Novxanı şossesində gül almaq istəyən qadının maşını oğurlanıb.

Zamantv.az APA-ya istinadla xəbər verir ki, hadisə Binəqədi-Novxanı şossesində qeydə alınıb.

Məmmədova Könül Zakir qızı gül almaq üçün Novxanı qəsəbəsində “Mitsubishi” markalı nəqliyyat vasitəsindən enib. Bu zaman həmin ərazidə olan Quliyev Vidadi Aydın oğlu avtomobilin qapılarının açıq olduğunu görüb və dərhal nəqliyyat vasitəsini işə salaraq ordan uzaqlaşıb. V.Quliyev qaçırdığı avtomobili Binəqədi Novxanı şossesində bir neçə maşına çırpıb. Avtomobil yanmağa başlayıb. Əraziyə FHN-nin DYMX-nin əməkdaşları cəlb edilib. Avtomobili oğurlamaqda şübhəli bilinən V.Quliyev Abşeron Dövlət Yol Polis Şöbəsinin 99-YP-102 dövlət nişanlı avtomobilində xidmət aparan Əli Cavadov və Qalib Mirzəyev tərəfindən saxlanılıb. Saxlanan şəxs yol polisləri tərəfindən Post Patrul Xidmətinə təhvil verilib.
Faktla bağlı Saray Polis Şöbəsində araşdırma aparılır.

Rusiyanın Ukraynaya təcavüzü hücumu edir. Dünya ayaq üstə ikən “Wall Street Journal” diqqətləri çox cəlb edəcək bir xəbər yayıb.. Məlumata görə, ABŞ rəsmiləri Amerikanın F-16 qırıcıları müqabilində Polşanın Ukraynaya sovet dövründən qalma təyyarələr verməsi ilə bağlı razılaşma üzərində işləyir.

Razılaşma əldə olunarsa, ABŞ-ın Polşaya müəyyən sayda F-16 verəcəyi, Polşanın isə bu təyyarələr müqabilində Kiyevə sovet dövründən qalma döyüş təyyarələri göndərəcəyi nəzərdə tutulur.

Ukraynaya Rusiyanın hücumuna cavab vermək üçün bu yaxınlarda ABŞ rəsmiləri bildiriblər ki, Birləşmiş Ştatlar Polşanın Amerika F-16 qırıcıları müqabilində Ukraynaya Sovet dövründən qalma təyyarələr göndərməsi ilə bağlı razılaşmanı araşdırır.
ABŞ rəsmiləri sazişin Ağ Evin təsdiqini tələb edəcəyini bildiriblər.

Mümkün razılaşmalardan biri Ukrayna prezidenti Zelenskinin ABŞ-ı daha ölümcül hərbi yardım, xüsusən də ukraynalı pilotların uça biləcəyi Rusiya istehsalı olan qırıcı təyyarələr almağa çağırmasından sonra baş verib.

ABŞ-ın müdafiə nazirinin keçmiş müşaviri, istefada olan polkovnik Duqlas Makqreqor dinc əhalidən canlı qalxan kimi istifadə etdiyinə görə Ukrayna Silahlı Qüvvələrini Yaxın Şərq ekstremistləri ilə müqayisə edib.

Zamantv.az xarici mediaya istinadla bildirir ki, Makqreqorun sözlərinə görə, Ukrayna ordusunun davranışını onunla izah etmək olar ki, onun hərəkətliliyi, hava hücumundan müdafiə sistemləri və hava daldalanacağı yoxdur, bu səbəbdən onlar yaşayış məntəqələrində gizlənməli olurlar.

“Biz bunu Yaxın Şərqdə görmüşdük. Biz islamçıları məğlub edəndə onlar şəhərlərə qaçdılar, insanlardan, dinc əhalidən canlı qalxan kimi istifadə etdilər və məhv olmaqdan yayınmağa çalışdılar”, - o vurğulayıb.
Polkovnik onu da vurğulayıb ki, Rusiya ordusu, məsələn, İraqdakı ABŞ ordusundan fərqli olaraq, mümkün qədər ehtiyatlı davranır və zərəri minimuma endirməyə çalışır.

