Azərbaycan Respublikası Müdafiə Nazirliyinin nümayəndə heyətinin Pakistana rəsmi səfəri çərçivəsində martın 21-də general-polkovnik Zakir Həsənovla Pakistanın Baş naziri cənab İmran Xan arasında görüş keçirilib.

Bu barədə Müdafiə Nazirliyi məlumat yayıb.

Bildirilib ki, görüşdə dövlətlərimiz arasında əlaqələrin inkişafında ölkə rəhbərlərinin səmimi dostluq münasibətlərinin mühüm rol oynadığı vurğulanıb.

Azərbaycan-Pakistan hərbi əməkdaşlığının yüksələn xətlə inkişaf etdiyini qeyd edən general-polkovnik Z.Həsənov Azərbaycanın ədalətli mövqeyini beynəlxalq təşkilatlar daxil olmaqla bütün səviyyələrdə dəstəklədiyinə görə Pakistan rəhbərliyinə və xalqına minnətdarlığını bildirib.

Sonda ölkələrimiz arasında ikitərəfli münasibətlərin müxtəlif istiqamətlərdə, eləcə də hərbi əməkdaşlıq sahəsində inkişafından məmnunluq ifadə olunub, qarşılıqlı maraq doğuran digər məsələlərlə bağlı fikir mübadiləsi aparılıb.

Rusiyada Sıktıvkar şəhər sakini özünü yandırıb.

Hadisə şəhərin mərkəzində, kollec binasının yaxınlığında baş verib.

İlkin məlumatlara görə, o, təhsil müəssisəsinin 53 yaşlı əməkdaşıdır.

Həmin şəxsin rəhbərliklə münaqişəsi olub.

O, xəstəxanaya yerləşdirilib.

Türkiyə Prezidenti Rəcəb Tayyib Ərdoğan sosial media hesabında Novruz bayramı münasibətilə paylaşım edib.

Zamantv.az xəbər verir ki, R.T.Ərdoğan xalqı bayram münasibətilə təbrik edib.

“Təbiətin oyanmasından, yazın gəlişindən xəbər verən Novruz bayramı münasibəti ilə millətimizi, yurdumuzda yaşayan bütün qardaşlarımızı təbrik edirəm”, - o qeyd edib.

Berislav şəhərinin meri Aleksandr Şapovalov və bir yerli fəal üç günə yaxındır ki, Rusiya hərbçiləri tərəfindən əsir saxlanılır.

Bu barədə Xerson vilayəti hərbi administrasiyasının sədri Gennadi Laquta məlumat verib.

“Şənbə günü, martın 19-da, günorta saat 11 radələrində Berislav şəhərinin meri Aleksandr Şapovalovu və digər yerli fəalı oğurlayıblar. Onlar üç gündür ki, əsirlikdədirlər”, - deyə o, qeyd edib.

Laqutanın sözlərinə görə, dünən Şapovalova yaxınlarına zəng edərək onları sakitləşdirməyə icazə verilib.

“Aleksandr Nikolayeviçin və digər məhbusların dəqiq yeri məlum deyil. Çox güman ki, onlar Nova Kaxovkadadırlar. Biz mərkəzi hökumətlə birlikdə bütün şəraiti araşdırırıq və mümkün olan hər şeyi edirik ki, əsir düşən hər kəs öz evinə qayıtsın”, - deyə sədr vurğulayıb.

Beynəlxalq Miqrasiya Təşkilatı (BMqT) azərbaycanlıların Ukraynadan təxliyəsi ilə bağlı məlumat yayıb.

Təşkilatdan verilən məlumatda bildirilir:

“Beynəlxalq Miqrasiya Təşkilatının Azərbaycan nümayəndəliyi Ukraynada davam edən münaqişə fonunda öz vətəndaşlarının təxliyəsini həyata keçirən Azərbaycan hökumətinin səylərinə dəstək verməkdə davam edir. BMqT-nin əməkdaşlarının əlaqələndirilmiş işi və Azərbaycan hökuməti ilə əməkdaşlıq sayəsində müharibə gedən Ukraynadan qaçaraq Polşanın Katovitçe şəhərinə pənah gətirmiş daha 69 Azərbaycan vətəndaşı avtobuslarla Buxarest şəhərinə aparılıb. Həmin şəxslər Buxarestə çatan kimi Azərbaycan rəsmiləri onların Bakıya təxliyəsini təşkil edəcək”.

