Rəhmətlik Sabir şerlərindən birində deyir: “Camaat aeroplanla göydə uçur, biz hələ avtomobil minməmişik”. Bu günkü Azərbaycan reallığıdır. Heç nə dəyişməyib, Sabirdən üzübəri.
Azərbaycan neft-qaz, qızıl və digər sərvətlər ölkəsidir. Amma vətəndaşı nə Küveytli kimi, nə Anddoralı kimi, heç olmasa qonşumuz qazaxlar kimi də yaşamır. Bu azmış kimi, qalaq-qalaq sosial problemlə içində boğulur. Məmur məsuliyyətsizliyi, büdcə pullarına hərislik işi o yerə çatdırıb ki, ölkənin ən mərkəzindən ən ucqarına qədər yolumuzun olmadığı yerlər var.
Söhbət açacağımız yer isə Masallı rayonunun Yolağac kəndidir. Təxminən 500 nəfərə yaxın sakini olan və Burovar dağ silsiləsinin, Dəmbəlov yüksəkliyinin ətəyində yerləşən bu kənd möhtəşəm təbiətə, bərəkətli torpağa və zəhmətkeç insanlara malikdir. Bu səmimi və mehriban camaat dolanışığını heyvandarlıq və əkinçiliklə təmin edir. Amma yolsuzdurlar.
Bu kadrlardan da görürsüz ki, azca yağış yağdıqdan sonra Yolağac kəndinə getmək min bir müsibətdir. Kənd sakinləri deyirlər ki, rayon mərkəzinə gedb-qayıtmaq onlar üçün məşəqqətə çevrilib. Çünki heç kim avtomobili ilə həmin yolu getmək istəmir. Ona görə ki, bir dəfə gediş-gəlişdən sonra ya maşının amartizatorları sıradan çıxır, ya da başqa bir problem yaranır.
Yayda havaların xoş keçməsi üzündən yolla hərəkət etmək çətinlik yaratmır. Di gəl, payız, qış və yaz aylarında xəstələrini belə Masallının mərkəzi xəstəxanasına apara bilmirlər. Kənd sakinləri bildirir ki, çox vat Təcili Tibbi Yardım çağırsalar da, Yolağacın adını eşidən kimi imtina edirlər. “Onları qınamırıq. Bir dəfə gəlsələr, maşınları sıradan çıxacaq”.
Camaat deyir ki, xeyir-şər işlərini də keçirə bilmirlər. “Göydən bir damcı yağış düşdükdən sonra yollarımız keçilməz olur. Kəndin xeyri var, şəri var. Elə olur ki, nə edəcəyimizi, necə edəcəyimizi bilmirik. Hələ qışda qonşu kənddəki qohum-əqrabada Allah eləməmiş hüzür düşsə, lap çarəsiz qalırıq. Necə gedək, necə edək? Evimizə bazarlıq etmək, un, çay, qənd almaq üçün rayona getməli oluruq. Di gəl, yolun olmaması səbəbindən çaşın məsələsi problemə çevrilir. Kimsəni qınamırıq. Heç kim, o naköndəm yolda maşın sürməz. Aidiyyatı qurumlara etmədiyimiz müraciət qalmayıb. Nə bir xəbər var, nə də sözümüzü eşidirlər”.
Amma Yolağac kəndinin dərdi təkcə, yoldurmu? Kəndə çəkilmiş elektrik xəttinin dirəkləri ağacdan olduğundan çürüyərək, sıradan çıxıb. Qış aylarında bu dirəklərin sınması hallarına da tez-tez təsadüf olunur. Hər dəfəsində dirəkləri dəyişəcəklərinə söz verilsə də, heç bir tədbir görülmür. Kəndin günlərlə işıqsız qalması isə aidiyyatı qurumları qətiyyən maraqlandırmır.
Aazərbaycan qaz ölkəsidir, dünyanın çeşid-çeşid ölkələrinə qaz satır. Bu satışdan külli miqdarda gərli də götürür. Hələ bunu bəh-bəhlə efirlərdə də elan edirlər. Amma bu ölkənin heç də ucqar məntəqəsi olmayan Yolağac kəndində hələ də qaz yoxdur. Olması ehtimalı da inandırıcı görünmür. Çünki məmurlarımızın başı neftin, qazın pulunu yeməyə qarışıb. Onları bir dağ kəndində sakinlərin evlərini necə qızdırması, yeməyi necə bişirəcəyi maraqlandırmır.
Qeyd edək ki, Yolağac kəndi öz füsunkar təbiətinə görə, turizm üçün olduqca əlverişli yerdir. Hətta bir neçə il əvvəl Turizm Agentliyinin nümayəndələri belə həmin ərazilərdə olub. Yolağacdan bir qədər yuxarıda, dağların arasında yerləşən Köhnə Zuvand kəndinin yaxınlığında aşkarlanan şəlalə isə agentliyin əməkdaşlarının diqqətini çəkib. Həmin vaxt bölgədə yeni turizm mərkəzlərinin yaradılması üçün Bakıya təklif verəcəklərini deyən sözügedən qurumun əməkdaşları ogedən gediblər. Hələ də onlardan heç bir xəbər yoxdur.

P.S. Sakinləri saymırsız, anladıq. Hörmət etmirsiz, ona da adət etmişik. Barı, Yolağacın Şəhidindən utanın. //jamaz.info//

Göyçay Rayon İcra Hakimiyyəti « 2022-ci ildə Göyçay şəhərində küçələrin, dalanların, səkilərin və yolların əsaslı təmiri işlərinin satın alınması» tenderinin nəticələrini açıqlayıb.

Tenderin qalibi “ATF” MMC olub. Şirkətlə 673 min 320 manat məbləğində müqavilə imzalanıb.

