Ukraynada Rusiya ordusunun daha bir zabiti, polkovnik-leytenan Georgi Petrunin öldürülüb.

Zamantv.az xəbər verir ki, bu barədə “InformNapalm” beynəlxalq könüllülər icması məlumat yayıb.

O, Samara hərbi komendantı olub, həmçinin Çeçenistan və Suriyada döyüş təcrübəsi keçib.

Rusiya Ermənistana müdafiə qabiliyyətinin gücləndirmək üçün kömək edəcək.

Bu barədə Rusiyanın xarici işlər naziri Sergey Lavrov erməni həmkarı Ararat Mirzoyanla görüşdə bildirib.

“Rusiya əsas müttəfiqi kimi Ermənistana müdafiə qabiliyyətini gücləndirməyə, sərhədlərinin mühafizəsini təmin etməyə kömək edəcək”, - Rusiya XİN başçısı vurğulayıb.

Qeyd edək ki, Lavrovun bu açıqlaması birmənalı qarşılanmayıb. Hazırda Ukrayna ilə müharibə aparan və ciddi itkiləri olan Rusiyanın belə bir vəziyyətdə Ermənistana açıq dəstək nümayiş etdirməsi müzakirələrə səbəb olub.

Ümumiyyətlə, indiki şəraitdə Rusiya niyə Ermənistanın müdafiəsini gücləndirməyə kömək edəcəyini bəyan edir? Zamantv.az-ın məlumatına görə, hərbi ekspert Ramil Məmmədli Cebhe.info-ya açıqlamasında deyib ki, bu, təbii bir prosesdir:

"Çünki Rusiya və Ermənistan Kollektiv Təhlükəsizlik Müqaviləsi Təşkilatında olan müttəfiq ölkələrdir. Bununla yanaşı, tərəflər arasında qarşılıqlı təhlükəsizliklə bağlı ikitərəfli razılaşmalar da mövcuddur. Yəni Rusiya Ermənistanın qarantı rolunda oynayır. Əslində Kremlin erməni ordusunu silahlandırmasının qarşısını almaq qeyri-mümkündür. Bunun olmaması üçün Ermənistan Rusiya ilə müttəfiqlik razılaşmasından çıxmalıdır.

Ona görə də bu məsələyə qeyri-adi yanaşmaq doğru deyil. Lakin Ermənistan ordusunun strateji silahlarla gücləndirilməsi yolverilməzdir. Çünki bu, İrəvanın regiondakı işğalçılıq siyasətinə və addımlarına dəstək vermək kimi qiymətləndirilə bilər. Hesab edirəm ki, bununla bağlı da Azərbaycan tərəfi də öz reaksiyanı verməlidir".

Bayden Rusiya neftinə və Rusiya və Belarusla ticarətə qarşı yeni sanksiyalar imzalayıb

ABŞ Prezidenti Co Bayden Rusiya və Belarusa qarşı əlavə sanksiyaları nəzərdə tutan iki qanun layihəsini imzalayıb.

Zamantv.az xəbər verir ki, bu barədə Ağ Ev məlumat yayıb.
Qanun layihələrindən biri Rusiya və Belarusla normal ticarət əlaqələrini dayandıraraq, bu ölkələrdən idxala rüsumların artırılmasına zəmin yaradır.

Digəri isə Rusiyadan enerji məhsullarının, o cümlədən neft, kömür və təbii qazın idxalını qadağan edir.

Senat yekdilliklə hər iki qanun layihəsini təsdiqləyib.

[thumb=left]http://zamantv.az/uploads/posts/2022-04/1649492615_6250f8e0d68d06250f8e0d68d116494737606250f8e0d68cd6250f8e0d68ce.jpg[/thumb
2021-ci ildə Avropada patent üçün müraciətlərin sayında ciddi artım qeydə alınıb.
Zamantv.az-ın xəbərinə görə, Avropa Patent Ofisi ötən il rekord sayda - 188 600 müraciəti qeydə alıb. Bu da illik əsasda 4,5% artım deməkdir.

Baş ofisi Münxendə yerləşən qurum bildirir ki, 2020-ci ildə pandemiyaya görə müraciət sayı 0.7% azalmışdı.
Müraciət sayı sahələr üzrə fərqli olsa da, tendensiya dəyişmir. İddiaçılar ən çox İKT (15 400) və tibbi texnologiyalar üzrə (15 231) müəlliflik hüququ əldə etmək üçün müraciət edirlər.

