"Azərbaycan və Ermənistan arasında Brüssel görüşündən sonra Rusiya prezidenti Vladimir Putinin Paşinyana zəngi, həmçinin Lavrovla Mirzoyanın Moskva görüşündə verilən mesajlar Kreml tərəfindən prosesin sabotaj edilməsinə hesablanıb”. Zamantv.az xəbər verir ki, bunu Sfera.az-a açıqlamasında politoloq Məhəmməd Əsədullazadə deyib. Onun sözlərinə görə, Rusiya Ermənistan və Azərbaycan arasında ikitərəfli sülh danışıqlarının, sərhədlərin delimitasiya və demarkasiyası üzrə komissiyanın yaradılmasına qarşıdır:

"Moskva çalışır ki, iki ölkə arasında birbaşa təmas olmasın və yalnız onun vasitəçiliyi ilə proses davam etsin. Bu da prosesin müddətsiz uzanmasına gətirib çıxarır. Bu reallıqla Azərbaycan razılaşmayacaq. Həmçinin Türkiyə də Rusiyanın davam edən nəticəsiz "vasitəçiliyini" qəbul etməyəcək. Məhz Kreml Brüssel görüşündə əldə olunan razılaşmaların Rusiyanın vasitəçiliyi ilə həyata keçirilməsində maraqlıdır. Ermənistana ciddi təzyiqlər edilərək, Azərbaycanla əldə olunan razılaşmaların yerinə yetirilməməsinə çalışır”.

Politoloq qeyd edib ki, Rusiyanın bu siyasəti effektli olmayacaq:

"Brüssel razılaşmalarının yerinə yetirilməməsi üçün Paşinyan Moskvanın təzyiqlərini qəbul etməyəcək. Aprelin sonuna kimi sərhədlərin delimitasiya və demarkasiyası üçün ikitərəfli komissiya baş tutmasa, bu Yerevanın əleyhinə olacaq. Rusiya rəhbərliyi növbəti dəfə Azərbaycan və Ermənistan liderlərinin Moskvada görüşünü təşkil edə bilər. Ukrayna müharibəsi fonunda təzyiqlərlə üzləşən Rusiya rəhbərliyi üçün yeni bir proses başlayarsa, Ermənistana təzyiq edib sülh müqaviləsinin bağlanmasına töhfə verərsə, Cənubi Qafqazda öz imicini bərpa edə bilər”.

Pakistanın vəzifəsindən kənarlaşdırılmış baş naziri İmran Xan ona qarşı edilənləri hökumət çevriliş kimi dəyərləndirərək bu prosesdə iştirak etmiş xarici güclərlə mübarizəyə başladığını bəyan edib.

İmran Xan qeyd edib ki, 1947-ci ildə müstəqil dövlət olan Pakistan hazırda xarici güclərin həyata keçirdiyi planın qurbanına çevrilib.

“Bu gün xarici qüvvələrə qarşı azadlıq mübarizəsi yenidən başlayır”, - İmran Xan bildirib.

Mənbə: Thenews

Slovakiya Ukraynaya yerli istehsal olan “Zuzana” özüyeriyən haubitsaların bağışlanması ilə bağlı danışıqlar aparır.

Bu barədə Slovakiyanın müdafiə naziri Yaroslav Nadya məlumat verib.

O əlavə edib ki, rəsmi Bratislava Kiyevi Slovakiya Hərbi Hava Qüvvələrində xidmətdə olan “MiQ-29” qırıcıları ilə təchiz etmək imkanları da nəzərdən keçirilir.

Qeyd edək ki, Slovakiya bir neçə gün əvvəl Ukraynaya “S-300” zenit-raket komplekslərini də yollayıb.

Mənbə: Pravda nəşri

Fransanın Ren şəhərində prezident seçkilərinin birinci turunun nəticələrinə qartşı etiraz aksiyası keçirilib.

Zamantv.az-ın France Bleu radiosuna istinadla xəbərinə görə, Ren şəhərinin mərkəzinə toplaşanlar Emmanuel Makron və Marin le penin əsas namizədlər kimi növbəti tura keçməsinə etiraz ediblər.

Aksiya iştirakçıları tullantı qablarına od vurub, iş yerlərinin pəncərələrini sındırıblar.

Finlandiya və İsveç bu yayda NATO-ya üzv olmaq niyyətindədir.

Zamantv.az-ın xəbərinə görə, bunu Times qəzeti Alyansdakı mənbəyə istinadla yayıb.

Mənbənin bildirdiyinə görə, hər 2 ölkənin NATO-ya üzvlüyü məsələsi xarici işlər nazirlərinin görüşlərində dəfələrlə müzakirə olunub.
“Görünür Finlandiya kimi İsveç də yayda üzvlük üçün ərizə verəcək” – deyə mənbə bildirib.
Avropa diplomatları qəzetə bildiriblər ki, sözügedən ölkələrin NATO-ya qəbul edilməsi Alyansı möhkəmləndirə bilər.

Bəzi ölkələr Rusiya ilə müharibənin aylar və ya illərlə davam edə biləcəyi perspektivini nəzərə alaraq, Ukraynaya sovet dövründən qalma silahlardan daha müasir NATO avadanlıqlarına keçməyə kömək etməyə hazırdırlar.

