Ukraynada Zakarpat Briqadasının əsgərləri rusiyalı polkovnik-leytenant Aleksandr Koşeli əsir götürüblər.

O, Rusiya Federasiyasının 58-ci Ordusunun komandanı, general-leytenant Mixail Zusk ilə birbaşa əlaqə saxlayırdı və şəxsən gündəlik hesabatlar verirdi.

Bu barədə 128-ci Əlahiddə Dağ-Hücum Zakarpat Briqadasının hərbçisi Yaroslav Qalas “Facebook”da məlumat verib.

Onun sözlərinə görə, Koşeli ələ keçirildikdən dərhal sonra ruslar onu azad etmək üçün xeyli qüvvə göndəriblər. Eyni zamanda, əməliyyatlara aviasiya da cəlb edilib.

Əsir götürülən şəxs arxa cəbhədə təhlükəsiz yerə aparılıb.

Mənbə: RBC-Ukraina

Azərbaycanda bu ilin mart ayının 1-nə olan məlumata görə, banklar tərəfindən müştərilərə 17 126 milyon manat kredit verilib.

Mərkəzi Bankdan verilən məlumata görə, bu göstərici cari ilin yanvar ayı ilə müqayisədə 48,6 % çoxdur.

Qeyd edək ki, Azərbaycanda 26 bank fəaliyyət göstərir. Onlardan 24-ü özəl, 2-si isə dövlət banklarıdır.

Ukrayna Prezidenti Volodimir Zelenskiyə fevralın 24-də tövsiyə olunub ki, üç gün ərzində ölkəni tərk etsin.

Bu barədə dövlət başçısı Çex Respublikasının “ČT24” telekanalına müsahibəsində danışıb.

“Hamı mənə dedi ki, mən dərhal getməliyəm. Hamı. Həm dövlətimiz daxilindəki xüsusi xidmət orqanları, həm də tərəfdaşlarımız. Onlar başqa ölkələrdən siqnallar alıblar və üç gün ərzində Ukraynanı tərk etməyimi tövsiyə ediblər”, - o deyib.

Zelenskinin sözlərinə görə, hər on dəqiqədən bir ona zəng edib ölkədən çıxmağı məsləhət görürdülər.

Ukrayna lideri səhhəti ilə bağlı suala cavab verib ki, o, sağlamdır və “olduqca sakit” qərarlar verir.

“Mən yaxşı yatıram. Heç vaxt çox yatmamışam, amma həmişə yaxşı yatmışam. İndi işə daha çox diqqət yetirirəm, etdiyim və dediklərim daha çox konsentrasiya tələb edir. Mən insanlara yalnız müsbət məlumat vermək, sadəcə onlara gülümsəmək istəmirəm, həm də istəyirəm ki, mesajın pozitiv görünməsini təmin edim”, - deyə o vurğulayıb.

Eyni zamanda, prezident etiraf edib ki, dincəlmək və məsələn, kitab oxumaq hazırkı vəziyyətdə çətindir.

Mənbə: RBC

Azərbaycan Kanoe və Avarçəkmə Federasiyası tərəfindən Tərtər rayonunun Suqovuşan qəsəbəsində təlim-məşq toplanışı keçirilir.

Qeyd edək ki, bu, Qarabağda keçirilən ilk idman toplanışıdır.

Ölkəmizdə bu idman növünün inkişafı üçün görülən işlərdə əsas məqsəd avarçəkmənin coğrafiyasını genişləndirmək və gənclərdə bu idman növünə olan marağı artırmaqdır.

Qeyd edək ki, avarçəkmə idman növü üzrə yarışlara 1930-cu illərin sonlarından başlanılıb. Sonralar ənənəvi idman növlərindən birinə çevrilib.

Baku TV həmin təlim-məşq toplanışından reportaj hazırlayıb.

Həmin süjeti təqdim edirik:

Martın 22-də Müdafiə nazirinin birinci müavini - Azərbaycan Ordusunun Baş Qərargah rəisi general-polkovnik Kərim Vəliyev Rusiya Federasiyası Silahlı Qüvvələrinin Quru Qoşunları Baş Komandanının sülhməramlı fəaliyyət üzrə müavini general-polkovnik Aleksey Kimin rəhbərlik etdiyi nümayəndə heyəti ilə görüşüb.

