Azərbaycan Respublikas Ədliyyə Nazirliyi Penitensiar Xidmətinin 6 saylı Cəzaçəkmə Müəssisəsi avadanlıqların satınalınması üzrə keçirmiş oluğu açıq tenderi tamamlayıb və dövlət satınalmalarının vahid intenet portalına 17.08.2023-cü il tarixdə yerləşdirilmiş məlumata görə “NUR TƏCHİZAT VƏ XİDMƏT” Məhdud Məsuliyyətli Cəmiyyəti ilə 102.717,41 manat məbləğində satınalma müqaviləsi bağlamağı planlaşdırır.Açıq tenderin şərtlərinə görə MMC dövlət müəssisəsinə göstərilən məbləğin dəyərində laminad , faner, taxta, qırmızı şam, quru, metal boru, pvs yapışqanı, mebel şurupu, Mismar və s. kimi materiallar alacaq.

Satınalma müqaviləsinin maraqlı tərəfi “NUR TƏCHİZAT VƏ XİDMƏT” MMC-nin cəmi bir neçə ay əvvəl yaradılmasındadır. Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “NUR TƏCHİZAT VƏ XİDMƏT” Məhdud Məsuliyyətli Cəmiyyətinin 05.05.2023-cü il tarixdə Bakı şəhəri Kiçik Sahibkarlıqla İş üzrə Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı cəmi 2 manat olan MMC-nin hüquqi ünvanının BAKI ŞƏHƏRİ SURAXANI RAYONU, HÖVSAN ŞTQ, MUĞAN, ev 7, GİRİŞ 72, MƏRTƏBƏ 1, m. 4, qanuni təmsilçisi kimi isə Yusifzadə Nərmin Tahir qızı qeyd olunub.

Qeyd edək ki, 6 saylı Cəzaçəkmə Müəssisəsini tərəfindən keçirilən açıq tender müsabiqəsinin şərtlər toplusunda başlanma tarixi 12.07.2023-cü ilə, zərflərin açılış tarixi isə 11.08.2023-cü il tarixə müəyyən edilib. “NUR TƏCHİZAT VƏ XİDMƏT” Məhdud Məsuliyyətli Cəmiyyəti isə 05.05.2023-cü il tarixində, yəni müsabiqənin başlanılmasından 3 ay əvvəl dövlət qeydiyyatına alınib.

Daha bir maraqlı məqam isə sözügedən MMC-nin qanuni təmsilçisi ilə bağlıdır. Apardığımız araşdırmalar zamanı məlum oldu ki, Ədliyyə Nazirliyi Penitensiar Xidməti “NUR TƏCHİZAT VƏ XİDMƏT” MMC-nin qanuni təmsilçisi Yusifzadə Nərmin Tahir qızının adına olan başqa bir MMC- ilə də işbirliyində olub. Belə ki, Penitensiar Xidmətinin 12 saylı Cəzaçəkmə Müəssisəsi 2021-ci il noyabr ayının 14-də yumşaq inventarların satınalınması üzrə keçirdiyi kotirovka sorğusunda “NUR GENERAL SUPPLIER” Məhdud Məsuliyyətli Cəmiyyətini qalib seçib. Kotirovka sorğusunun şərtlərinə görə MMC dövlət müəssisəsinə 33 405.4 manat dəyərində parça, sap, ipək sap, pambıq kimi materiallar alıb.
Kommersiya qurumunun hüquqi şəxslərin dövlət reyestrinə daxil edilmiş məlumatlarında “NUR GENERAL SUPPLIER” Məhdud Məsuliyyətli Cəmiyyətinin 13.10.2022-ci il tarixdə İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının BAKI ŞƏHƏRİ SURAXANI RAYONU, HÖVSAN ŞTQ, MUĞAN, ev 7, GİRİŞ 72, MƏRTƏBƏ 1, m. 4, qanuni təmsilçisi kimi isə Yusifzadə Nərmin Tahir qızı qeyd olunub.

Qeyd edək ki, Penitensiar Xidmətin hər iki Cəzaçəkmə Müəssisəsi satınalmalarda ciddi qanun pozuntularına yol vermişlər. Göründüyü kimi bir nəfərin adına olan hər iki MMC tender müsabiqəsinin başlanılmasından yaxın bir vaxtda dövlət qeydiyyatına alınıb. Bu da Penitensiar Xidmətin Cəzaçəkmə Müəssisəsləri tərəfindən keçirilmiş satınalmalarda “Dövlət Satınalmaları Haqqında” Azərbaycan Respublikası Qanununun tələbləri kobud şəkildə pozulması deməkdir. Belə ki, hər iki müəssisə satınalmaların təşkili zamanı müqavilə bağladığı MMC-lərin müvafiq sahədə peşəkarlığın, təcrübənin, texniki və maliyyə imkanlarının, işçi qüvvəsinin, idarəetmə səriştəsinin, etibarlığının olması nəzərə alınmamışdır.

Bəs bir xanımın adına yaradılmış iki MMC-nin məhz Ədliyyə Nazirliyi Penitensiar Xidmətinə tabeli müəssisələrinin qalibi olması hansı şübhələrdən xəbər verir?