Zamantv.az bildirir ki, bu barədə “Bloomberg“ məlumat yayıb.

Qeyd olunur ki, bundan əvvəl ölkələr müasir silahlarla Ukrayna hərbçilərinin tanış olmaması səbəbindən onu tədarük etməkdən çəkinirdilər və təlim üçün vaxt tələb olunurdu. Ona görə də sovet dövründən qalma silahlar Ukraynaya verilib, lakin onların ehtiyatı müharibə bitməmiş tükənə bilər.

“Bəzi müttəfiqlər Ukrayna qoşunlarına daha müasir silahlardan istifadə etmək üçün ölkədən kənarda təlim keçirə bilər”, - bu barədə “Bloomberg“ G7 və NATO üzvləri arasında aparılan müzakirələrdən xəbərdar olan mənbələrə istinadən xəbər verir.

Bu mənbələrdən birinin sözlərinə görə, məqsəd Ukraynaya tədricən NATO tipli standartlara doğru irəliləməyə kömək etmək olacaq.

Türkiyə hakimiyyəti ölkənin kurortlarına yalnız rusiyalı turistləri daşıyacaq yeni aviaşirkət yaratmağı planlaşdırır.

Zamantv.az-ın xarici mediaya istinadla xəbərinə görə, aviaşirkət Antalya hava limanında yerləşəcək və onun sərəncamında sığorta riskləri ilə yanaşı, ikinci dərəcəli sanksiyalara düşmə riski olmayan təyyarələr də olacaq. Bundan əlavə, ölkə hakimiyyəti hava sanksiyaları səbəbindən Rusiyadan gələn turistləri itirmiş böyük ev sahibi şirkətlərə dəstək üçün dövlət zəmanəti ilə kreditlər verməyi də planlaşdırır.

“Turkish Airlines”in reyslərində xüsusi olaraq “paket” turistlərin daşınması üçün artıq 1,5 milyon yer ayrılıb. Bildirilir ki, bu tədbirlər Türkiyəyə Rusiyadan turist axınına imkan verəcək.

Fransada keçirilən prezident seçkilərində “exit-poll”un nəticələri məlum olub.

Zamantv.az-ın Fransa televiziyasına istinadla xəbərinə görə, seçicilərin 28,1%-i hazırki prezident Emmanuel Makrona səs verib.

Onun əsas rəqibi Marin Le Pen 23,3% səs toplayıb.
Beləliklə, hər 2 namizəd ikinci turda mübarizə aparmalı olacaqlar.
Digər namizəd, Jan-Lük Melanşona seçicilərin 20,1%-i etimad göstərib.
Qeyd edək ki, Fransada prezident seçkilərinin ikinci turu aprelin 24-də keçiriləcək

Ukraynada həlak olan azərbaycanlı snayper Elnur Həsənov Goranboyda dəfn edilib.

Ukraynada həlak olan snayper Elnur Həsənovun nəşi ölkəmizə gətirilib, ailəsinə təhvil verilib.

Ukrayna-Rusiya müharibəsində iştirak edən 29 yaşlı Elnur Elşən oğlu Həsənov martın 27-də paytaxt Kiyev yaxınlığında öldürülüb.

O, Kəlbəcər rayon Cəmilli kənd qeydiyyatında olub, Goranboy rayonun Qarasüleymanlı kəndində müvəqqəti məskunlaşıb.

Zamantv.az-ın APA-ya istinadən məlumatına görə, mərhumun nəşi günorta saatlarında ölkəmizə gətirilib. Ukraynada mərhumla təntənəli vida mərasimi keçirilib, mərasimdə Ukrayna dilində Azərbaycan himni səsləndirilib. Elnur Həsənov İrpen istiqamətində “Karpat Seçi” könüllü batalyonunun tərkibində döyüşüb. O, “Alik” ləqəbi ilə tanınıb. Mərhum Goranboy rayonunda torpağa tapşırılacaq.

Qeyd edək ki, mərhum ikinci Qarabağ Müharibəsinin iştirakçısıdır, ailəli olub, iki övladı var.

Sankt-Peterburq məhkəməsi Rusiya Prezidenti Vladimir Putinin müharibə ilə bağlı sözlərindən sitat gətirdiyi plakata görə vətəndaş Artur Dmitriyevi cərimələyib.

Zamantv.az xarici mediaya istinadən xəbər verir ki, A.Dmitriyev buna görə 30 min rubl ödəməli olacaq.

Qeyd edək ki, müharibə əleyhinə piketdə iştirak edən Arturun əlində tutduğu plakatda Putinin Böyük Vətən Müharibəsində Qələbənin 75-ci ildönümünə həsr olunmuş nitqindən sitat yazıb:
"Müharibə o qədər kədər gətirdi ki, onu unutmaq mümkün deyil, yenidən aqressiv planlar quranlara heç bir bağışlanma yoxdur".

Qeyd edək ki, məhkəmədən əvvəl Dmitriyev gecəni 49 saylı şəhər polisində keçirib.