Belarus Rusiyanın Ukraynaya qarşı müharibəsinin ortağıdır.

Zamantv.az-ın xarici KİV-ə istinadla məlumatına görə, bunu martın 23-də NATO-nun baş katibi Yens Stoltenberq Brüsseldə keçirilən NATO sammiti ərəfəsində keçirdiyi mətbuat konfransında deyib.
Baş katibin sözlərinə görə, çünki Belarus öz ərazisindən Rusiya qoşunlarının cəmləşməsi üçün istifadəyə icazə verir və Rusiyanın hücumuna töhfə verməkdə davam edir.

Stoltenberq qeyd edib ki, Belarus da Rusiya qüvvələrinə Ukrayna şəhərlərinə və mülki əhaliyə zərbələr endirmək üçün öz hərbi aerodromlarından istifadə etməyə icazə verib.

Xilasedicilər Çinin cənubunda Boeing 737 sərnişin təyyarəsinin qəzaya uğradığı yerdə ölən insanların qalıqlarını tapıblar.

Zamantv.az-ın xarici KİV-ə istinadla məlumatına görə, ölkənin hakimiyyət orqanları qəza yerində tapılan qara qutunun artıq Pekinə çatdırıldığını bildirib.

Rusiyalı milyarder Roman Abramoviç Ukrayna prezidenti Vladimir Zelenskinin tələbi ilə ABŞ-ın sanksiyalarına məruz qalmayıb.
Zamantv.az bildirir ki, bu barədə öz mənbələrinə istinadən “Wall Street Journal” (WSJ) məlumat yayıb.
ABŞ Maliyyə Nazirliyi martın əvvəlində Abramoviçə qarşı sanksiyalar hazırlayıb. Onlar Avropa İttifaqı və Böyük Britaniyanın oliqarxa qarşı qoyduğu məhdudiyyətləri tamamlamalı idi. Lakin Milli Təhlükəsizlik Şurası sanksiyaların təxirə salınmasını istəyib. Bu, Ukrayna prezidenti Vladimir Zelenski ilə ABŞ prezidenti Co Bayden arasında telefon danışığından sonra edilib.
Məlumata görə, Ukrayna prezidenti Baydenə izah edib ki, Abramoviç fevralın 24-dən onun ölkəsi ərazisində xüsusi əməliyyat keçirən Rusiya ilə danışıqlarda mühüm vasitəçi ola bilər.

Təhlükəsizlik Şurasının sözçüsü nəşrə bildirib ki, o, Amerika prezidentinin telefon danışıqlarının təfərrüatlarını açıqlamayacaq. Maliyyə Nazirliyi müvafiq sorğuya cavab verməyib.

Britaniya Abramoviçin aktivlərini dondurub, ölkənin fiziki və hüquqi şəxslərinə onunla hər hansı əməliyyat aparmağı qadağan edib. Avropa İttifaqı da oliqarxa qarşı sanksiyalar tətbiq edib.

Martın 22-dən 23-nə keçən gecə ABŞ-ın Müharibə Araşdırmaları İnstitutu Ukraynada hərbi əməliyyatların yeni xəritəsini yayıb.

Zamantv.az-ın xarici mediaya istinadla xəbərinə görə, Rusiyanın quru hücumlarının uğursuzluğundan sonra Kiyev və digər iri şəhərlərin ətrafındakı Rusiya qüvvələrinin getdikcə daha çox uzaqmənzilli bombardmanlara üstünlük verdiyi bildirilir.

İnstitut hesab edir ki, Rusiya qoşunlarının böyük şəhərləri bu şəkildə təslim olmağa məcbur etməsi ehtimalı azdır.

“Rusiya qoşunları son sutka ərzində Ukraynanın şimal-şərqindəki Çerniqov, Sumı və Xarkov şəhərləri istiqamətində hücum əməliyyatları keçirməyib. Rusiya qoşunları Mariupolun halqasını daha da azaltmağa davam edib”, - məlumatda deyilir.

Ukraynada fevralın 24-də başlayan Umüharibə 28-ci gündür ki, davam edir.

Füzulidə mülki şəxsin minaya düşməsi hadisəsi rayonun işğaldan azad olunmuş Seyid Əhmədli kəndində qeydə alınıb.

Zamantv.az-ın APA-ya istinadən xəbərinə görə, 1996-cı il təvəllüdlü Vüqar Zülfüqarlı idarə etdiyi “SHACMAN” markalı "77-CB-134" dövlət nömrə nişanlı yük maşını ilə dönmə əməliyyatı edərkən minaya düşüb. Nəticədə sürücü V. Zülfüqarlı ağır bədən xəsarəti alaraq xəstəxanaya çatdırılıb.

