Ucar rayon sakinləri tərəfindən ölkə rəhbərliyinə müraciət ünvanılaanıb. Bir nüsxəsi də DİA.AZ-a daxil olan müraciətdə deyilir:

"Ucar rayon Mərkəzi Xəstəxanası Publik Hüquqi Şəxsin direktoru Zeynal Bayramlının qanunsuz əməllərindən rayon sakinləri çox əziyyət çəkirlər.

Zeynal Bayramlı kimdir ? Əslən Ağsu rayonundan olan Zeynal Bayramlı keçmiş nəqliyyat naziri Ziya Məmmədovun qardaşı İldırım Məmmədovun kürəkəninin qardaşıdır.Məhz bu səbəbdən Zeynal Bayramlı 2007-ci il tarixdən Ucar rayon Mərkəzi Xəstəxanasına baş həkim vəzifəsinə təyin etdirilib.Bundan sonra Ucar xəstəxanasının qara günləri başlayıb.
Zaman-zaman savadlı həkimlər bezdirilərək öz ərizələri ilə işdən çıxarılıblar.Bu səbəbdən Ucar sakinlərinin əksər hissəsi müayinə və müalicələr üçün qonşu rayon xəstəxanalarına üz tutmalı olublar.
İcbari tibbi sığorta Ucar xəstəxanasında işləmir müayinə və müalicələr pulludur. Bir oraqnın üçün Ulturasəs müayinə 30 manatdır, qan analizi 30 manat, rentgen müayinəsi 30 manat və digər müayinələr 30 manat təşkil edir.Buna görə imkansız insanlar çox əziyyət zülm çəkirlər.
Qanunsuz bülletenlər 200 manat.İstənilən sağlam şəxs iş yerinə təqdim etmək üçün Ucar xəstəxanasndan 10 gün üçün bülleten almağa 200 manat pul verir.Bunu subut etmək üçün xəstəxanada olan müşahidə kameralarına baxmaq kfayətdir ki, bülletein yazılmış şəxslər həmin günləri xəstəxanaya gəlməyiblər, nədəki onlar müalicə olunmayıblar.
Stasionar müalicə olunan xəstələrə verilən yeməklər yararsız olduğu üçün evdən gətirilən yeməklərlə qidalanırlar.Ərzaq məhsulları isə baş həkim Zeynal Bayramlı tərəfindən satdırılır.
Tibb bacısı, mühafizəçi, xadimə və digər işlərə qəbul olunmaq üçün Zeynal Bayramlıya verilən rüşvətin aşağı qiyməti 5000 manatdan başlayır.
Həyat yoldaşı Sona Bayramlının Bakı şəhərində açdığı “Kadr Kursları” Tədris Mərkəzinin satdığı 1 aylıq tibb kursları sertifikatı ilə Zeynal Bayramlı çoxlu sayda savadsız, təcrübəsiz insanları 5000 manat rüşvət alıb işə qəbul edib. Hansı ki, həmin şəxslər bir gündə olsun tibb kurslarında iştirak etməyiblər.Dələduz ər-arvadın bu hərəkətləri cinayət əməlidir.
Çoxlu sayda əlil insanlar var ki, dövlətin ayırdığı dərman pereparatları və tibb ləvazimatları ilə təhciz olunmurlar.
Zeynal Bayramlının talançılıq yolu ilə əldə etdiyi varidat göz qamaşdırır.
Təkcə Bakı şəhərində 12 yerdə bahalı mənzilləri var.Bakıda ağ şəhərdəki evi 550 000 (beş yüz əlli min) manata alıb.Novxanıdakı möhtəşəm bağ evinə 600.000 (altı yüz min) manat verib.Şamaxı, Quba, Göyçay və İsmayıllı rayonlarında möhtəşəm villalar inşa etdirib.Qohumu Ziya Məmmədovun ana vətənində Ucarın Qazıqumlaq kəndində böyük bir ev inşa etdirib.Ancaq hazırda Göyçay şəhərindəki evində yaşayır.Bakı şəhərində 18 yerdə ticarət obyektinə sahiblənən Zeynal Bayramlı ata yurdu olan Ağsuda özünə xüsusi klinika açmışdır.Ucar rayon xəstəxanasına aid bir çox bahalı tibb avadanlıqları və digə əşyalar ora aparılmışdır.
Zeynal Bayramlı bahalı avtomobil xəstəsidir.Onun kolleksiyasında aşağı qiyməti 100.000 manat olan 12 ədəd maşını var.
Zeynal Bayramlı 15 il ərzində talançılıq yolu ilə böyük kapitala, daşınmaz əmlaka sahib olduğu kimi həmdə böyük nifrət qazanmışdır.Elə buna görədir ki, adamı 5 nəfər cangüdən mühafizə edir.Respublikanın heç bir yerində belə özbaşınalıq yoxdur.
Zeynal Bayramlı əhali arasında özü barədə belə bir rəy yaradıb ki, böyük vəzifədə adamları olduğu üçün ondan edilən şikayətlərə baxılmır.
Prezident cənab İlham Əliyevdən, Mehriban xanım Əliyevadan, Dövlət Təhlükəsizlik Xidmətinin rəisi cənab Əli Nağıyevdən, Baş Prokuror cənab Kamran Əliyevdən, Korrupsiyaya Qarşı Mübarizə İdarəsinin rəisi cənab Nazim Rəcəbovdan və İcbari Tibbi Sığorta üzrə Dövlət Agentliyinin sədri cənab Zaur Əliyevdən xahiş edirik Ucar xəstəxanasına diqqət edib obyektiv yoxlamalar aparıb korrupsiya xəstəliynə tutulmuş Ucar rayon Mərkəzi Xəstəxanası Publik Hüquqi Şəxsin direktoru Zeynal Bayramlının barəsində ciddi tədbirlər görəsiniz".

