Azərbaycanlı fitnes məşqçisi Kamil Zeynallı Bakıya qayıdıb.

Onu Heydər Əliyev adına Beynəlxalq Hava Limanında yaxınları, media və ictimaiyyət nümayəndələri qarşılayıblar.

Xatırladaq ki, K. Zeynallı Moskvadan Bakıya gələrkən hava limanında saxlanılıb. Məlumata görə, Kamil Zeynallının saxlanılması onun Ermənistan tərəfdən axtarışa verilməsi ilə əlaqədar idi.

Azərbaycan məhsullarınıntanıdılması üçün “Madeinazerbaijan.gov.az” portal yaradılacaq. Təbii ki, mahiyyətindən də göründüyü kimi görüləcək iş təqdirəlayiqdir və vacibdir, amma... Bu dəfə də ortada böyük bir "amma" var...

Dia-az.info-nun məlumatına görə, bununla bağlı Azərbaycan İxracın və İnvestisiyalariı Təşviqi Agentliyi – “Azpromo” hazırlıqlara başlayıb.

Portal “Caspel” MMC tərəfindən hazırlanacaq və 221 min 840 manat xərclənəcək. Bəli, düz eşidiniz nə az... nə də çox... Düz 221 min 840 manat...

Hər halda, bu rəqəmin özü ortadakı yeyinti niyyəinin yuxarıda vurğuladığımız XOŞ NİYYƏTİ necə basdaladığını tam olaraq təsdiqləməkdədir. Ən azından ona görə ki, hər kəs görüləcək işin ən minimal və ən maksimal qiymətini asanlıqla təxmin edə bilir... Orasını da qeyd edək ki, məsələn, qonşu Gürcüstanda bu qədər vəsaitlə portal yaradılmır, portal yarada biləcək kadrların məktəbi qurulur... Fakt istəyən olsa, növbəti yazımızı gözləyə bilər... Hələliksə...

Gələk bu "gözəl" niyyətli Azərbaycan İxracın və İnvestisiyalariı Təşviqi Agentliyi – “Azpromo”ya... Qeyd edək ki, bu qurum hələ ilk yarananda portalımızın hədəfi olmuşdu. Təkcı elə loqoları ilə... aşağıdakı fotoya diqqətlə baxın...

Qurum yarananda təqdim ediyi loqosundan məhz dia-az.info olaraq bizim iradlarımızdan sonra imttina etməli olmuşdu. Hər halda özləri də ayırd edə bilərdilər ki, əvvəlki loqoları erməni əlifbasını xatırladır. Bu tərzdən isə əsasən ermənilər isttifadə edir... Azərbaycana aid olanlar yox...

Məsələn, Rusiyada fəaliyyə göstərən, yaşayan komediya artisti Yevgeniy Petrosyan kimiləri...

İndi keçmişində belə bir iz buraxmış bir şirkəti əldə lupa ilə izləməyinə də dəyər... Xüsusən də hüquq-mühafizə orqanları üçün...

"Atəşgah sığorta" şirkəti müştərisinin avtomobilinə dəymiş zərəri ödəməmək üçün bütün bəhanələri axtarıb tapa bilir. Şirkət xeyli vaxtdır ki, şəhid övladı olan Əliyeva Sevil Gülalı qızının avtomobilinə dəymiş zərəri vermir. Baxmayaraq ki, avtomobil kasko sığorta olunub. Ancaq şirkət bu azmış kimi, maşının təmiri üçün müştəridən pul da istəyir. Nəticədə maşın uzun müddətdir ki, istifadəsiz vəziyyətdə qalıb. "Atəşgah sığorta" əvvəlcə Dövlət Yol Polisindən arayış verilməsini istəyib. Hadisə İsmayıllı-Lahıc yolunda avtomobilin kənarda saxlanmış vəziyyətində baş verib. Belə ki, sürücü maşını saxlayıb, düşüb və şəkillər çəkərkən avtomobilin damına daş düşüb, nəticədə ciddi ziyan dəyib. Yəni yol-nəqliyyat hadisəsi deyil, təbiət hadisəsi sayılır. Bununla belə İsmayıllı DYP sürücüyə rəy təqdim edib və o da sığorta şirkətinə verib. Ancaq nə DYP rəyi, nə kasko sığorta olması sözügedən şirkət üçün keçərlidir. Hətta vətəndaşın şəhid qızı olması və problemin mediada işıqlanması da "Atəşgah sığorta"nı maraqlandırmır. Əksinə, şirkətin nümayəndəsi bildirib ki, zərərin qarşılanması və təmiri üçün müştəri özü 250 manat ödəniş etməlidir, əlavə olaraq, "Günay finans"dan təmirə razılıq ərizəsi alınıb sığorta şirkətinə təqdim olunmalıdır. Zərər çəkmiş isə bildirir ki, kasko sığorta olduğu halda niyə şirkət təmirin xərcinin bir hissəsini tələb etməlidir?! Ümumiyyətlə, adıçəkilən sığorta firması bu problemin həlli üçün heç bir iş görmür və məsələyə laqeyd yanaşır. Şəhid ailəsi bununla bağlı Prezidentdən, Baş Prokurordan işin araşdırılması üçün diqqət göstərilməsini xahiş edir.

