Mart ayında bayramlarla əlaqədar qeyri-iş günlərinin sayı müəyyənləşib.

Martın 8-i Beynəlxalq Qadınlar Günü, 20, 21, 22, 23, 24 mart Novruz bayramı ilə əlaqədar qeyri-iş günləridir.

Beləliklə, martda həftəsonları da daxil olmaqla 14 gün iş olmayacaq.

Bu gün əhalinin tibbi xidmət almaq hüququna, habelə tibbi xidmətlərin əlçatanlığına və keyfiyyətinin artırılmasına dövlət tərəfindən təminat verilir.Amma dövlət xəsətəxanası olan Mərkəzi Klinika Gəncə Xəstəxanasında İcbari tibbi sığortanın əsas prinsipləri pozulur.
Bu haqda Dünyanınsəsi.Az saytına Kəlbəcər rayon Zar kənd sakini Qurbanova Səmayə Məhərrəm qızı tərəfindən göndərilimiş olan video-şikayətdə qeyd edilir.
Şikayətçi bildirir ki, 28.01.2023-cü il tarixdə oğlu Əli Qurbanovun səhhətində yaranmış olan problemlə bağlı Gəncə şəhəri Rayonlararası Kardioloji Dispanserinə aparıblar.Orada aparılna müayinələr zamanı məlum olub ki, onun ürək damarlarına stent taxılmalıdır.Xəstəni göndərişlə Təcili Tibbi Yardım Xidmətinin maşını ilə Mərkəzi Klinkanın Gəncə Xəstəxanasına aprıblar.Sözügedən xəstəxanada bildirblər ki, xəstəyə stend qoyulmalıdır.Bunun üçündə xəstə sahiblərinə nə az, nə çox xəzinədarlığa 1100 manat da pul ödətdiriblər.31 yanvar xəsətəni klinkadan çıxaranda isə deyiblər ki, 7 manat da ödəməlisiniz.Belə olan halda hörmətli direktor Rövşən Veyisovdan suallarımıza cavab verməyi xahiş edirik.Bu tibb ocağını dünya standartlarına uyğun, müasir təbabətin tələblərinə cavab verən, modern avadanlıqlara təhciz edilməsində dövlət büdcəsindən MİLYONLARLA vəsait xərclənib.Bütün xidmətlər də dövlət büdcəsinin vəsaiti hesabına ödənməlidir.Onda nəyə görə dövlət xəstəxanasında məcburi köçkün ailəsi bu qədər vəsait ödəməlidir?

Bu cür hallarla hər gün sözügedən xəstəxanda yüzlərlə soydaşlarımız qarşılaşdığından hüquq mühavizə orqanlarının rəbərləri bu tibb ocağına bir əl gəzdirməsə işlər düzələsi deyil.
Redaksiya olaraq onu da qeyd etməkm istəyirik ki,bu fors-major vəziyyət araşdırılsa həm İcbari Tibbi Sığortanın dövlət büdcəsi hesabına ödəniş etdiyi həm də pasiyentdən əlavə olaraq 1100 manat alınması üzə çıxacaqdır.
Səsləndirilən iddia ilə bağlı maraqlı tərəflərin də mövqelərini dərc edə bilərik.
Pasiyentin video-şikayətini təqdim edirik: //Dünyanınsəsi.Az//

2 fevral Azərbaycanda Gənclər Günü kimi qeyd edilir. Azərbaycan müstəqillik qazandıqdan, xüsusilə də Ulu öndər Heydər Əliyevin hakimiyyətə gəlməsindən sonra respublikanın ictimai-siyasi həyatında gənclərin daha fəal iştirakı üçün şərait yaradıldı.

Tarixə nəzər salaq:

Ulu öndər Heydər Əliyev 1993-cü ildə hakimiyyətə qayıtdıqdan sonra təhsilimizin ötən əsrin 70-80-ci illərində mövcud olmuş bir çox ənənələri kimi, xarici ölkələrə tələbələrin göndərilməsi ənənəsi də davam və inkişaf etdirilməyə başlandı. Artıq 2003-cü ildə dünyanın inkişaf etmiş 40-a yaxın ölkəsində 160-a qədər ixtisas üzrə 3000-dən artıq azərbaycanlı gənc təhsil alırdı. Dövlət hesabına xaricdə təhsil alan gənclərin sosial durumu daim Ulu Öndərin diqqət mərkəzində idi. Təkcə Türkiyədə dövlət hesabına təhsil alan 700 azərbaycanlı tələbənin hər birinə təqaüd verilməsi üçün ildə 2,4 milyard manat vəsait ayrılmışdı. İstedadlı gənclərin təhsilə marağını daha da artırmaq və dəstəkləmək üçün Prezident Heydər Əliyevin ali məktəblərə qəbul imtahanlarından ən yüksək bal toplamış abituriyentlərlə şəxsən görüşüb, onlara “Prezident təqaüdü”nün verilməsi barədə qərarı dahi şəxsiyyətin təhsilə diqqətinin daha bir nümunəsidir.