İddia olunanlarla bağlı dia.az olaraq qarşı tərəfi də dinləməyə hazırıq...

Bakıda vətəndaş yeni doğulan uşağına istədiyi soyadı yazdıra bilmir.

Bu barədə Qaynarinfo-ya Bakı şəhər sakini Anar Orucov deyib. Şikayətçi bildirib ki, aidiyyatı qurumlara etdiyi müraciətlər nəticəsiz qalıb:

"Oğlum yenicə dünyaya göz açıb. Mən atamın adını oğluma soyad qoymaq istəyirəm. Atamın adı Əkrəm, oğlumun adı isə Fatehdir. İndi istəyirəm oğlum sənəddə Fateh Əkrəm kimi getsin. Məsələ ilə bağlı Sabunçu rayon İcra Hakimiyyətinə müraciət etdim. Qurumdan mənə bildirdilər ki, "uşağın 18 yaşına kimi qanun buna yol vermir”. Bu problem olduğundan uşağın sənədləşmə iş də uzanır".

Vəkil Əkrəm Həsənov Qaynarinfo-ya açıqlamasında bildirib ki, yaranan problem Ailə Məcəlləsinin 53.3 maddəsi ilə tənzimlənir:

"Orada yazılıb ki, uşağın soyadı bir qayda olaraq valideynlərin soyadı ilə müəyyən edilir. Uşağın valideynlərinin soyadları müxtəlif olduqda onların razılığı ilə atanın, yaxud da ananın soyadı verilir. Adın, ata adının soyad verilməsi və dəyişdirilməsi qaydaları müvafiq icra hakimiyyəti orqanları tərəfindən müəyyən olunur. Və valideynlər arasında uşağın ad və soyadına razılıq olmadıqda yaranan fikir ayrılığı müvafiq icra hakimiyyəti orqanları tərəfindən həll olunur. Nazirlər Kabineti tərəfindən 12 may 2011-ci il tarixli 74 saylı qərar var. Qərarın adı belə gedir: "Ad və ata adının, soyadın verilməsi və dəyişdirilməsi qaydalarının təsdiq edilməsi". Nə Ailə Məcəlləsində, nə də qaydalarda bu məsələ həllini tapmayıb”.

Vəkil əlavə edib ki, Ailə Məcəlləsinin 53.3 maddəsinə əsasən, uşağın soyadı bir qayda olaraq valideynlərin soyadı ilə müəyyən edilir:

"Yəni, fərqli də ola bilər, bunu valideynlər müəyyən etməlidir. Bu baxımdan da ona hansısa məhdudiyyətin qoyulmasını məqbul hesab etmirəm”.

