Bir müddət əvvəl, daha dəqiq ötən ilin noyabrında sosial şəbəkələrdə və elektron media resurslarında Pirallahı rayonundakı 235 nömrəli tam orta məktəbin təlim-tərbiyə işləri üzrə direktor müavini olmuş Elza Cəfərovanın işdən əsassız olaraq çıxarılması barədə məlumatlar yayılmışdı. Oğlu 44 günlük Vətən Müharibəsində, Xüsusi Təyinatlı Qüvvələrin tərkibində son günə qədər iştirak etmiş bir ananın işindən çıxarılması ictimaiyyət arasında da narazılıqla qarşılanmışdı. Hamı bir nəfər kimi Elza Cəfərovanın müdafiəsinə qalxmışdılar. Elza Cəfərovanın redaksiyamıza verdiyi məlumata görə işinə bərpa olmaq üçün məhkəməyə müraciət edib, hazırda məhkəmə prosesinin başlamasını gözləyir. Bununla yanaşı Elza Cəfərova işdən əsassız olaraq çıxarılması barədə redaksiyamıza yeni məlumatlar verib.

Sözügedən məlumatlarda Elza Cəfərova qeyd edir ki, bu neçə ayda ən çox verilən suallardan biri də məktəbdə keçirilən Pedaqoji şuranın iclası barədə olub. Qeyd edim ki, bəli, məktəbdə Pedaqoji şuranın iclası keçirildi. Elnur müəllim mənə axşamdan yazmışdı ki, müəllimə, çıxış hazırla, müəllimlər vaxtlı-vaxtında dərsə girmir , davamiyyət çox pisdir və ümumi vəziyyət barədə. Mən isə ona dedim ki, məktəbdə heç bir vəziyyət dəyişkənliyini bilmirəm, mən hələ təzə gəlmişəm, Siz deyin. Mən çıxış etməyəcəyəm.Ümumiyyətlə, baş vermiş hadisə ilə əlaqədar iclasda iştirak etmək istəmədiyimi bildirdim. Bir də ki , mənim xəbərim yoxdur, BŞTİ -yə dörd nəfər müəllimi göndərmisiniz, onda iclas edərdiniz. Elnur müəllim bildirdi ki, bu iclasın keçirilməsi elə BŞTİ tərəfindən tapşırılıb. Elnur müəllim dedi ki, iştirak etməsən, BŞTİ-yə yazılı bildirəcəyəm, hətta mənə yazılı forma hazırladı, imza çəkdim. Mən də həmin məlumatı BŞTİ-yə, Sevda xanıma çəkib göndərdim. Mənə deyir ki, BSTİ iclas edir, düzdür? Sevda xanım dedi ki, bilmirəm . Bir neçə müəllim mənə iclasa gedək, görək bu yenə nə oyundur, dedilər, getdik. Mənə Elnur müəllim iki ağ vərəq verdi ki, vərəqin birində özüm imza çəkim, digər vərəqdə isə Pedaqoji şurada iştirak etmələri barədə pedaqoji şuranın üzvləri imza cəksin, yəni davamiyyət üçün. Onun tapşırdığı kimi etdim, davamiyyət üçün imza çəkdik. Elnur müəllim gəldi. İclas başladı, iclas dediyi sözlərin heç birinə aid olmadı. Biri çıxdı dedi ki, mən YAP-ın sədriyəm və çıxış etdi, o biri durub dedi ki, Pirallahı rayon İcra Hakimiyyəti cənab Prezidentimiz rayona gələndə mənə çıxış verib və bir neçəsi dedi ki, mənim kitabım çıxıb. Pedaqoji şuranın katibi isə bildirdi ki, bu iş tələb edəndi, işləyə biləcəksiniz, müəllimlər? Mən bu iclasda özümə sual verdim, bunlar özlərini mənə niyə tanıdırlar, təqdim edirlər. Sonra məlum oldu ki, mənim guya direktorluğa fikirim olub. Ora başqa namizəd olduğuna görə böyük bir oyun qurulub. Hətta iclasda neçə illərin sözünü deyən, çox hörmətli, qocaman müəllimlərə Elnur müəllim çıxış etmək üçün imkan vermədi. Sonra eşitdim ki, müəllimlərin bəziləri Elnur Bayramova deyəndə bu nə oyundu, deyib mənlik deyil. Yuxarıdan, yəni BŞTİ-dən əmr gəlib, ya Elza müəllim 231 nömrəli məktəbə və yaxud başqa məktəbə getməlidir, ya da 235 nömrəli məktəbdən çıxarılmalıdır. Sözün düzü, çox rahat, arxayınlıqla işimdə idim, gözləmirdim, çünki ən azından inanırdım. Elnur Bayramov məktəbdə gün ərzində iki -üç saat olardı. Səhər saat 7 tamamdan axşam 8-ə işləyənə kimi, tək məktəbdə olurdum. Çox böyük bir problemli bir məktəbdə müəllim ordusunun əli ilə yavaş-yavaş problemimizi həll edirdik. Mən hardan bilim ki, Elnur Bayramov Pedaqoji şurada çəkilən imza və bütün problemləri yazıb aparıb BŞTİ-yə verərək məni çıxartdıracaq.Bilsəydim, elə həmin dəqiqə onu indiki kimi idarə rəhbərinə və yaxud Azərbaycan Respublikası Elm və Təhsil Nazirinə teleqramla olsa da, çatdırardım. Çünki mənim əlimdə faktlar çox idi. Mən öz işimdə olduğum vaxt da heç kimi və heç nəyi fikirləşməmişəm, günahım olsa idi, ən azından özüm ərizə yazardım, 70 “c” bəndi deyiləndə ehtiyat edərdim. Ali orqana müraciət etməzdim. Mən Elnur Bayramova deyirəm, artıq ikinci dəfə məhkəmədir, bir döyüşçü ailəsi, döyüşçü anası, qazi bacısı kimi bu işdə tək özümü yox, gələcəyimiz olan uşaqları düşünürəm, vətəni tanıdan, sevdirən məktəb sistemində işləmək Sizlik deyil. Siz kimin əli ilə, asanlıqla üç aydan bir məktəb dəyişmisiniz, bilmirəm, ancaq həmin Sizə köməklik edən rəhbər inanıram ki, xəcalət çəkir. Araşdırma aparmaqda vəkilimdən çox xahiş etmişəm. İstər mənim, istər kim olur- olsun, hər şey üstu açılmalı və cəzası olmalıdır. Bütün məlumatlar Azərbaycan Respublikası Elm və Təhsil naziri Emin Əmrullayevə göndəriləcək.