Mətbuatda yayılan məlumatlarda qeyd edilir ki, “ATF” MMC əsasən Göyçay rayonunda asfalt yollarının tikintisi ilə məşğul olur. Bu şirkəti Azad, Təbriz və Faxrəddin Muradov qardaşları yaradıblar.

Şirkətin adı da onların adlarının baş hərflərinin birləşməsindən ibarətdir. Azərbaycan Avtomobil Yolları Dövlət Agentliyinin sədri Saleh Məmmədovun sevimli şirkəti olan “ATF” MMC nəinki Göyçayda, Azərbaycanın müxtəlif yerlərində – İsmayıllının Basqal, Ucarın Yuxarı Şilyan, Bərgüşad, Bağman kəndlərində, Goranboyda, Tərtərdə, Balakəndə hazırda yol tikintisi işləri görür.

İndi isə adıçəkilən şirkətin tenderlər vasitəsilə neçə milyonluq dövriyyəyə malik olduğunun statistikasına nəzər salaq.

ATF şirkəti 2010-cu ildə 3,4 milyon manat, 2011-ci ildə 5,23 milyon manat, 2012-ci ildə 12,22 milyon manat, 2013-cü ildə 17,72 milyon manat, 2014-cü ildə 9,13 milyon manat, 2015-ci ildə 13,5 milyon manat, 2016-cı ildə 2,43 milyon manat, 2017-ci ildə 3,75 milyon manat, 2018-ci ildə 3,15 milyon manat, 2020-ci ildə 4 milyon manat dəyərində tenderlər “qazanıb”. Tenderlərin ümumi dəyəri 75 milyon manat olub.

Şirkəti Saleh Məmmədova nə bağlayır?

Qeyd edək ki, şirkət bundan əvvəl də Qəbələ Rayon İcra Hakimiyyətinin 485 min 134 manat dəyərindəki “Qəbələ şəhərinin küçə və yollarında əsaslı təmir işləri” (11.11.2022) tenderini qazanıb.

AAYDA bahalı layihələrin icrasını adətən özü həyata keçirir. Amma AAYDA sədri Saleh Məmmədov bəzən istisnalara yol verir və bu vaxt onun köməyinə öz himayədarlığı ilə yaranan “ATF” MMC şirkəti gəlir.

Bahalı layihələr həyata keçirən AAYDA işlərin bəzilərini digər podratçılara həvalə etməsini bəyan etsə, məsələn, 2019-cu ildə bu podratçılara 153 milyon manat ödəniş həyata keçirsə də həmin şirkətlərin adları açıqlanmayıb. Belə ki, hər il çoxlu sayda və bahalı tenderlərin keçirilməsinə baxmayaraq, bu tenderlərin nəticələri ilə bağlı məlumatlara rast gəlmək olmur. Əgər belə olmasaydı, o halda, tenderin nəticələrini etender.gov.az vahid portalında görmək olardı.

Amma kimsəyə sirr deyil ki, regionlarda bu cür işlərin böyük əksəriyyəti AAYDA-nın “tövsiyəsi” ilə “ATF” MMC şirkətinə həvalə edilir. Niyə məhz “ATF” MMC-nin seçilməsi isə tərəflərin korrupsiya əməllərində axtarılmalıdır.Saleh Məmmədovun “ATF” MMC ilə “iş birliyi” yalnız tenderlərlə yekunlaşmır. Hətta iş o yerə çatıb ki, Göyçayda yerləşən 17 saylı Yol İstismar İdarəsinin müdiri Rəşad Kərimovu işdən çıxarıb, yerinə “ATF” MMC-nin təsisçilərindən olan Təbriz Muradovun oğlu Tehranı müdir təyin ediblər. Bundan sonra dövlətin idarəsi olan 17 saylı Yol İstismarı İdarəsinin bütün texnikaları qanunsuz olaraq “ATF” MMC-nin tenderdə “udduğu” yol tikintisi işlərinə cəlb edilib. Bu isə korrupsiya cinayətidir.

“ATF” MMC-nin təsisçisi və faktiki rəhbəri Fəxrəddin Muradov Cinayət Məcəlləsinin müxtəlif maddələri ilə təqsirləndirilərək məhkəmə qərarı ilə həbs olunub. Rəhbərlikdə isə onu qardaşları Azad və Təbriz Muradovlar əvəzləyib. Buna baxmayaraq, Saleh Məmmədovun agentliyi şirkətlə “işləməyə”, “ATF” də qurumun tenderlərinin rəqibsiz qalibi olmaqda davam edir.

“Asfaltyeyənlər” haqda statistika – milyonlarla manat…

“ATF” MMC uzun müddətdir ki, paytaxtdan kənar rayonlarında şəhər, qəsəbədaxili avtomobil yollarının təmir-tikintisi, müxtəlif sosial infrasturktur obyektlərinin tikintisi, həmçinin abadlıq işlərinin həyata keçirilməsi ilə məşğuldur.

AAYDA kimi dayağı olan “ATF” MMC son bir neçə ildə çoxlu sayda tenderin “qalibi” olmaqla milyonlarla manat dəyərində layihə icra edib.

2020-ci ilin məlumatına əsasən, şirkət Ağsu, Balakən, Kürdəmir və Mingəçevir şəhərlərində 5 layihəni icra edib. Bu layihələrin ümumi dəyəri 4 milyon manatı ötür.

Ümumilikdə, “ATF” MMC 2010-cu ildən bəri yerli icra qurumlarının elan etdiyi 65 tenderin “qalib”i olub. Tenderlərın çoxu Göyçay, Ağdaş, Ağsu, Ucar, Balakən rayonları və Mingəçevir şəhərinin icra hakimiyyətləri tərəfindən elan edilib.

