Birinci Qarabağ Müharibəsinin iştirakçıları Yevlax rayonunda etiraz ediblər. Belə ki, son vaxtlar şəhər və rayon icra hakimiyyətinin qarşısında aksiyalar səngimir. Bunun da səbəbi icra hakimiyyətinin baçısının yerində olmamasından irəli gəlir.

Əgər həqiqətən icra başçıları rayon və kənd əhalisi ilə görüşlər keçirsə, onda rayon və kənd sakinlərinin problemləri qabarmaz. Həqiqətlər göz qabağındadır. Bu gün əlil olan şəxslərin torpaq sahələri öhdəliklərindən alınaraq sahibkarlara, digər imkanlı şəxslərə verilir. Bu isə kobud şəkildə insan hüquqlarının tapdalanmasına, zorakılığa, özbaşınalığa, yetkili şəxslərin vəzifə səlahiyyətlərindən sui-istifadəsi, vəzifə səlahiyyətlərini aşmağı və s. insan hüquqlarının iyrənc vəziyyətə salan, yaşamaq, həyat eşqini bir göz qırpımında söndürməkdir.

Maraqlıdır, görəsən Yevlax rayonunda qazilərin torpaqlarının əlindən alınmasına bələdiyyə sədiri, yoxsa icra hakimiyyətinin başçısı Anar Tağıyev məsuliyyət daşıyır? Bu sualın cavabı, yəni həqiqətlər o zaman aydın olacaq ki, aidiyyəti orqanlar bu işi ədalətli araşdıracaq.

Qarşı tərəfin mövqeyini dinləməyə hazırıq. //hurriyyet.az//

Mehriban Vəliyeva 1989-cu ildən pedaqoji fəaliyyətə başlayıb, Bakı şəhəri 278 nömrəli tam orta məktəbdə, Heydər Əliyev adına Müasir Təhsil Kompleksində və Akademik Zərifə Əliyeva adına liseydə işləyib. 2014-2020-ci illərdə Akademik Zərifə Əliyeva adına liseyin direktoru vəzifəsində çalışıb. Təhsil nazirinin əmri ilə 2020-ci il 11 dekabr tarixində Bakı Şəhəri üzrə Təhsil İdarəsinin müdiri vəzifəsinə təyin edilib.
Fikir verdinizmi, biz əbəs yerə yazmadıq ki, Mehriban Vəliyeva neçənci ildə BDU-ya daxil olub, neçənci ildə bitirib..? 1964-cü ildə anadan olan Mehriban Vəliyeva 25 yaşında əmək fəaliyyətinə başlayıb. Niyə..? Onun tay-tuşları 22 yaşında BDU-nu bitirib 3 ildir çalışırdılar, amma Mehriban Vəliyeva bu 3 ildə harada olub..? Yəni bunların adi tərcümeyi-halları xırda tənqidə davam gətirmir. Bütün bunları qoyaq bir kənara, keçək Mehriban Vəliyevanın əsas fəaliyyətinə. Artıq bir neçə ildir ki, Mehriban Vəliyeva Bakı boyda şəhərin təhsilinə, məktəblərinə, uşaq bağçalarına, körpələr evinə nəzarət, daha doğrusu, SAHİBLİK edib.
Bəli, nəzarət və SAHİBLİK fərqli məsələdir. Belə ki, Mehriban Vəliyevanın dövründə nəinki yerdəyişmələr, hətta orta məktəblərin 1-ci siniflərinə qəbul rüşvət obyektinə çevrilib. Rus bölmələrinə qəbulun qiyməti isə 3-4 dəfə bahalaşıb. Təsəvvür edirsiniz, 1-ci sinifə, yaxud uşaq bağçasına qəbul ancaq pulla, rüşvətlə mümkündür. Baxın, bu gün Bakı şəhərində məktəbəqədər təhsil müəssisələrində çalışan minlərlə tərbiyəçinin nəinki ali təhsili, heç orta ixtisas təhsili yoxdur. Bunlar hansı yolla işə düzəliblər..? Bunu Mehriban Vəliyeva gözəl bilir, pulunu ver, işə düzəl.
Bu hələ harasıdır...? Bakıdakı məktəblərin, uşaq bağçalarının çoxunda nəinki ağac, heç kol da yoxdur, amma yüzlərlə bağban dövlətdən hər ay maaş alır. Əslində bağbanlar almır ee, Mehriban Vəliyeva alır...