Dövlət satınalmalarının vahid internet portalında yerləşdirilmiş bu məlumatlardan da görsəndiyi kimi Ədliyyə Nazirliyinin Penitensiar Xidmətinin məsul vəzifəli şəxsləri ilə “NUR TƏCHİZAT VƏ XİDMƏT” və “NUR GENERAL SUPPLIER” Məhdud Məsuliyyətli Cəmiyyətlərinin qanuni təmsilçisi Yusifzadə Nərmin Tahir qızının arasında gizli bir bağlantı olması heç şübhəsizdir. Məmurların yaxın adamlarının, qeyri-müəyyən şəxslərin adına yaradılmış MMC-lər vasitəsi ilə tender prosedurlarının saxtalaşdırılması halları barədə sosial şəbəkə və elektron media resusrslarında demək olar ki, kifayət qədər geniş məlumatlar var. Yusifzadə Nərmin Tahir qızının adına otkat üçün yaradılmış bu MMC-lər onlardan biridir.

Aktualinfo.org

Azərbaycan Respublikasının Prezidenti İlham Əliyevin rəhbərliyi ilə ölkəmizdə həyata keçirilən dayanıqlı sosial-iqtisadi inkişaf kursunun başlıca prioritetlərindən biri kimi əhalinin sağlamlığının qorunması, qida təhlükəsizliyinin təmin edilməsi və bu növ məhsulların təhlükəsizliyinə nəzarət sisteminin səmərəliliyinin daha da artırılması istiqamətində reallaşdırılan ardıcıl və məqsədyönlü tədbirlər davam etdirilməkdədir.
Lakin bəzi hallarda ayrı-ayrı fiziki və hüquqi şəxslər tərəfindən şəffaf prosedurlar əsasında sahibkarlığın inkişafına göstərilən dövlət dəstəyindən sui-istifadə edilməklə qida təhlükəsizliyi qaydalarının pozulması hallarına yol verilir ki, belə hallara qarşı ən ciddi mübarizə tədbirləri görülməkdədir.
Amma və lakin biz çox hallarda ölkədə sahibkarlara yaradılmış münbüt şəraitdən sui-istifadə edən işbazlarda olur. Kİ, onlar da bu əlverişli şəraitdən yararlanaraq özlərini cəmiyyətə “sahibkar iş adamı” kimi təqdim etməklə, sahibkarlığın inkişafına göstərilən dövlət dəstəyinə kölgə salır, “fəaliyyətlərində” daha çox insanların həyat və sağlamlığını təhlükə altına alırlar.
Bu günlərdə əldə etdiyimiz məlumatlarda bildirilir ki, qanunsuz sahibkarlıq fəaliyyəti ilə məşğul olan, insanların həyat və sağlamlığının qəsdinə duran şəxslərdən biri də Qərib Qarayev adlı şəxsdir. O, Binəqədi rayon, “Gənclər şəhərciyi”nin yaxınlığında avtoyuma məntəqələrinin arxasında yerləşən tikilidə profil üzrə xüsusi avadanlıqla təchiz edilməyən qanunsuz kəsim sexinin sahibidir. Qərib Qarayevin işlətdiyi həmin sexdə normativ aktların tələblərinə və sanitar-gigiyenik qaydalara cavab verməyən şəraitdə toyuqların kəsimi, “təmizlənməsi” həyata keçirilir ki, bu da insanların həyat və sağlamlığını risk altına qoyur.
Məlumatlara görə, Q. Qarayev Binəqədi rayon “Gənclər şəhərciyi”ndə cücə kəsim ndə mənşəyi məlum olmayan toyuqları alır, onların kəsimini və “təmizlənməsini” təşkil edir.
RealMedia.az-ın bu xüsusda əldə etdiyi etdiyi məlumatlarda vurğulanır ki, qanunsuz sahibkarlıq fəaliyyəti ilə məğul olan Qərib Qarayev Abşeron rayonu, Aşağı Güzdək qəsəbəsində yerləşən “Abşeron Broyler” quşçuluq müəssisəsinin inkubatorçusu İlkin adlı şəxslə heç bir müqavilə bağlamadan inkubatoru icarəyə götürüb. Məlumat üçün qeyd edək ki, burada inkubator yolu ilə sort toyuq cücələri (serebrist) yetişdirilir və satılır. Və hacı olduğunu deməsinə baxmayaraq ağzı söyüşlə açılan Qərib Qarayev mala haram qatır, necə: Yumurtadan çıxmış cücələri rayonlardan müştərilər sifariş verib alır, özləri bəsləyib satmağı hədəfləyirlər. Qərib Qarayev isə onlara gümüşü toyuğun deyil, kənd toyuqlarının yumurtalarından çıxmış cücələri verir. Bu cücələr isə serebristlərlə müqayisədə cır olurlar və bəslənildikdə gözlənilən çəkini vermir, çox vaxt da tələf olurlar. Qərib Qarayev qarşıya çıxa biləcək mümkün mübahisələrdə uduzmağı önləmək üçün müştərilərdən pulu qabaqcadan alır, yarısını sifariş qəbul edəndə, yarısını isə cücələri təhvil verəndə. Cücələrin sonrakı aqibəti isə onu maraqlandırmır. Əlbəttə ki, bundan sonra müştəriyə cücələri istədiyi çəkini əldə etməsi üçün azından 45 gün vaxt lazımdır. Belə olan halda da müştəri 45 gün ərzində cücələrin qayğısını çəkməli, onları yemləməlidir ki, istədiyi çəkini ala bilsin. Əgər müştərinin Qərib Qarayevdən sifariş verib aldığı cücələrin yumurtası sort deyilsə, başqa cır sortdursa, deməli müştərinin çəkdiyi xərc və əziyyətdə heyif olur. Ən vacib məsələ isə müştəri çəkdiyi xərci belə götürə bilmir.
İndi gəlin görək, Qərib Qarayev müştərilərin başına hansı oyunları gətirir…
Yuxarıdada qeyd etdiyimiz kimi, “hacı” Qərib müştəriləri aldadaraq onlara gümüşü toyuğun deyil, kənd toyuqlarının yumurtalarından çıxmış cücələri verir. Bu cücələr isə serebristlərlə müqayisədə cır olurlar və bəslənildikdə gözlənilən çəkini vermir, çox vaxt da tələf olurlar.
Bundan sonra görün “hacı” Qərib neyləyir…
Qərib Qarayev müştəriləri aldadaraq sort cücə (serebrist)adı ilə satdığı cücələri 45 gündən sonra, müştərilərdən ucuz qiymətə geri alır. Binəqədi rayon, “Gənclər şəhərciyi”nin yaxınlığında icarəyə götürdüyü avtoyuma məntəqələrinin arxasında yerləşən qanunsuz kəsim sexində kəsir, “təmizləyir” marketlərə satır.

