"Azərbaycan və BRICS: imkanlar və perspektivlər" adlı tədbir keçirilib. Tədbirdə Azərbaycan Xarici İşlər Nazirliyinin Təhlil və Strateji Araşdırmalar İdarəsinin müdiri Mahir Qasımov "Azərbaycan xarici siyasətində BRICS-in yeri" mövzusunda çıxış edib.

Onun sözlərinə görə, Azərbaycan xarici dünya ilə münasibətlərini ərazi bütövlüyünə hörmət, ümumiyyətlə qarşılıqlı hörmət prinsipləri əsasında qurur:

"Azərbaycan qlobal təhlükəsizliyə və sülhə öz töhfəsini verib. Xarici siyasətimizin humanitar ölçüsünə baxdıqda isə son bir-iki ildə keçirilmiş tədbirlər böyük əhəmiyyət kəsb edib. Biz 30-dan çox ölkəyə 330 milyon dəyərində humanitar yardım göstərmişik. Bu gün iqlim dəyişikliyi ilə mübarizədə aktiv iştirak edirik".

XİN nümayəndəsi bildirib ki, Azərbaycan BRICS-in fəaliyyətini yaxından izləyir.

Bəs Azərbaycan BRICS-ə üzv ola bilərmi? Bunun ölkəmizə faydası olacaqmı?

Məsələ ilə bağlı Modern.az-a danışan Milli Məclisin İqtisadi siyasət, sənaye və sahibkarlıq komitəsinin üzvü Rüfət Quliyev bildirib ki, BRICS-ə Azərbaycanın da üzv olması mümkündür:

"Biz yalnız beynəlxalq mülki, iqtisadi, maliyyə qurumları ilə iş görə, onlara üzv ola bilərik. Biz heç bir hərbi təşkilatın üzvü deyilik. Niyə də BRİCS-ə üzv olmayaq? BRİCS bu gün deyərdim ki, inkişaf etməkdə olan maliyyə qurumudur. Hətta quruma üzv ölkələrin ortaq valyutasının yaranmasından da söhbət gedir. Sadəcə olaraq Azərbaycan milli maraqlarına, beynəlxalq mövqeyinə nə maraqlı oldu, o addımı da atacaq".

İqtisadçı ekspert Natiq Cəfərli söyləyib ki, Azərbaycanın iqtisadi münasibətləri kifayət qədər Qərblə bağlıdır:

"İstər neft-qaz layihələri, istərsə də idxal-ixrac əməliyyatları kifayət qədər Qərb şirkətləri, o cümlədən qardaş Türkiyəylə bağlıdır. BRICS-də Azərbaycana maraqlı sahə yoxdur. Yəni bizim BRICS üzvü ölkələrinə ixrac edə biləcəyimiz məhsul yoxdur. Bizim istehsal etdiyimiz məhsulların bazarı məlumdur. İdxala gəldikdə, Rusiyadan, Çindən Azərbaycana kifayət qədər idxal olur. İdxalda bu iki ölkə Türkiyə ilə birlikdə ilk üçlükdə yer alır. BRICS-ə üzv olmaq üçün iqtisadi bir səbəb yoxdur".

Ekspert vurğulayıb ki, BRICS-ə yalnız Türkiyə ilə birlikdə qoşulmaq olar:

"Gələcəkdə qardaş Türkiyə BRICS-ə üzv olmaq istəsə, onunla birlikdə birlikdə təmsil olunmaq mümkündür. Amma ayrı-ayrılıqda, Türkiyəsiz üzv olmaq Azərbaycana ciddi heç bir dvident gətirməyəcək".

BRICS - beş sürətlə inkişaf edən ölkədən ibarət olan bir qrupdur. Qrupun üzvləri aşağıdakı ölkələrdir: Braziliya, Rusiya, Hindistan, Çin, Cənubi Afrika Respublikası.

İsrail aprelin ilk günü Suriyanın paytaxtı Dəməşq şəhərinə aviazərbələr endirib. Hücum nəticəsində İran İslam İnqilabı Keşikçiləri Korpusunun (SEPAH) 7 hərbçisi ölüb. Bunlar generallar Məhəmməd Rza Zahedi və Məhəmməd Hadi Haca Rəhimi, eləcə də SEPAH-ın zabitləri - Seyid Mehdi Cəlalati, Möhsün Sədaqat, Əli Ağa Babai, Seyid Əli Salehi Rozbahani və Hüseyn Əmanullahidir.