Rəsmi məlumatların təhlili göstərir ki, tenderlərin 26-sı Göyçay rayonu ilə bağlı olub və bu tenderlərin ümumi dəyəri 32 milyon manat təşkil edib. “ATF” MMC Göyçayda sadəcə yol çəkməyib. Şirkət həm də abadlıq işlərinin icrasını həyata keçirib, orta məktəb tikintisi aparıb və s.

“Azərsu” ASC-dəki partnyor – Etibar Məmmədov

Amma “ATF” MMC digər dövlət qurumlarının həyata keçirdiyi tenderlərin də qalibidir və bu baxımdan şirkətin “Azərsu” ASC ilə də “əl əli yuyar, əl də üzü” prinsipi ilə işbirliyi mövcuddur.
Əldə etdiyimiz məlumatda bildirilir ki, Qorxmaz Hüseynovun vaxtında “Azərsu”da tenderlərin və digər iri layihələrin reallaşdırılmasına qurumun sədr müavini Etibar Məmmədov nəzarət edib. Onun “ATF” MMC və onun rəhbəri Azad Muradovla tanışlığı da həmin tenderlərdə pulun silinməsi prosesi ilə başlayıb.

“ATF” MMC “Azərsu”nun sifarişi ilə ölkənin müxtəlif rayon və şəhərlərində müəmmalı tender layihələrini icra edib və məhz bu şirkətin qalib elan olunmasında Etibar Məmmədovun müstəsna əməyi olub.

Ümumiyyətlə isə “ATF” MMC-nin adının şəffaflığı şübhə doğuran bir çox tenderlərdə hallanması qurumla bağlı ciddi araşdırma aparılması zərurətini ortaya çıxarır. Ümid edirik ki, müvafiq qurumlar yazıda göstərilən faktları və hələ ictimaiyyətə bəlli olmayan digər nüansları araşdıraraq gərəkən addımları atacaq. Milletinsesi.info

“Hüquqları Pozulmuş Məhkumların Müdafiəsi” İctimai Birliyinin təsisçiləri B.Abdullayev, M.Səlimov və Ə.Rüstəmov tərəfindən “Hürriyyət” qəzetinin elektron poçtuna şikayət məktubu daxil olub. Saytımız vasitəsilə Prezident İlham Əliyevə, DTX rəisi Əli Nağıyev, Baş prokuror Kamran Əliyevə, Penitensiar Xidmətin rəisi Ceyhun Həsənova müraciət edən şikayətçilərin məktubunu olduğu kimi dərc edirik:

“Hörmətli Prezident!

Sizin fəaliyyətiniz müddətində korrupsiyaya qarşı apardığınız mübarizənin dövlət siyasətinin tərkib hissəsi olduğu, ictimaiyyətin bu işlərə fəal qoşulması, hər bir vətəndaşın neqativ hallara biganə qalmaması barədə çağırış etməyiniz, proqram xarakterli tapşırıqlar və tövsiyyələr verməyiniz bizləri çağrışınıza qoşulmağa sövq etmişdir. Bu amalla da “Hüquqları Pozulmuş Məhkumların Müdafiəsi“ İctimai Birliyini təsis etmişşik. Bildiririk ki, İctimai Birliyin təsis sənədlərini qeydiyyatdan keçrmək üçün Ədliyyə Nazirliyinə 4-cü dəfədir təqdim etmişik. Ümid edirik ki, İctimai Birlik tezliklə Ədliyyə naziri cənab Fikrət Məmmədovun təşəbbüsü ilə Qeydiyyat İdarəsi tərəfindən qeydiyyatdan keçriləcəkdir.

Cənab Prezident!

Aidiyyəti dövlət qurumlarına, o cümlədən də Ədliyyə Nazirliyinin rəhbərliyinə israrla bildirmişik ki, İctimai Birliyin qeydiyyatdan keçirilib-keçrilməməsi bizim cənab Prezidentin çağrışına qoşulmağımıza, korrupsioner və rüşvətxor məmurlara qarşı mübarizə aparmağımıza xidmət edir. Odur ki, kimsə İctimai Birliyin fəaliyyətinə maneəçilik törədə və bizləri amalımızdan çəkindirə bilməyəcəkdir.

Amma onu da bildirmişik ki, İctimai Birliyin qeydiyyatdan keçməsinin qarşısını o kəslər ala bilər ki, onlar tutduqları vəzifələrindən, dinindən, dilindən asılı olmayaraq Prezidentin siyasi kursuna qarşı çıxan xəyanətkarlardır. Və biz bu gün də, gələcəkdə də onların xəyanətkar olduqlarını ilk öncə cənab Prezidentə, sonra da bütün ictimayətin diqqətinə çatdıracağıq.

Hörmətli Prezident!

İctimai Birliyin nizamnaməsində qeyd edilmişdir ki, Birliyin məqsədi “Hüquqları Pozulmuş Məhkumların Müdafiəsini” təşkil etmək üçün Ədliyyə Nazirliyinin razılığı əsasında Penitensiar Xidmətin strukturuna daxil olan qurumların iş rejimini pozmadan və birmənalı şəkildə məhkumların pozulmuş hüquqlarını müdafiə etməkdən ibarətdir. Elə bu məqsədlə də İctimai Birlik qarşısına məqsəd qoyduğu ilk gündən, dayanmadan Ədliyyə Nazirliyi Penitensiar Xidmətin tabeçiliyində olan cəzaçəkmə müəssisələrində (CÇM) tüğyan edən körrupsiya və rüşvətxorluq hallarını araşdırmış və bu gün də araşdırmanı davam etdirməkdədir. Eyni zamanda, cəzaçəkmə müəssisələrində korrupsiyanın, rüşvətxorluğun qarşısının alınması, məmur özbaşınalığına son qoyulması və aradan qaldırılması yonümündə bir çox təkliflər hazırlamışdır.