RealMedia.az-ın redaksiyasına müraciət edən Beyləqan rayon sakini Məmmədov Cavid Sahib oğlu belə bir problemlərlə üzləşdiyini deyir. O, bildirir ki, sözügedən sexdən birini 65 qəpikdən 8600 ədəd cücə götürüb və ümumilikdə 5590 (beş min beş yüz doxsan) manat pul ödəyib. Sonra da cücələri bəsləməyə – yemə və dərmana xeyli pul xərcləyib. Hal-hazırda 80 günlük olan cücələrdən sağ qalanları arzuolunan çəkidən xeyli yüngüldür deyə satılmır. Cavid Məmmədov deyir ki, onun kimi aladadılan başqa adamlar da var. Sexə gedib irad bildirən, cücələri geri qaytarmaq istəyən müştərilərin qarşısına isə işçilər sırasından Amalya adlı qadını qabağa verirlər. O isə şər-böhtan dili ilə danışır, sonra da polis çağırırlar. Qərib Qarayev ən yaxşı halda satdığı cücələri çox ucuz qiymətə geri alaraq kəsib marketlərə satır.
Həmçinin bildirilir ki, sözügedən sexdə əmək müqaviləsi bağlanılmadan, qeyri-leqal cəlb olunan işçilər var. Toyuqların kəsimi antisanitariya şəraitində həyata keçirilir. Sexin özünün demək olar xəlvət yerdə yerləşməsi onun sahibinin heç də nümunəvi vergi ödəyicisi olmadığını və qanunsuz sahibkarlıq vəaliyyəti ilə məşğul olmasının göstəricisidir.
Hesab edirik ki, Qida Təhlükəsizliyi Agentliyi ən təcili şəkildə Qərib Qarayevin işlətdiyi emal sexində yoxlama aparmalı, qanunsuzluq hallarını tam və hərtərəfli araşdırmalı, sexdəki serebris toyuq, broyler toyuq və toyuq içalatında ümumi mikrob sayının normativ tələblərlə müəyyən edilmiş məqbul səviyyəyə uyğun olub-olmadığını, həmçinin patogen mikroorqanizmlərin, bağırsaq çöpü qrupu bakteriyalarının olub-olmadığını müəyyənləşdirməlidir.
Hüquq-mühafizə orqanları qeyd olunan qanunsuz halların tam və hərtərəfli araşdırılmaqla təqsirli şəxslərin dairəsinin müəyyənləşdirilərək məsuliyyətə cəlb edilmələri, habelə vurulmuş ziyanın ödənilməsinin təmin edilməsi istiqamətində zəruri istintaq-əməliyyat tədbirləri həyata keçirməlidir.
RealMedia.az

Bir müddət əvvəl DİA.AZ olaraq "Müştərinin Səsi" sosial qrupunda LALAFO alqı-satqı saytından şikayət edən Emin Əliyev adlı istifadəçinin gileyini təqdim etmişdik. Şikayətçi iddia edirdi ki, onun bank kartına giriş əldə edən LALAFO istədiyi vaxt pulunu mənimsəyir.

Narazı vətəndaşın gileyini təkrar diqqətinizə təqdim edirik: ""Şikayətim LALAFO.AZ alqı-satqı saytındandır. Belə ki, bir müddət əvvəl icarə verdiyim obyektin şəklini və bir sıra məlumatlarını yazaraq həmin saytda yerləşdirdim. Daha sonra obyekti təklif olunan reklam xidmətlərindən istifadə edərək 5 manatlıq pullu reklama qoydum. Bir müddət sonra telefonumla bank hesabıma girərkən gördüm ki, Lalafo hər 3 gündən bir məndən 5 manat tutub reklama görə. Halbuki mən birdəfəlik 5 manatlıq reklam qoymuşdum. Bununla əlaqəli Lalafofonun texniki şöbəsi ilə əlaqə yaratdıqda mənə nə desələr yaxşıdır?

