"Elm və Təhsil Nazirliyinin rəhbərliyi ilə təhsil müəssisələrində bufetlərin fəaliyyətinə dair məsələni ətraflı müzakirə etmişik".

Bunu Qida Təhlükəsizliyi Agentliyinin sədri Qoşqar Təhməzli jurnalistlərə açıqlamasında deyib.

O bildirib ki, bütün təhsil müəssisələrində xüsusi qida nəzarətinə başlanılacaq:

"Bu ildən etibarən Qida Təhlükəsizliyi İnstitutu naziriliyin tabeliyindəki bütün müəssisələrdə xüsusi proqram və təlimlər həyata keçirəcək. Keyfiyyətə nəzarət məsələlərinə, həmçinin məhsulların daşınması, çatdırılması, satılmasına xüsusi nəzarət prinsipləri tətbiq olunacaq. Ümid edirəm ki, gələcəkdə neqativ hallar ortadan qaldırılacaq".

Əmək və Əhalinin Sosial Müdafiəsi Nazirliyi yanında Dövlət Sosial Təminat Xidmətinin "Məzun evi" sosial müəssisəsinin direktoru Rza Əhmədovla bağlı keçən günlərdə DİA.AZ olaraq ciddi ittihamların yer aldığı məlumatı təqdim etmişdik. Qeyd edək ki, bu faktlara reaksiya verməyən R.Əhmədov yenə də əvvəlki ampluasındadır və bu da səbəbsiz deyil...

Həmin zaman təqdim etdiyimiz məlumatlardan aydın olurdu ki, vaxtı ilə Səlim Müslümov tərəfindən yol verdiyi ciddi nöqsanlara görə Əmək və Əhalinin Sosial Müdafiəsi Nazirliyindən qovulan Rza Əhmədov nazir Sahil Babayevin dövründə yenidən nazirlikdə peyda oldu. Rza Əhmdəovun ƏƏSMN-də peyda olmasının səbəbkarı isə onun yaxın dostu, himayəçisi Heybət İmanovdur.

Bununla bağlı dia.az-a məlumatlı mənbədən yeni informasiya təqdim olunub. Xəbəri verən qaynaq iddia edir: "Məlumat verim ki, Əmək və Əhalinin Sosial Müdafiə Nazirliyinin tabeliyində olan Məzun Evinin keçmiş direktoru Rza Əhmədov hal-hazırda Zabrat qəsəbəsində yerləşən Sosial Sığınacağın direktoru vəzifəsinə təyin olunub. Əlbəttə ki Heybət İmanovun böyük dəstəyi sayəsində. Rza Əhmədovun arxası o qədər güclüdür ki o Nazirliyin və agetliyin işçilərini hər dəfə acılayır, yüksək səs tunu ilə danışır yeri gələndə onları təhqir edir və hədələyir.

Agentlik tərəfindən hər hansı bir tapşırıq veriləndə, yerinə yetirməyəcəyini və gedib rəhbərinizə beləcədə deyin sözünü işlədir. Artıq Agentlikdən Rza Əhmədova hər hansı bir tapşırıq vermək və ya məlumaq almaq üçün onunla əlaqə yaratmağa cəkinirlər və işçilər bu işi bir birilərinə ötürürlər. Bu yaxınlarda Rza Əhmədov nazirlik nümayəndəsini təhqir etmişdir. Bu barədə nazir Sahil Babayev xəbər tutduqda bərk hiddətlənərək onu vəzifəsindən azad etmək istəmişdir. Lakin Heybət İmanovun böyük dəstəyi sayəsində Rza Əhmədov vəzifəsində qalmışdır. Rza Əhmədov o qədər harınlayıb ki sığınacaqda vəfat etmiş şəxslər dövlət qeydiyatına alınmır və onların təqaüdlərini mənimsəyir.

Ata baba məsləyi ,çobanlıq olan Rza Əhmədov Beyləqan rayonundan öz at və itini gətirib sığınacaqda bəsləyir. Utanmasa qoyunlarınıda gətirər. Sığınacağın cox sayda işçisi Rza Əhmədovun atı və itinə qulluq üçün ayrılıb..."

DAVAMI VAR...

Məsələ ilə bağlı olaraq bütün maraqlı tərəfləri dinləməyə hazırıq...

Bura Binə Savxoz qəsəbəsinin Lələtəpə massividir. Sakinlər evlərinin yanındakı boş ərazinin zibilliklə aşıb-daşmasından şikayətçidir.

