Dekabrın 5-də saat 17 radələrində Şamaxı rayonunun Dağ Göylər kəndi ərazisində “BMW” markalı avtomobil idarəetmədən çıxaraq aşıb.

Daxili İşlər Nazirliyinin mətbuat xidmətinin Şəki regional qrupundan Yenixeber.org-a bildirilib ki, baş vermiş yol-nəqliyyat hadisəsi nəticəsində avtomobildə olan sürücü və sərnişinlər, Ağsu rayon sakinləri – 1965-ci il təvəllüdlü Mətiyev Xaləddin Fərhad oğlu, 1970-ci il təvəllüdlü Mətiyev Sadiq Fərhad oğlu və 1994-cü il təvəllüdlü Fərhadzadə Tural Xaləddin oğlu aldıqları müxtəlif dərəcəli bədən xəsarətlərindən vəfat ediblər. 

Faktla bağlı Şamaxı Rayon Polis Şöbəsində araşdırma aparılır.

*** 18:10

Şamaxıda avtomobil qəzası baş verib.

BMW markalı avtomobil yoldan çıxaraq aşıb.

İlkin məlumata əsasən, hadisə nəticəsində bir neçə nəfər dünyasını dəyişib.

Daxili İşlər Nazirliyinin mətbuat xidmətinin Şəki regional qrupundan bildirilib ki, öıümlə nəticələnən yol-nəqliyyat hadisəsi ilə bağlı Şamaxı Rayon Polis Şöbəsində araşdırma aparılır.

“ABŞ-yə aid “McDonald`s” kimi restoranlar şəbəkəsinin fəaliyyətinə məhdudiyyət qoyulmalıdır.

Bu sözləri açıqlamasında Milli Məclisin deputatı Tahir Rzayev deyib. Deputat bildirib ki, ABŞ yaratdığı beynəlxalq təşkilatların, eləcə də USAID-nin xətti ilə Azərbaycan da daxil olmaqla, bir çox ölkələrdə təxribat törətmək, insanları qarşı-qarşıya qoymaq, rəngli inqilablar həyata keçirmək fikrində olub:

“Məqsədini bu gün də davam etdirir. Son illərin hadisələri göstərir ki, USAID ABŞ-nin milli təhlükəsizlik orqanları ilə əlaqəlidir və bilavasitə onların tapşırıqlarını icra edir.

Gürcüstanda dövlət çevrilişinə cəhd, orada USAID-nin möhkəmlənməsi deməyə imkan verir ki, müstəqil dövlətlərdə bu təşkilat yalnız təxribat, çevriliş məqsədi güdür. Çox yaxşı haldır ki, Azərbaycanda bu, baş verməyib, təşkilat dövlətimiz tərəfindən daim diqqət mərkəzində saxlanılıb. Buna baxmayraq, USAID Azərbaycanda da mənfur məqsədlərini həyata keçirməyə təşəbbüs göstərib".

Həmkarına dəstək olaraq, fikirlərinə qoşularaq Milli Məclisin Deputatı Tahir Kərimlidə həmkarının fikirlərinə qoşularaq “McDonald`s” restoranlar şəbəkəsini tənqid edib:

““McDonald's” restoranlar şəbəkəsinin fəaliyyətinin Azərbaycanda məhdudlaşdırılması xırda məsələ kimi görünə bilər. Amma belə deyil. Gördünüz ki, İsrail-Fələstin müharibəsində nə qədər etirazlar oldu. "McDonald's" dünyadakı şəbəkələri vasitəsilə fəaliyyət göstərdiyi ölkələrin çoxundan daha artıq vəsait əldə edə bilir.