Biz hələ uşaqlara ayrılan qida və ərzaq məhsullarının satılmasından danışmırıq... Biz məktəblərdəki “ölü canlardan, 3 nəfərin yerinə işləyən mühafizəçilərdən danışmırıq... Bəli, Mehriban Vəliyeva paytaxt təhsilinə rəhbərlik etdiyi az müddətdə milyonçu-oliqarxa çevrildi. Şübhəniz varsa, buyurun, tanış olun: Bakı Şəhəri üzrə Təhsil İdarəsinin müdiri Mehriban Vəliyeva Fatmayı bağları adlanan ərazidə, daha dəqiq desək, “Araz” marketin arxasında dəyəri 500 min manata olan villa alıb.
İndi isə keçək Mehriban Vəliyeva ilə bağlı ən son məlumatlara. Deməli, Mehriban Vəliyevanın bacısının əri Müdafiə Nazirliyinin Təchizat İdarəsinin rəisi olub. Təsəvvür edirsiniz, bu idarənin rəislərinin adı həmişə böyük korrupsiyada hallanıb. Mehriban Vəliyevanın bacısının oğlu, yəni həmin Təchizat İdarəsi rəisinin oğlu isə Azərbaycanda bərk gedən generallardan birinin balaca qızına 900 min manat pul atıb və bu günədək qaytarmır.
Məlumat üçün qeyd edək ki, generalın qızı ilə Mehriban Vəliyevanın bacısı oğlu Zərifə Əliyeva adına liseydə sinif yoldaşı olublar və o vaxtdan dostluq ediblər. Yeri gəlmişkən, Mehriban Vəliyeva həmin illərdə liseyin direktoru olub.
Sözün qısası, generalın evində yəqin ki, 9 milyarda yaxın pul olub ki, balaca qızın 900 min dostuna verməsindən gec xəbər tutublar... Sözün qısası, Mehriban Vəliyevanın ətrafında proseslər dərinləşməkdə davam edir və hər gün ortaya yeni faktlar çıxır, yəni çəmbər daralır... Bizi izləyin. //gundelik-baku.com//

Cəlilabadın bir çox kəndlərinin sakinləri evlərində rahat yaşaya bilmirlər. Buna səbəb evləri zəhərli ilanların basmasıdır.

DİA.AZ JAMAZ.İNFO-ya istinadla xəbər verir ki, bu barədə Facebookdakı şəxsi hesabında məlumat yayan tanınmış jurnalist Təzəxan Mirələmli bildirib ki, durum acınacaqlıdır.

O qeyd edib ki, Cəlilabadın ən yaxın kəndlərindən biri olan Fərzili kəndində qohumları yaşayır. “Baldızımgil Fərzəli kəndində yaşayır. Qızımla danışanda bildirdi ki, evdə ilanlar var, hər gün xalam öldürür. Şəkillərin göndərdi, zəhərli ilanlar olduğunui öyrəndim”.

Mirələmli məsələdən xəbər tutan kimi, ilk Cəlilabad Gigiyena və Epidomologiya mərkəzinə zəng vurub. “Mahir doktorun nömrəsini verdilər. Onunla danışdım və bildirdi ki, biz həşaratlara baxırıq, ilanlara yox. Baytarlıq İdarəsinə müraciət edin. 025 245 30 50 zəng vurdum avtocavabla bildirildi ki, telefon ödəniş edilmədiyi üçün bağlıdır. İcra hakimiyyətinə zəng etmək qərarına gəldim. Subardinasiya qaydaları ilə zəng etdiyim nömrələrdən heç birinə cavab verən olmadı… Bəlkə Cəlilabad rayonu köçürülüb, xəbərim yoxdur”.

Jurnalist sonda qeyd edib ki, insanların həyatları təhlükədədir. “İndi nə edək? İlanlara yalvaraq ki, İcra Hakimiyyətinə getsinlər, bəlkə onda aparatdakılar yuxudan ayılar”.

Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Tovuz rayonu ərazisindəki “Nazlı bulaq”, Göygöl rayonu ərazisindəki “Göygöl” istirahət mərkəzlərindən ətrafa tullantıların atıldığı və çirkab axıdıldığı, Ağcabədi şəhərində fəaliyyət göstərən “Ucuzluq" marketdə formalaşan tullantıların isə yandırıldığı müəyyən edilib.

DİA.AZ-ın məlumatına görə, xidmət rəsmisi Bəhruz Məhəmmədov bildirib ki, faktlarla bağlı “Nazlı bulaq” istirahət mərkəzinin icarədarı Akif Məhərrəmov, “Göygöl” istirahət mərkəzinin sahibi Məmməd Süleymanov və “Ucuzluq" marketin nümayəndəsi Təbriz İsmayılov barəsində akt, protokol tərtib olunub və qanunamüvafiq tədbirlər görülüb.

“Gələcəkdə belə hallara yol verilməməsi üçün hər üç obyektin sahibinə məcburi göstəriş verilib”, - o deyib.

Bütün bunlar gözəldir. Və təqdirəlayiqdir ki, ETSN əməkdaşları az-çox öz işlərinin öhdəsindən gəlməyə çalışırlar. Amma digər əlaqədar qurumlar isə rəsmən yatıblar. Məsələn elə Göygöl rayonu, Toğanalı kəndinin bələdiyyəsi və yaxud da həmin kəndə baxan bələdiyyə...

DİA.AZ olaraq aşağıda təqdim etdiyimiz fotolar Göygöl-Toğanalı yolunun üstündəki "Gəncəbasar" Ailəvi (guya ki...) İstirahət Mərkəzindən və Toğanalı kəndinin içindən keçən çaydan çəkilib. Fotolardan da göründüyü kimi əslində çox gözəl təbii gözəlliyə malik olan bu ərazilər məhz əlaqədar qurumların baxımsızlığının və öz vəzifələrini yerinə yetirməmələrinin qurbanıdır...

Hər halda, sonra deməyin ki, nədən turistlər Azərbaycanı seçmir... Çünki bizlər Azərbaycanı sevmirik...

Məsələ ilə bağlı olaraq bütün maraqlı tərəflərin mövqelərini işıqlandırmağa hazırıq...

