Fövqəladə Hallar Nazirliyinin (FHN) "112" qaynar telefon xəttinə Bakı şəhərinin Sabunçu rayonunda, su kanalında aşkarlanan 1 nəfərin meyitinin götürülməsinə köməklik göstərilməsi üçün müraciət daxil olub.

FHN-dən Zamantv.az-a verilən məlumata görə, müraciətlə əlaqədar nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin müvafiq xilasetmə qüvvələri göstərilən ünvana cəlb olunub.

Görülən tədbirlər nəticəsində 1969-cu il təvəllüdlü Mehdiyev Məhəmməd Nəriman oğlunun meyiti kanaldan çıxarılıb və aidiyyəti üzrə təhvil verilib.

Rusiyanın Ukraynaya müdaxiləsinin Putinin istədiyi kimi getmədiyi ilə bağlı bəyanatlar günü-gündən artır. Əvvəllər Rusiyada səfir olan ABŞ Müdafiə Mərkəzi Kəşfiyyat İdarəsinin (MKİ) direktoru Skott Berrier “Putin tezliklə hərbi qələbə qazanacağını düşünürdü” deyərək Rusiya liderinin səhv hesablamalarını açıqlayıb.

Skott Berrier Ukraynaya hücumda həyatını itirən Rusiya əsgərlərinin sayının 2-4 min arasında olduğunu açıqlayıb.

Rusiya tərəfi yaxın günlərdə bu rəqəmin 500 civarında olduğunu bildirsə də, Kiyev administrasiyası itkilərin 12 minə çatdığını bəyan edib.
ABŞ-ın gümanının kəşfiyyat və açıq mənbə hesabatlarına əsaslandığını bildirən Mərkəzi Kəşfiyyat İdarəsinin direktoru Uilyam Berrier isə "Planları çox pis idi" deyib.

Eyni zamanda, MKİ rəhbəri çox tənqidi açıqlamalar verib.

Uilyam Berns Rusiyanın Ukraynaya müdaxiləsinin Vladimir Putinin ümidlərini doğrultmadığını və Rusiya liderinin hərbi əməliyyatları gücləndirmə ehtimalının olduğunu vurğulayıb. Berns Rusiya liderinin səhvlərini belə sıralayıb:

Putin Ukraynanın zəif olduğunu güman edirdi, Avropanın diqqətinin yayındırıldığına və sərt reaksiya verməyəcəyinə inanırdı. O, Rusiya iqtisadiyyatının sanksiyalara tab gətirməyə hazır olduğunu düşünür və Rusiya ordusunun modernləşdirildiyinə də inanırdı.

2005-2008-ci illərdə ABŞ-ın Rusiyadakı səfiri vəzifəsində çalışmış Berns, "Onun hər şeyə görə səhv olduğu sübuta yetirilib" deyib.

“Qəzəblidir və məyus durumdadır”

Berns Nümayəndələr Palatasının Kəşfiyyat Komitəsi qarşısında deyib: “Məncə, Putin hazırda qəzəblidir və məyusdur”.

Berns əlavə edib: “O, yəqin ki, hücumları ikiqat artırmağa və mülki itkilərdən asılı olmayaraq Ukrayna ordusunu darmadağın etməyə çalışacaq. Onun hərbi planları və fərziyyələri baş verənlərin əksinə olaraq sürətli və qəti qələbəyə əsaslanırdı”.

Baş Prokuror yanında Korrupsiyaya qarşı Mübarizə Baş İdarəsi tərəfindən Göyçay Rayon İcra Hakimiyyətində yoxlamalar davam etdirilir.

Zamantv.az APA-ya istinadən xəbər verir ki, bir müddət əvvəl rayon icra hakimiyyətinin başçısı vəzifəsindən azad edilmiş Mehdi Səlimzadə artıq iş üzrə dindirilib.

Bundan başqa, icra hakimiyyətinin bəzi vəzifəli şəxslərinin də ifadələri alınıb.
Araşdırmalar davam etdirilir.

Qeyd edək ki, Baş Prokuror yanında Korrupsiyaya qarşı Mübarizə Baş İdarəsi tərəfindən Göyçay Rayon İcra Hakimiyyətində yoxlamalar bir müddət əvvəl başlanılıb.

Azərbaycan Respublikasının Prezidenti İlham Əliyev martın 10-da Ankarada Türkiyə Respublikasının Prezidenti Rəcəb Tayyib Ərdoğanla görüşüb.