ABŞ-nin USAİD xətti ilə Azərbaycanda qarışıqlıq yaratmaq istəyi oldu. Bir neçə jurnalist faktlarla məsuliyyətə cəlb edildi. Hətta Qərb dövlətlərinin səfirləri belə Xarici İşlər Nazirliyinə çağırıldı, rəsmi xəbərdarlıq edildi. Bu, Azərbaycanın əlində nə qədər ciddi faktlar olduğunu ortaya qoyur. "McDonald's" Vətən müharibəsi dövründə bir dəfə də olsun, Azərbaycana dəstək vermədi. Halbuki Bakıda xeyli sayda filialı fəaliyyət göstərir. Hətta Rusiya sanksiyalardan əvvəl belə "McDonald's"ın fəaliyyətinin məhdudlaşdırılması ilə bağlı fikirlər səsləndirmişdi”.

Sözügedən məsələ ilə bağlı Azad İstehlakçılar Birliyinin (AİB) sədri Eyyub Hüseynov “Cebhe.info”-ya bildirib ki, “McDonald's” KFC, Coca-Cola, Pepsi və digər şirkətlər qlobalistlərin əlində bir alətdir:
"Bu kimi şirkətlər hansı ölkəyə gedirsə, o ölkənin böyük vergi ödəyicisinə çevrilir. Hökümətin iqtisadi siyasiyətinə təsir edəcək bir amilə çevrilə bilir. O ölkələr ki, qlobalistlərin şirkətlərini ölkələrindən qova biliblər, o ölkələr heç də pis yaşamırlar. Misal olaraq, Malayziyanın timsalında bunu demək olar.

Müsahibimiz “McDonald's”-ların mətbəxindən də danışıb:

"Onların mətbəxində ət əvəzinə dairəvi dəmir kimi bərk formada olan sünü ətdən istifadə edirlər. O, xüsusi cihaz vasitəsi ilə hazırlanıb bişirilir. Ümümiyyətlə,

“McDonald`s” firmasının ətləri xaricdən gətirilir. Yerli bazardan ət alıb istifadə etmirlər. Bizim fikrimizcə, orada olan qidalar "arzuolunmaz" qidalar siyahısına daxildir".

Müsahibimiz bildirib ki, indiki zamanda “McDonald`s” və digər belə firmaları ölkəmizdən çıxarmaq asan deyil:

"Düzdür, müəyyən fikirlər səsləndirilib. Amma ölkəmiz onları çıxarmağa qadir deyil. Çünki müəyyən kontraklar imzalanıb, müəyyən əlaqələr yaradılıb, hökumətin iqtisadi siyasətinə təsir edə bilən amillər və digər məsələlər vardır. Lakin istehlakçı hüquqlarını qoruyan qurum olaraq mən də istəyərəm k, adının çəkdiyim şirkətlər istehlak bazarında olmasın".

Şəbəkə isə süni ət iddialarını qəbul etmir.

Şirkətin saytının "Siz soruşursunuz. Biz cavablandırırıq" bölməsində bildirilib ki, hamburgerlər 100% mal əti qiyməsindən hazırlanır, hamburgerlər üçün kotletləri isə təchizatçılar formalaşdırır:

"Təchizatçılarımız kotletləri 100% mal ətindən hazırlayıb tez dondururlar ki, onlar öz gözəl təravətini qoruyub saxlasınlar. Burgerlərimizə duz və istiotu restoranlarımızda onları qrildə bişirərkən əlavə edirik və beləcə, mal ətinin əla dadını üzə çıxarmış oluruq.

Burgerlərimizin hər biri 100% təmiz mal ətindən hazırlanıb, duz və istiotdan başqa heç nə – nə doldurucu, nə qatqı nə də konservant əlavə olunmadan bişirilir. Burgerlərimiz üçün cəmdəyin kürək, qabırğa və budtərəfi kimi hissələrinin doğranmış tikələrindən istifadə edirik. Onları xırda-xırda doğrayırlar və bu qiymədən hamburgerlər üçün kotletlər formalaşdırırlar".