Qeyd edək ki, sosial şəbəkələrdə və elektron media resurslarında Elza Cəfərovanın işindən əsassız olaraq çıxarılması barədə çoxsaylı məlumatların yayılmasına baxmayaraq son bir ayda nə Elm və Təhsil Nazirliyinin, nə də Bakı şəhər Təhsil İdarəsinin rəsmiləri tərəfindən heç bir açıqlama verilməyib. Elnur Bayramov hazırda Pirallahıdakı 168 saylı məktəbin direktorudur. Məlumatlara görə Elnur Bayramov Bakı şəhər Təhsil İdarəsində yüksək vəzifə tutanlardan birinin qohumudu. Pedaqoji təhsili olmamasına baxmayaraq qısa müddət ərzində Pirallahıdakı 243 və 235 saylı məktəblərdə direktor əvəzi işləyib. Bakı şəhər Təhsil İdarəsində onun 235 saylı məktəbdəki əməllərinə də buna görə göz yumulub.

Aktualinfo.org

Təkrar-təkrar yazmağa məcburuq ki, Azərbaycan səhiyyəsinin üzərində çox zərərli və çirkin eksperiment aparılır. İslahat adı altında Səhiyyə Nazirliyinə alternativ olaraq İcbari Tibbi Sığorta üzrə Dövlət Agentliyi, sonra isə onun nəzdində TƏBİB deyilən ( Tibbi Ərazi Bölmələrini İdarəetmə Birliyi) qurum yaradılır.
Biz bir media olaraq zaman-zaman yazmışıq ki, eyni sahə üzrə pararlel qurumların olması çox zərərlidir. Birincisi, ona gərə ki, vətəndaşlar bu qurumların arasında qalır, o bir teatrda deyilən kimi, şap elə bilir şupdadır, şup elə bilir şapdadır.. Və bu məsələdə vətəndaşlar olmazın əziyyətini çəkirlər. Biz vaxtilə onu da qeyd etmişdik ki, paralel qurumlar həm də dövlət büdcəsinə ziyan vurur. Yeri gəlmişkən, bir neçə gün əvvəl qardaş Özbəkistanda nazirlik və komitələrin sayının 2-3 dəfə azaldılması qərarı verildi. Biz əhalimizin sayına və ərazimizə görə, Özbəkistandan bir neçə dəfə balacayıq.
Biz də bir dövlət olaraq büdcənin BELİNDƏ, BOYNUNDA oturan dövlət qurumlarının sayını azaltmalıyıq. Dövlət aparatını bu boyda şişirtmək olmaz. Lap loru dildə desək, Səhiyyə Nazirliyi varsa, TƏBİB, yaxud əksinə TƏBİB varsa, Səhiyyə Nazirliyi nəyə lazımdır..?
Bunun birini ləğv edin, həm camaatın canı qurtarsın, həm də dövlət büdcəsinin xərci azalsın. Söhbət təkcə səhiyyə sferasından getmir ee... Məsələn, mədəniyyət sahəsini götürək. Bu sahədə rüşvət və korrupsiya dəhşətli həddə çatıb, naziri qoyub 1 il sonra çıxarırlar. Amma buna baxmayaraq hər bir rayonda mədəniyyət şöbəsi olduğu halda, Allah qoymasa, üstəlik 2-3 rayonu birləşdirib Regional Mədəniyyət Mərkəsi yaradırlar, onlara yer, əmək haqqı, xidməti maşınlar verirlər. Bu mədəni formada büdcəni talamaqdır. Axı, Azərbaycan bir quberniya boyda deyil, bu qədər quruma, bu qədər məmura nə ehtiyac var ? Bir misal da çəkib kifayətlənək.
Təsəvvür edirsiniz, Azərbaycanın Mərkəzi bankı üçün tikilən yeni bina Rusiya Federasiyasının bankının binasından az qala 5 dəfə böyükdür. Nə isə əsas mövzudan yayınmayaq. Söhbət Sabunçu rayonundakı 3 saylı Tibbi Mərkəzin fəaliyyətindən gedir. Qısa da olsa məlumat verməyə məcburuq ki, TƏBİB rəhbərliyinin apardığı qondarma islahat nəticəsində rayonlarda Ərazi Tibbi Bölmələri yardılıb. Bakının rayonlarında isə rayonun ərazisindəki xəstəxanalar, poliklinikalar birlşdirilərək Tibbi Mərkəzlər yaradılıb.
