Son 10-15 ildə Azərbaycanda, böyük şəhərlər olan Bakıda, Gəncədə, Sumqayıtda və digər bölgələrimizdə bir-birindən fərqli adlarla yüzlərlə super, mini marketlər yaranır. Sözün düzü, biz bu marketlərin yaranmasını pisləmək fikrində deyilik. Çünki birincisi, bu marketlər pis-yaxşı iş yerləri deməkdir. İkincisi, bu marketlər arasında həqiqi rəqabət mühiti olarsa, bu da qiymətlərin aşağı düşməsinə səbəb olar. Və digər səbəblər. Amma min təəssüf ki, bu marketlər insanlarımız üçün İŞ YERİ-ndən çox, İŞGƏNCƏ YERİNƏ çevrilir.
Vətəndaşlarımız bu marketlərdə gün ərzində 10 saatdan çox işlədilir və verilən əmək haqqı da yetərli olmur. Ən dəhşətlisi odur ki, bu marketlər işçilərlə rəsmi əmək müqaviləsi bağlamır, əmək haqqlarını hissə-hissə nağd verir, işçilərlə bağlı Dövlət Sosial Müdafiə Fonduna köçürmələr olmur, əmək haqqından vergi verilmir və daha hansı cürbəcür qanunsuzluqlar.... Sanki bu ölkədə İqtisadiyyat nazirliyi, Vergi Dövlət Xidməti, Əmək Müfəttişliyi və başqa dövlət qurumları yoxdur.
Yaxşı, 5-10 ildən sonra bu vətəndaşlar təqaüdə, pensiyaya çıxanda necə təqaüd alacaqlar..? Axı bütün bunlar cəmiyyətin altına qoyulmuş gec açılan minalardır ee, cənablar. Vallah bir gün bunun nəticəsini görəcəksiniz...
Sizlərə kim ixtiyar verib vətəndaşları 8 saatdan artıq işlətməyə..? Axı Azərbaycan dövlətinin Beynəlxalq Təşkilatlar qarşısında Əmək Qanunvericiliyi ilə bağlı götürdüyü öhdəliklər var...
Biz hələ belə marketlərin Mühafizə şeflərinin qadınlara, gənc qızlara qarşı pozğun hərəkətlərindən danışmaq istəmirik. Bu tam başqa bir yazının mövzusudur.
Bu marketlərin heç biri öz işçilərinə normal məsuliyyət hüququ vermir. Axı bu insanların istirahət hüquqları var... Sözün düzü, barəsində yazmaq istədiyimiz Sumqayıtdakı "Ordubad" marketin, yəqin ki, meyvə, quru meyvələr satıldığı bir məkan olduğunu düşünürdük. Biz axı həmişə Ordubadı quru meyvələrin məskəni kimi bilmişik. Amma xırda bir araşdırma aparmalı olduq...
Sən demə, "Ordubad" marketin, hətta özünün instaqram səhifəsi, facebook səhifəsi də varmış. https://www.facebook.com/ORDUBAD.market/ Və heç uzaqlara getmədən bu səhifə vasitəsilə xeyli məlumat toplaya bildik.
Deməli, Sumqayıtdakı "Ordubad" marketi 2013-cü ildən fəaliyyət göstərir. "Ordubad" marketinin fəaliyyəti barəsində apardığımız axtarış zamanı bəlli oldu ki, marketin sahibi onların neqativ fəaliyyəti ilə bağlı yazıları saytlardan sildirib, ancaq yazıların başlıqları qalıb. Nə etməli, bu da günümüzün acı reallığıdır...
Amma görünür, "Ordubad" marketin sahibinin başı hara möhkəm qarışıbsa, hətta marketin səhifəsindəki müştəri rəyini silməyə vaxt tapmayıb. Bəli, kimsə Sumqayıtdakı "Ordubad" marketin özünü reklam etməsinə cavab olaraq yazır... Vicdanınız olsun, işçilərin maaşını barı düz-əməlli verin... Zülm edirsiniz satıcılara...
Başqa birisi yazır... Sumqayıtdakı "Ordubad" marketdə xidmət səviyyəsi sıfırdır... Marketə girəndə adamın ürəyi sıxılır.. Hara gəldi mal tökülüb... Adam marketdə BALERİNA kimi gəzir və s. Qoy bu barədə müvafiq qurumlar düşünsün. Bizimki yazmaqdır... //gundelik-baku.com//

Sosial şəbəkələrdə tikintisi jurnalistlərin məişət şəraitinin yaxşılaşdırılması üçün nəzərdə tutulan binanın Əmək və Əhalinin Sosial Müdafiəsi Nazirliyinin balansına verilməsi barədə məlumat yayılıb.