Onların sözlərinə görə, üfunət iyindən pəncərələrini aça bilmirlər.

Hər gün yandırılan zibilə görə hər an zəhərlənməkdən narahat olduqlarını deyirlər.

Toplum TV

Yeni tədris ili ərəfəsində Bakı Slavyan Universitetinin güzəranı ilə maraqlandıq.Eşitdiklərimiz "köhnə hamam,köhnə tas" olduğunu göstərir. Gundelik-baku.com xəbər verir ki,Nurlana Əliyevanın rektor vəzifəsindən səs-küylü gedişindən sonra vaxtilə Təhsil İnstitutunun direktor müavini, Təhsil Nazirliyinin "Elm, ali və orta ixtisas" şöbəsinin müdir müavini vəzifələrində çalışmış,Azərbaycan Dillər Universitetində dekan işləmiş Anar Nağıyevin sələflərinin səhvlərindən nəticə çıxaracağı gözlənilirdi.Ancaq Anar müəllimin də öz "dəsti-xətt"i var imiş.O rektor təyin edildikdən sonra maraqlı "tədris "metodikası" tətbiq etməyə başlayıb.Anar Nağıyev rektor təyin olunan kimi tələbələr əksəri imtahanlardan kəsirlə çıxmağa başladılar.Bu da əlavə 25 faiz gəlir deməkdir.
Bundan başqa,altqruplar yaradılaraq tələbələrin bir qismi ora cəlb olunur.Bu da havayı başa gəlmir.Biləsiniz ki,qocaman təhsil müəssisəsinin texniki təchizatı da yaxşı halda deyil.Elektrik cərəyanı tez-tez kəsilir,istilik-soyutma sistemi rektorun kabinetindən başqa heç bir otaqda mövcud deyil.Yalnız Anar Nağıyev istidə sərinlənə,soyuqda qızına bilir.Yeməkxana ləğv edilib.Kiçik bir bufetdə yoxdur ki,acmış adam heç olmasa mədəsini aldatsın.Məcbur olub tələbə,müəllim,digər işçilər yaxınlıqdakı məkanlardan nəsə alıb yesinlər.Yataqxana da ürəkaçan deyil.Vəziyyətin düzəldilməsi üçün də rektor Anar Nağıyev başda olmaqla heç kim heç nə etmir.Vəziyyəti düzəltmək bir yana qalsın,keçən il hətta binanı buldozerin qabağına verib sökmək istəyirlırmiş.Yəqin müştəri çıxıbmış.İndi yataqxanadakı tələbələr fikurləşirlər ki,bu il aqibətləri necə olacaq?

Deyilənə görə Anar müəllim əvvəlki iş yerlərində də "ad" çıxardıbmış.Adının yanında rüşvətxor,pulyığan sözləri qoşa çəkilərmiş.İndi də Dillər Universitetində əlaltıları olmuş səriştəsiz adamları Bakı Slavyan Universitetinə yerləşdirib.
Məsələn,Elçin adlı şəxsi özünə müşavir,Əzim adlı birini isə BSU-nun Həmkarlar ittifaqı təşkilatının sədri təyin edib.Bu adamların qılıncının dalı da kəsir,qabağı da.Keçmiş bədən tərbiyəsi müəllimi,Meskom Əzim həm də Anar Nağıyevin "qara kassa"sı hesab edilir.Kadr məsələləri də Əzim müəllimin süzgəcindən keçir.

Anar Nağıyevin qəbuluna düşmək isə demək olar ki,mümkün deyil.Nəinki tələbə,valideynləri,heç professor-müəllim heyətini də qəbul etməyi lazım bilmir.Amma qəbul otağına gələnləri saatlarla gözlədib ümid verməkdən zövq alır. Bir sözlə tam anarxiya. //Gundelik-baku.com//

Qazax bələdiyyə sədri bir neçə vətəndaşı aldadıb.