“Çiken McNuggets”lərimizin tərkibində bəzi insanların "pink goop" və ya "pink slime" adlandırdığı məhlul yoxdur. “McDonald's” ilə əlaqəli "pink goop" və ya "pink slime" şəklini görmüşük. Düzünü desək, “McDonald's” ilə əlaqələndirilən bu görüntü uydurmadır. Onun haradan peyda olduğunu bilmirik, amma bu, bizim yeməyimiz deyil. Bu şəkil “Çiken McNuggets”imizin və ya menyumuzdakı hər hansı bir digər yeməyin hazırlanma prosesini əks etdirmir. “Çiken McNuggets”lərimizin hər biri toyuğun sümüksüz ağ ətindən hazırlanır, toyuğun döş əti, can əti və qabırğa ətlərindən kəsilir".

Noyabr ayı üçün diplomların tanınması üzrə müraciətlərin statistikası açıqlanıb.Təhsildə Keyfiyyət Təminatı Agentliyindən verilən məlumata görə, ötən ay üzrə 360 müraciətçinin 287-si barədə müsbət qərar verilərək müvafiq şəhadətnamələr təqdim edilib, 73 nəfərin müraciəti isə mənfi qərarla yekunlaşıb.Tədris yükünü mənimsəmək üçün təhsil aldığı ölkənin ərazisində kifayət qədər olmaması səbəbi ilə 62, təhsilalma forması üzrə 7, akkreditasiyasız ali təhsil müəssisəsi üzrə 2, digər səbəblər üzrə 2 nəfərin müraciəti mənfi qərarla yekunlaşıb.Ölkələr üzrə müraciətlərin sayına nəzər saldıqda Ukraynadan 104, Rusiyadan 101, Türkiyədən 75, Gürcüstandan 39, Birləşmiş Krallıqdan 5, digər ölkələrdən isə 36 müraciətin olduğu müşahidə olunur.Ən çox müraciət olunan ixtisaslara gəlincə, maliyyə üzrə 50, iqtisadiyyat üzrə 45, menecment üzrə 21, biznesin idarə edilməsi üzrə 20, beynəlxalq münasibətlər üzrə 16 müraciətçi qeydə alınıb.Qeyd edək ki, sənədlərə ortalama baxılma müddəti 12 iş günü təşkil edib.
Belə bir sual ortaya çıxır. Xaricdə təhsil almaq istəyən gənclər bu kimi hallarla qarşılaşmamaq üçün hansı nüanslara diqqət etməlidir?

Məsələ ilə bağlı “Sherg.az”a danışan Sosial Tədqiqatlar Mərkəzinin əməkdaşı, elm və təhsil məsələləri üzrə tədqiqatçı Elmin Nuri bildirib ki, Elm və Təhsil Nazirliyinin tabeliyindəki Təhsildə Keyfiyət Təminatı Agentliyi hər ay tanınan və tanınmaqdan imtina edilən diplomların siyahısını təqdim edir:

"Təminatı Agentliyi hər ay tanınan və imtina edilən diplomların siyahısını təqdim edir. Diplomu tanıtmaq istəyən imtahan verməlidir. Kadr kimi sahiblənəcəyi ixtisasa görə yararlığını sübut etmək üçün müsabiqədən keçməlidir. Müəyyən şəxslər bu sınaqlardan keçə bilmir. Bəzən isə başqa səbəblərdən diplom tanınmır. Misal olaraq üniversitetin özünün etibarsızlığı, yəni tanınacaq universitetlər siyahısına daxil olmamasıdır. Elə şəxs var ki, qiyabi təhsil üçün ildə 2 dəfə getməlidir. Amma 4 il ərzində bir dəfə də olsun xarici pasportuna möhür vurulmayıb. Ukraynada təhsil alan həmyerlimiz təhsil üçün ora 4 il ərzində cəmi iki dəfə gedib. Bu şəxs əmək bazarına hansı bacarıqla töhvə verə biləcək? Noyabr üzrə də 360 müraciət edənlərin arasından 287-si barədə müsbət qərar verilib, 73 nəfərinki isə mənfi qərarla yekunlaşıb. Bu statistika təxminən stabil olaraq qalır. Bu məsələlərdə diqqətli olmaq lazımdır. Xaricə təhsilə yollanan gənclərimizin çoxu qəbul imtahanından az bal toplamış şəxslərdir. Bəziləri 200 balı belə toplaya bilmir və nə yolla olursa, olsun tələbə adını qazanmaqdan ötrü xaricə yollanır. Əsasən də Türkiyə,Rusiya, Gürcüstan, Ukraynaya getməyi planlaşdırırlar".