Fətullah Gülənin nəzarətində olan restoranlar şəbəkəsində vətəndaşlarımıza niyə yuxarıdan aşağı baxırlar..?
Arxamda Xoca Əfəndi(Fətullah Gülən) durub, FETÖ məni dəstəkləyir, mənə heç nə edə biməzsən... Təkrar-təkrar yazmağa məcburuq ki, Bakıda və regionlarda fəaliyyət göstərən türk şirkətləri, restoranları və s. barədə cəmiyyətə düzgün, dürüst bilgi, məlumat verilməlidir.
Belə ki, hamımız Ulu Öndərin “Bir millət, iki dövlət” şüarını qəbul edirik. Amma böyük qardaş hesab etsək belə Türkiyə Respublikasının Azərbaycanda çalışan şirkətləri, restoranları, bankları və s. özünü qardaş kimi aparmalı, ölkəmizin qanunlarına hörmət etməli, Azərbaycan vətəndaşlarına yuxarıdan aşağı baxmamalıdırlar.
Bu qədər sadə və bəsit. Türkiyədən gələn şirkətlər ölkəmizdə milyonlar qazanırlar, ancaq sonra məlum olur ki, kifayət qədər vergidən yayınırlar, hələ üstəlik Türkiyədən gətirdikləri ibtidai təhsili olan işçilərə 2-3 min dollar, bizim ali təhsilli fəhlələrə isə 700-800 manat maaş verirlər.
Sözün qısası, qardaşlıq-dostluq öz yerində, amma hər kəsin öz marağı, öz mənafeyi var. Azərbaycanın maraqlarını pozan obyektlərdən biri də MADO adı ilə tanınan məşhur şəbəkədir. Qısa məlumat üçün qeyd edək ki, MADO Restoranlar Şəbəkəsi Azərbaycanda 2010-cu ildən fəaliyyət göstərir. Hal-hazırda 5 şöbəsi olan MADO ilk restoranını Bakının mərkəzində, "Mərdanov qardaşları" küçəsində açmışdır.
Bu gün Bakının ən prestiji yerlərində, Səbaildə, Nərimanovda, Yasamalda və digər yerlərdə MADO-nun restoranları, dondurma köşkləri fəaliyyət göstərir. Təsəvvür edirsiniz, Bakının ən gur yerlərini sanki MADO zəbt edib.
Onu da qeyd edək ki, bu şəbəkənin özünün saytı və MADO AZƏRBAYCAN - nın
https://www.facebook.com/madoaz fb səhifəsi var. MADO-nun fb səhifəsinə daxil olaraq öyrənirik ki, burada nə qədər aşpaza, satıcıya, ofisianta, fırınçıya, anbardara, xadiməyə və s. ehtiyac var. Görəsən, Əmək Müfəttişliyi deyə bilərmi ki, MADO-da nə qədər Azərbaycan vətəndaşı əmək müqaviləsi olmadan çalışır, yəni nə qədər DSMF-yə pul keçirilmir..?
Biz hələ bu qədər geniş şəbəkəyə malik şirkətin dövlət büdcəsinə ödədiyi vergiləri demirik...
Bizdə məlumatlar var ki, bu şəbəkə uzun illərdir ki, vergidən külli miqdarda yayınır.
Bu hələ harasıdır..? Media üzərindən araşdırma zamanı bəlli olur ki, MADO restoranlar şəbəkəsi türk düşməni Fətullah Gülənə, yəni FETÖ-yə məxsusdur. Hətta mediada “Mado”nun sabiq deputat, FETÖ-çü Ceyhun Osmanlıya aid olduğu da yazılıb.
Bütün bunlar azmış kimi MADO restoranlarında erməni musiqilərinin səsləndirilməsi lap rüsvayçılıqdır... Budur qardaşlıq...?
Təsəvvür edirsiniz, MADO-nun marketinq direktoru deyir ki, burada nə var ki, musiqidir dəə... Hələ bunlar harasıdır..? Fətullah Gülənin MADO-dakı nümayəndələri vətəndaşlara külli miqdarda pul atır və onları hədələyirlər...
Belə ki, MADO restoranlar şəbəkəsinin sahibi Ramiz Kazımov Özbəkistandakı Azərbaycan diaspora rəhbərlərindən Mobil Məmmədova 178 min dollar pul atıb. Mobil Məmmədov deyir ki, MADO-nun sahibi pulumu qaytarmaq əvəzinə məni Fətullah Gülənlə hədələyir....mənə deyir ki, arxamda Xoca Əfəndi(Fətullah Gülən) durub, FETO məni dəstəkləyir, mənə heç nə edə biməzsən...
İndi gördünüzmü, yazının girişində qeyd etdiklərimiz necə yerindədir... Bəli, qardaşlıq öz yerində, amma ölkəmizin qanunlarına hörmət etməlisiniz...
Gündəlik Bakı

Gəncə şəhər sakini Hüseynov Anar Telman oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, anası öləndən sonra ona qalan evi saxta sənədlərlə mənimsəyiblər:

"Mən, Hüseynov Anar Telman oğlu, yazaraq sizdən xahiş edirəm ki, problemimin araşdırılması üçün mənə kömək göstərəsiniz.

Bildirim ki, 1978-ci ildə Gəncə şəhərində anadan olmuşam. Uşaq evinin sakini olmuşam. Bütün başıma gələnlər savadsızlığımdan və yiyəsizliyimdən olub.

1983-cü ilə kimi 2 nömrəli uşaq evindən Hüseynova Lətafət xanım tərəfindən övladlığa götürülmüşəm. Lətafət xanım ağır xəstəlikdən vəfat edənə qədər məni saxlayıb. Vəfat etdikdən sonra məni Şüvəlanda 2 nömrəli internat məktəbinə yerləşdirdilər. Mənə analıq edən şəxs ölməmişdən qabaq mülkünü sənədlə mənə əmanət etmişdir.