Anaxeber.info

Müxtəlif televiziya proqramlarında məşhur aparıcıların reklam etdiyi həkimlərdən zaman-zaman şikayətlər gəlir.

Fotoda: Həkim Benjamin Azər Kərimov

Bakupost.az xəbər verir ki, növbəti şikayət ARB kanalında aparıcı Elgiz Əkbərin “Elgizlə izlə” verilişində 100 % tutulmuş gözləri açan həkim kimi təqdim olunan Benjamindəndir.
Əsl adı Azər Kərimov olan həkimə müraciət edən Salyan rayon sakini Gülşən Adışirinova əməliyyatdan sonra gözünün kor olduğunu iddia edir.


Bakupost.az -a müraciət edən hər iki gözündən əlil Gülşən Adışirinova Elgiz Əkbərin həkimi tərifləməsindən sonra gözünü ona etibar etmək qərarına gəlib. Verilişə dəvət olunan qadına gözünün sağalacağını deyib, onu müayinə və əməliyyata alıblar.

Hətta qadına və ailə üzvlərinə kanal tərəfindən bir müqavilə imzaladılıb, şərtlərə görə əməliyyatdan sonra çıxıb həkim barədə xoş sözlər deməlidir. Əgər bundan boyun qaçırsa, cərimə ediləcəyi bildirilib.
Nəhayət, gözünün xilas olacağı ümidilə Kəpəz Hospitala gələn xəstə bundan sonra başına gələnləri Bakupost.az -a müsahibəsində danışıb.
Gülşən Adışirinova özünün və oğlunun başına gətirilənləri açıqlayıb.
Ətraflı videomüsahibədə izləyin.

Müsahibədə ünvanına kəskin ittihamlar səsləndirilən, Kəpəz Hospitalda çalışan Azər Kərimovla əlaqə saxlayaraq, onun məsələyə münasibətini öyrənmək istədik.
Həkim açıqlama verməsə də, özünü onun meneceri kimi təqdim edən Elsevər adlı şəxs həkimə şər-böhtan atıldığını bildirdi:
“Həmin xanıma sadəcə, linza əməliyyatı olunub. Xəstədə yüksək şəkər olduğu üçün sonradan torlu qişada qopmalar olub. Bunun əməliyyata heç bir dəxli yoxdur. Ekspertizanın rəsmi rəyi var. Prokurorluq məsələni araşdırıb, iş bağlanıb. İndi məhkəmə işi gedir. Danışdıqlarının böyük hissəsi yalandır. Məqsəd həkimi şantaj etməkdir. Nə həkim, nə Kəpəz Hospital ona transplantasiya və pul vədi verib. Bütün bunlar onun istəyidir. Biz onun gözünü zədələməmişik. Hazırda məhkəmə prosesi gedir, qərarı gözləyirik”.

“Kontakt Home adlı bir şirkət açıq-aydın soyğunçuluqla, fırıldaqla məşğuldur: Ailə üzvlərimiz kreditlə telefon götürüblər. Demək, 25 yanvarda zəng elədilər ki, gecikmələrinizlə birlikdə 160 manat ödənişiniz var, onu ödəyin. Ödədim dedikləri məbləği, tam olaraq. Dedilər ki, növbəti ay üçün sadəcə ödənişiniz qalıb”. Cumhuriyyet.az xəbər verir ki, bu sözləri tanınmış jurnalist Elşad Məmmədli Feysbuk-dakı hesabında yazıb.