Ekspert vurğulayıb ki, əvvəlcədən bu universitetlər haqqında araşdırma aparsınlar:
"Bir sözlə, oxumaq istədikləri üniversitetlərin Azərbaycanda tanınıb-tanınmasını mütləq dəqiqləşdirsinlər. Xaricdə təhsil üzrə şirkətlər həddindən artıq çoxdur. Hər il yayda yeni təhsil şirkətləri yaradılır. Müəyyən təbəqə buna "bazar" kimi baxır. Həqiqətən gənclərimizə fayda verən şirkətlərin əməyi danılmazdır. Onlar müəyyən detalları bildikləri üçün valideyn və abuturiyent üzərində manipuliyasiya etmək imkanları çox genişdir. Hər xaricdə təhsil üzrə şirkətlərə aldanmasınlar və hər tərəfli araşdırsınlar".

Dərnəgüldə yerləşən taxta bazarında dəhşətli yanğın hadisəsinin baş verməsi, sahibkarların və işçilərin ciddi maddi ziyana düşməsinə səbəb olub. Burada çalışanların böyük bir qisminin sığorta müqaviləsi olmadığından, indi onlara dəymiş ziyanla bağlı hər hansı kompensasiyanın ödənib-ödənilməyəcəyi gündəmdədir. Ümumiyyətlə, son bir neçə ildə satış obyektlərində, digər iri ticarət mərkəzlərində baş verən bədbəxt hadisələr sığortanın nə dərəcədə zəruri əhəmiyyət kəsb etdiyini gündəmə gətirmiş olur. Bəs bunun baş verməməsi üçün hansı addımlar atılmalıdır? Sahibkarların öz əmlakını sığortalatması icbaridir, yoxsa könüllü? Sığorta üçün tələblər nələrdir? Hansı sənədlər qaydasında olmalıdır? Sığortanın hansı növləri var və kimlərə şamil edilir? Sığorta şirkətləri hansı sahibkarlarla müqaviləyə can atır və hansı ticarət obyektlərindən çəkinirlər?
Bu və başqa suallarla əlaqədar Bizimyol.info xəbər portalına şərh verən sığorta eksperti İlkin İbrahimov qeyd edib ki, təəssüf ki, baş verən bədbəxt hadisələr sığortanın nə qədər əhəmiyyətli olduğunu bir daha göstərir.

"Ölkə ərazisində daşınmaz əmlakın icbari sığortası həm sahibkarlar, həm də fərdi vətəndaşlar üçün məcburi xarakter daşıyır. Bu, daşınmaz əmlakın icbari sığortası növü üzrə sığortalanır və adından da bilindiyi üzrə məcburi xarakter daşıyır. Sahibkarlarla bağlı daşınmaz əmlakın icbari sığortası ilə bağlı nəzarəti Fövqəladə Hallar Nazirliyi həyata keçirir. Əmlakla bağlı təhlükəsizlik qaydaları FHN tərəfindən yoxlanılır, eyni zamanda daşınmaz əmlakın icbari sığortasının olub-olmadığı müəyyən edilir.

