Haqqında bəhs edəcəyimiz “Rabitəbank”ın https://www.rabitabank.com/ saytına daxil olaraq qurumun barəsində ilkin məlumatlara nəzər salırıq. 1993-cü ildə təsis edilmiş “Rabitəbank” hal-hazırda Azərbaycanın aparıcı banklardan biri olmaqla ölkəmizin 10 aparıcı banklarının sırasına daxildir. Bankın bu il və növbəti illər üçün strateji hədəfi bazarda mövqeyini gücləndirməklə gəlirliliyini artırmaq, müştərilərə xidmət keyfiyyətini yeni səviyyəyə qaldırmaq, başda biznes prosesləri olmaqla əsas maliyyə əməliyyatlarını rəqəmsal bankçılığa keçirməkdir. Bank bu istiqamətdə prosesləri uğurla davam etdirir, yeni inkişaf strategiyasını reallaşdırır. Bu, özünü müştərilərə xidmət səviyyəsində, təklif olunan məhsul və xidmətlərdə, biznes proseslərində, komandanın peşəkar kadrlar ilə gücləndirilməsində də göstərir.
"Rabitəbank" ASC, Azərbaycanın 16 regionu və Bakı şəhərində 27 xidmət məntəqəsi və 73 ATM-i, "Rabita Mobile" tətbiqi, İnternet Bankçılıq platforması və "RabitaBot" çatbotu, 133 nömrəli Çağrı Mərkəzi ilə müştərilərin xidmətindədir. Xatırladaq ki, “Rabitəbank” 1993-cü ildə yaradılıb. Onun nizamnamə kapitalı 101,3 milyon manatdır. Bankın səhmlərinin 40,6 %-i Rauf Əliyevə (“Meqa Sığorta” ASC-nin 19 %-lik səhmdarı), 30 %-i Validə Abbasovaya, 11,48 %-i Zakir Nuriyevə (Bankın Müşahidə Şurasının Sədri), 9,11 %-i Dilarə Nuriyevaya, 7,6 %-i Seyran Nuriyevə (Bankın Baş direktoru), 1,07 %-i Aslan Xasiyevə (Bankın Müşahidə Şurasının üzvü), 0,14 %-i isə 12 hüquqi şəxsə məxsusdur. Bura qədər yazdıqlarımız bankın öz saytında özü barəsində dediyi tərifli sözlərdir. Onu da qeyd edək ki, bankın əsas səhmdarları Rauf Əliyev, Validə Abbasova, Zakir Nuriyev və s. barəsində ölkə mediasında ciddi bir informasiyaya rast gəlmədik.
İndi gəlin, görək müştərilər “Rabitəbank”ın barəsində nə düşünürlər: Müştərilərdən biri yazır ki, “Rabitabank"-dan şikayətim var. Belə ki, 06.12.2022-ci il tarixində debet kartıma Paşabank kartından göndərilən 80 manat, mənim məlumatım və razılığım olmadan 30.12.2022-ci il tarixində kartımdan geri çəkilib və mənə bu barədə sms yalnız 02.01.2023-cü il tarixində saat 20:53-də gəlmişdir”. Daha sonra narazı vətəndaş yazır: "Debet kartımda 3 manat olduğu üçün bank 3 azn-i hesabımdan çıxmış, qalan -77 manatı isə "overdraft" olaraq qeyd edib 1 ay müddətində ödəməli olduğumu SMS-lə bildirmişdir. Müraciət və şikayət etsəm də, mənə əsaslı bir cavab verilmədi… “Rabitabank” mənə əsaslı bir cavab verə bilmədi ki, hansı əsasla 06.12.2022-ci il tarixində mənə göndərilən məbləğin mənim məlumatım və razılığım olmadan 30.12.2022-ci il tarixi kartımdan geri çəkməyə təsdiq verib və bu barədə mənə bir il sonra, yəni 2023-cü ilin 2-ci günü bayram təbriki əvəzinə SMS-lə məlumat verib. Deməli, “Rabitəbank” müştərinin etibarlı və güvənli bankı deyil. Mən artıq bugündən etibarən “Rabitəbank”dan bu hadisədən sonra imtina edirəm. Siz də bu barədə diqqətli olun...
Biz “Rantəbank”ın onlarla filialında baş verən qanunsuzluqlar barədə yazmağa ehtiyac görmürük. Təsəvvür edirsiniz, bu bankın internet sistemi uzun müddət fəaliyyət göstərməyib və o zamankı “Başbankir” Elman Rüstəmov deyib ki, “Rabitəbank” bizdən 1 aylıq möhlət istəyib. XXI əsrdə bu qayda ilə işləmək müştərilər üçün yaramır.
Başqa bir müştəri yazır ki, Rabitə Bankla "133 operator əlaqəsi" saxlamaq heç cür mümkün deyil, operatora qoşulmaq üçün "0" düyməsini sıxdıqdan sonra ingilscə sözlər gəlir, əlaqə kəsilir və 6 qəpik balansdan çıxılır… Və 5 gündən sonra cavab verirlər…
Başqa bir müştəri yazır….Belə məsuliyyətsiz bank görməmişəm… Daha bir başqa müştəri yazır ki, bu bankda işə düzəlmək məsələsi şəffaf deyil, tanışlıq-filan… Bu siyahını uzatmağa dəyərmi…?
P. S. Bank sistemində fəaliyyət o qədər şəffaf olmalıdır ki, o, cəmiyyətin hər tərəfindən görünə bilsin...

gundelik baki.com

Lənkəranda 26 mənzildən ibarət olan yaşayış binası qəzalı vəziyyətdədir və hər an çökə bilər.

Xezerxeber.az-ın məlumatına görə, bu bina ötən əsrin əvvəllərində şəhərin mərkəzində inşa edilib.

Qeyd edək ki, sözügedən binanın sakinlərindən biri çürük döşəmədən zirzəmiyə düşərək xəsarətlər alıb.

Sakinlər qeyd ediblər ki, çürük döşəmələr üzərində hərəkət etməkdən ömürləri çürüyüb. Mənzillərdən birinin sahibi çıxış yolunu yerə qapı sərməkdə görüb.

“Bir neçə il bundan əvvəl dam örtüyü dəyişilsə də, yağış yağan zaman yenə də evlərə su damır. Divarlarda iri çatlar əmələ gəlib. Aidiyyəti qurumların nümayəndələri binaya baxış keçiriblər. Binanın yaşayış üçün yararlı olmadığı barədə qərar verilib”. - deyə sakinlər bildiriblər.
Lənkəran şəhər Mənzil Təsərrüfatı İdarəsinin rəisi İlham Mirzəzadə məsələ ilə bağlı qeyd edib ki, yaxın vaxtlarda vəsait ayrılan kimi həmin sakinlər üçün yeni bina tikiləcək:

“Yeni bina tikilənə qədər sakinlərin kirayə haqları dövlət tərəfindən qarşılanacaq”.

Ətraflı süjetdə:

Qəbələ rayonu Böyük Pirəli kənd sakini şəhid anası Eyyubova Mələk İsgəndər qızı tərəfindən
ŞİKAYƏT

Qəbələ rayon İcra Hakimiyyəti başçısı Səbuhi Abdullayev bizi aldadıb süründürməçliyə məruz qoyub.
Mənim oğlum Eyyubov Sərvan Yusif oğlu vətən müharibəsində şəhid olub.Onun və kəndimizin digər 4 şəhidinin adına bulaq inşa etdirmək üçün yer ayrılmaısna görə icra başçısına müraciət etdim.Əraziyə baxdı və razılıq verdi.
Bundan sonra bulaq tikintsi üçün bütün materialları alıb gətiridik.Tikintiyə başlamaq isttədikdə Səbuhi Abdullayev birinci müavinini göndərib tikintini dayandırmağı əmr etdi.
Bu açıq-aşkar şəhidlərin ruhuna hörmətsizlikdir ki, icra başçıs Səbuhi Abdullayev edir.Şəhidlər üçün tikiləcək bulağın ərazisi heç 50 kvadrat yer etmir.
Bizim oğullarımız Azərbaycan Respublikasının tarixi torpaqlarını işğaldan azad edib şəhid olublar.İndi onların adına bulaq tikintisi üçün 50 kv-m torpaq sahəsinin ayrılması niyə mümkün olmasın ?
Bu suala Səbuhi Abdullayev cavab verə bilməz çünki onun başı dövlət işlərinə yox öz şəxsi işlərinə qarışıb o torpaq vətən məhəbbəti nə olduğunu anlamır.
Oğlum Sərvan şəhid olandan sonra oğlu dünyaya gəldi adını isə ölümündən əvvəl özü dediyi kimi Tuncay qoyduq.
Mən mətbuat vasitəsi ilə cənab İlham Əliyevdən və Mehriban xanım Əliyevadan xahiş edirəm Qəbələ rayonu Böyük Pirəli kəndinin 5 şəhidinin adına kiçik bir bulaq tikmək üçün 50 kv-m yer ayrılmasına köməklik göstərəsiniz.




Teref.az

"Məni narahat edən ölkənin bu günkü vəziyyətində QHT sektorunun acınacaqlı vəziyyətdə olmasıdır"

Bu sözləri Kanal 13-ə müsahibəsi zamanı İctimai Siyasi Proseslər Beynəlxalq Araşdırmalar Mərkəzinin sədri Samir Adgözəlli söyləyib.

"Biz düşmənlə döyüşürük, düşmənin qarşısında ideoloji müharibədə qalib gəlmək üçün QHT və media birləşib dirəniş göstərməlidir"-deyə, o əlavə edib.

Kanal 13

Artıq mənzil almadan onun komunnal xərclərini müəyyən etmək mümkün olacaq.

Bu yenilik Nazirlər Kabinetinin təsdiqlədiyi enerji effektivliyi ilə bağlı qərarda əksini tapıb.