Jurnalist bildirib ki, üstündən 20 gün keçir bu gün, yəni bir aylıq period da yoxdur heç, ancaq zəng ediblər ki, yenə 166 manat borcunuz var: “Əməkdaş heç cür izah edə bilmədi ki, bu anormal – 20 günlük period və 20 gündən bir cərimə tətbiqləri, ötən ay bütün cərimələr ödəndiyi halda yeni cərimə yazmaları nə səbəbdəndir. Deyir, üst-üstə son ilyarımda 60 gün gecikmə var, günə 0.5 manat faiz hesablanır. 60 günə bu eləsin 30 manat. Mənə isə 2 ayda 350 manata yaxın ödəniş etdiriblər və həyasızcasına deyirlər ki, bu məbləği cərimələrə hesablamışıq, gedin təzədən kredit ödəyin… Təpəniz haqqı, mən bundan sonra ümumiyyətlə sizə 1 qəpik də pul ödəməyəcəm!”
Deputat Elnur Allahverdiyevin sahibi olduğu deyilən “Kontakt Home” mağazalar şəbəkəsi kredit verən təşkilat və ya bank deyil. Deputatın mağazalar şəbəkəsi ilə bağlı xeyli şikayətlər var. Bununla bağlı cumhuriyyet.az olaraq apardığımız araşdırmaya görə xüsusən də, 3-4 gün gecikmə olduqda “bank üsulu” ilə faizlərin əlavəsi, alıcıların boynuna artıq faizlərin yüklənməsi, məsələyə qoluzorlu kollektorların cəlb olunmasına başlanır. Qanunvericiliklə, mağaza alıcıya məhsulu yalnız nəğd satış dəyəri ilə müddətli sata bilər, eləcə də, gecikmələrə görə faizlər və aylıq faiz əlavələri yolverilməzdir. Eyni zamanda “Kontakt” mağazalar şəbəkəsindəki kassa aparatlarına gündəlik kredit ödənişlərinin cəmi 15 faizi vurulur və vətəndaşlarla bağlanılan müqavilələrin cəmi 15 faizi rəsmi olaraq mühasibatlıqda qeydiyyatdan keçir. Bu isə külli miqdarda yeyinti və qanuni vergilərdən yayınma deməkdir.
YAP siyahısından mandat qazanan Elnur Allahverdiyevin daşıdığı mandat əslində qanunsuzdur. Vaxtlə Sloveniyanın fəxri konsulu olması hələ də rasmi cavablandırılmayan müəmmadır. Düzdür, MSK 27 yanvar 2020-ci il tarixində bununla bağlı Xarici İşlər Nazirliyinin Dövlət Protokol İdarəsinin arayışına əsasən açıqlama vermişdi ki, Elnur Allahverdiyevin Sloveniyanın fəxri konsul vəzifəsinə 29 dekabr 2019-cu ildə xitam verilib. Amma cumhuriyyet.az olaraq bildirək ki, Sloveniyanın rəsmi qəzetinini (Uradni list Republike Slovenije) məlumatı namizədin parlament seçkilərində xarici ölkə qarşısında öhdəlik daşıyaraq qatıldığını sübut edir. Qəzetin 12 iyul 2020-ci il tarixli buraxılışında Sloveniyanın baş naziri Yanez Yanşanın Elnur Allahverdiyev fəxri konsul vəzifəsindən azad olunması ilə bağlı qərarı dərc olunub. Qərarın altındakı tarix 4 iyun 2020-ci il kimi qeyd olunub. Yəni belə çıxır ki, Elnur Allahverdiyevin seçkidən əvvəl fəxri konsulu vəzifəsinə xitam verilməsi ilə bağlı arayış saxta olub. Elnur Allahverdiyevin parlament seçkisindən düz 4 ay sonra, yəni mandatı bir neçə ay cibində daşıdıqları sonra Sloveniya dövləti qarşısında öhdəliyinə son verilib.
Digər bir iddiaya görə, deputatın atası, Marat Allahverdiyev vaxtilə Heydər Əliyevin əleyhinə çıxıb, haqqında kəskin ifadələr işlədib. Bununla bağlı yayılan məlumatlara istinadən cumhuriyyet.az bildirir ki, Marat Allahverdiyev Ayaz Mütəllibovun zamanında Dövlət Poliqrafiya və Kitab Ticarəti İşləri Komitəsinin sədr müavini, daha sonra sədri, mədəniyyət nazirinin müavini, Respublika Xalq Nəzarət Komitəsi sədrinin birinci müavini, Azərbaycan Respublikası Prezidenti yanında Ali Nəzarət İnspeksiyasının sədri işləmişdir. Heydər Əliyevin tərəfdarlarının görüşlərinə nəzarət etmək üçün indiki Hüseyn Cavid parkında o zaman balaca bir obyektdə Marat Allahverdiyev və dostları gizlicə yığışıb müzakirə apararirmış. Bundan başqa Azərbaycan Respublikasının müxtəlif ölkələrdə səfiri işləmiş professor İsfəndiyar Vahabzadə müsahibəsində ermənilərlə qohumluq əlaqəsi olanlar sırasında Milli Məclisin deputatı Elnur Allahverdiyevin adını çəkib

