Azərbaycan çempionu “Qarabağ” bu gün növbəti avrokubok oyununu keçirib.

Ağdam klubu Çempionlar Liqasının II təsnifat mərhələsinin cavab matçında “Rakuv”la qarşılaşıb.

Səfərdə 2:3 hesabı ilə uduzan Qurban Qurbanovun yetirmələri revanş ala biməyiblər. Matçın birinci hissəsində qapılara qol vurulmaylb. Fasilədən sonra qonaqlar müdafiədəki diqqətsizlikdən istifadə edərək, hesabı açıblar.

“Qarabağ” buraxılan qola dərhal reaksiya verərək, 60-cı dəqiqədə hesabı bərabərləşdirib. Polşada olduğu kimi, bu dəfə də Cica fərdi ustalıq nümayiş etdirib. Amma “Qarabağ”ın bundan artığına gücü çatmayıb. İki oyunun nəticəsinə görə, 4:3 hesabı ilə qalib gələn Polşa çempionu mərhələ adlayıb. “Qarabağ” isə mübarizəni Avropa Liqasının III təsnifat mərhələsində davam etdirəcək.

Qeyd edək ki, Avropa Liqasının III təsnifat mərhələsində “Molde” – HJK cütünün məğlub komandası ilə yarışacaq.

Bakıda kütləvi dava olub.

Hadisə Xəzər rayonu, Buzovna qəsəbəsində qeydə alınıb.

Bir qrup şəxs arasında düşən davada ana və iki oğlu döyülüb. Döyülənlər Mərziyə Baxşıyeva və onun övladları 20 yaşlı Toğrul, 27 yaşlı Sərdardır.

Hadisə barədə polisə məlumat verilib.

Faktla bağlı araşdırma aparılır.

Xəbər verdiyimiz kimi, Yuxarı Qarabağ su kanalının Bərdə rayonunun Qaraqoyunlu kəndindən keçən hissəsində bəndin bir hissəsinin uçması nəticəsində ətraf ərazilər subasmaya məruz qalıb.

Sözügedən ərazidən fotoları təqdim edirik.

Qeyd edək ki, FHN-in Qarabağ və Gəncə Regional mərkəzləri, Dövlət Yanğından Mühafizə Xidməti, Kiçikhəcmli Gəmilərə Nəzarət və Sularda Xilasetmə Dövlət Xidmətinin qüvvələri zəruri təhlükəsizlik tədbirlərinin görülməsi məqsədilə dərhal əraziyə cəlb olunub, aidiyyəti dövlət qurumlar məlumatlandırılıb.

APA

Zaqatala Rayon İcra Hakimiyyətinin "İnventarların alınması" kotirovka sorğusu ləğv olunub.

Buna səbəb tenderdə iştirak etmək üçün tender təklifi vermiş iddiaçıların sayı üçdən az olmasıdır.

Bu da Dövlət Satınalmaları haqqında qanunun 11.1-ci maddəsi ilə tənzimlənir. Həmin maddəyə görə tenderdə iştirak etmək üçün tender təklifi vermiş iddiaçıların sayı üçdən az olduqda satınalan təşkilat tenderin davamından imtina edir və bu barədə məlumatı tender elan olunduğu mətbuat orqanında 5 bank günü ərzində dərc etdirir və rəsmi internet saytında yerləşdirir.

FED.az

Binəqədi Rayon İcra Hakimiyyəti məhkəməyə verilib. Millitv.az Qaynarinfo-ya istinadla xəbər verir ki, iddiaçı Yusifov İbiş Əli oğludur.

Araşdırmalarımız zamanı məlum olub ki, 2008-ci ildə İbiş Yusifova məxsus 358 kvadratmetrlik obyekt sökülüb. Obyektin sökülməsi "Nəsimi” metrostansiyanın tikintisi ilə bağlı olub. Lakin buna görə vətəndaşa kompensasiya ödənilməyib.

İbiş Yusifov dəfələrlə "Bakı Metropoliteni” QSC-nin rəhbərliyinə, Bakı şəhər və Binəqədi rayon icra hakimiyyətlərinə müraciətləri nəticəsiz qalıb.