Qaynarinfo

Noyabrın 22-si saat 10:35-dən 14:30-dək Ermənistan silahlı qüvvələrinin bölmələri Basarkeçər rayonunun Əzizli yaşayış məntəqəsi istiqamətində yerləşən mövqelərindən Ordumuzun Kəlbəcər rayonunun Yuxarı Ayrım yaşayış məntəqəsi istiqamətində yerləşən mövqelərini müxtəlif çaplı atıcı silahlardan fasilələrlə atəşə tutub.

Bu barədə Müdafiə Nazirliyi məlumat yayıb.

Bundan başqa, noyabrın 22-si saat 09:17-dən 14:48-dək Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstəsinin üzvləri tərəfindən Azərbaycan Ordusunun Füzuli, Şuşa, Xocavənd, Tərtər və Xocalı rayonları istiqamətlərində yerləşən mövqeləri də fasilələrlə atəşə tutulub.

Bu istiqamətlərdə yerləşən bölmələrimiz tərəfindən adekvat cavab tədbirləri görülüb.

“Mənim bir qadın olaraq hüquqlarımın bərpa edilməsinə və mülkiyyət hüququmun pozulmasının qarşısının alınmasına öz köməkliyinizi Sizdən xahiş edirəm”
Azərbaycan Respublikası, Bakı şəhəri, Niyazi küç 5 ünvanında yaşayan Quliyeva Şölə Kamil qızı Azərbaycan Respublikasının Birinci xanımı, Azərbaycan Respublikası H.Əliyev adına Fondunun Prezidenti, Vitse-Prezident Mehriban xanım Əliyevaya üzləşfiyi dələduzluq olayıyla bağlı müraciət edib. Surəti mediaya göndərilən həmin müraciəti cumhuriyyet.az olaraq diqqətinizə çatdırırıq:
“Hörmətli Mehriban xanım!
Mən, Quliyeva Şölə Kamil qızı 03.05.1977-ci il tarixində Ağcabədi rayonu Qaravəlli kəndində anadan olmuşam. 2006-cı ildə qardaşım 11.10.1986-cı il təvəllüdlü Quliyev Elnur Kamil oğlu (şəxsiyyət vəsiqəsinin seriya nömrəsi: AA3031876) ilə birlikdə torpaq sahəsi almaq qərarına gəldik. Buna görə də 2006-cı ildə Binəqədi rayonu, Binəqədi şossesi, Dəyirman yolu deyilən yerin yaxınlığında bələdiyyə sənədi əsasında Əliyev Şəmsi Səməd oğlu (050-314-53-33) adlanan şəxsdən hər birimizin adına ayrılıqda 6 sot, ümumilikdə isə 12 sot torpaq sahəsi aldıq. Bunun müqabilində Əliyev Şəmsi Səməd oğluna 72000 (yetmiş iki min) manat məbləğində pul ödədik. İkimizin adına ayrılıqda 6 sot torpaq sahəsi aldığımıza görə hər 6 sot torpaq üçün 36000 (otuz altı min) manat məbləğində pul ödəmiş olduq.
Həmçinin Bakı şəhəri Binəqədi rayonu Binəqədi qəsəbə bələdiyyəsinin 39 saylı 14 aprel 2010-cu il tarixli qərarı da Əliyev Şəmsi Səməd oğlundan öz adıma aldığım Binəqədi rayonu, Binəqədi şossesi, Dəyirman yolu deyilən yerin yaxınlığındakı 6 sot torpaq sahəsinin mənim adıma olmasını və mənim istifadə hüququmda olduğunu təsdiq edir. Bununla yanaşı Bakı şəhəri Binəqədi rayonu Binəqədi qəsəbə bələdiyyəsinin 38 saylı 14 aprel 2010-cu il tarixli qərarı da Əliyev Şəmsi Səməd oğlundan qardaşım Quliyev Elnur Kamil oğlu adına aldığımız Binəqədi rayonu, Binəqədi şossesi, Dəyirman yolu deyilən yerin yaxınlığındakı 6 sot torpaq sahəsinin qardaşım Quliyev Elnur kamil oğlunun adına olmasını və onun istifadə hüququnda olduğunu təsdiq edir.
Həmçinin nəzərinizə çatdırıram ki, biz torpaq sahəsi alarkən Əliyev Şəmsiyə müraciət etdikdə o sata biləcəyi ümumi hasarlanmış 48 sot torpaq sahəsi olduğunu, həmin torpaq sahəsini hissə-hissə, yəni hər hissəsi 6 sot olmaqla satacağını bildirdi. Biz də onunla razılaşaraq ikimizə də ayrılıqda 6 sot torpaq sahəsini aldıq.