Təsəvvür edirsiniz Doğum evi ilə Stomatoloji Poliklinika bir mərkəzdə birləşdirilib. Ötən yazılarımızda Nərimanov Rayon Tibb Mərkəzinin və onun direktoru Fazil Alməmmədovun yarıtmaz faəliyyətindən bəhs etmişdik.
İndiki yazının mövzusu isə Sabunçu Rayon 3 saylı Tibbi Mərkəzdir. Məlumat üçün qeyd edək ki, Sabunçu rayonu ərazisində 246 min insan yaşayır, bu rayonda 18 tibb müəssisəsi var, bu tibb ocaqlarında 751 həkim, 1730 orta tibb işçisi fəaliyyət göstərir və çarpayı sayı 1254-dür. Sabunçu ƏRAZİ TİBB BÖLMƏSİNƏ aşağıdakı xəstəxanalar daxildir: 8 nömrəli Birləşmiş Şəhər Xəstəxanası 5 nömrəli Uşaq Yoluxucu Xəstəxanası 21 nömrəli Birləşmiş Şəhər Xəstəxanası 4 nömrəli Vərəm Əleyhinə Dispanser 3 nömrəli Uşaq Stomatoloji Poliklinikası 11 nömrəli Şəhər Poliklinikası 22 nömrəli Uşaq Poliklinikası 2 nömrəli Doğum Evi 22 nömrəli Şəhər Poliklinikası 28 nömrəli Birləşmiş Şəhər Xəstəxanası Kürdəxanı Sağlamlıq Mərkəzi 12 nömrəli Şəhər Poliklinikası 36 nömrəli Şəhər Poliklinikası Həkimlərin Təkmilləşdirmə İnstitutunun Cərrahiyyə Klinikası 3 nömrəli Şəhər Klinik Xəstəxanası 7 nömrəli Birləşmiş Şəhər Xəstəxanası Zabrat Müalicə Diaqnostika Mərkəzi 21 nömrəli Şəhər Poliklinikası İndi isə bu xəstəxanalrın bir hissəsini birləşdirib 3 saylı Tibb Mərkəz yaradıblar. Və Mərkəzə 2 nömrəli Sabunçu Doğum Evini, Maştağa Ruhi Dispanserini və digər tibb müəssisələrini tabe ediblər. Mərkəzin direktoru isə Fikrət Zeynalovdur. Bizim Fikrət Zeynalovla, onun mərkəzdə çalışan qohumları, yaxınları, doğmaları ilə işimiz yoxdur. Bizim iradımız odur ki, Mərkəzin həkimləri əmək məzuliyyətində olduğu halda nə üçün hər gün işə gəlib-gedirlər ?
Onların məqsədi nədir..?
Mərkəzin şöbə müdirləri Qaracayev İlqar, Quliyev Heyran, Abdullayev Ədalət necə olur ki, hər dəfə yoxlamadan quru çıxırlar..?
Nə üçün bu şəxslər qanunsuz əməllərinə görə, həbs olunmurlar..?
Təsəvvür edirsiniz 3 saylı Tibb Mərkəzdə bir çox vətəndaşlar hərbi qulluqdan yayınmaq üçün külli miqdarda pul verib arayış alırlar. Sonra 3 saylı Tibbi Mərkəzdə narkotik xəstələri ilə bağlı baş verən cinayət əməlləri də diqqətdən yayınmır. Bütün bunlar və digər cinayət əməlləri ilə bağlı növbəti araşdırma yazısında bəhs edəcəyik.
Növbəti sayımızda 3 saylı Tibbi Mərkəzdə, Nevrologiyadakı xəbər daşıyan Zema xanımın, Baş həkimin köməkçisi Firdovsinin, xəstəxananın yeməkxanasından oğurlanan ərzaq məhsullarının Kürdəxanıda satılmaq üçün hansı marketə boşaldılmasından, xəstəxananın yeməkxanasının yeni müdiri Aynur kişinin iş fəaliyyətindən, Mahirlə İlqarın və Xəqaninin xəstəyə sağlam arayışı verməsindən və arada olan narazılıqdan bəhs edəcək yazı dərc edəcəyik. Hətta Baş həkimin qohumlarının kimliyi və ya aptekin müdiri Müşviqə xanımın, Şövkət xanımın, Aynurun, Mürsəlin, (Gərayın dayısı oğlu) Sədaqətin, anbardar Yaqutun, kirvə Zəminənin, parkovşik Farizin, böyük tibb bacısı Sevil xanımın, lor Arzunun, Əsmərin, Kəmalənin, rəfiqə Vəfanın, rengen Heyranın və başqalarının qohumluq münasibətlərinə aydınlıq gətirəcəyik.
P.S. Xatırlatma: Bir nəfərin kürəkənindən xahiş edirik ki, işimizə müdaxilə etməsin, əks halda rəhbərlyinizə məlumat veriləcək. //gundelik-baku.com//