Deyirlər ki, siz pul kisənizi doldurduğunuz zaman avtoyükləməni söndürməmisiniz. Beləliklə də bir neçə gündən bir reklama qoyduğum pul məbləği qədər pul çıxılıb.
Ümumiyyətlə avtoyükləmə niyə yanılıdır (aktiv) sualına isə bildirdilər ki, bu hamıda yanılıdır .
Yəni deyirlər ki kütləvi formada hamının xəbərləri olmadan ciblərinə giririk.
Təsəvvür edin siz reklam üçün 5 manatlıq ödəniş edirsiniz amma bilmirsiniz ki, bu ödənişi bir dəfə üçün etmirsiniz, hər 3 gündən bir bu qədər ödəniş sizdən tutulacaq. Çunki ödəniş edərəkən buna dair hər hansı bir məlumat səhifədə gözə dəymir. Gərək başqa bir səhifəyə daxil olub avtoyükləmə adlı bu funksiyanı söndürüb, ödəniş edəsiniz.
LALAFO.AZ bununla da Reklam Haqqında Qanunun həmçinin AZ Mülki Məcəlləsinin müqavilə hüququndan əmələ gələn maddələrinin tələblərini pozur. Belə ki, bir şəxs hər hansı bir şeyə dair (xidmətə, məhsula ) ödəniş edərkən həmin xidmətə dair məlumatlar tam formada eyni pəncərədə müştəriyə çatdırılmalıdır.
Belə çıxır ki, mən 5 yox 150 manatlıq reklam xidmətindən istifadə etsəydim yenidən 150 manat məbləğində pul məndən xəbərim olmadan hər üç gündən bir çıxılacaqdı.
Burdan bu saytdan isitfadə edən bütün müştəriləri reklam xidmətlərindən istifadə edərkən ehtiyatlı olmağa çağırıram".

DİA.Az bildirir ki, aradan xeyli vaxtın keçməsinə baxmayaraq LALAFO nəinki müştərilərinə yaratdığı problemləri həll etməyə çalışmayıb, əksinə, köhnə qayda ilə fəaliyyətini davam etdiri ki, bunun da bir səbəbi var: CƏZASIQLIQ... Hər halda bir nəzarət edən... bir cəza verən olsaydı, LALAFO daha tədbirli olardı...

Bis isə DİA.AZ olaraq növbəti vətəndaş gileyini təqdim edirik...

"Şikayətim Var" sosiial qrupundakı paylaşımında Cavid Dadaşov adlı istifadəçi yazır:

"Peşmansan "Lalafo"da bir sadə elan yerləşdirəsən.... Dayanmadan guya ilin-ayın, həftənin "qalibi" seçilirsən.... Linke girən kimi kart məlumatların düşür onların elinə... Eləcə də "Lalafo"da elan qoyursan və kartınıi yazırsan...

Elan bitir. Vaxt ilə yerləşdirirsən.... Düşünürsən, 6 manatlıq elan yerləşdirdim, getdi... Bir də baxırsan kartindan bir həftə sonra pul çəkmək istəyib sayt. Özlərinə yazırsan, gözəl bəhanə gətirirlər: "avtomatikə qoymusuz... ehtiyatlı olun".

Məsələ ilə bağlı dia.az olaraq qarşı tərəfi də dinləməyə hazırıq...

Dünyanın hər yerində yüksək vəzifələrə təyinatların yanında məşhur 100 gün deyimi dayanır.

100 gün... Hər kəs, türklər demiş, mərakla gözləyir ki, görək bu məmur bu günlər ərzində hansı yenliklər edəcək, hansı müsbət addımlar atacaq.

Yəni, hər hansı bir vəzifəyə təyin olunan şəxs bu günlər ərzində sistemlə tanış olur, yeni işlərin tətbiqinə başlayır və "yol xəritəsi"ni hazırlayır. Üstəlik hər kəsin danışa biləcəyi çox ciddi müsbət addım atır.

Bundan sonra 100 günün hesabatı olur.

Çox təssüflər olsun ki, Azərbaycandakı məmurlar üçün bu 100 gün keçərli deyil və ümumiyyətlə, onlar bu barədə düşünmürlər. Üstəlik, təyin olunduqları postlarda yenilik yalnız məmurları dəyişmək olur. Köhnə rəhbərin adamını işdən çıxarıb, öz yaxın adamını gətirir, onu bura, bunu ora qoyub, adına deyirlər islahat. Bununla da məsələ bağlanır, işin fatihəsi oxunur. Bundan sonrakı mərhələdə isə, pul qazanmaq, villaların sayını artırmaq, xarici ölkələrdə şirkətlər açmaq və kef dövrü start götürür.

Dövlət Kömrük Komitəsində düz bir ilə yaxındır "islahat aparırıq" deyilirdi. Axır ki, o günlərdə bəlli oldu ki, kadr islahatı bitib, bütün şəxslər öz yerinə yerləşdirilib. Əslində elə də böyük kadr dəyişikliyi edilməyib. Aşağı-yuxarı 4-5 yüksək rütbəli məmur təyinatı edilib, yerdə qalanlar elə köhnələrdir, sadəcə yerləri dəyişib.

Gömrük Komitəsinin yeni rəhbəri Şahin Bağırov təyinatından düz 1 il 10 gün keçir amma, hələ də, Gömrük sistemində nəzərəçarpacaq heç bir dəyişiklik və irəliləyiş yoxdur.

Amma əsl problemlər hələ də qalmaqdadır. Dəyişən yalnız vəzifələrdəki adamlardır.

Gömrük Komitəsində qanunsuz fəaliyyət göstərən şirkətlər, bəyannamələrdə yüklərin az göstərilməsi, ƏDV fırıldağı, vergidən yayınma və daha böyük problemlər hələ də qalmaqdadır.