Zamantv.az xəbər verir ki, Türkiyə Prezidenti Rəcəb Tayyib Ərdoğan Çankaya Köşkündə dövlətimizin başçısını qarşıladı.

Prezidentlər birgə foto çəkdirdilər.
Görüşdə Şuşa Bəyannaməsinin imzalanması və bu sənədin hər iki ölkənin parlamentində təsdiqlənməsi ilə Azərbaycan-Türkiyə qardaşlıq və dostluq münasibətlərinin müttəfiqlik əsasında daha da inkişaf etdiyi vurğulandı. Postmünaqişə dövründə Azərbaycan ilə Ermənistan arasında əlaqələrin normallaşdırılmasının perspektivləri ətrafında fikir mübadiləsi aparıldı. Həmçinin Zəngəzur dəhlizinin açılmasının, onun region üçün yaratdığı perspektivlərin, bu xüsusda Qars-Naxçıvan dəmir yolu xəttinin çəkilməsinin əhəmiyyəti qeyd olundu.

Söhbət zamanı 2020-ci il noyabrın 10-da imzalanmış üçtərəfli Bəyanatda təsbit olunmuş bütün müddəaların Ermənistan tərəfindən icrasının vacibliyi qeyd edildi, Türkiyə və Ermənistan nümayəndə heyətlərinin təmasları mövzusunda müzakirə aparıldı.

Görüşdə Azərbaycan ilə Türkiyə arasında enerji sahəsində əməkdaşlığa toxunuldu, bu xüsusda Cənub Qaz Dəhlizinin uğurla fəaliyyət göstərdiyi qeyd olundu, bu dəhliz vasitəsilə qardaş ölkəyə və Türkiyə ərazisindən keçərək Avropaya qaz təchizatının artırılması imkanları müzakirə edildi, həmçinin İğdır-Naxçıvan qaz xəttinin çəkilməsi və bununla bağlı Azərbaycanın dövlət büdcəsində investisiyanın nəzərdə tutulduğu vurğulandı.

Söhbət əsnasında iqtisadi-ticarət əlaqələrinin daha da genişləndirilməsi barədə fikir mübadiləsi aparıldı.

Hərbi, hərbi texniki, o cümlədən hərbi təlim və tədris sahələrində əməkdaşlığın uğurla davam etdirildiyi bildirildi, qarşılıqlı maraq doğuran digər məsələlər müzakirə olundu.

Görüşdə Ukraynadakı hadisələrlə bağlı fikir mübadiləsi aparıldı, Türkiyə və Azərbaycanın, eyni zamanda, Prezident Rəcəb Tayyib Ərdoğanın müharibənin tezliklə dayandırılması istiqamətindəki şəxsi səyləri yüksək qiymətləndirildi.

Sonda Azərbaycan-Türkiyə müttəfiqlik əlaqələrinin inkişafından bir daha məmnunluq ifadə olundu və Prezident İlham Əliyev Türkiyə Prezidenti Rəcəb Tayyib Ərdoğanı Azərbaycana səfərə dəvət etdi.

Martın 10-da Ankarada Azərbaycan Respublikasının Prezidenti İlham Əliyev ilə Türkiyə Respublikasının Prezidenti Rəcəb Tayyib Ərdoğan arasında görüş keçiril

Martın 10-da Ankarada Azərbaycan Respublikasının Prezidenti İlham Əliyev ilə Türkiyə Respublikasının Prezidenti Rəcəb Tayyib Ərdoğan arasında görüş başlayıb.

Zamantv.az xəbər verir ki, Türkiyə Prezidenti Rəcəb Tayyib Ərdoğan Çankaya Köşkündə Azərbaycan dövlətinin başçısını qarşılayıb.

Prezidentlər birgə foto çəkdirdilər.

Martın 10-u saat 09:50-dən 17:10-dək Rusiya sülhməramlılarının müvəqqəti yerləşdiyi Azərbaycan ərazisindəki qanunsuz erməni silahlı dəstəsinin üzvləri tərəfindən ordumuzun Ağdam, Xocavənd və Füzuli rayonları istiqamətlərində yerləşən mövqeləri müxtəlif çaplı atıcı silahlardan istifadə edilməklə fasilələrlə atəşə tutulub.