AMİA.AZ redaksiyasına müraciət edən Qazax sakinləri bildirir ki, Qazax bələdiyyəsinin sədri Tofiq Orucov onları aldadıb.
Müraciətdə deyilənləri olduğu kimi oxucularımıza çatdırırıq:

İki il əvvəl Sahibkarlıq obyekti tikmək üçün Qazax şəhərinin mərkəzində yerləşən və bələdiiyə mülkiyyətində olan torpaq sahəsinin bizə satılması üçün Tofiq müəllimə müraciət etdik. İlkin prosedura başlanması üçün birimiz 20000 digərimiz isə 15000 pul verdik.Tofiq müəllim bildirdi ki Tikintiyə rəy alınması üçün Dövlət Şəhərsalma Arxitektura komitəsinə də ayrı haqq hesab verilməlidir və əlavə olaraq onu da bildirdi ki, hamsını mən həll edəcəm.

Siz məni tanıyırsız. Amma iki ildən artıqdır ki, bizə söz verilən torpağın mülkiyyətimizə keçməsi üçün tam sənədlərini ala bilirik nə də pulumuzu…

Son vaxtlar heç bələdiiyə sədrini heç iş yerində tapmaq mümkün deyil. Bələdiyyəyə gələn vətəndaşlara bələdiyyə sədri adından bələdiyyənin kərgüzarı cavab verir.

Bələdiyyə sədri bələdiyyəni Qazax şəhər Heydər Əliyev adına olan parkdakı çayxanadan idarə edir”.
Saytımıza müraciət edən şəxslər onu da bildirdilər ki, Qazax rayonunda Qazax bələdiyyə sədri tərəfindən aldadılan şəxslər təkcə biz deyilik.Bizi kimi pulu alınıb sənəd ala bilməyən vətəndaşlar onlarladır: “Dəfələrlə Qazax rayon icra hakimiyyətinə müraciət etsək də heç bir nəticə olmayıb”.

Yazıda göstərilən iddialarla bağlı qarşı tərəfin mövqeyini dərc etməyə hazırıq .

Xatırladaq ki, mətbuatfa gedən məlumatlarda, Qazax rayon İcra Başçısı Rəcəb Babaşovun Bələdiyyə sədrini təhqir etdiyi, onu “erməni” adlandırdığı yazılmışdı.

Teref.az olaraq iddia olunanlarla bağlı qarşı tərəfində fikirlərini dərc etməyə hazırıq!

AAK ya müdafiədən keçib müsbət rəy almış hər kəsə diplom verməlidir, ya da heç kəsə diplom verməməlidir, çünki hamı eyni prosedurdan keçir, elmi rəhbər, elmi məsləhətçi, 8-12 mütəxəssis və opponent rəyi alır. Saxtadırsa, hamısı saxtadır, dürüstdürsə, hamısı dürüstdür. Axı eyni qəlibdən çıxırlar. Ortada elmi rəhbər, rəyçi və müdafiə şurasına qarşı heç bir cəza və ya töhmət yoxdursa, belə çıxır ki, müdafiə dürüst olub. Gəlin, biz də qəbul edək ki, müdafiələr onların dediyi kimi dürüstdür, şəffafdır. Bəs onda AAK niyə dürüst müdafiədən keçib müsbət rəy alanların bir qisminə dərhal diplom verir, ancaq bir qismini müxtəlif bəhanələrlə süründürür?
İllərlə saxtakarlığa vərdiş etmiş alimin ekspert qismində quruma cəlb edilməsi, sonra dürüstlükdən dəm vurulması lap biabırçılıqdır.
Qurum rəhbərliyinin faktı etiraf etməməsi böyük məsuliyyətsizlikdir. Etiraf yoxdursa, deməli, xəyanət var. Xəyanət olan yerdə isə gələcək yoxdur.
Bir neçə rüşvətxorun başı orta çağın cəza metodlarına uyğun olaraq gilotinə qoyulsa, inanın ki, cəmiyyət düzələr.

PS. AAK sədri Famil Mustafayevi AMEA prezidenti İsa Həbibbəylidən də çox istəyirəm, amma vətəndaşı olduğum və güvəndiyim dövlətin adı gələndə bu zatlara olan məhəbbətim öləziyir.
PPS. İşdən, vəzifədən, yaldan ötrü çaqqal olmağa razı olan, kimisə tənqid (şantaj) edib iş alandan sonra dilini qarnına qoyan riyakar alimlərə hörmətim yoxdur və olmayacaq. Onlar cəmiyyəti murdarlayan şarlatanlardır.