Qeyd olunur ki, patent sayının artımı müəssisələrin elmi tədqiqata ciddi sərmayə qoymasının göstəricisidir.

Böyük Britaniyada HDQ-nin bazasından böyük həcmdə dizel yanacağı oğurlanıb.

Zamantv.az-ın “Sun” qəzetinə istinadla xəbərinə görə, hadisə Avropanın ən böyük hərbi -dəniz bazası olan Devonportda baş verib.

Qəzet yazır ki, generatorların istifadəsi üçün nəzərdə tutulan tonlarla yanacaq “yoxa çıxıb”. Oğurlanan yanacağın dəyəri təxminən 300 min dollardır.
Müdafiə Nazirliyi məsələ ilə bağlı şərh verməkdən imtina edib. Yerli media sözügedən bazanın Britaniyada ən ciddi mühafizə olunan obyekt olduğunu bildirir. Bu şəraitdə oğruların bazaya necə girməsi ciddi müzakirə mövzusudur.

BMT-nin Ərzaq və Kənd Təsərrüfatı Təşkilatı qida məhsullarının qiymətləri ilə bağlı növbəti hesabatını açıqlayıb.

Zamantv.az-ın xəbərinə görə, hesabatda gföstərilir ki, Mart ayında dünyada ərzaq qiymətləri 12.6% bahalaşaraq tarixi rekorda imza atıb.

Belə qiymərtlər 1990-cı ildən indiyədək heç yerdə qeydə alınmayıb. Dənli bitki və bitki yağının qiymətləri isə şok effekti yaradıb.
Baş qərargahı Romada olan təşkilat bildirir ki, mart ayında buğda fevralla müqayisədə 17.1% bahalaşıb. Taxılın bahalaşması fonunda ikinci dərəcəlı dənli bitkilərin də qiyməti yüksəlməyə meylli olub. Söbət arpa, buğda, çovdar, vələmir və qarğıdalıdan gedir. Bahalaşmanın səbəbi Ukrayna və Rusiyadan ixracın dayanmasıdır.
Bitki yağlarının qiymətində aylıq artım 23%-i ötüb. Ukrayna və Rusiyadan günəbaxan yağı təchizatının dayanması digər bitki yağlarına da təsir edib. Dünyada istehlak olunan günəbaxan təxminən 70%-ni Ukrayna və Rusiya fermerləri hazırlayır.

Ekspertlərin fikrincə, günəbaxan yağının bahalaşması marqarinin və şirniyyat istehsalında istifadə edilən inqredientlərin də bahalaşmasına səbəb olacaq.

Çin hakimiyyəti hələ də Şanxay meqapolisində koronavirus infeksiyasının yayılmasının qarşısını ala bilmir.

Zamantv.az xarici KİV-ə istinadən xəbər verir ki, bu barədə Çin Dövlət Səhiyyə Komitəsindən bildirilib.

Ötən gün ölkədə 1350 nəfərin koronavirusla kəskin formada xəstələnməsi qeydə alınıb və Çində ayrıca qeydə alınan 23 815 asemptomatik yoluxma halı müəyyən edilib. Onlardan müvafiq olaraq 16 və 78 xəstə xaricdən gəlib, qalanları isə ölkə daxilində yoluxub.

Şanxay epidemiyanın episentri olaraq qalır. Orada ötən gün 1015 nəfərin koronavirusla kəskin formada xəstələnməsi və 22 609 asemptomatik yoluxma halı qeydə alınıb.

Şəhərdə ciddi karantin tədbirləri tətbiq edilib və virusun yayılmasının qarşısını almaq üçün ölkənin digər bölgələrindən əlavə tibb işçiləri, o cümlədən hərbi tibb işçiləri ora göndərilib.

Qapalı məkanlarda maska qadağasının götürülməsi ilə bağlı məsələyə baxılır.

Zamantv.az APA-ya istinadən xəbər verir ki, bunu jurnalistlərə açıqlamasında səhiyyə naziri Teymur Musayev deyib.