Məsələ ilə bağlı sözügedən nazirlik açıqlama yayıb. Həmin açıqlamanı təqdim edirik:

“Nazirlər Kabinetinin müvafiq Sərəncamı ilə Bakı şəhəri, Səbail rayonu, Bibiheybət qəsəbəsi, Yeni Salyan yolu 20 ünvanında yerləşən 255 mənzilli binadakı mənzillərin ölkəmizin ərazi bütövlüyü uğrunda döyüşlərdə şəhidlik zirvəsinə ucalmış qəhrəmanlarımızın ailələrinə və həmin döyüşlərdə yaralanaraq əlilliyi müəyyən olunmuş igid Vətən övladlarının mənzil-məişət şəraitlərinin yaxşılaşdırılması üçün istifadə edilməsi nəzərdə tutulub”.

 
2022-ci ilin son həftəsində ölkə ictimaiyyəti tibb sahəsində daha bir utancverici hadisə ilə qarşı qarşıya qaldı. Masallı Rayon xəstəxanası PHŞ-nin baş həkimi Eşqin Əliyev korrupsiya ittihamı ilə 26.12.2022 tarixində cinayət başında yaxalandı. Bu şəxs vəzifəyə TƏBİB-in icracı direktoru Vüqar Qurbanov tərəfindən 24.02.2022 tarixində təyin olunmuşdur. Bəs necə oldu ki, yeni struktura görə ancaq müalicə işinə nəzarət etməli olan, yaşı gənc olan 4000 AZN maaş alan humanist peşə sahibi olan bu həkim öz karyerasını qısa müddətdə məhv etdi? Vüqar Qurbanov bu şəxsi vəzifəyə təyin edərkən yeni dövrün tələblərini ona izah etməmişdirmi? Eşqin Əliyevin təqdimatını Vüqar Qurbanova kim etmişdi?
 
Bu suallara cavab axtararkən TƏBİB-də səhiyyəmiz ücün qorxunc nəticələrə cıxaracaq proseslərin getdiyinin şahidi oluruq.
 
TƏBİB-in icracı direktoruna iki müavin təyin olunmuşdur. Araz Nəsirov və Anar İsrafilov. Bu şəxslər arasında vəzifə bölgüsünə nəzər yetirərkən əsas maliyyə proseslərinə və resurslara nəzarətin Araz Nəsirovun əlində cəmləşdiyinin şahidi oluruq.
 
Bəs bu Araz Nəsirov kimdir? Araşdırmamız onu göstərir ki, TƏBİB və İcbari Tibbi Sığorta Agentliyində gedən prosesləri anlamaq üçün bu sualın cavabı bir çox məsələlərə aydınlıq gətirər.
 
Araz Nəsirov əslən Cənub zonasındandır(Masallı rayonu Moloton kəndi). Bu şəxsin çox çətin uşaqlıq və yeniyetməlik dövrü olmuşdur. Ailədəki problemlərə baxmayaraq dərslərini yaxşı oxumuş və…Bundan sonra Araz müəllimin həyatı dəyişməyə başlayır. FETÖ-yə məxsus Çağ öğrətim şirkətinin Bakı Özəl türk liseyinə daxil olur. Atası ilə olan problemləri (bunu özü həmişə qeyd edir) onu bu dinçi təşkilata sıx bağlayır (1994-1998). Beyni dini təbliğatın dumanı altında olan bu şəxs atasından qeyri-rəsmi olaraq imtina etmişdir.Sonrakı müddətdə Trakya Universiteti (1998-2003) Azərbaycandakı Universitetlərdə göz boyamaq ücün kurslar və 2021 ci ildə Dyuk(Duke) universitetində proyektlerin idarə olunması ixtisası üzrə təhsil almışdır. Maraqlıdır ki, hər iki universitet də cox geniş FETÖ baglantısına malikdir. Əslində sadə oxucu bu məlumatları oxuyarkən bu cür reaksiya verə bilər burada nə var ki? Amma tələsməyin…
 
Hörmətli Araz bəyin iş həyatına nəzər yetirək: 2004-2009-cu illərdə İstanbul Palmali şirkətlər qrupunda(Mübariz Mənsimov-diqqət edin FETÖ bağlantısı) fəaliyyət göstərərkən bu arada, o, 2008 ci il sentyabr-dekabr aylarında Xəzər-Lənkəran futbol klubunda vitse-prezident olur. Bu arada necə intriqalar cevirirsə, Xəzər-Lənkəran bir daha ayağa qalxmayacaq şəkildə çökür. 2010-2018 ci illərdə Abilərinin təlimatı ilə yavaş – yavaş Azərbaycan Respublikasının Dövlət təşkilatlarına çökərək Paşa Holdinqə yol tapır və orada Zaur Əliyevlə tanışlıq sayəsində İcbari Tibbi Sığorta agentliyində işə girir.
 
