Bu gün «Fun&Sun» tur-operatorunun təşkilatçılığı ilə Bakıda yerləşən Hilton hotelində növbəti tədbir baş tutub.

Turizmplus.az xəbər verir ki, tədbir zamanı turizmçilərin diqqətini bir məqam cəlb edib. Belə ki, tur-operatorun Birləşmiş Ərəb Əmirliklərində erməni əsilli sahibkar Sirak Muradyana məxsus «Al Khalidah» şirkəti ilə partnyor olduğu ortaya çıxıb. Yəni, seçimdən asılı olaraq, adıçəkilən tur-operatorun hazırladığı turlar zamanı Azərbaycandan BƏƏ-yə gedən turistləri ya «Fun&Sun»ın, ya da «Al Khalidah» şirkətinin bələdçiləri qarşılayıb. Bu informasiya tur-operatorun saytında bu günə qədər gizli saxlanılıb və heç bir turizm agentliyinin bundan xəbəri olmayıb.
Bu həm də ondan xəbər verir ki, yerli vətəndaşlarımızın aldığı turların ödənişləri Sirak Muradyanın cibinə axıb. Əlavə olaraq onu da qeyd edək ki, bronlaşdırmalar zamanı Azərbaycan vətəndaşlarının xarici pasportları, yəni məlumatları da həmin şirkətə avtomatik olaraq ötürülüb.

Qarşı tərəfin fikirlərini də öyrənməyə çalışacayıq. Araşdırma davam edir. //NUH.AZ//

Azərbaycan Avtomobil Yolları Dövlət Agentliyinə məxsus “7 №-li Xüsusi Təyinatlı Yol İstismarı” MMC-nin direktoru Eldar Məmmədov vəzifəsindən azad edilib.

“Report”un əldə etdiyi məlumata görə, şirkətə rəhbərlik Məhəmməd Musayevə həvalə olunub.

Xatırladaq ki, “7 №-li Xüsusi Təyinatlı Yol İstismarı” şirkəti 2002-ci ildə yaradılıb. Onun nizamnamə kapitalı 271,1 milyon manatdır.

Naiqin K “Tovuz-Baltiya” MMC-nin direktoru, iş adamı Rakif Tağıyev Prezidentin köməkçisi Fuad Ələsgərova, Məhkəmə Hüquq Şurasının sədri İnam Kərimova və Baş prokuror Kamran Əliyevə müraciət edib. Onun müraciətinin bir surəti də Reportyor.info-nun redaksiyasına daxil olub.

İş adamı müraciətində “YeloBank” ASC-nin qanunsuzluğundan və Tovuz Rayon Məhkəməsinin hakimi Zaur Hümmətovun bu işdə tutduğu ədalətsiz mövqeyindən şikayət edir. İş adamının müraciətini olduğu kimi təqdim edirik:

“03 oktyabr 2007-ci il tarixində “Nikoyl” İKB-dən (bundan sonra “YeloBank” ASC adlandırılacaqdır) Naiqin K “Tovuz-Baltiya” MMC-yə (gələcəkdə “Borcalan” adlandırılacaqdır) 850000 manat kredit ayrılmışdır. Kreditin təminatı “Borcalanın” anbarında saxlanılan 9604800 manat dəyərində konyak materialının girovu olmuşdur.

“Borcalanın” ödənişlə bağlı gecikdirməsi olmadığı bir halda, bank vaxtından 13 ay əvvəl məhkəməyə ərizə verərək “Borcalanın” 983934.58 manat borcu ilə bağlı icra vərəqəsi əldə etmişdir.

Məhkəmə “Borcalanın” 9604800 manat məbləğində girovda olan konyak materialının 983934,51 manatlıq hissəsini girova yönəltmiş, qalan (9 604 800 – 983934.51)= 8620865.49 manat artıq hissəsi isə girovdan azad edilmişdir.

“Borcalan” borcunu konyak materialı ilə deyil, pul vəsaiti ilə ödəmək üçün Dağıstan Respublikasının Kizlər Konyak zavodu ilə 4500 000 avro məbləğində müqavilə bağlamışdır. “Alıcı” tərəf əvvəlcədən ödəniş də etmişdir. Bank “Borcalanın” icra vərəqəsində olan 983934.51 manat borc məbləğinin ödəniləcəyini hiss edib, Kizlər Konyak Zavoduna göndərilən 5400 d/litr konyak spirtinin guya heç bir standarta uyğun olmadığı və həmin məhsulun buna görə də geri qaytarılması ilə bağlı böhtan xarakterli Dağıstan Respublikasının Gömrük İdarəsinə məktub göndərmişdir.

“YeloBank” ASC-nin məktubundan sonra Dağıstan Respublikası Gömrük İdarəsinin rəisi Yaxyayevin adı ilə Konyak spirtinin standarta cavab verməməsi ilə bağlı onun geri qaytarılmasını tələb etmişdir. Dağıstan Respublikasının Gömrük İdarəsinin rəisinin bu qeyri-qanuni əməlindən Dağıstan Respublikasının Arbitraj Məhkəməsinə “Borcalan” şikayət etmişdir.

Arbitraj Məhkəməsi də 5400 d/litr Kizlər Konyak Zavoduna göndərilmiş konyak spirtinin 15 illik material kimi QOST-a uyğun olmasını dəqiqləşdirmək məqsədi ilə konyak spirtindən götürülən analizləri Sankt-Peterbuqda yerləşən Dövlət Federal Sertifikatlaşdırma və Ekspertiza Mərkəzinə göndərmiş, analizin nəticələri bir daha sübut olunmuşdur ki, Naiqin K “Tovuz-Baltiya” MMC-nin Kizlər Konyak Zavoduna 5400 d/litr 15 illik konyak spirti tam QOST-a uyğun olduğu təsdiq edilmişdir. Dağıstan Arbitraj Məhkəmkəsi də analizin yekunlarını bir daha nəzərə alıb, Dağıstan Respublikasının Gömrük İdarəsinin qeyri-qanunu hərəkətlərini irad tutaraq 28373647.73 rubl penya, 10071.2 rubl məhkəmə xərci, 2000 rubl dövlət rüsumu, 8071.2 rubl Ekspertiza xərci Dağıstan Respublikasının Gömrük İdarəsindən tutulması barədə iş№ A15-1097/2010 saylı qərar vermişdir. Qərar tam hüquqi qüvvəsini almışdır.