Əlavə olaraq, mülki məsuliyyət sığortası deyilən bir sığorta növü var ki, bu, daşınmaz əmlakın istismarı ilə bağlı mülki məsuliyyətin icbarı sığortasıdır. Bu, fərdi şəxslərə aid deyil, yalnız sahibkarlara şamil edilir.Bu sığorta növünün mahiyyəti ondan ibarətdir ki, sahibkarlar tərəfindən üçüncü şəxslərə dəyən ziyan həmin sığorta şirkəti tərəfindən qarşılanır və bununla bağlı sığorta kompensasiyası həyata keçirilir. Bu, daşınmaz əmlakla bağlı məsələdir. Bir də daşınan əmlak sığortası var, hansı ki, sahibkarlar öz məhsullarını, əmlakını gətirib satırlar. Ölkəmizdə daşınan əmlakın könüllü sığortası var. Satış məqsədilə mağazaya gətirilən həmin əmlakla bağlı bu sığorta növü qanunvericiliyə görə məcburi xarakter daşımır. Bu, sahibkarın istəyindən asılıdır.

Hal-hazırda taxta bazarındakı situasiya ilə bağlı qeyd etmək lazımdır ki, burada hansı sənədlər tələb oluna bilər. Vətəndaşlar sığorta şirkətlərinə hansı sənədləri təqdim etməlidirlər? Əgər əmlak daşınmazdırsa, o zaman həmin yerin çıxarış sənədi tələb edilir. İkinci sənəd olaraq, həmin yer üzrə FHN-in yanğın təhlükəsizliyi qaydaları barədə akt olmalıdır. Həmin akta əsasən, sığorta şirkəti ərazidə təhlükəsizliyin necə təmin olunmasını dəyərləndirir. Əgər yanğın təhlükəsizliyi aktı yoxdursa, o zaman sığorta şirkəti həmin əmlakı sığorta etməkdən çəkinir. Konkret olaraq, bugünədək baş vermiş yanğın hadisələri ilə bağlı, məsələn, "Eurohome" və ya Sədərəkdəki hadisə ilə bağlı olan yerlərdə onu müşahidə edirik ki, ya sənədləri tam şəkildə qaydasında deyil, ya da hər hansı sənəd çatışmazlığı var. Əsasən, ya yanğın təhlükəsizliyi aktı, ya da yer üzrə çıxarış sənədi olmayıb. Digər tərəfdən, hansı ki biz sahibkarlarla bağlı məsələdə əsas problemin daşınar əmlak üzrə olduğunu müşahidə edirik. Bəs daşınar əmlakla bağlı hansı sənədlər lazımdır? Qeyd olunan əvvəlki iki sənəd: ərazi çıxarışı və yanğın təhlükəsizliyi aktı ilə yanaşı, üçüncü sənəd kimi sahibkarlardan istənilən vergi bəyannaməsidir. Hansı ki, sahibkarlar öz məhsullarını xaricdən gətirərkən gömrükdə bəyan etməlidirlər.

Bəzən gömrük bəyannaməsində elə hallar olur ki, sahibkarlar məhsullarını başqa ad altında və fərqli üsullarla gətirirlər. Belə olduqda, məhsullarını qanuni şəkildə bəyan etmiş olmurlar. Bəyan etmədikdə, bu zaman vergidə öz əksini tapır. Sığorta şirkətinin də bu sənədi tələb etməsinin əsas səbəbi də odur ki, məhsul üzrə sığorta haqqını müəyyən edə bilsin. Sığorta haqqı həmin vergi bəyannaməsinə uyğun şəkildə tərtib olunmalıdır. Məsələn, bazara daxil olacaq əmlak bir milyon manat dəyərindədir və həmin məbləğdə sığortalanır və sığorta kompensasiyası müəyyən edilir ki, sahibkar əmlak dəyərinin müəyyən faizini ödəsə, bu məbləğdə onun üçün sığorta kompensasiyası hesablanacaq. Yəni hadisə baş verdikdən sonra dəymiş ziyanın məbləği nə qədərdirsə, sığorta onu ödəyir.

