Ölkəmizdə istifadə olunan dərmanların, tibbi preparatların BAHA, həm də keyfiyyətsiz, vaxtı keçmiş olması barədə nəinki mediada, hətta Milli Məclisin tribunasından millət vəkilləri dəfələrlə sözün həqiqi mənasında od püskürüblər. Milli Məclisin üzvü Vahid Əhmədov və digərləri deyir ki, biz özümüzə lazım olan dərmanları Türkiyədən gətizdiririk, çünki ölkəmizdə həmin dərmanlar Türkiyədəkindən ən azı 4-5 dəfə bahadır.
Təsəvvür edirsiniz, 4-5 dəfə, yəni 400-500 faiz... Bahalılığı qalsın bir tərəfə, bütün xəstələr şikayət edir ki, dərmanlar keyfiyyətsizdir, çoxunun vaxtı keçib və s...
Bütün bunlar azmış kimi apteklərdə qadağan olunmuş dərmanlar satılır, hansı ki, o dərmanlar məhz həkimin rəyi və yazdığı resept əsasında satılmalıdır. Söhbət PSİXOTROP dərmanlardan gedir...
Onu da qeyd edək ki, tibbi sahədən anlayışı olmayan, əczaçılıq sahəsində elementar savadı olmayan adamlar apteklər şəbəkəsi açır, milləti saxta dərmanlar ilə zəhərləyirlər...
Belə apteklərdən biri də sakinlər arasında “Elnur” adlandırılan apteklər şəbəkəsidir. Məlumat üçün qeyd edək ki, bu obyektlərin rəsmi adı “Sonar Farm” MMC-dir. Bu apteklər şəbəkəsinin sahibi Elnur İsgəndərovdur.
Elnurun özü Tibb Universitetinin məzunu olub və valideynlərindən hansısa həmin Universitetdə dərs deyib. 2001-ci ildə Elnur bir qrup şəxslə saxta dərman satışı ittihamı ilə həbs edilib. Həmin dəstə üzvləri dərmanların tərkibini və qutularını saxtalaşdırmaqla məşğul olurmuş. Bir neçə il həbsdə qaldıqdan sonra, Elnur yenidən azdalığa çıxıb elə “Azadlıq” prospektində öz dərman biznesini davam etdirib.
O, hazırda dərman manopoliyasının bir hissəsinə nəzarət edən ən varlı adamlardan biridir. Təsəvvür edirsiniz, Elnur İsgəndırovun başçılığı ilə cinayətkar dəstə VAXTI KEÇMİŞ dərmanları əhaliyə satmaq üçün MƏTBƏƏLƏRDƏ saxta içlik və üzərində saxta tarix olan qutular düzəltdirib köhnə dərmanları təzə adı ilə əhaliyə satırmışlar.
Yəni əhalinin sağlamlığına dəhşətli zərbə vururmuşlar. Bu dəstə başda Elnur olmaqla həbs olunsa da, az müddət sonra Elnur azadlığa çıxıb, amma mətbəə işçiləri həbsxanada qalıb. İndi gördünüzmü, cinayətin sifarişçisi azadlığa çıxır, adi mətbəə işçiləri isə hələ də cəza çəkir.
Elnur təkcə azadlığa çıxmadı…
Həbsdən azad olunan Elnur İsgəndərov şəbəkəsini və cinayət əməllərini daha da genişləndirməyə başladı. Əlbəttə, Elnur elə-belə azadlığa çıxmadı, onu azadlığa çıxardan və ona şərait yaradan şəxslər var idi. Elnur İsgəndərovun apteklər şəbəkəsində dövlət tərəfindən QADAĞAN olunmuş Lyrica, Tramadol, Tropin, Contramal kimi psixotrop dərmanları satılır.
Bəli, bu dərmanlar Azərbaycan gənclərini zəhərləyir, məhv edir. Amma əvəzində Elnur kimilər milyonlara sahib olurlar.
Şikayətçilərdən biri yazır ki, nervpotoloqun xəstə üçün 2 ay müddətinə təyin etdiyi "ALYSE" dərmanını aptekçilər bilərəkdən az verdi. Reseptdə 2 aylıq göstərilsə də, 1 aylıq verməklə özləri üçün 4 qutu dərmanın qeyri-qanuni satışını mənim reseptimlə qanuniləşdirdilər. Aptekdə olarkən inadla onlara “Alyse” dərmanını 2 aylıq verməsini tələb etsəm də, məni qutu sayı ilə aldatdılar və resepti özlərində saxladılar.
Bu cür faktlar mediada kifayət qədərdir. Görəsən, adi vətəndaşların gördüyü və sosial şəbəkələrdə paylaşdığı bu cür informasiyaları dövlət qurumları niyə görmür, bəlkə görmək istəmir..? //gundelik-baku.com//