“YeloBank” ASC-nin rəhbərliyi Dağıstan Respublikası Gömrük İdarəsinə göndərdiyi məktubun heç bir nəticəsi olmadığını görüb, girovdan azad olmuş 8620864.49 manat konyak materialını da hərrac yolu ilə mənimsəmək üçün Tovuz rayon Baş icra məmuru ilə əlbir olaraq konyak materialı saxlanılan anbarları qeyri-qanuni bağlı saxlayaraq, hələ üstəlik Kizlər Konyak zavodunun Rəhbərliyinə “Borcalan” barəsində onun təhlükəli və riskili şirkət olması barədə 2-ci dəfə böhtan xarakterli məktub da göndərmişdir. Kizlər Konyak zavodu da birinci 5400 d/litr konyak materialının ödənişdən sonra, bankın yazdığı böhtan xarakterli məktubdan sonra alqı-satqı müqaviləsini dayandırmışdır. “Borcalan” “YeloBank” ASC-nin bu əməlindən məhkəməyə şikayət vermiş, bankın böhtan xarakterli məktubu bütün instansiya Məhkəmələrində “Borcalanın” xeyrinə müzakirə edilərək, Ali Məhkəmənin №2-2(102)-291/17 saylı Qərarı ilə “YeloBank” ASC-dən məcburi qaydada Naiqin K “Tovuz-Baltiya” MMC-yə Dağıstan Respublikasının Kizlər Konyak Zavoduna yazdığı böhtan xarakterli məktubla bağlı vurduğu zərərin ödənilməsinə dair iş üzrə 50000 manat tutularaq “Borcalanın” “PaşaBank” ASC-dəki bank hesabına ödənilərək, tam icra edilmişdir…

“Borcalanın” girovdan azad olmuş konyak materialının da “YeloBank” ASC Tovuz Rayon icra məmuru ilə əlbir olaraq, ələ keçirmək istədiyi zamanı da vurduqları zərərin ödənilməsinə dair 1 saylı Bakı İnzibati-İqtisadi Məhkəməsində 16.09.2013-cü il tarixində 1162635 manat məbləğində vəsaitin “YeloBank” ASC-dən məcburi alınaraq Naiqin K “Tovuz-Baltiya” MMC-yə ödənilməsi barədə də iş №2 İQT “81”-110/2013 saylı qətnamə çıxarmışdır. “YeloBank” ASC bu həmin qətnamədən Apelliyasiya şikayəti vermişdir.

Lakin, buna baxmayaraq “YeloBank” ASC-nin rəhbərliyi apelliyasiya şikayətinin prespektsizliyini əvvəlcədən hiss edərək, hiyləyə əl ataraq, “Borcalanın” ofisinə gəlib, barışıq elan etmiş, “Borcalana” vurduqları zərəri bərpa etmək məqsədi ilə Naiqin K “Tovuz-Baltiya” MMC-nin təsiscisi olduğu “Azər-Frans” MMC-yə 10 il müddətinə 3 milyon manat minimum faizlə kredit verəcəklərini, gələcəkdə bank tərəfindən çox güzəştli şərtlərlə xidmət göstərəcəklərini, bir daha bank tərəfindən əvvəlki işlərlə bağlı heç bir pritenziya qaldırılmayacağını vəd etmişlər. Bunun müqavilində isə 1 saylı Bakı İnzibati-İqtisadi Məhkəməsinin 16.09.2013-cü il tarixli “Borcalanın” xeyrinə çıxarılmış qətnamədəki 1162635 manat iddia tələbindən Bakı Apelliyasiya Məhkəməsinə etiraz ərizəsi vermələrini xahiş etmişlər.
Beləliklə də tərəflər razılağa gəlmişlər ki, “Borcalanın” əvvəlki icra vərəqəsindən 173380 manat qalıq borcunu bağlayıb, ipotekada olan bütün mülklərini yüklülükdən azad edib, Naiqin K “Tovuz-Baltiya” MMC-nin təsiscisi olduğu “Azəri-Frans” MMC-yə veriləcək kreditin təminatı kimi təkrarən “YeloBank” ASC-yə ipotekaya qoyulub, 3 (üç) milyon manat kreditin ayrılması razılaşılmışdır.

Cavabdeh “YeloBank” ASC-nin “Borcalana” vurduğu zərərin ödənilməsinə dair 1 saylı Bakı İnzibati-İqtisadi Məhkəməsinin çıxartdığı qətnamədəki 1162635 manat iddia tələbindən “Borcalanın” apelliyasiya məhkəməsinə etiraz verməsi məqsədi ilə “YeloBank” ASC ilə “Azəri-Frans” MMC arasında 10 il müddətində 3 milyon manat məbləğində 14.11.2013-cü il tarixində 6-BİZ-1-0-101-13 saylı əsas Kredit müqaviləsi bağlanmışdır.

1 saylı Bakı İnzibati İqtisadi Məhkəməsinin 16.09.2013-cü il tarixli qətnaməsi ilə “YeloBank” ASC-nin “Borcalana” vurduğu zərərə görə Naiqin K “Tovuz-Baltiya” MMC bankın vədinə inanıb Bakı Apelliyasiya Məhkəməsinə bankın ona ödəyəcəyi 1162635 manat iddia tələbindən etiraz ərizəsi vermişdir.
Tərəflərin razılığı əsasında bağlanmış 6-BİZ-1-0-101-13 saylı Əsas 3000000 manatlıq kredit müqaviləsi daxilində 05.12.2013-cü il tarixində 6-BİZ-1-0-101-13 (Ə1) saylı əlavə müqavilə ilə “Azəri-Frans” MMC-yə ilk olaraq 483000 manat kredit ayırmışdır.

Bankın hesabdan çıxarış sənədindən görünür ki, həmin kreditdən 173380 manatını dərhal Naiqin K “Tovuz-Baltiya” MMC-nin icra vərəqəsindən qalan borcuna, 7513.05 manatı kredit kimi “Borcalana” nəğd verilmiş, yerdə qalan 303117 manat kredit vəsaitini isə bank özbaşına “müqaviləyə əsasən” adı altında məlum olmayan hesablara silmişdir. (Bu “müqavilələrin” bank hesablarından çıxarış sənədlərində nə tarixi, nə sıra №-si, nə də adı göstərilməmişdir)
“Azəri-Frans” MMC-yə 6-BİZ-1-0-101-13 saylı əsas kredit müqaviləsi çərçivəsində bankın “Borcalana” vurduğu zərəri bərpa etmək məqsədi ilə ayrılmış 3000000 manata qarşı 863000 manat cəmi kredit ayrılmışdır.

Ayrılmış cəmi 863000 manat kreditlərin öhdəlikləri tam bağlandıqdan sonra “Borcalan” Bankdan söz verdiyi 3 (üç) milyon manat güzəştli kreditin qalan hissəsinin (3000000 – 863000)=2137000 manatının da verilməsini (6-BİZ-1-0-101-13) əsas müqavilə çərçivəsində xahiş etdikdə, bank məlum olmayan səbəbdən gözlənilmədən nə “Borcalanın” nümayəndələrini qəbul etməmiş, nə şifahi, nə də rəsmi məktublarına cavab verməmişdir.

“Borcalan” aldadıldığını hiss edib, əlacsız qalaraq (Apelliyasiya Məhkəkməsinə 1162635 manat iddia tələbindən etirazı ilə bağlı bankın vədinə, inandığına görə) əlacsız qalaraq yenidən 1 saylı Bakı İnzibati İqtisadi Məhkəməsinə bankın bu dələduzluq əməlindən şikayət vermişdir. 1 saylı Bakı İnzibati-İqtisadi Məhkəməsi 26.04.2016-ci il tarixində iş №2-2(81)55/2016 saylı qətnaməsi ilə tərəflər arasında bağlanmış əsas müqavilə çərçivəsində bağlanmış 3 mübahisələndirilən kredit müqavilələrinin ləğv edilməsi barədə “Borcalanın” xeyrinə qətnamə çıxarmışdır.

Həmin qətnamədən bank Bakı Apelliyasiya Məhkəməsinə yenidən şikayət vermiş, bankın şikayəti rədd edilərək 1 saylı Bakı İnzibati İqtisadi Məhkəməsinin qətnaməsini qüvvəsində saxlamışdır.

