Rusiya Prezidentinin xüsusi nümayəndəsi vəzifəsindən istefa vermiş Anatoli Çubays İstanbuldadır.

O, həyat yoldaşı Avdotya Smirnova ilə birlikdə Türkiyəyə gedib. Bunu xanımın rəfiqəsi də təsdiqləyib.

Şayiələrə görə, Çubaysın istefası Ukraynadakı müharibə ilə bağlı mövqeyi ilə əlaqədardır. “Kommersant” qəzeti Çubaysın bankomatın yanında olduğu bir fotoşəkil yayıb.

Qəzetin məlumatına görə, o, dünən, martın 22-də İstanbulda görüntülənib.


Anatoli Çubays davamlı inkişaf məqsədlərinə nail olmaq üçün beynəlxalq təşkilatlarla əlaqələr üzrə Rusiya Prezidentinin xüsusi nümayəndəsi vəzifəsini tərk edib.

Bu barədə “Bloomberg” öz mənbələrinə istinadən bildirib.

Onun Rusiyanı tərk etdiyi deyilir.

TASS-dakı mənbə məmurun getdiyini təsdiqləyir.

Təsdiqlənməmiş məlumatlara görə, Anatoli Çubays İstanbuldadır. Ehtimal ki, həyat yoldaşı Avdotya Smirnova da onunladır.

Bundan əvvəl Kremldə və Rusiya Federasiyası hökumətində yüksək vəzifələrdə çalışmış Arkadi Dvorkoviç “Skolkovo” Fondunun sədri vəzifəsini tərk edib. Bu, onun Rusiyanın Ukraynada keçirdiyi xüsusi əməliyyatı tənqid etməsindən sonra baş verib.

Amerika Birləşmiş Ştatlarının Prezidenti Co Bayden Novruz bayramı münasibətilə Azərbaycan Respublikasının Prezidenti İlham Əliyevə təbrik məktubu göndərib.

Zamantv.az xəbər verir ki, təbrikdə deyilir:

"Hörmətli cənab Prezident,
Sizə və Azərbaycan xalqına sevincli və firavan Novruz bayramı arzulayıram. Bu yenilənmə zamanı əməkdaşlığımızı və sülhə sadiqliyimizi yenidən təsdiqləmək üçün bir imkandır.

Bu il Birləşmiş Ştatlarla Azərbaycan arasında diplomatik münasibətlərin 30 illiyidir. Bu ildönümünü qeyd etdiyimiz bir zamanda Administrasiyam Cənubi Qafqazda demokratiya, sülh və tərəqqini dəstəkləməyə davam edəcəkdir. Biz, həmçinin ortaq təhlükəsizlik narahatlıqlarını həll etmək, regional barışığa təşviq etmək və iqtisadi əməkdaşlıq üçün yeni imkanları araşdırmaq məqsədilə Azərbaycanla birgə işləyəcəyik.

Birləşmiş Ştatlar hökuməti adından Sizə və Azərbaycan xalqına ən xoş arzularımı yetirirəm".

Rusiya ordusu Xarkovda 972 binanı dağıdıb, onlardan 778-i yaşayış binasıdır.

Zamantv.az-ın Ukrayna KİV-nə istinadla xəbərinə görə, ancaq artıq şəhərdə Xarkovun necə bərpa olunacağı müzakirə olunur.

Bu barədə şəhərin meri İqor Terexov telemarfonun efirində açıqlama verib.

Rusiya qoşunlarının davamlı atəşə tutmasına baxmayaraq, hakimiyyət müharibədən sonra şəhərin bərpası variantlarını nəzərdən keçirir.

Ümumilikdə, Xarkov vilayətindəki müharibə zamanı 450 nəfər Rusiya ordusunun atəşinin qurbanı olub.

"İlk növbədə Ukrayna məsələsində hər kəsin niyyəti atəşkəs və sülh olmalıdır".