Mərkəzi Hərbi Klinik Hospitalının tibb hissə rəisi, Vüqar Mürsəlov Qarabağda – ön xəttə xidmət edən tibb heyətinə ezamiyyə haqqlarının ödənilməsinə əməlli başlı əngəl yaratdığı boldirilir.
Bildirilir k, Vüqar Mürsəlov Qarabağda xidmət edən, Bakıya “Papanın Hospitalı”na xəstə (əsgər) daşıyan tibb heyətinə ezamiyyə haqqlarının verilməsini məqbul hesab etmir və buna görə də onalrın ezamiyyə vərəqələrinə möhür vurmur. Yalnız sürücülərə ezamiyyə haqqları ödənilir.
Mənbə iddia edir ki, Qarabağda yerləşən tibb məntəqələrindən Mərkəzi Klinik Hospitalına təxliyə olunan xəstələri gətirən tibb heyətinə ezamiyyə haqqı ödənilmir. Əksinə, ezam olunan şəxslərin (tibb heyətinin) qaldıqları hər günə görə maaşlarından 10 manat pul tutulur. Əgər xidməti vəzifəsini yerinə yetirərək hospitala xəstə aparan tibb heyəti (tibb bacısı, həkim və sair) 3 günlük ezam olunubsa, bu o deməkdir ki, ayın sonunda 30 manat onların maaşlarından tutulur. Bu da ön xəttə xidmət edən tibb məntəqələri heyəti tərəfindən haqlı narazılıqla qarşılanır.
Mənbə bildirir ki, artıq “Papanin hospitalı”nın adı gələndə hər kəs başını götürüb hərbi hissədən uzaqlaşır. Heç kim Mərkəzi Klinik Hospitalına xəstə aparmaq istəmir.
Bildirilir ki, tibb hissə rəisi V. Mürsəlov bunu qəsdən və qərəzli şəkildə edir.
Qeyd edək ki, dövlət orqanının, müəssisə, idarə və təşkilatın (bundan sonra-təşkilatın) rəhbərinin sərəncamı (əmri) ilə işçinin daimi iş yerindən müəyyən olunmuş müddətə başqa yerə xidməti tapşırığı yerinə yetirmək üçün getməsi xidməti ezamiyyət sayılır. Ezamiyyə haqqı ezam olunan (göndərilən) işçilərə verilən gündəlik, xərc vəsaitidir.
RealMedia.az

Son zamanlar Azərbaycanda fəaliyyət göstərən investisiya şirkətlərinin sayı artıb. “Yatırımı sadələşdirmək”, “asan və anlaşılan şəkildə müştəriyə təqdim etmək” devizi ilə fəaliyyət göstərən şirkətlərdən biri də “İnvestAZ”dır. Bu şirkətlə bağlı vətəndaşlar sosial şəbəkələrdə çoxsaylı müraciətlər ünvanlayırlar. Bəs görəsən belə investisiya şirkətləri nə dərəcədə güvənlidir? Vətəndaşları aldada bilərlərmi? Bu məsələlərdə insanlar nələrə diqqət etməlidirlər?

Mövzu ilə bağlı Pravda.az-ın suallarını cavablandıran bank məsələləri üzrə ekspert Əkrəm Həsənov vətəndaşları ehtiyatlı olmağa çağırıb.

Əkrəm Həsənov: “Bərdədə 14 yaşlı qız zorlayanların hökmü ölüm olmalıdır” Pravda.az

Ekspert deyib ki, Azərbaycanda qiymətli kağızlar bazarı real olaraq yoxdur: “Bizdə heç kim heç kimin qiymətli kağızını elə-belə almır. Çünki bilinmir ki, onun arxasında nə durur, gəlir gətirəcəkmi, aldadacaqlarmı... Azərbaycanda valyuta bazarı da çox primitivdir. Bəllidir ki, milli valyutanın məzənnəsi sabitdir və Mərkəzi Bank tərəfindən tənzimlənir. Buna görə də “İnvestAZ” kimi investisiya şirkətləri milli bazarda real xidmət göstərə bilməzlər. Nə xidmət göstərəcək? Xarici bazarlarda ola bilər. Onda gərək insanlarımız xarici şirkətlərin səhmlərini alsınlar. Buna görə də, düşünürəm, Azərbaycanda xarici bazarları bilən kifayət qədər peşəkarlar yoxdur ki, nəsə etsinlər. Həm də təhlükəlidir. Nəsə səhm aldınız, sabah batdı. Mən belə bir fəaliyyətə çox ehtiyatla yanaşardım. Ən azından insanlara tövsiyə edirəm ki, son pullarını gedib belə maliyyə əməliyyatlarına yerləşdirməsinlər. Kiminsə çox pulu varsa, istəyirsə, bir hissəsini qoysun, görsün ki, nəsə gəlir əldə edə biləcək, ya yox”.

Pravda.az

Xırdalan şəhər 9 nömrəli məktəbin direktoru Həcər İbrahimovanın tüğyan edən qanunsuzluqları barədə yazılar saysız-hesabsızdır. Bu yazımızda da əldə etdiyimiz digər faktları qeyd edəcəyik.

Həcər İbrahimova kimi direktorlar təhsil sisteminin yaxşı xüsusiyyətlərini aradan çıxarır, yalan danışmağı, qanunsuzluğu və əyriliyi yayır. Bunun nəticəsidir ki, bir sıra təhsil işçiləri şərəf, fikir və əqidələrini saxta rütbə qazanmaq üçün satmağa hazır olurlar…
Həcər İbrahimova bu təhsil ocağını bərbad vəziyyətə qoyub. Səriştəsiz və təhsil sahəsində təcrübəsi olmayan bu şəxsin əməlləri məktəb kollektivini də cana doydurub. Bu insanın əl atmadığı fırıldaqlar, çıxmadığı oyunlar qalmayıb.

DİA.AZ TehsilMedia.az-a istinadən xəbər verir ki, Direktorun qanunsuzluğundan xəbərdar olan təhsil idarəsi həmin məktəbdə yoxlamalara başlayıb və bu məsələ ilə bağlı Elm və Təhsil Nazirliyi və Baş Prokuror yanında Korrupsiyaya qarşı Mübarizə Baş İdarəsinə müraciət olunub.

Əldə etdiyimiz məlumata görə, bundan qorxuya düşən Həcər İbrahimova dekabr ayının 22-dən bülletenə çıxmağa başladı ki, təhsil idarəsi onu işdən çıxara bilməsin. Digər bir məlumata əsasən, Həcər İbrahimova Dəniz vağzalının yanında onun işini yoxlayan müvafiq qurumlara 20 min manat pul verib. Və həmin pulu iyun ayında geri alıb. Maraqlı məqam odur ki, o, verdiyi 20 min manatı nə üçün verib və niyə geri alıb?
6 ay bülletendə olmaq fikrini ona pulu verdiyi müvafiq qurumlar yoxsa Ramin Orucov kimi şəxslər məsləhət görüb?
Bildiyimiz kimi, Həcər İbrahimovanın bacısı Azadə Qurbanzadə Xırdalan 2 nömrəli məktəbdə işləyir və Həcər 4 il onun adına əməkhaqqı yazıb. Yoxsa törətdiyi qanunsuz əməlləri ilə tanınan Həcər İbrahimova həmin pulu 4 ildir yazdığı əməkhaqlarından yığıb?
Direktor söz verib ki, sentyabr ayından bülletendə olacam ki, məni azad edə bilməsinlər. Bu da onun ən gözəl metodudur.
Necə olur ki, 6 aydır bülletendə olan bu insan hələ də vəzifədə saxlanılıb?
Həcər İbrahimovanın sərgüzəştləri bununla da bitmir.
Bu şəxsin direktor olduğu məktəbdə baş alıb gedən hər cür qanunsuzluqlar, olmazın həngamələr ölçüyəgəlməz həddə çatıb.
Bütün bunlara baxmayaraq, Elm və Təhsil Nazirliyinin rəsmiləri Həcər İbrahimovayla bağlı lazımi tədbirlər görmürlər ki, görmürlər.
Ümid edirik ki, bu yazımızdan sonra adı çəkilən direktor barədə lazımi tədbirlər görülər.