“YeloBank” ASC isə hər dəfə iddia həcmini dəfələrlə süni artıraraq 10.06.2022-ci il tarixinədək 844584 manat əsas, 484742.91 manat faiz, 312891 manat cərimə, 255249 manat əldən çıxmış fayda, cəmi 1897466.91 manat borcun olması barədə Bakıda özünün qeydiyyat yerində uduzduğunu görüb, “Borcalanın” qeydiyyatı üzrə vaxtı udmaq məqsədi ilə Tovuz rayonundakı Məhkəməyə müraciət etmişdir.

Tovuz rayon Məhkəməsinin məruzəçi hakimi Hümmətov Zaur Adil oğlu da bankın onda yaratdığı şəxsi marağa görə heç bir araşdırma aparmadan işdə olan mötəbər sübutlarla hüquqi qiymət vermədən 28.02.2023-cü il tarixində işə baxaraq qərəzli, ziddiyətlərlə dolu, natamam Qətnamə çıxarmışdır. Çıxarılmış Qətnaməsinin təsviri və əsaslandırıcı hissəsinin mətnindən açıq-aydın görünür ki, işə baxan məruzəçi hakim Hümmətov Zaur Adil oğlu bankın vəkili kimi hərəkət edərək iş üzrə sübutların əldə edilməsi, həqiqi halların aydınlaşdırılması, obyektiv nəticə üçün xüsusi biliyə malik kompleks məhkəmə ekspertizasının keçirilməsinin vacibliyinin aşkar olunduğu bir halda, prosessual tələblərə riayət etməmiş, yalnız iddiaçı bankın sonuncu iddia ərizəsini olduğu kimi təkrarlamaqla, adiyatı olan və olmayan bütün AR MPM və AR MM-nin maddələrini sadalamaqla işi öz mahiyyətindən tam uzaqlaşdıraraq, öz şəxsi marağı zəminində ziddiyyətli nəticəyə gəlmişdir.

Bir sözlə, Tovuz rayon Məhkəməsində məruzəçi hakim Hümmətov Zaur Adil oğlu işə baxarkən AR MPM-nin 88-ci, 377-ci maddələrinin tələblərini məqsədli qaydada, şəxsi marağı xatirinə pozulmuşdur.

Belə ki, bank hesablarından çıxarış sənədlərində iddianın qaldırıldığı tarixlərə qədər bir manat da olsun “Borcalana” bankın tərəfindən nə cərimə, nə əldən çıxmış fayda, nə də dəbbə pulu hesablanılmadığı, hətta bu öhdəliklərin gecikdirilməsi ilə bağlı müvafiq bank hesabından çıxarış sənədlərində də heç bir hesablamaların və tutmaların aparılmadığı, “Borcalana” ödənişlərin gecikdirilməsi ilə bağlı bir dəfə də olsun xəbərdarlıq və pritenziyanın verilmədiyi mötəbər sübutlarla məhkəməyə təqdim edilməsinə baxmayaraq, məhkəmə aktı qəbul edilərkən heç bir araşdırma aparılmadan bankın iddia ərizəsindəki məruzəçi hakim 849592.23 manat əsas, 473743.53 manat faiz borcunun, 3000 manat cərimə, 251299 manat əldən çıxmış fayda cəmi 1577634.73 manat aktiv borcun olduğu kimi qətnaməyə köçürərək, qərəzli və ziddiyyətli nəticəyə gəlmişdir.

Hansı ki, Bankın ilkin mühasibatlıq sənədi sayılan, hüquqi qüvvəyə malik hesabdan çıxarış sənədlərində, bankın hər ayın 1-dən 3-nə saat 18:00-dək Mərkəzi Bankın Kredit Reyesteri Xidmətinə verdiyi məcburi və icbari hesabatlarında “Borcalanın” kredit borcunun və ona hesablanmış faizlərin tam ödənildiyi bank tərəfindən təsdiq edilərək verildikdən sonra bunun əsasında Kredit Reyesterindən istər elektron, istərsə də ASAN Xidmət yolu ilə əldə edilmiş çıxarış sənədlərində “Borcalanın” heç bir borcunun olmadığı “0.00” manat məbləğində olduğu göstərildiyi bir halda, qətnamədə göstərilən kredit borcunun, əlavə hesablanmış cərimə və əldən çıxmış fayda ilə bağlı cəmi 1577634,73 manat aktiv borcun, olmasını hakim hansı bank çıxarışına, hansı mötəbər sübuta əsaslanaraq yekun nəticəyə gəlməsinin heç bir nə sənədi, nə də sübutu yoxdur. Hakim yalnız bankın iddia ərizəsini “mötəbər sübut” kimi qətnaməsinə köçürərək, heç bir araşdırma aparmadan gözünü yumaraq gülünc doğuran nəticəyə gəlmişdir.

Baş kredit müqaviləsinin əsasında bağlanmış üç əlavə mübahisələndirilən kredit müqavilələrinin hətta ödəniş qrafiklərinin məzmunlarından da bəlli olur ki, bağlanmış kreditlərin müddətləri bitməmiş, faiz öhdəliklərinin heç bir gecikdirməsi olmadığı bir halda, hətta mübahisələndirilən hər üç kredit müqavilələrinin ödəniş cədvəllərində cəmi müəyyən edilmiş (135317 + 98844 + 4090) = 238251 manat faiz borcuna qarşı məhkəmənin çıxardığı qətnamədə 473743.53 manat yəni (473743-238251)=135492 manat ödəniş cədvəlindəki müəyyən edilmiş məbləğdən də artıq faizin olduğunu göstərilmişdir.
Hakim Zaur Hümmətovun ödəniş qrafikindən artıq qət etdiyi 135492 manat bu məbləği hakim hansı sənədə, hansı sübuta istinad edərək göstərmişdir? Bankın hesabdan çıxarış sənədlərində belə bir məbləğ və onun hesablanmasını sübut edən heç bir sənəd yoxdur!!!..

Bundan əlavə hətta bu bir daha “Borcalanın” banka bir manat da olsun faiz borcundan ödəniş aparmadığını göstərməsi deməkdir! Bankın istər cari hesabdan çıxarış sənədlərində, eləcə də Mərkəzi Bankın Kredit Reyesteri Xidmətinə məlumat təhcizatçısı kimi təsdiq edərək verdiyi məcburi icbari hesabatlarında əsas və faiz öhdəliklərinin gecikdirilmədən, heç bir cərimə, dəbbə hesablanılmadan tam icra edildiyi açıq-aydın görünür.
Lakin, bankın hesabdan çıxarış sənədinə nəzər saldıqda görünür ki, “Borcalan”ın cari hesaba ödədiyi faiz və əsas borca ödənilmiş məbləğlər cari hesabda faizlərə ödəniş kimi göstərilsə də, faizlərin uçotu aparılan hesabdan çıxarış sənədində isə əksər ödənilmiş məbləğlər öz əksini faizlərin uçotunun aparıldığı bank hesablarından çıxarış sənədlərində tapmır!!!

Bir neçə əyani misal:

Əyani misal olaraq “Borcalanın” cari hesaba faiz borcu adı ilə ödədiyi (10.02.2014 – 452.75 manat, 17.02.2014-431.05 manat, 19.03.2014-cü il tarixində – 2315.78 manat, 08.05.2014-cü il tarixində 2050 manat, 14.05.2014-cü il tarixində 1172 manat, 26.05.2014-cü il tarixində 3300 manat, 01.07.2014-cü il tarixində 5063 manat, 21.07.2014-cü il tarixində 1567 manat, 18.08.2014-cü il tarixində 229.36 manat və sair və sair) küllü miqdarda vəsaitlərin təyinatları dəyişdirilərək, faizlərin ödənişinə deyil, məlum olmayan hesablara köçürülmüşdür.