Bizim bu neçə illər ərzində həmin torpaq sahəsində ev tikməyə və abadlıq işləri görməyə imkanımız olmadığından aldığımız torpaq sahəsində heç bir şey tikə bilməmişdik. Amma həmin ərazidə torpaq sahəmizin olduğunu düşünürdük və əlimizdə imkan olduqda burada abadlıq işləri aparacaqdıq. Lakin 07.02.2021-ci il tarixində həmin torpaq sahəsinin olduğu yerə baxış keçirdikdə bizim aldığımız ərazilərdə yaşayış sahələrinin, evlərin olduğunu müşahidə etdik.
İlk öncə öz torpağımızı hasarlamadığımıza görə başqa şəxslərin bu torpaqları sahibsiz sanaraq qanunsuz şəkildə məskunlaşdığını düşündük. Sonra isə Əliyev Şəmsinin satdığı 48 sot torpaq sahəsinin içərisində yaşayan hər kəsin öz torpaqlarını Əliyev Şəmsidən aldığını, burada qanuni şəkildə məskunlaşdığını öyrəndim. Belə ki, burada yaşayış sahəsi olan hər kəsin torpaq sahələrinin sənədi var. Mənim və qardaşım Quliyev Elnur kamil oğlunun adına aldığımız torpaq sahələrinin də yerində yaşayış sahələri tikib məskunlaşan şəxslər də bu torpaqları bizim kimi Əliyev Şəmsidən aldıqlarını bildirdilər və öz sənədlərini də bizə göstərdilər. Bu isə Əliyev Şəmsinin bir torpaq sahəsinin birdən çox şəxsə satması deməkdir.
Bu açıqcasına bizim öz torpağımızdan, mülkiyyətimizdən istifadə hüququmuzun pozulması deməkdir. Bu da mülkiyyət hüququnun özünün kobudcasına pozulmasıdır. Əliyev Şəmsi bizim etibarımızdan sui-istifadə edərək dələduzluq yolu ilə bizi və digər şəxsləri aldatmış, bir torpaq sahəsini birdən çox şəxsə satmışdır.
Bu hadisə ilə bağlı Əliyev Şəmsi Səməd oğluna dedikdə isə o mənə güya bunlardan xəbərdar olmadığını və bütün bunları başqasının etdiyini demişdir. Bununla da ona torpaq sahəsinə görə ödədiyimiz pulu qaytarmaqdan boyun qaçırmışdır.
Düşünürəm ki, bu torpaq sahəsi üzərində bizim mülkiyyət hüququmuz vardır və bu hüquq Əliyev Şəmsi Səməd oğlu tərəfindən pozulmuşdur. Buna görə də bizim torpaq sahəsi üzərində mülkiyyət hüququmuz tanınmalıdır. Çünki haqqında danışdığımız torpaq sahəsi bələdiyyə və icra hakimiyyətinin sənədi əsasında bizə məxsusdur.
Mən bu məsələ ilə bağlı 08.02.2021-ci il tarixində Bakı şəhəri Binəqədi Rayon Polis İdarəsinə şikayət ərizəsi ilə müraciət etsəm də, burada 11 mart 2021-ci il tarixli cinayət işinin başlanmasının rədd edilməsi barədə qərar qəbul edildi. Mən bundan sonra bu qərardan məhkəmə nəzarəti qaydasında Binəqədi Rayon Məhkəməsinə şikayət vermişəm. Bu iş hal-hazırda Binəqədi Rayon Məhkəməsinin icraatındadır. Bundan başqa mən bu məsələnin araşdırılması ilə bağlı bağlı Baş Prokuror yanında Korrupsiyaya qarşı Mübarizə Baş İdarəsinə də müraciət etmişəm.
Bütün bunları nəzərə alarqaq bir Azərbaycan qadını olaraq Sizdənxahiş edirəm bu məsələnin müraciət etdiyim orqanlar tərəfindən dəqiqliklə araşdırılmasına nəzarət edəsiniz. Mənim bir qadın olaraq hüquqlarımın bərpa edilməsinə və mülkiyyət hüququmun pozulmasının qarşısının alınmasına öz köməkliyinizi Sizdən xahiş edirəm”

Ötən gün "Hürriyyət"in redaksiyasına müraciət edən Zəngilan rayonu, Xəştab kənd sakini, ikinci qrup əlil Tofiq Musa oğlu Alışov yeganə övladı Musa Tofiq oğlu Alışovun hərbi xidmətdə olduğu müddətdə dünyasını dəyişdiyini və hadisənin üzərindən 3 aydan artıq vaxt keçməsinə baxmayaraq, hələ də ona oğlunun ölüm səbəbi ilə bağlı obyektiv məlumat verilmədiyini bildirib.

"Zabitləri oğlum haqqında müsbət fikirdə olub, onun barəsində xoş sözlər söyləyiblər, bir sözlə, oğlum ləyaqətlə xidmət edib"

Övladının 11 fevral 2003-cü il tarixdə dünyaya gəldiyini, 2021-ci ilin iyul ayında isə Səfərbərlik və Hərbi Xidmətə Çağırış üzrə Dövlət Xidmətinin Zəngilan Rayon İdarəsi tərəfindən həqiqi hərbi xidmətə çağırıldığını deyən şikayətçinin sözlərinə görə, oğlu nümunəvi xidmət göstərib, zabitlər onun haqqında daim müsbət fikirdə olublar: "Mən daim onunla əlaqə saxlayır, bir neçə dəfə yanında olmuşam. Hətta hər ay zəruri ehtiyacları belə, evdən göndərilib. Səhv etmirəmsə, sonuncu dəfə avqust ayının 16-sı, ya da 17-si oğluma baş çəkmiş, görüşüb söhbətləşmişik. Həmçinin, oğlumun zabitləri ilə görüşmüş, onun probleminin olub-olmaması ilə maraqlanmışam. Zabitləri oğlum haqqında müsbət fikirdə olub, onun barəsində xoş sözlər söyləyiblər. Bir sözlə, oğlum ləyaqətlə xidmət edib. Sentyabrın 10-da isə qardaşım oğlu onun yanına gedib. Qeyd edim ki, mən oğlumun yanına gedəndə o, Beyləqan rayonunda, daha dəqiq desəm, Bolsulu kəndində, qardaşım oğlu getdikdə isə Zəngilan rayonunun Cahangirbəyli kəndində olub. Bir gün sonra, yəni sentyabrın 11-də qardaşım oğlu oğlumun yanından qayıdıb və mənə onun haqqında ətraflı məlumat verib, hər şeyin qaydasında olduğunu, probleminin olmadığını bildirib. Lakin sentyabrın 12-si gündüz saatlarında oğluma 3 dəfə zəng etsəm də o, mənə cavab vermədi. Axşam təxminən, saat 7-8 arası olardı, özü mənə zəng etdi, danışdıq, hal-əhval tutdum. Oğlum "Ata, narahat olma, hər şey yaxşıdır, heç bir problemim yoxdur" dedi. Oğlumla sağollaşdıqdan bir neçə saat sonra, axşam 11-in yarısında həyat yoldaşım dedi ki, bir nəfər səninlə danışmaq istəyir. Həmin şəxslə əlaqə qurduqda "Musa Alışovun atası sənsən?", deyə sual verdi. Cavab verdim ki, bəli. Bu vaxt istər-istəməz həyəcanlandım və nə baş verdiyini soruşdum. Dedi ki, qorxulu bir şey yoxdur, oğlun yaralanıb".

"Onu da bildirim ki, orda oğlumu gətirmək üçün heç maşın da vermirdilər, zabitlər ancaq onu deyirdilər ki, götür apar"

Bundan sonra halının pisləşdiyini, özünə yer tapa bilmədiyini deyən Tofiq Alışov qeyd edib ki, oğlu barəsində məlumat verən şəxs ondan sabah hərbi hissəyə gəlməyi xahiş edib: "Dedim, əgər lazımdırsa bu dədiqə gəlim. Bildirdi ki, yox, səhər gəlib görüşərsiz. Beləcə, səhər oğlumun yanına getdikdə məni morqa doğru yönləndirdilər, dedilər ki, burdadır. Meyitə baxdıqda gördüm ki, oğlum boğazından narın nahiyəsinə kimi yarılıb, sonradan isə tikilib. Onu da bildirim ki, orda oğlumu gətirmək üçün heç maşın da vermirdilər, zabitlər ancaq onu deyirdilər ki, götür apar. Dedim ki, bu övladdır, əsgərdir, toyuq, cücə deyil. Mən bu vəziyyətdə hara və necə aparım?! Əsgər meyitini belə yola salırlar?! Axı, orduya sağlam oğul vermişdim, mənə isə onun ölüsünü qaytardılar. Nə isə oğlumu gətirdik, meyitin yuyulmasında da iştirak etmişəm. Əlinin içi mazutlu idi. Ekspertdən bunun səbəbini soruşduqda dedi ki, analiz götürmək üçündür. Beləcə, oğlumun nəşini Sumqayıta gətirdik, lakin orda şəhidlər xiyabanında dəfn etməyə qoymadılar. Oğlumun cənazəsini gətirən hərbçilər dedilər ki, oğlum özünə qəsd edib. Lakin Səfərbərlik və Hərbi Xidmətə Çağırış üzrə Dövlət Xidmətinin Zəngilan Rayon İdarəsi bununla bağlı mənə heç nə demədi. Sumqayıtda şəhidlər xiyabanında dəfnə icazə vermədikləri üçün oğlumu məhrum atamın yanında torpağa tapşırdıq".

"Oğlumun hərbi xidməti başa vurmasına 3 ay qalmışdı, indi isə o, yoxdur, nə şəhid adı verirlər, nə də hansı şəraitdə həlak olması ilə bağlı məlumat ala bilirəm"

Hadisənin üzərindən 3 ay keçməsinə baxmayaraq, hələ də oğlunun ölüm səbəbi ilə bağlı dəqiq, obyektiv məlumat verilmədiyini vurğulayan Tofiq Alışov əlavə edib ki, indiyədək ona ekspertiza rəyi təqdim edilməyib: "Dünən(srağagün-red.) Sumqayıt Şəhər Prokurorluğunda oldum, eşitdim ki, baş prokuror Kamran Əliyev sabah (bu gün-red.) ora gedəcək. Ona görə də baş prokurorla görüş üçün növbəyə düşdüm. Qeyd edim ki, ilk dəfə oğlumun dəfnindən 15 gün sonra Hərbi Prokurorluğun əməkdaşları mənimlə əlaqə saxlayıb, orada dindirilmiş, verilən suallara cavab vermişəm. Lakin hələ də oğlumun ölüm səbəbini obyektiv araşdıran, bu barədə dəqiq məlumat verən yoxdur. Oğluma şəhid statusu vermirlər, o zaman desinlər ki, övladım necə ölüb. O, özünə qəsd edə bilməzdi, çünki bunun üçün hər hansı əsas, səbəb yox idi. Deməli, onu qətlə yetiriblər. Əgər belədirsə, onda bununla bağlı araşdırma aparmalıdırlar. Lakin məsələyə əhəmiyyət verən yoxdur. Odur ki, "Hürriyyət" vasitəsiylə cənab Prezident İlham Əliyevə, Birinci vitse-prezident Mehriban Əliyeva, baş prokuror Kamran Əliyevə müraciət edir, onlardan oğlumun ölüm səbəbinin obyektiv araşdırılmasında yardımçı olmalarını xahiş edirəm. Oğlumun hərbi xidməti başa vurmasına 3 ay qalmışdı, indi isə o, yoxdur. Nə şəhid adı verirlər, nə də hansı şəraitdə həlak olması ilə bağlı məlumat ala bilirəm".

"Hürriyyət"

P.S. Məsələ ilə bağlı yazıda adıçəkilən şəxslərin də mövqeyini işıqlandırmağa hazırıq.

Gəncə Şəhər İcra Hakimiyyətinin əməkdaşı Sənan Məhərrəmov müxtəlif vədlərlə ayrı-ayrı şəxslərdən pul toplayaraq qeybə çəkilib.

Aldadılmış şəxslər arasında qazilərin də olduğu bildirilir.

DİA.AZ bildirir ki, Sfera.az-ın əldə etdiyi məlumata görə, hazırda Gəncə Şəhər İcra Hakimiyyəti başçısının 1-ci müavini Səməd Tomiyev baş verənlərlə bağlı Baş Prokurorluq tərəfindən dindirilir.

Araşdırma davam edir.

“Bərdənin icra hakimiyyətinin başçısı Vidadi İsayevdən həm Dövlət Təhlükəsizlik Xidmətinə, həm də Baş Prokurluğun Korrupsiyaya Qarşı Baş Mübarizə İdarəsinə çoxsaylı şikayətlər daxil olub. Həmin şikayətlər arasında icra başçısının cinayət məsuliyyətinə cəlb olunması ilə nəticələnə biləcək faktlar var”.

Bu barədə Gununsesi.info-ya bir qrup Bərdə sakinlərinin yazdığı müraciətdə bildirilir.

Sakinlər adından yazılan məktubda deyilir ki, Vidadi İsayev şəhid ailələri və qazilərin problemlərini təşkil olunan tədbirlərlə ört-basdır edir: “Bütün işləri də işçilərinə tapşırır. Fərdi şəkildə nə şəhid ailələrinin, nə də qazilərin qayğıları ilə maraqlanmır. Onun rayona məxsus örüş-otlaq sahələrini satması , Mənzil Kommunal Birliyinin yanacağına göz dikməsi faktları var”.

Sakinlər iddia edir ki, Vidadi İsayevdən hüquq-mühafizə orqanlarına edilən şikayətlər arasında onun cinayət məsuliyyətinə cəlb olunmasına əsas verən faktlar da var.

Azərbaycanda yumurta istehsalı kəskin şəkildə azalıb.

Bunu Qaynarinfo-ya açıqlamasında kənd təsərrüfat üzrə ekspert Vahid Məhərrəmov kənd yumurtasının qiymətinin bahalaşmasının səbəblərindən danışarkən deyib.

Onun sözlərinə görə, istehsalın azalması yemin qiymətinin kəskin bahalaşması ilə əlaqədardır: "Fərdi təsərrüfatında toyuq saxlamaq artıq vətəndaşlara sərf etmir. Ailə üçün 5-10 toyuq saxlayırlar, onların da yumurtası ailəni dolandırır. Yemin bahalaşması öz növbəsində yumurta istehsalına ciddi təsir edib”.

Vahid Məhərrəmov deyir ki, yay aylarında gün uzun olduğundan toyuqlar daha çox qidalanır:

"Amma indi demək olar toyuqlar yemin ümidinə qalıb və bundan əlavə gün də qısalıb, toyuqlar doyunca qidalana bilmir. Bu da yumurtanın qiymətinə təsir edir. Bu səbəbdən də kəndlilər çalışır ki, yumurtanı baha qiymətə satıb, yem üçün xərclədiyi vəsaitin bir hissəsini kompensasiya etsinlər”.

Qeyd edək ki, hazırda rayonlarda kənd yumurtasının topdansatış qiyməti 30-35 qəpik arasında dəyişir.

Cavid Qurbanovun dönəmində işinin yaratmazlıqı nəticəsində bataqlığa çevrilən Azərbaycan Dəmir Yollarında problemlər bitib tükənmək bilmir.

Yerli-pərəstlik edərək savadı və bacarığı olmayan şəxsləri sözü gedən qurumda yüksək vəzifəyə təyin etməsi illərlə dəmir yolunda çalışan əziyyət çəkən dəmir yolçulara ayrılan mülkləri evləri aidiyyəti üzrə verməməsi dövlətin ayırdığı mükafatları balanslı şəkildə bölməyərək vəzifəsindən sui-istifadə edərək dəmir yolundan anlayışı olmayan öz yerlilərinə hədiyyə kimi bəxşeiş etməsi demək olar ki, dövlət büdcəsinə milyardlarla ziyan vurulmuşdur.

Dəmir yolunda köklü islahatlar başlayıb.

Bir neçə gün bundan öncə “Azərbaycan Dəmir Yolları”na təyin edilən yeni sədir Rövşən Rüstəmovun bu qurumda köklü-dəyişiklər edəcəyi hətta rəhbər səviyyəsində islahatlar olunacaqı barədə məlumat vermişdik. Qeyd edək ki, Rövşən Rüstəmov yaxın bir neçə il ərizində özünün karyerasında yüksək irələyiş etməsi olduğca peşəkar gənc kadr olmasından xəbər verir.

