Ötən gün Bakıda ana və övladları amansızca qətlə yetirilib.

Sosial şəbəkələrdə bildirilib ki, hadisə baş verən gün qonşular yaranmış hay-küyə görə polis çağırıblar. Polis qapını döysə də, açan olmayıb və bu zaman hüquq-mühafizə orqanının “əməkdaşı şəxsi məsələləridir, bizim qarışmaq hüququmuz yoxdur, siz də qarışmayın”, - deyərək oranı tərk edib.

Məsələ ilə bağlı Daxili İşlər Nazirliyinin Mətbuat Xidmətinin rəisi polis polkovniki Ehsan Zahidov sorğumuza cavab olaraq bildirib ki, artıq məsələ ilə bağlı xidməti yoxlama başlanılıb: “Törədilən bütün qətl hadisələri ilə bağlı prokurorluq orqanlarında aparılan istintaqla bərabər, eyni zamanda, Daxili İşlər Nazirliyində də xidməti yoxlamalar aparılır. Dünənki ağır cinayətlə əlaqədar artıq hadisəni törətməkdə şübhəli bilinən Əhəd Əliyev müəyyən edilərək saxlanılıb. Hadisə ilə bağlı başlanan cinayət işi üzrə prokurorluqda istintaq aparılır.

Xidməti yoxlama zamanı polis əməkdaşlarının hər hansı fəaliyyətsizliyi, yaxud səhlənkarlığı ilə əlaqəli hansısa məqam üzə çıxarsa, dərhal müvafiq qaydada tədbir görüləcək.

Sosial şəbəkələrdə yayılan iddialar hələ ki, təsdiqini tapmayıb. Bir nüansı nəzərə almaq lazımdır ki, cinayəti törədən mərhumların yaxın qohumudur, daim gediş-gəlişi olan, ailənin bir üzvü kimi yaxın şəxsdir”.

İlhamə Əbülfət

Qaydasız döyüşçülər, dağıstanlı Maqomed Zeynalovla azərbaycanlı Fərid Yədullayev arasında mübahisə düşüb.

“Venom” ləqəbli Zeynalov mübahisə zamanı Fəridi söyüb.

Fərid isə 3 saniyədə 5 zərbə vuraraq Maqomed Zeynalova cavab verib.

Son günlərdə Avropanın böyük bir hissəsində təsirli olan fırtına nəticəsində həyatını itirənlərin sayı 16-ya çatıb.

Alman mətbuatının “Zeynəb Fırtınası” adlandırdığı güclü qasırğa səbəbindən Aİ ölkələrinə milyonlarla avro dəyərində maddi ziyan dəyib.

Rəsmi məlumatlara görə, ölüm halları Belçika, Hollandiya, Almaniya və Polşada, həmçinin Böyük Britaniya və İrlandiya Respublikasında baş verib.

Həmçinin, köhnə qitədə milyonlarla ev işıqsız qalıb, nəqliyyatın hərəkəti iflic olub.

Mənbə: “Haber Global”

Qazax rayonunda iki nəfər dəm qazından zəhərlənib.

Qazax rayon sakini, 1975-ci il təvəllüdlü V.Qasımova və onun qızı 2008-ci il təvəllüdlü G.Nəsibova dəm qazından zəhərlənib.

Hər iki şəxs xəstəxanaya yerləşdirilib, vəziyyətləri kafi qiymətləndirilir.

Faktla bağlı araşdırmalara başlanılıb.

Braziliyanın Rio-de-Janeyro əyalətində baş verən sel fəlakəti nəticəsində həyatını itirənlərin sayı 152 nəfərə yüksəlib.

Petropolis şəhəridə baş verən daşqın və torpaq sürüşmələrindən sonra 165 nəfər itkin düşüb, 967 nəfər isə sığınacaqlardadır.

Şəhərin 51 nöqtəsində çalışan əsgər və könüllülərdən ibarət qruplar yağışlı və rütubətli hava şəraiti ilə əlaqədar yenidən torpaq sürüşmələrinin baş verəcəyindən narahatdırlar.

Qeyd edək ki, fevralın 15-də Rio-de-Janeyronun dağlıq bölgəsi olan Petropolisdə yağan güclü yağışdan sonra şəhərin hündür yerlərində torpaq sürüşmələrinin baş verdiyi, küçələri, parkları, bazarları su basdığı, avtomobil və avtobusların su altında qaldığı bildirilib.

Ştat qubernatoru Klaudio Kastro bölgənin 1932-ci ildən bəri ən güclü yağıntıya məruz qaldığını bəyan edib.

Mənbə: “Anadolu”

Ağcəbədidə evdə meyit aşkar edilib.

Bu barədə FHN məlumat yayıb.

Bildirilib ki, Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə daxil olan məlumata əsasən, Ağcabədi şəhərində bir nəfər evdə bağlı qapı arxasında köməksiz vəziyyətdə qalıb.

Çağırış ünvanına cəlb olunan FHN-nin Dövlət Yanğından Mühafizə Xidmətinin müvafiq xilasetmə qüvvələri evin giriş qapısını açıb və orada aşkarlanan 1962-ci il təvəllüdlü Babayev İnqilab Əkbər oğlunun meyitini aidiyyəti üzrə təhvil veriblər.

Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Gəncə şəhəri, Kəpəz rayonu, Ruzigar Qasımov küçəsində birmərtəbəli fərdi yaşayış evində yanğın olması barədə məlumat daxil olub.

Bu barədə FHN məlumat yayıb.

Məlumatla əlaqədar naziliyin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.

Yanğının söndürülməsi istiqamətində operativ və təxirəsalınmaz tədbirlər həyata keçirilib.

Yanğın Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri tərəfindən söndürülüb.

Əlavə məlumat veriləcək.

Fevralın 20-də saat 14 radələrində Nizami rayonu ərazisində kirayədə yaşadıqları evdə 39 yaşlı Gülnar Qaraxanova və iki azyaşlı övladının kəsici-deşici alətlə aldıqları xəsarətlərdən ölmələri barədə rayon prokurorluğuna məlumat daxil olub.
Baş Prokurorluğun mətbuat xidmətindən bildirilib ki, dərhal prokurorluq və polis əməkdaşları tərəfindən məhkəmə-tibb ekspertinin iştirakı ilə hadisə yerinə və meyitlərə baxış keçirilib.
Faktla bağlı Nizami rayon prokurorluğunda Cinayət Məcəlləsinin 120.2.7 (iki və ya daha çox şəxsi öldürmə) maddəsi ilə cinayət işi başlanıb.
Hazırda cinayət işi üzrə tam, hərtərəfli və obyektiv istintaq aparılmaqla təqsirli şəxsin (şəxslərin) müəyyən edilərək məsuliyyətə cəlb olunmaları istiqamətində zəruri istintaq-əməliyyat tədbirləri davam etdirilir
Bakıda öldürülən şəxslərin adları məlum olub.
Zamantv.az-ın əldə etdiyi məlumata görə, onlar Sabirabad rayon sakinləri, Gülnar Qaraxanlı və övladları 13 yaşlı Lamiyə Qaraxanlı və 10 yaşlı Atakan Qaraxanlıdır.
Məlumata görə, onlar paytaxtın Nizami rayonu, R.Rüstəmov küçəsindəki evdə kirayədə qalıblar.
İlkin ehtimala əsasən, qətlin G. Qaraxanlının əri tərəfindən törədildiyi bildirilir. Belə ki, iddiaya görə, qətl gecə saatlarında ailədaxili münaqişə zamanı baş verib. Onların meyitləri səhər saatlarında qonşular tərəfindən aşkar edilib. Bundan sonra dərhal polisə məlumat verilib.
Hazırda əraziyə polis və prokurorluq əməkdaşları gəlib, araşdırmalar aparılır
Bakıda qətl hadisəsi olub.
Zamantv.az-ın məlumatına görə, hadisə bu gün paytaxtın Nizami rayonu, "8-ci kilometr" qəsəbəsi, R.Rüstəmov küçəsində qeydə alınıb.
Naməlum şəxs və ya şəxslər adları hələlik bilinməyən ana və iki övladını yaşadıqları evdə bıçaqlayaraq öldürüb.
Hadisə ilə bağlı araşdırma aparılır.

Ağdamda 26 yaşlı qadın özünü asaraq intihar edib.

Zamantv.az-ın APA-ya istinadən xəbərinə görə, hadisə rayonun Quzanlı qəsəbəsində qeydə alınıb.

Qəsəbə sakini Kamallı Sücayət Valeh qızı yaşadığı evin həyətindəki yardımçı tikilidə özünü asıb.
Məlumata görə, 26 yaşlı qadının toyu cəmi 6 ay əvvəl olubmuş.

Faktla bağlı Ağdam Rayon Prokurorluğunda cinayət işi açılıb.

Polis tərəfindən axtarışda olan aktrisanın öldüyü məlum olub.

Zamantv.az xarici KİV-ə istinadən xəbər verir ki, məşhur serial “General Hospital”ın aktrisası 43 yaşlı Lindsay Perlman evində ölü tapılıb.

Lindsey Perlman “Signal to Noise” adlı filmdə də rol alıb. Perlman “Chicago Justice”, “Empire”, “Sneaky Pete”, “American Housewife” və “The Purse” kimi seriallarda da çəkilib.

Lindsay Perlman