O, vətəndaşları səbrli olmağa çağırıb.
"Aydındır ki, yoluxma sayları kəskin azalmaqdadır. Gündəlik hospitalizasiya sayları da sadə rəqəmlərlə ifadə olunur. Bütün bunları nəzərə alaraq məsələyə baxılır. Yəqin ki, müəyyən qərarlar veriləcək. Vətəndaşlarımızı səbrli olmağa çağırıram. 2 ildən artıqdır davam edən pandemik marafon insanlarımızı normal həyatdan kifayət qədər uzaqlaşdırıb. Nazirlər Kabineti yanında fəaliyyət göstərən Operativ Qərargahın rəsmi qərarını gözləməyə çağırıram" - deyə nazir bildirib.

Avropa İttifaqı (Aİ) Rusiyanın məşhur media qurumlarının rəhbərlərinə sanksiya tətbiq edib.

Zamantv.az xəbər verir ki, bu barədə qərar Avropanın “Rəsmi Qəzet”ində dərc olunub.

Siyahıda TASS agentliyinin baş direktoru Sergey Mixaylov, “Moskovskiy komsomoles” qəzetinin baş redaktoru Pavel Qusev və digərlərinin adları yer alır.
Qərara görə, adları siyahıda yer alan şəxslərin Avropadakı aktivləri dondurulur, onların İttifaq ərazisinə girişi qadağan edilir.

Prezident İlham Əliyev Azərbaycan Respublikasının Vətən Müharibəsi Qəhrəmanlarına və onların ailə üzvlərinə ayrılmış mənzillərin özəlləşdirilməsi haqqında Fərman imzalayıb.

"Zamantv.az" xəbər verir ki,Fərmanda deyilir:

1. Müəyyən edilsin ki:

1.1. Azərbaycan Respublikası Prezidentinin 2021-ci il 25 avqust tarixli 2871 nömrəli Sərəncamının 1.1-ci bəndinin icrası ilə əlaqədar Azərbaycan Respublikasının “Vətən Müharibəsi Qəhrəmanı” adı verilmiş şəxslərə, eləcə də ölümündən sonra həmin ad verilmiş şəxslərin ailə üzvlərinə Azərbaycan Respublikasının Əmək və Əhalinin Sosial Müdafiəsi Nazirliyi tərəfindən ayrılmış mənzillər (bundan sonra – mənzillər) əvəzsiz olaraq həmin mənzilin ayrıldığı şəxslərin mülkiyyətinə verilməklə özəlləşdirilir;

1.2. mənzillərin özəlləşdirilməsi bu Fərmanın 1.1-ci bəndində nəzərdə tutulan şəxslərin Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinə müraciəti əsasında bu Fərmanın 4.1-ci bəndi nəzərə alınmaqla həyata keçirilir.

2. Azərbaycan Respublikasının Nazirlər Kabineti bu Fərmandan irəli gələn məsələləri həll etsin.

3. Azərbaycan Respublikasının İqtisadiyyat Nazirliyi:

3.1. bu Fərmanın 1.2-ci bəndi nəzərə alınmaqla, bu Fərmanın 1.1-ci bəndində nəzərdə tutulan şəxslərin mənzillər üzərində mülkiyyət hüququnun “Daşınmaz əmlakın dövlət reyestri haqqında” Azərbaycan Respublikasının Qanununa uyğun olaraq daşınmaz əmlakın dövlət reyestrində qeydiyyata alınmasını və mənzillər üzərində mülkiyyət hüququna dair çıxarışın və daşınmaz əmlaka dair texniki pasportun verilməsini təmin etsin;

3.2. bu Fərmandan irəli gələn digər məsələlərin həlli üçün zəruri tədbirlər görsün.

4. Azərbaycan Respublikasının Əmək və Əhalinin Sosial Müdafiəsi Nazirliyi:

4.1. Azərbaycan Respublikası Prezidentinin 2021-ci il 25 avqust tarixli 2871 nömrəli Sərəncamına uyğun olaraq mənzil ayrılmış şəxslərin siyahısını (hər bir şəxsə ayrılmış mənzilə dair məlumatlar dəqiq göstərilməklə) və mənzilin ayrılmasına dair müvafiq təsdiqedici sənədin surətini bir ay müddətində Azərbaycan Respublikasının İqtisadiyyat Nazirliyinə təqdim etsin;

4.2. bu Fərmandan irəli gələn digər məsələləri həll etsin.