Yəni, görünən odur ki, Səfər Mehdiyevi sadəcə Şahin Bağırov əvəz edib. Hansı ki, Şahin Bağırovun təyinatı zamanı bu şəxsə böyük ümidlər bəslənirdi, etimadı doğruldacağı düşünülürdü. Bu gün isə bəlli olur ki, Şahin Bağırov Gömrük Komitəsinin işində elə də ciddi dəyişiklik edə bilməyib və sistemdə köhnə problemlər elə köhnə adamların təzələrlə birləşməsi nəticəsində davam etdirilir. Yenə qanunsuz şirkətlər fəaliyyətdədir və hər gün sayları artır, ƏDV oyunu bitmir, yüklərin bəyənnamədə az göstərilməsi ilə vergidən yayınma və sairə...

Ola bilsin ki, Bağırov gələcək illərdə nəsə edə bilsin. Amma bu bir az müəmmalı görünür.

Elə isə ortaya maraqlı suallar çıxır... Əcəba, Şahin Bağırova kimlər mane olur? Ümumiyyətlə, nədən Azərbaycan gömrüyündə vəziyyət tam standart sistemə keçmir? Niyə qanunsuz şirkətlərin fəaliyyəti birmanlı olaraq yasaqlanmır? Niyə dövlət büdcəsinə ziyan vururlar?

Bir sözlə, Şahin Bağırovun təyinatından 1 il ötsə də, Gömrük sistemində köhnə problemlər hələ də qalmaqdadır. //bizimxebr.az//

İşğaldan azad edilmiş ərazilərdə aparılan bərpa-quruculuq işlərinə, müasir tələblərə cavab verən infrastruktur layihələrin reallaşmasına dövlət büdcəsindən MİLYONLARLA vəsaitin xərcləndiyi bir vaxtda Yevlaxın icra başçısı isə əlavə israfçılığa yol verib.
Bu haqda Dünyanınsəsi.Az saytına Yevlax sakinləri tərəfindən videofakt göndəriblər.
Yevlax sakinləri qeyd edirlər ki, regionların sosial-iqtisadi inkişafı Dövlət Proqramına uyğun olaraq Yevlaxda aparılan abadlıq-quruculuq işləri çərçivəsində şəhərin mərkəz hissəsində yerləşən H.Əliyev prospekti yenidən qurulmuşdur.
Yəni 2009-2010-cu illərdə Ulu öndərin adına olan bu prospekt başdan-başa yollarına asfalt əvəzinə sabiq icra başçısı E.Vəliyev tərəfindən daşla örtük çəkilmişdir.Yenicə təyin edilən icra başçısı isə bu daş yol örtüyünü hazırda traktorlarla dağıtdırmaqla MİLYONLARLA büdcəmizdən xərclən vəsaitlər havaya uçurmğa qərar verib.Görəsən gənc icra bşçısı cənab Anar Tağıyev düşmən istilasından, belə demək mümkünsə tufanından, qasırğasından son nəfəsində qurtulmuş ərazilərin, hər tərəfdə dağılmış, viran qoyulmuş, xarabazara çevrilmiş kəndlərin, şəhərlərin bu gün dövlətimizin sayəsində gülüstana dönməsində eləcə də bərpa olunmasında israfçılığa yol verərkən nə düşündüyünün fərqindədirmi? Bu hal öz-özlüyündə Prezidentin “Böyük Qayıdış” siyasətinə zərbə deyilmi? Həm də onu qeyd edək ki, Yevlax rayonun əksər küçələrində görüləsi çoxlu işlər ola-ola yeni salınan yolun dağıtdırlması isə başa düşüləsi deyil..
Redaksiya olaraq maraqlı tərəflərin də mövqeyini dərc edə bilərik.
Daha ətraflı Videosüjetdə….

Əmək və əhalinin sosial müdafiəsi naziri Sahil Babayev Ağdam Rayon İcra Hakimiyyətinin sabiq başçısı Raqub Məmmədovun oğlu Sənan Məmmədova yeni vəzifə verib. Nazirin əmri ilə Abşeron-Xızı Regional Məşğulluq filialının müdiri Məmmədzadə Sənan Raqub oğlu vəzifəsindən azad olunub və Şərqi Zəngəzur Regional Məşğulluq filialının müdiri təyin edilib. Medianın yazdığına görə, Sənan Məmmədov Abşeron-Xızı Regional Məşğulluq İdarəsinə müdiri vəzifəsində çalışarkən iclaslarda qızları idarəyə yığıb nöqsanlara yol verdiyinə görə səlahiyyətli şəxslər tərəfindən danlandığı da deyilirdirdi. Bəs yeni vəzifəyə təyin olunan S.Məmmədov kimdir?
Bununla bağlı cumhuriyyet.az media üzərindən apardığı araşdırmaya əsasən bildirir ki, bir neçə il öncə Adamın sabiq icra başçısı Raqub Məmmədovun oğlu Sənan Məmmədzadənin cəbhə xəttində-səngərdə çəkdirdiyi fotolar yayılmışdı. Həmin xəbər sosial şəbəkələrdə və mediada ciddi rezonas doğurmuşdu. Həmin ərəfədə bu fotolara tez bir zamanda Müdafiə Nazirliyi tərəfindən reaksiya gəldi. Daha sonra isə xəbər yayıldı ki, Raqub Məmmədov oğlunun hərəkətinə görə, ciddi cəzalandırılıb və ona xəbərdarlıq edilib. Amma məmur övladlarının komfortlu və dəbdəbəli həyatı, zəngin yaşam tərzi onun bu davranışlarının davamlı olmasına şərait yaradır.