Bu barədə Azərbaycan Müdafiə Nazirliyindən məlumat verilib.

Bölmələrimiz tərəfindən qeyd olunan istiqamətlərdə adekvat cavab tədbirləri görülüb.
Azərbaycan Ordusunun sıralarında şəxsi heyət və texnika baxımından itki yoxdur.

Hazırda bu istiqamətlərdə vəziyyət sabitdir, əməliyyat şəraiti bölmələrimizin tam nəzarəti altındadır.

Antalya Diplomatik Forumu çərçivəsində Rusiyanın xarici işlər naziri Sergey Lavrov və Ukraynanın xarici işlər naziri Dmitri Kuleba arasında keçiriləcək görüş artıq başlayıb. Türkiyənin vasitəçiliyi ilə keçirilən görüşün Antalyanın məşhur “Regnum Carya” otelində təşkil olunduğu bildirilir.

Zamantv.az-ın yerli KİV-ə istinadən məlumatına görə, Türkiyənin xarici işlər naziri Mövlud Çavuşoğlunun iştirakı ilə keçirilən görüş martın 10-da Bakı vaxtı ilə saat 10.00-da başlayıb.

Antalya Diplomatiya Forumunda 15 dövlət və hökumət başçısının, 67 nazirin iştirakı təsdiqlənib. Bundan başqa, NATO və ATƏT də daxil olmaqla 44 regional və beynəlxalq təşkilat təmsilçisi müzakirələrə qatılıb.

Deputat Aydın Mirzəzadə tələbələrinə kafedə dərs keçib.

Zamantv.az xəbər verir ki, bu barədə deputat özünün sosial şəbəkə hesabında paylaşım edib. O, paylaşımına bu sözləri əlavə edib:

“Bu gün qrup ilə dərsimizi bir fincan çay arxasında kafedə başladıq. Əvvəcə oğlanların hər biri ayağa qalxaraq qızları 8 Mart bayramı münasibəti ilə təbrik etdi. Dərsimiz davam edir”.

“Ukraynada həlak olan tankçı Mərahim Məmmədzadənin meyiti hələ tapılmayıb”.

Bunu Zamantv.az-a açıqlamasında Lənkəran şəhər Nüvədi kənd Bələdiyyəsinin sədri Paşa Məmmədov bildirib.

“Mərahim Məmmədzadə 1996-cı ildə Lənkəran şəhərinin Nüvədi kəndində anadan olub. Uşaqlıqdan Rusiyada yaşayıb. O, Buryatiya Dövlət Universitetini bitirib.
Atası Elçin Məmmədzadə və Anası Gülmirə Bağırova boşanıblar. Hazırda atası kənddə yaşayır və ruhi xəstədir. Anası isə Lənkəranda qalır. İki bacısı var. Bacılarından biri 28 yaşlı Məmmədzadə Şəhanə evlidir, digər bacısı 19 yaşlı Məmmədzadə Məleykə isə Bakıda təhsil alır”.

Onun sözlərinə görə, Məmmədzadə Mərahimin əvvəlcə yaralanma xəbəri gəlib:

“Mərahimin bizə birinci yaralanma xəbəri gəldi. Sonra isə ölüm. Bizə oradan gələn məlumata görə, hələ heç onun meyiti də tapılmayıb”.

Qeyd edək ki, Mərahim Elçin oğlu Məmmədazadənin Ukraynada həlak olması ilə bağlı xəbər vermişdik.

M.Məmmədzadə Rusiya vətəndaşı olub və hərbi xidmətini də Rusiya ordusunda edib. Daha sonra isə müqavilə əsasında orduda tankçı kimi fəaliyyət göstərib. O, T-72B3 tankının komandiri olub.

Zamantv.az Lənkəran Şəhər Rayon Polis Şöbəsinin dövlət yol polisi bölməsinin əməkdaşları tərəfindən rayon ərazisində hərəkətdə olan “Vaz 21074” markalı avtomobilin sürücüsü təhlükəsizlik kəmərindən istifadə etmədiyi üçün ona “saxla” işarəsi verilib.

Daxili İşlər Nazirliyinin Mətbuat Xidmətinin Lənkəran regional qrupundan verilən məlumata görə, nəqliyyat vasitəsi saxlanıldıqdan sonra sürücü, Lənkəran şəhər sakini Əfqan Əsədullayevin narkotik vasitə qəbul etməsinə dair şübhələr yarandığından onun müvafiq tibbi müayinədən keçirilməsi təmin edilib.

