab açılıb və ilkin vəsait qismində ora 10 milyon İsveçrə frankı yatırılıb.

Adi prosedur sayıla bilər, lakin həmin dönəmdə N.Minyasanın, sənədlərə görə, 14 yaşı vardı.

14 yaşlı erməni qızın 10 milyon İsveçrə frankını necə və hansı yollarla əldə etməsi suallar doğurur. Lakin məbləğin mənşəyi barədə heç bir açıqlama verilməyib.

Hazırda N.Minasyanın hesabında 106 milyon İsveçrə frankı var.

Nina Minasyan real insandır. O, Ermənistandakı "VivaCell-MTC" mobil rabitə şirkətində 2014-cü ilədək çalışıb, sonra İrəvanı tərk edərək İsveçrəyə yollanıb.

Nina Minasyan indi də İsveçrədə yaşayır.

Maraqlı olan onun atasının adıdır: "Robert".

Nina Minasyanın adına hesab 1997-ci ilin mart ayında açılıb.

Robert Köçəryan 1997-ci ilin martında Ermənistanın baş naziri "təyin" edilib.

Nina Minasyanın böyük oğlunun adının Sedrak olduğu vurğulanır.

Robert Köçəryanın atasının adı Sedrakdır.

Ən nəhayət, Robert Köçəryanın hələ 1981-ci ildə Əsgəran sakini Tosxik Gevorkovna Zakaryanla (rəsmən ərə gedəndən sonra Tsoxik Minasyan olub) qeyri-rəsmi nikahda yaşadığı deyilirdi.

106 milyon İsveçrə frankı çox "qəribə" şəkildə, "təsadüfən" oğluna Robert Köçəryanın atasının adını verən, sənədlərdə isə özünün atasının adı "Robert" göstərilən Nina Minasyanın yalnız bir hesabda olan vəsaitidir.

Belə hesabların minimum 8 olduğu, həmin hesablarda təxminən 12 milyard İsveçrə frankının akkumulyasiya edildiyi iddia olunur.

Ninanın anası Tsoxikə gəldikdə isə o, 22 il Ermənistan Dövlət Əmlak Komitəsində çalışıb, 2021-ci ilədək daxil audit şöbəsinə rəhbərlik edib. İki il əvvəl işdən çıxan T.Zakaryan Ermənistanı tərk edib.

Nina və anası indi İsveçrənin Bern şəhərində yaşayırlar.

"Təsadüf"ə baxın ki, Robert Köçəryanın Avropa İttifaqı ölkələrindəki şirkətlərindən 8-i məhz Bern şəhərində rəsmi qeydiyyatdan keçirilib və o şirkətlərdən də 4-nün idarə heyətinin sədri kağız üzərində "Z.Minassian" kimi göstərilmiş şəxsdir.

Jurnalist fəaliyyətinə İrəvandakı "Dpryutyun" qəzetində başlayan, sonralar "Lragir", "Lragir-or", "Molorak" qəzetlərində çalışan, "Oragir" qəzetini yaradıb baş redaktor olan Nikol Paşinyan indi transparentlikdən, korrupsiya ilə mübarizədən, ləyaqətdən və şərəfdən danışmağı çox sevir.

Lakin 2004-cü ilin noyabrında İrəvanın mərkəzində, N.Paşinyanın baş redaktor olduğu "Haykakan Jamanak" qəzetinin redaksiyasının yaxınlığında onun avtomobilinin partladılmasını ermənilər unutmayıblar.

Paşinyan bu partlayışda Ermənistanın ən zəngin iş adamlarından biri, "Çiçəklənən Ermənistan" Partiyasının sədri, oliqarx Qagik Sarukyanı suçlamışdı.

Sarukyan da ittihamları rədd etmişdi.

"Ulaq Dado" ləqəbi ilə tanınan Q.Sarukyan, halbuki, gerçəkdən də Paşinyana nifrət edirdi, indi də belədir.

Buna rəğmən o, Ermənistanın kurort şəhəri sayılan Saxkadzorda (əsl adı Dərəçiçəkdir - müəl.) 4 hektar ərazidə ağacları kəsərək villa inşa etdirmişdi və bundan xəbər tutaraq oliqarxı "kompromat"la şantaj etmiş N.Paşinyana 50 min dollar verməyə razılaşmışdı.

Məbləğ N.Paşinyanın İsveçrədəki hesabına köçürülmüşdü.