Qeyd edək ki, bundan əvvəl BMqT-nin dəstəyi ilə Polşadan təxliyə edilmiş 123 nəfər artıq Vətənə çatıb.

Pakistan İslam Respublikasında rəsmi səfərdə olan Azərbaycan Respublikasının müdafiə naziri general-polkovnik Zakir Həsənovun başçılıq etdiyi nümayəndə heyəti ölkəmizin Pakistandakı səfirliyini ziyarət edib.

Bu barədə Müdafiə Nazirliyi məlumat yayıb.

Bildirilib ki, ziyarət zamanı səfirliyin inzibati binasında ucaldılmış ümummilli lider Heydər Əliyevin büstü önünə gül dəstələri qoyulub, xatirəsi ehtiramla anılıb.

Braziliyanın Amazonas əyalətində iki qardaş - yeddi yaşlı Qlaukon və doqquz yaşlı Qleyson cəngəllikdə yoxa çıxıb və bir ay sonra təsadüfən sağ-salamat tapılıb.

Uşaqların itkin düşməsindən bir həftə sonra axtarış-xilasetmə əməliyyatı mənasız olduğuna görə dayandırılıb.

Oğlanlar fevralın 18-də quş tutmaq üçün evdən çıxarkən itkin düşüblər. Uşaqların axtarışı ilə yüzlərlə adi braziliyalı və fövqəladə xidmətlər məşğul olub. Fevralın 24-də xilasedicilər ümidlərini itirib və əməliyyatı dayandırıblar.

Qlaukon və Qleyson martın 15-də təsadüfən bir ağac kəsən tərəfindən evlərindən altı kilometr aralıda yerləşən Laqo-Kapana təbiət qoruğunda tapılıb. Uşaqlar giləmeyvə yeyərək və yağış sularını içərək sağ qalıblar.

Hazırda qardaşların vəziyyəti ağır, lakin stabildir. Onlar ştatın paytaxtı Manaus şəhər klinikasındadırıar. Oğlanlar çəkilərinin 50% -ni itiriblər. Hazırda onlara maye yemək verilir.

Mənbə: knife.media

Silahlı Qüvvələrin Baş Klinik Hospitalının bölmə rəisi Vüsal Eyvazov və hospitalın digər əməkdaşı Hüseyn Ağayev hakim qarşısına çıxarılır.

“Zamantv .az” xəbər verir ki, Vətən müharibəsi iştirakçılarına dövlət tərəfindən müavinət ödənilməsinə görə rüşvət almaqda ittiham edilən V.Eyvazov və H.Ağayevlə bağlı Dövlət Təhlükəsizlik Xidməti tərəfindən aparılan istintaq yekunlaşıb.

İstintaqla onların bir sıra hərbçilərdən müharibədə aldıqları xəsarət dərəcələrinin təyin edilməsi müqabilində rüşvət almalarına əsaslı şübhələr müəyyən edilib.

DTX əməkdaşları Vüsal Eyvazov və Hüseyn Ağayevi cinayət başında yaxalayıb.

Onların barəsində başladılan cinayət işinin istintaqı tamamlanaraq Bakı Hərbi Məhkəməsinə göndərilib. İşə hakim Elbəy Allahverdiyevin sədrliyi ilə baxılacaq. Məhkəmənin hazırlıq iclasının vaxtı yaxın günlərdə müəyyən olunacaq.

Qeyd edək ki, Vüsal Eyvazov Cinayət Məcəlləsinin 311.3.2 (vəzifəli şəxs tərəfindən təkrar rüşvətalma), Hüseyn Ağayev 32.5, 311.3.2 (təkrar rüşvətalmada iştirakçılıq) maddələri ilə mühakimə olunacaqlar.

Baş Dövlət Yol Polisi İdarəsi (BDYPİ) paytaxtın Qaradağ rayonunda baş verən ağır yol qəzası ilə bağlı açıqlama verib.