Azərbaycanda gənclər forumunun keçirilməsi də gənc nəslə töhfələr verdi. Heydər Əliyevin 1995-ci ildə irəli sürdüyü təşəbbüsdən sonra 1996-cı ildən başlayaraq Azərbaycan gənclərinin forumları keçirildi.

1996-cı il fevralın 2-də keçirilən Azərbaycan Gənclərinin I Forumunda Heydər Əliyev gənclər qarşısında tarixi bir vəzifə qoydu: “Hər bir Azərbaycan gənci hər şeydən çox, hər şeydən artıq müstəqil Azərbaycanın bu günü, gələcəyi haqqında düşünməlidir”.

Yenə də həmin ildə (1996-cı il 22 iyun) Heydər Əliyev tərəfindən imzalanmış “Azərbaycanda gənc istedadlara dövlət qayğısı haqqında” Fərmana əsasən istedadlı gənclərə dövlət qayğısını təmin etmək məqsədilə Azərbaycanın gənc istedadlarının “Qızıl kitabı” və “Qızıl kitab”a adları yazılmış gənc istedadlara təqdim etmək üçün xüsusi təqaüd təsis edildi.

Ulu Öndər tərəfindən 2 fevral 1997-ci il tarixində imzalanmış Sərəncama əsasən fevralın 2-si Azərbaycan Gəncləri Günü elan edilib. Həmin vaxtdan etibarən bu gün MDB məkanında və Şərqi Avropa ölkələri arasında ilk dəfə olaraq Azərbaycanda Gənclər Günü təntənəli şəkildə qeyd edilməyə başlanıb.

Ulu öndər Heydər Əliyev 1999-cu il iyulun 29-da imzaladığı “Dövlət gənclər siyasəti haqqında” Fərmanla gənclərin inkişafı üçün daha əlverişli şərait yaradılıb. Fərmanla Azərbaycan Respublikasında dövlət gənclər siyasətinin həyata keçirilməsi ilə bağlı tədbirlər planı təsdiq edilib, Gənclər və İdman Nazirliyinin nəzdində gənclərin problemləri üzrə elmi araşdırmalar mərkəzi yaradılıb.

2002-ci il 9 aprel tarixində “Gənclər siyasəti haqqında” Azərbaycan Respublikasının Qanunu qəbul edilib. Bu qanun Azərbaycan Respublikasında gənclər siyasətinin məqsədlərini, prinsiplərini, istiqamətlərini, təşkilati-hüquqi əsaslarını müəyyən edir və bu sahədə yaranan münasibətləri tənzimləyir.

Azərbaycan gənclərinin vətənə sədaqət ruhunda tərbiyə edilməsi məsələsi də Heydər Əliyevin azərbaycançılıq ideologiyasının mühüm istiqamətlərindən biridir. O, vurğulayırdı: “Azərbaycanın dövlət müstəqilliyi daimidir, əbədidir, dönməzdir, sarsılmazdır. Hər bir gənc Azərbaycanın dövlət müstəqilliyini möhkəmləndirmək, inkişaf etdirmək, yaşatmaq üçün çalışmalıdır və öz xidmətlərini göstərməlidir.”

Prezident İlham Əliyevin gənclərin potensialının gerçəkləşməsinə, onların vətənpərvər, savadlı kadr kimi yetişməsinə, gənc ailələrin sosial təminatına yönələn tədbirləri dövlətin uzaqgörən siyasətinin göstəricisi kimi qiymətləndirilməlidir. Mütəmadi olaraq təkmilləşdirilən gənclər siyasəti gənc nəslin ictimai-siyasi həyatdakı rolunun artmasına, ölkənin aparıcı qüvvəsinə çevrilməsinə, bütövlükdə, kreativ gəncliyin formalaşmasına şərait yaradıb.

Yuxarıda qeyd etdiyimiz prosesləri davamı olaraq 2007-ci il “Gənclər ili” elan olunub. Prezident İlham Əliyevin sözügedən mühüm təşəbbüsü gənclərin ölkənin ictimai-siyasi və mədəni həyatında fəallığının daha da yüksəlməsinə səbəb olub. Sərəncamla “2007-ci ilin “Gənclər ili” elan olunmasına dair tədbirlər planı” təsdiq edilib, o cümlədən respublikanın şəhər və rayonlarında “Gənclər evi”nin yaradılması nəzərdə tutulub.