Artıq böyüyüb yaş həddini doldurduqdan sonra internatdan çıxaraq, Ağdaş rayonuna getdim. Ağdaş İcra Hakimiyyətinin qəbulunda oldum və ondan xahiş etdim ki, anamdan qalan evi yaşamağım üçün mənə versin. İcra Hakimiyyəti də sənədləri təqdim etdi və həmin evdə məskunlaşmağa başladım.

Bir neçə ay olardı ki, yaşadığım evdə qonşum Nahidə tərəfindən şərlənərək həbs edildim. Sən demə, həmin qonşumun qərəzli məqsədi var imiş. Həbsdən çıxandan sonra evimə gəldim və bildirdilər ki, mənim adıma olan ev başqa adama satılıb. Hər yerə getdim, müraciət etdim, sübut etdim ki, mən ev satılan vaxt həbsdə olmuşam, evimi kim, necə sata bilərdi?! Mənə qonşum və s. adamlar hədə-qorxu gəlirdilər, amma heç birinə məhəl qoymurdum. Çünki mənim olan evi saxta sənədlərlə satıblar.

Növbəti dəfə məni həbs etdirdilər, ümüdimi kəsdim, başladım açılmayan cinayətləri boynuma alıb, həbsdə qalmağa. Çünki gedəcək yerim yox idi. Həbs həyatı çətin olsa da, ən azından yeməyimizi verirdilər. Dəfələrlə "srok" yatmışam.

Hazırda vərəm xəstəsiyəm. Ağdaş rayonuna getməyə qorxuram, yenidən həbs etdirəcəklər. Xahiş edirəm, yetimçiliklə böyüyən mənə səlahiyyəti çatan çəxslər kömək etsin. Küçələrdə qalmışam, heç kəsim yoxdur. Evimi alan şəxs Baxşəliyev Şəkər və onun oğlanları məni təhdid edirlər. Hansısa dövlət kanalında müxbir işləyən qohumlarının əli ilə məni yenidən həbs etdirəcəklərini deyirlər. Müxbir bir xanımın əli ilə, onun tanığı adamlar vasitəsilə saxta sənədlər düzəldərək, evimi mənimsəyiblər.

Bu yazı efirdə və yaxud saytda gedəndən sonra mən bilirəm ki, yenidən bir yol tapıb məni həbs etdirəcəklər, ya da döydürəcəklər. Amma yaşamağa yerim yoxdur, çarəsizəm. Ağdaş rayonu, Müşviq İsayev küçəsi, dalan 1, ev 29-da qeydiyyatdayam. Sənədlərim də var. Məhkəməyə müraciət edirəm, baxılmır. İcra Hakimiyyəti qarışmır. Mən kimdən kömək istəyim? Xahiş edirəm, mən ölənə kimi evimi mənə versinlər, məni çox çarəsiz vəziyyətə salıblar".

Redaksiyadan: Yazıda adları çəkilən şəxslərin mövqeyini dərc etməyə hazırıq.

Göyçay rayon sakinləri tərəfindən ölkə rəhbərliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:

"İcra başçısı Natiq Ağayev Göyçayı şəxsi mülki kimi idarə edir.Vəzifəyə təyin olunduğu ilk gündən birinci işi özünə trollar komandası yığmaq oldu.Hər bir troluna və onun ailə üzvülərinə maaş kartları verib.Əlində bir neçə əxlaqsızı saxlayıb haqqın tələb edən insanları şantaj etdirir.Həmin trollar isə öz əxlaqlarına uyğun sosial şəbəkələrdə namuslu insanlar barədə yazdıqları söyüşlərdən isə Natiq Ağayev sanki həzz alır buda onun dürüst adam olmadığını göstərir.

Ciblərində maaş kartları olan trollar işə gəlmədən qanunsuz davamiyyət yazılaraq hər ay müftə maaş alırlar.

