Bakının Xəzər rayonunda yol qəzası zamanı iki nəfər xəsarət alıb.

Zamantv.az APA-ya istinadən xəbər verir ki, hadisə Qala qəsəbəsində qeydə alınıb.

Magistral şossenin əks tərəfinə keçmək istəyən 1983-cü il təvəllüdlü Ağayeva Arzu Məhəmməd qızı və onun həyat yoldaşı 1979-cu il təvəllüdlü Ağayev Zaur Məhəmməd oğlunu minik avtomobili vurub.
Yaralılar xəstəxanaya çatdırılıb.

A.Ağayevanın vəziyyəti ağır olduğundan xəstəxananın reanimasiya şöbəsinə yerləşdirilib.

Bakının Nizami rayonunda yol-nəqliyyatı hadisəsi qeydə alınıb.

Zamantv.az APA-ya istinadən xəbər verir ki, qəza Babək prospektində körpünün üzərində baş verib.

Tural Məcidovun “Daewoo” markalı nəqliyyat vasitəsi qəfil xarab olub. Bu zaman eyni istiqamətdə hərəkətdə olan “Chevrolet” markalı maşını idarə edən Zaur Rzayev sükana nəzarəti itirib.
Buna görə də onun avtomobili yolda dayanan “Chevrolet”-ə çırpılıb. Qəza nəticəsində hər iki avtomobilə ciddi ziyan dəyib.

Fakt araşdırılır.

Xaçmaz şəhərində yanğın baş verib.

Zamantv.az : - Fövqəladə Hallar Nazirliyindən verilən məlumata görə, “LADA” markalı minik avtomobilinin mühərrik hissəsi, idarəetmə lövhəsi və qismən salonu yanıb.

Avtomobilin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.

Füzulidə ata evdə qızını qətlə yetirib.
Zamantv.az APA-nın Mil-Muğan bürosuna istinadən xəbər verir ki,hadisə Qarabağ kəndində qeydə alınıb.

Kəndi sakini, Ağarəhim Əsədov ailə münaqişəsi zəminində qızı 1989-cu il təvəllüdlü Əsədova Ramiləni bıçaqla qətlə yetirilib.
Faktla bağlı Füzuli Rayon Prokurorluğunda cinayət işi açılıb, araşdırma aparılır.

Masallı şəhərində, mebel sexinin ərazisində yanğın olub.

Fövqəladə Hallar Nazirliyindən verilən məlumata görə, ümumi sahəsi 8 m² olan qurutma otağında avadanlıqlar və 5 m³ taxta material yanıb.

Yaxınlıqdakı tikililər yanğından mühafizə olunub.
Yanğın yanğından mühafizə bölmələri tərəfindən söndürülüb.

Avroviziya mahnı müsabiqəsində Azərbaycanı təmsil edəcək mahnı müəyyənləşib.

Zamantv.az-ın xəbərinə görə, bu barədə bu il Azərbaycanı mahnı müsabiqəsində təmsil edəcək Nadir Rüstəmli məlumat yayıb.

Mahnının adı yaxın günlərdə ictimaiyyətə açıqlanacaq.
Qeyd edək ki, “Avroviziya-2022” mahnı müsabiqəsi Turində baş tutacaq.

Çeçenistanжт rəhbəri Ramzan Kadırov Ukrayna prezidenti Vladimir Zelenskiyə müraciət edərək, Ukrayna lideri dialoqa hazır olduğu təqdirdə Rusiya prezidenti Vladimir Putinlə görüş təşkil etməyi təklif edib.

Zamantv.az Rusiya KİV-nə istinadla bildirir ki, Kadırov bu barədə özünün “Telegram” kanalında yazıb.

“Zelenski, əgər Polşaya getsən, o zaman zindana salınan və sonunda müttəhimlər kürsüsündə vətəninə qayıdan Gürcüstanın keçmiş prezidenti Mixail Saakaşvilinin taleyi ilə üzləşəcəksən. Əgər sən Rusiyaya güvənirsinizsə və dialoqa hazırsınızsa, onda mən sizinlə yolun yarısında görüşməyə və şəxsən Rusiya prezidenti Putindən xahiş etməyə hazıram ki, sizə sığınacaq versin və simanızı qorusun”, - Kadırov belə sövdələşmə təklif edib.
O, Zelenskidən onunla əlaqə saxlamağı xahiş edib və "Putinlə ümumi dil tapmağa", görüş təşkil etməyə kömək edəcəyinə söz verib.

Kadırov eyni zamanda bəyan edib ki, Ukrayna prezidentinin səlahiyyətləri 2014-cü ildə dövlət başçısı postundan devrilmiş Viktor Yanukoviçə ötürməlidir.

“Bəli, sən istedadlı insansan, yaxşı aktyors, amma siyasətçi deyilsən. İndi isə sənin çiyinlərində həll edə bilməyəcəyiniz problemlər yükü var. Çox gec olmadan mənə müraciət edin və gələcəyiniz haqqında danışaq. Mən şəxsən bunu deyirəm. Ən qısa zamanda qərar verin”, - Kadırov müraciətini belə yekinlaşdırıb.

Çeçenistanın rəhbəri bundan əvvəl də Zelenskiyə hakimiyyəti Yanukoviçə təhvil verməyi təklif edib.