Vətəndaş öncə sökülən obyektə görə 1 milyon 878 min, ötən illərdə əldən çıxmış fayda və mənəvi ziyana görə də 500 min manat (cəmi 2 milyon 378 min) kompensasiya tələb edib. Sonradan iddia tələbində məbləğ dəyişib. Mülkiyyətçi 4 milyon tələb edib. Lakin qarşı tərəf bununla razılaşmadığına görə iş məhkəməyə qədər uzanıb. Məhkəmə çəkişməsi illərdir ki, davam edir.

İşə bir dəfə Bakı İnzibati-İqtisadi Məhkəməsində, iki dəfə Bakı Apellyasiya Məhkəməsində, iki dəfə də Ali Məhkəmədə baxılıb.

Hazırda iş yenidən apellyasiya mərhələsindədir. İbiş Yusifovun şikayətinə Bakı Apellyasiya Məhkəməsində Məmməd Məmmədovun sədrlik etdiyi hakimlər kollegiyası tərəfindən baxılacaq.

Son günlər “Unibank”a məxsus debet kartlarına mədaxil edilən zaman müəyyən məbləğdə faizlər tutulur ki, bu da vətəndaşların narazalığına səbəb olub. Belə ki, karta daxil edilən mədaxil 200 AZN-i keçdiyi təqdirdə istifadəçinin hesabından 1 manat məbləğində ödəniş tutulur. Öncədən xəbərdarlıq edilmədən kartlara qoyulan limit müştərilər tərəfindən etirazla qarşılanıb.

Xalqxeber.az bildirir ki, məsələ ilə bağlı Yenicag.az-a fikirlərini bildirən iqtisadçı ekspert Natiq Cəfərli banklar tərəfindən tətbiq olnan yeni qaydaları bu cür dəyərləndirib:

“Burada önəmli məsələ bundan ibarətdir ki, istifadəçi bankla müqavilə bağladığı vaxt sənədi diqqətlə nəzərdən keçirməsi lazımdır. Əgər bankla müqavilə bağlanan zaman tariflərin sonradan dəyişdirilə biləcəyi ilə bağlı şərtlər kiçik hərflərlə də olsa sənəddə əksini tapırsa, müştəri banka qarşı heç bir iddia qaldıra bilməz. Yox, əgər həmin şərtlərlə bağlı müqavilədə heç bir müddəa əks edilməyibsə, bu zaman vətəndaş haqlı tərəf sayılır və belə durumda məhkəməyə müraciət edə bilər”.

Araşdırmamıza əsasən, “Unibank”ın müştərilərlə bağladığı müqavilədə sözügedən məsələ ilə bağlı heç bir şərt öz əksini tapmayıb. Həmçinin, öncədən istifadəçilərə yeni tətbiq edilmiş qayda ilə bağlı heç bir xəbərdarlıq və ya bildiriş göndərilməyib. Bu da bank müştərilərinin haqlı narazılığına səbəb olub.

Bakı şəhəri, H.B.Əliyev küç. 6, mənzil 51 ünvanında yaşayan Məmmədov Arzu Əli oğlu Azərbaycan Respublikasının Prezidenti cənab İlham Əliyevə və digər aidiyyəti qurumlara ünvanladığı müraciətin bir surətini də redaksiyamıza təqdim edib.

Arzu Məmmədovun gundemxeber.az-ın redaksiyasına Ali Attestasiya Komissiyasında baş verən özbaşınalıqlar və korrupsiya faktları ilə bağlı təqdim etdiyi yazılı müraciətini çoxsaylı oxucularımızın diqqətinə olduğu kimi çatdırırıq:
"Azərbaycan Respublikasının Prezidenti yanında Ali Attestasiya Komissiyası, İstiqlaliyyət abidəsinin bir neçə metrliyində yerləşir. Bu Komissiya əmlak üzrə görgəmli mütəxəssis Famil Mustafayevin rəhbərliyi altında “qapalı əqli əmlak hərracı” kimi fəaliyyət göstərir. Ekspert şuraları vasitəsi ilə iddiaçıları məcbur edirlər ki, onlar əqli əmlakları olan dissertasiyalarını alsınlar. Bu müraciətimdə məqsəd, Komissiyada korrupsiyanın çiçəklənməsində mühüm rol oynayan və korrupsiyanın özəyi olan ekspert şuralarının vəzifələrindən ikisinin Azərbaycan Respublikasının İnzibat icraat haqqında Qanununa və İnformasiya, informasiyalaşdırma və informasiyanın mühafizəsi haqqında Qanuna zidd olduğunu sübut etməkdir.