Cavid Qurbanov Hicran Valehovun bataqlığa çevirdiyi qurumu tez bir zamanda irəli aparması, onun Dəmir Yolları İdarəsində ciddi dəşikliklər etməsi, yerli-pərəstlik müqavilində “Azərbaycan Dəmir Yolları” Qapalı Səhmdar Cəmiyyətində yüksək vəzifə tutan şəxslərı azad edib peşəkar kadırlardan istifadə olunmalı idi, bunda demək olar ki yeni sədr artıq bacarır və qaranlığa çevrilən Dəmir Yollarını daha işıqlı yollara aparacağndan xəbər verir.

Nə baş verir?

"Azərbaycan Reallığı"na məlumat verən mənbə bildirir ki, yeni sədr artıq noyabırın ilk ikinci ongünlüyündən islahatlara başlayıb Cavid Qurbanova yaxın olan, Cavid Qurbanovdan sonra onun işlərini müvəqqəti əvəz edən Hicran Valehovunda yaxın adamlarını işdən azad edib. Hətta işdən azad olunma xəbərin eşidib ürəyi gedənlərdə olub, təcili yardımla xəstəxanaya çatdırılanlarda.

Kimlər vəzifəsi ilə əlvidalaşdı?

"Azərbaycan Reallığı"na məlumat verən etibarlı mənbə bildirir ki, vəzifəsi ilə vidalaşan şəxslər bunlardır: Azərbaycan Dəmir Yollarının İnfrastruktur departamentinin rəisi Mehman Əhmədovdur. Mehman Əhmədov Hicran Valehovun sağ əli olan adamlardan bir kimi tanınır. O, həmçinin Valehovun qrup yoldaşdır. Daha sonra Dəmir Yollarının keçmiş sədri Cavid Qurbanovun köməkçisi olan Rauf Qasımovda vəzifəsindən kənarlaşdırılıb. Digər vəzifəsindən kənarlaşdırlan şəxs isə Təsərufat departamentinin rəisi Məhmməd Əmircanovdur.

Daha sonra işdən kimlər azad olunacaq?

Bildiyniz kimi "Azərbaycan Reallığı" bu qurumun Mətbuat katibliyi şöbəsinin də, bərbad vəziyyətdə olması haqqında silsiləli yazılar dərc etmişdir. Sözü gedən şöbəyə Natavan Bayramova sədr təyin olunduğdan sonra yerli KİV-lə qurum arasında böyük bir uçurum yaratmışdır. İşi yalnız özündən əvvəlki Mətbuat katibliyi şöbəsinin rəisinin atasına rəhmət oxutdurmağla keçirir.

Çünki jurnalistlər arasında sözü gedən qurumun Natavan Bayramovadan əvvəlki rəisi işinin daha peşəkar və jurnalistlərlə daha unsiyətcil iş pirinsiplərini vaxtı-vaxtında icra edən bacarıqlı bir kadır kimi tanınırdı. Lakin Natavan Bayramova bu şöəyə sədir təyin olunduğdan sonra Çuda Peçka Kulinariya işçilərinə Şöbə rəisi olduğu qurumda vəzifə verməsi kimin peşəkar bacarıqlı kadır olması hər kəsə daha aydın oldu. Mənbə bildirir ki, Natavan Bayramovanında işdən azad olunma ərizəsi alınıb yaxın bir neçə gün ərzində vəzifəsin itirənlər sırasında olacaq.

Daha sonra mənbə iddia edir ki, Cavid Qurbanov dönəmində işindən azad edilmiş küsdürülmüş incidilmiş peşəkar Dəmir Yolçularla danışıqlar aparılır. Onlar yaxın zamanda yenidən sözü gedən qurumda öz işlərinə bərpa olunacaqlar hətta bir neçəsi artıq işinə bərpa olunub işlədikləridə bildirilir. Bundan sonra Cavid Qurbanov dönəmində Dəmir Yolçulara ayrılan evlərin adiyyəti üzrə verilməməsi Qurbanov bu evləri şəxsi müstəvidə öz yerlilərinə verilməsi haqqındada araşdırmalar başlanılıb, yaxın zamanlarda araşdırmalar daha ciddi hala keçəcəyi bildirilir.

"Azərbaycan Reallığı" yazıda adı çəkilən istənilən şəxsin mövqeyin dərc etməyə hazırdır.