Energetika Nazirliyinin şöbə müdir müavini Nərgiz Bağırlı bildirir ki, binaların təyinatından asılı olaraq hər kvadrat metrə görə nə qədər enerji sərf edildiyi müəyyən ediləcək. Sərf olunan enerji miqdarına görə isə sinfləndirmələr aparılacaq. Bununla da vətəndaşlar mənzil sahibi olmazdan öncə hansı binanın kommunal xərclər baxımdan daha sərfəli olduğunu öyrənə biləcək.

Qurum rəsmisinin sözlərinə görə, sinifləndirmə A, B, C, D və E kateqoriyaları üzrə olacaq. Bu kateqoriayalar binanın enerji sərfinə uyğun olaraq təyin ediləcək. A,B və C sinfinə aid olan binalar enerji sərfiyyatı baxımından daha səmərəli hesab olunur.

Nərgiz Bağırlı bildirir ki, 2022-ci ilin iyun ayından etibarən D və E sinfində layihələndirilən binaların tikintisinə icazə verilmir. Çünki bu binalar daha çox enerji sərf edir və bu da vətəndaşın daha çox xərcə düşməsinə səbəb olur.

Daha ətraflı videoda:

Xəzər Xəbə

Bakı bulvarıda insanların həyatı təhlükədədir. Belə ki, bəzi işbazlar skuterləri əsl problemə çevirib. Bulvara daxil olan kimi, tərbiyəsiz, mədəniyyətsiz şəkildə insanlara yaxınlaşan işbazlar zorla öz iyrənc əməllərini yerinə yetirilməyə cəh edirlər.

10-20 azn qarşılığında istirahətə gələn sakinlərin əsəblərini pozan bu işbazlar eyni zamanda gəzintiyə çıxan insanların da həyatlarını təhlükəyə atırlar. Millət vəkilləri, ictimai insanlar Bulvardakı özbaşınalığı nə qədər gündəmə gətirsələr də, heç bir nəticə yoxdur. Yenə parkın girişində eyni adamlar, yenə eyni mənzərə...

Biz media olaraq bu mövzunu işıqlandırıb, sizin diqqətinizə çatdırdıq. Ümid edirik, problem həllini tapar və Bakı Bulvarı tam olaraq azad olacaq.

"Azərbaycan Reallığı"

Binəqədi rayonu, Mir Cəlal küçəsində 9 mərtəbəli binanın qarşısındakı ağaclar kəsilib.

"Azərbaycan Reallığı" xəbər verir ki, ağacların yerində obyekt tikiləcək. Maraqlıdır ki, Bakı Şəhər İcra Hakimiyyəti Yaşıllaşdırma Təsərrüfatı Bırliyi baş verənlərə göz yumur.

Binəqədi rayonu, Mir Cəlal küçəsində 9 mərtəbəli binanın 1-ci mərtəbəsinin qarşısındakı ağaclar "yaşıl terror"a məruz qalıb. Redaksiyamıza daxil olan məlumata görə, sözügedən evin qarşısında yeni bir obyekt tikilməsi gözlənilir. Bu səbəbdən də həmin ağaclar kəsilərək yeri genişləndirilir. Çünki "qonşudan qalma geri" prinsipi ilə o sırada daha bir obyekt öz yerini tutacaq.

Ötən yazımızda oxşar halın Yasamal rayonunda yaşandığı barədə məlumat vermişdik.

Həmin yazıda qeyd edilirdi ki, baş verənlər Bakı şəhəri Yaşıllaşdırma Təsərrüfatı Birliyinin keçmiş direktoru Həsrət Əmrahovun dövrünə təsadüf edir və o, elə bu əməllərinə görə tutduğu vəzifədən azad edilib. Hazırda onun səlahiyyətlərini müavini Mirdamət Seyidov icra edir.

Görünən odur ki, cənab Seyidov Həsrət Əmrahovdan fərqlənmir. Binəqədidə ağacların kəsilməsi məhz onun direktor əvəzi olduğu vaxtdan başlayıb. Redaksiyamıza daxil olan məlumatlarda həmçinin iddia edilir ki, kəsilən ağacların yerində obyekt tikmək istəyən Həbib adlı şəxsdir.

O mətbuatda Sabunçu Rayon İcra Hakimiyyətinin başçısı Adil Vəliyevin sağ əli və rayon ərazisində tikintiyə nəzarət edən şəxs kimi göstərilib.

Bir müddət əvvəl mediada bu şəxsin korrupsiya cinayətinə görə həbs edildiyi barədə məlumatlar yayılıb. Ətrafda yaşayan sakinlər redaksiyamıza baş verənləri əks etdirən foto və videolar da göndərib.

Həmin görüntülərdəki çalaların yerində ağaclar olub və kəsilib.

Sözügedən görüntüləri təqdim edirik:

Qarşı tərəfin mövqeyini işıqlandırmağa hazırıq.