Ağdamın icra başçısı Raqub Məmmədovun da övladları bahalı avtomobilləri idarə edənlər sırasında olması haqda da məlumatlar var. Ölkə mediasında yayılan məlumatlara istinadən cumhuriyyet.az bildirir ki, uzun müddət MTN-in Tərtər şöbəsinə rəislik etmiş Məmmədovun sonradan Ağdama icra başçısı təyin olunmasının bu prosesdə nə qədər rolu olub, məlum deyil. Məlum olan odur ki, icra başçısının Sənan və Kənan adlı oğlanları həm bahalı maşınlar idarə edirlər, həm də onların üzərindəki dövlət nömrə nişanları da ucuz hesab edilmir. Bildirək ki, Raqub Məmmədovun böyük oğlu Sənan Məmmədovun idarə etdiyi avtomobillərin sayı 2-dir. Onlardan biri «Lexus» markalı maşındır ki, dövlət nömrə nişanı 90 SM 777-dir. Digər avtomobili isə «Jeep» markalı maşındır ki, onun da dövlət nömrə nişanı 99 EZ 777-dir. İcra başçısının böyük oğlunun nömrələrindən də görünür ki, onlar özəl olaraq öz adına uyğun seçilib. Yəni, SM Sənan Məmmədov anlamına gəlir.

Sənan Məmmədovun idarə etdiyi avtomobillərin qiymətlərinə gəldikdə isə onların ucuz olmadığı da məlum olub. Medianın dəqiqləşdirmələrinə görə, yeni model «Toyota Lexus» markalı avtomobilin faktiki qiyməti 63 min manatdan başlayır. Modifikasiya üzrə qiymətlər 80 min manata qədər arta bilər. «Jeep Grant Cheroke» markalı avtomobilin yeni modelinin qiyməti isə 100 min manatdır.
Yeri gəlmişkən, Raqub Məmmədovun kiçik oğlu Kənan Məmmədov isə qardaşından fərqli olaraq, bir avtomobilə sahibdir. Daha doğrusu, araşdırmalar nəticəsində üzə çıxan sayın birlə yekunlaşdığı diqqəti çəkir. Ola bilər ki, onun da Samir Məmmədov kimi, bir neçə maşını var. Kənan Məmmədov polis zabitidir. Sabiq icra başçısının polis oğlunun idarə etdiyi avtomobil «Jeep Grant Cheroke»dir. 90 KM 777 dövlət nömrə nişanlı «Jeep»in bazar qiyməti isə 100 min manatdır.

Sual meydana çıxır ki, hər iki gənc bu qədər maddi imkana təkbaşınamı sahib olublar, yoxsa atalarının hesabına belə imkan yaradıblar? Əgər polis maaşı ilə belə bahalı maşın almağın mümkün olduğunu düşünmək mümkünsə, real deyil. Çünki həmin əmək haqqı bir zabitin dolaşınığını təmin etməklə yanaşı, cüzi miqdar da artıq qalması ilə kifayətlənə bilər. Yox, icra başçısı olan atasının zəhmətinin nəticəsidir ki, rayon rəhbərinin bu qədər pulu olması da imkansızdır. Onun əmək haqqısı oğlununkundan iki dəfə çox olsa da, yenə də 100 minlik maşın almaq üçün uyğun hesab edilmir.

Cumhuriyyet.az

Astara rayon bələdiyyələri “Azərpoçt”un Lənkəran filialından narazıdırlar. Astara rayonunun Hamoşam kənd bələdiyyəsinin sədri Rüfət Əliyev Meydan TV-yə deyir ki, “Azərpoçt” regionallaşandan sonra qurumun Astaradakı filialı bağlanıb. Bələdiyyələrin yeni hesabının açılması üçün isə Lənkəran filialına müraciət edilməlidir:

“Bizə bildirdilər ki, Lənkəran filialında bələdiyyələrin yeni hesabı açılmalıdır. Bələdiyyələrin bütün məlumatları Astara filialında vardı. Bu hesabları Lənkəran filialına dövr etmək üçün bir neçə dəqiqə kifayət idi. Amma “Azərpoçt” bunu etmədi”.

Bələdiyyə sədri deyir ki, aylardır yeni hesab aktivləşdirilməyib:

“Dövlət Vergi Xidmətinə şəhadətnamə-dublikatın alınması üçün ərizə ilə müraciət etdik. Yeni hesablar açdıq. Dörd aydan artıqdır ki, biz bələdiyyələr “Azərpoçt”un yarıtmazlığı ucbatından hesablarımızdan heç bir əməliyyat apara bilmirik. Həm də hesabdan əlavə, keçmiş əməkhaqqı kartları da ləğv olunur. Yeni əmək haqqı kartı da əlavə ödəniş tələb edir. “Azərpoçt” qazanır deyə təkcə Astarada 15 bələdiyyəni iflic edib. Bunun Lerik, Yardımlı, Cəlilabad və digər rayonları da var”.

Ərçivan kəndinin bələdiyyə sədri Mehman Quliyev də Meydan TV-yə eyni problemlərlə üzləşdiklərini deyib:

“Aylardır ki, sistemi aktivləşdirmirlər. Sistem bağlı olduğu üçün dövlət tərəfindən verilən dotasiyanı götürə bilmirik. Belə olan halda da dövlət qurumlarına olan aylıq ödəniş və borclarımızı icra edə bilmirik”.