Hörmətli oxucumuz, burada bir qədər pauza edərək hörmətli Araz müəllimin müridi (İTS-də işə cəlb etdiyi) Rəşad Çobanova diqqət edək. Rəşad Çobanov -Dədə Qorquq özəl türk liseyini(Çağ öğretim şirkəti-FETÖ) bitirmişdir. 2010-2015-ci illərdə əvvəllər sanfak deyilən peşəkar həkimlik fəaliyyətinə aid olmayan ixtisasa yiyələnmiş və tibbdən uzaq olan adam kimi müxtəlif idman oyunlarında könüllü kimi müxtəlif fəaliyyətlərlə məşğul olmuşdur. 2017-2019 da UNEC də MBA proqramını bitirmiş. Hal-hazırda BDU-nun hüquq fakültəsində oxuyur. Bu adam əmək fəaliyyətinə FETÖ bağlantılı Memorial klinikdə xəstə daşınma xidmətlərində başlamışdır. Sonrakı müddətdə Avropa Oyunlarında (2015-1ay) İslam həmrəylik oyunlarında 2017-ci ildə antidopinq komitəsində fəaliyyət göstərmişdir.
 
Pozucu və intriqacı fəaliyyətinə görə o zamankı nazir rəhmətlik Azad Rəhimov tərəfindən işdən qovulmuşdur.
 
Beləliklə, keçmişi FETÖ ilə bağlantılı ABİ Araz Nəsirov və mürid Rəşad Çobanov İTSDA da yerləşərək fəaliyyətə başlayırlar. Öz kadrlarını yerləşdirdikdən sonra ilk qarmaqlarını Sumqayıt səhiyyəsinə atırlar. Bütün kadr məsələlərini və qeyri-qanuni maliyyə axınlarını Sumqayıt Tibb Mərkəzi PHŞ-nin direktoru Səkinə Sadıxovanı (o da özünə vergi verildiyini iddia edir və dindardır) müridlər siyahısına daxil edərək ələ keçirirlər. Sumqayıtda gedən bütün şikayətlərin qarşısı bu iki şəxs tərəfindən alınır və çatışmazlıqlar ört-basdır edilir.
 
Masallı Rayon Mərkəzi Xəstəxanası PHŞ bu iki şəxs tərəfindən nəzarətə götürülür və Eşqin Əliyev baş həkim təyin edilir. Bu kadr Vüqar Qurbanova Araz Nəsirov tərəfindən təqdim edilmişdir. (Eşqin Əliyevdən külli miqdarda alınan vəsait hesabına 20000 AZN) bundan sonra işlənmiş sxem üzrə kadr məsələləri və qeyri-qanuni maliyyə axınları öz ciblərinə axır.
 
Hal-hazırda Azərbaycan Respublikası Prokurorluğunun korrupsiyaya qarşı mübarizə idarəsi Masallı mərkəzi rayon xəstəxanası PHŞ-də cinayət işi əsasında məhkəmə hökmləri çıxarılmışdır. Çox maraqlıdır ki Azərbaycan Respublikası Prokurorlugunun korrupsiyaya qarşı mübarizə idarəsi çirkli pulların yuyulması şübhəsi ilə Sumqayıt Tibb Mərkəzində də araşdırmalar aparmışdır. Sonrakı müddətdə Hesablama Palatasının aşkarladıgı dəhsətli qanun pozuntuları və mənimsəmələr aşkar edildiyindən Aparılmış araşdırma ilə qeyd olunan hüquqi şəxsin vəzifəli şəxsləri tərəfindən Sumqayıt şəhəri ərazisində fəaliyyət göstərən dövlət tibb müəssisələrində cari təmir işlərinin aparılması ilə bağlı dövlət büdcəsindən ayrılmış külli miqdarda pul vəsaitinin təyinatı üzrə xərclənməməsi və mənimsənilməsinə əsaslı şübhələr müəyyən edilib.
 
Faktla bağlı Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin 179.3.2 (külli miqdarda mənimsəmə), 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanaraq ibtidai istintaq aparılmışdır.(Prokurorluğun 25.04.2023 tarixli acıqlaması)
 
Azərbaycan Respublikası Maliyyə Nazirliyinin Dövlət Maliyyə Nəzarəti Xidməti tərəfindən prokurorluq və hüquq mühafizə orqanlarının məktublarına və qərarlarına əsasən 2023-cü ilin birinci yarısında nəzarət tədbirləri aparılmış, nəzarət obyektləri barədə məlumatda Sumqayıt Tibb Mərkəzi" publik hüquqi şəxsinin Mərkəzi Avtopark bölməsində (01.01.2020-01.01.2023 tarixlərini əhatə edən dövrdə) külli miqdarda maliyyə pozuntuları və mənimsəmələr aşkar edildiyindən materiallar Respublika prokurorluğuna göndərilmişdir.
 