İcra başçısı Natiq Ağayev Bakı şəhər sakini olan yaxın dostu Cavanşir Qədirov adlı işinin öhdəsindən gələ bilməyən yaramazı Göyçay Şəhər Təsərrüfatı İdarəsinə müdir təyin edib. Həmin idarə Mənzil İstismarı, Sanitar Təmizlik, Yaşıllaşdırma və abadlaşdırma İdarələrinə nəzarəti həyata keçirir.Cavanşir Qədirovun idarəçilik anlayışı olmadığı üçün Göyçay Şəhər Təsrrüfatı idarəsi iflic olub deyə rayon zibillik, çirkab içində itib batır, ağaclar susuzluqdan və baxımsızlıqdan kütləvi quruyur.Gözdən pərdə asmaq üçün Göyçay şəhərinin bir iki küçələri təmizlənilir ancaq digər küçələr baxımsız vəziyyətdədir.Zibillər süpürülmür vaxtlı-vaxtında götürülmür deyə ətrafa antisanitariya saçır.Həttda zibillər yerdə topalanaraq yandırılır.Buna görə Göyçayın küçələri tez-tez tüstüyə bürünür ekologiya çirklənir.
Həmin adı qeyd edilən bu 3 idarənin maaş kartlarının əksəriyəti trollara və onların ailə üzvülərinə verilib onlarda işə çıxmırlar.İşçi qüvvəsi olmadığı üçün rayonda təmizlik işləri vaxtlı-vaxtında aparılmır.
Cibində maaş karı olan trollar sosial şəbəkələrdə yazırlar ki, bundan əvvəlki başçıların dövründə pis idi indi yaxşıdır.

Ancaq qeyd edək ki, bundan əvvəl icra başçısları ağacları isti aylarda tez-tez sulatdırırdı, budayırdılar, rayonun küçələri vaxtlı-vaxtında təmizlənirdi.
İndi isə Natiq Ağayev sanki şahlıq yaradıb iş bacarmayan səriştəsiz təcrübəsi olmayan yaxın dot tanışını mühüm idarələrə rəhbər təyin edib.
Sosial şəbəkədə kimlər ki, Natiq Ağayev barədə tərif yazırsa bilin ki, həmin adamın özünün və ailə üzvülərinin cibində maaş kartları var, işədə getmədən maaş alırlar.Bunu isə yoxlamaq çox asandır.
Nəticə isə göz qarşısında rayon zibiliik içində itib batır trollar kef edir sakinlər əziyyət çəkir Natiq Ağayev isə bu xoşagəlməz mənzərədən həzz alır".

İddia olunanlarla bağlı dia.az olaraq qarşı tərəfi də dinləməyə hazırıq...

Gundelik-baku.com xəbər verir ki, Sahil Babayevin Şərqi Zəngəzura rəis təyin etdiyi Sənan Məmmədov özünə yarım milyonluq 90 SM 777 dövlət qeydiyyat nişanlı yeni BMW X7 avtomobili alıb.Avtomobil Məmmədzadə Sənan Raqub oğlunun(11.02.1986 təvəllüdlü,Ağdam qeydiyyatında olan)adınadır və atası Məmmədov Raqub Allahverdi oğluna sürmək üçün etibarnamə verib.Xatırladaq ki,Sənan Məmmədov bu təyinatadək Abşeron-Xızı Regional Məşğulluq İdarəsinə müdiri vəzifəsində çalışırdı.Bir neçə gün öncə, Abşeron-Xızı Regional Məşğulluq filialının müdiri Məmmədzadə Sənan Raqub oğlu vəzifəsindən azad olunub və Şərqi Zəngəzur Regional Məşğulluq filialının müdiri təyin edilib.Sənan Məmmədov Abşeron-Xızı Regional Məşğulluq İdarəsinə müdiri vəzifəsində çalışarkən iclaslarda qızları idarəyə yığıb nöqsanlara yol verdiyinə görə səlahiyyətli şəxslər tərəfindən danlandığı da deyilirdirdi.

Qeyd edək ki, o, Ağdamın sabiq icra başçısı Raqub Məmmədovun oğludur.

İyulun 25-dən məktəbəqədər təhsil müəssisələrinə (bağça) uşaqların qəbulu başlayıb. Sentyabrın 1-nə qədər davam edəcək prosesi Elm və Təhsil Nazirliyi (ETN) həyata keçirəcək.

Nazirliyin açıqlamasında bildirilir ki, 1 uşaq üçün maksimum 3 məktəbəqədər təhsil müəssisəsi seçmək mümkündür. Mövcud növbələrin boş yer olduğu halda sorğuya çevrilməsi prosesi minimum 5 gündən sonra həyata keçiriləcək. Növbə sorğuya çevrildikdən sonra valideyn və ya qanuni nümayəndə 15 gün ərzində sənədləri müvafiq müəssisəyə təqdim etməlidir, əks təqdirdə sorğu silinəcək və növbəli şəkildə digər uşağın qəbulu aparılacaq.