Tehran zərbə endirilən obyektin konsulluq binası olduğunu açıqlayıb. İsrailin "Ynet" portalının iddiasına görə, İsrail İranın Suriyadakı konsulluğuna hücumu inkar edir, hücuma məruz qalan binanın İran səfirliyinə aid olmadığını iddia edir. Həmçinin qeyd olunub ki, vurulan bina SEPAH-ın Qüds xüsusi təyinatlı qüvvələrinin istifadə etdiyi hərbi strukturdur.

İranın mövqeyinə gəlincə, Tehran hücuma görə qisas alacağını bəyan edib. Qərb mətbuatı İranın tezliklə hücuma başlayacağını yazır.

Qeyd edək ki, İran-İsrail müharibəsi yalnız Yaxın Şərqi maraqlandıran məsələ deyil. Bu, həmçinin Cənubi Qafqaza da siraət edəcək.

Məsələ ilə bağlı Modern.az-a danışan Milli Məclisin deputatı Fazil Mustafa bildirib ki, İranla İsrail arasındakı gərginlik zahiridir:

“İranla İsrail arasında hər zaman gərginlik olduğu görünür. Əslində, İran İsrailin qurduğu bir dövlət formatıdır. Onların arasındakı gərginlik zahiri, daxili auditoriya üçündür. Bütün məsələlərdə uzlaşırlar. Misal kimi HƏMAS məsələsini göstərmək olar. İranın provakasiyası ilə HƏMAS addım atdı, İsrail revanş götürüb, Qəzzanı darmadağın etdi. Yəni görünən ziddiyətlərə aldanmağa ehtiyac yoxdur. İranın qurulmasında İsrailin böyük rolu var. Çünki müsəlman arealında parçalayıcı ünsür İrandır. Ərəb dünyası ilə İran arasında ziddiyətlərin qalmasında maraqlıdır”.

Deputat Azərbaycanın İsrailin problem yaşamasında maraqlı olmadığını deyib:

“İsrail bizə müttəfiq ölkədir. Buna görə də onun problem yaşamasında maraqlı deyilik.İsrail müharibədə bizə kömək edib. İran da ən böyük dəstəyi, düşmənimizə, Ermənistana verib. Bizim məsələyə təbii yanaşmamız bu faktordan qaynaqlanır. İranla İsrail arasında olan münasibətlər hələki süni ritorikadan başqa bir şey deyil”.

Politoloq Natiq Miri isə qeyd edib ki, İran-İsrail gərginliyi daha çox psixoloji savaşın tərkibi hissəsi olaraq görülür:

"İnformasiyalarda psixoloji savaşlar qarşılıqlı davam etməkdədir. Bu mənada İranın proksi qüvvələrinin aktivləşdiyini, zaman-zaman İsrailin ərazilərini raket atəşinə tutduğunu da görürük. Bunlar gündəlik baş verən hadisələrdir. İranın vəd etdiyi kimi İsrailin birbaşa bu ölkədən ballistik raketlər, yaxud dronlarla vurulmasını müşahidə etmirik. Yəni hadisələr bu gün yalnız söz atışması konkestində davam edir. Bu hadisənin əsas dəyərləndiriləcək tərəfi psixoloji savaşdır. İran bununla sözün əsl mənasında İsrailə qarşı hansısa müharibə və raket hücumlarına hazırlaşdığnı göstərir. İsrailin müttəfiqi ABŞ-da hədə-qorxu gəlir. İran ABŞ İsrailə kömək edəcəyi halda onun hərbi bazalarını vuracağını deyib. Açığı bu cür hədələr, daha çox ictimai rəy yaratmaq, özləri haqqında ciddi təəssüratlar yaratmağa yönəlib. Çünki İranın İsrailə hücum etməsi halında ABŞ-nin onun müdafiə etməmək üçün hədələməsini necə ciddi qəbul etmək olar. Bu daha çox psixoloji savaşın tərkibi hissəsidir. İsrailə bir neçə raket atmaq üçün bu qədər informasiya verməyə ehtiyac yoxdur. Niyə atmırlar? Deməli, qorxurlar".