Faktla bağlı araşdırma aparılır.
Füzulidə mülki şəxs minaya düşüb.

Zamantv.az-ın məlumatına görə, Füzuli rayonunun işğaldan azad edilmiş ərazilərində 1996-cı il təvəllüdlü Vüqar Zülfüqarlı minaya düşüb, nəticədə o, ağır bədən xəsarətləri alıb.

Baş Prokurorluğun mətbuat xidmətindən faktı təsdiqləyiblər.

Bildirilib ki, hazırda həmin faktla bağlı Füzuli rayon Prokurorluğunda araşdırma aparılır.

Lənkəranda son bir ay ərzində keçirilən əməliyyatlar nəticəsində narkotik vasitələrin qanunsuz dövriyyəsi ilə məşğul olan, soyğunçuluq və oğurluq cinayətləri edən 20 nəfər saxlanılıb.

Daxili İşlər Nazirliyinin Mətbuat Xidmətinin Lənkəran regional qrupundan verilən məlumata görə, Lənkəran Şəhər Rayon Polis Şöbəsinin (ŞRPŞ) əməkdaşlarının keçirdikləri əməliyyat-axtarış tədbirləri nəticəsində son bir ayda narkotik vasitələrin qanunsuz dövriyyəsində şübhəli bilinən 20 nəfər rayon sakini saxlanılıb.

Şəxsi axtarış zamanı onlardan hazır bükümlərdə qablaşdırılmış narkotik vasitə, psixotrop maddə və elektron tərəzilər aşkarlanaraq götürülüb. Həmin şəxslərin ətrafında aparılan əlavə əməliyyat-axtarış tədbirləri ilə onlardan bir neçəsinin soyğunçuluq və oğurluq əməllərinin də üstü açılıb.

Belə ki, saxlanılan şəxslərdən ikisinin qabaqcadan əlbir olan bir qrup şəxs halında 72 yaşlı Lənkəran şəhər sakininin pulunu soyğunçuluq yolu ilə ələ keçirdikləri, altı nəfərin isə rayon ərazisindəki evlərdən və digər obyektlərdən çoxsaylı oğurluqlar etdikləri müəyyən edilib.

Qeyd edilən faktlarla bağlı Lənkəran ŞRPŞ-də araşdırma aparılır.

Xilasedicilər Çinin cənubunda Boeing 737 sərnişin təyyarəsinin qəzaya uğradığı yerdə qurbanların qalıqlarını tapıblar.

Bunu xüsusi mətbuat konfransında Çinin Quansi-Çjuanq Muxtar Bölgəsinin yanğınsöndürmə və xilasetmə xidmətinin birləşmiş dəstəsinin komandiri Den Xi bildirib. “Xilasedicilər əməliyyat aparılan yerdə təxminən 46 min kvadratmetr əraziyə baxış keçirib və təyyarənin qalıqlarını, həmçinin insan bədəninin fraqmentlərini aşkar ediblər”, - deyə o, məlumat verib.

O qeyd edib ki, tapılan bütün nümunələr xüsusi komissiyaya təhvil verilib.

Mənbə: TASS

15:50

Çinin cənubunda qəzaya uğrayan “Boeing 737” sərnişin təyyarəsinin “qara qutu”larından birini tapılıb.

Bu barədə “Sinxua” agentliyi məlumat yayıb.

Bildirilir ki, aşkarlanan cihaz ciddi zədələnib.

“Onun uçuş məlumat qeyd cihazı (FDR) və ya Kokpit səs yazıcısı (CVR) olduğu hələ müəyyən edilməyib”, - deyə məlumatda bildirilir.

13:24

Çinin cənubunda “China Eastern Airlines” şirkətinə məxsus “Boeing 737” sərnişin təyyarəsinin qəzaya uğradığı yerdə genişmiqyaslı axtarış-xilasetmə əməliyyatı yağış səbəbindən dayandırılıb.

Bu barədə Çin Mərkəzi Televiziyası məlumat verib.

Qeyd olunur ki, bundan sonra nəinki itkin düşmüş şəxslərin axtarışı və registratorların bərpası, həm də drenaj işlərinin aparılması nəzərdə tutulur, çünki xilasedicilərin fikrincə, yağış suyu torpağa hopur və axtarış sahəsində sürüşmə ehtimalı var ki, bu da işləri xeyli çətinləşdirir.

Xatırladaq ki, Kunmin-Quançjou marşrutunu həyata keçirən “China Eastern Airlines”a məxsus “Boeing 737” sərnişin təyyarəsi martın 21-də Çinin cənubundakı Quansi-Çjuan Muxtar Bölgəsində Uçjou şəhərinin Ten qraflığında qəzaya uğrayıb. Təyyarənin göyərtəsində 123 sərnişin və doqquz ekipaj üzvü olub.