İdris Abbasov
AMEA-nın Nəsimi adına Dilçilik İnstitutunun
Nəzəri dilçilik şöbəsinin müdiri,
filologiya elmləri doktoru, professor

"Siz də şahid olduz ki, Adil Əliyev gəlib dedi, tikinti dayandırılsın. Dəfələrlə bunların mühafizəçiləri bizə zor tətbiq edib, telefonlarımızı sındırıblar. Oğlum evdə yatdığı halda gedib evi söküblər. Zorla bizi çıxartdılar".

Bu barədə vətəndaş gileyində bildirir və daha ciddi ittihamlar səsləndirir.

Yenisoz.az olaraq narazı vətəndaşın müraciətini təqdim edirik:

“Azər-Kuban” MMC-nin direktoru Ali Məhkəmənin sədri İnam Kərimova müraciət edib. Müraciətin bir surəti də Reportyor.info-nun redaksiyasına daxil olub.

Bank of Baku mötəbər sübutları görməzdən gəlir

İş adamının şikayəti “Bank of Baku” ASC ilə aralarında olan kredit mübahisəsində məhkəmələrin ədalətli mövqe tutmaması ilə bağlıdır.
Səyyad Əsgərov yazır ki, “Azər-Kuban”, “Azər-Aqro” MMC-lərə “Bank of Baku” ASC-nin vasitəsi ilə Sahibkarlığın İnkişafı Fondundan saxlama anbarları tikintisi üçün 2,5 milyon manat kredit ayrılıb.
Ayrılan kredit məbləği verildiyi təyinata uyğun istifadə edilib, anbar tikintiləri vaxtında tikilib. Həmçinin kredit öhdəlikləri vaxtından əvvəl tam bağlanlb. Bununla bağlı bankın hesabdan çıxarış sənədləri, Sahibkarlığın İnkişafı Fondunun borcun bağlanması ilə bağlı rəsmi məktubu, Ədliyyə Nazirliyinin Məhkəmə Ekspertiza Mərkəzinin 11 noyabr 2016-cı il tarixli 10831, 25 may 2017-ci il tarixli 198 saylı, 07 may 2019-cu il tarixli 9316 saylı Ekspert Rəyləri, Bakı Apelliyasiya Məhkəməsinin 11 sentyabr 2017-ci il tarixli, 2-1(103)-08/2017 saylı, 24.07.2019-cu il tarixli 2-2(103)-84/2019 saylı “Borcalanların” xeyrinə çıxarılmış ədalətli məhkəmə qətnamələri var.
Lakin bank bu qədər mötəbər sübutlara baxmayaraq Azərbaycan Respublikası Ali Məhkəməsinin Plenumuna təkrar Əlavə Kassasiya şikayəti verib: “Plenumda bankın şikayətinə baxılaraq, Ali Məhkəmənin 5 fevral 2020-ci il tarixli 2-2(102)-15/2020 saylı qərarı qəbul edilərkən, qərarın əsaslandırıcı hissəsinin, 10-cu səhifəsində, 5-ci abzasda “Borcalanın” məhkəmə vasitəsi ilə ekspertiza mərkəzinə təqdim etdiyi, bankın isə “saxta” adlandırdığı 225 ədəd bank mədaxil qəbzlərinin təkrar baxışı zamanı araşdırılması məcburi olaraq tapşırılmasına baxmayaraq, (hansı ki, həmin qəbzlərin üzərindəki tarixlər, məbləğlər, təyinatların hamısı bankın bütün hesablarından çıxarış sənədlərində öz əkslərini birə-bir tapmışdır həmin qəbzlərin üzərindəki bank kodları saxtalaşdırılmış, qəbzlərin üzərindəki sıralamaları, təyinatları təhrif edilərək, ödənilmiş məbləğlər mübahisələndirilən kreditlərə deyil, öhdəliyi çoxdan bağlanmış, Mərkəzi Bankın Kredit Reyesteri Xidmətində öz əksini tapmayan naməlum kreditlərə silinmişdir) məruzəçi hakim Raqif Qurbanov özünü tamamilə bankın vəkili kimi aparıb, Ali Məhkəmənin bu məcburi və xüsusi tapşırıqlarına məqsədli qaydada, əhəmiyyət verməyərək bankın xeyrinə çıxardığı qərəzli və natamam qətnaməsini ləğv edib 4-cü dəfə apelliyasiya icraatına qaytarıb.
4-cü apelliyasiya icraatı zamanı iş məruzəçi hakimi Aida Hüseynin icraatına verilib. Sonuncu icraat zamanı da məruzəçi hakim Raqif Qurbanov AR MPM-nin 420-ci maddəsini məqsədli qaydada pozaraq çıxardığı qətnamənin ləğvi üçün Ali Məhkəmənin çıxardığı qərarında əsas göstərilən xüsusi və məcburi tapşırıqları yenə də araşdırmadan, sədrliyindən sui istifadə edərək məruzəçi hakim Aida Hüseynə, bankın xeyrinə təkrar qərəzli və natamam qətnamə çıxarmağa təsir göstərib.
Belə ki, Ali Məhkəmənin qərarının əsaslandırıcı hissəsinin 81-ci paraqrafında 3-cü apelliyasiya icraatı zamanı əlavə kompleks məhkəmə mühasibatlıq ekspertizasının keçirilməsi xüsusi və məcburi tapşırıldığı bir halda, bu halın məqsədli qaydada icra edilmədiyi, 85-ci və 86-cı paraqrafda isə ekspertiza Mərkəzi ilə Auditorlar Palatasının auditi ilə birgə araşdırılaraq Vahid Rəyin əldə edilməsi, 87, 88 paraqraflarda isə yalnız tərəflərin razılığı və seçimlərinə əsasən bunlar nəzərə alındıqdan sonra Azərbaycanda fəaliyyət göstərən (“Emst & Yang Holdings”, “Bi-Vi”, “Grant Thornton” LTD, “Deloitte” və sair) xarici audit firmalarının biri vasitəsi ilə “Audit Rəyinin” əldə edilməsi göstərilib”.
Bankın səlahiyyətli şəxsləri dövlət qurumlarına niyə etibar etmir?
İş adamı yazır ki, 4-cü apelliyasiya icraatında hazırlıq iclası zamanı “Azər-Aqro”, “Azər-Kuban” MMC-lərin nümayəndəsi Ali Məhkəmənin 81, 85, 86 paraqraflarındakı xüsusi və məcburi göstərişinə əsaslanaraq Ekspertiza Mərkəzi ilə Audit Palatasının “Vahid Rəyinin” əldə edilməsi, eyni zamanda bankın ödəniş qrafiklərində, bank mədaxil qəbzlərinin tərtibi zamanı bankın saxta bank kodu ilə, saxta təyinat, saxta imza, saxta qəbz və saxta sıralaması ilə Mərkəzi Bankın hesabatında olmayan kreditlərin adına silinmələrin aparılması kimi, eləcə də bank hesablarından çıxarış sənədlərinin bank tərəfindən ödəniş qrafikini özbaşına pozaraq cinayət əməli törədərək saxtalaşdırılması ilə bağlı işin Korrupsiyaya qarşı Mübarizə Baş İdarəsində bacarıqlı və təcrübəli tədqiqatçılar tərəfindən araşdırılıb yekun Rəy verilməsini məhkəmədən xahiş edib:
“Bankın nümayəndələri isə çıxış edərkən nə Ədliyyə Nazirliyinin Ekspertiza Mərkəzinə, nə Azərbaycan Auditorlar Palatasına, nə də Korrupsiyaya Qarşı Mübarizə Baş İdarəsinə etibar etmədiklərini söyləyərək, yalnız ümüdlərinin “Deloitte” xarici audit firmasına qaldığını və elə bu xarici firma vasitəsi ilə “Audit Rəyi” əldə edilməsi üçün qərar qəbul edilməsini məhkəmədən xahiş etmişdirlər. (Fakt fasiləsiz audio, video çəkiliş kosetləri)
Hakim Aida Hüseynli də bir anlığa özünü məhkəmə iclasında olmasını unudaraq “Mən də “Deloitte” xarici audit firmasının vasitəsi ilə Rəy verməsini istərdim” deyə söyləyib.
Hakim Aida Hüseynin hələ müşavirə otağına keçməzdən əvvəl öz mövqeyini bankın vəkili kimi açıq-aydın nümayiş etdirdiyinə, eləcə də Ali Məhkəmənin qərarında 87, 88-ci paraqraflarında xarici Audit yoxlaması ilə bağlı yalnız hər iki tərəfin birgə seçimi və razılıqları əsasında nəzərə alması şərti ilə bağlı xüsusi tapşırıqlarını pozduğuna görə, bankın təklifinə və məhkəmə tərkibinə “Borcalanın” nümayəndəsi rəsmi olaraq məhkəmə iclasında etiraz ərizəsi verib.
Məruzəçi Hakim Aida Hüseyn isə sədri Raqif Qurbanovun sifarişi ilə “Borcalanın” etiraz ərizəsini təmin etməyərək, bankın məhkəmə iclasındakı çıxışı zamanı təklif etdiyi, “Deloitte” firması vasitəsi ilə Audit Rəyinin verilməsi üçün 28 yanvar 2022-ci il tarixli məhkəmə qərarı çıxarıb.
Bundan başqa, hakim Aida Hüseyn də, sədri Raqif Qurbanov kimi məhkəmə iclasları zamanı tərtib edilmiş iclas protokollarını bankın xeyrinə təhrif edib.
“Deloitte” LTD xarici audit firması isə məhkəmənin 28yanvar 2022-ci il tarixli məhkəmə qərardadını icra etməkdən imtina edib, dəfələrlə məhkəmə tərəfindən ona təzyiqlər göstərməsinə baxmayaraq xarici Audit Rəyinin əldə edilməsi ilə bağlı məhkəmənin çıxardığı qərarın icrası baş tutmayıb.
Hakim Raqif Qurbanov “Deloitte” xarici audit firmasının məhkəmə qərardadınin icrasına etiraz etdikdən sonra vəzifə səlahiyyətini aşaraq, məruzəçi hakim Aida Hüseynin əvəzinə Auditorlar Palatasının rəhbərliyinə qeyri-səmimi məktub ünvanlanyıb. Məktubda guya Ali Məhkəmənin vacib tapşırığına görə “Bank of Baku” ASC-ni yerli auditlə deyil, hər hansı bir xarici audit firmalarından biri ilə audit rəyi əldə edilməsini xahiş edib.
Audit Palatasının rəhbərliyi də hakim Raqif Qurbanovun “səmimi”liyinə inanıb, Azərbaycandakı bütün xarici audit firmalarına məhkəmə qərarının icrası üçün rəsmi müraciət edib. Bir sözlə xarici “Audit Rəyi”nin əldə edilməsi ilə bağlı məhkəmənin çıxardığı 28 yanvar 2023-cü il tarixli qərardadı bir ay müddətində icra edilməli olduğu halda, 9 ay ərzində icrası baş tutmayıb”.