Zamantv.az-ın APA-ya istinadla xəbərinə görə, bu barədə Türkiyənin xarici işlər naziri Mövlud Çavuşoğlu deyib.

Onun fikrincə, hər kəs bu məsələdə məsuliyyətli olmalıdır.
“Hər kəs konstruktiv addımlar atmalıdır. Mən bunu dedikdə Rusiyanın etdiyi səhvlərə göz yummaq lazımdır demirəm, müharibəni dayandırmalıyıq. Atəşkəsin təmin edilməsi lazımdır. Və bundan sonra atılması lazım olan addımlar da var ki, onların arasında etimadın bərpası, münasibətlərin normallaşması da var. Hər müharibə sülh də gətirə bilər. Amma davam edən müharibənin zərərini Ukrayna, məsum insanlar ödəyir”, - Çavuşoğlu bildirib.

Nazir onu da bildirib ki, dünən axşamdan Rusiya və Ukrayna tərəfi ilə, xüsusən də, Belarusda görüşən xüsusi nümayəndələrlə təmasdadırlar: “Hansı mövzularda yaxınlaşma var, bunu öyrənirik. Elə olur ki, razılaşdıqları məsələlərdə bir gün sonra fərqli vəziyyət yaranır”.

Ukrayna prezidenti Vladimir Zelenski Roma Papası Fransiskə zəng edib.

“Mən Roma Papası Fransisklə danışdım”, - Zelenski bildirib. - Ukrayna və dünya üçün dualara görə təşəkkür etdim”, - Zamantv.az xarici KİV-ə istinadla bildirir ki, Zelenski belə deyib.

Prezident əlavə edib ki, Kiyev “İnsan əzablarının aradan qaldırılmasında Müqəddəs Taxt-Tacın vasitəçilik rolunu” da alqışlayıb

Ağstafada yol nəqliyyat hadisəsi baş verib.

Zamantv.az-ın APA-ya istinadla xəbərinə görə, hadisə Bakı-Qazax magistral yolunun Ağstafa rayonu ərazisindən keçən hissəsində qeydə alınıb. Hərəkətdə olan “TIR” maşınının sürücüsü idarəetməni itirib. Nəticədə yük maşını yoldan çıxaraq aşıb. Qəza zamanı sürücü xəsarət alıb.

Hadisə yerinə DYP əməkdaşları cəlb olunub. Faktla bağlı araşdırma aparılır.

Azərbaycanın məşhur şirkətində külli miqdarda dələduzluq olub. Zamantv.az məlumat verir ki, hüquq-mühafizə orqanlarından verilən xəbərə görə, “ABC telekom” Məhdud Məsuliyyətli Cəmiyyətdən Səbail rayon Prokurorluğuna şirkətin əməkdaşı Emin Quliyevin müxtəlif şəxslərin adına kredit rəsmiləşdirərək 154 min manat pulu mənimsəməsi barədə şikayət daxil olub.

Daxil olan şikayət əsasında araşdırmalara başlanılıb. Səbail rayon Prokurorluğu rayon Polis İdrəsi ilə birlikdə əməliyyat-axtarış tədbirlərini davam etdirir.

Qış turizm mövsümü başa çatır.

Eyni zamanda, ölkədə Novruz bayramı ilə bağlı qeyri-iş günləri olduğunu nəzərə alsaq, bu ərəfədə əvvəlki illərdə xarici ölkələrdən, xüsusilə də İrandan daha çox turistlərin gəlişinin şahidi olurduq. Bu il ötən illərlə müqayisədə ölkədə hava şəraiti qeyri-sabit keçsə də, bölgələrə güclü qar yağması da turistlərin marağına səbəb olur. Ancaq hazırda turist səfərləri ilə bağlı mövcud problemlərdən biri quru sərhədlərinin bağlı olmasıdır.