Həmin hesabda sonrakı illərdə, daha doğrusu, 2013-cü ilədək təqribən 16,5 milyon İsveçrə frankı toplandı.

2013-cü ildə hesab qapadıldı, əvəzində müxtəlif şəxslərin şirkətlərin adlarına 12 bank hesabı açıldı.

Təqribi hesablamalara görə, sözügedən hesablarda hazırda 9 milyard dollara yaxın vəsait var və son transfer isə 123,2 milyon dollar olub. Transfer təqribən 71 şirkətin ödənişləri, köçürmələri və tədiyyələri qismində rəsmiləşdirilərək sonradan 13 şirkətin hesablarına yatırılıb.

Bəhs olunan şirkətlərin istisnasız olaraq hamısı ofşor bölgələrində rəsmi qeydiyyata alınmış strukturlardır.

Bundan başqa, Nikol Paşinyanın həyat yoldaşı Anna Akopyanın İsveçrə "Credit Suisse" bankındakı şəxsi hesabına 1 milyon dollar köçürməsi ilə bağlı sənədlər də var.

Pul köçürməsi elektron şəkildə həyata keçirilib.

A.Akopyan dəfələrlə İsveçrədə səfərdə olub və nəzərə alsaq ki, Nikol Paşinyanın müxtəlif adlarla rəsmiləşdirdiyi şirkətlərin də hesablarının çoxu məz bu ölkədəki banklardadır - qanunauyğunluqları sezmək çətin deyil.

Nikol Paşinyanın bank hesablarına ən son transferlərdən sonra Ermənistanın baş nazirinin ritorikasının dəyişməsi, onun açıqlamalarında aqressiya və sərtliyin artması da "təsadüf" sayıla bilər.

Ermənistan hakimiyyətinin rəhbərinin məhz yeni maliyyə köçürməsindən sonra xarici siyasət kursunda zahirən də olsa, dəyişkliklər etməyə başlamasının tam əlaqəli proseslər, bir-birini tamamlayan hadisələr olmasıı iddia etmirik.

Lakin Ermənistan hakimiyyətinin mahiyyəti dəyişməzdir: ölkəni idarə edənlər həmişə merkantil maraqlarını ermənilərin mənafelərindən üstün tutublar.

İrəvanda iqtidarlar dəyişsə də, təməl içgüdüyə çevrilmiş tamah ünsürü stabildir.

Elçin Alıoğlu
Trend
[rating-type-4]
{likes}
{dislikes}
[/rating-type-4]
Laçın yolunda ekoaksiyanın 97-ci GÜNÜ


Azərbaycanlı könüllü gənclər və ekoloqlar tərəfindən Laçın-Xankəndi yolunda təşkil olunan etiraz aksiyası 97 gündür davam edir.

Aksiya iştirakçılarının Laçın-Xankəndi yolunda fəallığı müşahidə olunur.

Etirazçılar səhər saatlarında Azərbaycanın Dövlət Himnini səsləndiriblər.

Şuşada hazırda az dumanlı hava şəraiti müşahidə olunur.

Hüquq-mühafizə orqanları bütün təhlükəsizlik tədbirləri yüksək səviyyədə təşkil edib.
[rating-type-4]
{likes}
{dislikes}
[/rating-type-4]
Tovuzda məmurlar BELƏ YEYİR... - BU DA FAKT!!!


Tovuz Mərkəzi Komunal Təsərrüfatı İstehsalat Birliyində əhalinin mənzil-kommunal xidmətlərinə tələbatının tam ödənilməsi, balansında olan mənzil-kommunal sahələri, mənzil fondunun və kommunal təyinatlı obyektlərin istismar səviyyəsinin yüksəldilməsi, abadlaşdırılması, onların qorunması sahəsində tədbirlər görülməsi, şəhərin sanitariya vəziyyətinin normal səviyyədə saxlanılması, qeyri-yaşayış sahələrindən təyinatı üzrə səmərəli istifadə edilməsinin təmin olunması kimi vəzifələr unudulub. Xidməti ərazisinin sanitar təmizliyini tabeliyindəki sahələrin gücü ilə təmin etmək, xidməti və digər təhkim olunduğu ərazilərdə məişət tullantılarının daşınmasını təşkil etmək, əsaslı tikinti və təmir sahəsində Tovuz Rayon İcra Hakimiyyəti tərəfindən verilmiş səlahiyyətlər dairəsində abadlıq, tikinti, habelə mənzil fondunun və kommunal təyinatlı obyektlərin əsaslı təmiri, modernləşdirilməsi və qurulması vəziyyəti bərbaddır. Zibil yeşikləri lazımı yerlərə qoyulmur və yeşiklərə nəzarət edilmir. Konteynerləri kim hara istəyir, ora da sürüyüb qoyur.