İsmayıllı su meliorasiya idarəsinin nəzdində olan Buynuz kəndindən çəkilən və suvarma üçün nəzərdə tutulmuş su xətti gecə ikən bəzi kriminal şəxslər tərəfindən oğurluq yolu kəsilərək satılır.

Rayon polis idarəsinin baş verənlərdən xəbəri olsa belə olanları gizlədir.

Etibarlı mənbənin sözlərinə görə əlavə şok məlumatlar var və tezliklə ictimaiyyət tərəfindən izləniləcək.

Bizi izləyin.

Redaksiyadan: Faktla bağlı qarşı tərəfin mövqeyini dərc etməyə hazırıq. //azerinfo.info//

"12 ildir ki, Sumqayıtda evdə fərdi təhsil məktəbində müəllimə işləyirəm. Bu müddətdə bir neçə direktor dəyişib, hamısı da pul alıb dərs verib, amma indiki kimisi olmayıb. 2023-cü ilin aprel ayında Sumqayıt 21 saylı orta məktəbin direktoru Vladim İbrahimovdan həddən çox şikayətlər olduğuna görə Abşeron-Xızı təhsil idarəsi onu işdən çıxarmağa məcbur oldu.

Bunu həmin məktəbin müəllimləri də açıq deyirlər. Amma işdən çıxarılan direktoru imtahansız gətirib bizim Evdə fərdi təhsil məktəbinə direktor qoydular. Həmin gündən də məktəbi Vladim müəllimlə birlikdə həyat yoldaşı Səidə müəllimə idarə edir. Səidə müəllimə başqa məktəbin müəlliməsi olsa da, evdə fərdi təhsil məktəbində saat hesabı dərs deyir, həm də Abşeron-Xızı təhsil idarəsində tibbi-pedaqoji ekspert komissiyasının rəhbəridir".

Bu barədə DİA.AZ-a "Evdə fərdi təhsil" məktəbinin müəllimləri adından edilən müraciətdə deyilir.

Müraciət müəllifləri daha sonra yazır: "Komissiyanın keçmiş sədri İsa Tərlanov yoxlamalar nəticəsində işdən çıxarılsa da, Səidə müəlliməni himayə edənlər onu komissiyanın rəhbərliyinə gətirdilər, halbuki xeyli sağlam, heç bir xəstəliyi olmayan uşaqlar 9-11-ci siniflərdə müəllim yanına gedə bilmək üçün məhz həmin komissiyanın saxta rəyləri əsasında evdə fərdi təhsil məktəbinə qəbul edilmişdilər, onlardan hələ də məktəbdə təhsil alanlar var.

Hətta deyilənə görə, sağlam uşaqların məktəbə qəbulu 1500-2000 manatdır. Vladim müəllim məktəbimizə direktor təyin olunandan Səidə müəllimənin bütün rəfiqələri aprel-may ayından etibarən məktəbimizə axın etməyə başlayıblar. Yoxlama aparılsa məlum olar ki, 2023-cü ilin aprel ayından başlayaraq 21 saylı məktəbdən və digər məktəblərdən onlarla müəllimə saat hesabı dərs verilib, məktəbin öz müəllimləri isə dərs üçün az qala yalvarır. May ayında məktəbin təsərrüfat müdirinin öz anasının əvəzinə dərsə girdiyi aydın oldu, amma Səidə müəllimənin rəfiqəsi olduğuna görə onunla bağlı tədbir görülmədi.

Bir neçə kurs müəllimi sövdələşmə əsasında illərdir məktəbimizdə işləyirlər və hər gələn direktor və ya əvəzi onların əmək haqqı kartlarını bir-birinə ötürməklə bir-birinin əyri işlərini ört-basdır edirlər. Həmişə də həmin müəllimlər təriflənir, əslində hamı bilir ki, tərif əyə görədir. Lakin illərin təcrübəli müəllimləri kiçik bir səhv edən kimi dərhal Vladim müəllim çağırıb deyir ki, ərizəni yaz öz xoşunla çıx işdən.

