“Dəryaz” qəzetinin redaksiyasına Şəki Regional Meşə Təsərrüfatı Mərkəzinin nəzarətində olan meşələrdə qiymətli ağacların kütləvi şəkildə qırılması və taxta sexlərinə daşınması ilə bağlı vide-materiallar daxil olub. Məsələ ilə əlaqədar Mərkəzin direktoru Əkrəb Babayevin mövqeyiini öyrənmək üçün telefon əlaqəsi yaratmaq cəhdimiz baş tutmadı, daha dəqiq desək, qarşı tərəf dəstəyi qaldırmadı. Məsələnin məğzini izah etdiyimiz danışıq mətnini direktorun vat-sap nömrəsinə göndərdik və xahiş etdik ki, münasibətini bildirsin. Səsli mesajımızda həmçinin təmsil etdiyimiz mətbu orqanın statusunu, əsas profilini də qeyd etdik – satira və karikatura.

Bundan sonra Əkrəm Babayev özü telefonumuza zəng vurub asıb kəsdi ki, bəs Qarabağ müharibəsində döyüşüb. Sözündən belə çıxdı ki, müharibədə iştirak etməyən hamı ona borcludur. Bu səbəbdən “toxunulmaz adamdır”, ona heç kəs “gözün üstə qaşın var” deyə bilməz. İctimai əhəmiyyət kəsb edən fəaliyyətində nə nöqsanı olursa-olsun, jurnalist də onu tənqid edə bilməz: “O karikatura çəkən əməkdaşınıza deyin görək, müharibə mövzusunda karikatura çəkibmi?” Cavab olaraq bildirdik ki, bəli, hətta Paşinyanın, tankı döyüş meydanında qoyub qaçarkən, qucağında unitaz aparan erməni əsgərinin də şəklini çəkmişik. Bu “əks-arqumentinin” keçmədiyini görən Əkrəm hədə yolunu seçdi – Onun karikaturasını çəkməyə cəsarət edəcək adamın ünvanına nalayiq, qələmə alınması məqbul olmayan söyüşlər söydü və həmin şəxsin başını kəsəcəyini vəd etdi: “Mən yüz erməni başı kəsmişəm, dünya vecimə deyil!..” Əkrəm bəyi ifadələrini seçməyə, etik qaydaları gözləməyə dəvət etdik. O isə gəlib bizi “tərbiyələndirəcəyini” dedi. Təklif etdik ki, tərbiyə verməyi bacarırsa, bizə yox, öz oğluna tərbiyə versin. Cavabı bu oldu: “ Mən oğlumu anasını s…- s… tərbiyələndirmişəm.

Bununla bağlı ETSN rəhbərinin müavini Firdovsi Əliyevə zəng edib məlumat verdik. Nazir müavini isə bizi qınadı ki, bəs qarşı tərəf kimi mövqe öyrənmək üçün Əkrəmə deyil, Nazirliyin mətbuat xidmətinə zəng vurmalıydınız.

Xatırladırıq ki, ETSN rəhbərliyi indiyədək sistemdə aşkar elədiyimiz digər qanunsuzluqlarla bağlı müraciətlərimizə cavab verməyib, heç mətbuat xidməti də jurnalist sorğularına həssas yanaşmayıb. Ümumiyyətlə, Əkrəm Babayevin heç bir vəchlə ona zəng edən jurnalisti söymək, ölümlə hədələmək hüququ yoxdur. Yaxşı ki, cənab Muxtar Babayev özü müharibədə iştirak etməyib; soyadaşı olan işçisi bizə güllə atırsa, nazir özü topa tutardı.

Onu da qeyd edək ki, erməni əsgərin belə başını döyüş vaxtı ayaq üstə kəsmək mümkün deyil. Öldürəndən, yaralayandan, əsir götürüb əlini-qolunu bağlayandan sonra kəsmək isə kənardan vəhşilik kimi görünür. Yəni, Əkrəm Babayev bu işi ilə öyünürsə, o da qəhrəmanlıq deyil, ən azından ölkəmizin, xalqımızın beynəlxalq nüfuzuna zərbə vurmaqdır. Mövzuya karikatura ilə qayıdacağıq.

Əkrəm əkənin səs yazısını nazirliyə və nazirliyin mətbuat xidmətinə göndərsək də, heç bir cavab almadıq. Görünür nazirlik əməkdaşları da, bu başkəsənin hədəsindən qorxur. Və yaxud Əkrəmin bu tərbiyəsizliyini və əxlaqsızlığını nümunəvi bir addım kimi qəbul edirlər.

Mövzuya karikatura ilə qayıdacağıq.

Deryaz.az

Bakıda tikinti şirkəti bir evi 3 nəfərə satıb. Söhbət Yasamal rayonu, M.Xiyabani küçəsində çoxmərtəbəli binanı inşa edən “Yeni Yasamal” Mənzil Tikinti Kooperativindən gedir.

Külli miqdarda pul verib ev alan Samir Musayev 15 ildir nə mənzilini, nə də pulunu geri ala bilir. Üstəlik məhkəmələr də onun bu iddiasını əsasız sayır.