1.Ekspert şuralarının vəzifələrindən biri:

- dissertasiya şuralarının və Komissiyanın qərarlarından verilmiş şikayət ərizələrinə (apellyasiyalara) baxılması və müvafiq tövsiyələrin hazırlanması;
Fəlsəfə doktoru elmi dərəcəsinin verilməsi və ya verməkdən imtina barədə qərarları ekspert şuralarının tövsiyəsi əsasında Komissiyanın Kollegiyası qəbul edir. Bu qərar qəbul etmə formal xarakter daşıyır və elmi ad verilib-verilməməsini ekspert şurası həll edir. Əgər ekspert şurası tərəfindən elmi dərəcə verməkdən imtina tövsiyəsi verilibsə, Kollegiya da imtina qərarı qəbul edəcək. Kollegiyanın qərarından verilmiş şikayətə ekspert şuralarında baxılması nə dərəcədə qanunauyğundur? Şikayətə baxılma ekspert şuaralarına hansı məqsədlə həvalə edilib? Ekspert şurasının tövsiyəsi əsasında elmi dərəcədən imtina barədə Kollegiyanın qərarından verilmiş şikayətə ekspert şurasında baxılması subordinasiya baxımından düzgün deyil və İnzibati icraat haqqında Azərbaycan Respublikasının Qanunun 79.5 maddəsinə ziddir. Bu maddəyə əsasən “Şikayət instansiyası şikayətə baxılmasını heç bir halda şikayət olunan inzibati aktı qəbul etmiş inzibati orqana və ya onun vəzifəli şəxslərinə həvalə edə bilməz”. Qərarın qəbulu üçün tövsiyyə vermiş ekspert şurası, verdiyi tövsiyyədən imtina edə bilərmi? Bilər! Rüşvət alıb edirlər! İnzibati icraat haqqında Qanunun 78.1 maddəsinə əsasən “Qanunda başqa müddət nəzərdə tutulmamışdırsa, şikayət instansiyası daxil olduğu gündən 1 ay müddətində inzibati şikayətə baxmağa və mahiyyəti üzrə qərar qəbul etməyə borcludur”. Heç bir şikayətçinin şikayətinə bir ay ərzində cavab vermirlər. Şikayətçinin əli cibinə salınana kimi onu get-gələ salırlar. Ekspert şuraları bu işi məharətlə həyata keçirirlər. Məsələn, mənim qızım 05.03.2023-cü il tarixdə Komissiyanın Kollegiyasının ona elmi dərəcə verməkdən imtina barədə qəbul etdiyi qərardan şikayət verib. Gözlənildiyi kimi bir ay müddətində, yəni 05.04.2023-cü il tarixinə kimi şikayətə baxılmadı. Buna görə də 06,04.2023-cü il tarixdə qızım iddia ərizəsi ilə Bakı İnzibati Məhkəməsinə müraciət etdi. İnzibati icraat haqqında Azərbaycan Respublikası Qanunun 72.2 maddəsinə əsasən “İnzibati aktdan eyni zamanda həm inzibati, həm də məhkəmə qaydasında şikayət (inzibati iddia) verildiyi hallarda, şikayətə məhkəmə qaydasında baxılır və şikayət instansiyasında həmin şikayət üzrə başlanılmış icraata xitam verilir.” Xitam verilmədi. Çünki, mənim qızım rüşvət vermək imkanı olan iddiaçıların siyahısında idi və buna görə də get-gələ salınmalı idi. Bu məqsədlə 11.04.2023-cü il tarixdə qızımın elektron poçtuna onu ekspert şurasının 26.04.2023-cü il tarixdə keçiriləcək iclasına dəvət barədə imzasız-möhürsüz məktub göndərdilər. 18.04.2023-cü il tarixdə ekspert şurasının iclasına distant qoşulmaq barədə qızımın elektron poçtuna məktub gəldi. Gördük ki, əlçəkmirlər. Qızım əsəbləşirdi. Buna görə də, etibarnamə ilə Ali Attestasiya Komissiyasında onu təmsil etməyi mənə həvalə etdi və bu barədə Famil Mustafayevə ərizə göndərdi və etibarnaməni də ərizəyə əlavə etdi. Bundan sonra, onun Sakin Cabarov aadlı müavini məktub göndərdi. Məktubunda qeyd etdi ki, Komissiyada nümayəndə ilə təmsil olunmaq nəzərdə tutulmayıb. Yəni, bu adamlar üçün əsas məsələ qanuna riayət etmək yox, pul qopartmaqdır. Sakin məktubunda