İndi hamı məzuniyyətdə olduğu vaxtda direktor Vladim İbrahimov həyat yoldaşı Səidə müəllimə ilə birlikdə dərs bölgüsü aparır, amma bu bölgüdən direktor müavinlərinin, məktəbin həmkarlar təşkilatı sədrinin xəbəri yoxdur. Məktəbimiz Prezidentin açılışını etdiyi 4-cü mikrorayondakı 20 saylı məktəbin binasına köçürüləndə təmir adı ilə 50 manatdan pul yığıb vermişik ki, dərs bölgüsü vaxtı bizi incitməsinlər, lakin indi bizi sayan yoxdur...."

DAVAMI VAR...

İddia olunanlarla bağlı olaraq bütün maraqlı tərəfləri dinləməyə hazırıq...

Qazaxın mərkəzi bazarı rayonun ortasında yerləşir. Bazarın içi bol məhsulla dolu olsa da, satıcılar alıcı qıtlığından şikayətlənir, alıcılar isə qiymətlərin baha olmasından.

Qazax bazarına, sadəcə, balıq və gündəlik ərzaq məhsulları almağa gələn Məhərrəm Göyüşoğlu da bahalıqdan gileylənir. Onun kimi rayonun çox sakinlərini də bazarlarda artan qiymətlər narahat edir.

Həmsöhbətimiz olan satıcılar bazar rəhbərliyinin özbaşınalıqlarından şikayətlənirlər. Onların sözlərinə görə rəhbərlik digər satıcılardan artıq pul alaraq bazarın girişlərində onlara yer verir, bu da bazarın içində olan alverçilərin satışına təsir edir. Alıcı bazara girməmiş malını çöldən alıb qayıdır.

Bazar nəzarətçisi isə ittihamların əsassız hesab edir, bazarın çöl hissəsində yer verdikləri şəxslərin qazi, şəhid ailələri olduğunu bildirir.

Daha ətraflı aşağıdakı videoda:

“Mədəniyyət Nazirliyi öz strukturlarında işə qəbulla bağlı elan verib. Hansısa qurumlarda direktor, müavin, müəllim işləmək istəyənlərin fərdi məlumatlarını xarici bir resursda - jotform.com üzərindən olan qeydiyyat forması əsasında qəbul edir. Əlbəttə, bu resurs dayanıqlı ola bilər, hansısa özəl qurum və ya layihələr bundan sərbəst istifadə edə bilərlər. Amma dövlət qurumunun belə addımları yolverilməzdir. Gərək nazirlik öz internet resursu üzərindən normal, təhlükəsiz bir sistem formalaşdırsın və bunun informasiya təhlükəsizliyi ilə bağlı auditini təşkil etsin”. Bunu İnternet Forumun prezidenti Osman Gündüz bildirib.

Forum prezidenti qeyd edib ki, nazirlik belə addımları, bu sahəyə cavabdeh qurumların - RİNN-in Elektron Təhlükəsizlik Xidmətinin, dövlət sektorunda İT auditlər keçirən Xüsusi Rabitə və İnformasiya Təhlükəsizliyi Dövlət Xidmətinin nəzarətindən kənar, həm də çəkinmədən rahatca ata bilir :"Yeri gəlmişkən, fərdi məlumatların təhlükəsizliyinə cavabdeh olan RİNN-in ETX qurumuna da yeni təyinat olub. Güman edirəm ki, Mədəniyyət Nazirliyi hazırladığı “jotform” resursu ilə sahəyə cavabdeh olan ETX-nin yeni rəhbəri Samir Rəsulov üçün də təbrik sürprizi hazlrlayıb. Ümid edirəm, RİNN və XRİTDX baş verənlərin fərqindədir".

Xatırladaq ki, Elektron Təhlükəsizlik Xidməti ölkə Prezidentinin 12 yanvar 2018-ci il tarixli fərmanına əsasən yaradılıb. Xidmət kibertəhlükəsizlik sahəsində informasiya infrastrukturu subyektlərinin fəaliyyətinin koordinasiyasını, mövcud və yarana biləcək elektron təhlükələr barədə ölkə səviyyəsində məlumatlandırmanı, əhalinin, özəl və digər qurumların kibertəhlükəsizlik sahəsində maarifləndirilməsini və onlara metodiki kömək göstərilməsini təmin edən əlaqələndirici qurum olan dövlət orqanıdır.