Politoloqun sözlərinə görə, İran-İsrail müharibəsinin regional və beynəlxalq təsiri olacaq:

"Həqiqətən də, müharibə olarsa, bunun qlobal, regional təsiri olacaq. Böyük bir müharibənin olması Azərbaycan üçün arzuolunan deyil. Çünki bu, region üçün böyük humanitar faciənin yaranmasına səbəb ola bilər. Bu məsələdə Azərbaycanın edə biləcəyi nəsə yoxdur. Bu məsələdə Türkiyə və Çin kimi ölkələr hansısa addımları ata bilərlər. Ancaq İranın hədsiz davranışlarını və Azərbaycana qarşı düşmən siyasətini görürük. Hər halda mən İranla İsrail arasında böyük müharibənin olacağını düşünmürəm. İran sadəcə qisas görüntüsü yaratmaqla məşğuldur"

Ölkəmizin qida sənayesinin istehsal etdiyi yararsız və zərərli qidalar vətəndaşlarımızın sağlamlığını siradan çıxarır. O üzdən də hansı tibb müəssisəsinə üz tütürsansa onun həndəvərində avtomobil, içərisində isə insan tıxacına düşürsən. 40 yaşdan yuxarı əhalinin qazancının əksər hissəsi tibbi xidmətlərin alınmasına xərclənir. Bunu nəzərə alan bizim büdcə oğruları Bakı şəhərinin hər tinində bir özəl klinika, iki aptek açıb.

Bir dəfə əlimə bir iki yuzlük düşmüşdü. Ətrafda böyük market yox idi. Hansı mağazaya girdimsə, dedilər ki, xırda yoxdu. Axrıncı mağazada satıcı işləyən oğlan dedi ki, əmi aptekə girin, indi onların alveri "xod gedir"... Oğlanın dediyi kimi, balaca bir aptekə girib, əskinası xırdalamağı rica etdim. Gülərüz xanım hələ necə xırda istədiyimi də sorüşdü...

Beləcə həmvətənlərimiz özəl tibb müəssisələrinin və apteklərin biznesini inkişaf etdirmək yolunda əzimlə çalışdırılır. Vətəndaşlarımız ölkədə qazancını əlindən alınması üçün müxtəlif labrintlərə qovulur. Belə labrintlərdən biri də "qida sənayesi-səhiyyə müəssislərı" labrintidir. Qida sənayesi gözəl və parıltılı qablaşdırılmalarda təqdim etdiyi, qəpik-quruşa başa gələn zərərli qidalarla insanların sağlamlığına zərbə vurur. Belə qidaları bazar inhisarçıları həm on qat baha satıb yaxşı qazanc əldə edir, həm də insanları xəstələndirməklə, xidməti bərbad gündə olan özəl tibb müəssisələrinə müştəri "istehsal edir".

Son illər hökumət durumu nəzərə alaraq tibbi sığorta mexanizmi qurmağa başlayıb. Lakin hələ ki, tibbi sığorta nə vətəndaş, nə də həkim məmnunluğunu təmin edə bilmir. Həkim gileylənir ki, sığorta mənə az əmək haqqı hesablayır, vətəndaş da narazıdır ki, həkimlər yenə onlardan zəhmət haqqı umur. Bu məsələnin bir tərəfi, amma vətəndaşlar üçün elə vacib tibbi xidmətlər var ki, o xidmətlər nədənsə hələ də tibbi sığorta paketinə daxi edilmıyib.

Məsələn, onkoloji xəstəliklər dünyada, o cümlədən də ölkəmizdə tüğyan etsə də, bu xidmətlər Azərbaycanda tibbi sığorta paketinə daxil edilməyib. Bundan sui-istifadə edən Milli Onkologiya Mərkəzi isə (MOM) xərçəng xəstələrinə tam olaraq ödənişli xidmət göstərir.