Məhkəmə prosesi zamanı bütün bunların hamısı məhkəməyə təqdim edilərək izah edilməsinə baxmayaraq, hakimə xeyr etmədiyinə görə, hakim bütün bunlara göz yumaraq, hətta tərtib etdiyi iclas protokolunda bütün bu ifadələri gizlədərək iclas protokolunu da saxtalaşdırmışdır. (Fakt audio-vidio çəkilişlə, məhkəmə iclas protokolundakı müqayisəli fərqlər.)

Hakim Hümmətov Zaur isə öz qətnaməsində bu faktları özü gizlətdiyini öz ifadələri ilə də sübut edərək göstərir ki, guya “Borcalanın” nümayəndəsinin məhkəməyə Maliyyə Bazarlarına Nəzarət Palatasının çıxarışını təqdim etməkdən başqa heç bir sənəd sübut təqdim edə bilmədiyini göstərmişdir.
Qətnamənin 13 səhifəsində 5-ci abzasında məruzəçi hakim Zaur Hümmətov “Borcalanın” borcun ödənilməsini təsdiq edən yeganə sənəd Maliyyə Bazarlarına Nəzarət Palatasının Mərkəzləşdirilmiş Kredit Reyesterindən çıxarışa istinad etməsini bu çıxarışda da göstərilən məlumatların bankın tərəfindən verilən məlumat olmadığına görə, bu çıxarışa “şübhə” ilə yanaşdığını göstərmişdir.

Hakim görünür Banklar haqqında Azərbaycan Respublikasının Qanundan, Mərkəzi Bankın Kredit Reyesteri haqqında Qərarından, sonralar yaradılan Maliyyə Bazarlarına Nəzarət Palatası haqqında, ən nəhayət isə sonradan Kredit Bürosu haqqında Azərbaycan Respublikasının Prezidentinin sərəncamından tam xəbərsiz olduğunu bir daha sübut etmişdir.

Belə ki, istər Mərkəzi Bankın Kredit Reyesterindən, istər sonradan yaradılmış Maliyyə Bazarlarına Nəzarət Palatasının Kredit Reyesterindən, istərsə də, ən nəhayət Kredit Bürosu MMC-nin bütün çıxarışlarındakı sonuncu səhifəsində, məlumatın dəqiqliyinə görə məlumat təhcizatçısı (Bank) məsuliyyət daşıdığı göstərilmişdir.
Hakim isə qətnaməsində Maliyyə Bazarlarına Nəzarət Palatasına verilən icbari və məcburi hesabatların Bankın tərəfindən verilmədiyini heç nədən çəkinmədən əsaslandıraraq “mötəbər sübut” kimi bu çürük sübuta söykənərək qətnamə çıxarmışdır.

Bundan başqa Hakimin söykəndiyi çürük, “sübutlardan” biri də guya Maliyyə Bazarlarına Nəzarət Palatasının verdiyi çıxarışda 483000 manatın “Azəri-Frans” MMC-yə 05.12.2013-cü ildə verildiyi bir halda, Maliyyə Bazarlarına Nəzarət Palatasının Mərkəzləşdirilmiş Kredit Reyesterindən çıxarışda isə kreditin verilmə tarixinin 18.12.2013-cü ildə göstərildiyini əsas gətirərək, bunun da guya bankın verdiyi məlumatlar əsasında toplanmadığından mötəbərliyinə şübhə ilə yarandığını göstərmişdir!..

Lakin, bankın cari hesabdan çıxarış sənədinə nəzər salsaq görərik ki, hakim işlə tanış olmadığından qeyri-səmimilik nümayiş etdirərək 483000 manat kreditin verildiyi tarix də Maliyyə Bazarlarına Nəzarət Palatasının Kredit Reyestrindən çıxarışında göstərilən tarixdə 18.12.2013-cü ildə verilmişdir, 05.12.2013-cü il tarixində tərəflər arasında yalnız kredit müqaviləsi imzalanmışdır, kreditin “Borcalana” verildiyi və kreditin axın tarixi 18.12.2013-cü ildə olduğu göstərilmişdir.
Hakim Qətnamənin 13-cü səhifəsində 6 abzasında Kredit Bürosu haqqında Qanunun mahiyyətindən “bəhs” etdiyi bir təqdirdə, Azərbaycan Respublikasının Mərkəzi Bankının Mərkəzləşdirilmiş Kredit Reyesterindən elektron qaydada əldə edilmiş 25.01.2016-cı il, 18.03.2016-cı il, 05.04.2016-cı il tarixli çıxarışlarda mübahisələndirilən hər üç kreditin kredit qalığının məbləği “0.00” manat, əsas borcun gecikdirildiyi günlərin sayı “0”, faiz məbləğinin qalığı “0.00” manat, faizlərin gecikdirildiyi günlərin sayı “0” olduğu, Maliyyə Bazarlarına Nəzarət Palatasının Mərkəzləşdirilmiş Kredit Reyesterindən çıxarış sənədlərində də 17.05.2016-cı il tarixli, 03.06.2016-cı il tarixli, 26.08.2016-cı il tarixli ASAN Xidmət vasitəsi ilə əldə edilmiş çıxarışlarda da “Borcalanın” kreditin qalıq məbləğinin “0.00” manat, kreditin gecikdirildiyi günlərin sayının isə “0” gün olduğu, kreditin faiz məbləğinin qalığı “0.00” manat, faizlərin gecikdiyi günlərin sayının “0” gün olduğu göstərilmişdir.

Hətta hakimin “Kredit Bürosu” MMC-nin göstəricilərinə istinad edərək qeyd etdiyi bir halda, “Kredit Bürosu” MMC-nin 17.09.2018-ci il tarixli, 02.02.2022-ci il tarixli 25.04.2022-ci il tarixli ASAN Xidmətdən alınmış çıxarışlarda faizlərin gecikdirildiyi günlərin sayı “0” olduğu göstərilmişdir. (Fakt kredit bürosundan çıxarışlar.)
Hakim Zaur Hümmətovun baxışına qədər aparılan məhkəmə proseslərində məhkəmənin qərarı ilə 2 dəfə məhkəmə mühasibatlıq ekspertizası keçirilmiş, Bankdan “Borcalana” qarşı qaldırdıqları iddia məbləğini sübut etmək üçün ekspertlərin vəsatətləri əsasında cari, ssuda, gecikən ssuda, faiz və cərimələrin uçotunun aparıldığı hesablardan çıxarış sənədləri tələb edilmiş, bank isə Ekspertiza Mərkəzinə kreditin uçotunun aparıldığı 18-ci, faiz və cərimələrin uçotunun aparıldığı 24-34-cü, gecikdirmələr ilə bağlı aparılan əməliyyatların uçotlarının aparıldığı 19-cu hesablarından çıxarışların heç birini məhkəməyə təqdim edə bilməmiş, yalnız cari, 38-ci hesabdan çıxarış sənədini Məhkəməyə təqdim edə bilmişdir.