Qeyd edək ki, Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinə bu günlərdə yeni rəis təyin olunub. Bu vəzifə qurumun rəis müavini, indiyə qədər rəis vəzifəsini müvəqqəti icra edən Samir Rəsulova həvalə edilib.

O, rəhbərlikdə bir qədər əvvəl nazirliyin İnnovasiya və Rəqəmsal İnkişaf Agentliyinin sədrinin müşaviri vəzifəsinə təyinat almış Şahin Əliyevi əvəzləyib.ə

Millitv.az-ın məlumayına görə, Osman Gündüz “Yeni Müsavat”a deyib ki, baş verənlərin məsuliyyəti Xüsusi Rabitə və İnformasiya Təhlükəsizliyi Dövlət Xidməti və Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin üzərindədir: “Bu xidmətlər özlərindən hoqqa çıxarmamalıdırlar. Qanunvericilikdə tələb var ki, Azərbaycan vətəndaşlarının informasiyaları qorunmalıdır. Qorunmaya cavabdeh bu iki qurumdur. Bu iki xidmət baş verənlərə reaksiya vermirlər. Sanki baş verənləri heç görməyiblər. Onların gözləri qarşısında mərkəzi icra orqanı olan nazirlik qanunu açıq-aşkar pozub. İT təhlükəsizliyi dövlət büdcəsindən böyük pullar alırlar, amma iş görmürlər”.

Osman Gündüz deyir ki, dövlət qurumlarına İT xərcləri üçün kifayət qədər vəsait ayrılır: “Həmin vəsait hesabına özlərinin daxili informasiya sistemini yaratmalıdırlar. Xaricdə yerləşən resursdan istifadə etməli deyillər. Xüsusi Rabitə və İnformasiya Təhlükəsizliyi Dövlət Xidməti onun auditini keçirməlidir. Təhlükəsizliyini test edəndən sonra həmin resurs istifadəyə verilməlidir. Çox böyük məsuliyyətsizlik olub və bunun necə baş verməsi suallar doğurur”.

Osman Gündüz “müvafiq resursların yaradılması üçün dövlət büdcəsindən ayrılan vəsait hara xərclənir” sualına “bu məsələ mənə qaranlıqdır” deyə cavab verib. Bildirib ki, ayrılan vəsaitdən səmərəli istifadə edilməməsi göz qabağındadır: “Dövlət büdcəsindən bu vəsait ayrılmırsa, bu xərclər üçün vəsait ayrılması üçün nazirlik müraciət etməlidir. Bu xərclərə vəsait ayrılmasa belə, gedib xarici resursdan istifadə etmək yolverilməzdir. Vətəndaşların şəxsi məlumatlarını xarici resurslarda yerləşdirilməsi onlardan digər məqsədlər üçün istifadəyə yol aça bilər”.

Goranboy Rayon İcra Hakimiyyətinin "Goranboy şəhəri, Cəfər Cabbarlı, Rövşən Mustafayev, Yahuzər Bayramov, Salahəddin Civəzadə, Rəsul Rza küçələrində, Heydər Əliyev prospektində, “Goranboy rayonu” lövhəsinin tikintisində, Şəhidlər xiyabanı və Heydər Əliyev mərkəzinin qarşısında abadlıq işləri" ilə bağlı elan etdiyi tender başa çatıb.

DİA.AZ-ın 32gun.az-a istinadən məlumatına görə, tenderin qalibi "GÖYGÖL TİKİNTİ" MMC olub. Tərəflər arasında 364.774,29 AZN-lik müqavilə imzalanıb.

Tenderə əsasən Bort daşlarının sökülməsi: beton əsas üzərində, Çalovunun tutumu 0,5 m3-ə qədər olan ekskavatorla yüklənən inşaat tullantısı: Yükləmə, Özüboşaldan avtomobil Kamaz 66115,2011 15t daşınma məsafəsi, İnşaat işləri üçün təbii qum (210 m(3)), Yonma daşdan üzlüklərin sökülməsi və.s kimi işlər görülməlidir.

Bildirək ki, nizamnamə kapitalı 10 AZN olan "GÖYGÖL TİKİNTİ" MMC-nin qanuni təmsilçisi ANAR TAĞIYEV ƏHMƏD OĞLUdur.

Xatırladaq ki, Goranboy Rayon İcra Hakimiyyətinin başçısı Məhərrəm Quliyevdir.