Prezident seçkilərindən sonra Azərbaycanda formalaşdırılan yeni hökumətin tərkibində Fikrət Məmmədovun yer almayacağı gözlənilən idi. 2000-ci ildən, 24 il Ədliyyə naziri vəzifəsini daşıyan F.Məmmədov ölkənin əhəmiyyətli personaya sahib olan "A" kateqoriyalı məmurlarının sırasında ilk yerlərdən birində qərarlaşırdı. Bu müddət ərzində sabiq nazir ölkənin ədliyyə sisteminin formalaşdırılmasında mühüm tədbirlərə imza atıb. Eyni zamanda o, ədliyyə sistemində kök salmış ənənəvi və betonlaşmış problemlərdən də xəbərdar idi. İndiki məqamda isə onun fəaliyyətinin müsbət və yaxud mənfi konteksdə təhlili məqsədəyuyğun mövzu hesab oluna bilməz.
Prezident İlham Əliyev andiçmə mərasimində Azərbaycan üçün yeni dövrün başlandığını bəyan etdi. Öldədaxili, regional və qlobal proseslərin təhlili göstərir ki, bundan sonra heç bir sahədə problemlərin dərinləşməsinə yol vermək olmaz. Əslində Ədliyyə Nazirliyi dövlətin hüquq siyasətini zərgər dəqiqliyi ilə həyata keçirən nəhəng bir qurum kimi qanunlarının aliliyini təmin edən güclü, ədalətli və şəffaf bir qurum olmalıdır. Ədliyyə sistemində klassik problemlərin mövcud olması təkzibolunmaz faktdır və sağlamlaşdırma tədbirlərinin görülməsi üçün strateji yanaşmalar sərgilənməli, proqramlar işlənib həyata keçirilməlidir. Lakin bütün bunların da bu sahədəki neqativləri aradan qaldıracağına inanmaq çətindir.
Yeni dövrün tələbləri göstərir ki, yeni Ədliyyə naziri hər hansı klanı və yaxud iri ranqlı məmuru təmsil etməməli, hüquq sahəsində geniş vizyona sahib olmalı, prosesləri müqayisəli şəkildə təhlil etmək qabiliyyətinə sahib olmalı, ədliyyə sisteminin problemlərini dərindən bilməli, hüquq cameəsindən çıxmalı, müstəqil arbitr kimi xalqına, dövlətinə və prezidentinə xidmət etməlidir.
Sırf hüquq təhsilli olduğuna görə bu posta kimsə təyin ediləcəksə, deməli, heç bir nəticə gözləməyə dəyməz, o da digərləri kimi dəbə minmiş “yeni texnologiyaların tətbiqi” ilə məşğul olacaq və binalar tikəcək.
Ədliyyə naziri Məhkəmə-Hüquq Şurasının rəhbərliyindən uzaqlaşdırılsa da, amma hələ də bu istiqamətdə ciddi təsir mexanizmlərinə malikdir.
Məhkəmə qərarlarının icrası həlli mümkünsüz ən ağır problemlərdən biri kimi qalmaqdadır.
Notariat və qeydiyyat sistemində nəzərəçarpacaq işlər görülsə də, uzun illərdir bu sahə bir sıra məmurların şəxsi obyekti kimi onlara və ailə üzvlərinə xidmət etməkdədir.