Məhkəmədə isə kreditin uçotunun aparıldığı 18-ci, 24-34-cü, 19-cu hesablardan çıxarışların nəyə görə məhkəməyə təqdim edə bilmədiklərini bankdan soruşanda isə bəhanələri belə olmuşdur ki, guya bank yeni ofis binasına köçərkən bu kreditin hesabdan çıxarış sənədlərinin “itdiyini” əsas gətirmişlər.
Ekspertiza Mərkəzi isə “YeloBank” ASC-nin cari hesabdan çıxarış sənədlərinin özündə də aparılan bank əməliyyatlarının saxtalaşdırıldığını; cari hesaba ödənilmiş və silinmiş vəsaitlərin təyinatlarının dəyişdirilərək mübahisələndirilən, kredit müqavilələri üzrə kredit əməliyyatlarının eyni cari hesabda aparılaraq, həmin cari hesabdan çıxarış sənədlərində müxbirləşmə hissəsində kassa, ssuda, faiz və cərimələrin hesabları çaşqınlıq yaratmaq məqsədi ilə göstərilməmiş, təqdim edilmiş ödənişlər üzrə qəbzlərdə müqavilələr üzrə qəsdən kredit ödənişlərinin hesablarının göstərilməməsinə görə, bankın iddia etdiyi məbləği sübut edən bank sənədlərinin (suda 18-ci, faizlərin uçotunun aparıldığı 24-cü, gecikən hesablarının aparıldığı 19-cu, cərimə və dəymiş zərərin uçotunun aparıldığı) müvafiq hesablardan çıxarışları əldə edə bilmədiklərindən bankın iddia məbləğini sübuta yetirən Rəyin verilməsinin mümkünsüz hesab edilməsi 2 dəfə Rəy verilmişdir. (Ədliyyə Nazirliyinin Ekspertiza Mərkəzinin Rəyləri 2 ədəd iş materiallarında vardır.)

Lakin, Hakim Zaur Hümmətov öz qətnaməsində məhkəmə Ekspertiza Mərkəzinin verdiyi Rəylərin heç birinə hüquqi qiymət verməmiş əksinə xüsusi bilik tələb edilən bu rəylərin əhəmiyyətsiz olduğunu göstərmişdir.

Bütün yuxarıda göstərilən hallara baxmayaraq, eləcə də Möhtərəm Prezidentimiz Cənab İlham Əliyevin son zamanlarda məhkəmə-hüquq sistemində apardığı uğurlu islahatlardan nəticə çıxarmayan Tovuz rayon Məhkəməsinin Hakimi Zaur Hümmətov qarşısında and içdiyi Azərbaycan Bayrağından və hakimin yüksək adından öz şəxsi marağını daha üstün tutaraq “YeloBank” ASC-nin təsirinə məruz qalaraq çıxardığı qərəzli və ziddiyyətlərlə dolu qətnaməsində “Məhkəmələr və Hakimlər” haqqında Azərbaycan Respublikasının Qanunun 111-1 maddəsinin, 6-cı bəndində göstərildiyi kimi Karrupsiyaya qarşı Mübarizə haqqında Azərbaycan Respublikasının Qanunun 9-cu maddəsində göstərilən hüquq pozuntuları törətdiyini hakimin yüksək adına ləkə gətirdiyinə yol verdiyinə görə onun haqqında Qanunlarımızın Aliliyi çərçivəsində Məhkəmə hüquq şurasında baxılaraq, hakimin intizam məsuliyyətinə cəlb edilməsi məsələsinə baxılıb, hər bir tərəfin layiq olduqları haqlarına çatdırılmasının ədalətlə həll ediləcəyinə əminik”. //Reportyor.info//

"Problem Azərbaycan Tibb Universitetinin tabeçiliyində olan Tədris-Terapevtik Klinikası ilə yekunlaşmır.
ATU-nun nəzdində olan bütün klinikalarda yanlış yanaşma tərzindən irəli gələn vəziyyət mövcuddur. Bu isə ümumi narazılıqlarla müşayiət olunur. Hazırda mətbuat Fərid Pirverdiyevin rəhbəri olduğu Tədris-Terapevtik Klinikasından bir neçə tənqidi məqalə yazsa da, bu o demək deyil ki, digər klinikalarda hər şey qənaətbəxşdir. ATU-nun klinikalarında tənəzzül rektor Gəray Gəraybəylinin həyata keçirdiyi kadr məsələlərindən sonra bir az da sürətləndi".

Bu fikirləri Faktinfo.az saytına Tibb Universitetindən mənbə bildirib.

Məlumatda o da qeyd edilir ki, Gəray Gəraybəyli rektor təyin edildikdən sonra baş mühasibə qədər təcürbəli kadrlar vəzifələrindən uzaqlaşdırıldı. Onları isə qohum, tanış, dost bildikləri şəxslərlə əvəzlədilər. Tədris-Terapevtik Klinikası başda olmaqla, digər klinikaların təchizatı, alınan yeməyi, ərzağı hansı MMC-lər tərəfindən veriləcəyi kimi məsələlər mühasibatlıqda müəyyənləşdi. Həkim yetişdirilməsi arxa plana keçdi.

Bir müddət sonra isə Hesablama Palatasının Azərbaycan Tibb Universitetində (ATU) 2018-2019-cu illərdə daxil olmaların və xərclərin proqnozlaşdırılması və icrasına dair apardığı maliyyə auditinin nəticələri açıqlanarkən təəssürat yaratmağa çalışdılar ki, maliyyə pozuntusu bilərəkdən edilməyib və bundan baş mühasibin xəbəri olmayıb. Sual edən olmadı ki, bəs baş mühasib kimdir, kimin qohumudur?

Amma Hesablama Palatasının açıqlamalarından məlum oldu ki, 2017/2018-ci tədris ilinin yaz semestrində 6 halda 3217,5 manat, 2018/2019-cu tədris ilinin payız və yaz semestrləri üzrə 6 halda 7849 manat, ümumilikdə 11066,5 manat tələbələrə təqaüd xərclərinə görə artıq ödəniş edilib, habelə təqaüdə görə tələbələrə artıq ödənilmiş 1581,3 manat vəsait tələbələr tərəfindən ATU-nun hesabına ödənildikdən sonra dövlət büdcəsinə qaytarılmayıb.

Həmçinin, ATU-nun Elmi Şurasının 27.11.2018-ci il tarixli iclasının 3 saylı protokoluna əsasən, ATU-nun tabeliyində olan tam təsərrüfat hesablı fəaliyyət göstərən “Tədris Terapevtik Klinikası”na 400.000 manat, “Tədris Cərrahiyyə Klinikası”na 900.000 manat, cəmi 1.300.000 manat vəsait köçürülüb. Maliyyə yoxlaması zamanı məlum olub ki, debitor borc məbləğinin klinikalar tərəfindən geri qaytarılması təmin edilməyib. Burada da sual yaranır ki, bu vəsaitlər klinikalara nə səbəbə ödənilmişdi?

Hesabatda belə nümunələr çox idi. Təəssüf ki, mühasibatlıq tərəfindən klinikaların özünü saxlama imkanları və maliyyə vəsaitlərinə sahiblənmələrinə imkan yaradılmadı. Hazırda ATU-nun bütün klinikalarında maliyyə durumu yaxşı deyil. Orada mühasibatlıqda islahatlar aparmadan, mənfi yanaşmanı aradan qaldırmadan müsbətə doğru heç nəyi dəyişmək mümkün olmayacaq. Ümumiyyətlə, Gəray Gəraybəylinin rektor təyin olunduğu dövrdən sonra ətrafına yığdığı qohum, tanış olan kadrlara yenidən bir nəzər yetirmək gərəkdir.