Azərbaycan Avtomobil Yolları Dövlət Agentliyinin (AAYDA) İdarə Heyətinin sədri Saleh Məmmədovun müşaviri Şahin İbadovun rəhbərlik etdiyi “Bakı Tikinti Kosntruksiya” Qapalı Səhmdar Cəmiyyətini (QSC) ilə bağlı araşdırma aparılır.
Qaynarinfo-nun əldə etdiyi məlumata görə, araşdırma “Biznesmen məmur BTK-da qanunsuz tikintiləri necə aparır? – İcarə haqları da vergidən yayındırılır…” (LİNK) və “Saleh Məmmədovun biznesmen müşaviri: Milyonluq mülklər, şirkətlər necə əldə edilib?” (LİNK) başlığı ilə dərc olunan yazılardan sonra başlayıb.
Amma nədənsə müvafiq dövlət qurumları “Bakı Tikinti Kosntruksiya” QSC-də baş verən hadisələrlə bağlı rəsmi açıqlama vermək istəmirlər. Yazılanlarla bağlı QSC-nin özü də rəsmi mövqeyini bildirməyib.
Şahin İbadovun rəhbəri olduğu QSC-də qeyri-qanuni tikililərin mövcudluğu ilə bağlı Fövqəladə Hallar Nazirliyi, Nərimanov rayon İcra Hakimiyyəti, Dövlət Şəhərsalma və Arxitektura Komitəsinə sorğu ünvanlasaq da, bu barədə nədənsə hələ rəsmi mövqe bildirilməyib. Görünür, sözügedən qurumlar ya açıqlama verməkdə maraqlı deyil, ya da tələsmirlər.
Nərimanov rayon İcra Hakimiyyətinə 27 dekabr tarixində rəsmi mail@narimanov-ih.gov.az ünvanına göndərdiyimiz sorğuya isə belə cavab verilib: “Salam. Zəhmət olmasa bu linkdən müraciət edin: http://narimanov-ih.gov.az/feedback.html”.

Qeyd edək ki, iddialara görə, “Bakı Tikinti Kosntruksiya” QSC-nin ərazisində heç bir rəsmi dövlət orqanı tərəfindən razılaşdırılmadan qeyri-qanuni soyuducu anbarlar tikdirilib. Bu azmış kimi, sözügedən anbarlar sahibkarlara yüksək məbləğdə icarəyə verilir. İcarədən yığılan vəsaitin çox cüzi hissəsi isə vergi və digər dövlət rüsumlarına yönəldirilir.
Ərazidə yerləşən anbarlar, üstəlik buradan yığılan icarə haqqı qeyri-qanunidir, rəsmi bəyan olunan hissəsi çox cuzidir və realıqdan fərqlənir.
Nəticədə bu BTK-nın gəlirlərin gizlədilməsinə, birbaşa vergi və digər dövlət rüsumlarının ödənişlərindən yayındırılmasına gətirib çıxarır.
Məlumata görə, bir il öncə ərazidə növbəti qeyri-qanuni tikinti aparılıb. Nərimanov rayon İcra Hakimiyyəti və Əmlak Məsələləri üzrə Dövlət Xidməti tərəfindən tikinti işləri dayandırılıb. Hətta tikinti işləri sonuncu dəfə polisin müdaxiləsindən sonra dayandırılıb.

Məlumat verən mənbə qeyd edir ki, bu ilin sentyabr ayından başlayaraq, FHN-nin və digər dövlət qurumlarının rəsmi razılığı olmadan QSC-nin ərazisində yenidən qanunsuz əsaslı tikinti işləri davam etdirilib.
06.09.2002-ci ildə yaradılan, nizamnamə kapitalı 205092 manat olan, Nərimanov rayonu, Dərnəgül S/Zonası, 507-ci küçə, ev 2096-da qeydiyyatda olan “Bakı Tikinti Kosntruksiya” QSC-nin hər hansı bir veb-saytı, ünvanı və əlaqə nömrəsi ictimaiyyətə təqdim edilməyib.