Baxmayaraq ki, Samir Musayev “Yeni Yasamal “MTK tərəfindən verilmiş maliyyə arayışlarına əsasən 18 aprel 2007-ci il tarixli müqavilə ilə 53.227 ABŞ dolları (41.517 manat) dəyərində Yasamal rayonu, M.Xiyabani küçəsində yerləşən 2 otaqlı, ümumi sahəsi 101 kv.metr olan mənzil alıb və evin dəyərini 1 il ərzində tam ödəyib. Sonra isə mənzilinin 3 nəfərə satıldığını, hətta evində yaşayış olduğunu öyrənib.

Şirkət işbazları tərəfindən aldadılan zərərçəkən Baş Prokuror yanında Korrupsiyaya Qarşı Mübarizə Baş İdarəsinə ərizə ilə müracət edib və faktla bağlı cinayət işi açılıb.

Baş Prokuror yanında Korrupsiya qarşı Mübarizə İdarəsindən şikayətçinin müraciətinə göndərilən cavabda qeyd olunub ki, mənzil ondan sonra 21 noyabr 2016-cı il tarixli saxta müqaviləyə, maliyyə arayışına əsasən 37.000 manata Aybəniz İsgəndərovaya, 2017-ci ilin sentyabr ayında isə 02 mart 2014-cü il kimi göstərilmiş saxta müqavilə ilə 34.000 manata Laləzar Hacıyevaya satılıb. Həmçinin Prokurorluqdan bildirilib ki, aldığı mənzildə ondan sonrakı tarixə müqaviləsi olan şəxs (yəni Aybəniz İsgəndərova) yaşayır.

Samir Musayevin dediyinə görə ona Əhmədli qəsəbəsi ərazisində 55 kv.metrlik ev təklif olunub. Amma zərərçəkən itirdiyi 101 kv.metrlik ev müqabilində təklif olunan 55 kv.metrlik mənzillə razılaşmayıb və tələbindən dönməyib. İddiası ilə bağlı məhkəməyə müraciət edib.

İşə baxan Yasamal Rayon Məhkəməsinin hakimi Ayaz Məmmədov 5 avqust 2019-cu il tarixli qətnaməsi ilə Samir Musayevin iddia tələblərini rədd edib. Birinci instansiya məhkəməsi gəldiyi nəticəni onunla əsaslandırıb ki, mübahisəli mənzillə bağlı “Yeni Yasamal” MTK tərəfindən öncə Samir Musayevlə müqavilə bağlansa belə həmin mənzil faktiki olaraq Aybəniz İsgəndərovaya təhvil verilib. Əsas isə gətirilib ki, Aybəniz İsgəndərova mənzildə təmir işləri apararaq ailə üzvləri ilə birlikdə orada yaşayır.

Bundan sonra zərərçəkən Apelyasiya məhkəməsinə üz tutub və Yasamal Rayon Məhkəməsinin qətnaməsinin ləğv edilməsini, yeni qətnamə qəbul edilməsini xahiş edib. Bu tələbi isə prokurorluqda aparılan istintaqın nəticəsi ilə əsaslandırıb.

Bildirib ki, mübahisəli mənzilə dair digər şəxslərlə bağlanmış müqavilələr saxtadır və heç bir hüquqi əsası yoxdur. Yəni həmin mənzil Samir Musayevin qanuni istifadəsində olduğu halda, digər şəxslərə satıla bilməzdi.

Bununla da Apelyasiya Məhkəməsinin hakimi Xumar Mərdanova 9 iyun 2020-ci il tarixli qətnaməsi ilə Yasamal Rayon Məhkəməsinin 5 avqust 2019-cu il tarixli qətnaməsini ləğv edib, yeni qətnamə qəbul etməklə şikayətçinin iddiasını təmin edib.

Məhkəmənin qərarı ilə “Yeni Yasamal” MTK ilə Aybəniz İsgəndərova və Laləzar Hacıyeva arasında bağlanmış müqavilələr etibarsız hesab edilib. Mənzilə ödədikləri məbləğin sözügedən MTK-dan alınıb hər iki şəxsə qaytarılması ilə bağlı qərar çıxarılıb.

Mənzilin isə boşaldılaraq iddiaçı Samir Musayevə təhvil verilməsi qərara alınıb.

Amma evi alan ikinci şəxs, yəni Aybəniz İsgəndərova Apelyasiya Məhkəməsinin qərarı ilə razılaşmayaraq kassasiya şikayəti verib. İşə Ali Məhkəmədə baxılıb. Ali Məhkəmə isə Apelyasiya Məhkəməsinin çıxardığı qərarı ləğv edərək, işi yenidən həmin məhkəməyə qaytarıb.

Kassasiya instansiyası məhkəməsi gəldiyi nəticəni onunla əsaslandırıb ki, hazırda mənzil Aybəniz İsgəndərovanın faktiki sahibliyində və istifadəsindədir. Zərərçəkən Samir Musayevin iddiası ilə bağlı kassasiya instansiyası məhkəməsi, apelyasiya məhkəməsinin gəldiyi nəticə ilə razılaşıb.