Bəs quru sərhədlərinin bağlı olması bayramda turist səfərlərinə necə təsir edib? Bu istiqamətdə mövcud vəziyyətlə bağlı müvafiq qurumlar Operativ Qərargaha müraciət edibmi? Zamantv.az ın məlumatına görə, Azərbaycan Dövlət Turizm Agentliyinin Media və ictimaiyyətlə əlaqələr sektorunun müdiri Gülnar Mustafayeva Cebhe.info-ya bildirib ki, qış turizm mövsümü hələ başa çatmayıb:

"Xüsusilə də baharımız qış kimi gəldi və qış mövsümü daha da canlandı. Vətəndaşlarımız daha çox turizm mərkəzlərinə üz tutdular. Bayram ərəfəsində daxili turizm daha da canlandı. Paytaxtdan bölgələrə axın baş verdi. Xüsusilə də qarın yağması, hava şəraiti insanları paytaxtı daha çox tərk etməyə sövq etdi. Bu ərəfədə hər zaman bölgələrdən də paytaxta axın baş verir. Bu ənənəvi olaraq Novruz bayramı ilə bağlı olan amillərdir. Bayran günlərində qeyri-iş günlərinin sayının çox olması insanların bölgələrə üz tutmasına səbəb olur. Bayramda ölkəmizə gələnlərlə bağlı statistikanı təqdim etmək hələ tezdir. Çünki mart ayının başa çatmasını gözləməliyik. Aylıq hesabatlar ay başa çatdıqdan sonra növbəti ayın ortasınadək verilir.

Ümumilikdə isə pandemiyadan əvvəlki axını proqnozlaşdırmırıq. Bunun da obyektiv səbəbləri var. Ən əsas səbəblərdən biri quru sərhədlərinin bağlı olması və pandemiya şərtlərinin hələ də davam etməsidir. Ancaq ümumən xarici turistlərlə bağlı canlanma müşahidə edilir. Pandemiya ilə bağlı qərarlar Operativ Qərargahın səlahiyyətlərindədir. Quru sərhədlərinin açılması müvafiq orqanlarla aidiyyəti görüşlərdə səsləndirilir, ancaq yenə də Operativ Qərargahın səlahiyyətində olan məsələdir".

Azərbaycan Turizm Assosiasiyasının sədri Əhməd Qurbanov isə bildirdi ki, ümumiyyətlə, pandemiya şəraitini nəzərə alsaq, son illər ölkəmizdə turizm zəifləməyə başlamışdı :

"2020-ci ildən bu yana turistlərin sayı artmaq yox, əksinə azalmağa doğru gedirdi. Buna baxmayaraq son illərdə daxili turizmin canlanması ilə ölkədəki turizm potensialını daha da üzə çıxara bildik. Turizmlə bağlı yalnız xaricə səfər etmək, yaxud xaricdən turist gətirmək deyil, ölkəmizdə öz vətəndaşlarımızın istirahətini də daha yaxşı təmin etməyə nail ola bildik. Qış turizmi hazırda son vaxtlarını yaşayır və bu il ötən ilə nisbətən daha yaxşı şəkildə keçdi. Həm sərhədlərin açılması ilə bağlı müəyyən qədər ölkəyə xarici turistlər gəldi. Həm də yerli tursitlər öz vətənimizdə istirahətlərini təmin edə bildilər".

Ə.Qurbanov deyib ki, Azərbaycan Novruz bayramında hər il İrandan daha çox turist qəbul edirdi:

"Bu il Novruz bayramı ərəfəsində İrandan daha çox turist gözlədik. Bu il də ötən ildən daha çox turist gəldi. Quru sərhədləri açılsaydı, gələn turistlərin sayı daha çox olardı. Ancaq hazırkı vəziyyətdə həm ötən ilə nisbətən İrandan daha çox turist qəbul etdik, həm digər xarici ölkələrdən gələnlər oldu, həm də yerli vətəndaşlarımız regionlara səfər etdilər. Bunu da otellərin doluluq sayında müşahidə etdik. Biz hər zaman qeyd edirik ki, quru sərhədlərinin açılması mütləqdir. Təbii ki, bu da dövlətin birbaşa özündən asılı olan məsələ deyil, insanların sağlamlığını düşünərək quru sərhədlərinin bağlanması ilə bağlı qərar verilib. Ancaq artıq pandemiyanın daha da yumşaldığını nəzərə alsaq, yəqin ki, bu yaxınlarda sevindirici xəbəri alaraq quru sərhədlərinin açılmasının şahidi olacağıq. Bundan sonra da həm yaxın ölkələrə gediş-gəliş daha da rahat olacaq, həm də ölkəmiz daha çox turist qəbul edə biləcək. Ümumilikdə isə mart ayına qədər 250 minə qədər əcnəbi vətəndaş ölkəımizə səfər edib ki, hazırda sırf bayram günləri ilə bağlı statistik rəqəm yoxdur".

Pakistan İslam Respublikasında rəsmi səfərdə olan Azərbaycan Respublikasının müdafiə naziri general-polkovnik Zakir Həsənov bu ölkənin Birləşmiş Qərargah Rəisləri Komitəsinin sədri general Nadim Raza ilə görüşüb.

Bununla bağlı Müdafiə Nazirliyi məlumat yayıb.

Görüşdən əvvəl rəsmi qarşılanma mərasimi keçirilib. Hər iki ölkənin dövlət himnləri səsləndirildikdən sonra müdafiə naziri general-polkovnik Z.Həsənov fəxri qarovulun önündən keçib.
General N.Raza qonaqları salamlayaraq onları ölkələrində görməkdən məmnunluğunu ifadə edib. Azərbaycan ilə Pakistan arasında dostluq münasibətlərinin xeyli inkişaf etdiyini və yeni mərhələyə qədəm qoyduğunu bildirib.

Dəvətə görə təşəkkürünü bildirən general-polkovnik Z.Həsənov xalqlarımız arasında tarixən dostluq əlaqələrinin olduğunu, bu münasibətlərin digər sahələrdə olduğu kimi ikitərəfli hərbi əməkdaşlığın da inkişafına böyük töhfə verdiyini qeyd edib.

Görüşdə iki ölkə ordularının qoşun növləri arasında əlaqələrin genişləndirilməsi, qarşılıqlı səfərlərin təşkili və əməkdaşlığın daha da inkişaf etdirilməsinin əhəmiyyəti xüsusi vurğulanıb.
Tərəflər Azərbaycan ilə Pakistan arasında hərbi, hərbi-texniki, hərbi təhsil, terrorla mübarizə və təhlükəsizliklə bağlı digər məsələləri müzakirə ediblər.

Bizimlə əlaqə saxlayın

Ukraynada müharibə başlayandan bəri Rusiyanın bu ölkədə 15 300-dən çox hərbçisi öldürülüb. Bundan əlavə, 26 günlük müharibə ərzində Ukrayna hərbçiləri Rusiya Federasiyası Silahlı Qüvvələrinin 509 tankını məhv edib.

Bu barədə Ukrayna Silahlı Qüvvələrinin Baş Qərargahı məlumat yayıb.

Eyni zamanda martın 22-nə olan məlumata görə, Rusiya ordusu 1 556 zirehli döyüş maşınını, 252 artilleriya sistemini, 80 reaktiv yaylım atəş sistemini, 45 hava hücumundan müdafiə sistemini, 99 təyyarə, 123 helikopter, 1000 avtomobil texnikasını, 3 gəmi/katerini, 70 yanacaq-sürtkü materialları çənini, 35 kəşfiyyat PUA-sını, 15 xüsusi avadanlığını itirib.

“Məlumatlar dəqiqləşdirilir. Hesablama hərbi əməliyyatların yüksək intensivliyi ilə çətinləşir”, - deyə Ukrayna Silahlı Qüvvələrinin bəyanatında deyilir.

Mənbə: RBC-Ukraina