Allah heç kimin güzarını bu xəstəxanaya salmasın, bu yaxınlarda bir qohumumda xərçəng xəstəliyi aşkarlandı. O zaman şahidi olduq ki, MOM-a qeydiyyat belə ödənişlidir - 30 manat. Bizə təqdim edilən digır xidmətlərin qiyməti ilə də oxucularımızı tanış etmək istərdik: MRT müayinəsi - 150 manat; yoğun bağırsağın kolonoskapik müayinəsi - 250 manat; qanın ümumi analizi - 70 manat; rengen müayinəsi - 25 manat; EKT müayinəsi - 30 manat; şüa-terapiya - 1000-1500 manat; kimya-trapiya, hər seansı - 250-600 manat.

Onu da qeyd edim ki, ödənişlərə görə heç bir qəbz verilmir, tələb edəndə də deyirlər ki, bizdə qəbz yoxdur. Qəbz yoxdursa, deməli, ödəniş qeyri-qanunidir! Bu məsələ barədə danışanda MOM əməkdaşları tutuquşu kimi təkrarlayır ki, tibbi sığorta bizim xəstəxanada işləmir. Tibbi sığortanın bu xəstəxanada işləmədiyini başa düşdük, bəs Azərbaycan qanunları necə, MOM-da işləyirmi?! Bizdən soruşsalar, müşahidələrimizə görə "yox" cavabını vermək məcburiyyətində qalırıq. Çünki şahidi olduqlarımız bunu təsdiqləyir.

MOM-un baş həkimi, Səhiyyə Nazirliyinin baş onkoloqu Azad Kərimli yerli mediaya açıqlamasında deyib ki, MOM-da onkoloji xəstələrə bütün xidmətlər ödənişsiz təqdim edilir!

Bununla yanaşı, "Onkoloji yardım haqqında" AZƏRBAYCAN RESPUBLİKASININ QANUNU-nun 4.3-cü maddəsində oxuyuruq: "Azərbaycan Respublikasının vətəndaşı olan onkoloji xəstələrə tibbi yardım dövlət tibb müəssisələrində dövlət büdcəsi vəsaiti hesabına həyata keçirilir".
Qanunun bu qədər aydın yazıldığı halda dövlət tibb müəssəsi olan MOM-da bir pasientə belə ən ucuz xidmət ödənişsiz həyata keçrilmir.

Yeri gəlmişkən, şahidi olduğumuz bir maraqlı nüansı da oxucuların diqqətinə çatdırmaq istərdik. Biz rengen müayinəsində dayananda Səfərbərlik və Hərbi Xidmətə Çağırış üzrə Dövlət Xidməti tərəfindın müayinəyə göndərilmiş çağırışçının valideyini müayyinənin "xidmət haqqı"nı ödəməkdən imtina etdi. Dedi ki, bu adam vətənə xidmətə getmək üçün müayinə edilir, özü də onu dövlət xidməti göndərib, qəpik də ödəməyəcəm. Sonda həkim təkrar xahiş etdi ki, heç olmasa diskin və plyonkanın xərcini ödəyin - 5 manat. Valideyin imtina etdi. Belə olan halda həkim müayinələri dayandırdı və getdi, yuxarı rəhbərliyə məruzə etsin ki, pasientin biri müayyinənin "xidmət haqqını" ödəməkdən imtina edir. Bu məsələ 40 dəqiqəyə qədər vaxt aldı.

Sonda bəlli oldu ki, həm xəstəxanada qirilmuş elektron sistem vasitəsi ilə, həm də müşahidə kameraları ilə bütün müayinə otaqları izələnilir.
İzlənilmə zamanı bütün pasientlər sayılır və günün sonunda həmin saya uyğun olaraq müayinə həkimindən yığdığı pul tələb edilir. Bu isə o deməkdir ki, xəstəxanada rüşvəti əməkdaşlar özbaşına almır, onlar verilən tapşırığı yerinə yetirir.

MOM-da gündəlik rüşvətin həcminə gəldikdə isə təxminlərimizə görə bu yüz min manat civarındadır. Çünki xəstəxananın bütün foeləri gün ərzində adamla dolu, müayinə otaqları isə uzun növbələrlə müşahidə edilir. Bir tərəf yuz min manatlarla pul qazanır, digır tərəf isə yaşamaq uğrunda mübarizə məqsədi ilə pul əldə etməkdən ötrü hər cür vasitələrə əl atır. Çoxları müalicəsini bank krediti hesabına davam etdirir.