Müayinənin nəticəsinə əsasən Ə.Əsədullayevin narkotik vasitədən istifadə etdiyi məlum olub.

Onun barəsində toplanmış materiallar hüquqi qiymət verilməsi üçün Lənkəran Rayon Məhkəməsinə göndərilib. Məhkəmənin qərarı ilə Ə.Əsədullayev 10 gün müddətində inzibati qaydada həbs edilib.

17 il əvvəl, martın 10-da Milli Təhlükəsizlik Nazirliyi (2016-cı ildə ləğv edilib) “Qara kəmər” adlı əməliyyat keçirdi. Bu əməliyyatla illərlə bağlı qalan adam oğurluqları və sifarişli qətlləri törədən dəstə zərərsizləşdirildi.

Rəsmi istintaq sənədlərində Hacı Məmmədovun rəhbərlik etdiyi, 2-ci həyat yoldaşı Nailə Quliyevanın da daxil olduğu qrup İlham Qədimzadə, Cavid Manafov, Ülvan Bağırov, Əhməd Məmmədov, Zeynalabdin Babayev, Oqtay Babayev, Murad Kazımov, Məcid Məmmədov Zamirə Hacıyevanın oğurlanmasında, Anar Sultanov, Yaruxom İliyevin oğurlanmasına cəhddə, Şirxan Albiyev, Boris Ayyubov, Ruslan Ukuşev, Dilbər Novruzova, Mehman Səmədov, Novruz İsmayılov, Azər İsmayılov, Rövşən Əliyev, Fətulla Hüseynov, Rəna Nəsibovanın qətlində təqsirli biliniblər. Oğurlanan İlham Qədimzadənin qulağı Hacı Məmmədovun şəxsi göstərişinə əsasən kəsilib və valideynlərinə göndərilib.

Cəmiyyətdə çox ciddi rezonans doğuran, MTN-nin nüfuzunu göylərə qaldıran bu əməliyyat sonradan elə onu keçirən Eldar Mahmudov tərəfindən gözdən salındı.

Sabiq nazir “Qara kəmər” əməliyyatından ambisiyalarını həyat keçirmək üçün itifadə etməyə başladı. Sonradan təsdiq olundu ki, Eldar Mahmudov “Qara kəmər”in “baş qəhrəmanı” Hacı Məmmədovdan həbsə almaq istədiyi vəzifə daşıyıcılarına qarşı maşa kimi istifadə edib.

Üzə çıxdı ki, dəstə başçısı Hacı Məmmədov ibtidai istintaq zamanı ailə üzvlərinin həyatına qəsd ola biləcəyi ilə şantaj olunub. 2-ci həyat yoldaşından olan qızına şəxsiyyət vəsiqəsinin verilməsi yasaqlanıb ki, ölkədən çıxa bilməsin. Bu haqda Hacı Məmmədova da məlumat verilməklə istədikləri ifadələri verməyəcəyi təqdirdə qızı ilə bağlı problemlər yaşayacağı deyilib. Təhdidlər bununla da bitməyib. Hacı Məmmədovun bacısı oğlunun, bacısının həyat yoldaşının da ömürlük həbsə göndəriləcəkləri ona bildirilib. Bu yolla ondan dəstə üzvləri tərəfindən törədilən cinayətlərlə bağlı MTN rəhbərliyinin maraqlarına uyğun ifadə verməsi istənilib. Hacı Məmmədovun tələblə razılaşmaqdan başqa yolu qalmayıb.