Bizdə olan qeyri-rəsmi məlumatlara əsasən aparılan araşdırma və cinayət işlərində dövlətə vurulan zərər milyonlarla manat dəyərində ölcülür.Lakin bir maraqlı fakt nəzər diqqətimizi cəlb etdi. Bu qədər biabırçılıqlara və dövlət əmlakını mütəşəkkil dəstə şəklində dağıdan Səkinə Sadıxova, Araz Nəsirov, Rəşad Cobanov triosu hələ də vəzifə başındadır. Haqqında cinayət işi başlanılmış və cinayəti sübuta yetirilmiş Səkinə Sadıxovanın işi məhkəməyə göndərilmir və Sumqayıtda qeyri-qanuni fəaliyyətini davam etdirərək, tibb işçilərinə zülm etməkdə davam edir….
 
Araz Nəsirov dinçi fəaliyyəti ilə yanaşı etnik milliyyətçiliyi gizli olaraq TƏBİB-də həyata keçirir. Son 6 ayda böyük klinikaların rəhbər vəzifələrinə ancaq müvafiq etniklər təyin edilir. Məsələn, Yeni Klinikada vəzifəyə təyin olunan Barat Yusubov… Təbib Mərkəzi aparatında bəzi xoşagəlməz kadrolaşma prosesi asta-asta həyata keçirilir. Bundan başqa Sumqayıt Tibb Mərkəzinin idarəetmə aparatına TƏBİB-də işləyən və Araz Nəsirov tərəfindən müvafiq fəaliyyətə cəlb edilmiş şəxslərin həyat yoldaşları işə alınır. Sumqayıtın zəhmətkeş gəncləri işə alınmır. (Məsələn, Mirzəbəyli Vəfa---Mirzəbəyli Teymurun(Təbib) həyat yoldaşı Cəmilzadə Nərgiz-Cəmilzadə Şamxalın (İcbari Tibbi Sığorta) həyat yoldaşı, Vəliyeva Xəyalə (Təbibin icracı direktorunun bağbanının qızı)
 
Doğrudanmı, İcbari Tibbi Sığorta Agentliyi və Təbib-də FETÖ bu qədər güclüdür? Buradan Azərbaycan Respublikası Prokurorluğuna və bütün Hüquq - Mühafizə Orqanlarına müraciət edərək bu iki şəxs barədə olan məslələrə diqqətlə yanaşmağı xahiş edirik. Biz hesab edirik ki, bu cür qaranlıq keçmişə malik olan şəxslərin bütün fəaliyyətləri və əlaqələri yoxlanılmalıdır. Bu işdə həm səhiyyəmiz, həm də Dövlətimiz xeyir görə bilər.
 
P. S. 1. Bakı şəhəri, Sabunçu rayonu 21 saylı Birləşmiş Şəhər Xəstəxanasının baş həkimi Rauf İsfəndiyarov həbs edilib. Məlumata görə, tanınmış müğənni Dəniz Əsədovaya qarşı dələduzluqda şübhəli bilinən baş həkim barəsində Sabunçu Rayon Məhkəməsinin qərarı ilə həbs-qətimkan tədbiri seçilib. Barəsində Cinayət Məcəlləsinin 178.3.2-ci (Dələduzluq – külli miqdarda ziyan vurmaqla) maddəsi ilə iş açılan baş həkimin müğənniyə vəd verərək 627 min manatlıq dələduzluq etdiyi bildirilir.
 
2. “Sumqayıt Tibb Mərkəzi “ PHŞ-nin rəhbər şəxslərinin qanunsuz əməlləri barədə Baş Prokurorluq yanında Korrupsiya ilə mübarizə baş idarəsi tərəfindən cinayət işi açılmışdır. Hesablama Palatası tərəfindən yoxlamalar aparılıb külli miqdarda yeyinti faktları barədə cinayət işi açılmışdır..
 
3. Mətbuatda “Bakı Baş Səhiyyə İdarəsi Tibb Mərkəzi” PHŞ-nin rəhbərinin korrupsiya əməlləri barədə geniş materiallar paylaşılır..?
 
Araz Nəsirovlar və Çobanovlar isə öz fəaliyyətlərini davam etdirirlər. Amerika, Dubay səfərləri və Sumqayıt, Lənkəran, Masallı səhiyyələrində “islahatlar” davam edir...
 
4.Yevlax RMX-da vəzifəli şəxslərə qarşı 73.000 AZN vəsaitin mənimsənilməsi şübhəsi ilə cinayət işi açılmışdır. //gundelik-baku.com//

Kür-Araz çaylarında Bəndlərin istismarı İdarəsinin "Cari təmir üzrə Kürdəmir rayon ərazisində yerləşən Girdimançay çayında mexanizmlərlə yerinə yetiriləcək torpaq işlərinin (məcranın təmizlənməsi və mühafizə bəndinin təmiri) satınalınması" ilə bağlı ela etdiyi tender başa çatıb.