Prezident İlham Əliyev tərəfindən imzalanmış sərəncamlar əsasında reallaşan “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nın, habelə “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı”nın nəticəsində 5000-dən artıq Azərbaycan gənci dünyanın nüfuzlu ali məktəblərində təhsil almağa müvəffəq olublar. Dövlətin dəstəyi sayəsində gənclərin dünyanın 32 ölkəsinin 350-dən çox ən nüfuzlu ali təhsil müəssisəsində təhsil almaları məqsədilə ümumilikdə 3558 təqaüd verilib və bu məqsədlər üçün 200 milyon manat vəsait xərclənib. Prezident İlham Əliyev 2022-ci il 28 fevral tarixli 3163 nömrəli Sərəncamı ilə “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2026-cı illər üçün Dövlət Proqramı”nı təsdiq edib. Dövlət Proqramının icrası müddətində hər il 400 nəfərdən çox olmamaqla, ümumilikdə 2000 nəfərədək Azərbaycan Respublikası vətəndaşının xaricdə nüfuzlu ali təhsil müəssisələrində ali təhsilin bakalavriat və magistratura səviyyələrində təhsil alması təmin ediləcək.

Prezident İlham Əliyevin təşəbbüsü ilə 2011-ci il 19 dekabr tarixində Azərbaycan Respublikasının Prezidenti yanında Gənclər Fondu yaradılıb. Fondun qarşısında gənclər siyasəti ilə bağlı elm, təhsil, mədəniyyət və digər sosial sahələrə yönəlmiş ictimai və sosial əhəmiyyətli, o cümlədən beynəlxalq səviyyədə həyata keçirilən layihə və proqramları qrant şəklində maliyyələşdirmək məqsədi qoyulub. 2018-ci ildə Fond yenidən təşkil edilərək Azərbaycan Respublikasının Gənclər Fondu adlandırılıb.

Avropa gənclərin musiqi bayramı “Bakı Eurovision-2012.” Sayca 57-ci Avroviziya Mahnı Müsabiqəsi Bayraq meydanında inşa olunmuş “Baku Crystal Hall”da baş tutub.

Prezident İlham Əliyevin gənclərə dəstək yönündə verdiyi mühüm və əlamətdar qərarlardan biri də 2013-cü il 2 iyul tarixində ölkədə ilk dəfə “Gənclər üçün Prezident Mükafatı”nın təsis edilməsi oldu. Prezident Mükafatı elm, mədəniyyət, o cümlədən ədəbiyyat və incəsənət, təhsil, gənclər siyasəti və gənclərlə iş, ictimai və sosialyönümlü fəaliyyət, innovasiya və sahibkarlıq fəaliyyəti sahələrində xüsusi fərqlənən 10 nəfər gəncə ildə bir dəfə 10000 (on min) manat məbləğində verilir.

Prezident İlham Əliyev 2016-cı il 24 fevral tarixində “Gəncə şəhərinin “2016-cı il Avropa gənclər paytaxtı” seçilməsi ilə əlaqədar tədbirlər haqqında” Sərəncam imzaladı

Ölkə gənclərinin hərtərəfli inkişafına ən yüksək səviyyədə diqqət və qayğı göstərən Prezident İlham Əliyevin 2019-cu il 26 iyul tarixli Sərəncamı ilə “Yüksəliş” müsabiqəsi təsis edilib. Bu müsabiqənin əsas məqsədi intellektual səviyyəsi və idarəçilik keyfiyyətləri yüksək olan perspektiv rəhbər şəxslərin müəyyən edilməsi, dəstəklənməsi və ölkədə kadr ehtiyatı bankının yaradılmasıdır.

Gənclərin İnkişaf və Karyera Mərkəzi 2018-ci ilin noyabr ayında Azərbaycan Respublikası Gənclər Fondunun nəzdində fəaliyyətə başlayıb. Azərbaycan Respublikası Prezidenti İlham Əliyevin 2019-cu il tarixli 1 oktyabr tarixli Sərəncamına əsasən Azərbaycan Respublikasının şəhər və rayonlarında yaşayan gənc vətəndaşların dövlət gənclər siyasətinin tələblərinə, Ümummilli Lider Heydər Əliyevin dövlətçilik fəlsəfəsi və azərbaycançılıq məfkurəsinə uyğun şəkildə hərtərəfli inkişafının təmin olunması məqsədilə ölkənin şəhər və rayonlarındakı Heydər Əliyev Mərkəzlərində GİKM-in nümayəndəliklərinin yaradılması və fəaliyyətinin təmin edilməsi qərara alınıb. Respublikanın 55 şəhər və rayonunda Gənclərin İnkişaf və Karyera Mərkəzinin nümayəndəlikləri fəaliyyət göstərir.