“Azərpoçt”un Lənkəran filialından Meydan TV-nin zənglərinə cavab verilməyib. “Azərpoçt”un mətbuat xidmətindən Meydan TV-yə məsələnin araşdırılacağı bildirilib. //meydanTV//

Ölkəmizdə istifadə olunan dərmanların, tibbi preparatların BAHA, həm də keyfiyyətsiz, vaxtı keçmiş olması barədə nəinki mediada, hətta Milli Məclisin tribunasından millət vəkilləri dəfələrlə sözün həqiqi mənasında od püskürüblər. Milli Məclisin üzvü Vahid Əhmədov və digərləri deyir ki, biz özümüzə lazım olan dərmanları Türkiyədən gətizdiririk, çünki ölkəmizdə həmin dərmanlar Türkiyədəkindən ən azı 4-5 dəfə bahadır.
Təsəvvür edirsiniz, 4-5 dəfə, yəni 400-500 faiz... Bahalılığı qalsın bir tərəfə, bütün xəstələr şikayət edir ki, dərmanlar keyfiyyətsizdir, çoxunun vaxtı keçib və s...
Bütün bunlar azmış kimi apteklərdə qadağan olunmuş dərmanlar satılır, hansı ki, o dərmanlar məhz həkimin rəyi və yazdığı resept əsasında satılmalıdır. Söhbət PSİXOTROP dərmanlardan gedir...
Onu da qeyd edək ki, tibbi sahədən anlayışı olmayan, əczaçılıq sahəsində elementar savadı olmayan adamlar apteklər şəbəkəsi açır, milləti saxta dərmanlar ilə zəhərləyirlər...
Belə apteklərdən biri də sakinlər arasında “Elnur” adlandırılan apteklər şəbəkəsidir. Məlumat üçün qeyd edək ki, bu obyektlərin rəsmi adı “Sonar Farm” MMC-dir. Bu apteklər şəbəkəsinin sahibi Elnur İsgəndərovdur.
Elnurun özü Tibb Universitetinin məzunu olub və valideynlərindən hansısa həmin Universitetdə dərs deyib. 2001-ci ildə Elnur bir qrup şəxslə saxta dərman satışı ittihamı ilə həbs edilib. Həmin dəstə üzvləri dərmanların tərkibini və qutularını saxtalaşdırmaqla məşğul olurmuş. Bir neçə il həbsdə qaldıqdan sonra, Elnur yenidən azdalığa çıxıb elə “Azadlıq” prospektində öz dərman biznesini davam etdirib.
O, hazırda dərman manopoliyasının bir hissəsinə nəzarət edən ən varlı adamlardan biridir. Təsəvvür edirsiniz, Elnur İsgəndırovun başçılığı ilə cinayətkar dəstə VAXTI KEÇMİŞ dərmanları əhaliyə satmaq üçün MƏTBƏƏLƏRDƏ saxta içlik və üzərində saxta tarix olan qutular düzəltdirib köhnə dərmanları təzə adı ilə əhaliyə satırmışlar.
Yəni əhalinin sağlamlığına dəhşətli zərbə vururmuşlar. Bu dəstə başda Elnur olmaqla həbs olunsa da, az müddət sonra Elnur azadlığa çıxıb, amma mətbəə işçiləri həbsxanada qalıb. İndi gördünüzmü, cinayətin sifarişçisi azadlığa çıxır, adi mətbəə işçiləri isə hələ də cəza çəkir.
Elnur təkcə azadlığa çıxmadı…
Həbsdən azad olunan Elnur İsgəndərov şəbəkəsini və cinayət əməllərini daha da genişləndirməyə başladı. Əlbəttə, Elnur elə-belə azadlığa çıxmadı, onu azadlığa çıxardan və ona şərait yaradan şəxslər var idi. Elnur İsgəndərovun apteklər şəbəkəsində dövlət tərəfindən QADAĞAN olunmuş Lyrica, Tramadol, Tropin, Contramal kimi psixotrop dərmanları satılır.
Bəli, bu dərmanlar Azərbaycan gənclərini zəhərləyir, məhv edir. Amma əvəzində Elnur kimilər milyonlara sahib olurlar.
Şikayətçilərdən biri yazır ki, nervpotoloqun xəstə üçün 2 ay müddətinə təyin etdiyi "ALYSE" dərmanını aptekçilər bilərəkdən az verdi. Reseptdə 2 aylıq göstərilsə də, 1 aylıq verməklə özləri üçün 4 qutu dərmanın qeyri-qanuni satışını mənim reseptimlə qanuniləşdirdilər. Aptekdə olarkən inadla onlara “Alyse” dərmanını 2 aylıq verməsini tələb etsəm də, məni qutu sayı ilə aldatdılar və resepti özlərində saxladılar.
Bu cür faktlar mediada kifayət qədərdir. Görəsən, adi vətəndaşların gördüyü və sosial şəbəkələrdə paylaşdığı bu cür informasiyaları dövlət qurumları niyə görmür, bəlkə görmək istəmir..? //gundelik-baku.com//

Son zamanlar Azərbaycanda fəaliyyət göstərən investisiya şirkətlərinin sayı artıb. “Yatırımı sadələşdirmək”, “asan və anlaşılan şəkildə müştəriyə təqdim etmək” devizi ilə fəaliyyət göstərən şirkətlərdən biri də “İnvestAZ”dır. Bu şirkətlə bağlı vətəndaşlar sosial şəbəkələrdə çoxsaylı müraciətlər ünvanlayırlar. Bəs görəsən belə investisiya şirkətləri nə dərəcədə güvənlidir? Vətəndaşları aldada bilərlərmi? Bu məsələlərdə insanlar nələrə diqqət etməlidirlər?