2015-ci ildən istifadəyə verilən laynerin qəzaya uğramasının səbəbləri hələlik məlum deyil.

Mənbə: RİA Novosti

22-23 mart 2022-ci il tarixlərində Pakistan İslam Respublikasının İslamabad şəhərində İslam Əməkdaşlıq Təşkilatı (İƏT) Xarici İşlər Nazirləri Şurasının (XİNŞ) “Birlik, ədalət və inkişaf naminə tərəfdaşlığın qurulması” mövzusunda 48-ci sessiyası keçirilib.

Xarici İşlər Nazirliyinin Mətbuat xidməti idarəsindən verilən məlumata görə, sessiya İslam dünyası ilə bağlı bir çox mövzuları, o cümlədən Fələstin və Qüds Əl-Şərif məsələsi ilə bağlı qəbul edilmiş qətnamələrin həyata keçirilməsi üzrə İƏT Baş Katibliyinin fəaliyyətini və Niamey 2020-də keçirilən son XİNŞ-dən sonrakı müddətdə təhlükəsizlik vəziyyəti müzakirə edilib. Sessiyada, həmçinin digər siyasi məsələlər, xüsusilə Əfqanıstandakı hadisələr və onun əfqan xalqı üçün humanitar nəticələri, Cammu və Kəşmirdəki vəziyyət müzakirə olunub.

Azərbaycanı tədbirdə xarici işlər nazirinin müavini Elnur Məmmədovun rəhbərlik etdiyi nümayəndə heyəti təmsil edib. Sessiyada çıxış edərək nazir müavini bir sıra fundamental məsələlərə dair ölkəmizin mövqeyini iştirakçıların diqqətinə çatdırıb.

İƏT XİNŞ-in 48-ci clası çərçivəsində Ermənistanın Azərbaycana qarşı təcavüzünün nəticələri ilə bağlı siyasi, iqtisadi və mədəni məsələləri əhatə edən “Ermənistan Respublikasının Azərbaycan Respublikasına qarşı təcavüzünün nəticələrinin aradan qaldırılması”, “Azərbaycan Respublikasına iqtisadi yardım göstərilməsi”, “Ermənistan Respublikasının təcavüzü nəticəsində Azərbaycanın ərazilərində İslam mədəniyyətinə aid tarixi və mədəni abidələrin dağıdılması” və “Xocalı qırğınının qurbanları ilə həmrəylik” adlı dörd qətnamə qəbul edilib. Qeyd etmək istərdik ki, İƏT tərəfindən ənənəvi olaraq hər il qəbul olunan bu qətnamələrə bölgədəki son vəziyyət nəzərə alınmaqla yeni müddəalar daxil edilib.

“Ermənistan Respublikasının Azərbaycan Respublikasına qarşı təcavüzünün nəticələrinin aradan qaldırılması” adlı qətnamədə Azərbaycanın cavab əməliyyatları nəticəsində işğal olunmuş ərazilərini azad etməsi və hərbi əməliyyatların dayandırılması üzrə 2020-ci il 10 noyabr tarixli üçtərəfli Bəyanatı üzv ölkələr tərəfindən alqışlanıb. Ermənistan və Azərbaycan arasında münasibətlərin dövlətlərin suverenliyi, ərazi bütövlüyü və beynəlxalq sərhədlərinin qarşılıqlı şəkildə tanınması və hörmət edilməsi əsasında əlaqələrin normallaşdırılmasına çağırış edilib. Həmçinin Ermənistanın beynəlxalq hüququ pozaraq, bütün minalanmış ərazilərin hərtərəfli və dəqiq xəritələrini və minalanmış sahələrin yerləşdiyi yerlərə dair digər məlumatları təqdim etməkdən davamlı boyunqaçırması pislənilib və Azərbaycan hökuməti və xalqının öz ölkəsinin müdafiəsi və onilliklər boyu davam edən erməni təcavüzü və işğalının ağır nəticələrinin aradan qaldırılması üçün göstərdiyi səylərlə tam həmrəylik və dəstək bir daha təsdiq edilib.

“Ermənistan Respublikasının Azərbaycan Respublikasına təcavüzü nəticəsində Azərbaycanın ərazilərində İslam tarixi və mədəni ziyarətgahlarının dağıdılması və təhqir edilməsi” adlı qətnamədə işğal dövründə Azərbaycan ərazilərindəki İslam tarixi və mədəni abidələrinin, ziyarətgahlarının dağıdılması, talan edilməsi, oğurlanması, qanunsuz yerdəyişməsi və ya mənimsənilməsi, eləcə də bu obyektlərə qarşı vandallıq aktlarının törədilməsi qətiyyətlə pislənilib, yenicə azad olunmuş ərazilərdə yerləşən Məscidlərin Ermənistan tərəfindən təhqir olunması şiddətlə qınanılıb. Qətnamədə Azərbaycanın ona dəymiş zərərə görə təzminat tələb etmək haqqı, Ermənistanın isə bu təzminatı ödəmək məsuliyyəti təsdiq olunub.