Beləcə, Hacı Məmmədovdan rəisi olmuş general Zakir Nəsirovun əleyhinə doğruluğuna böyük şübhələr olan ifadələr alınıb. Zakir Nəsirovun özü də həbsindən sonra təhdidlərlə üzləşib. Rəhbərliyi barəsində ondan tələb olunan şəkildə ifadə verməyəcəyi təqdirdə ömürlük həbsə göndəriləcəyi deyilib. General hələ məhkəmədə çıxışında da bildirirdi ki, keçmiş milli təhlükəsizlik naziri Eldar Mahmudov daxili işlər naziri Ramil Usubovun əleyhinə ifadə almaq üçün onu həbs etdirib. Lakin tələb olunan ifadəni vermədiyinə görə əvvəlcədən də xəbərdarlıq edildiyi kimi, ömürlük həbslə cəzalandırılıb. Hacı Məmmədov məhkəməsində “Monitor” jurnalının baş redaktoru Elmar Hüseynovun qətlini öz üzərinə götürdü və sifarişçi kimi vaxtilə iqtisadi inkişaf naziri olmuş Fərhad Əliyevi göstərdi. İfadə səsləndirildiyi andan doğruluğuna şübhələr vardı və bu gün də həmin ifadənin araşdırlıb-araşdırlmadığı bilinmir. Qeyri-ciddi ifadələri ilə yadda qalan Hacı Məmmədov bununla belə məhkəməsində danışmağa, həqiqətin üzə çıxmasına yönəlik ifadələr verməyə ara-sıra cəhdlər göstərirdi. Amma son nəticədə Hacı Məmmədov danışmaqdan çəkindirildi.

Hamı gec-tez Hacı Məmmədovun bildiklərini, ən azından bir qismini deyəcəyini gözləyirdi. Eldar Mahmudov vəzifəsindən çıxarılandan sonra bu gözləntilərin doğrulması üçün real şərait yarandı. 2015-ci ilin dekabrında Hacı Məmmədov öz təşəbbüsü ilə Ali Məhkəməyə ərizə ilə müraciət etdi. Ali Məhkəmənin sədri Ramiz Rzayev onun ərizəsində göstərdiyi yeni halların araşdırılmasının mümkünlüyünü yoxlamaq üçün hakimlərdən birinə tapşırdı. Bu gün həmin hakimin adı açıqlanmır. Belə ehtimal vardı ki, ərizənin araşdırılmasında Hacı Məmmədovun dəstəsinin işi üzrə hökm çıxarmış hakimin özündən - Əli Seyfəliyevdən məsləhətlər alınıb. Məsələ burasındadır ki, Əli Seyfəliyev Hacı Məmmədov və digərlərinin işi üzrə hazırda Bakı Ağır Cinayətlər Məhkəməsi adlanan, 2007-ci ildə Ağır Cinayətlərə Dair İşlər üzrə Məhkəmədə hökm oxuyan hakim olub. O zaman məhkəmə çoxsaylı faktların araşdırılmasında maraqlı olmadı.

2008-ci ildə isə Əli Seyfəliyev Ali Məhkəmənin kollegiyasının üzvü təyin edilib. “Qara kəmər” işi üzrə məhkəmənin gedişatından xəbəri olanlar Əli Seyfəliyevin Ali Məhkəməyə hakim təyinatını onun qanunları kənara qoyub verilən göstərişləri yerinə yetirməsinin qarşılığı kimi qiymətləndirirdilər. 2015-ci ildə Ali Məhkəməyə Hacı Məmmədovun ərizəsi daxil olandan sonra araşdırılması da məhz cinayət kollegiyasına tapşırılmasına şübhə yoxdur. Həmin kollegiyanın 7 üzvündən biri Əli Seyfəliyevdir.

Məsələnin digər maraqlı tərəfi də Hacı Məmmədovun onunla bərabər həbs olunan şəxslərdən fərqli olaraq MTN-in istintaq təcridxanasında saxlanılmasıdır. Hacı Məmmədovun bacısı Arifə Məmmədova “Yeni Müsavat”a açıqlamasında demişdi ki, qardaşını Eldar Mahmudov 10 il MTN-də faktiki girov vəziyyətində saxlayıb.

Həmin yazıdan sitat:
“Arifə Məmmədovanın sözlərindən aydın olub ki, Hacı Məmmədov işin yenidən araşdırılmasını tələb edir. Buna görə də ona yeni vəkil tutulub. Arifə Məmmədova “Qabaqda proseslər var. Hacı nə bilirsə, açıb deyəcək. Tələsməyin, hər şey ortaya çıxacaq. Yenidən istintaq araşdırması olacaq” - deyə bildirmişdi.
Arifə Məmmədova qardaşı ilə görüş zamanı etdikləri söhbətlərin mövzusunu da açıqlamışdı: “Köhnə işlərdən danışdı, dedi ki, Zakir Nəsirov günahsızdır, çıxmalıdır. Onu məcbur ediblər. Vəkili gözləyir, yazıb verəcək. O istəyir ki, bütün bu məsələlər “ofisialnı” olsun. Hər şeyi açıb deyəcək”. Arifə Məmmədova qardaşının illərlə susmasının səbəbinə də aydınlıq gətirmişdi: “Necə desin? Ora yerdir? Özləri “julik”in böyüyü idilər (ləğv edilən MTN-nin keçmiş rəhbərliyini nəzərdə tutur- E.M). Hər şeyi açıb deyəcəyik. İndi ona təzyiqi kim edəcək? 10 ildir ki, oradadır... Onu bu illər ərzində təzyiq altında saxlayıblar orada. Hər şeyi bir-bir deyəcək”.