Qərara alınıb ki, mülki iddiaçı kimi tanınan Samir Musayev qanunvericiyə müvafiq olaraq “Yeni Yasamal” MTK-nə qarşı iddia qaldırmaqla, müqavilə üzrə ödədiyi pulu, həmçinin ona dəymiş zərəri geri tələb edə bilər.

Bununla da məsələ və şikayətin dəlillərinin təkrar araşdırılmasına lüzum olmayıb. Beləcə Samir Musayevin kassasiya şikayəti də təmin edilməyib.

Öz növbəsində “Yeni Yasamal” MTK-nın vəzifəli şəxslərinin qeyd olunan və başqa mənzillərlə bağlı da oxşar cinayət xarakterli hərəkətləri barəsində cinayət işi başlanıb. Belə ki, “Yeni Yasamal” MTK-nin qanuni təmsilçiləri Cahangir Alışov və Habil Fətəliyevin dələduzluq etmələri barədə Ağır Cinayətlər Məhkəməsində işə baxılıb.

Hər iki şəxs 3 il müddətində rəhbər vəzifə tutmaq hüququndan məhrum edilib. Cahangir Alışov 9 il, Habil Fətəliyev isə 8 il 6 ay müddətinə azadlıqdan məhrum etmə cəzası alıb.

Məsələ ilə bağlı “Yeni Yasamal” MTK-nın satışa nəzarət şöbə müdiri Etibar Bağırov Bizim.Media-ya danışıb.

O, Samir Musayevin 2007-ci ildə aldığı mənzilin maliyyə və müqavilə arayışlarını saytımıza təqdim edərək, uzun illərdir həll olunmayan məsələdə “Yeni Yasamal” MTK-ni və məhkəmə instansiyalarını günahlandırıb:

“Samir Musayev mənim iştirakımla həmin mənzili almışdı. Əlimdə bütün sənədlər, dəlil və sübutlarla məhkəməyə gəlmişdim. Amma Apelyasiya Məhkəməsi məni dinləmədi və danışmağa imkan vermədi. O zaman bildim ki, məhkəmə saxtakarlıq edir və elə o dələduzlar kimi hərəkət etdi”.

Vəkil Pərvanə Məmmədova isə qeyd edib ki, qanunvericiliyin tələblərinə riayət olunmayıbsa, Ali Məhkəmənin qərarından şikayət vermək olar:

“İndiki halda belə problem yoxdur. Bilirsiz ki, Ali Məhkəmənin qərarı dərhal qüvvəyə minir. Ondan yalnız Konstitusiya Məhkəməsinə və Avropa Məhkəməsinə müraciət etmək olar. Ali Məhkəmənin mövqeyi ondan ibarət oldu ki, Samir Musayevlə müqavilə bağlansa da, sənəd digər tərəfə təhvil verilib.

Bununla bağlı cinayət işi də var və orada təsdiq olunur ki, Samir Musayevin müqaviləsi qüvvədə idi, digər şəxsə satılma ilə bağlı sənədlər saxtadır. Məhkəmənin isə əsas alibisi o oldu ki, faktiki olaraq mənzil Samir Musayevə təhvil verilməyib.

Təhvil verilmə anını əsas götürərək, digər tərəfin hüququnu tanıdı. Apelyasiya Məhkəməsi hesab etmişdi ki, Samir Musayev məlumat aldığı vaxtdan 1 il ərzində şikayət verməli idi. Əlbəttə ki, Samir Musayev bu məsələni cinayət işinin axarına buraxmışdı.

1 il keçəndən sonra şikayət verib. Yəni digər tərəfin müqaviləsinin etibarsız olması ilə bağı müddət 1 il idi. Bildirim ki, Samir Musayev bundan sonra Konstitusiya və Avropa məhkəmələrinə müraciət edə bilər”.

Xatırladaq ki, bu cinayət işi üzrə zərərçəkmiş kimi tanınan 200-ə yaxın şəxs var. “Yeni Yasamal” MTK-nın iki vəzifəli şəxsi həbsdə olsa da, hazırda şirkəti idarə edənlərin yenə dələduzluqla məşğul olduğu bildirilir.
Bizim.Media