Perekeşküldə Akif Axundovla Müşfiqabad bələdiyyəsinin rəhbərliyi hər cür qanunsuzluqlara qol qoyublar

Hörmətli izləyicilər!
Bir neçə ay bundan əvvəl gundemxeber.az xəbər portalının redaksiyasına Bakı şəhəri, Qaradağ rayonu ərazisində, hansı ki, Abşeron rayonunun Perekeşkül qəsəbəsinə yaxın sahədə yerləşən, həmçinin Müdafiə Nazirliyinin tabeliyində olan “N” saylı hərbi hissənin təlim keçdiyi ərazilərdəki torpaq sahələrinin, heç bir rəsmi vəzifəsinin olmadığı bildirilən Akif Axundov adlı şəxs tərəfindən kənar sakinlərə satılması barədə sensasion məlumatlar daxil olmuşdur. Daxil olan məlumatlarda bildirilir ki, bu şəxs qeyd olunan ərazilərdəki torpaq sahələrini satışa çıxarərkən Qaradağ rayonu, Müşfiqabad bələdiyyəsi ilə işbirliyinə girir və həmin sahələrə formal da olsa bələdiyyədən sərəncam əldə etməyi bacarır.

Baş verənlər onu söyləməyə əsas verir ki, Akif Axundovla Müşfiqabad bələdiyyəsinin rəhbərliyini, bu gün də Azərbaycan ordusunun hazırlıq göstəricisinin necə olub-olmaması o qədər də düşündürmür. Yəni, bu şəxslər üçün pul qazanmaq, külli miqdarda var-dövlətə sahib olmaq və s. hər şeydən üstün tutulur. Qeyd edək ki, bu yöndə məlumatlar redaksiyamıza daxil olduqdan sonra, suallarımızı Akif Axundovun WhatsApp nömrəsinə göndərdik və ondan məsələlərə münasibət bildirməsini xahiş etdik. Çox təəssüflər olsun ki, bu şəxs məsələlərə münasibət bildirmək əvəzinə daha çox susmağa üstünlük verdi. Elə ki, Akif Axundovun qol qoyduğu digər əməllərlə bağlı redaksiyamıza başqa-başqa şəxslər tərəfindən də əlavə müraciətlər daxil oldu, o halda məcbur olub qeyd olunan əraziyə baş çəkməli olduq.

Tərəfimizdən apardığımız jurnalist araşdırmaları zamanı bəlli oldu ki, Akif Axundovla Müşfiqabad bələdiyyəsi rəhbərliyinin düzüb-qoşduqları işbirliyi sayəsində Ekologiya və Təbii Sərvətlər Nazirliyinə aid torpaq sahələri, kənd təsərrüfatı təyinatlı torpaq sahələri, eyni zamanda Müdafiə Nazirliyinin tabeliyində olan “N” saylı hərbi hissənin təlim keçdiyi ərazilərdəki torpaq sahələri satılmışdır.

Satılmış torpaq sahələrində ayrı-ayrı şəxslər yaşıllıqları məhv etmişlər, özləri üçün fərdi yaşayış evləri, ictimai-iaşə obyektləri, kiçik müəssisələr, mal-qara saxlamaq məqsədilə fermalar və s. inşa etmişlər. Apardığımız araşdırmalar zamanı o da bəlli oldu ki, Akif Axundov qeyd olunan ərazidə üç nəfər şəxsə 71 sot torpaq sahəsi satmış və bunun qarşılığında o, onlardan 30 min manat nəğd pul, bir ədəd dövlət nömrə nişanı 90-TD-916 olan “Hyundai Acssent”, bir ədəd dövlət nömrə nişanı 90-VS-440 olan “Volksvagen Passat”, əlavə bir nəfər şəxsdən isə dövlət nömrə nişanı 77 –EK- 056 olan minik avtomobili alır. Bu da ümumilikdə 74 000 manat məbləğində pul vəsaiti edir.

Bütün bunlara baxmayaraq, 11 avqust 2023-cü il tarixdə Qaradağ RİH tərəfindən əraziyə ağır texnika gətirilir və aparılmış tikinti işləri dağıdılır. Həmin vaxt nəğd pul, avtomobil verib torpaq sahəsi alan şəxslər RİH-nin əməkdaşlarına “Biz torpaq sahəsini Akif Axundovdan almışıq” desələr də, bunun heç bir nəticəsi olmur. Akif Axundov isə üzə çıxmır, bir növ qaçıb gizlənir. Deməli, torpaq sahəsi alan şəxslərin olmazın oyuna düçar olmalarının kökündə Akif Axundovla Müşfiqabad bələdiyyəsi rəhbərliyi xüsusi rola malik olurlar.

Məsələnin maraqlı və düşündürücü tərəfi odur ki, belə bir qanunsuzluq əməllərinə qol qoyularkən “N” saylı hərbi hissənin komandanlığı susur, Qaradağ RİH Aparatı vaxtında qabaqlayıcı tədbirlərini görmür, digər dövlət qurumlarının səlahiyətliləri isə məsələlərə seyrçi münasibət bəsləyirlər?
Demək, həmin qurumlarda çalışanları ölkəmizin gələcəyi, ordumuzun döyüş qabiliyyətinin göstəricisi və digər amillərin varlığı heç bir halda düşündürmür. Əgər düşündürsəydi, o halda onlar Akif Axundovla Müşfiqabad bələdiyyəsi rəhbərliyinin qeyri-qanuni addımlarına qarşı qəti etirazlarını bildirərdilər.

Hörmətli oxucular!
İndi isə ərazidə həyata keçirdiyimiz video-çəkilişi və məsələrlə bağlı Akif Axundovla aramızda olan telefon danışıqlarının səsyazısını sizlərə təqdim edirik. Məsləhətdir ki, hər kəs video-çəkilişə nəzər-diqqət yetirsin və təqdim etdiyimiz səsyazısına diqqətlə qulaq asıb, bəlli münasibətini də ifadə etsin.
Mövzuya qayıdacağıq. //gundemxeber.az//

Son vaxtlar özəl liseylərdə Azərbaycan dili və tarixinin bərbad tədris edilməsi müzakirə edilən məsələlərdən biridir. Ekspertlərin rəyinə görə, müvafiq dövlət qurumları da bir çox liseylərin tədris prosesinə müdaxilə edə bilmir.

Nəticədə, bəzil liseylər özfəaliyyətlə məşğul olur, heç bir qurum qarşısında hesabat vermir. Məsələ ilə bağlı təhsil üzrə ekspert Nadir İsrafilovla həmsöhbət olduq.

O, Bizim.Media-ya açıqlamasında bildirib ki, özəl liseylər qanunvericiliyə görə öz tədris proseslərini Elm və Təhsil Nazirliyi ilə razılaşdırırlar:

“Lakin, özəl liseylər tədris prosesini seçməkdə sərbəstdirlər. Bu tədris müəssisələrindəki tədris prosesi və hətta dərsliklər belə ənənəvi məktəblərdəkindən fərqlənir.

Özəl məktəblər hansı dildə təris aparırsa, bir növ həmin ölkənin tədris təcrübəsindən faydalanır.Bu da ondan irəli gəlir ki, liseylərin əsas hədəfi öz məzunlarının daha çox əcnəbi ölkələrdə ali təhsil almasına fürsət qazandırmaqdır.