Qaynarinfo

Daxili İşlər Nazirliyinin Baş Dövlət Yol Polisi İdarəsi qarlı hava şəraitində yolların buz bağlamasını diqqətdə saxlayaraq, hərəkət iştirakçılarına müraciət edib.

Bu barədə açıqlamasında BDYPİ-nin rəsmisi, polis mayoru Rövşən Tağıyev məlumat verib.
O ötən gündən başlayaraq paytaxtda və respublikanın bəzi bölgələrində qeyri-sabit hava şəraiti ilə bağlı bütün hərəkət iştirakçılarına yollarda diqqətli olmalarını tövsiyə edirik.

Piyadalar paytaxt ərazisində sürüşkən mərmər səkilərdə hərəkət edərkən diqqətli olsunlar. Yollarda avtomobilin olmadığından tam əmin olduqdan sonra yolu qarşıdan-qarşıya keçsinlər.

Valideynlərdən xahiş edirik, övladlarını nəzarətsiz qoymasınlar, uşaqların avtomobil yollarında və ya yol kənarlarında qarla oynamalarına, eləcə də yollarda sürüşmələrinə icazə verməsinlər.

Uşaqların əyləncələrini təhlükəsiz hesab olunan parklarda və yaşayış binalarının qarşısında salınan istirahət zonalarında təşkil etsinlər.

Nəzərə almaq lazımdır ki, belə havalarda tormuzlama zamanı avtomobilin yolda sürüşmə ehtimalı var və bu, hansısa bir bədbəxt hadisənin baş verməsinə səbəb ola bilər.

Mingəçevir şəhər sakini Azayeva Xətayə Əliağa qızı ünvanlı sosial yardım ala bilmir.

O, bu barədə Yeniavaz.com-a müraciətində bildirib.

X.Azayevanın sözlərinə görə, dəfələrlə Əmək və Əhalinin Sosial Müdafiəsi Nazirliyinə müraciət etsə də, rədd cavabı alıb.

Ona deyilib ki, həyat yoldaşı da işlədiyi təqdirdə ünvanlı dövlət sosial yardım təyin oluna bilər. Ailədə iki məktəbli, 12-13 yaşlı qız uşaqları böyüyür.
2 uşaq anası Xətayə deyib ki, həyat yoldaşı xəstədir. Onlar əvvəllər sosial yardım alıblar. Həyat yoldaşı “DOST İş Mərkəzi” MMC tərəfindən işlə təmin olunub. Lakin həmin iş də iki ay çəkib. Ona görə onların sosial yardımı da dayandırılıb.

Məsələ ilə bağlı Dövlət Sosial Müdafiə Fondunun rəsmisi Rəşad Mehdili Yeniavaz.com-a açıqlama verib:

“Mingəçevir şəhər sakini Xətayə Azayevanın ünvanlı sosial yardımla bağlı 24.05.2020-ci il tarixli müraciətinə əsasən ailəyə 270,35 manat məbləğində yardım təyin edilərək ödənilib. Bundan sonra ailənin ünvanlı sosial yardımla bağlı müraciəti elektron sistemə daxil olmayıb. Ailənin ərizə-bəyannamədə qeyd etdiyi telefon nömrəsi ilə əlaqə yaradılıb. Telefon zənginə cavab verən Xətayə Azayevanın həyat yoldaşı Vasif Azayevə ailənin ünvanlı sosial yardım hüququnun yoxlanması üçün suallar verilib. Məlum olub ki, ailə ikisi uşaq olmaqla 4 nəfərdən ibarətdir. Vasif Azayev əmək qabiliyyətli olsa da, işsizdir. Bu səbəbdən ailənin sosial yardım hüququnun yaranmadığı, Vasif Azayevin işlə təmin olunduqdan sonra sosial yardım üçün elektron qaydada müraciət etməsi tövsiyə olunub”.Yeniavaz.com

Vergi dövlətin ən əsas sütun dayaqlarından biridir. Vergi təminatı əsas dövlət orqanı olaraq dövlət büdcəsinə gəlir gətirən, eyni zamanda dövlət büdcəsindən maliyyələşən orqandır. Vergi ödəyicilərinin məsuliyyəti hətta cinayət məcəlləsində müqafiq cəzayla tövsif olunur. Dəyərindən, mislindən, miqdarından asılı olmayaraq gəlir əldə edən hüquqi və fiziki şəxs dövlətin təyin etdiyi vergini ödəməlidir.

Qeyd edək ki, hər hansı bir sahibkarlıqla, iri və ya kiçik bizneslə məşğul olan sahibkar, qeydiyyata düşüb maaş alan hər işçi, qulluqçu da avtomatik vergi ödəyicisinə çevrilir. Vergi qurumlarının, orqanlarının əsas mahiyyəti, məsuliyyəti və vəzifəsi vergi ödəməsinə nəzarət etmək, onları vergiyə cəlb etmək, lazım olduqda vergidən yayınıb dövlət büdcəsinə zərər vuran işbaz sahibkarların cinayət məsuliyyətinə cəlb olunmasına cavabdeh olmaqdır.