İctimayi Birliyə daxil olan məlumatlar əsasında 11, 6, 2, 17, 15 və 7 saylı cəzaçəkmə müəssisələrində baş verən korrupsiya və rüşvətxorluq halları barədə araşdırmalar aparmışıq.

Ədliyyə Nazirliyinin 11 saylı cəzacəkmə müəssisəsində korrupsiya, rüşvətxorluq halları dözülməz həddə çatmışdır.

Cənab Prezident!

11 saylı cəzaçəkmə müəssisəsində məhkumların hüquqlarının köbudcasına pozulması faktları ilə bağlı müəyyənləşdirdiyimiz aşağıdakı korrupsiya faktlar barədə Sizə məlumat verməyi İctimai Birlik olaraq özümüzə borcu bildik. Hesab edirik ki, məhkumların hüquqlarının pozulmasında əsas səbəb və başlıca faktorun kökündə korrupsiya amili dayanır. Korrupsiya, rüşvətxorluq amilinin kökündə isə, tayfabazlığın, qohumbazlığın dayandığı şübhəsizdir. Bununla da ilk öncə 11 saylı cəzaçəkmə müəssisəsində gündəlik mövcud olan və bu gün də müəssisənin rəisi Şakir Qəniyev tərəfindən davam etdirilən aşağıdakı korrupsiya faktlarını diqqətinizə çatdırırıq.

Cəzaçəkmə müəssisəsinin rəisi Şakir Qəniyevin hansı tayfabazlardan və hansı qohumbazlardan olması və hansı məsləkə xidmət göstərməsi barədə də gələcəkdə məlumat vermək məsuliyyətini üzərimizdə saxlayırıq.

Aşağıdakı korrupsiya ocaqları (obyektləri) fakt və heç bir subuta ehtiyacı olmayan aksiomadır.

Hörmətli Prezident!

11 saylı cəzaçəkmə müəssisəsində mövcud olan korrupsiya ocaqlarının (obyektlərinin) siyahısını Sizə təqdim edirik. Siyahıda göstərdiyimiz korrupsiya faktları barədə, sıra nömrəsi ilə, gələcəkdə tam təfsilatlı açıqlama verəcəyik. Çünki 11 saylı cəzaçəkmə müəssisəsində saxlanılan məhkumlar “təbil siqnalı” çalırlar. 1300-ə yaxın məhkumun taleyi bizləri susmamağa məcbur edir.

Oxu.az - 11 saylı Cəzaçəkmə Müəssisəsinin rəisi dəyişdirilib

Beləliklə, 11 saylı cəzacəkmə müəssisəsində 1 ayda qanunsuz olaraq yığılan rüşvətin (pulun) məbləği və korrupsiya obyektlərinin SİYAHISI:

1. Qeydiyyat (buraxılış vərəqəsi) vərəqəsi yazan mülki şəxs tərəfindən yığılan pullar – 6 000 manat.

2. Ailə üzləri olmayan kənar şəxslərdən (ailə üzvləri istisna olmaqla) – 9 000 manat.

3. Üst-başa, sovqata görə və axtarış-baxış zamanı yığılan pul - 48.000 manat.

4. Üzbəüz görüş üçün yığılan pullar - 45.000 manat.

5. Görüşə gələnlərə satılan çaydan yığılan pul - 12.000 manat.

6. Karantin adı ilə yığılan pullar - 30.000 manat.

7. Üzunmüddətli (3-günlük) görüşdən yığılan pullar - 15.750 manat.

8. Çarpayı, “kutok” adı ilə yığılan pullar - 9.000 manat.

9. Xolodelnik üçün alınan pullar - 6.500 manat.

10. Xolodelnik+”kutok” adı ilə aylq pullar - 9.500 manat.

11. Dönərxanadan yığılan pullar - 12.000 manat.

12. Maqazin-dükan pulu - 100.000 manat.

13. 1 nömrəli kafedən alınan icarə pulu aylıq - 2.000 manat.

14. 2 nömrəli kafedən alınan icarə pulu - 3.000 manat.

15. 3 nömrəli kafedən alınan icarə pulu - 1.000 manat.

16. Yaşayış massivindəki çayxanadan alınan icarə pulu - 800 manat.

17. Hamamdan yığılan “hamam pulu” - 4.000 manat.

18. Paltar dükanından alınan icarə pulu - 2.500 manat.

19. Danışq məntəqəsindən yığılan telfon pulları - 46.800 manat.

20. Məhkumlardan yığılan aylıq telefon pulu - 30.000 manat.

21. “Besetka” tikmək üçün satılan torpaq pulu - 210.000 manat.

22. Xüsusi şəraitli qtaqlara giriş üçün yığılan pul - 157.5000 manat.

23. Aylıq otaq pulları - 6.300 manat.

24. “Sançast”a giriş üçün ilkin ödəniş pulu - 216.000 manat.

25. “Sançast”da aylıq yığılan pullar - 28.600 manat.

26. İstehsalatda işləyən məhkumlardan icarə pulu - 37.500 manat.

27. İstehsaldan rəisə çatan 60%-lik haqq - 72.000 manat.

28. Məhkumlara ayrılan puldan tutulan 20% “haqq” - 40.000 manat.

29. “Pekarnı pulu” - 21.000 manat.

30. Toyuq, yumurta satışından yığılan pullar - 12.000 manat

31. Bərbərxanadan alınan icarə haqqı - 800 manat.

32. Dərzidən alınan icarə haqqı - 300 manat.

33. Ayaqqabı təmirindən alınan icarə haqqı - 300 manat.

34. Camaşırxanadan alınan icarə haqqı - 3.500 manat.

35. Məhkumun rejiminin dəyişdirilməsinə görə ödənilən pul - 50.000 manat.

36. Cəzasının ¾ hissəsini cəkən məhkumlardan - 200.000 manat.

37. Ekspertiza pulları - 96.000 manat.

38. “Təşəkkürnamə pulları” ayda - 10.000 manat.