Bu günədək baş vermiş yanğın hadisələri ilə bağlı bir çox yerlərdə ya həmin yerin sənədləri olub, ya da olmayıb. Sənədi olan əmlaklarla bağlı məsələn, "Gənclik Mall"u misal çəkmək olar. Bu ticarət mərkəzinin bütün sənədləri qaydasındadır. Bəs bunu hardan bilirik? Ordan bilirik ki, bu ticarət mərkəzində yerləşən bütün satış obyektlərinin yüz faizi sığortalıdır. Ona görə sığortalıdır ki, həmin obyektlər vergi bəyannaməsini təqdim edirlər, sahibkarlar müqavilə bağlayırlar. Həmin sənədlərə adekvat olaraq, sığorta şirkətlərinin nümayəndələri həmin ticarət mərkəzində sıraya düzülüb, hətta bir-birləri ilə rəqabət aparırlar ki, təmsil etdikləri şirkət həmin əmlakı sığortalasın. Bu da ticarət obyektlərində bütün sənədlərin qaydasında olduğunu göstərən göstəricidir.

Elə ticarət mərkəzləri də var ki, sığorta şirkətləri həmin yerlərə getməkdən çəkinirlər. Məsələn, bundan əvvəl yanğın baş vermiş "Eurohome" işçiləri bəyan edirdilər ki, hər biri bu ticarət mərkəzinə bir, üç, beş milyon manat dəyərində mal gətiriblər. Daha sonra onlar vergi ilə bağlı dəvət olunurdular ki, gəlin, baxaq, görək, sizin dövriyəniz nə qədərdir? Məlum olurdu ki, onların ay ərzində beş-altı min manatlıq dövriyələri olurdu, yaxud olmurdu. Ona görə də sığorta şirkətləri elə yerlərdən çəkinirlər. Çünki bu şirkətlər də gəlir əldə etmək istəyir, onlar yüksək riskli yerlərə yüksək riskli sığortalar təyin edirlər. Belə olduqda, sahibkarın özü də çəkinir ki, mən nəyə görə bu qədər məbləği sığortaya ödəməliyəm? Ancaq düşünmür ki, əmlakı barədə məlumatları vergi bəyannaməsində düzgün qeyd etsə, bu halla rastlaşmayacaq. O ki, qaldı işçilərə, onlara işlə bağlı müəyyən kompensasiyalar verilə bilər. Buna Əmək Müfəttişliyi nəzarət edir. Orada işçilərlə müqavilə imzalanır. Baş verə biləcək hər hansı hadisə ilə əlaqədar - bu, işin dayanması və ya hansısa bədbəxt hadisə ola bilər - sığorta növləri və işsizliyə görə müavinət var. Bədbəxt hadisələrlə bağlı sığorta növü var ki, o da icbari qaydadadır. Ölüm halı və ya başqa bədbəxt hadisələr zamanı işçi ilə sahibkar arasında müqavilə olsaydı, o zaman kompensasiya ödəmək də mümkün ola bilərdi" - deyə, ekspert bildirib.

AZƏRTAC-ın Yeni Kaledoniyaya ezam edilmiş əməkdaşı Aygün Həsənovanın bu ölkənin rəsmi dairələri tərəfindən jurnalist kimi peşəkar fəaliyyətini yerinə yetirməsinə qanuni əsas göstərmədən maneçilik törədilməsini və polis bölməsində saxlanılaraq “arzuolunmaz şəxs” qismində ölkədən çıxarılmasını jurnalistin informasiya əldə etmək hüququnun məhdudlaşdırılması kimi qiymətləndirir və qınayırıq.

Bu barədə Medianın İnkişafı Agentliyinin bəyanatında bildirilib.

Qeyd olunub ki, jurnalistin məhz Azərbaycandan gəldiyini əsas götürərək peşəkar fəaliyyətinə müdaxilə edilməsi və polis nəzarəti altında saxlanılaraq təyyarəyə minənədək müşahidə altında olması hadisənin siyasi sifariş olduğunu deməyə əsas verir.