Yenisoz.az-ın 32un.az-a istinadən məlumatına görə, tenderin qalibi Salyan Melioservis İdarəsi olub. Tərəflər arasında 190 min AZN-lik müqavilə imzalanıb.

Əldə etdiyimiz məlumata görə, tenderin qalibi olan Salyan Melioservis İdarəsinin hazırda dövlətə külli miqdarda vergi borcu mövcuddur. İdarənin veri borcu 140 min 745 manat 12 qəpikdir.

Qeyd edək ki, Kür-Araz çaylarında Bəndlərin istismarı İdarəsinin rəisi Elman Nuriyevdir. Salyan melioservis idarəsinin rəisi isə Azər Abbasqulu oğlu Nəcəfovdur.

Avtomobilini 14 il əvvəl başqasına satan adamın ünvanına davamlı olaraq DYP tərəfindən cərimələr gəlir. Maraqlı məqam odur ki, avtomobili satan adam da artıq bir ildir ki, dünyasını dəyişib. Avtomobil istifadəçisi isə Bakıda davamlı olaraq qayda pozur. Cərimələrsə avtomobil idarə edənin yox, satanın Salyan şəhər, 20 yanvar küçəsindəki ünvanına gəlir.

DİA.AZ bildirir ki, Bizim.Media-nın Cənub bürosunun əməkdaşları məsələni araşdırmaq üçün Salyan rayonunda olublar.

Araşdırma zamanı məlum olub ki, ölən adamın adına nə az, nə çox düz 1000 manatdan yuxarı cərimə gəlib. Oğlu isə deyir ki, atam neçə ildir maşını satıb. Söhbət Salyan rayon sakini Hüseynov Elşən Fərman oğlunun düşdüyü problemdən gedir.

Şikayətçinin sözlərinə görə atası Fərman Hüseynov 2000-ci ildə qaraj müdiri işlədiyi Salyan Kənd Nəqliyyat açıq Tipli Səhimdar Cəmiyyətinə məxsus “ZİL-MMZ 4502” markalı 52-BE488 dövlət nömrə nişanlı yük maşınını özəlləşdirmə yolu ilə Bakı sakininə satıb.

Həmin avtomobilin etibarnamə müddəti 2015-ci ildə bitib.

Bundan sonra isə avtomobilə yazılan cərimələr onun atasının adına gəlir. Elşən Hüseynovun sözlərinə görə atası sağlığında sürücülük vəsiqəsinə məhdudiyyət qoyulmasın deyə cərimələrin bir qismini sağlığında ödəyib.

“Salyan rayonunda 97-lər deyilən qaraj vardı. Atam qaraj müdiri işləyirdi. Maşınları əvvəl atamın adına özəlləşdirdilər. Sonra isə satışa çıxardılar. Bu ZİL maşınını isə Bakı sakini alıb. Həmən vaxtda etibarnəamə verilib 2015-ci ilədək...”

Elşən Hüeynov deyir ki, əvvəllər cərimələr atamın adına gəlirdi, artıq bir ildir ki, atam rəhmətə gedib, və yenə də cərimələr onun adına gəlir.

Deyir atam sağlığında dəfələrlə aidiyyatı üzrə müraciət etsə də məsələ həllini tapmayıb. İndi də narahatam ki, gələcəkdə atamın vərəsəsi kimi cərmələri mənə ödətdirərlər.”

Məsələ ilə bağlı Baş Dövlət Yol Polisi İdarəsi (BDYPİ)-dən Bizim.Media-ya bildirildi ki , vətəndaşın müraciəti nəzərə alınaraq mülkiyyətçisi olduğu nəqliyyat vasitəsi Daxili İşlər Nazirliyinin (DİN) Baş Dövlət Yol Polisi İdarəsi (BDYPİ)-in axtarış sisteminə daxil edilmiş və hal-hazırda axtarışdadır.

Artıq iri iş adamlarının bəzzi vergi məmruları ilə əlbir olaraq dövlət büdcəsinə XƏYANƏT ETMƏLƏRİ ənənə halını alıb, desək, yanılmarıq. Hər halda həm hüquq mühafizə orqanlarının, həm də yerli KİV-in ifşa etdiyi faktların sayının artması belə deməyə əsas yaradır. Elə DİA.AZ olaraq bizlər də bu dəfə sözügedən qəbildən növbəti İFŞA FAKTINI təqdim edəcəyik.

Bəri başdan qeyd edək ki, əlimizdə olan faktlarda dövlət büdcəsindən külli miqdarda vəsaitin gizlədilməsinin sübutu var və bu səbəbdən daha geniş materialı diqqətinizə çatdıracağıq. Hələliksə, ilkin informasiyaları təqdim edirik.