Makqreqor əmindir ki, Ukrayna Silahlı Qüvvələrinin məğlubiyyəti qaçılmazdır və Ukrayna prezidenti Vladimir Zelenski hər vasitə ilə onu gecikdirməyə çalışır.

Onun fikrincə, Rusiyanın Ukraynaya neytral status tələb etməsi tamamilə təbiidir və ABŞ-ın maraqlarına uyğundur – bu halda ölkə Moskva ilə Vaşinqton arasında bufer zonaya çevrilə bilər.

Neftçala sakini dəm qazından boğulub.

Mil-Muğan bürosunun məlumatına görə, Neftçala şəhər sakini, 1962-ci il təvəllüdlü Məmmədov Əlitürbə Soltan oğlu yaşadığı evdə dəm qazından boğularaq ölüb.

Faktla bağlı araşdırma aparılır

Rusiya Mərkəzi Bankı maliyyə sabitliyini təmin etmək üçün fiziki şəxslər tərəfindən xaricə başqa şəxslərə və ya qohumlarına aylıq 5000 ABŞ dolları məbləğindən artıq bank köçürmələrini məhdudlaşdırmaq barədə qərar verib.
Moskva müxbirinin xəbərinə görə, bu barədə Rusiya Mərkəzi Bank məlumat yayıb.

Beləliklə, fiziki şəxslər tərəfindən bank vasitəsi ilə xaricə başqa şəxslərə və ya qohumlarına ay ərzində maksimum 5000 ABŞ dollar göndərilə bilər.
Qeyd edilib ki, Rusiya Mərkəzi Bankı valyuta bazarında artan volatilliyi nəzərə alaraq, maliyyə sabitliyinin təmin edilməsinə yönəlmiş əvvəllər qəbul edilmiş qərarlara əlavə olaraq, səlahiyyətli banklara təqvim ayı ərzində fiziki şəxslər-rezidentlər tərəfindən xaricə başqa şəxslərə və ya qohumlarına aylıq 5 min dollar məbləğindən artıq bank köçürmələrinin həyata keçirilməsini məhdudlaşdırmağı tapşırır.

Məhdudiyyətlərə bank hesabı açmadan köçürmələr və ya rezident fiziki şəxslərin hesablarından köçürmələr daxildir.

Tənzimləyicinin (Mərkəzi Bankın-red ) göstərişinə əsasən qohumların siyahısına ər-arvad və ya yaxın qohumlar, valideynlər və uşaqlar, baba, nənə və nəvələr, atadan bir və ya anadan bir qardaş və bacılar daxildir.

Türkiyə Prezidenti Rəcəb Tayyib Ərdoğanla Rusiya prezidenti Vladimir Putin arasında telefon danışığı olub.

APA-nın yerli bürosunun xəbərinə görə, görüşdə Ukrayna böhranı müzakirə edilib.

R. T. Ərdoğan atəşkəsin təmin edilməsi, humanitar dəhlizlərin açılması və sülh sazişinin imzalanması üçün təcili addımların atılmasının vacibliyini vurğulayıb.
Bundan əlavə, Türkiyə Prezidenti təcili atəşkəsin bölgədəki humanitar problemləri aradan qaldırmaqla yanaşı, siyasi həll yolunun axtarışına da imkan verəcəyini bildirib.

R. T. Ərdoğan Ukrayna probleminin ən qısa zamanda sülh yolu ilə həllinə töhfə verməyə hazır olduğunu da Rusiyalı həmkarına bildirib.

Qeyd edilib ki, Türkiyə Prezidenti Rusiya Prezidentini birlikdə sülhün yolunu açmağa çağırıb.

Görüşdə Türkiyə-Rusiya münasibətləri də müzakirə olunub.