Bu il dövlət büdcəsindən dövlət xəstəxanalarının saxlanması üçün 231,5 milyon manata qədər vəsait ayrılıb. Əldə etdiyimiz məlumata görə, bu vəsaitin təxminən 60 milyon manata qədəri MOM-un xərclərinin qarşılanması üçün nəzərdə tutulub. Beləcə, MOM həm qanuni, həm də qeyri-qanuni yolla pul qazanır.//GundemXeber.Az

Ölkənin aparıcı banklarından biri olan “Paşa Bank” ASC “Neon MMMC” MMC (VÖEN – 1600012611) və Caniyev Namiq Rafiq oğlu barəsində məhkəmə iddiası qaldırıb.
Yeniavaz.com xəbər verir ki, məhkəmə iddiası Bakı Kommersiya Məhkəməsinin hakimi Kənan Hüseynovun icraatına verilib. İddia ilə əlaqədar olaraq 15 aprel 2024-cü il saat 11:20-yə hazırlıq iclası təyin olunub.
İddia kredit müqaviləsi üzrə mübahisələrlə əlaqədar qaldırılıb.
Məlumat üçün bildirək ki, “Paşa Bank” ASC-nin barəsində iddia qaldırdığı “Neon MMMC” MMC 1998-ci ildə dövlət qeydiyyatına alınıb. Hüquqi ünvanı Nizami rayonu, Mikayıl Əliyev, ev 17-də yerləşən MMC-nin nizamnamə kapitalı 60 manat təşkil edir. MMC-nin qanuni təmsilçisi Məmmədov Valeh Raqib oğludur.
Qeyd edək ki, uzun illər mətbuatda “Neon MMMC”nin qeydiyyatda olduğu hüquqi ünvanda - Nizami rayonu, Mikayıl Əliyev, ev 17-də fəaliyyət göstərən “Neon Palace” şadlıq sarayının 2016-cı ildə Türkiyədə öldürülən “Lənkəranski” ləqəbli məşhur kriminal avtoritet Rövşən Rafiq oğlu Canıyevin ailə üzvlərinə məxsus olması barədə məlumatlar yayılıb. “Paşa Bank” ASC-nin barəsində iddia qaldırdığı Namiq Caniyev də mərhum Rövşən Lənkəranskinin qardaşıdır.
Namiq Caniyev uzun illər Bakı Baş Gömrük İdarəsinin “Keşlə” gömrük postunun rəisi vəzifəsində çalışıb. Polkovnik rütbəsi daşıyan Namiq Caniyevi 2017-ci ilin noyabr ayında Türkiyənin hüquq-mühafizə orqanları tərəfindən başqa bir kriminal avtoritet – “Lotu Quli” ləqbli Nadir Səlifova qarşı sui-qəsd hazırlığında ittiham edilərək saxlanılıb.

" “San Latstsaro del'i Armeni" İtaliyanın şimalındakı Venesiya laqonunda kiçik bir adadır. Venesiyanın cənub-qərbində və Lidonun dərhal qərbində yerləşir. Orta əsrlərdə adada cüzamlıların koloniyası var idi və 1717-ci ildən burada San Lazaro erməni katolik monastırı yerləşib”.

Moderator.az xəbər verir ki, bu haqda “@tsehakron” erməni telegram-kanalı məlumat yayıb.

“Bu, Mxitarist Ordeninin qərargahıdır və buna görə də dünyanın ən görkəmli erməni mədəniyyəti və ermənişünaslıq mərkəzlərindən biridir. 1789-cu ildən 20-ci əsrin əvvəllərinə qədər erməni çapının əsas mərkəzi olmuşdur.

Ada erməni diasporunun ən məşhur tarixi yerlərindən biridir. Monastırda kitablar, jurnallar, artefaktlar və üçüncü ən böyük erməni əlyazmaları kolleksiyası var”- məlumatda belə deyilir.