Müəllif: Samir Feyruzov
Azsiyaset.az

Son zamanlar Xaçmaz Rayon İcra Hakimiyyətinin başçısı Elnur Rzayevin şəxsi avtomobili gündəmdədir. Sosial şəbəkələrdə icra başçısının "Range Rover" markalı avtomobilinin qiyməti 450000 manat civarında hesablanaraq, sual doğuran və şübhə altında olan bu qədər maliyyənin, icra başçısının büdcəsində hardan olduğu maraq doğurur.

Gəlin, görək Xaçmaz rayonuna ayrılan bu qədər tender layiqincə xərclənib, yoxsa tenderlərin pulları "Range Rover"dədir...

Elnur Rzayevin başçı olduğu Xaçmaz Rayon İcra Hakimiyyətinin tenderlərdə payladığı pulllar sözün əsl mənasında dodaq “uçuqladır”. Bu dəfəki yazımızda 2020-ci ildə Xacmaz Rayon İcra Hakimiyyətinin həyata keçirdiyi tender müsabiqələr və bağlanan müqavlilələrlə bağlı ümumi məlumat verəcəyik. Sözügedən icra hakimiyyəti 2020-ci ildə tenderdə 3 milyon manatdan çox pul xərcləyib. Bağlanan tender müqavilələrinin siyahısını təqdim edirik:

Xaçmaz Rayon İcra Hakimiyyəti - "SDS GROUP" MMC - Xaçmaz şəhərində Mərkəzi İstirahət Parkının və Şəhidlər Xiyabanının abadlaşdırılması və təmiri işlərinin satınalınması - 1.534.655,95 AZN

Bildirmək yerinə düşər ki, qalib MMC-nin nizamnamə kapitalı cəmi 100 AZN-dir. Bu şirkətin də qanuni təmsilçisi isə SƏXAVƏT BƏŞİROV DİLQƏM OĞLUdur.

Xaçmaz Rayon İcra Hakimiyyəti - "TALEH-A.T." MÜƏSSİSƏSİ - Xaçmaz şəhər daxili küçələrin təmiri və yenidən qurulması - 189.870 AZN. Bildirək ki, yol-tikinti şirkəti olan "Taleh-AT" Müəssisəsinin nizamnamə kapitalı 8633200 AZN-dir, qanuni təmsilçisi isə Əliyev Məhəmmədəli Heydər oğludur.

Xaçmaz Rayon İcra Hakimiyyəti - "BAKU BUILDING" Məhdud Məsuliyyətli Cəmiyyəti Çoxmənzilli yaşayış binalarının təmiri - 255.075,79 AZN AZN. Bildirək ki, qalib MMC-nin nizamnamə kapitalı cəmi 10 AZN-dir. Bu şirkətin də qanuni təmsilçisi isə SAMİR HÜSEYNOV RAFİQ OĞLUdur.

Xaçmaz Rayon İcra Hakimiyyəti - “TALEH - A.T.” müəssisəsi - Xaçmaz şəhər daxili küçələrin təmiri və yenidən qurulması - 953.054,14 AZN. Bildirmək yerinə düşər ki, qalib MMC-nin nizamnamə kapitalı cəmi 8633200 AZN-dir. Bu şirkətin də qanuni təmsilçisi isə MƏHƏMMƏDƏLİ ƏLİYEV HEYDƏR OĞLUdur.

Xaçmaz Rayon İcra Hakimiyyəti - “ASBELLA-GM"MMC - Katirovka sorğusu - 40000AZN. Qalib MMC-nin nizamnamə kapitalı cəmi 5 AZN-dir. Qanuni təmsilçisi isə İSMAYIL MUSAYEV FİRDOVSİ OĞLUdur.

Xaçmaz Rayon İcra Hakimiyyəti - “ALYANS MT"MMC - Katirovka sorğusu - 49.960 AZN.

Xaçmaz Rayon İcra Hakimiyyəti - “ALYANS MT"MMC - Katirovka sorğusu - 43.230 AZN. Bildirmək yerinə düşər ki, qalib MMC-nin nizamnamə kapitalı cəmi 5 AZN-dir. Bu şirkətin də qanuni təmsilçisi isə İSMAYIL MUSAYEV FİRDOVSİ OĞLUdur.

Onu da vurğulayaq ki, Xaçmaz Rayon İcra Hakimiyyəti 2021-ci ildə cəmi 1 dənə tenser müqaviləsinə imza atıb. "Osmanlı İnşaat" MMC ilə Xaçmaz və Xudat şəhərlərində aparılacaq abadlaşdırma işlərinin layihə-smeta sənədlərinin hazırlanmasına görrə 26.275 AZN-lik müqavilə imzalanıb. “Osmanlı İnşaat” MMC-nin isə nizamnamə kapitalı 10 AZN, qanumi təmsilçisi AQİL HÜSEYNOV CEYFUN OĞLUdur.

Baş Prokurorluq, Korrupsiyaya Qarşı Mübarizə Baş İdarəsi, Maliyyə Nazirliyi, Hesablama Palatası, Prezident Administrasiyası sosial şəbəkələrdə gedən yazının araşdırılmasını nəzarətə götürüb, yazılanların həqiqətə uyğun olub-olmadığına aydınlıq gətirməlidir.

Hurriyyet.az

Xəbər verdiyimiz kimi, yanvarın 15-də paytaxtın Binəqədi rayonunda yerləşən mebel sexində 10 nəfərin ölümü, 23 nəfərin müxtəlif dərəcəli bədən xəsarətləri alması ilə nəticələnən partlayış-yanğınla bağlı iki nəfər həbs olunub. Bunlar "Bakı Ağac Emalı" ASC-yə sahiblik edən Tağı İbrahimov və ASC-ni faktiki olaraq idarə edən Toğrul Rzayevdir.

Qaynarinfo-nun məlumatına görə, hazırda həbsdə olan Tağı İbrahimovun rəhbərlik etdiyi "Bakı Ağac Emalı" ASC-nin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinə 195.354,58 manat vergi borcu var.

Onun banklara da kifayət qədər borcu yaranıb. Əldə etdiyimiz məlumata görə, sözügedən zavod Azərbaycan Beynəlxalq Bankının (ABB) girovluğunda olub.

Məsələ ilə bağlı Qaynarinfo ABB-yə soruğu ünvanlasa da bu barədə saytımıza nə yazılı, nə də şifahi cavab verilməyib.

Onu da deyək ki, şirkətin qanuni təmsilçisi isə Əkbərov Natiq Məmmədrəhim oğludur.

Tağı İbrahimov

Natiq Əkbərovun adı bir neçə il əvvəl də Vergilər Nazirliyi vergi borcuna görə ölkədən getmə hüququ məhdudlaşdırılmış hüquqi şəxslərin siyahsında olub. Hazırda da onun sözügedən borca görə ölkədən çıxışı məhdudlaşdırıldığı deyilir.

ASC-nin ilk qanuni təmsilçisi isə İbrahimov Həmid Kazım oğlu olub. Həmid İbrahimov Diasporla İş üzrə Dövlət Komitəsinin sabiq sədri Nazim İbrahimovun yaxın qohumu olub və 2020-ci ildə dünyasını dəyişib. Sözügedən zavod isə Nazim İbrahimov komitə sədri olduğu ildən bir il sonra, yəni 2009-cu ildə Həmid İbrahimovun adına keçirilib.

Qeyd edək ki, sözügedən ASC illər əvvəl "İBRA Holdinq"in prezidenti Tağı İbrahimov tərəfindən özəlləşdirilib. Sexin təsisçisi Tağı İbrahimov və onun qardaşı, "Avesta" şirkətinin sabiq prezidenti Hacı İbrahim Nehrəmli olub.