Son dövrlər bağçalarla bağlı bir çox dəyişikliklər həyata keçirilsə də, heç biri özünü doğrultmayıb. İllər əvvəl Nazirliyin balansında olan uşaq bağçaları sonradan yerli icra hakimiyyətlərinin tabeliyinə verilsə də, ötən il yenidən ETN-ə qaytarılıb.

Əksər valideynlər iddia edirlər ki, uşaq bağçalarına qəbul prosesi zamanı neqativ hallar yaşanmaqdadır. Yalnız aidiyyəti üzrə uşaq bağçasının müdiriyyəti ilə anlaşdıqdan sonra, daha konkret desək, rüşvət qarşılığında uşaqları yaxınlıqda yerləşən bağçalara yerləşdirmək mümkündür. Alınan rüşvət qarşılığında bağça müdirləri 20 uşaq tutumlu qruplara 40-45 uşaq yığırlar. Əks halda, bağçada yer olmadığı bildirilir və uşağı bağçaya götürməkdən imtina edirlər.

Elektron qəbul sistemi məktəbəqədər təhsil müəssisələrinə uşaqların qəbulu zamanı yaşanan neqativ halların qarşısını alacaqmı? Yoxsa yenə valideynlər övladlarını yaxınlıqdakı bağçaya yerləşdirmək üçün əllərini cibinə atmalı olacaqlar?

DİA.AZ-ın məlumatına görə, təhsil eksperti Kamran Əsədov AYNA-ya açıqlamasında deyib ki, uşaq bağçalarının sayı bağçayaşlı uşaqların sayı ilə uyğun gəlmir: “Əsas problem də məhz bundan qaynaqlanır. Bu gün Azərbaycanda təxminən 1700 uşaq bağçası və körpələr evi var ki, onların da təqribən 20 faizi Bakıda yerləşir. Ölkə üzrə bağçaların tutumu 130 minə yaxındır. Baxçayaşlı uşaqların sayı isə 800 mindir. Yəni, beş dəfədən də artıq fərq mövcuddur”. Ələlxüsus da, Abşeron rayonunda uşaqların bağçaya yerləşdirilməsində ciddi problemlər var. Bunun da əsas səbəbi Abşeron rayonunun inzibati ərazisinə daxil olan qəsəbələrdə yaşayışın çoxalmasıdır”.

“Elektron sistemin effektiv olmayacağı barədə müəyyən mülahizələr irəli sürülsə də, hesab edirəm ki, ən optimal və düzgün yol budur. Bu, qəbul zamanı rüşvətin qarşısını tam almasa da, azalmasına, kütləvi xarakter almasının qarşısını almağa xidmət edir. Hansı ki, buna qədər rüşvət vermədən uşaqların bağçalara qəbuluna nail olmaq faktiki olaraq mümkün deyildi”, - deyə həmsöhbətimiz bildirib.

Əsədovun sözlərinə görə, dövlət özəl uşaq bağçalarının inkişafına təkan verməlidir: “Dünyanın müxtəlif dövlətlərində, qardaş Türkiyədə də bu təcrübədən istifadə olunur və kifayət qədər müsbət nəticələri var. Özəl bağçalar şəbəkəsinin genişlənməsi, onlara vergi güzəştlərinin tətbiq olunması, xərclərin bir hissəsinin hökumət tərəfindən qarşılanması çıxış yolu ola bilər. Bunun əvəzində dövlət özəl bağçalardan qiymətləri minimuma endirməyi tələb edir. Yəni, kimsə dövlətin dəstəyindən və güzəştlərindən yararlanırsa, qiymət siyasətinin əlçatan olması onun qarşısına şərt kimi qoyulur. Bununla məktəbəqədər təhsil müəssisələrinin sayının artırılmasına nail ola bilərik”.