Xatırladaq ki, bu yaxınlarda Azərbaycan mediasında yayılmış məlumatlara görə, 1949-cu ildə Mingəçevir ərazisində arxeoloji qazıntılar zamanı Kür çayının sol sahilində aşkarlanmış təxminən 3 minillik tarixə malik türk döyüş tipli qılınclara bənzər qılınclardan biri ermənilər tərəfindən hələ XIX əsrdə oğurlanaraq Venesiyadakı bəhs edilən adaya aparılıb...

Milli Məclisin sabiq sədri və hazırda millət vəkili olan Oqtay Əsədovun həyat yoldaşı Zemfira Əsədovaya məxsus olan və Rusiyada fəaliyyət göstərən “Arizarum Qrup” şirkətinin (ООО "АРИЗАРУМ ГРУПП" – 7705176856) 2023-cü ildə əldə etdiyi gəlirlər açıqlanıb.
Yeniavaz.com Rusiyanın müvafiq rəsmi qurumlarının açıqladığı məlumatlara istinadən bildirir ki, “Arizarum Qrup” ötən il 14 milyon 270 min rubl (260 min manat) gəlir əldə edib.
Qeyd edək ki, əvvəlki – 2022-ci illə müqayisdə “Arizarum Qrup”un gəliri 2,5% artıb. Ümumiyyətlə son 7 ildir “Arizarum Qrup”un gəlirlərində ciddi dəyişiklik olmur:
2017-ci ildə 14 568 000 rubl,
2018-ci ildə 13 984 000 rubl,
2019-cu ildə 13 919 000 rubl,
2020-ci ildə 13 815 000 rubl,
2021-ci ildə 14 045 000 rubl,
2022-ci ildə 13 924 000 rubl,
2023-cü ildə 14 270 000 rubl.
Məlumat üçün bildirək ki, “Arizarum Qrup” 14 yanvar 1998-ci ildən fəaliyyət göstərir. Hüquqi ünvanı Moskva şəhəri, Bakı küçəsi, ev 29-da yerləşən şirkətin yeganə təsisçisi Əsədova Zemfira Adil qızıdır. Şirkətin direktoru isə Nazarova Larisa Aleksandrovnadır. Nizamnamə kapitalı 10 min rubl olan şirkətin restoran sektorunda fəaliyyət göstərdiyi qeyd olunur.
Onu da qeyd edək ki, Oqtay Əsədovun həyat yoldaşı eyni zamanda Nizami rayonunda yerləşən 175 saylı Körpələr evi-uşaq bağçasının müdiri olub.

"Ötən ilin sentyabrında oftalmoloq Azər (Benjamin) Kazımov tərəfindən "Kəpəz" Hospitalda gözümdən ekzimer lazer əməliyyatı olunmuşam. Lakin əməliyyatdan sonra da görmə zəifliyi, ağrılar və qıcıqlanma kimi problemlər aradan qalxmadı. Həkim uzun müddət bizi yola verdi, problemimizi aradan qaldırmadı. Axırda başqa həkimə gedib müayinə olunanda bildik ki, gözümün buynuz qişasını zədələyib, məni şikəst edib".

Bu iddialarla "Qafqazinfo"ya pasiyent Nəzrin Cəfərli müraciət edib.

Onun sözlərinə görə, əməliyyatı icra edən həkimə problemin aradan qaldırılması üçün bir neçə dəfə müraciət etsə də, heç bir köməklik etməyib: "Həkimi televiziyadan Elgizin verilişində reklam olunanda görüb müraciət etmişik. Əməliyyatdan sonra problemlər qalanda həkim bizə dedi ki, bir müddətdən sonra düzələcək. Vəziyyətdən çıxmaq üçün məni Milli Oftalmologiya Mərkəzində Cəmil adlı həkimin qəbuluna göndərdi. Lakin onun da müalicələrinin xeyri olmadı. Vəziyyət o həddə çatmışdı ki, kimsə qolumdan tutmadan tək hərəkət edə bilmirdim. Məcbur olub başqa həkimə müraciət etdim və məlum oldu ki, Azər Kərimov məni səhv əməliyyat edib..."

Şikayətçi bildirir ki, nəticədə daha iki dəfə gözündə cərrahi əməliyyat icra olunub: "Müayinədə bildik ki, gözümün buynuz qişası çox dərin kəsilib. Bu dəfə müraciət etdiyim həkim isə dedi ki, dərin yaraları tikmək üçün ancaq əməliyyat olunmalıyam. Çünki həmin fəsadları ancaq bu yolla aradan qaldırmaq olar. Daha iki dəfə əməliyyat olundum. Birinci əməliyyat təyin olunanda Benjamin Azər Kərimova müraciət etsəm də, bizə müxtəlif bəhanələr gətirərək rədd etdi. Yenicə öyrənmişik ki, artıq əvvəlki klinikadan çıxaraq başqa bir özəl tibb müəssisəsinə keçib. İstəyirəm ki, mənim və mənim kimi digər insanların sağlamlığını əlindən alan bu həkim öz cəzasını alsın. Bu cür reklam olunan həkimlər insanların həyatını korlamasınlar.

Aylardır işə gedib-gələ bilmirəm. Bu həkim mənə həm maddi cəhətdən böyük ziyan vurub, həm də şikəst eləyib. Problemim isə hələ də aradan qalxmayıb..."
"Kanallarda reklam olunan həkim gözlərimi şikəst etdi" - ŞİKAYƏTSadalanan ittihamlara aydınlıq gətirmək üçün Benjamin Azər Kərimovla əlaqə saxladıq. Özünü həkimin asistenti kimi təqdim edən şəxs isə heç bir açıqlama vermək istəmədi: "Zəhmət olmasa, nə sualınız varsa, hüquq-mühafizə orqanlarına müraciət edin".

Problemlə bağlı Səhiyyə Nazirliyinin Analitik Ekspertiza Mərkəzinə müraciət etdik. Qurumdan sorğumuza belə cavab aldıq: "Özəl tibb fəaliyyəti haqqında" AR Qanuna əsasən özəl tibb müəssisələrində xəstələrə tibbi yardımın göstərilməsi tərəflər arasında bağlanmış müqavilənin şərtləri ilə tənzimlənir. "Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında" Azərbaycan Respublikasının Qanununa əsasən yerində plandankənar (növbədənkənar) yoxlama insanların həyat və ya sağlamlığına birbaşa və mühüm təhlükənin olması və ya mühüm zərərin vurulması barədə hüquqi və fiziki şəxslərdən, dövlət və yerli özünüidarəetmə orqanlarından yoxlayıcı orqana konkret faktlara əsaslanan rəsmi müraciətlər (məlumatlar) daxil olduqda, habelə mediada məlumatlar yayıldıqda keçirilir.

Vətəndaş tərəfindən Səhiyyə Nazirliyinə və yaxud birbaşa Anlitik Ekspertiza Mərkəzinə rəsmi müraciət olunduğu halda, yoxlama zamanı həmin klinikada göstərilən tibbi yardım, müayinə və müalicəni icra edən mütəxəssis barəsində yerində araşdırma aparıla bilər. Yoxlama nəticələrinə əsasən həkim və müəssisə barəsində "İnzibati Xətalar Məcəlləsi"nin müvafiq maddələrinə uyğun olaraq inzibati tənbeh və digər tədbirlər görülə bilər. Eyni zamanda, Analitik Ekspertiza Mərkəzinin səlahiyyətlərinə məhkəmə-tibbi ekspertizasının aparılmasının daxil və həkiminin əməllərinə hüquqi qiymət verilməsi məsələsinin aid olmadığını nəzərə alaraq vətəndaşa təsdiqedici sənədlərlə birlikdə hüquq-mühafizə və ya məhkəməyə müraciət etmək hüququn var".

Son zamanlar Sağlamlıq İmkanları Məhdud 3 saylı xüsusi internat məktəbinin direktoru Tariyel Əkbərovun barəsində mətbuat səhifələrində yayılan xəbərlər gündəmin əsas mövzularından biri kimi yadda qalıb.

Beləki adıçəkilən məktəbin müəllimləri direktorun özbaşınalıqları, müəllimlərin dərs yükünün azaldılması və direktorun müəllimlərlə etik – davranış qaydalarını pozması barədə Azərbaycan Elm və Təhsil Nazirliyinin qarşısında etiraz aksiyası təşkil ediblər.