Vurğulanıb ki, bu, Fransada müxtəlif tədbirləri işıqlandıran jurnalistlərin, o cümlədən Azərbaycan media təmsilçilərinin peşəkar fəaliyyətinə maneçilik törədilməsi, onların informasiya əldə etmək hüququnun kobud, qeyri-qanuni üsullarla qarşısının alınmasına yönəlmiş növbəti addımdır.

“Biz dünyada ifadə azadlığının vəziyyətini qiymətləndirmək kimi kifayət qədər geniş və ciddi missiyanı öz üzərinə götürmüş beynəlxaq təşkilatların, jurnalistlərin hüquqlarının qorunması sahəsində ixtisaslaşmış QHT-lərin məsələyə münasibət bildirməsini tələb edirik“, - deyə bəyanatda qeyd olunub.

Məktəblərdə müəllimlərin şagirdlərə əlavə dərs vəsaitləri aldırmaları ilə bağlı çoxsaylı müraciətlər olur. İbtidai siniflərdə iş dəftərlərini, yuxarı siniflərdə də Dövlət İmtahan Mərkəzinin test və ya digər vəsaitlərini almağı tələb edirlər. Əgər Azərbaycan təhsil sistemində tədris planının mükəmməl olduğu, dərsliklərin yüksək keyfiyyətlə hazırlandığı, dərs vəsaitlərinin proqramı mənimsəmək üçün yetərli olduğu, dünyanın qabaqcıl ölkələlərinin təcrübəsinə uyğun olduğu iddia edilirsə, o zaman valideyn nə üçün övladına əlavə dərslik almalıdır?! Övladının qarnını güc bəla ilə doyuran, geyim-keçimini birtəhər təmin edən valideyn hər il bu qədər vəsaiti necə alsın?! Bunu düşünən yoxdurmu?! Müəllim nazirliyin müəyyənləşdirdiyi tədris planına və ya bəh-bəhlə səsləndirilən kurrikulum qaydalarına nə üçün riayət etməməlidir?! Əgər tədris proqramı kifayət qədər əhatəli, dərsliklər də belə möhtəşəmdirsə, nə üçün müəllim, mövzunu öyrətmək üçün yardımçı vasitələrə ehtiyac duyur?! Bəzi müəllimlər hansısa firmalarla anlaşıb onların dərmanlarını reseptə yazan həkimlərə bənzəyir. Nazirlik qəti olaraq tapşırıq verməli, tədrisdən kənar vasitələrin məktəblərə ayaq açmasının qarşısı alınmalıdır.
Valideyn övladının inkişafı üçün vəsait xərcləyə bilər. Amma bu vəsaiti hansısa bacarığını müəyyənləşdirib onu idmana, musiqiyə və ya digər fəaliyyətlərə xərcləsə daha yaxşı olmazmı?! Hətta daha da dərinliyə gedəndə bu gün ölkədə dövlət hesabına fəaliyyət göstərən musiqi, idman məktəbləri də var. Bunun üçün belə böyük vəsait xərcləməyə ehtiyac yoxdur. Uzağı övladının dil, texnologiya bacarıqlarının inkişaf etdirilməsi üçün əlavə pul xərcləməlidir. Amma müşahidə etdiyimiz mənzərə çox acınacaqlıdır.
Problem bir-iki məktəbdə deyil. Əksəriyyətində belədir. Hətta şagird sıxlığı olan məktəblərdə də əlavə vəsait almaq tələb edilir. Bir nəfər də müəllimə demir ki, sinifdə 30 uşağın var, tədris ili boyunca dərs vəsaitini onlara öyrədib qurtara bilsən şükür etməli olduğun halda, əlavə vəsaiti keçməyə necə vaxt tapırsan?! Cavabı sadədir, yetirə bilmir və bu zaman da tətil günlərində 5-6 mövzunu birdən ev tapşırığı kimi uşaqlara yükləyir. Tətil məktəbin uşaqlar üçün yükünü, stresini azaltmaq üçündür, bütün günü dərs oxumaq üçün deyil. Bu, öyrətmə metodu ola bilməz. Uşağın sağlamlığı hər şeydən önəmlidir, amma bu gün artıq dərəcədə yükləməklə onların sağlam böyümələrinin, əyləncəyə vaxt ayırmalarının qarşısı alınır.
Yazıq valideyn uşağı digərlərindən seçilməsin deyə bu vəsaitləri almaq məcburiyyətində qalır. Bir model tətbiq olunmalıdır. Ya Elm və Təhsil Nazirliyinin vəsaitləri, ya da Dövlət İmtahan Mərkəzinin proqramı ilə dərs keçilsin, valideyn də işini bilsin.