Park və xiyabanlarda yaşıllığının qorunub saxlanması və abadlığı, xidmət sahələrinin inventarlarla təchizatının təmin edilməsi və digər funksiyaların həyata keçirilməsi də qeyri-qənaətbəxşdir. Hətta bir müddət əvvəl MKTİB-nin öz işçisi tərəfindən Tovuz şəhəri İstiqlal küçəsi 3 ünvanında söyüd ağacının “şəhər ərazisində aparılan abadlaşdırma və təmizlik işləri” adı altında icazəsiz kəsildiyi, işçinin cərimə edildiyi, eyni zamanda, kəsilmiş ağacın yerinə yeni ağacların əkilməsi üçün Tovuz şəhər Mənzil Kommunal Təsərrüfatı Birliyinə icrası məcburi olan “məcburi göstəriş” verildiyi də məlumdur. Söz gəzirdi ki, işçi ağacı özbaşına deyil, rəhbərliyin göstərişi ilə kəsibmiş ki, yeri obyektaltı istifadə üçün satılsın.

Tovuz Mərkəzi Komunal Təsərrüfatı İstehsalat Birliyi rəis Zöhrab Əhmədovun şəxsi kommersiya şirkətinə çevrilib. Burada külli miqdarda vəsait mənimsənilir. Belə ki, MKTİB Tovuz rayonu üzrə əhali sektoru üzrə 3500, qeyri — əhali sektorunda isə 350 — 400 şəxsə xidmət göstərir. Mühasibatlıqda şəffaflıq təmin olunmur, “qara mühasibatlıq” tam gücü ilə işləyir. Sahədə xaos hökm sürür. Əhalidən zibil pulu 3 manatdan, qeyri — əhali qrupundan isə 10 — 20 manat arası yığılır. Yığılan vəsaitin dəqiq mühasibatlığı aparılmır.

Mövzuya qayıdacağıq. Qarşı tərəfin də mövqeyini dinləməyə hazırıq.

Deryaz.az
Tovuzda məmurlar BELƏ YEYİR... - BU DA FAKT!!!
Tovuzda məmurlar BELƏ YEYİR... - BU DA FAKT!!!
Tovuzda məmurlar BELƏ YEYİR... - BU DA FAKT!!!
[rating-type-4]
{likes}
{dislikes}
[/rating-type-4]
Bu gündən Azərbaycanda 9 günlük Novruz tətili başlayır


Bu gündən Novruz bayramı ilə əlaqədar bayram tətili başlayır.

Nazirlər Kabineti tərəfindən təsdiqlənən müvafiq qərara əsasən, 2023-cü il martın 20, 21, 22, 23 və 24-ü Novruz bayramıdır.

2023-cü ildə 18, 19 və 25, 26 mart tarixləri şənbə və bazar günlərinə təsadüf edir. Beləliklə, bu il Novruz bayramı ilə əlaqədar ardıcıl 9 gün iş olmayacaq.
[rating-type-4]
{likes}
{dislikes}
[/rating-type-4]
Rektor Fuad Hacıyev və ATEF rəhbəri Talıb Əlixanbəyovun adı SAXTA YOLLA MİS ALQI-SATQISINDA HALLANIR - İLGİNC İDDİALAR...

Bugünlərdə "Hürriyyət"in redaksiyasına müraciət edən Cəbrayıl rayonu, Çələbilər kəndindən məcburi köçkün, hazırda Binəqədi rayonu, Şosse 7, döngə 9 ünvanında məskunlaşmış Minayə Ələkbər qızı Beydullayeva qəyyumluğunda olan nəvəsi Qabil Əli oğlu Əliyevin 2020-2021-ci il tarixlərində özünün xəbəri olmadan oxuduğu təhsil müəssisəsinin - Azərbaycan Dövlət Bədən Tərbiyəsi və İdman Akademiyasının rəhbəri Fuad Hacıyev və onun biznes ortağı olan ATEF MMC-nin direktoru Talıb Əlixanbəyovun cinayət əməllərinə məruz qaldığını bildirib.