Mövzu ilə bağlı Pravda.az-ın suallarını cavablandıran bank məsələləri üzrə ekspert Əkrəm Həsənov vətəndaşları ehtiyatlı olmağa çağırıb.

Əkrəm Həsənov: “Bərdədə 14 yaşlı qız zorlayanların hökmü ölüm olmalıdır” Pravda.az

Ekspert deyib ki, Azərbaycanda qiymətli kağızlar bazarı real olaraq yoxdur: “Bizdə heç kim heç kimin qiymətli kağızını elə-belə almır. Çünki bilinmir ki, onun arxasında nə durur, gəlir gətirəcəkmi, aldadacaqlarmı... Azərbaycanda valyuta bazarı da çox primitivdir. Bəllidir ki, milli valyutanın məzənnəsi sabitdir və Mərkəzi Bank tərəfindən tənzimlənir. Buna görə də “İnvestAZ” kimi investisiya şirkətləri milli bazarda real xidmət göstərə bilməzlər. Nə xidmət göstərəcək? Xarici bazarlarda ola bilər. Onda gərək insanlarımız xarici şirkətlərin səhmlərini alsınlar. Buna görə də, düşünürəm, Azərbaycanda xarici bazarları bilən kifayət qədər peşəkarlar yoxdur ki, nəsə etsinlər. Həm də təhlükəlidir. Nəsə səhm aldınız, sabah batdı. Mən belə bir fəaliyyətə çox ehtiyatla yanaşardım. Ən azından insanlara tövsiyə edirəm ki, son pullarını gedib belə maliyyə əməliyyatlarına yerləşdirməsinlər. Kiminsə çox pulu varsa, istəyirsə, bir hissəsini qoysun, görsün ki, nəsə gəlir əldə edə biləcək, ya yox”.

Pravda.az

Xırdalan şəhər 9 nömrəli məktəbin direktoru Həcər İbrahimovanın tüğyan edən qanunsuzluqları barədə yazılar saysız-hesabsızdır. Bu yazımızda da əldə etdiyimiz digər faktları qeyd edəcəyik.

Həcər İbrahimova kimi direktorlar təhsil sisteminin yaxşı xüsusiyyətlərini aradan çıxarır, yalan danışmağı, qanunsuzluğu və əyriliyi yayır. Bunun nəticəsidir ki, bir sıra təhsil işçiləri şərəf, fikir və əqidələrini saxta rütbə qazanmaq üçün satmağa hazır olurlar…
Həcər İbrahimova bu təhsil ocağını bərbad vəziyyətə qoyub. Səriştəsiz və təhsil sahəsində təcrübəsi olmayan bu şəxsin əməlləri məktəb kollektivini də cana doydurub. Bu insanın əl atmadığı fırıldaqlar, çıxmadığı oyunlar qalmayıb.

DİA.AZ TehsilMedia.az-a istinadən xəbər verir ki, Direktorun qanunsuzluğundan xəbərdar olan təhsil idarəsi həmin məktəbdə yoxlamalara başlayıb və bu məsələ ilə bağlı Elm və Təhsil Nazirliyi və Baş Prokuror yanında Korrupsiyaya qarşı Mübarizə Baş İdarəsinə müraciət olunub.

Əldə etdiyimiz məlumata görə, bundan qorxuya düşən Həcər İbrahimova dekabr ayının 22-dən bülletenə çıxmağa başladı ki, təhsil idarəsi onu işdən çıxara bilməsin. Digər bir məlumata əsasən, Həcər İbrahimova Dəniz vağzalının yanında onun işini yoxlayan müvafiq qurumlara 20 min manat pul verib. Və həmin pulu iyun ayında geri alıb. Maraqlı məqam odur ki, o, verdiyi 20 min manatı nə üçün verib və niyə geri alıb?
6 ay bülletendə olmaq fikrini ona pulu verdiyi müvafiq qurumlar yoxsa Ramin Orucov kimi şəxslər məsləhət görüb?
Bildiyimiz kimi, Həcər İbrahimovanın bacısı Azadə Qurbanzadə Xırdalan 2 nömrəli məktəbdə işləyir və Həcər 4 il onun adına əməkhaqqı yazıb. Yoxsa törətdiyi qanunsuz əməlləri ilə tanınan Həcər İbrahimova həmin pulu 4 ildir yazdığı əməkhaqlarından yığıb?
Direktor söz verib ki, sentyabr ayından bülletendə olacam ki, məni azad edə bilməsinlər. Bu da onun ən gözəl metodudur.
Necə olur ki, 6 aydır bülletendə olan bu insan hələ də vəzifədə saxlanılıb?
Həcər İbrahimovanın sərgüzəştləri bununla da bitmir.
Bu şəxsin direktor olduğu məktəbdə baş alıb gedən hər cür qanunsuzluqlar, olmazın həngamələr ölçüyəgəlməz həddə çatıb.
Bütün bunlara baxmayaraq, Elm və Təhsil Nazirliyinin rəsmiləri Həcər İbrahimovayla bağlı lazımi tədbirlər görmürlər ki, görmürlər.
Ümid edirik ki, bu yazımızdan sonra adı çəkilən direktor barədə lazımi tədbirlər görülər.