Müəllif: Çingiz Səfərli
Təqdim etdi: DİA-AZ.COM (Ərsoyun Bloqu)

“Şamaxı” klubunda baş məşqçi Ramiz Məmmədovun köməkçiləri məlum olub.

Bu barədə bölgə təmsilçisinin rəsmi saytında məlumat paylaşılıb.

Bildirilib ki, Məqsəd Yaqubəliyev köməkçi məşqçi, Mehman Baxışov fiziki hazırlıq üzrə məşqçi, Elnar Kərimov isə qapıçı hazırlığı üzrə məşqçi təyin edilib.

Zamir Həsənov, Ceyhun Rzayev və qapıçı hazırlığı üzrə məşqçi Şahin Hüseynov I Liqa təmsilçisi ilə vidalaşmaq istədiklərini bildiriblər. Mütəxəssislərlə müqaviləyə qarşılıqlı razılaşma əsasında xitam verilib.

Qeyd edək ki, daha əvvəl Vüqar Əsgərli baş məşqçi postundan istefa vermişdi.

"Bank of Baku"da yerləşdirilən əmanətlər Əmanətlərin Sığortalanması Fondu (qısaca - ƏSF) tərəfindən sığortalanmır.
Kommersant.az xəbər verir ki, "Bank of Baku"da xarici valyutada yerləşdirilən əmanətlər ƏSF tərəfindən sığortalanmır. Belə ki, ƏSF-nin sığortaladığı əmanətlərin illik faiz dərəcəsi milli valyutada 12 faiz, xarici valyutada isə 2.5 faiz olaraq qəbul edilib.

"Bank of Baku"da 24 və 36 aylıq yerləşdirilən dollar əmanətləri qeyd olunan illik faizdən çox olduğuna görə əmanətlərini yerləşdirən vətəndaşların depozitləri risk təşkil edir.

"Zəhmət olmasa poçtları normal internetlə təmin edin.

İnternet çox zəifdir, proqramlar açılmır, vətəndaş saatlarla gözləyib məktub göndərə, ödəniş edə bilmir".

Bu etirazla Azərbaycan Respublikası Rabitə və yüksək texnologiyalar Nazirliyinə və "Azərpoçt"a xitabən Filologiya üzrə fəlsəfə doktoru, Müstəqil ekspert Elyar İslamoğlu çıxış edib.

O daha sonra əlavə edib: "Masazırdakı filialınız bərbad fəaliyyət göstərir.

XXI əsrdə zəif internetə görə poçtların normal fəaliyyət göstərə bilməməsi gülünc və utancdır".

Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...

Prezident İlham Əliyev Şuşa‒Laçın avtomobil yolunun yenidən qurulması ilə bağlı tədbirlər haqqında Sərəncam imzalayıb.

Sərəncamla qırx bir kilometr uzunluğu olan Şuşa‒Laçın avtomobil yolunun yenidən qurulması məqsədilə Azərbaycan Respublikası Prezidentinin 2023-cü il 23 yanvar tarixli 3720 nömrəli Sərəncamı ilə təsdiq edilmiş “Azərbaycan Respublikasının 2023-cü il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.31.25-ci yarımbəndində göstərilmiş məbləğin 6,0 (altı) milyon manatı Azərbaycan Avtomobil Yolları Dövlət Agentliyinə ayrılıb.
2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.
3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.