Əcnəbi ölkələrə qəbul zamanı Azərbaycan dilinin və tarixinin səviyyəsi yox, məhz əcnəbi dili necə mənimsədiyinə baxılır.

Ona görə də özəl liseylər tədris prosesində Azərbaycan dili və tarixinə heç də önəm vermirlər.Və bu fənlər formal olaraq tədris olunur. Formal tədrisin keyfiyyətindənsə danışmağa dəymir”.

Nadir İsrafilov onu da qeyd edib ki, özəl liseylər reytinqə işləyir:

“Onlar keyifiyyətə yox, kəmiyyətə baxırlar. Yəni daha çox məzunun hansısa əcnəbi ölkələrin ali məktəblərinə qəbulu əsas məsələdir.

Əcnəbi ölkələrdə tələbə adının daha çox qazanması isə sırf kommersiya maraqlarına xidmət edir. Nəticədə xarici qəbul sayı liseyin reytinqini artırır. Reytinqin yüksəlməsi isə daha çox müştəri deməkdir.

Ona görə də özəl liseylərdə əsas diqqət əcnəbi dillərin və İT fənlərinin daha yaxşı tədrisinə yönəldilir. Belə olduğu üçün Azərbaycan dili və tarixi fənləri arxa plana keçir”.

"05.09.2023 tarixində alış-veriş üçün Rahat market Nərimanov filialına daxil olmuşdum. İçəridən gələn qışqırma səsinə doğru irəlilədim və gördüm ki, ağ köynəkli bir şəxs firma işçisinin üstünə hamının içində qışqırır. “Bu vitrini belə yığmırlar, qələt edib sənə bunu öyrədən” və s. Ətrafda bir neçə marketin əməkdaşı və 10-15 müştəri dayanıb yaranmış problemin həll olunmasına baxırdıq". DİA.AZ bildirir ki, bu barədə "Müştəriyəm Şikayətçiyəm" sosial qrupundakı paylaşımında Rəna Babayeva adlı istifadəçi giley edir.

Narazı vətəndaş daha sonra yazır: "Şəxsin kim olduğunu soruşdum mağaza rəhbəridi dedilər. Şikayət etmək üçün adını soruşdum demədilər. “Rəhbər” dedikləri şəxsə yaxınlaşıb adını soruşdum. “Narahat etdik?” Sualını verdi. “Mağazada hamını narahat etdiz. Bir işçi ilə belə tərzdə danışmağa haqqınız yoxdu” dedim. “Firma işçisidir, sən işinlə məşğul ol” deyərək həddimi bildirib getdi. Digər ağ köynəkli şəxsə yaxınlaşıb rəhbərin adını soruşdum, nə öz adını, nə də rəhbərin adını təqdim etmədi. Şikayət edəcəm dedim və kassaya aldıqlarımın ödənişini etmək üçün yönəldim. 2-ci şəxs arxamca qaçaraq gəlib kassirlərə heç kim ad verməsin deyə qışqırdı. Mənə isə “çıx bayıra” dedi. Orada mübahisə yarandı artıq səsimi qaldırdım. Bütün kassirlər və müştərilər həmin gün mağazada olanlara şahiddirlər. Yerindəcə Rahat marketin qaynar xəttinə zəng edib şikayətimi bildirdim və geri dönüş gözlədiyimi bilirdilər. Artıq bir neçə gündür ki, cavab yoxdur deyə şikayətimi buradan edirəm.
Adlarını belə söyləməyə qorxaq, işçi və müştəri ilə danışıqda mədəniyyətsiz və ən əsası Novruz kimi rəhbəri olan(adını sonradan başqa mənbədən öyrəndim), digər şəxs kimi tərbiyəsiz işçisi olan bir mağazadan alış-veriş etmək nə dərəcədə doğrudur?!
Arzum budur ki, həmin şəxslərin ailə üzvlərinə və yaxınlarına iş yerlərində və getdikləri yerde beləcə davranış göstərərlər.
Ümid edirəm ki, həmin şəxslər haqqında lazımı tədbiri görərlər".

İddia olunanlarla bağlı olaraq qarşı tərəfin də mövqeyini işıqlandırmağa hazırıq...

Bərdə rayon İcra Hakimiyyəti (RİH) Xankəndidə yuva salan separat-marionet administrasiya kimi sanki idarə olunur. Ötən həftə sonu Xankəndi quldurları toplaşıb qanunsuz bir seçki keçirərək özlərinə rəhbər təyin etməklə mərkəzə tabe olmadıqlarını nümayiş etdirdilər. Təxminən buna bənzər proses Bərdə İH-də getməkdədir. Belə ki, icra başçısı Vidadi İsayev özfəaliyyət edərək, Bakı ilə razılaşdırmadan istədiyi adamları vəzifələrə təyin edir. Özünü muxtariyyat lideri kimi aparan V.İsayev hətta yerinə kadr hazırlayır. Bu haqda Anaxeber.info-ya verilən məlumatda deyilir ki, Bərdə icra hakimiyyətini tayfa-klan qaydaları ilə idarə edən İsayev, birinci müavin vəzifəsini qudası Vahid Qarayevə həvalə edib. Faktiki olaraq, iki quda Bərdəni özəl subyekt kimi idarə edirlər. Rayonda istənilən ərazini satmaq üçün sərəncam vermək iki qudanın əlində adi işdir. V.İsayev təkcə qudası V.Qarayevi birinci müavin təyin etməklə yetərli olmayıb, hüquq şöbəsinin müdiri postuna da bacısı oğlu Natiq Səfərovu gətirib. Yeri gəlmişkən, N.Səfərov həm də V.Qarayevin kürəkənidir. Yəni tam bir ailə tablosu, bir ailə podratı yaradılıb və bu minvalla Bərdə İH idarə edilir. Hətta Xankəndi separatçıları belə keçirdikləri saxta və qondarma seçki zamanı bəlkə də belə qohum-əqrəba siyasətinə üstünlük verməyiblər ki, Bərdə icra başçısı Vidadi İsayev bu məsələdə hamıdan fərqlənib. Bu təyinatlar və qərarlar isə İsayevin varis planı olması ilə əlaqələndirilir. İcra başçısı o dərəcədə həddi aşmağa başlayıb ki, Prezident Administrasiyasının mövqeyini və dövlət başçısının hansı qərarı verəcəyini gözləmədən öz yerinə kadr planlaşdırır. İddialara görə, icra başçısı öz kreslosuna bacıoğlunu, hüquq şöbəsinin müdiri Natiq Səfərovu görür. Bu plan üzrə hərəkət edən İsayev Səfərovun gələcəkdə təqdimatını verməyi düşünür. Göründüyü kimi, Bərdədə qəribə bir rejim formalaşıb və getdikcə kök salmağa çalışırlar. Yəni İsayev-Qarayev-Səfərov triosu üçün dövlət, dövlətçilik, dövlət idarəetməsi, dövlətin rəhbərliyinin səlahiyyətləri kimi anlayışlar yoxdur. Bu üçlük elə bir zehniyyətə malikdir ki, kimi istəsələr vəzifəyə təyin edə bilərlər. Onlara mərkəzin mövqeyi maraqlı deyil, idarəetməyə oyuncaq kimi baxırlar, bazar qaydaları ilə yanaşırlar.
Elə bunun nəticəsidir ki, Vidadi İsayevin rəhbərliyi altında Bərdə inildəyir. İllərdir bu rayonda daşı daş üstə qoymayan başçının satmadığı yer qalmayıb. Bərdənin səkiləri, parkları, guşələri, yaşıllıqları qarış-qarış ticarət maraqlarına qurban verilib. Dəfələrlə rayon ictimaiyyəti, ziyalıları, ayrı-ayrı insanlar, hətta şəhid ailələri Bərdədə özbaşınalıqlar barədə müraciətlər ediblər, konkret faktlarla sübutlar təqdim olunub. Burada despotik bir sistem qurulub: qohum-əqrəba vəzifələrdə, biznes, var-dövlət İsayev rejiminin əlində, sosial problemlər xirtdəyə qədər, şikayətlər aramsız, sahibkarlar narazı, rayonda isə satmağa yer tapılmır...
Misal üçün sahibkar Nəsibə Piriyeva icra başçısının bezdirdiyi şəxslərdən biridir. Bu günlərdə PA-ya şikayətə gələn sahibkar deyib ki, icra başçısı saxta sərəncamlar imzalayır, işləməyə imkan vermir, təhdid edir, təzyiq göstərir. O bildirib ki, Bərdədə baş verən özbaşınalıqlar haqda dövlət rəhbərliyi məlumatsızdır və gəlib araşdırma aparılmalıdır.
Ümumiyyətlə, Vidadi İsayev Bərdədə 13 ildir icra başçısı işlədiyi müddətdə demək olar ki, böyük sərvət toplayıb. İsayevin mal-mülkünün siyahısına baxanda adam Bərdənin halına acıyır:
1. Bakı şəhəri, A. Bakıxanov, ev 39 ünvanında mənzil
2. H.Zərdabi 3153-cü məhəllə, ev 7, mən. 200 mənzil
3. Şərq küç, ev 11B ünvanında mənzil
4. Oğlunun 100.000 manatlıq çayxanası
5. Kürəkəninin Qaçqın Şəhərciyində ümumi sahəsi 100 kv.metr olan dükanı
6. “Ana və Uşaq” kafesi
7. “Təchizat BCS” MMC şirkəti
8. Bərdədə ikimərtəbəli mağaza
9. Mixaylovka kəndində bir imarət
10. Ağcakənddə ikinci böyük villa
11. Xətai rayonu, Babək prospektində 4 mərtəbəli 2 ayrı malikanə
12. 90-GP-555 dövlət nişanlı Toyota Prado
13. Mercedes G63 AMG
14. Bərdədə Heydər Əliyev parkında kafe
15. Yevlaxda əzəmətli villa
16. Yevlax-Bərdə yolunun üstündə balıq vətəgələri
17. Yevlaxda, Bərdədə, Tərtərdə hektarla torpaq sahələri, iaşə obyektləri, mənzillər
18. Rusiyada, Türkiyədə biznes və obyektlər