39. Xasiyyətnamə pullarə ildə - 100.000 manat.

40. Kars pulları ayda - 60.000 manat.

41. Digər xərclər (kino, su, və sairə) - 28.000 manat.

42. “Vozvrat” satılan çörəyin pulları - 15.750 manat.

Yekun korrupsiyan məbləği: - 1.728.400 manat.

Qeyd: Yuxarıda məlumat verdiyimiz korrupsiya, rüşvətxorluq ocaqları -obyektləri barədə sıralama sayını göstərməklə, əgər bilərəkdən və yaxud da bilməyərəkdən, verilən məlumatlar həqiqəti əkis etdirmirsə, Ədliyyə Nazirliyi tərəfindən TƏKZİB veriləcəyinə inanırıq.

Əlavə faktları da təqdim edəcəyik”.

Hurriyyet.az

Redaksiyadan: Qeyd olunan faktlarla bağlı qarşı tərəfin mövqeyini dərc etməyə hazırıq.

Azərbaycanda daha bir məktəbin direktorunun səs yazısı yayılıb.

DİA.AZ xəbər verir ki, Ağsu rayon Xəlilli kənd orta məktəbinin diektoru Oqtay Bəylər oğlu Şıxıyev məktəbin İsmayıl adlı məllimindən bir gün dərsə gəlmədiyi üçün 10 manat tələb edir.

Direktor Oqtay Şıxıyev 10 manat əvəzinə 5 manat verən İsmayıl müəllimdən qalan 5 manatı da istəyir.

Məsələ ilə bağlı Dağlıq Şirvan Regional Təhsil İdarəsinin müdri Anar Osmanov Lent.az-a açıqlamasında bildirib ki, hazırda faktla bağlı araşdırma aparılır:

"Ötən gün yoldaşı həmin məktəbin müəllimi olan bir xanım tərəfindən bu video bizə göndərildi. Biz hazırda bununla bağlı araşdırmaya başlamışıq. Nəticə barədə məlumat veriləcək".

Vəzifəyə dövlətə, xalqa xidmət üçün yox, məhz kreslosunun verdiyi səlahiyyətdən istifadə edərək büdcəni talamağa gələn məmurlar haqqında illərdir o qədər yazılıb ki, artıq ölkədə yaxşı məmuru pisdən seçmək müşkülə çevrilib. Dövlət büdcəsini min cür maxinasiya ilə talamaq bir yana, üstəgəl bu cür məmurlar əxlaq sarıdan da axsayanda cəmiyyətdə əsl faciə başlayır.

İllərdir ki, Azərbaycan xalqı bu cür harın məmurların, onların qohum övladlarının hərəkətlərindən əziyyət çəkir. İllərdir ki, Azərbaycanda bu cür mənzərə hökm sürür: Bir yanda xalqın hesabına formalaşan dövlət büdcəsini talayan belə məmurların bahalı həyat tərzləri, daha doğrusu harın həyat tərzləri, bir yanda da bir tikə çörəyə möhtac olan, gecələr sabahadək övladına bir tikə çörəyi necə qazanacağını düşünən insanlar...

Bədbəxtlik isə bundadır ki, ölkənin hüquq mühafizə orqanlarının korrupsiyaya, büdcə oğrularına, harın məmurlara qarşı apardıqları mübarizə fonunda bu cür məmurlar nəinki azalmır, əksinə, yağışdan sonra çoxalan göbələklər kimi artırlar.

Daha dəhşətli məqam isə yolunu azmış bu cür məmurların regionlarda daha azğın hərəkət etmələri, özlərini regionun ağası kimi aparmalarıdır.

Dövlətin büdcəsini min cür maxinasiya ilə mənimsəyən və çırpışdırdığı büdcə pullarının hesabına eyş-işrət içində yaşayan məmurlardan biri də 62 saylı Naftalan Şəhər Yol İstismar İdarəsinin müdiri Firdovsi Qafarovdur.

Ölkənin ən kiçik şəhərlərindən birinin yol idarəsinin müdiri olan Firdovsi Qafarovun dövlət büdcəsini necə taladığını, bu pulları kef məclislərinə, şəxsi obyektlərinə necə xərclədiyini yazacağıq.

Firdovsi Qafarov öz obrazını şişirdən məmurlardandır. Yaxın ətrafına həmişə yüksək əlaqələrinin olduğunu, qısa zaman ərzində Bakıya daha böyük vəzifəyə gedəcəyini deyir. Maraqlıdır ki, həftələrlə yerində - 62 saylı Naftalan Şəhər Yol İstismar İdarəsində tapılmayan Firdovsi Qocayev bü cür sirli səfərlərinin paytaxt Bakıda "işgüzar" görüşlərlə əlaqələndirir. Amma Azərbaycan elə ölkələrdəndir ki, burada nəyisə gizlətmək mümkün deyil, daha doğrusu bu ölkədə olan sirli səfərlərin, "işgüzar görüşlərin" ömrü maksimum 40 gün çəkir. Firdovsi Qafarovun bu cür "işgüzar" səfərləri barəsində bir az sonra...

Məlumata görə Firdovsi Qafarov eyş-işrətli həyat tərzinə görə heç də ərəb şeyxlərindən geri qalmır. Hələ bür müddət öncə onun idarəetmədən heç bir anlayışı olmayan, xidmət sahəsində adi işlərdə çalışan S...ə adlı xanımı Gəncə şəhərində yeni açılan "Premium Hotel"ə direktor müavini təyin etdirməsi Gəncədə böyük söz-söhbətə səbəb olmuşdu. Belə ki, F.Qafarovun "Premium Hotel"in direktoru Rasim Məmmədovdan etdiyi bu xahiş və Hotedə baş verən sonrakı proseslər, günü-gündən artan söz-söhbətlər Rasim Məmmədovun atası Eldar Məmmədovun bərk qəzəbinə səbəb olmuş və Firdovsi Qafarovun kadrı S.... xanım tutduğu vəzifədən uzaqlaşdırdı.