Məlumdur ki, 2020-ci ilin may ayında Bakı şəhəri, Binəqədi rayonu, Xırdalan dairəsinə yaxın ərazidə Azay Möhnətovun rəhbərliyi altında fəaliyyət göstərən “EuroHome” Ticarət Mərkəzində ikinci dəfə yanğın hadisəsi baş verir və hadisə nəticəsində xeyli sayda mağazalar yanaraq külə dönür. Düzdür, ölkə rəhbərinin tövsiyəsindən sonra sahibkarlar sığorta şirkətlərinə üz tutsalar da, son anda onlar mallarını heç cür sığorta etdirə bilmirlər. Yəni, sığorta şirkətləri bazarı sığorta etmək qərarında olmurlar. Buna da əsas səbəb, bazar infrastrukturunun təhlükəsizlik tələblərinə cavab verməməsi olur ki, həmin vaxtlarda külli miqdarda ziyan çəkən sahibkarlardan biri də, Haqverdiyev Xaliq Murğuz oğlu olur. Bu şəxs indiyə kimi ona ödənilməli olan kompensasiyanı heç cür əldə edə bilmədiyindən, son anda üz-üzə qaldığı belə bir problemi ictimailəşdirmək, həmçinin bu haqda aidiyyatı dövlət qurumlarını məlumatlandırmaq qərarına gəlir. Dünən gundemxeber.az saytının redaksiyasına müraciət edən və Bakı şəhəri, Xətai rayonu, Birinci Əhmədli qəsəbəsi, ev-26A ünvanında qeydiyyatda olan, hal-hazırda isə Abşeron rayonu, Masazır qəsəbəsi, Səməd Vurğun küçəsində ailəlikcə müvəqqəti yaşayan Xaliq Haqverdiyev qeyd edir ki, “Mən təqribən 5-6 il bundan əvvəldən Bakı şəhəri, Binəqədi rayonu, Xırdalan dairəsinə yaxın ərazidə Azay Möhnətovun rəhbərliyi altında fəaliyyət göstərən “EuroHome” Ticarət Mərkəzində kiçik sahibkarlıq fəaliyyəti ilə məşğul olmağa başladım. Həmin vaxtlarda bu ticarət mərkəzində istifadə etdiyim mağazanın və mağazaya aid anbarın ümumi sahəsi təqribən 200 kvm idi və burada əsas etibarilə elektrik mallarının satışı ilə məşğul olurdum. Qeyd edim ki, həm mağazadan, həm də mağazanın anbarından istifadə etdiyimə görə, bu ticarət mərkəzinə ilk əvvəl 2200 manat, daha sonrakı vaxtlarda isə 1300 manat məbləğində hər ay icarə pulu ödəyirdim. Elə ki, 2020-ci ilin may ayında “EuroHome” Ticarət Mərkəzində 2-ci dəfə yanğın hadisəsi baş verdi, o halda istifadə etdiyim mağaza və mağazanın anbarı tamamilə yanıb külə döndü. Qeyd edim ki, 2019-cu ilin dekabr ayında bu ticarət mərkəzində baş verən ilk dəfə yanğın hadisəsi zamanı, qardaşım Xaqani Haqverdiyevin işlətdiyi iki mağaza və onun mağzalarına aid anbar da yanıb külə dönmüşdü. Baş verən yanğın hadisəsi zamanı mənə 612 min dollar dəyərində, qardaşım Xaqani Haqverdiyevə isə 604 min manat dəyərində ziyan dəydi. Yəni, satışını həyata keçirdiyimiz elektrik malları tamamilə yanıb külə döndü. Həmin vaxtlarda “EuroHome” Ticarət Mərkəzinin sahibi Azay Möhnətov bizə “Heç də narahat olmayın, sizə lazımi məbləğdə kompensasiya ödəniləcək” deyə vəd verirdi.

Artıq həmin vaxtdan bir neçə il keçsə də, bu ticarət mərkəzinin rəhbərliyi bizə ödəməli olduqları kompensasiyanı vermir. Artıq bu gün elə bir dözülməz vəziyyətə düşmüşük ki, düşdüyümüz vəziyyətdən heç cür çıxa bilmirik. Baş verən yanğın hadisələri zamanı həm qardaşımın, həm də mənim satışını həyata keçirdiyimiz elektrik malları yanıb külə döndüyündən, malları nisyə götürdüyümüz xarici şirkətlərə, ayrı-ayrı şəxslərə olan borclarımızı qaytara bilməmişik. Bundan əlavə, şəxsən bu gün mənim vergiyə 1300 manat məbləğində borcum var. Hazırda Türk Həsən adlı bir şəxs var, mən ona olan borcumu qaytara bilmədiyimdən, o, Masazırda ailəlikcə yaşadığımız evi girov götürüb. Yəni, bu şəxs himayəmdə olan dörd azyaşlı uşağı, həyat yoldaşımı və məni qış fəslinin belə bir vaxtında yaşadığımız evdən çıxartmaq zorunda qoyub. Elə ki, ötən müddət ərzində “EuroHome” Ticarət Mərkəzinin sahibi Azay Möhnətovdan kompensasiya ödənilməsini tələb etmişəm, o halda mənə həm polis əməkdaşlarının, həm də bu ticarət mərkəzində müdir vəzifəsi daşıyan Sərvan Quliyevin vasitəsilə təzyiqlər göstəriblər. Qeyd edim ki, bu şəxs Azay Möhnətovun qardaşı oğludur. Onu da bildirim ki, ötən il qardaşım Xaqani Haqverdiyev düşdüyü vəziyyətə heç cür dözə bilmədi və rəhmətə getdi. Bütün bunlara baxmayaraq, Azay Möhnətov “EuroHome” Ticarət Mərkəzində çalışan və yanğın hadisələri zamanı zərər çəkən bütün qohum-əqrəbalarının hər birinə lazımi məbləğdə kompensasiya ödətdirib. Yəni, bu haqda dəqiq məlumatlara malikik. Bizim kimi insanlara gəldikdə isə, o, hələ də bildiyi və düşündüyü addımlarını atmaqda davam edir”.