Anaxeber.info

Dünyada 1000 doğulmuş uşaqdan 19-24-ü lal, kar olur. Azərbaycanda isə bu statistika yaxın qohumlardan nigah olduğuna görə, daha yüksəkdir. Bu uşaqlara adətən eşitmə cihazı taxılır ki, onlar əlil qalmasın. Bu proses Azərbaycanda 2010-cu ildən tətbiq olunmağa başlayıb. Əvvəllər bu say əməliyyatlar üçün ildə 200 idi. Amma artıq belə bir limit yoxdur. Bura qədər baxdığımız zaman hər şey çox yaxşıdır. Dövlətimiz vətəndaşlar üçün hər şey edir. Amma bəzi məmurlar öz şəxsi maraqları üçün nə edir?!
Bu cihazları ölkəyə gətirən ən böyük şirkət TƏBİB-in direktoru Vüqar Qurbanova məxsus "Kochlear" şirkətidir. Bizdə olan məlumata görə, bu cür əməliyyatlar ən çox "Lor hospital"da həyata keçirilir ki, buranın sahibi də bəllidir.
İcraçı direktoru Vüqar Qurbanovun yaxın dostu Hansiyar Babayevdir. Qeyd edək ki, bu cihazlar Azərbaycanda dünyadakından tam 3 dəfə baha satılır. Qurbanov bu limiti ləğvini TƏBİB-in direktoru olduqdan sonra etdi.
Bunlar vəzifəyə gəlirlər ki, öz şirkətlərini böyütsünlər. Görəsən, hər kəsin bildiyi bu məsələləri İcbari Tibbi Sıgorta rəhbəri cənab Zaur Əliyev bilmirmi?!
Gündəlik Bakı

"Ömür boyu milli maraqlardan çıxış edib, dövlətçilik prinsiplərinə bağlı fəaliyyət göstərməkdəyəm". DİA.AZ bildirir ki, bunu son günlər QHT sektorundakı neqativ hallara qarşı apardığı mücadiləsi ilə diqqətə gələn İctimai Siyasi Proseslər Beynəlxalq Araşdırmalar Mərkəzinin (İSBAM) rəhbəri Samir Adıgözəlli növbəti açıqlamasında deyib.
Etdiyi müraciətlərin ünvanına yetişməməsindən gileylənən QHT sədri daha sonra bildirib: "Ölkə başçısının mövqeyini müdafiə edərək, onun çağırışına uyğun olaraq, ictimai iştirakçılıq yönündə çıxışlar edirəm.
QHT Agentliyi ilə bağlı hər gün təzadlı informasiya alıram. Açığı cəsarətsizlik göstərib öz sözlərini sizlərə deyə bilməyənləri qınayıram. Hamısı sözünü mənə deyir ki, sən daha bu işə başlamısan)
Bu gün eşitdim ki, Agentliyə nəzarəti həyata keçirən qurumun rəsmiləri bizim bir narazılığımızı rəhbərliyə çatdırmırlar. Ənənəvi Ramiz Mehdiyev qaydasında məsələni kiçildir, sanki biz öz şəxsi maraqlarımız üçün bunu etdiyimizi söyləyir, ölkə başçısını aldadırlar. Hətta bizlərə ismarc göndərirlər ki, onları məhkəməyə verib susduracayıq.
Vallah ört-basdırlar sizi uğura aparmayacaq. Görüntü və şoular əvvəllər başqa məmurlar da edirdilər.
Vəziyyəti olduğu kimi rəhbərliyə demək lazımdır. Bizimlə neytral bir yüksək vəzifəli şəxs görüşsün heç olmasa, biz problemlərimizi ölkə rəhbərliyinə çatdıraq.
Bu fironluq kimə lazımdır axı?
Bizi niyə düşmən edirsiz? 1-2 nəfərin hikkəsinə bizləri niyə qurban verirsiniz?
Yoldaşlar bu gün söyləyirlər ki, sözünüzü neytral şəxsə deyin.
"QHT Agentliyinin rəhbərliyi onlara nəzarət edənləri əldə saxlayır, onlar heç sizin xeyrinizə bir şey deyərmi?"
Əslində bunu düşünürdüm, amma inanmırdım, həmkarlarım bir qədər fikirlərimi qətiləşdirməyə kömək etdi. Bunu sonuncu dəfə QHT Agentliyindəki görüşdə də açıq şəkildə müşahidə etdik. PA rəsmisi Aygün Əliyevaya görə bizə aqressiya göstərirdi.
Təklif edirəm ki, həmin görüşün video yazısını montaj etmədən ictimailəşdirsinlər.
Bu sektoru niyə belə məhv etdilər anlamıram.
Nəyin qisasını alırlar?"

Dia.az