Prezident İlham Əliyev 2019-cu il dekabrın 30-da Azərbaycan Respublikasında 2020-ci ilin “Könüllülər ili” elan edilməsi haqqında Sərəncam imzalayıb. Könüllülər hərəkatının cəmiyyətin inkişafında xüsusi əhəmiyyəti var. Bu, cəmiyyətdə xeyirxahlıq, yeni davranış qaydalarını təbliğ edir.

Tarixi missiyanı həyata keçirən bizim qəhrəman gənclərimiz tarix qarşısında, xalq qarşısında, Vətən qarısında misilsiz xidmətlər göstəriblər. Rəşadətli Azərbaycan Ordusunun sıralarındakı Vətən uğrunda mətanətlə vuruşan qəhrəman gənclərimiz öz adlarını xalqımızın ən yeni tarixinə qızıl hərflərlə yazdılar. Onların rəşadəti sayəsində əldə olunan Şanlı Zəfər ölkəmizin ərazi bütövlüyünü bərpa etdi, xalqımız otuz illik həsrətdən sonra tarixi torpaqlarımıza qovuşdu. Müstəqillik dövründə yetişən gənclər, vətənpərvərlik ruhunda yetişən gənclər bu tarixi hadisəni, tarixi müjdəni Azərbaycan xalqına bəxş etdilər.

Fevralın 2-si axşamdan 3-ü günün ikinci yarısınadək şimal-qərb küləyinin 15-18 m/s, arabir 20-23 m/s-dək güclənəcəyi, arabir yağıntılı olacağı gözlənilir.

Milli Hidrometeorologiya Xidmətindən verilən məlumata görə, Azərbaycanın rayonlarında fevralın 2-si qərb rayonlarından başlayaraq 3-ü axşamadək ölkə ərazisində hava şəraitinin qeyri-sabit keçəcəyi, arabir yağıntılı olacağı, dağlıq və dağətəyi rayonlarda qar yağacağı gözlənilir.

Ayrı-ayrı yerlərdə intensiv olacağı ehtimalı var. Qərb küləyi bəzi yerlərdə arabir güclənəcək. Dağlıq və dağətəyi rayonlarda yollar buz bağlayacaq.

Naxçıvan Ali Məclisinin keçmiş sədri Vasif Talıbova yaxınlığı ilə seçilən şəxslərin “vurulması” davam edir.

DİA.AZ bildirir ki, Hurriyyet.az-ın əldə etdiyi məlumata əsasən, bu proses Talıbovçuları əməlli-başlı qorxuya salıb. Əldə etdiyimiz bilgiyə görə, bu şəxslər arasında “SHAURMA №1” restoranlar şəbəkəsinin ortaqlarından biri olan Natiq Sadıqov da var. Bu haqda məlumat verən mənbə bildirir:

“Vasif Talıbovun vəzifədən getməsi “SHAURMA №1”-in sahibi Natiq Sadıqovu da qorxuya salıb. Belə ki, “SHAURMA №1”-də növbədənkənar yoxlamaların başlaması, vergi orqanları tərəfindən ciddi pozuntuların aşkar edilməsi, kassaların sıfırlanması, Əmək Məcəlləsinə uyğun olmayan qaydada işçilərin əmək fəaliyyətinə cəlb edilməsi və qida təhlükəsizliyi barədə dəfələrlə xəbərdarlıqların edilməsi heç də təsadüf deyil. Üstəlik, ciddi araşdırmaların başlanıldığı bir vaxtda Natiq Sadıqovun xeyli vaxtdır ölkədə görünməməsi də düşündürücüdür. Bütün bunlardan belə nəticəyə gəlmək olar ki, Vasif Talıbovun himayə etdiyi “dəstələr”dən birinin üzvü olma ehtimalı ilə “SHAURMA №1” restoranlar şəbəkəsinin sahibi Natiq Sadıqov “vurulma” siyahısında olan nişanlardan birinə çevrilib. Görünür, bu səbəbdən və “SHAURMA №1” restoranlar şəbəkəsinin üzərində “qara buludların sıxlaşması” qorxusu ilə Natıq Sadıqov ölkəni tərk etmək məcburiyyətində qalıb”.