“Azərbaycan Respublikasına iqtisadi yardım” adlı qətnamədə Azərbaycan ərazilərinin işğaldan azad olunmasının Azərbaycan ərazisindəki bir milyondan çox məcburi köçkünlərin öz evlərinə təhlükəsiz və şərəfli qayıdışına və beləliklə də ciddi humanitar problemlərin aradan qaldırılmasına imkan verəcəyi qeyd olunub. Bu xüsusda üzv ölkələrə, İslam İnkişaf Bankı və digər İslam institutlarına işğaldan azad olunmuş torpaqlara məcburi köçkünlərin geri dönüşünü təmin etmək üçün bu ərazilərin yenidən qurulması və bərpasında Azərbaycan hökumətinə və xalqına yardım etməyə çağırış öz əksini tapıb. Burada, habelə bütün beynəlxalq institutlar Azərbaycanın iqtisadi və sosial inkişaf fəaliyyətini dəstəkləməyə çağırılıb.

İƏT XİN Şurasının 48-ci iclasında “Xocalı qırğınının qurbanları ilə həmrəylik” adlı qətnamə 1992-ci ilin fevral ayında Azərbaycanın Xocalı şəhərində və digər işğal edilmiş ərazilərində Ermənistan Respublikasının silahlı qüvvələri tərəfindən azərbaycanlı mülki əhali və hərbi şəxslərə qarşı törədilmiş kütləvi vəhşiliklər qəti şəkildə pislənilib və üzv dövlətlər münaqişə dövründə Azərbaycanın Xocalı şəhəri və işğal edilmiş digər ərazilərində törədilmiş cinayətlərin müharibə cinayətləri, insanlıq əleyhinə cinayətlər və soyqırımı kimi yerli və beynəlxalq səviyyədə tanınması istiqamətində lazımı səy göstərməyə səslənilib. Qətnamədə həmçinin “Xocalıya ədalət” Beynəlxalq təşviqat kampaniyasının fəaliyyəti yüksək qiymətləndirilib və üzv dövlətlər kampaniyanı dəstəkləməyə və onun fəaliyyətində yaxından iştirak etməyə dəvət edilib.

Cəlilabad Rayon Polis Şöbəsinin əməkdaşları tərəfindən çəkisi 19 kiloqramdan artıq olan müxtəlif növ narkotik vasitələr aşkarlanaraq qanunsuz dövriyyədən çıxarılıb.

Daxili İşlər Nazirliyinin Mətbuat Xidmətinin Lənkəran regional qrupundan verilən məlumata görə, narkotik vasitələrin qanunsuz dövriyyəsində şübhəli bilinən Masallı rayon sakinləri Nurlan Rəhimov və Adəm Təhməzov saxlanılıblar.

Onlara məxsus torbadan ayrı-ayrı bağlamalarda 9 kiloqram 200 qrama yaxın heroin, 3 kiloqram 640 qram tiryək, 6 kiloqram 530 qram marixuana aşkarlanaraq götürülüb. Araşdırma zamanı müəyyən edilib ki, həmin şəxslər sözügedən narkotik vasitələri xarici ölkələrdən birində yaşayan narkotacir vasitəsilə əldə ediblər və onun dediyi yerlərə çatdırmaqla satışını təşkil etməli idilər.

Faktla bağlı Cəlilabad RPŞ-də araşdırma aparılır.

Ermənistan sülh sazişinin bağlanması ilə bağlı danışıqlar prosesinə başlamaq üçün Azərbaycana ilkin şərt qoymur və Bakıdan da analoji mövqeni gözləyir.

Bu barədə çərşənbə günü parlamentdəki hökumət saatında ölkənin xarici işlər naziri Ararat Mirzoyan bildirib.

Mirzoyan vurğulayıb ki, Ermənistan danışıqlar prosesi zamanı “xalqların öz müqəddəratını təyin etmək hüququnu” qoruyacaq.

Qeyd edək ki, bir müddət öncə Ermənistan XİN bəyan etmişdi ki, İrəvan yuxarıda qeyd olunan sazişin imzalanması ilə bağlı Bakı ilə danışıqların təşkili üçün ATƏT-in Minsk Qrupuna müraciət edib.

Mənbə: TASS