Bundan əlavə adıçəkilən məktəbin müəllimi Bahar Kazımova öz həmkarı Könül Səmədliyə Qərbi azərbaycanlı olduğu üçün erməni deyib təhqir etmişdi. Etiraz aksiyasında iştirak edən müəllimlər bu mövzunu da aksiyada səsləndiriblər.

Məktəbin müəllimi Aygün Hüseynovanın öz “Facebook” hesabında paylaşdığı video da diqqətimizdən yayınmayıb . Məktəb müəlliminin belə bayağı mahnı sədası altında video paylaşması müəllim davranışından xəbər vermir.

Maraqlıdır həmin məktəbin şagirdləri, Azərbaycanın gələcəyi olan bugünkü uşaqlar belə müəllimədən nə örnək götürsünlər?

Həmin videonu təqdim edirik :

hurriyyet.az

Lerik rayonundan bir qrup sakini rayondakı məmur özbaşınalığı və korrupsiya faktlarından şikayətçidir.

Onlar Anaxeber.info-ya bildiriblər ki, rayonda tam bir anarxiya hökm sürür.

Məmur özbaşınalığı artsa da, cəzasızlıq mühiti də bir o qədər onlara at oynatmağa meydan verir.

Sakinlər bildirirlər ki, bir müddət öncə rayondaxili yolların təmiri və yeni asfalt çəkilməsi üçün Lerik rayonuna dövlət büdcəsindən 1.200 000 (bir milyon iki yüz min) manat vəsaiti ayrılıb.

Onların sözlərinə görə, ayrılmış bu pulun Rayon İcra Hakimiyyətinin başçısı və Yol İstismar İdarəsinin müdiri Elxan Əliyev tərəfindən necə və hansı yollarla mənimsənildiyi məlum deyil.

Sakinlər deyirlər ki, rayondaxili yollar olduqca bərbad vəziyyətdədir. Ayrılmış vəsait yollara xərlənmədiyi üçün belə bir mənzərə yaranıb.

Leriklilər hər dəfə yaranmış çala-çuxura düşəndə, bu yolu bu hala salanlardan gileylənir, eyni zamanda, ölkə rəhbərliyindən yerli məmurlara qarşı tədbir görülməsini istəyirlər.

Sakinlər deyirlər ki, ölkə rəhbərliyi rayon rəhbərinin təqdimatına əsasən Elxan eks-prezident Əliyevi Heydər Əliyevin 100 illiyi ilə əlaqədar "Heydər Əliyev medalı " ilə təltif edib, çünki ona yanlış məlumat və təqdimat verilib. Halbuki adıçəkilən məmur baş verən korrupsiya pozuntularına görə sorğulanmalı idi.

"Görünür, yollara ayrılmış pulun mənimsənilməsi icra başçısı Əkbır Abbasovu narahat etmir. Çox güman, onun da bu məsələdə maraqları təmin olunub. Budur, leriklilərin dərdi və onları dövlətdən narazı salan məmurlar və onların yaratdığı özbaşınalıq mühiti. Biz ölkə rəhbərliyindən bu məsələtə rekasiya verməsini xahiş edirik", - sakinlər bildiriblər.

" "Araz" Supermarketdən anam stolüstü süfrə alıb. Evdə açdıqda, bizə süfrə əvəzinə oboy (divar kağızı) satdıqlarını gördük". Dia-az.info bildirir ki, bunu öz gileyində Əminə Əhmədova ifadə edib.

"Üzərində “vinil süfrə” yazılıb, lakin vinildən əsər-əlamət yoxdur. Bu bildiyimiz divar kağızıdır" deyə etirazını davam etdirən narazı vətəndaş daha sonra yazır:

"Cığaranın üzərində İdxalçı : ARAZ SUPERMARKET MMC qeyd olunub.

Sualım "Araz Supermarket"ədir : müştəriyə “süfrə” adı altında divar kağızı satmaqınızda məqsədiniz nədir? Bunu alan insan evə gəldikdə, bunun süfrə yox divar kağızı olduğunu görməyəcək... anlamayacaq?

Bu məsələyə aydınlıq gətirməyinizi gözləyirik".(Dia-az.info)