Belə ki, nəvəsinin 2018-2022-ci il tarixlərində Azərbaycan Dövlət Bədən Tərbiyəsi və İdman Akademiyasının məşqçilik fakültəsində təhsil aldığını deyən şikayətçinin sözlərinə görə, Qabil Əliyevin xəbəri olmadan qeyd olunan universitetin rəhbəri Fuad Hacıyev tərəfindən onun adına qeyri-qanuni şəkildə 8 alış aktı ilə 186 min manat dəyərində 21 ton 956 kq mis satılıb: "Nəvəm universitetdə təhsil aldığı müddətdə heç bir işlə məşğul olmayıb. Lakin özünün xəbəri olmadan oxuduğu təhsil müəssisəsinin rəhbəri Fuad Hacıyev və onun biznes ortağı olan ATEF MMC-nin rəhbəri Talıb Əlixanbəyovun həyata keçirdiyi saxta biznes maraqlarının qurbanına çevrilib. Onu da qeyd edim ki, Fuad Hacıyevlə Talıb Əlixanbəyov öz adamları vasitəsiylə Azərbaycan Dövlət Bədən Tərbiyəsi və İdman Akademiyasının tələbələrinin adlarına onların xəbəri olmadan, müxtəlif vaxtlarda alış aktları ilə külli miqdarda mis alqı-satqısı həyata keçiriblər. Onların bu çirkin əməlləri necə həyata keçirmələri barədə sonradan bizə məlum olub ki, nəvəm Qabil Əliyevin oxuduğu qrupun "starısta"sı Məmməd Nəsib oğlu Nəsibov tərəfindən tələbələrin şəxsiyyət vəsiqələri yığılaraq dekanlığa verilib. Dekanlıqdan isə şəxsiyyət vəsiqələri ATEF MMC-nin maliyyə şöbəsinə göndərilib ki, saxta yolla mis alqı-satqısı həyata keçirilsin".

Məsələdən 11.06.2021-ci il tarixdə İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş Baş İdarəsinin rəis müavini, baş vergi xidməti müşaviri Vüsal Qarayev tərəfindən nəvəsi Qabil Əliyevin adına vergi borcu ilə bağlı gələn məktubdan sonra xəbər tutduqlarını vurğulayan Minayə Beydullayeva qeyd edib ki, üzləşdikləri problemlə əlaqədar Azərbaycan Dövlət Bədən Tərbiyəsi və İdman Akademiyasının rəhbəri Fuad Hacıyev və ATEF MMC-nin rəhbəri Talıb Əlixanbəyova, həmçinin müxtəlif dövlət qurumlarına dəfələrlə müraciət etsələr də indiyədək bu barədə heç bir tədbir görülməyib: "Bir məsələni də deyim ki, Fuad Hacıyev və Talıb Əlixanbəyovun rəhbərlik etdikləri qurumlarda böyük maliyyə saxtakarlıqları mövcuddur. Bizə məlum olan odur ki, onların əməliyyatları tələbələrin xəbəri olmadan həyata keçirməkdə məqsədləri 200 min manatlıq alqı-satqını keçməmək və 18 faiz ƏDV-dən yayınmaq olub. Həmçinin, onu da nəzərinizə çatdırım ki, məsələ ilə bağlı adını çəkdiyim hər iki şəxsin qəbuluna gedib görüşmək istəsək də onlar müxtəlif bəhanələrlə görüşdən yayınıblar. Bu cinayət əməli ilə bağlı aidiyyatı dövlət qurumlarına teleqram və şikayət ərizələri ünvanlasaq da, heç bir tutarlı nəticə əldə olunmayıb. Bu işlə bağlı Respublika Prokurorluğunun Baş İstintaq İdarəsindən çağırılaraq izahatımız alınıb. Lakin bunun üzərindən 3 aydan artıq müddət keçməsinə baxmayaraq, işi aparan Məhərrəm adlı müstəntiq tərəfindən heç bir qanuni tədbir görülməyib".

Beləliklə, Minayə Beydullayeva "Hürriyyət" vasitəsiylə Azərbaycan Respublikasının prezidenti İlham Əliyevə, birinci vitse-prezident Mehriban Əliyevaya, Milli Məclisin sədri Sahibə Qafarovaya, baş prokuror Kamran Əliyevə, Dövlət Təhlükəsizlik Xidmətinin rəisi Əli Nağıyevə, iqtisadiyyat naziri Mikayıl Cabbarova, Azərbaycan Respublikası Prezidentinin Hüquq mühafizə orqanları ilə iş və hərbi məsələlər üzrə köməkçisi-şöbə müdiri Fuad Ələsgərova və ombudsman Səbinə Əliyevaya müraciət edərək, onlardan məsələnin ciddi şəkildə araşdırılmasını, nəvəsi Qabil Əliyevin xəbəri olmadan onun adından istifadə etmiş Azərbaycan Dövlət Bədən Tərbiyəsi və İdman Akademiyasının rəhbəri Fuad Hacıyev və ATEF MMC-nin rəhbəri Talıb Əlixanbəyovun qanunamüvafiq formada cəzalandırılmasını, hüquqlarının bərpası ilə əlaqədar göstəriş verilməsini xahiş edib.