Mənbə onu da deyir ki, Naxçıvan Dövlət Universitetinin prorektoru Seymur Talıbovun tutduğu postdan könüllü şəkildə imtina etməsi, Vasif Talıbovun Naxçıvan prokurorunun müavini olan qardaşı Məhərrəm Talıbovun sərəncama göndərilməsi, Vasif Talıbovun qızı Baharxanım Talıbovanın “Naxçıvanbank” ASC-nin Müşahidə Şurasındakı üzvlükdən çıxarılması, Binəqədi Rayon İcra Hakimiyyətinin başçısı Xaləddin İsgəndərovun özünün birinci müavini, Vasif Talıbovun qohumu Qəzənfər Novruzovu tutduğu vəzifədən azad etməsi gündəmi zəbt etməklə yanaşı, bu prosesin davamlı olacağına işarədir.

Bütün bunlardan əlavə, “SHAURMA №1”-in şəriklərindən olan Aqil Babayevin son məhkəmə proseslərində “zərərçəkmişlər”in çaşqınlıqları, hakimin və vəkillərin suallarına cavab verə bilməməəri, qorxu içində olduqları, hətta aralarından 2-3 nəfərin mətbuata məhkəmə prosesi ilə bağlı məlumat verərək, lakin adlarının gizli qalmaqlarını istəmələri Natiq Sadıqovun və şəriklərinin çətin vəziyyətdə olduqlarını göstərir. Son məhkəmələrdən aydın olur ki, Natiq Sadıqov prosesdə “zərərçəkmiş” kimi ifadə verən şəxslərdən bəzilərini hətta işə götüb.

Amma o da maraqlıdır ki, rəsmi sənədlərdə adı olmayan Natiq Sadıqov “SHAURMA №1” restoranına necə işçi götürür?
Bu gün bizi daha bir məsələ də maraqlandırır. Belə ki, Vasif Talıbovun vəzifədən getməsi nəticəsində “zərərçəkmişlər” son günlərədək əməkdaşımızın məhkəmədə iştirakına qarşı çıxdıqları halda, indi özləri bizlərlə əlaqə saxlayır, məhkəmədə baş verənlər haqda məlumat verirlər. Sizcə, qəribə deyilmi?!

Redaksiyadan: Mövzuda adları çəkilən şəxslərin mövqeyini dərc etməyə hazırıq.

Naxçıvan sərhədindən Türkiyəyə gediş-gəlişə qoyulmuş qadağa ləğv edilib.

“Qafqazinfo”nun əldə etdiyi məlumata görə, bu gündən etibarən Naxçıvan Muxtar Respublikasında yerləşən Sədərək Gömrük Sərhəd-Buraxılış Məntəqəsindən şəxsi avtomobillərin keçidinə icazə verilib. Lakin qeyd edilib ki, sərhədi keçmək istəyənlər yalnız Naxçıvan MR qeydiyyatındakı şəxslər olmalıdır. Onlar minik avtomobilləri ilə sərhədi keçə, eləcə də geri qayıda bilərlər. Hələlik avtobusların gediş-gəlişinə qoyulan qadağa isə qüvvədə saxlanılıb.

Qeyd edək ki, koronavirus pandemiyası zamanı Azərbaycanın quru sərhədləri bütün qonşu ölkələr üçün bağlansa da, Naxçıvan MR-dən Türkiyə və İrana gediş-gəlişə icazə verilirdi. Lakin 2022-ci il iyulun 1-dən etibarən yük maşınları istisna olmaqla Naxçıvan sərhədi də qonşu ölkələr üçün bağlanmışdı.

Bir müddətdir mediada Naxçıvanın keçmiş Daxili İşlər naziri general-leytenant Fazil Ələkbərovun həbs olunması ilə bağlı xəbərlər yayılıb. Onun əvvəlcə Naxçıvanda baş verən qanunsuzluqlar səbəbindən istintaqa cəlb olunduğu, daha sonra isə həbs olunduğu qeyd edilib.

DİA.AZ bildirir ki, Manset.az dəfələrlə Fazil Ələkbərova zəng etsə də, o telefona cavab verməyib. Daha sonra Manset.az onun bacısı oğlu və ən yaxın adamı sayılan keçmiş Naxçıvan MR Şahbuz Rayon Polis şöbəsinin rəisi polis polkovniki Elnur İsmayılovla əlaqə saxlayıb. O açıqlamasında yayılan xəbərin doğru olmadığını bildirib.

"Elə bir məlumat yoxdur. İstintaqa dəvət olunmuşdu, həbs olunmayıb. Mən bu məsələlərə qarışmaq istəmirəm. Onu deyə bilərəm ki, Fazil müəllim evində oturub."