Qeyd edək ki, “EuroHome” Ticarət Mərkəzində ikinci dəfə baş verən yanğın hadisəsi ilə bağlı Fövqəladə Hallar Nazirliyinin Dövlət Yanğından Mühafizə Xidmətinin rəisi, general-mayor Füzuli Əsədov, 12 may 2020-ci il tarixdə mediaya verdiyi müsahibəsində qeyd etmişdi ki, “Mən “EuroHome” Ticarət Mərkəzində yanğın təhlükəsizliyi ilə bağlı olan nöqsanları qeyd elədim. Demək olar ki, bu nöqsanlar iri ticarət mərkəzlərinin əksəriyyəti üçün xarakterikdir. Baxmayaraq ki, bizim aidiyyəti Xidmətlər tərəfindən dəfələrlə obyekt rəhbərlərinə şifahi və yazılı göstərişlər verilib, nöqsanların aradan qaldırılması ilə bağlı vaxt verilib. Lakin qeyd etdiyim kimi, əksəriyyətində bu nöqsanlar aradan qaldırılmayıb. Belə bir səbəblərdəndir ki, “EuroHome” Ticarət Mərkəzində ikinci dəfə yanğın baş verib”.
Bəli, bütün bunlar onu söyləməyə əsas verir ki, “EuroHome” Ticarət Mərkəzində yanğın hadisəsinin baş verməsinə əsas səbəb, bu ticarət mərkəzinin rəhbərliyi tərəfindən vaxtında yanğın təhlükəsizliyi ilə bağlı lazımi tədbirlər görülmür. O halda sual oluna bilər ki, bəs bu hadisə ilə bağlı sahibkarlara dəymiş külli miqdarda ziyanı kim ödəməlidir? Söz yox ki, bütün ziyanlıq hadisənin baş verməsinə məsul olan şəxslər tərəfindən ödənilməli və sahibkarlara qarş olan haqsızlıqlar da aradan qaldırılmalıdır.
Yazıda ittiham olunan “EuroHome” Ticarət Mərkəzinin rəhbəri Azay Möhnətovun da mövqeyini dinləməyə hazırıq.
Mövzuya qayıdacağıq.

GundemXeber.Az

Azərbaycanda dövlət idarəetməsinin müxtəlif strukturlarında təmsil olunan yaxın qohumlara, ailə üzvlərinə rast gəlmək mümkündür. Xüsusilə də, məmur qardaşlar bu məsələdə daha çox diqqət çəkir.

Maraqlıdır ki, sözügedən qardaşlar içərisində bir sıra nazirlər də var.

Bizim.Media yüksək vəzifələrdə çalışan məmur qardaşları araşdırıb.

İnam Kərimov – Mətin Kərimli

2018-ci ildən kənd təsərrüfatı naziri olan İnam Kərimovun kiçik qardaşı Mətin Kərimli 2019-cu ilədək əmək və əhalinin sosial müdafiəsi nazirinin müavini vəzifəsində çalışıb. M. Kərimli hal-hazırda Beynəlxalq Əmək Təşkilatının (BƏT) Sakit Okean hövzəsi ölkələri üzrə Ofisinin Direktoru vəzifəsini icra edir.

Ceyhun Bayramov – Azər Bayramov

Sabiq təhsil, hazırki xarici işlər naziri Ceyhun Bayramovun böyük qardaşı Azər Bayramov isə maliyyə nazirinin müavinidir. O, 2004-cü ildən bəri bu vəzifəni icra edir.

Mübariz Qurbanlı – Taryel Qurbanov

Dini Qurumlarla İş üzrə Dövlət Komitəsinin sədri Mübariz Qurbanlının qardaşı Taryel Qurbanlı da dövlət idarəetməsində çalışır. O, uzun müddət Baş Prokurorluğun Dövlət təhlükəsizliyi, fövqəladə hallar və sərhəd xidməti orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin rəis müavini olub. Bu ilin mart ayında vəzifəsindən azad olunan Tariyel Qurbanov sonradan Abşeron rayon prokurorunun böyük köməkçisi təyin olunub.

Kərəm Həsənov – Malik Həsənov

2005-2009-cu Dövlət Əmlakının İdarə Edilməsi üzrə Dövlət Komitəsinin, 2009-2019-cu illərdə isə Əmlak Məsələləri Dövlət Komitəsinin sədri olmuş Kərəm Həsənov, 2019-cu ilin noyabrından etibarən Respublikası Prezidentinin Administrasiyasının Dövlət nəzarəti məsələləri şöbəsinin müdiri vəzifəsini icra edir.Qardaşı Malik Həsənov isə millət vəkilidir. O, 2010-cu ildən bəri, artıq üç çağırışdır ki, deputatdır.

Elçin Quliyev – Akif Quliyev

General-polkovnik Elçin Quliyev 2002-ci ildən bəri Dövlət Sərhəd Xidmətinin rəisidir. Qardaşı Akif Quliyev isə Sumqayıt şəhər icra başçısının müavinidir.