qeyd etmişdi ki, iki ay ərzində qızım ekspert şurasına gəlməsə, dissertasiyasının ekspertizası dayandırılacaq. Bu korrupsionerlərə məktub yazıb, bunları başa salmaq istədik ki, “Eımi dərəcələr verilməsi qaydası haqqında Əsasnamə”sinin 10.5. maddəsinə əsasən “Şikayətə inzibati qaydada “İnzibati icraat haqqında” Azərbaycan Respublikasının Qanununa və məhkəmə qaydasında Azərbaycan Respublikasının İnzibati Prosessual Məcəlləsinə uyğun olaraq baxılır.” Inzibati icraat haqqında Qanunun 79.1 maddəsinə əsasən “İnzibati şikayətlər üzrə icraat bu fəslin xüsusiyyətləri nəzərə alınmaqla bu Qanunun IV fəslində müəyyən olunmuş qaydada həyata keçirilir.”Həmin Qanunun İV fəslində yer alan 37.1 maddəsinə əsasən “ Fiziki və ya hüquqi (maraqlı) şəxs inzibati icraatda şəxsən iştirak edə bilər və yaxud nümayəndə vasitəsilə təmsil oluna bilər”. Yəni, Ali Attestasiya Komissiyasında qızımın verdiyi şikayətin icraatında mənim onu nümayəndə kimi təmsil etməyim, tam qanunidir. Sakin Cabarovun iki ay ərzində ekspert şurasına üzürsüz səbəblərə görə gəlməmək hədə-qorxusu ilə əlaqədar bildirildi ki, onun hədələri dissertasiyanın baxılma mərhələsinə aiddir, şikayətə baxılma mərhələsinə yox. Bu korrupsionerlər bilirdilər ki, biz məhkəməyə müraciət etmişik, amma yenə də pul qopartmaq ümidlərini itirməmişdilər. Qızımın iddia tələbinə 22.05.2023-cü il tarixdə yazdığı etirazda Sakin Cabarov bildirirdi ki, “Hazırda iddiaçının 05.03.2023-cü il tarixli ərizəsi əsasında iddiaçıya elmi dərəcə verilməsi məsələsinə Komissiya tərəfindən appelyasiya qaydasında baxılmaqdadır” 02.06.2023-cü il tarixdə(həftənin beşinci günü) saat 16-da qızımın elektron poçtuna yenə də imzasız möhürsüz məktub göndərib, onu birinci gün 05.06.2023-cü il tarixdi ekspert şurasının iclasına dəvət etdilər. Bu dəfə, Respublika Rəhbərliyinə teleqramlar göndəriləndən sonra Komissiyanın Aparat rəhbəri məktub göndərdi ki, Komissiyada şikayətə baxılmasına xitam verildi. Yəni, mənim qızım get-gələ salınmaqla, pul qopardılması nəzərdə tutulan iddiaçıların siyahısından çıxarıldı.
İndi ekspert şurasının nəzərdən keçirilən vəzifəsində yazılmış “şikayət ərizələrinə (apellyasiyalara)” ifadəsi barədə fikirlərimi bildirirəm. Apelyasiya şikayətini Apelyasiya Şurasına sahibkarlıq fəaliyyəti ilə məşğul olan sahibkarlar verə bilərlər. Ali Attestasiya Komissiyasında yaradılmış Apelyasiya Şurasının Əsasnaməsinin 1.1 maddəsinə əsasən “Azərbaycan Respublikasının Prezidenti yanında Ali Attestasiya Komissiyasının (bundan sonra – Komissiya) Apelyasiya Şurası (bundan sonra – Apelyasiya Şurası) sahibkarlıq fəaliyyəti göstərən fiziki və hüquqi şəxslərin özlərinin sahibkarlıq fəaliyyəti ilə bağlı Komissiyanın qərarlarından, digər hərəkət və ya hərəkətsizliyindən (bu Əsasnamənin 1.7-ci bəndində nəzərdə tutulmuş hallar istisna olmaqla) verdikləri şikayətlərə, habelə dövlət qulluğuna qəbulla bağlı keçirilən müsahibənin nəticələrindən namizədlərin verdikləri şikayətlərə (bundan sonra – şikayət) baxan və ictimai (ödənişsiz) əsaslarla fəaliyyət göstərən kollegial orqandır.” və həmin əsasnamənin 5.1.3. maddəsinə əsasən şikayətçinin şikayət ərizəsində onun VÖEN-inin göstərilməsi tələb olunur. İddiaçının VÖEN-ini ola bilməz! Sahibkarın VÖEN-ini olur. Ekspert şurasının əsasnaməsi savadsız hüquqşunaslar tərəfindən yazılıb .