Kremlin mətbuat xidmətinin yaydığı məlumatda isə bildirilib ki, telefon danışığı zamanı Putin Ukraynada xüsusi hərbi əməliyyatın gedişi barədə məlumat verib, bu kontekstdə prinsipial yanaşmaları və qiymətləndirmələri qeyd edib, qarşıya qoyulan əsas məqsəd və vəzifələri ətraflı izah edib.

Xüsusi əməliyyatın plana uyğun və qrafikə uyğun davam etdiyi vurğulanıb. V. Putin bildirib ki, Rusiya Silahlı Qüvvələri mülki şəxslərin həyatını xilas etmək və təhlükəsizliyini təmin etmək üçün mümkün olan hər şeyi edir, dəqiq zərbələr yalnız hərbi infrastruktur obyektlərinə endirilir: "Bunun fonunda Donbası intensiv atəşə tutan və Ukraynanın şəhər və qəsəbələrində faktiki olaraq girov götürülmüş mülki şəxslərdən, o cümlədən əcnəbilərdən “insan qalxanı” kimi istifadə edən millətçi, neonasist birləşmələrinin əməlləri xüsusi qəddarlığı və amansızlığı ilə seçilir".

Rusiya tərəfinin münaqişənin həlli üçün Ukrayna hakimiyyəti və xarici tərəfdaşlarla dialoqa hazır olduğu təsdiqlənib. Eyni zamanda, Ukrayna qüvvələrinin öz qüvvələrini və vasitələrini yenidən toplamaq üçün istifadə etdiyi danışıqlar prosesini uzatmaq cəhdlərinin nəticəsizliyinə diqqət çəkilib. Bu baxımdan xüsusi əməliyyatın dayandırılmasının yalnız Kiyevin hərbi əməliyyatları dayandırması və Rusiyanın məlum tələblərini yerinə yetirməsi şərtilə mümkün olduğu vurğulanıb.

Danışıqların planlaşdırılan növbəti raundu zamanı Ukrayna nümayəndələrinin yaranan reallıqları tam nəzərə alan daha konstruktiv yanaşma nümayiş etdirəcəyinə ümid ifadə olunub.

Rusiya və Türkiyə prezidentləri iki ölkənin diplomatik və hərbi idarələri arasında əlaqələrin davam etdirilməsinin vacibliyini bəyan ediblər. Vladimir Putin Rusiya tərəfinin Türkiyə vətəndaşlarının döyüş bölgələrindən təhlükəsiz təxliyəsi üçün bütün lazımi yardımı göstərməyə hazır olduğunu təsdiqləyib.

Rəcəb Tayyib Ərdoğan Rusiya mədəniyyətinə və onun xadimlərinə qarşı bir sıra Qərb dövlətlərində geniş vüsət alan kampaniyaya tənqidi qiymət verib.

Müxtəlif səviyyələrdə sıx təmasların davam etdirilməsi razılaşdırılıb.

Azərbaycan Respublikasında koronavirus (COVID-19) infeksiyasına 374 yeni yoluxma faktı qeydə alınıb, 1029 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 18 nəfər vəfat edib.

Ölkədə son sutka ərzində 6284 test aparılıb.

Fevralın 24-də Rusiya hərbi müdaxiləsi başlayandan bəri Ukraynada 350-dən çox dinc sakin həlak olub, daha 707 nəfər yaralanıb.

Zamantv.az xarici KİV-ə istinadla bildirir ki, bu məlumatı BMT-nin İnsan Haqları üzrə Ali Komissarlığının idarəsi təqdim edib.

Ölənlər arasında 28 uşağın olduğu da qeyd edilir.
Donetsk və Luqansk vilayətlərində 471 qurban qeydə alınıb (86 ölü və 385 yaralı). O cümlədən, 355-i Ukraynanın nəzarətində olan ərazilərdə, 116-sı işğal olunmuş ərazilərdədir.

• Ukraynanın digər bölgələrində 265 nəfər ölüb, 322 nəfər yaralanıb.