Qeyd edək ki, Fazil Ələkbərov Naxçıvan MR Ali Məclisinin keçmiş sədri Vasif Talıbovun qudasıdır. F. Ələkbərov, eyni zamanda, Cəlilabad Rayon İcra Hakimiyyətinin başçısı Rafiq Cəlilovla da qudadır.

Rusiyanın ən zəngin biznesmenlərinin sərvəti cari ilin əvvəlindən 16,1 milyard dollar artıb.

Bu barədə məlumatı “Bloomberg” agentliyi yayıb.

“Bloomberg Billionaires Index”ə (Milyonerlər indeksi) əsasən, “Lukoil” şirkətinin eks-prezidenti, Azərbaycanəsilli biznesmen Vahid Ələkbərov ilin əvvəlindən 2,5 milyard dollar qazanıb və sərvəti 17,9 milyard dollara qədər artıb.

“Severstal” şirkətinin direktorlar şurasının sədri Aleksey Mordaşovun sərvəti isə 1,54 milyard dollar artaraq 20,2 milyard dollara çatıb.

İlin əvvəlindən “Novatek”in rəhbəri Leonid Mixelson isə 1,12 milyard dollar qazanaraq sərvətini 12,7 milyard dollara çatdırıb.

Xatırladaq ki, “Bloomberg” agentliyinin 2022-ci ilin avqustunda yaydığı məlumatda Vahid Ələkbərovun ilin əvvəlindən 3,92 milyard dollar itirdiyi və sərvətinin 17,8 milyard dollar təşkil etdiyi bildirilirdi.

“Veysəloğlu” şirkətlər qrupunun rəhbəri Aydın Talıbovun əməlləri, ona məxsus “Araz”, “Oba” marketlərində baş verənlərlə bağlı ölkə mediasında az qala bir dastanlıq yazılar dərc olunub. Ona görə də çox təkrarçılığa varmaq istəmirik. Və Aydın Talıbov məsələsinə bu dəfə başqa bir prizmadan yanaşmaq istəyirik.
İlk öncə ondan başlayaq ki, Texniki Universiteti bitirmiş, sıradan biri olan, “maaşla dolana bilmirdim, ona görə biznesə gəldim” deyən Aydın Talıbov böyük bir şəbəkəyə sahibdir. Bəli, bu şəbəkənin 145 marketi, 9 mindən artıq əməkdaşı var.
Təsəvvür edirsiniz, bu az qala böyük bir ticarət nazirliyi deməkdir. Qısa bir zamanda Veysəl müəllimin oğlu bu boyda əmlakı necə əldə edə bilərdi..? Ümumiyyətlə, dünyada ticarət biznesi, sənaye biznesi, turizm biznesi və s var. Və bu sahələrdə qazanılan pulların miqdarı, faizi elm tərəfindən ciddi öyrənilib. Və bunu sübut eləmək 2 x 2 = 4 kimi sadədir.
Bəli, konkret olaraq onu deyə bilərik ki, bu boyda biznes imperiyasının arxasında məmur, özü də elə-belə məmur yox ee...ZIRI MƏMUR dayanmasa, yüz dənə Aydın Talıbov olsa da bu boyda biznes şəbəkəsini qurmaq mümkün olan deyil. Biz bir media olaraq 9 ay əvvəl əbəs yerə yazmadıq ki, “Veysəloğlu”nun “paket”i əlindən alınıb...
Biz bu sözü havaya atmırdıq. Biz məntiqlə müəyyən etmişdik ki, bu boyda biznes şəbəkəsinin əsl sahibi var. Bəli, 9 ay öncə heç Vasif Talıbovun adını çəkən də yox idi, hətta bu gün onunla bağlı baş verənlər kiminsə ağlına yox e, heç yuxusuna da gəlməzdi. Amma biz bir media olaraq məntiq və qanunauyğunluq və Azərbaycan reallığını az-çox bilən kimi, bu nəticəyə gəlmişdik. İndi bu gün çoxları yaza bilər ki, Aydın Talıbovun biznes şəbəkəsinin əsl sahibi Naxçıvan Muxtar Respublikasının sabiq rəhbəri Vasif Talıbov olub.