2. Ekspert şuralarının vəzifələrindən digəri:

- dissertasiya və attestasiya sənədlərinin ekspertizası ilə bağlı məlumatların konfidensiallığının qorunması, iddiaçıya və ya üçüncü tərəfə verilməməsi;
Ekspert şurasının bu vəzifəsində qeyd edilmiş ekspertiza ilə bağlı məlumatların iddiaçıya verilməməsi, İnzibati icraat haqqında Qanunun 25-ci maddəsində nəzərdə tutulmuş inzibati icraat materialları ilə tanış olmaq hüququnun kobud şəkildə pozulmasıdır. Bu Qanunun 25.1 maddəsinə əsasən “Qanunla nəzərdə tutulmuş hallar istisna olmaqla, maraqlı şəxslər həm icraat zamanı, həm də icraatdan sonra inzibati icraat materialları ilə tanış olmaq və ya icraatla bağlı məlumat almaq hüququna malikdirlər” və Qanunun 25.3 maddəsinə əsasən “İnzibati orqan müraciət daxil olduğu gündən 3 gün müddətində müvafiq məlumatları verməlidir.” İnzibati icraat haqqında Qanunun 25.6 maddəsinə əsasən “Maraqlı şəxslər inzibati icraat materialları ilə həmin icraatın həyata keçirildiyi inzibati orqanda tanış ola bilərlər” və bu Qanunun 25.8. maddəsinə əsasən “Maraqlı şəxsin inzibati icraatla bağlı sənədlərin və digər materialların surətlərini əldə etmək hüququ vardır.”
İnformasiya, informasiyalaşdırma və informasiyanın mühafizəsi haqqında Azərbaycan Respublikasının Qanunun 10-cu maddəsinə əsasən “vətəndaşların, mülkiyyət növündən asılı olmayaraq yaradılmış idarə, müəssisə və təşkilatların, digər hüquqi şəxslərin qanuni maraqlarının qorunması məqsədilə əldə olunmasına məhdudiyyət qoyulan peşə (həkim, vəkil, notariat), kommersiya, istintaq və məhkəmə sirləri konfidensial xarakter daşıyır. “ Qanunla ekspertiza məlumatları konfidensial xarakter daşımır və buna görə də “dissertasiya və attestasiya sənədlərinin ekspertizası ilə bağlı məlumatların konfidensiallığının qorunması”, İnformasiya, informasiyalaşdırma və informasiyanın mühafizəsi haqqında Azərbaycan Respublikasının Qanununa ziddir.
Heç bir qanuni əsası olmayan bu vəzifə vasitəsi ilə iddiaçıya güclü mənəvi və psixioloji zərbələr vurulur. Pul vermək imkanı olan iddiaçıya mənfi rəy yazılır. İddiaçı səbəbi göstərilmədən, ekspert şurasına çağrılır. Orada rəy oxunur. İddiaçıların əksəriyyəti gözlənilməz psixioloji zərbədən özlərini itirərək, nəinki rəyə cavab vermək, hətta rəydə yazılanları ani olaraq qavraya bilmirlər. Buna görə də dəqiq və düzgün cavablar vermirlər. Ekspert şuralarının sədrlərinə də bu lazımdır. Deyirlər get, gör neyniyirsən! Əl, cibə salınana kimi bu get-gəl davam edir.
Keçən ilin may ayından başlayaraq mənim həyat yoldaşım Ali Attestasiya Komissiyasında fəaliyyət göstərən “qapalı əmlak hərracı”nın bağlanması uğrunda mübarizə apardı və heç nəyə nail ola bilmədi. Respublika Rəhbərliyinə, Baş Prokurora etdiyi çoxsaylı müraciətləri bloklandı. Hazırda Məhkəmədə bu korrupsioner dəstə ilə üz-üzə dayanmışam. Bir tərəfdə cibi dolu korrupsionerlər və onların havadarları, o biri tərəfdə isə mən dayanmışam. Mənim havadarım yoxdur. İnandığım, səcdə etdiyim Müqəddəs Allahım var. Bu mübarizədə mənə anamın ölənə kimi oxuduğu Müqəddəs Quran və etdiyi Müqəddəs Ziyarət Məkanları kömək edəcək. Mən, Azərbaycanın elmini və gəncliyini məhv edən bu korrupsionerlərin axırına şıxacağam!"
GundemXeber.Az redaksiyası olaraq, yazıda ittiham olunan Ali Attestasiya Komissiyasının səlahiyyətli şəxslərinin də mövqeyini dinləməyə hazır olduğumuzu bildiririk.