Əhəd Abıyev – Zəfər Abıyev

Sabiq deputat, hal-hazırda Daşkəsən rayonunun icra başçısı olan Əhəd Abıyevin qardaşı Zəfər Abıyev isə Daxili İşlər Nazirliyinin əməkdaşıdır. O, nazir Vilayət Eyvazovun 2020-ci il 25 fevral tarixli əmri ilə nazirliyin Baş Narkotiklərlə Mübarizə İdarəsində şöbə müdirinin müavini vəzifəsinə təyin olunub.

Rövşən Rüstəmov – Heydər Rüstəmov

Rövşən Rüstəmov 2021-ci ilin 15 iyununda Prezident İlham Əliyevin müvafiq sərəncamı ilə Rabitə, nəqliyyat və yüksək texnologiyalar nazirinin müavini vəzifəsinə təyin olunub. Bu ilin oktyabrından etibarən isə o, “Azərbaycan Dəmir Yolları” (ADY) Qapalı Səhmdar Cəmiyyətinə sədri vəzifəsini icra edir. Qardaşı Heydər Rüstəmov isə Azərbaycan Yerüstü Nəqliyyat Agentliyinin sədr müavinidir.

Fərhad Hacıyev – Emin Hacıyev

2018-ci ildən bəri gənclər və idman nazirinin müavini vəzifəsini icra edən Fərhad Hacıyevin qardaşı Emin Hacıyev millət vəkilidir. O, VI çağırış üzrə parlament seçkilərində 43 saylı Sumqayıt 3-cü seçki dairəsindən lider namizəd kimi deputat mandatı qazanıb.

Bizim.Media

Yeni il bayramı ilə əlaqədar həm yerli, həm də əcnəbi turistlərin istirahətini gözəl dəyərləndirməsi üçün turizm sektorunda da xüsusi hazırlıqlar görülür. Təsadüfi deyil ki, Yeni ili Azərbaycanda keçirmək istəyənlər daha çox paytaxtda və digər bölgələrimizdəki otellərə üz tuturlar. Sizə də faydalı olacağını düşünərək, Müsavat TV olaraq bu il Bakıda və digər rayonlarda fəaliyyət göstərən bir neçə hotelin qiymətlərini araşdırdıq. Qeyd edək ki, qiymətlər səhər yeməyi, otağın standart və ya lüks olması və şou proqramlardan asılı olaraq dəyişir. Telefon danışıqları zamanı bu il Yeni il şənliyi təşkil edilən otellərin bir çoxunda yerlərin daha öncədən bron edildiyi deyildi. İlk olaraq paytaxtın ən məşhur otellərindən biri Four seasons otellə əlaq saxladıq. Otelin iki nəfər üçün bir bir gecə üçün qiymətləri isə dodaq uçuqlatdı.
Əlaqə saxladığımız digər otel isə Hilton Baku oldu. Burda qiymətlər otaqların standart və ya lüks olması və eyvan mənzərəsinə görə dəyişir.

Regionlarda qiymətlər paytaxta nisbətən daha yüksəkdir. Buna səbəb Bakıda qonaqlama yerlərinin daha çox olması, həm də bayram günlərində vətəndaşların kütləvi şəkildə rayonlara axın etməsi ilə əlaqədardır. Hətta bölgələrdəki otellərdə gecələmə minimum 2 və ya 3 gecədən başlayır.

İndi isə ayrı-ayrı hotellərdəki bayram qiymətləri ilə tanış olaq.

Four Seasons Hotel Baku - 1 gecəsi 1164.90 manatdır. Bura bayram yeməyi daxil olsa da, şou proqram daxil deyil.
Hilton Baku Hotel - standard otağın bir gecəsi 489 manat təşkil edir.

Delux otaq 558 manat təşkil edir. Bura yalnız səhər yeməyi daxildir.

Junior Suitedə bir gecəlik qiymət isə 692 manatdır. Bura da səhər yeməyi daxil osa da, şou proqram aid edilmir.
Qafqaz Resort Hotel - minimum 2 gecə koteclər 1466 AZN, otaq qiyməti 1285 AZN,. Səhər yeməyi və şou proqram qiymətə daxildir.

Şahdağ Mountain Resort - minimum 3 gece qidalanma və şou proqram daxil 1710 AZN

Şamaxı palace - minimum 2 gecə qidalanma və şou proqram daxil 1400 AZN

Telefon danışıqlarından sonra otellərin bayram günü üçün od tutub yanan qiymətləri bizi qışın şaxtasından daha çox üşütdü. Deməli hər il olduğu kimi, bu il də qışın dondurucu soyuğunda əl yandıran qiymətlərlə isinməli olacağıq. Tək təsəllimiz odur ki, əsas ürəyimiz isti olsun.

Bakının Kürdəxanı qəsəbəsində məcburi köçkünlər üçün salınmış şəhərcikdə yerləşən 4 məktəbin şagirdləri soyuqdan donur.