Bununla bağlı Müdafiə Nazirliyi məlumat yayıb.

Görüşdə Azərbaycan Respublikasının Prezidenti, Rusiya Federasiyasının Prezidenti və Ermənistan Respublikasının baş nazirinin Bəyanatının müddəalarının icrası məsələləri, eləcə də Rusiya sülhməramlılarının müvəqqəti yerləşdirildiyi Azərbaycan əraziləri boyunca əməliyyat şəraiti müzakirə olunub.

Tərəflər 10 noyabr 2020-ci il tarixli Bəyanatın 4-cü bəndinə müvafiq olaraq qanunsuz erməni silahlı qruplaşmalarının Azərbaycan ərazilərindən çıxarılması prosesi və bir sıra digər məsələlər barədə ətraflı fikir mübadiləsi aparıblar.

Belarusda terror aktı planlaşdıran şəxs saxlanılıb.

Zamantv.az xəbər verir ki, bu barədə Belarus İstintaq Komitəsi məlumat yayıb.

Xəbərə görə, saxlanılan şəxs dəmir yolunda terror aktı törətmək istəyib.

"Biz Ukrayna ilə daha fəal və səmərəli danışıqlar aparmaq istərdik".

"Zamantv.az" “RİA Novosti”yə istinadən xəbər verir ki, bunu Rusiya Prezidenti Vladimir Putinin sözçüsü Dmitri Peskov jurnalistlərə açıqlamasında deyib.

“Düzdür, müəyyən proseslər gedir. Lakin biz daha məzmunlu danışıqlar arzulayırıq”, - o bildirib.

D.Peskov, həmçinin iddia edir ki, jazırda dünyada rusafobiya yayılıb. “Bunun qarşısını almaqdan ötrü çox az tədbir var. Çünki beynəlxalq hüquq faktiki olaraq işləmir”, - o söyləyib.

Ukrayna Xarici İşlər Nazirliyi növbəti dəfə NATO-ya müraciət edib.

"Zamantv.az" xəbər verir ki, bu barədə nazirliyin tviter səhifəsində bildirilib.

“Putin göstərdi ki, o, regional və qlobal təhlükəsizliyi təhdid etməyə hazırdır. Onun yaratdığı risk heç bir məhdudiyyət tanımır. Dayanmasa, növbəti zərbəni hara vuracağı bilinmir. Biz NATO ölkələrindən səmanı bağlamağa kömək etmələrini xahiş edirik”, - nazirlikdən qeyd olunub.

Yeni yaradılan Abşeron-Xızı Regional Məşğulluq İdarəsinə müdir təyin olunub.

"Zamantv.az"ın əldə etdiyi məlumata görə, bununla bağlı Əmək və Əhalinin Sosial Müdafiəsi naziri Sahil Babayev əmr imzalayıb.

Əmrə əsasən, sözügedən vəzifəyə Sənan Məmmədov təyinat alıb. Qeyd edək ki, o, Ağdamın sabiq icra başçısı Raqub Məmmədovun oğludur.

Azərbaycan Respublikası Müdafiə Nazirliyinin nümayəndə heyətinin Pakistana rəsmi səfəri çərçivəsində martın 21-də general-polkovnik Zakir Həsənovla Pakistanın Baş naziri cənab İmran Xan arasında görüş keçirilib.

Bu barədə Müdafiə Nazirliyi məlumat yayıb.

Bildirilib ki, görüşdə dövlətlərimiz arasında əlaqələrin inkişafında ölkə rəhbərlərinin səmimi dostluq münasibətlərinin mühüm rol oynadığı vurğulanıb.

Azərbaycan-Pakistan hərbi əməkdaşlığının yüksələn xətlə inkişaf etdiyini qeyd edən general-polkovnik Z.Həsənov Azərbaycanın ədalətli mövqeyini beynəlxalq təşkilatlar daxil olmaqla bütün səviyyələrdə dəstəklədiyinə görə Pakistan rəhbərliyinə və xalqına minnətdarlığını bildirib.

Sonda ölkələrimiz arasında ikitərəfli münasibətlərin müxtəlif istiqamətlərdə, eləcə də hərbi əməkdaşlıq sahəsində inkişafından məmnunluq ifadə olunub, qarşılıqlı maraq doğuran digər məsələlərlə bağlı fikir mübadiləsi aparılıb.