Bəli, biz bunu aylar öncə yazmışdıq. Əlbəttə, bu gün təkcə İsveç bankında 1 MİLYARD dollar pulu tapılan Vasif Talıbovun oğlu üçün Aydın Talıbova “krışa”lıq etmək nə böyük problem idi... Vasif Talıbov olmasaydı, Aydın Talıbov kim idi ki, Yasamal rayonunda düz yolun ortasını zəbt eləsin, öz “Araz” marketi üçün.
Biz onda yazdıq ki, Aydın Talıbov, kişi yol kəsməz, yol salar... Vasif Talıbov olmasaydı, sən işçiləri qanunsuz işlədə, onlara kağız üzərində bir cür, realda başqa maaş verə bilməzdin. Əmək Müfəttişliyi sənin şirkətini külli miqdarda cərimə edəndə canını qurtara bilməzdin. Vasif Talıbov olmasaydı, Aydın Talıbov Vergilər Nazirliyi yanında Bakı şəhəri Lokal Gəlirlər Departamentinin əməkdaşları tərəfindən “Veysəloğlu” Şirkətlər Qrupuna qarşı 2 milyon sanksiyadan necə qaça bilərdi..?
Vasif Talıbov olmasaydı... İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti "Veysəloğlu” MMC barədə antiinhisar qanunvericiliyini pozma əlamətləri üzrə iş qaldırmışdı.
Məlumatda deyilirdi ki, ötən il dünyada baş vermiş qlobal qiymət artımı fonunda ölkəmizdə bir sıra ərzaq məhsullarının qiymətində dəyişiklik müşahidə edilir. Qiymət manipulyasiyalarının qarşısının alınması üçün Dövlət Xidməti bazarda antiinhisar qanunvericiliyinin tələblərinə əməl olunmasına nəzarət məqsədilə araşdırmalara başlayıb, yerli idxalçı müəssisələrə zəruri sənəd və məlumatların təqdim olunmasına dair sorğular göndərib. Sorğulara əksər təsərrüfat subyektləri tərəfindən vaxtında cavab verilməsinə baxmayaraq, “Veysəloğlu” heç bir sənəd və məlumat təqdim etməyib. Bununla bağlı şirkət barədə antiinhisar qanunvericiliyinin pozulması əlamətləri üzrə iş qaldırılıb. İşə baxılması nəticəsindən asılı olaraq, təsərrüfat subyekti barədə qanunauyğun tədbir görüləcək. Nə oldu, nə baş verdi..?
Əlbəttə, Vasif Talıbovun tapşırığından sonra hər şey öz yoluna düşdü. Bu tip sualların sayını kifayət qədər artıra bilərik. Bəli, dəfələrlə yazmışdıq ki, xaricdən dəvət etdiyin əcnəbi revizorlara 20-30 min manat maaş verirsən, bizim millətin nümayəndələrinə 300-400 manat... Biz sənə yazanda ki, marketlərində satılan ərzaqlar insanları zəhərləyir, onların sağlamlığına ziyan vurur... Daha Vasif Talıbov yoxdur, Aydın Talıbov Özün nəticə çıxart və işinə bax.
P.S. Deyirlər, Vasif Talıbovun qohumu olan bir prokuror ilə də şərik imişsən. //gundelik-baku.com//