Kristal Abşeron şirkəti daha yüzlərlə sakini bataqlığa qərq etməyə hazırlaşır. Bundan əvvəl “Qobu Park 2” layihəsində əyri bina tikib vətəndaşların həyatını təhlükəyə atan tikinti firması indi də Yasamal rayonu ərazisində, MiDA evlərinin yaxınlığında bataqlığı qurudub yeni binalar inşa etməyə başlayır. Halbuki Azərbaycan bu ilin payızında möhtəşəm COP29 rədbiri həyata keçirməklə bütün dünyaya yaşıl enerji, yaşıl layihə mesajlarını verəcək. Dünyanın yüzlərlə, minlərlə nümayəndəsi və yaşıllığın müdafiəsində olan ölkələr paytaxtımızda beynəlxalq layihədə iştirak edəcəklər. Bu tədbir dövlətin birbaşa nəzarətində olan və təşkilində olan hadisədir. Amma Azərbaycanda “Kristal Abşeron” adlı tikinti şirkəti üçün ölkə rəhbərliyinin hazırlşadığı beynəlxalq layihə COP29 tədbirinin təşkilinə heç bir məhəl qoyulmadan, bataqlıq bir ərazidə minlərlə vətəndaşın od qiymətinə, yuxarı faizlərlə alacağı mənzillərin tikintisi üçün yeni binalar inşa olunmaqdadır.

Tribunainfo.az saytı məlumat verir ki, bu ərazidə tikinti işlərinin aparılması ciddi müzakirələrə səbəb olub. Ekspertlər, müxtəlif tikinti mütəxəssisləri, eləcə də ayrı-ayrı sosial media fəalları sual edirlər ki, belə bir bataqlıq ərazinin qurudulub yerində mənzillər, binalar inşa edilməsi nə dərəcədə tikinti normativlərinə uyğundur. Amma “Kristal Abşeron” şirtkəti heçbir izahatlara cavab vermir və öz işinin başındadır.

Şirkət artıq işlərə start da verib. Gecə-gündüz bilmədən ərazidə iş aparılır ki, bataqlıq tez qurudulsun. Əraziyə torpaq daşınır, bataqlıq doldurulur. Bataqlıq doldurulduqdan sonra ərazidə hündürmərtəbəli binaların inşasına başlanılacaq. Artıq təxmin etmək olur ki, bataqlıq üzərində tikiləcək binada vəziyyət necə olacaq. “Kristal Abşeron”un indiyə qədər inşa etdiyi digər bütün binalarda sakinlərin ən çox şikayəti həmişə mənzillərin nəm olması, divarların kif olması ilə bağlı olub. Bataqlıq üzərində inşa ediləcək binadakı mənzillərdə indidən vəziyyəti təsəvvür etmək mümkündür.

Bakı şəhəri Nərimanov rayon İcra Hakimiyyətinin başçısı Elgün Həbibullayev yaxın zamanlarda işdən çıxarıla bilər.

Bu barədə Qlobal.az-ın əldə etdiyi məlumatda bildirilir.

Məlumata görə oliqarx məmurlardan sayılan Nərimanov rayon İcra Hakimiyyətinin başçısı Elgün Həbibullayevin işdən çıxarılmasına səbəb özünü hazırkı vəzifədə doğrulda bilməməsidir.

İcra başçısının hədəfə gəlməsinin digər səbəbi isə Nərimanov rayon İcra Hakimiyyətindən Prezident Administrasiyasına ünvanlanan şikayətlərin çoxalmasıdır.

Bir çox yerlərdə Bakı Şəhər İcra Hakimiyyətinin başçısı Eldar Əzizovun kadrı olduğunu deyən E.Həbibullayevin milyonluq mülklərə sahib olduğu deyilir.

Belə ki, Bakıda məşhur biznes şəbəkələrindən biri olan “Panda Kids”-in Nərimanov rayon İcra Hakimiyyətinin başçısına məxsus olduğu qeyd edilir.

E.Həbibullayevin bulvarın kənarında olan məzilinin qiymətinin isə 2 milyon manatdan çox olduğu vurğulanır.

Qeyd edək ki, Elgün Həbibullayev 2000-ci illərin əvvəllərində Bakı şəhərinin Nizami rayon icra hakimiyyətində şöbə müdiri, 2003 – 2011-ci illərdə Gəncə şəhər icra hakimiyyəti başçısının köməkçisi, sonra aparat rəhbəri, 2011-ci ildən Sumqayıt şəhər icra hakimiyyəti başçısının müavini,
20 sentyabr 2018-ci il tarixdən isə Bakı şəhər icra hakimiyyəti aparatının rəhbəri vəzifəsində çalışıb.

E.Həbibullayev 18 fevral 2022-ci il tarixdən Bakı şəhəri Nərimanov rayon icra hakimiyyətinin başçısı vəzifəsində çalışır.

Nərimanov rayon icra hakimiyyəti yazıya mövqe bildirmədi.