DİA.AZ bildirir ki, sakinlərin Bakupost.az -a verdiyi məlumata görə, Ağdam şəhər 38, Ağdam şəhər 39, Füzuli şəhər 45 və Şuşa şəhər 7 nömrəli məktəbin şagirdləri qış düşəndən bəri istilik üzünə həsrət qalıblar.

Valideynlər bildirirlər ki, noyabrın 15-dən bəri məktəblərdə istilik sistemlər işlədilmir. Bu səbəbdən valideynlərin çoxu uşaqlarını məktəbə göndərmir. Hər sinifdən 2-3 şagirdə dərsə gəlir. Onlar da 2 dərsdən sonra müəllimlər tərəfindən evə göndərilir. Çünki müəllimlər özləri də soyuq sinif otaqlarında otura bilmirlər.

Qeyd olunur ki, problemdən Təhsil Nazirliyinin də məlumatı var, lakin məktəbə istilik verilməsi ilə bağlı heç bir addım atılmır.

Təhsil Nazirliyindən əldə etdiyimiz məlumata görə, şəhərcikdə yalnız bir qazanxana mövcuddur. Bu qazanxana həm şəhərcikdəki binaların, həm də məktəblərin istilik təminatını həyata keçirir. Lakin iki dövlət qurumu - “Azəristiliktəchizat” “Qaçqınkom” arasında həll edilməyən problemə görə qazanxana işlədilmir. Belə ki, "Azəristiliktəchizat" “Qaçqınkom”un borcuna görə qazanxananı işlətmir. Bununsa cəzasını əksəriyyətini azyaşlı uşaqların təşkil etdiyi şagirdlər çəkir.

Problemin həllinə isə heç kim yaxın durmur; nə Təhsil Nazirliyi, nə “Qaçqınkom”, nə də “Azəristiliktəchizat”.

Nəzərə alsaq ki, qarşıdan daha kəskin soyuqlar gəlir, o zaman bu gedişlə 4 məktəbdə təhsilin tamamilə dayana biləcəyini deyə bilərik. Çox təəssüf ki, bütün bunlar işğaldan yeni azad olunmuş və hələ istilik təchizatları tam hazır olmayan rayonlarımızda yox, həmin rayonların Bakının mərkəzində yerləşən məktəblərində baş verir.

“Şəkildə gördüyünüz bu villa Vasif Talıbovun oğlu Seymur Talıbova aiddir. Sözügedən villa Naxçıvan şəhərinin Hacıniyyət kəndində yerləşir. Bu villa Seymur Talıbovun itinə məxsusdur… Hər gün bu villaya xüsusi yeməklər aparılır”.

Bunu Naxçıvandan olan tanınmış jurnalist Heydər Oğuz özünün “feysbuk” səhifəsində yazıb.

Jurnaliast daha sonra fikrlərinə bu cür davam edib:

“Seymur xanzadənin itinin xüsusi baxıcısı var. Deyilənlərə görə, həmin şəxs Suriyadan gətirilib. Ən maraqlısı isə budur ki, Suriyadan gətirilən bu it baxıcısı Miqrasiya Xidmətində qeydiyyata düşməyib…” // yenisabah.az

Ölkəmizdə rüşvətxor korrupsianer məmurlara qarşı hüquq-muhafizə orqanlarının prinsipial mübarizəsi göz önündədir. Büdcəni talan etmək, vətəndaşlara ayrıllan pulları mənimsəmək, rayonların, bölgələrin, şəhərin müxtəlif yerlərinə ayrılan vəsaitləri aidiyyəti üzrə xərcləməyib öz şəxsi mənafeyi üçün xərcləyən iş adamları da var. Onlar düşünməsin ki, dövlət lahiyəsi üçün ayrılan vəsaitləri özlərinə və övladlarına dəyəri yüz minlərlə manata olan maşın alıb sürməklə, bahalı mülklərdə yaşamaqla sonrada canlarını dövlətimiz, vətənimiz üçün fəda verən baş tacımız olan Qarabağ qazilərinin pullarını mənimsəməklə heç nəyə qadir ola bilməyəcəklər.

Hələ bu azmış kimi Qarabağ qaziləri o bahalı evinizin qarşısında haqqların tələb edəndə "Bakıda deyiləm" deyib borc sahiblərinin qarşısında özünüzün cəsarəti çatmayanda xanımınızı çıxarasınız, bu ümumiyyətcə faciədir. Hara qaçsanız da dövlət qanunlarından qaça bilməyəcəksiz!

Söhbət Müqayis Verdiyevdən gedir. Müqayis Verdiyev kimdir?