Məhkəmə qərardadı 9 ay icrasız qalıb

İş adamının sözlərinə görə, 9 ay ərzində məhkəmə qərardadı icrasız qaldığını görə “borcalan” tərəf Ali Məhkəmənin bu işlə bağlı son qərarında 86-cı paraqrafda göstərilən məcburi tapşırığa istinad edərək Azərbaycan Respublikasının Auditorlar Palatasının Dövlət Sifarişlərinin icrasına icazəsi olan auditlə 2 sentyabr 2022-ci il tarixində müqavilə bağlayıb. Auditorlar Palatasının Dövlət Sifarişlərinin icrasına icazəsi olan audit 28 yanvar 2022-ci il tarixində məhkəmənin qərarı ilə xarici audit firması qarşısında qoyulmuş bütün 18 sualın hamısının cavablandırılaraq, bankın “borcalana” 1 530 317 manat borcunun olduğunu sübuta yetirən audit rəyi verib: “Lakin hakim Aida Hüsey 2 sentyabr 2022-ci il tarixli Ali Məhkəmənin qərarında 86-cı paraqrafın göstərişinə əsasən hazırlanmış audit rəyini iş materiallarına əlavə edilməsindən qərəzlı şəkildə imtina edib.
“Borcalan” məcbur olub təcili poçt vasitəsi ilə 2 sentyabr 2022-ci il tarixli audit rəyini Bakı Apelliyasiya Məhkəməsinə məruzəçi hakim Aida Hüseynin adına rəsmi göndərib.
Hakim Aidə Hüseyn isə 21 oktyabr 2022-ci il tarixində (9 aydan sonra) özünün xarici audit qarşısında qoyduğu 18 sualdan işin vacib canı olan 17 sualı təzədən ləğv edərək təklikdə heç bir hüquqi əhəmiyyəti olmayan cəmi 1 sualı saxlayıb. Həmin sualın da cavablandırılması ilə bağlı məhkəmə mühasibatlıq ekspertizası keçirilməsi barədə qərəzli və gülünc doğuran qərar çıxarıb.
Hakim Aida Hüseyn Ali Məhkəmənin qərarında 81-85-86 paraqraflarında Audit Rəyi əldə edilməsi ilə bağlı göstərişlərinə hörmətsizlik nümayiş etdirərək, Azərbaycan Respublikası Auditorlar Palatasının verdiyi 2. Sentyabr 2022-ci il tarixli “Audit Rəyini” bütün məhkəmə proseslərində gizlədib.
Buna baxmayaraq “Borcalanlar” məhkəmənin gedişinə kömək məqsədli ilə 2 sentyabr 2022-ci il tarixli “Audit Rəyini” Ədliyyə Nazirliyinin məhkəmə hüquq şurasına və Ədliyyə Nazirliyinin Məhkəmə Ekspertiza Mərkəzin göndərib.
Lakin, hakim Aida Hüseyn, Sədri Hakim Raqif Qurbanovun təsirinə düşərək Ali Məhkəmənin 5 fevral 2020-ci il 2-2(102)-15/2020 saylı və 19 may 2021-ci il tarixli 2-2(102)-151/2021 saylı Qərarları ilə göstərilən xüsusi tapşırıq və vacib məcburi göstərişlərə məhəl qoymadan AR MPM-nin 420-ci və 418.1-ci maddələrini,məhkəmə təcrübəsinin vahidliyini,özbaşlarına pozmuşlar.Belə ki, 2 apelliyasiya qətnaməsi, Ədliyyə Nazirliyinin 4 dəfə keçirilən Ekspert Rəyləri “Borcalanların” xeyrinə Rəy verməsini, eyni zamanda Ali Məhkəmənin bu işlə bağlı sonuncu qərarında 86-cı paraqrafda xüsusi tapşırıq və məcburi göstərişin əsasında əldə edilmiş Rəyə görə bankın “Borcalana” 1536317 manat əmanətdə olan əsas və ona hesablanmış faiz gəlirlərinə görə borcu yaranmasını sübut edən 02.09.2022-ci il tarixli Audit Rəyinin olmasına, hətta kreditin verən Sahibkarlığın İnkişafı Fondunun rəsmi məktubu ilə “Borcalanın” “Bank of Baku” ASC-yə heç bir borcunun olmaması və kredit öhdəliklərinin tam bağlanması ilə bağlı məktub olmasına baxmayaraq bankın xeyrinə natamam və qərəzli, gülünc doğuran qətnamələr çıxarıblar”.
Sahibkar sonda Prezident İlham Əliyevin məhkəmə-hüquq sistemində islahatlar aparmasına toxunaraq qeyd edib:
Hörmətli İnam Kərimov!
Əminik ki, məhkəmə-hüquq sistemində son vaxtlar möhtərəm Cənab Prezidentimiz İlham Əliyevin apardığı uğurlu islahatlar nəticəsində hüquqi dövlət quruculuğu istiqamətində böyük işlər görülüb.Eyni zamanda ölkə başçısının sizi Ali Məhkəmənin sədri vəzifəsinə təyin etməsi bizdə bir daha əminlik yaradır ki, fəaliyyətiniz dövründə Azərbaycanda ədalət mühakiməsinin effektiv və şəffaf həyata keçirilməsinə nəzarəti gücləndirəcək, bu kimi mülki prosessual qanunvericiliyə məhkəmə icraatı zamanı çevikliyin təmin edilməsinə, süründürməçilik, o cümlədən mümkün sui-istifadə hallarının qarşısının alınmasına, ədalət meyarı yalnız haqqa, insanpərvərliyə, humanizmə tapınan hakimlərin prinsipial fəaliyyətinə kolgə salan Aida Hüseyn və Sədri Raqif Qurbanov kimi hakimlərin barəsində layiq olduqları cəzanı verməklə, ədalətin bərqərar olmasını təmin edəcəksiniz”. //reportyor.info//

“Azəriqaz” İstehsalat Birliyi ilə bağlı Bakı Kommersiya Məhkəməsinə şikayət olunub.

TƏBİB-ə daxil olan Xızı rayonu Mərkəzi Xəstəxanası məhkəmədə şikayətçi tərəf kimi çıxış edir.

Belə ki, xəstəxana dövlət qurumunu üzərinə götürdüyü öhdəlikləri yerinə yetirməməkdə ittiham edir.

İddiaçı bildirir ki, “Azəriqaz”la aralarında bağlanmış müqavilə əsasında bir sıra öhdəliklər yaranıb. Amma qarşı tərəf müqavilədə qeyd olunmuş bəzi öhdəliklərə əməl etməyib.

Xəstəxanadan verilən məlumata görə, bunlar istehlak edilmiş təbii qazın haqqının ödənilməsi ilə bağlıdır.

Qeyd edək ki, proses artıq Bakı Kommersiya Məhkəməsinin hakimi Ülkər Həsənovanın icraatına verilib. Hazırlıq nəhkəməsinin nə vaxt keçiriləcəyi isə hələlik bəlli deyil.

Mövzu ilə bağlı adıçəkilən qurumların da mövqeyini dərc etməyə hazırıq. //Bizim.Media//

Ağsu rayonu Ərəbuşağı kənd sakini Azər Mürsəlovun 22 ildir istifadə etdiyi, heyvanlarını apardığı yaylaq torpaqları əlindən alınıb.

Yenisoz.az bildirir ki, bu barədə Bakupost.az –a şikayət edən 66 yaşlı kənd sakini deyir ki, həmin ərazini icra başçısı Nahid Bağırov və müavinləri iş adamına veriblər:

“Şamaxı rayonun Dəmirçi kəndi yaxınlığındakı yaylaq torpağı mənim 22 ildir, getdiyim ərazidir. Hər il yüzlərlə heyvanımı oraya aparmışam.
İsmayıllıda Göyüşov Ədalət deyilən iş adamı var. Həmin adamın “əli uzundur”, sözü hər yerdə keçir. İcra başçısından xahiş edib, sözü keçib, nə edib bilmirəm, həmin ərazi verilib ona.

İcra başçısının qəbulunda da olmuşam. O da mənə dedi ki, ağsaqqal, sizin haqqınızda informasiya çatıb. Yoldaşlarla məsləhətləşib çalışarıq yaylağa geri qaytaraq.

Daha sonra həmin əraziyə getdim. Ədalət Göyüşovun qardaşı İsmayıllı icra başçısının müavini Şahin müəllim, polis kapitanı Rəhim Bədəlov gəldilər məni qorxutdular. Dedilər, qanunsuz gəlmisən 4 il həbs, 8 min cərimə olunacaqsız.
Məcburi heyvanlarımı çıxartdılar. Xeyli heyvanım tələf oldu.
22 ildir mənim qoyunum yaylağa gedib, aranda qalıb. Bu il mənim nə qədər heyvanım qırıldı, xəstəliyə düşdü”.

A.Mürsəlov bildirib ki, dəfələrlə icra hakimiyyətində qəbulda olub, amma heç bir kömək edilməyib:
“Avqust ayında 5 dəfə icra hakimiyyətində oldum. Heç kim qəbul etmədi.
Mən Prezident İlham Əliyevə, Mehriban Əliyevaya, Baş prokuror Kamran Əliyevə də məktub göndərdim.
Prezident aparatında qəbul şöbəsində də oldum. Ağali Əhmədov məni qəbul etdi. Orada telefonla başçının müavini Mahmud müəllimə zəng etdi ki, bu ağsaqqalın məsələsini həll edin.
Ayın 3-ü Mahmud müəllimlə, Şahin müəllim məni qəbul etdi. Dedilər ki, həmin ərazini Ədalət Göyüşova vermişik. Sənə başqa yerdən ərazi verəcəyik. Məni aldatdılar. Olmazın zülmünü etdilər. Ədalət Göyüşüovun puluna görə 22 illik yay otlaq sahəmi ona veriblər.
İsmayıllı rayonu son zamanlar yaylaq alveri ilə məşğuldur. Yandakı ərazilərdə heyvan olmur, amma arendaya verib pulunu icra başçısı ilə bölüşürlər.
Nahid Bağırovun görüşündə oldum, məni başa saldı, dedi ki, qaytaracağıq. Sonradan müavinlər Şahin, Eyyub müəllim Ədalətin puluna görə məni tapdalıyırlar. Günahım varsa, məsuliyyətə cəlb etsinlər.
22 ildir oraya gedib=gəlirəm. Ədalət Göyüşovun sözü ilə ərazini əlimdən alıblar.
Məndə olan məlumnata görə, həmin ərazidə fövqəladə tikinti ilə məşğuldurlar”.
Məsələ ilə bağlı İsmayıllı rayon İcra Hakimiyyətinə sorğu ünvanlasaq da, cavab olmadı.