İnsan Haqları Bürosunun məlumatına görə, itkilərin əksəriyyətinə partlayıcı silahlar, o cümlədən ağır artilleriya və çoxsaylı raket hücumları, həmçinin raket və hava zərbələri səbəb olub.

Ukrayna Milli Təhlükəsizlik və Müdafiə Şurası yanında Dezinformasiyaya Qarşı Mübarizə Mərkəzi Rusiya prezidenti Vladimir Putinin ətrafı arasında parçalanmanın başladığını açıqlayıb.

Zamantv.az xarici mediaya istinadla bildirir ki, mərkəzin iddiasına görə, Kremlin gücünün əsasını təşkil edən Rusiya elitasına qarşı Qərbin sanksiyaları rus oliqarxlarının Rusiyanın rəhbərinə inamını sarsıdıb.

Məlumatda o da iddia edilir ki, ümumi kapitalı 90 milyard dollar olan altı oliqarx artıq Rusiyanın Ukraynaya təcavüzünə açıq şəkildə qarşı çıxıb. Müharibə başlayandan sonrakı həftə ərzində Rusiya milyarderlərinin sərvəti təxminən 40 milyard dollar azalıb.
İddiaya görə, “Novatek”in sahibi Leonid Mixelson, “Rusala”nın qurucusu Oleq Deripaska, “Lukoyl”un sahibi Vahid Ələkbəriv, “Alfa qrup”un rəhbəri mixail Fridman və onun tərəfdaşı Petr Aven müharibənin əleyhinə bəyanat veriblər.

Ancaq ən sərt şəkildə tanınmış bankir Oleq Tinkovun çıxış etdiyi iddia edilir.

"Bu, ağlasığmaz və qəbuledilməzdir! Dövlətlər pulu müharibəyə deyil, insanların müalicəsinə xərcləməlidir", - Tinkov bildirib.

Zamantv.az:- 5 mart 2022-ci ildə Ağsuda - dağlarla əhatələnmiş «Tural» şadlıq sarayında Ağsu Yazarları Ədəbi Birliyinin və Birliyin yenicə işıq üzü görmüş Almanaxının təqdimat mərasimi keçirildi. Tədbirin aparıcısı şair Hikmət Məlikzadə iştirakçıları salamladıqdan sonra adıçəkilən birlik barədə qısa məlumat verdi, sonra sözü birliyin sədri şair Raqif Nazimoğluna verdi. Raqif müəllim tədbirə gələnlərə təşəkkür etdi və görəcəkləri işin mahiyyətini anlatdı, almanaxda şeirləri dərc olunmuş şairlər haqqında xoş fikirlər səsləndirdi.
Sonra söz ardıcıl olaraq tədbirə təşrif buyurmuş şəxslərə verildi. Tanınmış pedaqoq-şair Abbasəli Əhmədovun xeyir-dualı çıxışına satirik şair Vaqif Osman, jurnalist Xəyalə İbrahimli, qazi-şair Əmrah Məmmədov, şair Xəyal İmrə, şair Mədaxid Cavadlı, «Aşıq Pəri» Məclisinin üzvləri Minirə Dadaşqızı və Mərziyyə Sarvan, şair-tənidçi Xaqani Abbasəli Öztürk, şair Rasim Hüseynazdə, şair Əliyar Mərdiyev, şair Əlibala Ağayev, gənc şairlərdən Yusif Duman, Nicat Novruzoğlu, Teymur Valeh, Rəvan Əliyev, Zaur Baxışlı, Mirəli Miriyev öz məzmunlu çıxışları ilə dəstək oldular, söylədikləri şeirlərlə duyğulu anlara şahidlik etdilər.
Məlahətli səs sahibi Həsənağanın ifa etdiyi mahnılar, qazi Əmrahın saz havaları tədbirə əlavə rəng qatdı.
Üç saatdan çox davam edən tədbir öz möhtəşəmliyi ilə diqqət çəkdi və hər kəsdə xoş ovqat yaratdı.



Xəyalə İbrahimli
AJB -nin üzvü.