Vergi orqanlarında çalışan hər kəs yaxşı bilir ki, vəzifəsindən süi istifadə etmək sonda onların özünə qarşı cinayət işinin açılmasına səbəb ola bilər. Odur ki, hər rayon, qəsəbə, bəzi yerlərdə kənd üzrə vergi işçiləri yoxlama məqsədilə müxtəlif istiqamətlərdə reydlər keçirir. Dövlət başçısl İlham Əliyevin şəxsən nəzarətində olan bu qurumun işində hər hansı bir nöqsan, yeyinti olarsa bu bir başa dövlət əmlakını qəsdən talama, mənimsəmə kimi qəbul edilir.

Bu isə ağır cinayət tərkibinə aid bir əməl hesab olunur...

Ayrı-ayrıllqda hər birimiz açıq gözlü olmalı, hər birimiz dövlət vergisinin ictimai nəzarətçisi olmalıyıq...

Bu gün respublikamızda vergiyə nəzarəti gücləndirmək üçün ƏDV ödənişlərinin vətəndaşlara-müştərilərə qaytarılması əməliyyatı da məhz vergiyə nəzarəti gücləndirmək məqsədi daşıyır. Lakin əfsuslar olsun ki, bu gün bir çox dələduz işbazlar öz kommersiya fəaliyyətlərindən mənimsədikləri yüz minlərlə qiyməti olan gəlirin vergisini dövlətdən gizlədir, vergi verməkdən yayınırlar. Bu da yuxarıda qeyd etdiyim kimi dövlət əmlakını qəsdən mənimsəmə deməkdir.

Hətta 1 manat kassa çeki təqdim olunmadan satılan məhsula, müştərinin əlində tutulan məhsula görə hüquqi şəxs cərimə olunur. Bəs, görəsən bu gün restoran sahiblərinin vergidən yayınmasına kim səbəb olur?! Cinayət məcəlləsində onları-restoran müdürlərini və havadarlarını hansı cəza gözləyir?! Bu gün sizə restoranlar şəbəkəsi-TƏBRİK, MÜBARƏK, BADİ-KUBƏ adı altında fəaliyyət göstərən 3 restoran haqqında və burda baş verən qanun pozuntuları haqda açıqlama vermək istəyirəm.

Ən birinci açıqlamam restoranlar şəbəkəsinin dövlət vergisindən yayınması haqdadı. Beləki, elə öz dilləriylə desək "kalendar" işləyən, yəni hər gün sifarişi olan restoranlar şəbəkəsinə aid restoranlardan heç birində vətəndaşlara kassa çeki təqdim olunmur. Pullar nağd qəbul olunur. Görəsən, onlara VERGİ KRIŞALIĞInı kim edir. Etmir deməyin. Çünki, adi bir məhlə dükanında 50 qəpiklik tum üçün verilməyən çekə görə müəyyən cərimələr tətbiq olunur.

Bəs, restoranlar şəbəkəsinin şefi məşhur Hacı ləqəbli iş adamı kimə arxalanıb 3 restoranı vergidən yayınmaqla işlədir, dövlət büdcəsinə hər ay kifayət qədər yetərli ziyan vurur. Məgər qanun ona və işlətdiyi restoranlara aid deyil? Kimdi Hacının mənafeyini dövlət mənafeyindən yüksək tutan? Niyə bu işbazların özbaşınalıqlarına göz yumulur?! Onsuz da restoranlarında müştərilərin başına oyun açırlar, özbaşınalığın həddi-hüdudu yoxdu.

Köhnə yeməklər, yarıtmaz xidmət, qeyri-peşəkar personal və daha nələr nələr...

Bir az da xidmət haqda açıqlama vermək istəyirəm. Tamada, müğənni xidməti yerinə yetirən ikisi birində xidməti müştərini aldatmağın bir növüdür. Tamada olaraq 2 cümləni ard-arda söyləyə bilməyən bu şəxsin xidməti də restoran xidmətində qiymətə daxildir. Amma və lakin adı olub keyfiyyəti sıfır olan bir xidmət. Çəkiliş xidməti də başqa problemdir.

Çəkiliş adi telefon çəkilişi səviyyəsindən aşağı olan bir keyfiyyətdə çəkilir və montajsız müştəriyə təqdim olunur. Və müştəri bütün bu şikayətlərini Hacının bir neçə əlaltı işçilərinə deməkdən başqa adam tapmır. Dövlət büdcəsinə vergidən yayınmaqla hər il küllü miqdarda ziyan vurmaqla qazanc əldə edən Hacı görünməz zirehlə əhatələnir. Əfsuslar olsun ki, günü bu günə qədər Hacının restoranlar şəbəkəsi vergidən yayınaraq fəaliyyətini davam etdirir. Vergi orqanları hara baxır?