GundemXeber.Az

Cəlilabadda həyata keçirilən səs-küylü həbslərin yaratdığı rezonans hələ uzun müddət diqqət mərkəzində olacaq. DİA.AZ olaraq xatırladaq ki, Baş prokuror yanında Korrupsiyaya qarşı Mübarizə Baş İdarəsi tərəfindən tikintiyə icazələrin verilməsi sahəsində baş verən korrupsiya hallarına qarşı keçirilmiş əməliyyat-axtarış tədbirləri çərçivəsində Cəlilabad Rayon İcra Hakimiyyəti Başçısı Aparatının Memarlıq və Tikinti şöbəsinin müdiri - Baş memar Sahil Qənbərli, Cəlilabad bələdiyyəsinin sədri Mehdi Kərimov və rayonun Üçtəpə bələdiyyəsinin sədri Əmrah Quliyevin qanunsuz əməlləri ifşa edilib.

Məlumatlarda deyilir ki, həyata keçirilmiş tədbirlərlə Sahil Qənbərlinin Mehdi Kərimovla əlbir olaraq Cəlilabad şəhəri ərazisində torpaq sahələrinin ayrılması və sahibkarlıq obyektinin tikintisinə icazə verilməsi üçün vətəndaşlardan ümumilikdə 44 min manat məbləğində pul vəsaitini almasına əsaslı şübələr müəyyən edilib və həmin şəxslər cinayət başında yaxalanıb.

DİA.AZ bildirir ki, bundan başqa, Əmrah Quliyevin Üçtəpə kəndi ərazisində yerləşən torpaq sahəsi üzərində mülkiyyət hüququnun tanınmasına dair sənədin verilməsi vədi ilə vətəndaşların 3 min 500 manat məbləğində pul vəsaitini ələ keçirməsinə əsaslı şübhələr müəyyən edilib.

Qeyd edilən vəzifəli şəxslərin xidməti otaqlarında aparılmış axtarışlar zamanı iş üçün əhəmiyyət kəsb edən sübutlar aşkar edilərək götürülüb.

Göstərilən faktlarla bağlı başlanmış cinayət işi üzrə Sahil Qənbərli və Mehdi Kərimov müvafiq olaraq Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə), 311.3.1, 311.3.2 və 311.3.3-cü (qabaqcadan əlbir olan bir qrup şəxs tərəfindən təkrar və külli miqdarda rüşvət alma), Əmrah Quliyev isə həmin Məcəllənin 178.2.3-cü (qulluq mövqeyindən istifadə etməklə dələduzluq) maddəsi ilə təqsirləndirilən şəxs qismində cəlb olunub.

Sahil Qənbərli və Mehdi Kərimovun barəsində məhkəmənin qərarilə həbs və vəzifədən kənarlaşdırma, Əmrah Quliyevin barəsində məhkəmənin qərarı ilə vəzifədən kənarlaşdırma, istintaq orqanının qərarilə isə polisin nəzarəti altına vermə qətimkan tədbiri seçilib.

Hazırda iş üzrə istintaq-əməliyyat tədbirləri davam etdirilir.

DİA.AZ qeyd edir ki, burada xüsusi diqqət olunmalı məqamlardan biri də saxlanılanların vəzifələrindən məhz MƏHKƏMƏ QƏRARI ilə azad olunmalarıdır. Görünür, belə bir zərurət yaranıb. Halbuki, bu kimi məqamlarda səlahiyyət sahibinə "hədəfdə olan məmurlarla" bağlı "qabaqcadan tədbir görmə" fütrsəti tanınardı. Amma göründüyü kimi, Cəlilabad RİH başçısı Rafiq Cəlilova belə bir şans tanınmadı.