DİA.AZ-ın məlumatına görə, “Konstitusiya Araşdırmalar Fondu”nun prezidenti, hüquqşünas Əliməmməd Nuriyev də AYNA-ya şərhində söyləyib ki, elekton qəbul prosesi bu sahədə olan nöqsanları aradan qaldıracaq: “Açıq şəkildə söyləmək olar ki, məktəbəqədər təhsil müəssisələrinin müvafiq icra hakimiyyətlərinin balansına verilməsi effektiv olmadı. Bir çox hallarda bağça müdirləri boş yerlərin sayını valideynlərdən gizlədir və yalnız müəyyən maraqlar qarşılığında uşaqları bağçaya qəbul edirdilər. Bununla bağlı aparılan araşdırmalar zamanı ciddi faktlar ortaya çıxdı. Yüzlərlə bağça müdiri vəzifəsindən azad edildi”.

“Bundan öncə Təhsil Nazirliyinin tabeliyində olduğu dövrlərdə də bağçalara qəbul zamanı neqativ hallar yaşanırdı. Problemdən yeganə çıxış yolu elektron sistemin tətbiqiydi. Düzdür, elektron sistemin tətbiqindən sonra da müəyyən neqativ hallar mövcud olacaq. Bu, istisna edilmir. Lakin əsas məsələ odur ki, kütləvi xarakter almayacaq. Elektronlaşma birbaşa təması aradan qaldırır, korrupsiya imkanlarını məhdudlaşdırır, prosesə daha da şəffaflıq verir, eyni zamanda hesabatlılığın təmin olunmasına yeni imkanlar yaradır”, - deyə müsahibimiz vurğulayıb.

Nuriyev hesab edir ki, təkcə qəbul deyil, bağçaların fəaliyyəti də diqqət mərkəzində olmalıdır: “Bağçaların inkişafı, özəl bağçalar şəbəkəsinin genişlənməsi, dövlət dəstəyi, qiymət əlçatanlığı, tədris səviyyəsi, məktəbə hazırlıq prosesi, xidmət səviyyəsi, sağlam qidalardan istifadə və digər məqamlar da önəmlidir. Xüsusən peşəkar kadr hazırlığı, uşaqlara qulluq edən müəllim və tərbiyəçilərin psixoloji vəziyyəti də dərindən təhlil olunmalıdır. Bu sahədə olan beynəlxalq təcrübə Azərbaycanda da tətbiq edilməlidir”.

Səfərbərlik və Hərbi Xidmətə Çağırış üzrə Dövlət Xidmətinin Suraxanı rayon şöbəsinin rəsmisi Qazinin evinə gəlib medallarını geri alıb. DİA.AZ bildirir ki, 27 sentyabr 2020-ci il tarixində başlanan Vətən Müharibəsinə hərbi xidməti bitirdikdən sonra Səfərbərliklə yenidən cəlb olunan, döyüşlərdə tuşlayıcı olaraq yaxından iştirak edərək ali baş komandan cənab İlham Əliyevin də müvafiq sərəncamı ilə 3 medalla təltif olunan Abbasov Mübariz Şahin oğlu ilginc açıqlamalar verib.

Qarabağ Qazisinin DİA.AZ-a bildirdiyinə görə, yaşadığı Suraxanı rayon Qaraçuxur qəsəbəsinin "Şərq massivi" adlanan ünvanına gələn Səfərbərlik Xidmətinin yeri şöbəsinin rəsmi şəxsi onu hədələyib: "Mənə bildirdi ki, əgər xoşluqla medalları və vəsiqəni verməsəm, polislə gələcək. Mən də bu şəxsə inanıb medalları və cənab Prezidentimizin imzasıyla təsdiq olunmuş vəsiqəmi ona verdim".

Çox maraqlıdır, əgər hansısa rəsmi qərar varsa, nədən Mübariz Abbasovu Səfərbərlik Xidmətinə rəsmi dəvət elətdirib, hansısa rəsmi sənədə imza atdirmadan onun təltifləri geri təhvil alınmayıb?

Qarabağ Qazisi bu qəribə olayla bağlı əlaqədar qurumlardan və Prezidentdən kömək istəyir.

Məsələ diqqətimizdədir və aidiyyatı üzrə bütün maraqlı tərəfləri olaraq dinləməyə hazırıq...

Xəyyam Qurbanlı