Lakin Ali Məhkəmə Hacı Məmmədovun yenidən məhkəmə keçirilməsi tələbinə yox dedi. Beləcə, baş vermiş cinayətlərin həqiqi motivi, sifarişçilərin kimlikləri, Hacı Məmmədovun dəstəsi tərəfindən törədilən, “Qara kəmər” əməliyyatından sonra açılmayan cinayətlərin barəsində açıqlama verməsinin qarşısını aldı.

Hacı Məmmədovun yaxınları vasitəsi ilə şərlədiyini açıqladığı sabiq rəisi Zakir Nəsirov bu azadlıqdadır.
2007-ci ildə Hacı Məmmədovla birlikdə ömürlük həbsə məhkum edilən Zakir Nəsirov 2017-ci ildə əfv olundu - onun ömürlük cəzası 15 illə əvəz edildi. Əfv sərəncamından dərhal sonra Zakir Nəsirov 8 saylı cəzaçəkmə müəssisəsinə köçürülmüşdü. Onun 15 illik cəzanın dörddə üçünü çəkdiyini əsas gətirərək, vaxtından əvvəl həbsdən buraxılması üçün məhkəməyə müraciət etdi. Məhkəmə də müraciəti təmin edib, Zakir Nəsirov 11 il 9 aylıq həbsdən sonra şərti azadlığa buraxılıb.

2016-cı ildə Hacı Məmmədov 11 qanunsuz olaraq saxlanıldığı MTN təcridxanasından Qobustan qapalı həbsxanasıan köçürülməsi ilə bağlı müraciətlər etdi.

Həmin il mayın 2-də onu MTN-in istintaq təcridxanasından köçürdülər. Amma ərizəsində göstərdiyi ünvana yox. Şəkər xəstəsi olan Hacı Məmmədovun səhhətindəki problemləri əsas götürüb Penitensiar Xidmətin Müalicə Müəssisəsinə köçürdülər. Oradan isə Hacı Məmmədovun meyidi çıxdı. Rəsmi məlumatda onun intihar etdiyi göstərilsə də, bu, inandırıcı görünmür.

Qeyd edək ki, Hacı Məmmədov və digərləri 2005-ci il martın 10-da MTN-in keçirdiyi “Qara kəmər” əməliyyatı zamanı həbs olunublar. 2006-cı ildən 2007-ci ilə qədər davam edən məhkəmə zamanı Hacı Məmmədov yarımçıq ifadələr verməklə, bir-birinə zidd olan fikirlər səsləndirib. Məhkəmənin keçirildiyi günlərdə mətbuatda onun həqiqəti gizlətməyə çalışdığı haqda çoxsaylı yazılar dərc olunub. Hacı Məmmədovun yarımçıq ifadələri ilə yaddaşlarda qalan məhkəmənin sonunda onun özü də daxil olmaqla, DİN-in keçmiş şöbə müdiri Kamil Sədrəddinov, nazirliyin Baş Cinayət Axtarış İdarəsinin keçmiş rəisi Zakir Nəsirov və digər 7 nəfər ömürlük həbs cəzasına məhkum ediliblər. Zamində olan 3 nəfərdən biri - İbrahim Bağırovun barəsindəki cinayət işi xitam edilib. Digər 2 nəfər - Azər Əliyev və Aqil Hüseynov isə 2 il şərti cəza alıblar. Onlar saxta sənəd hazırlamaqda, dələduzluq və sair bu kimi əməllərdə təqsirli bilinirdilər. Qalan 13 nəfərə isə 8 ildən 15 ilədək həbs cəzası verilmişdi. Məhkəmə Hacı Məmmədov və digər 26 nəfər barədə hökmü 2007-ci il yanvarın 19-da çıxarıb.
“Yeni Müsavat”