BDYPİ-dən “Report”a bildirilib ki, hadisə saat 10:15 radələrində Bakı dairəvi yolunun 13-cü kilometrliyində qeydə alınıb:

“Belə ki, Şəfiyev Səbuhi Akif oğlunun idarə etdiyi MAN markalı, 99-JA-796 dövlət qeydiyyat nişanlı yanacaqdoldurma daşıyan yük avtomobili hərəktdə olan zaman yoldan çıxaraq qarşı tərəfdəki zolağa çıxıb. Bu zaman yük avtomobili bir nəqliyyat vasitəsinə zərər yetirib, digəri - “Mercedes” markalı, 50-EK-610 dövlət qeydiyyat nişanlı minik avtomobili ilə toqquşub. Nəticədə “Mercedes”in sürücüsü, 1987-ci il təvvəllüdlü Almazov Musa Həsənxan oğlu və sərnişini, 1996-cı il təvəllüdlü Əsgərli Mehdi Şükür oğlu hadisə yerində ölüb. Yük maşını isə hadisə zamanı aşıb.

Faktla bağlı araşdırma aparılır”.

Qeyd edək ki, Səbuhi Şəfiyev hadisə zamanı sərxoş olub. O, istintaqa verdiyi ifadəsində hadisənin necə baş verdiyini xatırlamadığını bildirib. Müstəntiqin hadisə zamanı digər nəqliyyat vasitəsində olan iki nəfərin öldüyünü bildirəndə S.Şəfiyev məsələyə “Doğrudan iki nəfər ölüb?” deyərək təəccübünü gizlədə bilməyib.
Fövqəladə Hallar Nazirliyi Bakıda baş verən dəhşətli yol-nəqliyyat hadisəsi ilə bağlı məlumat yayıb.

Nazirlikdən bildirilib ki, Bakı şəhərinin Qaradağ rayonunda qeydə alınan hadisə zamanı MAN və “Mercedes” markalı avtomobillər toqquşub.

Hadisə yerinə cəlb olunan FHN-nin Xüsusi Riskli Xilasetmə Xidmətinin müvafiq xilasetmə qüvvələri sıxılı vəziyyətdə qalan sürücü, 1987-ci il təvəllüdlü Almazov Musa Həsənxan oğlunun və 1 nəfər sərnişinin (şəxsiyyəti dəqiqləşdirilir) meyitini deformasiyaya uğrayan minik avtomobilindən çıxararaq aidiyyəti üzrə təhvil veriblər.

15:45

Bakı-Qazax şosesinin Qaradağ rayonu ərazisinə düşən hissəsində ağır qəza baş verib.

APA xəbər verir ki, hadisə Sədərək ticarət mərkəzinin yaxınlığında qeydə alınıb.

Belə ki, “Azpetrol” MMC-yə məxsus “Man” markalı yanacaq daşıyan yük avtomobilinin sürücüsü sükana nəzarəti itirib.

Yük avtomobili yol ayrıcı dəmir arakəsmələrə çırpılaraq əks yola çıxıb. Bu zaman əks yolda hərəkətdə olan “Mercedes-Benz” markalı minik avtomobilinə çırpılıb. Daha sonra yük avtomobili yoldan çıxaraq dərəyə aşıb. Qəza nəticəsində minik avtomobilində olan iki nəfər ölüb. Yük avtomobilinin sürücüsü isə ağır xəsarət alıb.

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin əməkdaşları cəlb edilib.

Yol Patrul Xidmətinin əməkdaşları müəyyən edib ki, yanacaq daşıyan yük avtomobilinin sürücüsü sükan arxasına sərxoş vəziyyətdə olub.

Çinin cənubunda sərnişin təyyarəsinin qəzaya uğramasından sonra “China Eastern” aviaşirkəti bütün “Boeing 737-800” təyyarələrinin uçuşlarını dayandırıb.

Bu barədə Çin Mərkəzi Televiziyası məlumat yayıb.

16:18

Çinin cənubunda qəzaya uğrayan “China Eastern” aviaşirkətinə məxsus “Boeing 737” sərnişin təyyarəsinin görüntüləri yayılıb.

Kənd sakinlərindən biri yerli xəbər saytına bildirib ki, qəzaya uğrayan təyyarə tamamilə məhv olub.

Hadisə şahidinin dediyinə görə, təyyarənin dağa çırpılması nəticəsində baş verən yanğın yaxınlıqdakı meşə sahəsinə də keçib.

Həmin görüntüləri təqdim edirik: