Yasamal rayonu, Nərimanov prospekti 5-də, Nəriman Nərimanovun heykəlinin yaxınlığındakı 7 mərtəbəli binanın 1-ci mərtəbəsində obyekt tikintisi zamanı çoxillik şam ağaclarına ziyan vurulub, bir çox ağaclar isə ümumiyyətlə yerindən çıxarılıb aparılıb. Hadisə Nərimanov prospektinin yamac hissəsində baş verib.

Tikintidə işləyən fəhlələrin Tribunainfo.az-ın əməkdaşına dediyinə görə təyinatı bəlli olmayan obyektə ağaclığın içindən maşın yolu açılır.

Abtomobillərin rahat gedib-gəlməsi, park edilməsi üçün 6 çoxillik şam ağacları yerindən çıxarılıb.

Fəhlələrin dediyinə görə guya həmin ağacları kəsməyiblər, kökündən çıxarıb başqa yerdə əkiblər, amma harda əkiblər məlum deyil.

Bundan başqa tikintini aparanlar 500 kvadratmetrlik yaşıllıq ərazisini məhv edərək həmin yerə beton töküblər, 200 kvadratmetrə yaxın qazon ortüyünü isə qazıb yerindən götürərək özlərinə parkovka yeri düzəldiblər. Həmçinin digər çoxillik şam ağaclarının dibinə sementlə qarışdırılmış suyu axıdıblar ki, ağaclar süni surətdə qurusun.

Hal-hazırda ərazidə qanunsuz işlər davam edir.

Tribunainfo.az-ın əməkdaşının hadisə yerindən çəkdiyi fotoları və videonu təqdim edirik.

Qarşı tərəfin və digər aidiyyatı qurumların movqeyini dərc etməyə hazırıq.

Azinforum.az xəbər verir ki, sosial şəbəkələrdə özünü Azərbaycan Dövlət Televiziyasının (AzTV) “prezident müxbiri” kimi təqdim edən şəxs peyda olub. Əslində, AzTV-nin əməkdaşı olub, sosial şəbəkələrdən aktiv istifadə etmək bir qəbahət deyil. Ancaq gərək davranışın və əxlaqın elə olsun ki, işlədiyin qurumun adına xələl gətirməyəsən.

Özünü Zöhrab Baxşəliyev kimi təqdim edən bu şəxs “Tik-Tok” sosial şəbəkəsində “Nemoy” adlı profildən istifadə edir. İş burasındadır ki, bu adamın hədəf seçərək, təhqir və təhdid etdiyi insanlar içərisində peşəkar jurnalistlər də var. Bununla o, jurnalistləri peşəkar fəaliyyətindən və əsaslı tənqidlərdən çəkindirmək məqsədini güdür. Aşağıda təqdim edəcəyimiz videodan da görünür ki, bu şəxs öz dili ilə AzTV-nin “prezident müxbir”i olduğunu bəyan edir, hətta dövlət televiziyası tərəfindən ona verildiyini iddia edən vəsiqəsini də nümayiş etdirir.

Sonra isə onun bu davranışlarına irad bildirən jurnalist Məhəmmədəli Qəriblini ağır söyüşlərlə təhqir edir, onu öldürəcəyi, deşik-deşik edəcyini bildirir. Çox maraqlıdır ki, bu adam həm də AzTV-də mühüm post tutan Rüfət Həmzəyevin də adından danışır. Sanki belə təəssürat yaranır ki, Rüfət Həmzəyevin bu adamın bütün əməllərindən xəbəri var. Bütün bunlardan sonra belə bir nəticə hasil olur. Belə bir adam həqiqətən AzTV kimi mühüm bir dövlət qurumunda çalışırsa, onda bu nə əxlaq nümunəsidir ortaya qoyur? Yox, çalışmırsa, oranın adından istifadə edirsə, onda barəsində ciddi hüquqi ölçü götürülməlidir. Hər iki halda bu məsələ ilə bağlı son sözü AzTV-nin rəhbəri Rövşən Məmmədov deməlidir. Çünki özünü “prezident müxbiri” kimi təqdim edən bu adam həm də ölkə başçısının adı ilə lazımsız şəkildə manupuliyasiya etmiş olur.

Ona bu əməlləri ilə bağlı AzTV sədri Rövşən Məmmədova şikayət edəcəyimizi deyəndən isə “mən Rövşən zad priznavat eləmirəm”,-cavabını verir.
Mövzu ilə bağlı AzTV-nin də mövqeyini dinləməyə hazırıq və ümidvarıq ki, belə biabırçılıqdan sonra bu adamla bağlı lazımi ölçü götürüləcək.
Videodan açıq şəkildə görünür ki, bu adam eyni zamanda, jurnalist Məhəmmədəli Qəriblini öldürəcəyi, deşik-deşik edəcəyi ilə hədələyir. Bu da cinayət məsuliyyəti yaradan əməldir. Ümidvarıq ki, əlaqədar hüquq-müavizə orqanları bu faktla bağlı da lazımi hüquqi ölçü götürəcək.

“Azərbaycan Televiziya və Radio Verilişləri” QSC-nin Sosial Media və İctimaiyyətlə Əlaqələr şöbəsinin rəisi, mətbuat katibi Rüfət Seyidov Azinforum.az-a açıqlamasında belə bir əməkdaşlarının olduğunu təsdiqlədi, lakin baş verən hadisədən təəssüfləndiklərini bildirdi: “Baş verən hadisə araşdırılır və mütləq lazımi ölçü götürüləcək. Qeyd etmək istəyirik ki, ləyaqətin alçaldılması və təhqir yolverilməzdir. Oxşar hadisənin təkrarlanmaması üçün intizam tədbirləri gücləndiriləcək”.

Azinforum.az

Paytaxtda yeni aeroport tikiləcək. Yeni hava limanı Ələt Azad İqtisadi Zonasında yerləşəcək.

Bu barədə AzTV süjet hazırlayıb.

Bildirilib ki, hava limanının 2026-cı ilin birinci rübünə kimi fəaliyyətə başlayacağı gözlənilir.

Hava limanının illik yükaşırma gücü ilkin mərhələdə 500 000 ton, daha sonra isə 1,5 milyon tona qədər artacağı planlaşdırılır.

Daha ətraflı videoda:

Vaxt itirmədən keçək mətləbə: “Aqrar Tədarük və Təchizat” Açıq Səhmdar Cəmiyyətin fəaliyyətini bəlkə də çoxları bilmir, o cümlədən fermerlər də. Axı fermerin vaxtı hardadır ASC-nin rəsmi saytına girib «Əsasnamə»sini oxuyub bəzi mətləblərdən hali olsun. Amma düşünürəm ki, oxumasalar yaxşıdır. Çünki oxusalar, görərlər ki, “Aqrar Tədarük və Təchizat” ASC hansı səlahiyyətlərə və dövlətin fermerlərin adına verdiyi halal pullarına, səlahiyyətlərinə və s. sahibdir, eləcə də fermerlərə arxa-dayaq durmaq vəzifəsidir, onun yetişdirdiyi məhsulun real alıcısıdır, bax onda fermerlərin başına hava gələr…

Bəs “Aqrar Tədarük və Təchizat” ASC niyə öz missiyasını həyata keçirmir?

Məlumat üçün bildirək ki, “Aqrar Tədarük və Təchizat” ASC-nin İdarə Heyətinin sədri Aqil Quliyevdir. Açığı, cənab Aqil Quliyevin barəsində rəhbəri olduğu qurumun rəsmi saytında heç bir məlumat öyrənə bilmədik. Yəni, öyrənmək istəyirdik ki, sədr sahə mütəxəssisidir, yoxsa yox?! Öyrənə bilmədik… Amma başqa məsələləri öyrəndik. Məsələn, öyrəndik ki, sən demə, “Aqrar Tədarük və Təchizat” ASC-nin əməlli-başlı missiyası varmış. Qurumun rəsmi saytında da elə belə yazılıb və biz də oxuyub təəccüb qaldıq, lakin başımıza hava gəlmədi, amma başqa çox maraqlı və zəruri fikirlər gəldi. İndi o fikirləri aidiyyəti dövlət qurumları və oxucularla bölüşməli olacağıq.

Fermerlərin bunları oxuması qadağandır!

…Çünki istəmirik ki, aşağıdakıları oxuyandan sonra fermerlərin qanı it qanına dönsün.

Beləliklə, “Aqrar Tədarük və Təchizat” ASC-nin Missiyasına nəzər yetirək:

«-Kənd təsərrüfatı məhsullarının istehsal potensialının dəyər zənciri üzrə artırılmasına nail olaraq kənd təsərrüfatı sektorunun təşviqi və

dəstəklənməsi yolu ilə ölkənin qeyri-neft sektorunun inkişafında özünəməxsus rol oynamaq;

-Dövlət vəsaitlərindən səmərəli istifadəni təmin edərək, regionlarda kənd təsərrüfatı ilə məşğul olan əhalinin sosial rifahının yaxşılaşdırılmasına zəmin yaratmaq;

-Dövlət sifarişi ilə ərzaq məhsullarının satın alınmasının mərkəzləşdirilmiş qaydada həyata keçirilməsini təmin etmək!».

Yazıq fermer, di bunu oxuyub dəlixanaya düşmə!

Bu hələ harasıdır, ASC-nin «Gələcəyə baxışımız» bölməsində isə devizi belədir:

«-İnnovativ həllər tətbiq edərək, ölkədə kənd təsərrüfatı bazarının tam təkmil səviyyəyə çatdırılmasında lokomotiv rol oynamaq;

-Azərbaycan kənd təsərrüfatı məhsullarının istehsal potensialının dəyər zənciri üzrə artırılmasında iştirak etmək;

-Fermer və qida istehsalçılarının aqrar ticarət zəncirində iştirakını təşkil etmək və dəstəkləmək;

-Kənd turizmi və ekoturizmin inkişaf etdirilməsində iştirak etmək;

-Kənd təsərrüfatı və emal sənayesi məhsullarının istehsalını, ixracını təşviq etdirmək və dəstəkləmək;

-Yerli fermer və qida istehsalçılarının məhsullarının ölkə xaricində təbliğində və müsbət reputasiyasının yaradılmasında iştirak etmək» və s.

Yeri gəlmişkən, sosial media resurslarında Elmi redaktoru Azərbaycan Kooperasiya Universitetinin elm və innovasiyalar üzrə prorekroru, iqtisad elmləri doktoru, professor, Əməkdar elm xadimi olan Bəyalı Xanalı oğlu Ataşovun, rəyçiləri Azərbaycan Dövlət İqtisad Universitetinin “İqtisadiyyat və texnoloji elmlər” kafedrasının professoru, iqtisad elmləri doktoru, Əməkdar elm xadimi Arif Şəkərəli oğlu Şəkərəliyev, Bakı Biznes Universitetini kafedra müdiri, iqtisad elmləri doktoru, professor, Əməkdar kənd təsərrüfatı işçisi İslam Hacı oğlu İbrahimov, Azərbaycan Kooperasiya Universitetinin “İqtisadiyyat” fakültəsinin dekanı, iqtisad elmləri doktoru Elşən Əli oğlu İbrahimov, müəllifi isə Nizami Cəlal oğlu Qafarov olan “Aqrar istehlak bazarının formalaşması və inkişafının iqtisadi problemləri” monoqrafiyasına rast gəldik.

Sahibkarların -fermerlərin deyil, “Aqrar Tədarük və Təchizat” ASC-nin «dilində» yazılmış monoqrafiya!

Monoqrafiya ötən il buraxılıb. Monoqrafiyada «Azərbaycanda aqrar istehlak bazarının formalaşmasının nəzəri-metodoloji aspektləri nəzərdən keçirilir, aqrar istehlak bazarının iqtisadi mexanizminin zəruriliyi əsaslandırılır, aqrar istehlak bazarının inkişafında beynəlxalq təcrübə araşdırılır, istehlak bazarının iqtisadi müayinəsinin aparılması prinsipləri və müasir üsulları müəyyənləşdirilir, aqrar istehlak bazarın inkişafı və əhalinin aqrar-ərzaq məhsulları ilə təminatı, eləcə də əsas növ aqrar-ərzaq malları üzrə ixracın təşviqi və dəstəklənməsi məsələləri tədqiq edilir…» və s.

Hətta müəllif monoqrafiyanın girişində yazır ki, «Monoqrafiya öz əhatə dairəsi, tədqiqatın dərinliyi və aktuallığı baxımından əhəmiyyətli olmaqla, aqrar sahədə və istehlak bazarında çalışan mütəxəssislər, sahibkarlar, maliyyə-bank işçiləri, eləcə də doktorant və magistrlər tərəfindən istifadə edilə bilər».

Amma düşünürük ki, başqalarını deyə bilmərik, sahibkarlar çətin bu monoqrafiyada yazıları başa düşsün. Niyə? Çünki monoqrafiya fermer-sahibkarların deyil, “Aqrar Tədarük və Təchizat” ASC-nin «dilində» yazılıb. O dili isə ASC mütəxəssislərindən başqa kimsə çətin ki başa düşsün…

Bəs fermerlərin dilini kim bilməlidir?

Dünya şöhrətli alim Xudu Məmmədov deyirdi: «Deməyin ki, daşın, quşun, heyvanın dili yoxdur… Deyin ki, daşın, quşun, heyvanın… dilini bilmirəm!».

Rəhmətlik sağ olsaydı, indi həm də deyərdi: «Deməyin ki, fermerlərin Prezidentə şikayət edən dili yoxdur… Deyin ki, onların dilini hələki başa düşən yoxdur…».

Bəli, onların dilini bilən olsaydı, məsələn, Vahid Məhərrəmov adlı müəllif ən azından «“Aqrar Tədarük və Təchizat” ASC-nin fəaliyyətində səmərəliliyinin artırılması yolları» adlı vəsait yazanda fermerlərin də dilini bilib dərdini ağlayardı… Müəllif yazır: «Bu araşdırmada dövlət müəssisə və təşkilatları tərəfindən ərzaq məhsullarının mərkəzləşdirilmiş qaydada dövlət büdcəsinin vəsaitləri hesabına satın alınmasını həyata keçirən, səhmləri dövlətə məxsus “Aqrar Tədarük və Təchizat” Açıq Səhmdar Cəmiyyətin fəaliyyəti təhlil edilib və dövlətin bu sahədə iştirakçılığının səmərəliliyinin artırılması ilə bağlı təkliflər verilib».

Hörmətli Vahid Məhərrəmov bu kitabını, deyəsən, təzəlikcə yazıb. Telefonunu tapa bilmədik zəng edib soruşaq ki, ASC-nin səmərəliliyinin artırılması yolları hamıya məlumdur, məhsulu tarlada çürüyən fermerlərə də. Bəs fermerlərin-sahibkarların fəaliyyətinin səmərəliliyinin artırılması üçün neyləmək lazımdır??? Axı onlar min zəhmətlə becərdiyi məhsulunun bəzən maya dəyərini belə geri qaytara bilmir. Bilirsimz niyə? Çünki «Əsasnaməsi»ndə fermerlərə arxa-dayaq durmalı olan ASC rəhbərliyi yuxarılara hesabat verəndə ən azından cənab Prezident İlham Əliyevin etimad və etibarını göz önünə gətirmir ki, axı, bu binəva fermeri niyə torpaqdan küsdürürük??? Və hələ də onların göz yaşlarına, probleminə, batan məhsuluna, itən ümidinə… inanmaq istəmirik!!! Niyə? Səbəbini bilmək istəyənlərə videoçəkilişləri təqdim edirik… Baxın və nəticə çıxarın…

“Aqrar Tədarük və Təchizat” ASC-ni yox, fermeri tərifləmək əvəzinə…

Aqil Məhərrəmov fermeri yox, “Aqrar Tədarük və Təchizat” ASC-ni tərifləyir. Adam dəli olmaq istəyir. Görün nə yazır: «…Son illər ölkənin neft gəlirlərinin azalması öz növbəsində dövlət vəsaitlərinin xərclənməsində səmərəliliyinin artırılmasını və büdcə vəsaitlərindən qənaətlə istifadəni zəruri edir. Xüsusən də dövlət satınalmalarında şəffaflığın təmin olunması aktual məsələyə çevrilir. Apardığımız araşdırmanın mövzusu dövlətə məxsus Səhmdar Cəmiyyətin dövlət satınalmalarında şəffaflığın artırılması istiqamətində alternativ həll yollarının axtarılmasıdır. Qeyd edilməlidir ki, “Dövlət Aqrar Ticarət Şirkəti” Məhdud Məsuliyyətli və “Aqrar tədarük və təchizat” Açıq Səhmdar Cəmiyyətləri kənd təsərrüfatı məhsullarının ticarəti, tədarükü, təchizatı sahəsində fəaliyyət göstərirlər…».

Necə??? Bir də səsləndirin: «“Dövlət Aqrar Ticarət Şirkəti” MMC və “Aqrar tədarük və təchizat” ASC kənd təsərrüfatı məhsullarının ticarəti, tədarükü, təchizatı sahəsində fəaliyyət göstərirlər…»??? Görəsən, müəllif bunları nəyə əsaslanıb yazıb? Bu hələ harasıdır, yazır: «…“Dövlət Aqrar Ticarət Şirkəti” MMC öz qarşısında ölkədə kənd təsərrüfatı məhsullarının bazar infrastukrturunu inkişaf etdirmək, kiçik və orta fermerlərin bazarlara çıxışını asanlaşdırılmaq kimi vəzifə qoymuşdur. “Aqrar tədarük və təchizat” ASC isə ölkədə kənd təsərrüfatı məhsullarının istehsalını və emalını stimullaşdırmaq, dövlət sifarişi ilə kənd təsərrüfatı və ərzaq məhsullarının satın alınmasının mərkəzləşdirilmiş qaydada təşkili ilə bağlı həyata keçirilən işlərin səmərəliliyini daha da artırmaq və sistemliliyini təmin etmək məqsədilə yaradılmışdır».

Bir daha məsləhət görürük ki, bu reportajı-yazının fermerlərin oxuması qəti qadağandır… Yoxsa, həqiqətən də, oxuyub havalanacaqlar ki, axı, bu nağılları kim yazıb və necə uydurub?!

Ağdamın Ergi düzündə çürüyən soğan tayaları və “Dövlət Aqrar Ticarət Şirkəti” MMC ilə “Aqrar tədarük və təchizat” ASC-nin «Missiya»sı…

...Redaksiyaya daxil olmuş oxucu sorğusunu və şikayəti əsas tutaraq neçə gün əvvəl hər bir istehlakçının, deməli, hər birimizin maraqlarına xidmət edən bir problemi araşdırmaq qərarına gəldik. Söhbət Bakı bazarlarında bir ay əvvəl od qiymətinə satılan, elə indinin özündə də pərakəndəsatışda bir kilosu 50-70 qəpiyə olan soğanı əkib-becərənlərin «Təzadlar»a yazıb göndərdiklərinin nə dərəcədə həqiqət olduğundan gedir. Odur ki, yolumuzu şikayətçilərin ünvan verdikləri Ağdamın Erjgi qəsəbəsinə salmalı olduq.

Qeyd edim ki, Ergi qəsəbəsi Haramı düzünün Ağdam ərazisinə aid hissəsindədir. Bu ərazidə sovetlər dönəmində məhbuslar üçün düşərgə, sonralar isə Ağdamın o vaxtkı birinci katibi Sadıq Murtuzayevin təşəbbüsü ilə Yemçilik Təsərrüfatı salınmışdı. Lakin Ermənistanın Qarabağdakı işğalçılığı bu ərazilərə məcburi köçkünlərin axınını bərqərar etdi. 1992-1993-94-cü illər ərzində Ergi ərazisində on minlərlə ailə məskunlaşdı. Prezident Sərəncamı ilə ərazidə kökünlərin çoxluğu nəzərə alınaraq qəsəbə də salındı. Onların məşğuliyyəti isə, əsasən, kənd təsərrüfatı sahələrindəki əkin və biçin işləridir.

Yeri gəlmişkən, hazırda Ergi ərazisi Azərbaycanın soğana olan tələbatının böyük bir hissəsini təmin edən əkin sahələri ilə diqqəti cəlb edir. Amma və lakin…

(Davamı var) - Tezadlar.az

Azərbaycanda icra başçılarının "kiçik padşahlar" adlandırılması havayı deyil.

Rayonlara rəhbərlik edən şəxslərin bir çox hallarda özü üçün kiçik "ölkə" qurduğu, öz qaydalarını qoyduğu, özlərini rəhbərlik etdikləri rayonun "prezidenti" kimi apardıqları sirr deyil. Bu qəbildən görüntülər, məlumatlar çox yayılıb.

Bu kimi məsələlərlə gündəmə gələnlərdən biri də Lənkəran rayon İcra Hakimiyyətinin başçısı Taleh Qaraşovdur. AFN.az-ın xəbərinə görə, jurnalist Anar Məmmədov T.Qaraşovun Lənkəranda yerləşən “Ay lolo” şadlıq sarayına kortejlə gəldiyini bildirib. A.Məmmədov bunu əks etdirən videogörüntü də paylaşıb. Həmin görüntünü təqdim edirik:

Oğuz şəhəri, Nizami küçəsi d 1, ev 1 ünvanında yaşayan Poladova Sofya Vilyam qızı tərəfindən Hurriyyet.az saytının redaksiyasına şikayət məktubu daxil olub. Şikayətçi məktubunda Əmək və Əhalinin Sosial Müdafiəsi Nazirliyindən narazılığını bildirir:

“Mən, Poladova Sofya Vilyam qızı, sizə atam Poladov Vilyam Aleksandr oğlu ilə bağlı müraciət edirəm. Hansı ki, atam gözümün qabağında olmazın əziyyət çəkir. Amma nazirlik əməkdaşları bizi get-gələ salırlar.

Bildirim ki, atam gözümüzün qabağında 4 il 4 aydır yataq xəstəsidir. Əmək və Əhalinin Sosial Müdafiəsi Nazirliyinin Oğuz və Şəki filiallarından bildirirlər ki, xəstəyə I qrup əlillik dərəcəsi verilməlidir. Lakin Qəbələ filialı isə, işimizi çətinə salaraq, bizi və xəstəni incidirlər(Xəstənin vəziyyəti barəsində sizə şəkillər göndərirəm).

Şəkillərdən də görünür ki, atam günü-gündən geri gedir, nazirlik deyəsən, sadəcə onun ölümünü gözləyir.

Bu yazını oxuyan bütün səlahiyyətli qurumlardan xahiş edirəm, atamın haqqı olan I qrup əlillik dərəcəsi almağımızda bizə kömək edin. Əli-ayağı üstündə olan şəxslər I qrup ala bilirlər, amma mənim atama, baxıma möhtac olduğu halda, I qrup əlillik vermirlər. Mən müvafiq qurumlardan çox xahiş edirəm ki, mənim atam kimi yeriyə bilməyən, baxıma möhtac olan xəstələrə yardımcı olmağa çalışın, onları həyatdan küsdürməyin. Allahdan onlara verilən xəstəliklərin üzərinə dərd yükləməyin.

Bir daha xahiş edirəm, atamın vəziyyətində olan xəstələrə kömək olun”.

"Range Rover”i 200 km/saat sürətlə idarə edən qadın sürücü, videogörüntüsü media tərəfindən ictimailəşdikdən sonra saxlanıldı.

Məsələ burasındadır ki, “Range Rover” markalı 77-ES-777 nömrə nişanlı avtomobili 200 km/saat sürətlə idarə edərək videoya çəkən sürücü Axundzadə Əsmət Roman qızı yol hərəkəti qaydalarını kobud şəkildə pozduğu üçün barəsində müvafiq sənədləşmə aparılmışdı.

Amma görünür qanunun Aliliyinə əhəmiyyət verməyən bu xanımın niyyəti "burada mənəm, Bağdada kor xəlifə" idealogiyası ilə Azərbaycan hüquq-mühafizə orqanlarının işinə kölgə salmaqdır.

Barəsindəki qərara dırnaqarası yanaşma sərgiləyən bloger haqqında məlumat yayan səhifələrə kiber hücumlar təşkil etməklə hədə-qorxu gəlir.
"Dayday"ının kimliyi bəlli olmasa da, qanunun əksinə iş çevirdiyi bəs-bəllidir.

Yəqin qanunun şah, qanun pozanın isə sonda mat olduğunu unudub. Unudubsa xatırlatmaq bizim işimizdir.

Hətta Cənab Prezidentin belə hər çıxışında özünü xalqın xidmətçisi adlandırması, məmurlara bununla bağlı sərt xəbərdarlıq etməsi, görünür bu qəbildən olan insanlara təsir etməyib.

Bu ölkədə nəinki hansısa bloger, heç onların yüksək çinli havadarları belə qanuna qarşı çıxa bilməz!

Patrul.az olaraq Daxili işlər naziri Vilayət Eyvazov Cənablarından məlum məsələni diqqətdə saxlamasını və hadisəyə düzgün hüquqi qiymətin verilməsini xahiş edirik.

Onu da xatırladaq ki, məlum hadisədən sonra BDYPİ bir daha bütün yol hərəkət iştirakçılarına müraciət edərək, onları reytinq xətrinə bu kimi qayda pozuntularına yol verməməyə çağırıb. Xüsusilə belə şəxslər barəsində ciddi tənbeh tədbirlərinin görüləcəyi ilə bağlı xəbərdarlıq da edib.(Patrul)

Video My Webpage

Bakının mərkəzində, “Kubinka” kimi tanınan ərazidə bir qrup sakin "rəsmi icazə təqdim etmədən" evlərinin söküldüyünü deyirlər.

Onlarla jurnalist Əminə Məmmədova söhbət edib.

“Kubinka” deyilən ərazilər Fuad İbrahimbəyov, Cəlil Məmmədquluzadə və Zivər bəy Əhmədbəyov kimi küçələri əhatə edir, burda bir çox həyət evi bir-birinə bitişikdi.

Kubinkada evlərin sökülməsinə görə sakinlərə hər kvadrat metrə görə 2 min manat təklif olunur.
Yeni bina tikəcək şirkət həm də təklif edir ki, hər kim istəsə evinin kvadrat metrinə uyğun yeni binadan ona ev verəcək. Bu təkliflə razılaşanlar da var, lakin bir qrup sakin hər iki təklifi də rədd edir, hər kvadrat metrə görə 2 min manatın az olduğunu düşünür.

Söküntü işlərini aparan RR Construction şirkətinin rəhbəri Rafael Abdullayev BBC Azərbaycancaya deyib ki, onlar bəzi sakinlərlə razılığa gəliblər və hesab edirlər ki, təklif etdikləri məbləğ də bazar qiymətinə uyğundur.

Rafael Abdullayev deyir ki, şirkətlə razılaşmayan heç kimin evi sökülməyib. O iddia edir ki, sakinlərin evləri əvvəldən qəzalıydı, söküntünün təsirindən yaranmayıb.

Bakı şəhər icra hakimiyyəti və Yasamal rayon icra hakimiyyətindən açıqlama almaq mümkün olmayıb.