Söhbət "Carçığlu Qrup" MMC-nin rəhbəri, iş adamı Elçin Carçıyevin dövlətdən gizlətdiyi ciddi həcmli vəsaitlərdən gedir. Qeyd edək ki, bir ara "yuxarıda" ayrı-ayrı məmurların himayəsi altında görünürmüş kimi olan Elçin Carçıyevin adı eyni zamanda müxtəlif maliyyə qalmaqallarında da hallanır.

Biz isə onun büdcədən oğurladıqlarından yazacağıq. Bu barədə DİA.AZ-a daxil olan informasiyalardan aydın olur ki, ilk əvvəl "İdxal" MMC adı altında spirtli içkilərin satışı ilə məşğul olan "Carçığlu Qrup" MMC-də aşkar şəkildə "ikili buxalteriya" hesabatı tutulur ki, bu da nəticədə dövlət büdcəsindən böyük həcmdə vəsaitin vergi şəklində yayındırılmasına gətirib çıxarır.

Bizim əlimizdə olan sənədlərdə söhbət 2-5 milyonluq büdcə oğurluğundan gedir. Amma daha böyük vəsaitin büdcədən gizlədilməsi faktı mövcuddur. Bununla bağlı araşdırmalarımız davam etdiyindən və eyni zamanda əlimizdəki faktları hüquqi baxımdan da araşdırmağa çalışdığımızdan daha geniş bilgiləri yaxın günlərdə - həm də konkret şikayətçi düşən "Carçığlu Qrup" MMC-nin sabiq əməkdaşlarından birinin dili ilə təqdim edəcəyik.

Bizi izləməkdə davam edin...

İddia olunanlarla bağlı olaraq bütün maraqlı tərəflərin mövqelərini işıqlandırmağa hazırıq....

Əmək və Əhalinin Sosial Müdafiəsi Nazirliyi Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş şəxslərə və şəhid ailələrinə Bakı, Gəncə, Mingəçevir, Şəki, Şirvan şəhərlərində və Salyan, Qax, Ağsu, Ağdaş, Astara rayonlarında 1, 2 və 3 otaqlı mənzillərin satınalınması üzrə 03.07.2023-cü il tarixdə başladığı açıq tenderə 12.07.2023 -cü ildə yekun vurub və fiziki şəxs Ağaməmmədova Xanım Şamil qızı ilə 2.531.250 manat məbləğində satınalma müqaviləsi bağladığını 23.08.2023-cü il tarixdə dövlət satınalmalarının vahid internet portalında açıqlayıb.

Elektron media resursları Sosial Müdafiə Nazirliyindən 3 milyon manata yaxın tender udan Xanım Ağaməmmədova barədəsində açıq mənbələrdə heç bir məlumatın olmadığını yazır.

Aktualinfo.org-un apardığı araşdırmada məlum oldu ki, fiziki şəxs Ağaməmmədova Xanım Şamil qızının hüquqi ünvanı ŞƏKİ RAYONU, ŞƏKİ ŞƏHƏRİ, S.RƏHMAN, ev 70, mənzil 49-da yerləşir. Mərkəzi Seçki Komissiyasının seçicilərin siyahısında Ağaməmmədova Xanım Şamil qızının həqiqətən də göstərilən ünvanda pasport qeydiyyatında olduğu göstərilir.

Amma burada bir maraqlı nüans var. Ağaməmmədova Xanım Şamil qızı 1951-ci il təvəllüddür. Maraqlıdır 72 yaşlı bir qadın Əmək və Əhalinin Sosial Müdafiəsi Nazirliyi üçün əlil olmuş şəxslərə və şəhid ailələrinə Bakı, Gəncə, Mingəçevir, Şəki, Şirvan şəhərlərində və Salyan, Qax, Ağsu, Ağdaş, Astara rayonlarında 1, 2 və 3 otaqlı mənzilləri necə satın alacaq?

Qeyd edək ki, Azərbaycanda dövlt satınalmalarında bu kimi hallara tez-tez rast gəlinir. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti nə qədər satınalmaların şəffaf keçirilməsi barədə açıqlamalar yaysa da faktlar göz qarşısındadı. Əmək və Əhalinin Sosial Müdafiəsi Nazirliyin in satınalmalarda yol verdiyi ciddi qanun pozuntuları barədə də kifayət qədər ciddi məlumatlar var. 72 yaşlı bir qadını fiziki şəxs kimi 2.531.250 manat məbləğində tendirin qalibi çıxarmaq elə Əmək və Əhalinin Sosial Müdafiəsi Nazirliyində ola bilər.

Çox maraqlıdır 72 yaşlı Ağaməmmədova Xanım Şamil qızının 2.531.250 manat məbləğində dövlət sifarişini həyata keçirə biləcəyinə bir nazir kimi Sahil Babayevin özü necə, inanarmı? Əlbəttə inanmaz. Çünki o sifarişi öz adamları həyata keçirəcək. Azərbaycan Respublikasının ərazi bütövlüyü üğrunda əlil olmuş şəxslərin və şəhid ailələrinin haqqını yemək yolu ilə.