"Hürriyyət"

XƏBƏR LENTİ

10:38

Mehriban Əliyevadan Novruz bayramı paylaşımı

10:21

Azərbaycanda Novruz bayramıdır

10:06

Düşmən Zəngilanda mövqelərimizi atəşə tutdu - YARALIMIZ VAR

09:53

Azərbaycan Prezidentindən Novruz bayramı ilə bağlı paylaşım - FOTO

23:10

Günün fotosu...

22:56

İlham Əliyev və ailəsi Novruz tonqalını alovlandırdı - Fotolar

22:16

“Bütün dünya sizinlə bacara bilmədi” - Sakindən İlham Əliyevə

21:43

Suqovuşanda yeni yaşayış məhəlləsinin təməli qoyuldu

16:30

Hava nəqliyyatı ilə sərnişin daşımaları 50%-dən çox artıb

16:08

Çin yer müşahidə peykini orbitə buraxdı

15:47

“Baku City Hospital”ın saytında bu cümlələr yazıldı - “Borcunu ödəməyə pul tapmır” - Foto

15:34

"Ermənistan rəhbərliyini çirkin əməllərdən çəkindirmək üçün xəbərdar edirik" - Prezident

15:07

Göyçay sakinləri Prezidentdən KÖMƏK İSTƏYİR - ETİRAZ VAR!

14:46

"Novruz təbriklərimi Qarabağ diyarından deməyim böyük xoşbəxtlikdir"

13:20

Jurnalist icra başçısı ilə ÇƏKİŞMƏDƏ - Baş prokurorluğa TƏŞƏKKÜR ETDİ

13:00

DTX-nin tutduğu gömrük generalları AZADLIĞA BURAXILDI

13:00

"Həyat yoldaşımla birgə heç bir paylaşım etmirəm" - Elməddin Cəfərov

12:46

İlham Əliyev Talış kəndinin Baş planı ilə tanış oldu

12:32

Prezident ailəsi ilə birlikdə Talış kəndinə getdi

12:00

Paşinyan bu məbləğə görə Rusiyaya meydan oxuyur? - ARAŞDIRMA

11:40

Xəzər İcra Hakimiyyəti ilə qum dəllalları arasında toqquşma - TƏFƏRRÜAT

11:20

Taleh Qaraşovun yaxın kadrı MƏHKƏMƏ QARŞISINA ÇIXARILIR - Başçı işçisini qurtara biləcəkmi?

11:00

Laçın yolunda ekoaksiyanın 97-ci GÜNÜ

10:00

Kənd Təsərrüfatı Nazirliyinin müəssisəsinin vergi borcu üzə çıxdı - FOTOFAKT

09:40

Tovuzda məmurlar BELƏ YEYİR... - BU DA FAKT!!!

09:20

Bu gündən Azərbaycanda 9 günlük Novruz tətili başlayır

09:00

Rektor Fuad Hacıyev və ATEF rəhbəri Talıb Əlixanbəyovun adı SAXTA YOLLA MİS ALQI-SATQISINDA HALLANIR - İLGİNC İDDİALAR...

22:31

Zakir Fərəcov – bir oliqarxın çöküşü: İcra başçısının cinayət dosyesi

22:18

Klinikalar arasında ƏSL SAVAŞ GEDİR... - BU NƏDİ BELƏ?

21:50

“Nə pulumu qaytarırlar, nə maşınımı” - Vətəndaş məmurlardan narazıdır

21:31

"Novruz bayramı əcdadlarımızın indiki nəsillərə müqəddəs yadigarıdır" - İlham Əliyev

21:11

Azərbaycanın Baş naziri Əli Əsədov Dağıstan Xalq Məclisinin sədri ilə görüşüb

20:01

Prezident İlham Əliyev Novruz bayramı münasibətilə Azərbaycan xalqını təbrik edib

17:37

Prezident Rəhim Məmmədovu ordenlə təltif etdi