Bakının Nizami rayonunda Keşlə qəsəbəsində “Şanxay” məhəlləsi adlanan bir məhəllə var. Qəsəbə 90-cı illərdə salınıb. Adının isə qəribə bir tarixçəsi var. Belə ki, həmin əraziyə köçən Hacı Salman adlı bir kişi Çinə alış-veriş üçün gedirmiş. Şanxayı gördükdən sonra qəsəbələrini Şanxaya bənzədir. Və elə o zamanlar qəsəbəyə el arasında “Şanxay” deyilir.
Şanxay qəsəbəsi ilə bağlı 2017-ci ildə dəmiryollarının mühafizəsi məqsədilə dəmiryoluna çox yaxın olan evlərin sökülməsinə qərar verildi. Bəzi evlər söküldü. Bəzi sakinlərə də kompensasiya verilərək, ərazidən köçürüldü. Amma dediyimiz kimi bəzi evlər... Bəzi evlər isə, gözdən-könüldən uzaq buraxıldı.

Hazırda Şanxay sakinləri deyir ki, onlarla daha heç kim maraqlanmır. İddia edirlər ki, yaşadıqları evlərin qanunla sənədləri var. Onların mülkiyyət hüquqları var. Yaşayışları acıanacaqlı olsa da, kimsə gəlib demir ki, “sizi də köçürəcəyik”...

Məsələn, Narxanım xala qəsəbənin ən qədim sakinlərindəndir. Ömrünü demək olar ki, Şanxayda keçirib. Bu gün uçuq-sökük evinin qarşısında oturub gün sayır.

Şanxayın qədim sakinlərindən olan, danışan, amma adını demək istəməyən yaşlı kişi deyir ki, o əvvəllər məxfi vəzifələrdə çalışıb.

Üzünün göstərilməsinə izin verən adını deməyən sakin bizə “həyat dərsi” keçməyə də çalışdı.

Bəli, Şanxay sakinləri yaşayışlarından razı deyil və ayrı-seçkiliyə məruz qalmalarının səbəblərini də bilmirlər...

Şanxay uzaqda deyil. Bakıda kiçik bir məhəllə... Sakinləri yorğanlarını söküb, küçədə yun qurudur, döşəklərini küçəyə sərib günə verir. Yuduqları paltarlarını da küçələrə asıb qurudurlar. Yaxınlıqdan isə, dəmiryol xətti keçir. Düzdür, daha o dəmiryolunun səsindən başqa Şanxaylılara zərəri yoxdur, amma faydası da yoxdur...

Evlər dib-dibə tikilib. Qaz sayğacları birbaşa evlərin divarlarına vurulub. Bir sözlə, sivilizasiyadan uzaq bir məhəllə var... Şanxay...

Bizimyol.info

Sabrabad rayon Heydər Əliyev küçəsində iki mərtəbəli binalar adlanan ərazinin qarşısında sahəsi böyük bir ərazini əhatə edən yerdə ticarət mərkəzi tikmək üçün sözü gedən ərazini hasarlayaraq, ağacları kəsərək ekologiyaya ciddi şəkildə ziyan vurulub.

"Azərbaycan Reallığı"na video-şikayət göndərən vətəndaş bildirir ki, ağacların bir hissəsi məhv edilib, digər hissəsi isə bir neçə günə ümumiyyətlə olmayacaq, təxminən 25-30 ilin ağacları hər il insanlar tərfindən qornub saxlanılıb, indi hansısa bələdiyyə sədri bu ərazini satıb, sakinlər icra nümayəndəsinə məktubla müraciət etsələr də icradan deyiblər ki, ərazidə tikinti aparıla bikməz, buna baxmayaraq tikinti işləri davam etdirilir.

ETSN-ə şikayət ediblər, cavab isə qəribə olub, deyiblər, nə zaman ağacların kəsintisin görsəz deyin, gəlib cərimə edək, bir neçə ailə və uşaqları bu ağacların kölgəsində vaxt keçirirdi, amma indi sözü gedən ərazi hasarlanaraq ağaclar məhv olnub - deyə vətəndaş saytmıza göndərdiyi video şikayətdə bildirir.

AZƏRBAYCANREALLIĞI.COM

Qarabağ müharibəsinin iştirakçıları- Samir İsmayılov, Elnur Rüstəmov və İlham Əliqayev Prezident Administrasiyasının qarşısında etiraz aksiyası keçiriblər.

Etirazçılar prezidentə müraciət edərək sosial problemlərindən danışıblar.

Müharibə iştirakçıları prezidentlə görüş tələb ediblər. Amma polislər onları Nazirlər Kabinetinə yönləndirib.

Aksiya iştirakçıları səsləri duyulanadək belə etirazlara davam edəcəklərini söyləyiblər. Əmək və əhalinin sosial müdafiə nazirliyindən bildirlib ki, Astara rayon sakini Elnur Rüstəmova ötən ilin əvvəlindən müharibə veteranı adı verilib və 80 manat təqaüd təyin olunub. Bundan başqa, vətəndaş ötən il üç dəfə əyani müayinədə iştirak edib. Amma müayinələr nəticəsində vətəndaşın diaqnozunun əlillik səviyyəsində olmadığı müəyyən edilib.

Aksiyada iştirak edən Birinci Qarabağ müharibəsinin iştirakçısı İlham Əliqayev əlilliyinin qiymətləndirilməsi ilə bağlı bu ilin mayında əyani müayinə edilib. Müayinə zamanı şəxsin hazırki psixi durumunda dəyişikliklər müşahidə edilmədiyi göstərilib.

Goranboy rayon sakini Samir İsmayılov hərbi xidmət vəzifələrini yerinə yertirməklə əlaqədar beş il ərzində müvafiq sosial ödənişlərlə təmin edilib.

Həmçinin DOST İş mərkəzi tərəfindən işlə təmin edilib və indi də rəsmi əmək müqaviləsi ilə işləyir, aylıq əməkhaqqı ilə təmin olunur.

Samir İsmayılovun hərbi xidmət vəzifələrini yerinə yetirməklə əlaqədar əlilliyinin müddəti 2022-ci ildə başa çatıb.

Əlillik müddətinin uzadılması üçün e-sistemə daxil edilmiş göndərişlərlə əlaqədar o, ötən ilin aprel, iyul, oktyabr və bu ilin yanvar aylarında Dövlət Tibbi Sosial Ekspertiza və Reabilitasiya Agentliyində əyani müayinə edilib.

Müayinələr nəticəsində də onun hazırki sağlamlıq vəziyyətində artıq əlillik əlaməti olmadığı müəyyən edilib.

Prezident İlham Əliyev dəfələrlə çıxışlarında müharibə iştirakçılarına və şəhid ailələrinə daim diqqət göstərildiyini vurğulayır. İkinci Qarabağ döyüşlərindən sonra istər Birinci, istər İkinci Qarabağ müharibə iştirakçıları vaxtaşırı müxtəlif qurumların binaları qarşısında silsilə etiraz aksiyaları keçirirlər. Onlar əsasən sosial problemlərinə diqqət çəkir, aidiyyatı qurumların müharibə iştirakçılarının problemlərinə etinasız yanaşdıqlarından gileyləniblər.

Toplum TV