Onu da qeyd edək ki, baş verən hadisəyə kəskin reaksiyası olan şəxslərdən bir də Rasim Məmmədovun Bərdə rayonunun Mərkəzi Xəstəxanasında həkim işləyən Yasin doktor olub. O da kürəkənindən ipə-sapa yatmağı tələb edib.

İddialara görə bütün baş verənlərdən sonra F. Qafarov hələ də Rasim Məmmədovdan israrla S...... xanımı vəzifədə saxlamağını istəyir. S... xanımın direktor müavini vəzifəsindən uzaqlaşdırılsa da, hazırda işini evdən, telefon vasitəsilə gördüyü də iddialar arasında yer alır. "Premium Hotel" -də direktor müavini təyin edilən S....ə xanımla Firdovsi Qafarovun və Rasim Məmmədovun münasibətlərinin bu gün də davam etdiyi iddia edilir.

Çox maraqlıdır, ömrü boyu Gəncədən kənar bölgələrdə yaşayan, çalışan bu xanım necə oldu ki, birdən-birə Gəncə şəhərinə gəldi və "Premium Hotel"-ə direktor müavini vəzifəsinə təyinat aldı? Bu, yəqin ki, çoxlarına qaranlıq olsa da, kimlərəsə agahdır... Bəs düşmən işğalından azad edilmiş Şuşanın, Kəlbəcərin abadlaşdırılması üçün iş təklifləri alan Rasim Məmmədov necə oldu ki, bir idarə müdirinin mənasız xahişini, israrını rədd edə bilmir? Hələ də Firdovsi Qafarov qırsaqqız kimi Rasim Məmmədovdan köhnə xahişlərini davam etdirməkdədir.

Bir neçə dəfə paytaxt Bakının ən prestijli istirahət mərkəzlərindən birində S... xanımla görüntülənən 62 saylı Naftalan Şəhər Yol İstismar İdarəsinin müdiri Firdovsi Qafarov min bir maxinasiya ilə mənimsədiyi büdcə pullarını ancaq eyş-işrətəmi xərcləyir. Əlbəttə ki, yox. Firdovsi Qafarovun vəzifəsi kimlərəsə kiçik görünə bilər, amma onun biznes imperiyası heç də kiçik deyil.

Hələ bir müddət öncə dövlət büdcəsindən oğurladığı vəsaitlərlə kurort şəhəri olan Naftalanda "Şərab evləri" biznesinə girişən Firdovsi Qafarov bu biznesi batırandan sonra "Lombard" biznesinə sərmaya yatırmağa başlayıb. Aylıq vəzifə maaşı 1000-1500 manat civarında olan Firdovsi Qafarovun əlbəttə ki, bütün bu biznesinin, oğluna aldığı 60 minlik avtomobilin, kef məclislərinə xərclədiyi pulların bir ünvanı - mənbəyi var: dövlət büdcəsi!

Cəzasızlıq mühitində "at oynadan" 62 saylı Naftalan Şəhər Yol İstismar İdarəsinin müdiri Firdovsi Qafarovun biznesi, daha dəqiqi qanunsuzluğu bununla bitmir. F. Qafarov qudası "Sehirli Naftalan" Sanatoriyasının müdiri Akşinlə yeni tikdirdiyi sanatoriya korpusunda baş verən qanunsuzluğa isə təkcə qudasını yox, bir çox dövlət qurumlarını da şərik edə bilib.

"Sehirli Naftalan" Sanatoriyasının yeni korpusunun tikintisi zamanı Firdovsi Qafarov rəhbərlik etdiyi 62 saylı Naftalan Şəhər Yol İstismar İdarəsinin texnikalarından istifadə edib. Firdovsi Qafarov bütün Naftalan əhalisinin gözü qarşısında dövlətin texnikalarını şəxsi mülkündə dədə malı kimi işlədib. Cəmi üç-dörd aya inşa edilən "Sehirli Naftalan" Sanatoriyasının 84 nəfərlik yeni korpusu isə qanunsuz fəaliyyət göstərir.

Belə ki, səhihliyinə şübhə etmədiyimiz məlumata görə "Sehirli Naftalan" Sanatoriyasının yeni korpusu tam qanunsuz fəaliyyət göstərir.

Yeni korpusun tikildiyi ərazinin sahibkarlıq subyekti olmaması, tikilinin şəxsi mülk-ev kimi qeydiyyata alınması, şəxsi ev kimi qeydiyyata alınan korpusun zirzəmisindəki vannaların Naftalan nefti ilə təmin edilməsi, zirzəmidə lobarotoriya, fizioterapiya və digər bu kimi tibbi xidmətlərin göstərilməsi baş verən qanunsuzluğun miqyasının nə qədər böyük olduğunu göz önünə gətirir.

"Sehirli Naftalan" Sanatoriyasında baş verənlər Dövlət Şəhərsalma və Arxitektura Komitəsinin, Səhiyyə nazirliyinin, Dövlət Vergilər Xidmətinin, İqtisadiyyat nazirliyinin nəzarətindən yayınaraq sahibkarlıq kateqoriyası olmayan ərazidə sanatoriya tikdirməkləri aidiyyatı dövlət qurumlarının araşdırmalı olduqları məsələdir.

