Qarabağ müharibəsinin iştirakçıları- Samir İsmayılov, Elnur Rüstəmov və İlham Əliqayev Prezident Administrasiyasının qarşısında etiraz aksiyası keçiriblər.

Etirazçılar prezidentə müraciət edərək sosial problemlərindən danışıblar.

Müharibə iştirakçıları prezidentlə görüş tələb ediblər. Amma polislər onları Nazirlər Kabinetinə yönləndirib.

Aksiya iştirakçıları səsləri duyulanadək belə etirazlara davam edəcəklərini söyləyiblər. Əmək və əhalinin sosial müdafiə nazirliyindən bildirlib ki, Astara rayon sakini Elnur Rüstəmova ötən ilin əvvəlindən müharibə veteranı adı verilib və 80 manat təqaüd təyin olunub. Bundan başqa, vətəndaş ötən il üç dəfə əyani müayinədə iştirak edib. Amma müayinələr nəticəsində vətəndaşın diaqnozunun əlillik səviyyəsində olmadığı müəyyən edilib.

Aksiyada iştirak edən Birinci Qarabağ müharibəsinin iştirakçısı İlham Əliqayev əlilliyinin qiymətləndirilməsi ilə bağlı bu ilin mayında əyani müayinə edilib. Müayinə zamanı şəxsin hazırki psixi durumunda dəyişikliklər müşahidə edilmədiyi göstərilib.

Goranboy rayon sakini Samir İsmayılov hərbi xidmət vəzifələrini yerinə yertirməklə əlaqədar beş il ərzində müvafiq sosial ödənişlərlə təmin edilib.

Həmçinin DOST İş mərkəzi tərəfindən işlə təmin edilib və indi də rəsmi əmək müqaviləsi ilə işləyir, aylıq əməkhaqqı ilə təmin olunur.

Samir İsmayılovun hərbi xidmət vəzifələrini yerinə yetirməklə əlaqədar əlilliyinin müddəti 2022-ci ildə başa çatıb.

Əlillik müddətinin uzadılması üçün e-sistemə daxil edilmiş göndərişlərlə əlaqədar o, ötən ilin aprel, iyul, oktyabr və bu ilin yanvar aylarında Dövlət Tibbi Sosial Ekspertiza və Reabilitasiya Agentliyində əyani müayinə edilib.

Müayinələr nəticəsində də onun hazırki sağlamlıq vəziyyətində artıq əlillik əlaməti olmadığı müəyyən edilib.

Prezident İlham Əliyev dəfələrlə çıxışlarında müharibə iştirakçılarına və şəhid ailələrinə daim diqqət göstərildiyini vurğulayır. İkinci Qarabağ döyüşlərindən sonra istər Birinci, istər İkinci Qarabağ müharibə iştirakçıları vaxtaşırı müxtəlif qurumların binaları qarşısında silsilə etiraz aksiyaları keçirirlər. Onlar əsasən sosial problemlərinə diqqət çəkir, aidiyyatı qurumların müharibə iştirakçılarının problemlərinə etinasız yanaşdıqlarından gileyləniblər.

Toplum TV

Ağcabədi rayon sakini, İkinci Qarabağ qazisi Zülfü Baxışov bildirir ki, o, səhhətində yaranan narahatlıq səbəbindən həkimə müraciət edib və qan analizi vermək istəyib. O, deyir ki, növbədən kənar qəbul üçün ondan veteranlığını təstiq edən sənəd istənilib. İddia edir ki, həkimə verdiyi sənəd üçün keçərsiz cavabı alıb və bu zaman aralarında mübahisə baş verib.

O, kanalımız vasitəsilə aidiyyatı qurumlara müraciət edərək, məsələ ilə bağlı tədbir görülməsini xahiş edir. //kanal13//

Daha ətraflı aşağıdakı videoda:

75 ildir xidmət edən Lənkəran rayonunun Girdəni kənd həkim məntəqəsi hazırda qəzalı vəziyyətdədir.

İş o yerə çatıb ki, həkimlər özləri də burada işləməkdən ehtiyat edirlər.

Girdəni kənd həkim məntəqəsi 1948-ci ildə tikilib, 1964-cü ildən kənd xəstəxanası kimi fəaliyyət göstərib. 2010-cu ildə isə xəstəxana ləğv olunub, yenidən həkim məntəqəsi kimi fəaliyyətini davam etdirir.
Sakinlər deyir ki, məntəqənin binası təhlükəli vəziyyətdədir. Hazırda onun əsaslı şəkildə təmir edilməsinə və ya yerində müasir binanın tikilməsinə ehtiyac var.

Azerinfo.media Xəbər Informasiya Agentliyinə etibarlı mənbədən daxil olan məlumatda bildirilir ki, Şamaxı Regional Meşə Təsərrüfatı Mərkəzinin direktoru Rəsul Quliyev Ekologoya və Təbii Sərvətlər nazirinin müavini Vüqar Kərimovun yaxın kadrlarındandır. Beləki bu şəxs ixtisasca qeyri-meşəçi və təqaüddə olan hərbi komissardır.
Görünür Rəsul Quliyev hərbi komissar işlədiyi dönəmdə hərbi çağrışçılarla yaxşı alış-veriş etdiyi üçün, rüşvət almağın yolların çox gözəl bilir.

Şamaxı Regional Meşə Təsərrüfatı Mərkəzinin xidməti ərazisində istirahət mərkəzi olan Aqil Qəniyev adlı bir vətəndaş sahibi olduğu istirahət-rekreasiya mərkəzinə müqavilə bağlamaq (və yaxud vaxtın artırmaq) üçün, ondan 1000 manat rüşvət istəyiblər, o isə Mərkəzin direktoru Rəsul Quliyevə 500 manat çatdırıb. Amma onun istirahət mərkəzinə hələ də müqavilə bağlanmayıb.

Redaksiyamıza daxil olan bir videogörüntülü səs yazısında məlum olur ki, Aqil Qəniyev sözügdən müqavilə ilə bağlı Şamaxı Regional Meşə Təsərrüfatı Mərkəzinin meşələrin mühafizəsi üzrə baş mühəndis Aqil Qarayevə zəng vurur. Aqil müəllim isə ona bildirir ki, əsas yuxarıdır (nazirlikdir), yəni onların "dolya"sı çatmasa, heç vaxt müqavilə bağlamazlar. Səs yazısında belə aydın olur ki, müqavilə bağlamaq üçün yuxarıya gərək 2500-3000 manat "şirinlik" verilsin.

P.S. Nazirlikdə bu "müqavilə biznes"i bir başa Vüqar Kərimovun "bığ"ının altından keçir.

Qarşı tərəfin mövqeyini dinləməyə hazırıq.

Nazir oğlunun 30 milyon manatlıq villası tapıdlı. Harda? Fransada! “Villa La Creole” adlanan möhtəşəm villa Azərbaycan xalqın pulları ilə tikilib! FAKTLARLA araşdırıb sizlərə təqdim edirik!

Mərhum Gənclər və İdman naziri Azad Rəhimovun oğlu, “Formula-1”-in sabiq prezdenti Arif Rəhimov xalqı necə aldadır?

Daha ətraflı aşağıdakı videoda:

İddia olunanlarla bağlı dia.az olaraq bütün maraqlı tərəflərin mövqeyini işıqlandırmağa hazırıq...