Aktualinfo.org

Lənkəran şəhəri Füzuli küçəsi 7 ünvanında (Lənkəran Nəqliyyat Müəsisəsi “MTS” ərazisi) tikilən 8 mərtəbəli yaşayış binası sözün həqiqi mənasında dövlətə və qanunlara meydan oxuyan qalaya çevrilib. Bununla bağlı cumhuriyyet.az olaraq apardığımız araşdırmalar zamanı öyrəndik ki, Lənkəran Şəhər İcra Hakimiyyəıi başçısının aparatı adından Memarlıq və tikinti şöbəsinin müdiri-baş memar Elgün Abdullayev isə bildirib ki, şəhərin Füzuli küçəsi 7 ünvanında Hadızadə Hünər Fəttah oğlunun mülkiyyətində olan 0.06751 ha torpaq sahəsində 3 mərtəbəli, mansardlı fərdi yaşayış evinin tikintisindən ötrü tikinti layihəsinin memarlıq-planlaşdırma bölməsi şəhər Icra hakimiyyəti ilə razılaşdırılmışdır: “Lakin H.Hadızadə tərəfindən mansardın yerinə əlavə mərtəbədə tikinti-quraşdırma işləri aparıldığından şəhər lcra hakimiyyətinin müraciəti əsasında Fövqəladə Hallar Nazirliyinin Tikintidə Təhlükəsizliyə Nəzarət Agentliyi tərəfindən 2021-ci ilin 20 avqust tarixində 0521 nömrəli Qərarla tikinti işləri dayandırılmışdır. Buna baxmayaraq tikinti işləri yenidən davam etdirildiyi aşkar olunmuş və Agentlik tərəfindan vətəndaşa 2021-ci ilin 20 avqust tarixində 0521 nömrəli Qərarla tikinti işləri dayandırılmışdır. Buna baxmayaraq tikinti işləri yenidən davam etdirildiyi aşkar olunmuş və Agentlik tərəfindan vətəndaşa 2021-ci ilin 23 sentyabr tarixində inzibati qaydada protokol tərtib edilmişdir”. Vəssalam. İcra Hakimiyyəti bununla işini bitmiş hesab edib. Fövqəladə Hallar Nazirliyi Dövlət Yanğın Nəzarəti Xidməti Cənub regional Dövlət Yanğın Nəzarəti İdarəsi bildirib ki, “”ərazidə heç bir tikinti quraşdırma işlərininin aparılmadığı aşkar olundu”. Yeri gəlmişkən, cumhuriyyet.az olaraq icra hakimiyyətinin cavabında tikintinin sahibi kimi adı çəkilən H.Hadızadə ilə bağlı da araşdırma apardıq.

Məlum oldu ki, tikinti prosesinə Hünər Hadıcadə və Hikmət Əsədov rəhbərlik edib. Amma Taleh Qaraşov kimi beş rayonda icra başçısı olmuş şəxsi, FHN kimi qazdan ayıq bir qurumu razı salmaq bu iki şəxsın işinə bənzəmir. İCRA HAKİMİYYƏTİ və FHN 2021 ci ilin sentyabr və oktyabr aylarında dəfələrlə bunlara tikintinin dayandırılması haqqında qərar verib, amma bunlar ötən 10 ay ərzində 8 mərtəbəli binanı tikiblər və bir gün olsun belə tikintini dayandirmayıblar və hal hazırda orda iş gedir! Nəinki iş gedir, həm də tikinti sahibləri sözün həqiqi mənasında ərazidə özlərini dövlətdən və qanundan üstün aparırlar. Məsələn, bir neçə gün öncə binanın arxasında, poçt şöbəsinin həyətində aparılan qazıntı işləri rabitə xətləri zədələndiyindən Lənkəran ərazi 2-sayli, 4202-nomreli poçtunun fəaliyyəti tamamilə iflic olub. Məsələ ilə bağlı cumhuriyyet.az-ı bilgiləndirən mənbənin sözlərinə görə hadisəni hüquq mühafizə orqanları diqqətə alsa da hələ ki, cəzalanan olmayıb.