"Azərbaycan Reallığı" yazıda adı çəkilən hər kəsin mövqeyini tanıyır.

AZƏRBAYCANREALLIĞI.COM

61 saylı Neftçala seçki dairəsinin sədri Zaur Kərimov haqda bu günlərdə məlumat dərc etmişdik. Dairə sədrinin oğlunun qalmaqalı yer alan həmin məlumatdan sonra redaksiyamıza Neftçala rayonunun bir qrup fermeri tərəfindən məktub daxil olub. Reportyor.info-ya müraciət edən fermerlər Z.Kərimovun dairə sədri olmasına baхmayaraq əsl torpaq bazarı açdığını bildirirlər. Müraciətdə bununla bağlı konkret faktlar yer alıb:”Həsənabad qəsəbə sakini İsayev Asif Əmiraslan oğlu ilə iş birliyinə girərək, rayonun müxtəlif ərazilərində ona torpaq sahələri verib gəlirin on faizinə şərik olub.
Ötən il Kürağzı dövlət fond torpağında, dənizin qorunma zolağında Ələkbərov Sərvər Sərdar oğluna hektarı 70 manatdan olmaqla 250 hektar torpaq satıb. Halbu ki, həmin ərazidə Zaur Kərimovla anlaşmadığı üçün İsbat Bayramov adlı fermer haqda inzibati tədbir görülmüşdü. Bu il isə, N saylı hərbi hissənin ərazisini şumlatıraraq əkin sahəsi kimi satmaq istəyir. Torpağın icarə müqaviləsi bitən fermerlərdən 1500 manat pul alaraq torpağın qanunsuz istifadəsinə şərait yaradır. Belə fermerlərdən biri rayonun Boyat kənd sakini Z. Kərimovla bu yaxınlarda eyni qiymətə anlaşıb. Lerik obasında Tofiq adlı şəxsin əli ilə fermerlərdən qanunsuz olaraq xərac yığır. Xol qəsəbəsində isə eyni işi Z. Kərimovun Vüsal adlı adamı görür. Birinci Mayak ərazisində Rəsul adlı şəxs Zaurla anlaşaraq 300 hektar ərazini əkir. Həmin ərazinin bələdiyyə sədri Nağıyev İmamnəzər Z. Kərimovun maxinasiya ortağıdır”.
Rayon fermerlərinin sözlərinə görə Zaur Kərimov torpaq bazarlıqlarını açıq aşkar DSK binasında aparır və bütün fəaliyyətini icra başçısı ilə razılaşdırdığını bildirir. Onu məntəqələr formalaşarkən topladığı pullar və DSK üçün büdcədən ayrılan vəsaitlərlə bağlı əməliyyatlarını növbəti yazımızda dərc edəcəyik. //Reportyor.info//

Məşhur "Bəxtiyar" filmindəki populyar səhnələrdən biri Bakıda yaşanılıb desək, yanılmarıq. DİA.AZ bildirir ki, bu barədə Cavid Gözəlov adlı musiqiçi "Mənim Şikayətim Var" sosial qrupundakı paylaşımında giley edib.

Narazı vətəndaş yazır: " Mən gitara və vokal ifaçısıyam. 31 dekabr 2022-ci ildə Zabitlər parkında yerləşən Xarı-bülbül adlı restoranda bir neçə saat çıxış etdim və mənə haqqım ödənilmədi. Ödənişi kart vasitəsilə 1-2 saat sonra edəcəklərini bildirdilər. Yol pulum belə yoxdur desəm də, mənə heç bir ödəniş olunmadı. Bayram günü gecə saat 4-ə kimi evə gedib çıxa bilmədim. 3-4 gün ard-arda zəng etsəm də, “göndərəcəyik” deyib dəstəyi asdılar. Polis qohumuma müraciət etdim, həll edəcəm desə də, heç nə etmədi. Kimə, hara müraciət edim, bilmirəm. Dəstəyinizə ehtiyacım var".

Məsələ ilə bağlı dia.az olaraq bütün maraqlı tərəfləri dinləməyə hazırıq...

Azərbaycan hüquq-mühafizə orqanları durmadan, gecə-gündüz narkomaniyaya qarşı mübarizə apardıqları, Azərbaycan gəncliyini pis vərdişlərdən uzaq tutmağa çalışdıqları bir dönəmdə, təəssüflər olsun ki, əsasən gənc nəsilin yaşam tərzin pozan oyunların şahidi oluruq, söhbət "Mostbet” və "1xbet" kimi tanınan, gənc və digər yaş kategoriya insanlarını öz əsarətində saxlayan online qumar oyunundan gedir. sözü gedən adlı şirkətlərin fəaliyyəti ilk baxışdan sadə görünsədə, ancaq çox incəliklə işləyən qumar şirkəti, fırıldaq mexanizmi üzərində qurulub.