"Sehirli Naftalan" Sanatoriyasının yeni korpusunun tikintisi barədə Dövlət Şəhərsalma və Arxitektura Komitəsindən, Naftalan Şəhər İcra Hakimiyyətindən, şəxsi mülk-ev kimi qeydiyyata alınan sanatoriya korpusuna Naftalan neftinin kəmərinin çəkilməsi ilə bağlı isə Səhiyyə nazirliyindən mövqe öyrənə bilmədik.

Mövzunu diqqətdə saxlayacağıq. //ANAXEBER.İNFO//

Naxçıvan Muxtar Respublikasında ən böyük korrupsiya halları kənd təsərrüfatı sahəsində yaşanır.

DİA.AZ bildirir ki, Kəngərli rayonunun adının çəkilməsini istəməyən sakininin Ovqat.com-a göndərdiyi məktubda belə iddia olunur.

Məktub müəllifi iddialarını əsaslandırmaq üçün 2 faktdan bəhs edir.

İlk fakt rayonun Yurdçu kəndi ərazisində qurulan qapalı suvarma şəbəkəsi ilə əlaqədardır:

“Bu qapalı suvarma şəbəkəsi 56 hektar ərazini əhatə edir. Ərazidə min metrlik ana xəttin tikintisi başa çatdırılıb. Burada uzunluğu 5200 metr olan paylayıcı suvarma şəbəkəsinin çəkiləcəyi və 56 hidrant qoyulacağı gözlənilir. Rəsmi açıqlamaya görə, Arpaçay sol sahil kanalından qidalanan “Qıvraq-1” nasos stansiyası vasitəsilə su ərazidəki hovuza vurulacaq və özaxımı ilə şəbəkəyə paylanacaqdır. Ali Məclisin Sədri yaxınlıqdakı 40 hektardan artıq ərazinin də layihələndirilməsi və qapalı suvarma şəbəkəsinin qurulması barədə tapşırıqlar verib”.

Yəqin redaksiyamıza ünvanlanmış məktubun bura qədərki hissəsini oxuyanda ürəyinizdə Cənab “xan” həzrətlərinə böyük minnətdarlığınızı ifadə etdiniz. Və yəqin ki, beyninizdə bir sual meydana gəldi: Əcəba, sözügedən suvarma şəbəkəsinə nə qədər pul ayrılıb?

Məktub müəllifi bu suala da cavab verir: 750 min manat.

Əminəm ki, bu cavabı eşidəndə minnətdarlıq hissləriniz daha çox artdı. Bəlkə də Naxçıvanı ağ günə çıxarmaq üçün əlindən gələni əsirgəməyən bu alicənab “xan”a az qala səcdə etmək eşqinə düşdünüz. Amma Naxçıvan torpağının yetişdirdiyi ən böyük “xan” qarşısında dizinizi yerə qoyub başınızı aşağı sallamağa tələsməyin.

Məsələ burasındadır ki, “xan” həzrətlərinin 0.75 milyonluq layihənin inşasında istifadə etdiyi materialların hamısı söküntü materialları olub. Hər halda məktub müəllifləri bu iddiadadır. İddianın nə qədər real olduğunu araşdırmaq Bakıdan Naxçıvana göndərilməmiş yoxlama komissiyasının əlində su içimlikdir.

Müəllifin şikayəti bununla da bitmir. Onun iddiasına görə, Kəngərli rayonunun Böyükdüz, Xok, Kərki və Yurdçu kəndləri ərazisində tikilən bir başqa qapalı suvarma şəbəkəsi də var. Bu şəbəkə ümumilikdə, 1916 hektar sahəni əhatə edir. Sahənin 1800 hektarı isə Vasif “xan” həzrətlərinə aiddir.

“Bu sahələrdə əslində hec bir nasos stansiyası tikilməyib. Sadəcə, Xok, Böyükdüz, Yeni Kərki kəndlərinin suyunu zəbt ediblər. Halbuki, Naxçıvan MR Maliyyə Nazirliyi bu layihə üçün rayon melorasiya idarəsinə 12 milyon manat vəsait ayırmışdı. Layihəyə real xərclənən pul isə heç 2 milyon manat da olmayıb”, - məktubda belə deyilir.

Fərhad Abdullayevin sədrliyi ilə Azərbaycan Respublikası Konstitusiya Məhkəməsi Plenumunun növbəti iclası keçirilib.

Konstitusiya Məhkəməsindən bildirilib ki, iclasda “Sosial müavinətlər haqqında” Azərbaycan Respublikası Qanununun 4.0.1.13-cü maddəsinin Azərbaycan Respublikası Konstitusiyasının 25-ci maddəsinin II və III hissələrinə, 38-ci maddəsinin I və III hissələrinə, 149-cu maddəsinin I və III hissələrinə uyğunluğunun yoxlanılmasına dair Azərbaycan Respublikasının İnsan hüquqları üzrə müvəkkilinin (ombudsmanın) sorğusu əsasında konstitusiya işinə baxılıb.

Konstitusiya Məhkəməsinin Plenumu iş üzrə hakim İ.Nəcəfovun məruzəsini, maraqlı subyektlərin nümayəndələri Azərbaycan Respublikasının İnsan hüquqları üzrə müvəkkili (ombudsman) Aparatının Elmi-analitik sektorunun müdiri M.Məmmədov və Azərbaycan Respublikası Milli Məclisi Aparatının Sosial qanunvericilik şöbəsinin müdiri A.Vəliyev, mütəxəssislər Azərbaycan Respublikası Əmək və Əhalinin Sosial Müdafiəsi Nazirliyi, Azərbaycan Respublikası Ali Məhkəməsinin İnzibati Kollegiyası və Azərbaycan Respublikası Ailə, Qadın və Uşaq Problemləri üzrə Dövlət Komitəsi tərəfindən təqdim edilmiş mülahizələri, ekspert Bakı Dövlət Universitetinin Hüquq fakültəsinin Əmək və ekologiya hüququ kafedrasının professoru, hüquq elmləri doktoru M.Əliyevin rəyini və iş materiallarını araşdırıb müzakirə edərək qərar qəbul edib.

