Xaçmazda kafenin ikinci mərtəbəsindən yıxılaraq ölən şəxsin kimliyi müəyyənləşib.

Zamantv.az-ın APA-ya istinadla xəbərinə görə, dünyasını dəyişən şəxs Xaçmazın Köhnə Xaçmaz kənd sakini Əliyev Səhmana Habil oğludur.

Faktla bağlı araşdırmalar davam etdirilir.
Xaçmaz şəhərində bədbəxt hadisə baş verib.

Zamantv.az-ın APA-ya istinadla xəbərinə görə, hadisə şəhər ərazisində yerləşən "Məkan" adlı kafesində qeydə alınıb. Orta yaşlı kişi kafenin ikinci mərtəbəsindən yıxılaraq ölüb. Hadisə yerinə hüquq-mühafizə orqanlarının əməkdaşları cəlb olunub. Meyit müayinə olunmaq üçün Xaçmaz Mərkəzi Rayon Xəstəxanasının morquna aparılıb. Meyitin şəxsiyyətini müəyyən edilməsi istiqamətində işlər davam etdirilir.

Faktla bağlı araşdırma aparılır.

Bakıda intihar hadisəsi baş verib.

Zamantv.az-ın APA-ya istinadla xəbərinə görə, hadisə paytaxtın Yasamal rayonu, Dadaş Bünyadzadə küçəsində yerləşən yaşayış binasında baş verib.

3 uşaq anası olan qadın özünü 12-ci mərtəbədən ataraq intihar edib. Qadın aldığı xəsarətlərdən hadisə yerində keçinib
Qadının hansı səbəbdən özünü öldürdüyü hələ ki məlum deyil.

Göygöl rayonunda 82 yaşlı qadın qarət edilib.

Bu barədə Daxili İşlər Nazirliyi (DİN) məlumat yayıb.

Bildirilib ki, fevralın 14-də saat 6 radələrində Göygöl rayonunun Sərkarlı kəndindəki evlərdən birinə girmiş naməlum şəxsin yatmış vəziyyətdə olan 82 yaşlı ev sahibəsinin boynundakı qızıl boyunbağını götürüb qaçması barədə Rayon Polis Şöbəsinə məlumat daxil olub.

Polis əməkdaşlarının keçirdikləri əməliyyat tədbirləri nəticəsində soyğunçuluq əməlini törətməkdə şübhəli bilinən kənd sakini R.Novruzov müəyyən edilərək saxlanılıb.

Faktla əlaqədar Cinayət Məcəlləsinin 180-ci maddəsi (soyğunçuluq) ilə cinayət işi başlanıb. Araşdırma aparılır.

"Tərtər işi"ndə zərərçəkənlərin sayı artıb.

Zamantv.az-ın məlumatına görə, bu barədə Baş Prokurorluqdan bildirilib.

Qeyd olunub ki, indiyə kimi "Tərtər işi" ilə bağlı 296 nəfər dindirilib. Onlardan 178 nəfərin işgəncələrə məruz qalması müəyyən edilib.
Hazırda bu iş üzrə istintaq işləri davam etdirilir.

Qeyd edək ki, Baş Prokurorluğun bir müddət əvvəl yaydığı məlumata əsasən, bu iş üzrə aparılan cinayət işinin istintaqı zamanı 281 zərərçəkən olduğu bildirilmişdi.

Mingəçevirdə 7-ci sinif şagirdi vəfat edib.

Zamantv.az xəbər verir ki, İbadova Şövkət Ceyhun qızının başında olan şiş səbəbindən dünyasını dəyişdiyi bildirilir.

Qeyd edək ki, azyaşlı Mingəçevir şəhər Üzeyir Hacıbəyli adına 11 illik musiqi məktəbində təhsil alırdı.

Fevralın 8-dən 12-dək olan müddətdə Mingəçevir şəhərindəki evlərin birindən 20.min manat dəyərində qızıl-zinət əşyaları oğurlanıb.

Daxili İşlər Nazirliyindən Zamantv .az-a verilən məlumata görə, Mingəçevir şəhər Polis Şöbəsi əməkdaşlarının keçirdikləri əməliyyat-axtarış tədbirləri nəticəsində oğurluqda şübhəli bilinən ev sahibinin qohumu, Qazax rayon sakini N.Binnətova saxlanılıb.

Araşdırma aparılır.

Ağcabədi sakinlərindən külli miqdarda narkotik aşkarlanıb.
Zamantv.az Daxili İşlər Nazirliyinə istinadla bildirir ki, Ağcabədi rayon Polis Şöbəsi əməkdaşlarının keçirdikləri əməliyyat tədbiri nəticəsində rayon sakinləri, əvvəllər məhkum olunmuşlar N.Hüseynov, T.Nuriyev və S.Vahidov saxlanılıblar. Şəxsi axtarış zamanı onlardan ümumilikdə 5 kiloqram 60 qram heroin aşkar edilərək götürülüb.

Gəncədə intihar hadisəsi baş verib.

Zamantv.az-ın məlumatına görə, hadisə şəhərin Nəriman Nərimanov küçəsində qeydə alınıb. Həmin küçədə yaşayan 82 yaşlı Qəzənfər Musayev özünü asıb.

Onun özünə qəsd etməsinin səbəbləri məlum deyil.
Faktla bağlı şəhər Prokurorluğunda araşdırma aparılır.

Bakıda həbsxanada daha bir məhkum ölüb.

Zamantv.az-ın məlumatına görə, hadisə Penitensiar Xidmətin cəzaçəkmə müəssisələrindən birində qeydə alınıb. Orada cəza çəkən məhkum Mehralı Yusifov dünyasını dəyişib. Onun xəstəlikdən öldüyü bildirilir.

Qeyd edək ki, M. Yusifov alimlik dərəcəsi almış təhsil işçisi olub. O, 2019-2020-ci illərdə saxta diplomların satılması faktı ilə əlaqədar həbs edilmişdi.

Kürdəmirdə vətəndaşa məxsus mağaza yanıb.

"Report"un Yuxarı Şirvan bürosu xəbər verir ki, hadisə rayonun Ərəbxana kəndində qeydə alınıb.

Yanğın kənd sakini İsmayılov Kənan Zöhrab oğluna məxsus mağazada baş verib, qısa müddətdə alov dalğası bütöv mağazanı əhatə edib. Nəticədə mağazadakı satış malları yanaraq külə dönüb.

Hadisə yerinə Fövqəladə Hallar Nazirliyinin Kürdəmir rayon Dövlət Yanğından Mühafizə hissəsinin texnikası və canlı qüvvəsi cəlb olunub. Yanğın yanğından mühafizə bölmələri tərəfindən söndürülüb və digər ərazilərə keçməsinin qarşısı alınıb.

Mağaza sahibinin sözlərinə görə, obyekt qəsdən yandırılıb və ona ümumilikdə 15 min manata yaxın maddi ziyan dəyib.

Faktla bağlı araşdırma aparılır.