Bina tikintisində içməli su və yangın üçün su anbarları və nasos sistemi ayrica tikilməlidir, lakin bu arqumentlər nəzərə alınmamışdır. Ətraf qonşu tikililərdə, pozulmuşdur, çunki bina qanuna uygun tikilmədiyinən ara məsafələr nəzərə alınmayıbdır və hətta bəzi evlər binaya bitişikdir!
Bu adamlar hansı statusa malikdirlər ki, Azərbaycan Respublikasının Ali Qanunlarını heçə sayırlar, dövlət qurumlarının qərarlarını görməzdən gəlib, istədikləri kimk tikinti aparırlar?! Tikilən binaya Ekspertiza rəyi Vacibdir. Cunki Eksprtiza rəyində binanın tikiıməyi və infrastrukturunun hansı formada olması üçün müdəalar vardir. Amma bu Bınaya eksprtiza rəyi verilməyib! Eksprtiza rəy vermədiyi binanın, Yerli İcra Orqanında çalışan arxitektur hansı səbəbə tikilməsinə göz yuması anlaşılan deyil. Bu insanlar Dövlətdən məgər üstündürlər?

Lənkəranda danışırlar ki, “balıq başdan iylənər”, baş memarı rəhbərlikdən icazəsiz bu işləri necə görə bilib? Ən azı istintaq bu suallara cavab tapmalıdır. Oxşar hadisə Abşeron İH-də də olmuşdu. Baş memarın həbsindən bir neçə ay sonra İradə Gülməmmədova başçı vəzifəsini itirdi. Belə iddialar səslənir ki, Lənkəranda da eyni qərar təkrarlana bilər. Taleh Qaraşov özünü bu işdən nə qədər uzaq tutmağa çalışsa da artıq xoruzun quyruğu görünməyə başlayıb. Belə ki, iki gün öncə ərazidə aparılmış qazıntı işləri zamanı küçə yolunun altı da qazılaraq yararsız hala salınıb. Dünən bura Lənkəran şəhər icra nümayəndəsi gəıib tikinti sahibləri ilə görüşür və anlaşmadan sonra nə qədər qəribə olsa da yo bir qədər də daralır. Belə bir durumda Taleh Qaraşovun hadisədən, daha doğrusu tam qanunsuzluqdan xəbərsiz olduğunu necə düşünmək olar. Bizə daxil olan məlumata görə işin arxasında Daşınmaz Əmlakın Dövlət Reyestri Xidmətinin işçisi Cabbarov Fariz Musa oglu durur. Bununla bağlı isə növbəti yazımızda…

P.S. Yazı saytımızda dərc olunduqdan sonra Lənkəran icra hakimiyyəti cumhuriyyet.az-a açıqlama göndərib. Qarşı tərəfin cavab haqqı olaraq açıqlamanı olduğu kimi diqqətinizə çatdırırıq: “Bildiririk ki, sözügedən ünvanda qazıntı işlərinin aparılması ilə bağlı informasiya Lənkəran Şəhər İcra Hakimiyyətinə daxil olan kimi Memarlıq və tikinti şöbəsinin əməkdaşları hadisə yerinə getmiş, qazıntı işlərinin dayandırılması dərhal təmin edilmiş və məsələ ilə bağlı aidiyyəti qurumlar məlumatlandırılmışdır. Bununla yanaşı, sahibkarla müvafiq söhbətlər aparılmış, ona ərazinin əvvəlki vəziyyətinə qaytarılması bildirilmiş və məsələ nəzarətə götürülmüşdür.”

P.P.S. Ərazidəki durumla bağlı aldığımız son məlumata görə, qazıntı kanalizasiya xəttinin çəkilişinə görə dayandırılıb.

Mövzunu diqqətdə saxlayacağıq. //cumhuriyyet.az//

Bu gündən etibarən Naftalanda QHT-lərin 2-ci Təlim Proqramı öz işinə başlayacaq.

DİA.AZ bildirir ki, əsasən tanışlıq əsasında seçilmiş iştirakçıların kimliyi bəlli olmasa da, müraciət edənlərin çoxu narazılığını bildirir.
Çünki orada əsas şərtlərdən biri kimi ingilis dili bilgisi olsa da, QHT sektorunda bu qədər dil bilən şəxsin olması sual doğurur. Tanınmış QHT sədri Mirvari Qəhrəmanlı bu məsələ ilə bağlı şərh yazsa da, Agentlik bu tələbi aradan qaldırmamışdır.

Əldə etdiyimiz məlumata əsasən, seçilən şəxslərin böyük əksəriyyətinin dil bilgisi yoxdur.

Bu məsələ ilə əlaqədar tədbirdən dərhal sonra araşdırma aparacayıq.

3 gün davam edən və irihəcmli maliyyə tutumu olan bu tədbirin məhz Naftalana salınması müəammalıdır. Agentliyin icraçı direktoru Aygün Əliyevanı Naftalana bağlayan sirri də hələ heç kim tapa bilmir.

Qeyd edək ki, Naftalanda tədbir xərcləri ucuz başa gəldiyi üçün böyük məbləğli layihə vəsaitini silmək asan olacaq.
Maraqlıdır ki, İqtisadiyyat Nazirliyinin müvafiq qurumu bu tədbirə dair tenderi necə təsdiq edib.

DİA.AZ