Teref.az yazır ki, Azərbaycan Dövlət Aqrar Universitetinin bir qrup professor müəllim heyəti adından redaksiyamıza Prezidentə müraciət daxil olub.
Müraciətdə ADAU-də baş verən özbaşınalıqlar və daha artıqları ilə bağlı ilginc faktlar açıqlanır. Teref.az olaraq çikayəti təqdim edirik:

Cənab Prezident, ADAU-da aparıcı vəzifələri qəsb etmiş məlum bir qrup şəxs əsas qanunları və dövlətin təhsil strategiyasını ayaqlar altına sərərək qanuna zidd əməllərlə məşğuldur. Bu şəxslər aqrar mütəxəssis hazırlığında elmi potensiala gerilikçi davranışları ilə maliyyə və inzibati maxinasiyalara qorxmadan imza atırlar.
Son dövrlərdə mətbuada gedən silsilə şikayət və müraciətlərdən aydındır ki, Azərbaycan Dövlət Aqrar Universitetində rüşvətxorluq, özbaşınlaıqlar və anarxiya baş alıb gedir.
Biz bu barədə dəfələrlə müraciət etmişik, kütləvi informasiya vasitələrində həyəcan təbili çalmışıq. Lakin kənd təsərrüfatı nazirliyi, eləcə də universitet rəhbərliyi tərəfindən heç bir tədbir görülmədi. Nəticədə bu gün həmin rüşvətxorlardan biri Baytarlıq fakültəsinin dekanı, professor Famil Nəsibov universitetdə korrupsiyaya qarşı aparılan əməliyyatlar çərçivəsində həbs olundu. Famil Nəsibov əslən göyçəlidir. Xaçmaz Rayon İcra Başçısı Elnur Rzayevlə dayıoğlu, bibioğludur. Elnur Rzayevin digər qardaşı Bayandur Rzayev Azərbaycan Respublikasının Kənd Təsərrüfatı Nazirliyi yanında Dövlət Baytarlıq Nəzarəti Xidməti rəisidir. Bütün bu göyçəliləri İnam Kərimov ətrafına yığıb. Famil Nəsibov həm də ADAU-nun yeni rektor əvəzi Zəfər Qurbanovun yaxınıdır.
Dəfələrlə mətbuatda "Aqrar iqtisadiyyat" fakültəsinin dekanı Asəf Hacıyevin, "Baytarlıq təbabəti və zoomühəndislik" fakültəsinin dekanı Famil Nəsibovun, "Maliyyə və iqtisadi nəzəriyyə" kafedrasının müdiri, professor Məhərrəm Hüseynovun, “Kənd təsərrüfatı texnikası” kafedrasının müdiri Aydın İsayevin, “Yerüstü nəqliyyat vasitələri və texniki servis” kafedrasının sabiq müdiri Ayaz Həsənovun, "Aqronomluq" fakültəsinin dekanı Məhərrəm İsmayılovun, “Kənd təsərrüfatı texnikası” kafedrasının sabiq müdiri Nazim Nadirovun, "Ekologiya" kafedrasının müdiri Musa Bayramovun cinayətləri və korrupsiya əməlləri haqqında geniş yazılar getmişdir. Universitet rəhbərliyi bunlarla bağlı tədbir görmədiyinə görə daxil olan şikayətlər əsasında universitetdə korrupsiya ilə bağlı əməliyyat keçirilmişdir. Nəticədə adları çəkilən əməkdaşlardan Famil Nəsibov bu gün saxlanılmışdır. Amma biz xahiş edirik ki, adları yuxarıda qeyd olunan yoldaşların da fəaliyyəti yoxlanılsın, onların da korrupsiya əməlləri ifşa olunsun. Bu şəxslər elmdən uzaq olmalarına baxmayaraq rüşvətxorluqla geniş şəkildə məşğul olurlar.
Nazim Nadirov universitetdə kafedra müdiri işlədiyi dövrdə maşın trakor parkını tamamilə satıb dağıtdı. Tələbələrdən külli miqdarda rüşvət yığdı. Rektor əvəzi Zəfər Qurbanovun yanında iclas zamanı öz kafedra yoldaşı, professor Qurban Əliyev bu şəxsi elmdən bixəbər,alverçi və rüşvətxor kimi xarakterizə etdi. Bu adam İnam Kərimov tərəfindən göyçəli olduğu üçün Aqromexanika Elmi Tədqiqat İnstitutuna direktor təyin olunmaq üzrədir. Digər tərəfdən Nazim Nadirov keçmiş icra başçısı Elmar Vəliyevin də qohumudur. Belə ki, Nazim Nadirovun bibisi Hərbi Prokuror Xanlar Vəliyevin həyat yoldaşıdır.
Cənab Prezident! Bu gün Azərbaycan Dövlət Aqrar Universiteti demək olar ki, idarə edilmir. Bütün özbaşınalıqların başında duran və bunlara rəvac verən Universitetin aqrar sahədən tam xəbərsiz olan rəhbərliyidir. Bunların yəni, rektor əvəzi Zəfər Qurbanovun, tədris işləri üzrə prorektor Əhməd Məlikovun, elmi işlər üzrə prorektor Azad İbrahimovun başı rektorluq uğrunda savaşa qarışıb. Klanlar arasında mübarizə gedir. Bu mübarizədə İnam Kərimov Zəfər Qurbanovu, Mikayıl Cabbarov isə Əhməd Məlikovu dəstəkləyir. Zəfər Qurbanov isə hər vasitə ilə Əhməd Məlikovu aşağılamağa çalışır. Belə ki, o tədris işləri üzrə prorektor olsa da tədris işləri ilə Azad İbrahimov məşğuldur. Əhməd Məlikova isə bir otaq veriblər. Həmin otaqda yazılı imtahanda tələbələrin bileti ilə yazdığı sualları araşdırır ki, görək tələbə imtahanda öz sualını, yoxsa başqa sualı yazıb.
Bu şəxslərə, eləcə də onlarn himayədarlarına çatmır ki, kimin rektor təyin olunması haqqında fərmanı ölkə Prezidenti verir.
Cənab Prezident! Xahiş edirik, kollektivin xahişini nəzərə alaraq təcili tədbir görəsiniz. Sizə inanırıq və böyük ümidlə nəticə gözləyirik.
Teref.az olaraq məqalədə toxunulan iddialarla bağlı qarşı tərəfin mövqeyini dərc etməyə hazırıq
Teref.az