Azərbaycan ərazisində rəsmi qediyyatı olmadan fəaliyyət göstərirlər, vergi ödəməmək üçün Cəbəllütariq, Cənubi Kipr, Kuraçao kimi ölkələrdə, ofşor zonalarda saxta, yəni əslində ofisi, işçisi, avadanlığı olmayan, amma kağız üzərində mövcud olan qumar şirkəti kimi tanınan bu mərc oyunları ölkəmizdə insanlara xeyirdən başqa, istənilən zərəri vurmaqla fəaliyyətini durmadan davam edir.

Beləliklə, lisenziyasız və vergi ödəmədən çalışan “Mostbet” və "1xbet bukmeker kontorları qeyri-leqal, qanunsuz mərc oyunları təşkil etməklə, külli miqdarda ölkəmizdə pullar qazanır. şirkətin yaradıcıları Rusiya vətəndaşlığı ilə yanaşı, Kipr vətəndaşlığına da malikdirlər və hazırda beynəlxalq axtarışdadırlar.

Azərbaycanın dövlət büdcəsinə qara qəpik də xeyir verməyən bu kimi online qumar şirkətləri, konkret oyunlar üçün əmsalları ölkəmizdəki qanuni mərc operatorları ilə müqayisədə bir qədər yüksəltdir. Maraqlıdır görəsən beynəlxalq axtarışda olan, bu dırnağ arası şirkətlərin Azərbaycanda belə rahat şekildə fəaliyyət göstərib, Azərbaycan gəncliyinin zəhərləməsinə və insanların evini, malını-mülkünü satıb bu qumar oyunlara qoymaqda, səbəbkarlar hansı qüvvələrdir.

Azərbaycanda çox izləyicisi olan hansı xəbər saytını açsan, bu qumarbazların reklamına rast gəlmək olar! Düzdür, bunun da arxasında hansısa iş baz, fırıldaq dayanır. Konkret nümunə əsasında göstərək. Məsələn, istifadəçiyə 100 manat “xoş gəldin” bonusu verirlər. Amma o bonusun 10 qat artığını almadan vermirlər. Yəni, 100 manat bonus almaq istəyən adam, 1000 manat yatırmalıdı.

Ulu öndər Heydər Əliyevin ölkə başçısı olduğu dönəmdən Azərbaycanda faliyyət göstərən qumarxanalara, kazinolara qarşı çox ciddi ölçü götürülüb və onların fəaliyyətinə sərt şekildə qadağa qoyulub. Ölkədə qara pullar üzərindən fəaliyyət göstərən Mosbet, 1xbet və digərləri Azərbaycandan idarə olunan, müxtəlif cür oyunlar təşkil edərək onlayın şekildə çox rahat faliyyət göstərən bu şirkətlər dözülməz səviyyədə fəaliyyətlərini davam etdirirlər.

Bir məqamıda araşdırıb üzə çıxardıq ki, bu cür oyunları sərbəst şekildə reklam edən xəbər saytları, barəsində niyə elektron təhlükəsizlik nazirliyi ciddi ölçü götürüb və həmin xəbər portallarını bloklamır? Bu saytları rahat şekildə bloklamaq onların səlahiyyətindədir, ölkənin aparıcı saytları bu cür qanunsuz qumar oyunlarını reklam etməklə cinayətə şərik olurlar.

Bu ölkədə böyük həcmdə baş verən dələduzluqdur, ölkənin pulları bu qumar oyunları vasitəsiylə hara getdiyidə məlum deyil. Çox təəssüflər olsun ki, əlaqədar dövlət qurumlarıda buna göz yumur, amma inanırıq ki, hüquq-mühafizə orqanları araşdırma aparıb, məsələ haqqında ciddi ölçü götürəcək.

"Azərbaycan Reallığı" sözügedən məsələ ilə bağlı bir neçə hüquq-mühafizə orqanlarına sorğu göndərdi və sorğumuza dərhal cavab olaraq bildirildi ki, yaxın zamanlar məsələ araşdırılaraq aidiyyatı üzrə sizə cavab veriləcək. Bu işlə məşgul olan aidiyyatı şəxslər və şirkətin fəaliyyətinin reklam olunmasında köməklik göstərək şəxslər də məsuliyyətə cəlb olunacaqları bildirildi.

Biz Azərbaycan dövlətinin keşiyində dayanan, xalqına daim təmənnasız xidmət göstərən Daxili İşlər Nazirliyinə, Dövlət Təhlükəsizlik Xidmətinə, Baş Prokurorluğa və digər dövlət qurumlarına böyük rəgbət bəsləyirik, inanırıq ki, qısa zaman, narkomaniyaya qarşı necə mübarizə aparırlarsa, əsasəndə gənc nəsili məhv edən "Mosbet" və "1xbet" kimi qanunsuz mərc oyunlarını təşkil edənlərə qarşıda mübarizə apararaq, bu və bu kimi zərərli vərdişləri təbliğ edənləri tapıb, tez bir zamanda məsuliyyətə cəlb edəcəklər."Azərbaycan Reallığı"