Azərbaycan Respublikasının Prezidenti İlham Əliyevin 2022-ci ili “Şuşa ili” elan etməsi ilə əlaqədar olaraq Lənkəran Dövlət Dram Teatrında hazırlanmış “Haqqın 44 günü” adlı tamaşaya ictimai baxış keçirilib.Zamantv.az AZpress.AZ- a istinadən xəbər verir ki, Vətən müharibəsində 44 gün ərzində qazanılmış böyük zəfərimizin qəhrəmanlıq dastanı kimi təqdim olunan bu səhnə əsərinə yerli ictimaiyyətin nümayəndələri ilə yanaşı Qarabağ qaziləri də tamaşa ediblər.
Tamaşanın baş rejissoru Anar Babalının sözlərinə görə, bu səhnə əsəri qısa müddətdə hazırlanaraq ərsəyə gətirilib. Tamaşada birinci və ikinci Qarabağ müharibəsində baş verən hadisələr, xalqımızın igid oğullarının döyüşlərdə göstərdiyi şücaətlər obrazlı şəkildə əksini tapıb.
Səhnə əsərində həmçinin müharibələrin xalqların taleyində, gündəlik həyat və məişətində yaratdığı çətinliklərdən, ağrı-acılardan da bəhs olunur. Amma bütün bunlara baxmayaraq Müzəffər Ordumuz özününyüksək əhval-ruhiyyəsi iləəzmkarlıq nümayiş etdirərək30 ilə yaxın müddətdə işğalda qalan torpaqlarımızı cəmi 44 gün müddətində düşmən tapdağından azad etdi.
















Coşqu ilə qarşılanan tamaşanın müəllifi və quruluşçu rejissoru Anar Babalı, quruluşçu rəssamı Adil Əsədli, musiqi tərtibatçısı Fərahim Fərəcovdur.
Əsas rolları teatrın gənc aktyor və aktrisalardan Gülər Kərimova, Səyyad Əliyev, Emil Rzayev, Şəbnəm Hüseynova, Aysel Cahangirova, Amil İbrahimov, Teymur Hacızadə və Günel Abbasova ifa ediblər.
Tamaşadan sonra keçirilən müzakirələrdə Qarabağ qaziləri belə bir tamaşanın hazırlanmasından məmnun qaldıqlarını bildirərək, yaradıcı kollektivə uğurlar diləyiblər.
Teatrın direktoru Tofiq Heydərovun sözlərinə görə, “Haqqın 44 günü” tamaşası "Şuşa ili" çərçivəsində respublikamızın bütün bölgələrində nümayiş etdiriləcək. 10 mart Milli Teatr GünündəisəLənkəran teatrının səhnəsində tamaşanın premyerası keçiriləcək.
Ağaddin BABAYEV

Novxanı şossesində gül almaq istəyən qadının maşını oğurlanıb.

Zamantv.az APA-ya istinadla xəbər verir ki, hadisə Binəqədi-Novxanı şossesində qeydə alınıb.

Məmmədova Könül Zakir qızı gül almaq üçün Novxanı qəsəbəsində “Mitsubishi” markalı nəqliyyat vasitəsindən enib. Bu zaman həmin ərazidə olan Quliyev Vidadi Aydın oğlu avtomobilin qapılarının açıq olduğunu görüb və dərhal nəqliyyat vasitəsini işə salaraq ordan uzaqlaşıb. V.Quliyev qaçırdığı avtomobili Binəqədi Novxanı şossesində bir neçə maşına çırpıb. Avtomobil yanmağa başlayıb. Əraziyə FHN-nin DYMX-nin əməkdaşları cəlb edilib. Avtomobili oğurlamaqda şübhəli bilinən V.Quliyev Abşeron Dövlət Yol Polis Şöbəsinin 99-YP-102 dövlət nişanlı avtomobilində xidmət aparan Əli Cavadov və Qalib Mirzəyev tərəfindən saxlanılıb. Saxlanan şəxs yol polisləri tərəfindən Post Patrul Xidmətinə təhvil verilib.
Faktla bağlı Saray Polis Şöbəsində araşdırma aparılır.

Rusiyanın Ukraynaya təcavüzü hücumu edir. Dünya ayaq üstə ikən “Wall Street Journal” diqqətləri çox cəlb edəcək bir xəbər yayıb.. Məlumata görə, ABŞ rəsmiləri Amerikanın F-16 qırıcıları müqabilində Polşanın Ukraynaya sovet dövründən qalma təyyarələr verməsi ilə bağlı razılaşma üzərində işləyir.

Razılaşma əldə olunarsa, ABŞ-ın Polşaya müəyyən sayda F-16 verəcəyi, Polşanın isə bu təyyarələr müqabilində Kiyevə sovet dövründən qalma döyüş təyyarələri göndərəcəyi nəzərdə tutulur.

Ukraynaya Rusiyanın hücumuna cavab vermək üçün bu yaxınlarda ABŞ rəsmiləri bildiriblər ki, Birləşmiş Ştatlar Polşanın Amerika F-16 qırıcıları müqabilində Ukraynaya Sovet dövründən qalma təyyarələr göndərməsi ilə bağlı razılaşmanı araşdırır.
ABŞ rəsmiləri sazişin Ağ Evin təsdiqini tələb edəcəyini bildiriblər.

Mümkün razılaşmalardan biri Ukrayna prezidenti Zelenskinin ABŞ-ı daha ölümcül hərbi yardım, xüsusən də ukraynalı pilotların uça biləcəyi Rusiya istehsalı olan qırıcı təyyarələr almağa çağırmasından sonra baş verib.