Bu şəxs 2016-cı ildə ikinci dəfə dələduzluğa görə həbs edilib O, dövlətin Sumqayıt şəhər bulvarına abadlıq üçün ayırdığı millyonlarla manat pulu mənimsəməkdə ittiham olunaraq həbsdə olduğu müddətdə yerli mediadan oxusanız Sumqayıt Şəhər icra başçısı Zakir Fərəcovu ittiham edirək bildirirdi ki, pulları o yox Fərəcov mənimsəyib hətta 12 il azadlıqdan məhrum olundu, 3 il çəkmədi ki, azadlığa çıxdı, azadlığa çıxdıqdan sonra bir neçə jurnalisti başına yığaraq Zakir Fərəcov əleyhinə media materaallarını ötürdü.
Qarabağ Qazilərinin pullarını mənimsəyən iş adamı - Özü 400 minlik, oğlu 200 minlik maşında gəzir

Müqayis Verdiyev

Bir sözlə desək, Fərəcova qarşı istənilən şantaj silahından istfadə etdi.

Onun həbsxana həyatından sonra yenidən yer alması çoxlarında şok effekti yaratdı. Ötən gün isə bir neçə Qarabağ qazisi Müqayis Verdiyevin yaşadığı evin qarşısına toplaşaraq bildirirlər ki, Müqayis Verdiyevə yenidən hansısa yollarla 4 millyon manatlıq tender verilib, o isə bunun 2 milyonunu mənimsəyərək özünə və övladına bahalı avtamobil alıb amma onlara məxsus daş karxanasından götürülən materiealların dəyəri yüz mindən yuxarı olan borcunu ödəmir, ödəməkdən boyun qaçırır. Hər dəfə onlara tez bir zamanda görüşəcəyik deyə yalandan vədlər verir. "Bu şəxs dələduzluq, dövlət malını talamaya görə dəfələrlə həbsxana həyatı yaşasa da dərs olmur, görünür arxasında hansısa gözəgörünməz qüvvələr var" deyə etirazçılar bildirib.

"Azərbaycan Reallığı" sözü gedən məsələ ilə bağlı baş prokurorluğa sorğu göndərib. Qurumdan bildirilir ki, Baş vermiş məsələ ilə bağlı xəbərdardırlar, artıq müəyən araşdırmalarda başlanılıb.

Həbsaxanadan ölkə prezidentinə və baş prokurora etdiyi müraciətlərində Zakir Fərəcovun sifarişi ilə həbs edildiyini bildirən Müqayis Verdiyevin yenidan Sumqayıt şəhərində tikinti işləri ilə məşğul olmağa başlaması isə o anlama gəlir ki, iş adamı həbsxanaya danışılmış şəkildə yollanıb.

Bütün bunlardan sonra hər şeyin əvvəlcədən planlandığı və Müqayis Verdiyevin həbs edilməsinin bir oyun olduğunu deməkdə olar.

Dövlət lahiyyəsinə ayrılmış millyonlarla manatı mənimsəmək, daha sonra 3 il həbsxana ilə canını qurtarmaq, üstəlik həbsxanadan azad olunduqdan sonra həbsxana rüşvət müqabilində ona həbsxana rəhbərliyi tərəfindən xususi diqqət göstərməsi dustaqlardan ayrı olaraq yer ayrılması, telefon işlətməsinə şərait yaradılması və.s kimi sözləri deməsi görünür yeni aldığı 400 min manatlıq avtomobilə sığmayan Müqayis Verdiyev kimi iş adamlarına dərs olmayıb.

İnanırıq ki dövlətimizin hüquq-muhafizə orqanları vətən üçün canını fəda edən Qarabağ qazilərimizin pozulmuş hüquqlarını tez bir zamanda bərpa edəcək, onlara dəymiş ziyan ödəniləcək, ölkəmizin adını rəzil edən Müqayis Verdiyev kimilər haqqında tez bir zamanda ən ciddi tədbirlər görüləcək...AZƏRBAYCANREALLIĞI.COM

Abşeron rayonunda qanunsuz tikinti işləri aparılması hazırkı icra başçısı Abdin Fərzəliyevin dövründə daha geniş vüsət almağa başladı. Təsadüfi deyil ki, Fərzəliyev Abşerona başçı təyin olunduğu vaxtdan Xırdalan, Masazır və rayonun digər ərazilərində özbaşına tikintilər, rüşvət müqabilində qanunsuz inşaat geniş miqyası almaqdadır. Bunu kiçik monitorinq aparmaqla da müəyyən etmək olar. Çünki vətəndaşların şikayətləri, KİV-də yayılan materiallar təsdiqləyir ki, icra başçısı qanunsuz tikinti işlərinə sərəncam verməkdədir.

Tribunainfo.az məlumat verir ki, icra başçısının “xeyir-duası” ilə tikilən daha bir fakt üzə çıxarılıb
Belə ki, Masazır qəsəbəsi, Əliağa Vahid küçəsində tikilməkdə olan binada söküntü işləri aparılıb. İşlər Fövqəladə Hallar Nazirliyinin əməkdaşları tərəfindən həyata keçirilib. Məlum olub ki, buna qanunsuz tikilib. Bu da öz növbəsində Arxitektura və şəhərsalma Komitəsi ilə Abşeron İH-nin ortaya qoyduğu işi gözlər önünə sərir. İndi həmin bina FHN tərəfindən sökülür. Halbuki tikintiyə icazə üçün iş adamının nə qədər rüşvət verdiyini ehtimal etmək olar. İndi pul da batdı, bina da getdi…

Tribunainfo.az