Qərarda deyilir ki, “Sosial müavinətlər haqqında” Azərbaycan Respublikası Qanununun 4.0.1.13-cü maddəsində nəzərdə tutulan beşdən çox uşağı olan qadınlara müavinət təyin edilməsi müddəası Azərbaycan Respublikası Konstitusiyasının 38-ci maddəsinin I və III hissələri ilə ziddiyyət yaratmır.

Azərbaycan Respublikası Konstitusiyasının 25-ci maddəsinin II və III hissələrinə, 149-cu maddəsinin I və III hissələrinə uyğunlaşdırılması məqsədilə “Sosial müavinətlər haqqında” Azərbaycan Respublikası Qanununun 4.0.1.13-cü və 7.0.10-3-cü maddələrində beşdən çox uşağı təkbaşına böyüdən ataların da nəzərdə tutulması ilə bağlı qanunvericilikdə müvafiq dəyişikliklərin edilməsi Azərbaycan Respublikasının Milli Məclisinə tövsiyə edilsin.

Qərar dərc edildiyi gündən qüvvəyə minir, qətidir, heç bir orqan və ya şəxs tərəfindən ləğv oluna, dəyişdirilə, yaxud rəsmi təfsir edilə bilməz.

Yeddi ay öncə nənəsi tərəfindən sığınacağa yerləşdirilən qızın təhsili bərpa olunub.

Bu barədə Qadın və Uşaq Sığınacağı tərəfindən məlumat paylaşılıb.

Paylaşımda bildirilib ki, nənəsi qızı sığınacağa gətirəndə onun sözə baxmamasını və dərslərini yaxşı oxumamasını səbəb kimi göstərilib:

“Qızımız nənə ilə sığınacaqda olduğu müddətdə əməkdaşımıza gizlincə bildirdi ki, xahiş edirəm məni qəbul edin. Nənə isə “hara, kimə verirsiniz verin uşağı” deyərək, qızı sığınacaqda qoyub getdi. Qızımızın dərhal təhsilini bərpa edə bilməsi üçün məktəbə yaxınlaşdıq. Məktəbdə isə uşağın mütləq şəkildə atasının iştirakı ilə təhsilə bərpa oluna biləcəyi bildirildi. Atası uzun çağırışlarımızdan sonra sığınacağa yaxınlaşaraq, qızına baxa bilmədiyini və istənilən müəssisəyə yerləşdirməyimizi istədi. Atasına nə üçün ona sahib çıxmadığını soruşsaq da, onun sizə ehtiyacı olduğunu bildirsək də, bir faydası olmadı. Ata yenidən ailə qurduğunu və üç övladı olduğunu deyərək, sığınacaqdan ayrıldı. Qızımızın artıq təhsili bərpa olunub və arzusu oxumaq, özünə gələcək qurmaqdır.

Hərdən gözləri dolur, o qədər ağlayır... Deyir ki, anam sağ olsaydı, bunlar başıma gəlməzdi. Ona yaxşı gələcək qurmaqdan başqa çarəmiz yoxdur. Buna çox layiqdir”.

Mədəniyyət Nazirliyinin Şəmkir Regional Mədəniyyət İdarəsinin sabiq rəisi Azər Rəcəbovun həmin idarənin İnsan resursları şöbəsinin keçmiş rəisi Ələkbər Əliyev və məsləhətçisi olmuş Seymur Səfərovun məhkəməsi başlayır.

“Report”un xəbərinə görə, həmin şəxslərin cinayət işi üzrə ibtidai istintaq başa çatıb və baxılması üçün Gəncə Ağır Cinayətlər Məhkəməsinə göndərilib.

İş hakim Dadaş İmanovun icraatına verilib.

Məhkəmənin hazırlıq iclasının vaxtı hələlik məlum deyil.

Qeyd edək ki, həmin şəxslər Baş prokuror yanında Korrupsiyaya qarşı Mübarizə Baş İdarəsində tərəfindən saxlanılıb.

Aparılan əməliyyat-istintaq tədbirləri ilə Şəmkir Regional Mədəniyyət İdarəsinin sabiq rəisi Azər Rəcəbovun həmin idarənin İnsan resursları şöbəsinin keçmiş rəisi Ələkbər Əliyev və məsləhətçisi olmuş Seymur Səfərov ilə qabaqcadan əlbir olaraq xidməti vəzifələrinin icrası ilə əlaqədar ümumi himayədarlıq, yəni ayrı-ayrı şəxslərdən vəzifəyə təyin edilmələri, vəzifədə qalmaqla fəaliyyətini davam etdirmələri, eləcə də idarənin balansında olan klubların ixtisar edilməməsi müqabilində 2021-ci ilin dekabr ayından başlamaqla ayrı-ayrı şəxslərdən 102 min manat məbləğində pul vəsaitini rüşvət qismində almalarına və vəzifə səlahiyyətlərindən sui-istifadə etmələrinə əsaslı şübhələr müəyyən edilib.

Azər Rəcəbov, Ələkbər Əliyev və Seymur Səfərova Cinayət Məcəlləsinin 308.2 (vəzifə səlahiyyətlərindən sui-istifadə ağır nəticələrə səbəb olduqda), 311.3.1, 311.3.2 və 311.3.3 (qabaqcadan əlbir olan bir qrup şəxs tərəfindən təkrar külli miqdarda rüşvət alma) maddələri ilə ittiham elan edilməklə, barələrində məhkəmənin qərarı ilə həbs qətimkan tədbiri seçilib.