Onu da qeyd edək ki, həıbs olunan şəxsləri Cəlilabad sakinləri Rafiq Cəlilovun "sağ əli" və "sol əli" kimi dəyərkləndirirlər. Deməli, hüquq-mühafizə orqanları Rafiq Cəlilovu əməlli-başlı "budayıblar"... Bu budama iki məqsəd üçün hesablana bilər:

1. Ya bşçını bu yolla zərərsiz hala gətirirlər və hər şey onun görəvdən alınmasına hesablanır...

2. Ya da başçıya növbəti şans verilir.

Bunu isə irəliləyən zamanda görəcəyik.

Yazı ilə bağlı olaraq bütün maraqlı tərəfləri dinləməyə hazırıq...

Qaradağ Rayon İcra Hakimiyyəti başçısı Aparatının Mənzil-Kommunal Təsərrüfatı İstehsalat Birliyi (MKTİB) yolların əsaslı təmir olunması işlərinin satın alınması ilə bağlı tenderə yekun vurub.

Tenderin qalibi "Təmir-Təchizat-4” MMC olub. Tərəflər arasında bağlanacaq satınalma müqaviləsinin maliyyə dəyəri 720.131,46 AZN-dir.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "Təmir-Təchizat-4” MMC 4 may 2005-ci ildə qeydiyyata alınıb. Nizamnamə kapitalı 10 AZN olan şirkətin hüquqi ünvanı Bakı şəhəri Nərimanov rayonu, Ağa Nemətulla küçəsi, ev 50A, mənzil 2-də yerləşir. MMC-nin qanuni təmsilçisi Həsənov Elburus Məmməd oğludur.

"Təmir-Təchizat-4” MMC 18 ildir fəaliyyət göstərməsinə baxmayaraq, açıq mənbələrdə barəsində heç bir məlumata rast gəlinmir. Şirkətin nə veb-səhifəsi, nə də əlaqə telefonları var. Elburus Həsənov haqqında da heç bir məlumat yoxdur.

Dövlət satınalmalarının elektron portalına yerləşdirilən məlumatlara diqqət etdikdə "Təmir-Təchizat-4” MMC-nin tenderlərdə fəal iştirak etdiyi aydın olur. Şirkət əsasən Qaradağ Rayon İcra Hakimiyyəti və ona tabeli qurumların iri məbləğli tenderlərinin qalibi olur.

Yeri gəlmişkən, Qaradağ MKTİB ötən il də yolların təmiri ilə bağlı "Təmir-Təchizat-4” MMC ilə satınalma müqaviləsi imzalayıb. Müqavilənin maliyyə dəyəri 720.146,68 AZN olub. Beləliklə, aydın olur ki, ötən il yolların təmirinə 720 min manat xərcləyən MKTİB hansısa səbəblərdən bu il də yollara 720 min manat xərcləmək zərurəti yaranıb.

Qaradağ Rayon İcra Hakimiyyətinin başçısı Süleyman Mikayılovdur. O, 2010-cu ildən bu vəzifədədir. Ümumiyyətlə isə Süleyman Mikayılovun icra başçısı kimi karyerası 2005-ci ildən başlayır. O, həmin ilin mayında Yardımlının icra başçısı vəzifəsi təyinat alıb. 2005-ci ilin dekabrında isə Lənkəranın icra başçısı təyin edilib və 2010-cu ilə qədər bu rayona rəhbərlik edib. Mediada Süleyman Mikayılov fövqəladə hallar naziri Kəmaləddin Heydərova yaxın şəxs kimi təqdim edilir. Onun karyera yüksəlişində də nazirin böyük rolunun olduğu bildirilir.AMİA.AZ

Nuriyev Faba Cəlilabad sakinidir. O, 2013-cü ildə avtoqəza nəticəsində yaralanıb. Bundan sonra əlillik dərəcəsi almaq üçün Dövlət Tibbi Sosial Ekspertiza və Reabilitasiya Agentliyinə müraciət edib. Deyir ki, ona 2-ci qrup əlillik təyin olunsa da, sonradan 3-cü qrup əlilliklə əvəz edilib.

Danışır ki, əlillik müddəti bitdiyindən sonra yenidən müraciət edib. İlk müraciətində ona imtina verilib. Nuriyev Faba sözlərinə görə, o hətta ilk 1-ci qrup əlillik üçün müraciət edib. Amma məhkəmə ekspertizası rəy verib ki, onun əlilliyi 2-ci qrupa əsas verir. //toplum.tv//