Avropa İttifaqı Şurasının Prezidenti Şarl Mişel ilə Ermənistanın Baş naziri Nikol Paşinyan arasında telefon danışığı olub.

Ş.Mişel bu barədə “X” sosial şəbəkəsində məlumat verib.

Mişel bildirib ki, tərəflər Azərbaycan-Ermənistan arasında münasibətlərin normallaşmasını müzakirə ediblər:

“Cənubi Qafqaz üçün sülh, sabitlik və rifah gündəliyi Aİ-nin gündəmində əsas yer tutur”.

Kristal Abşeron şirkəti daha yüzlərlə sakini bataqlığa qərq etməyə hazırlaşır.

Bundan əvvəl “Qobu Park 2” layihəsində əyri bina tikib vətəndaşların həyatını təhlükəyə atan tikinti firması indi də Yasamal rayonu ərazisində, MiDA evlərinin yaxınlığında bataqlığı qurudub yeni binalar inşa etməyə başlayır. Halbuki Azərbaycan bu ilin payızında möhtəşəm COP29 rədbiri həyata keçirməklə bütün dünyaya yaşıl enerji, yaşıl layihə mesajlarını verəcək. Dünyanın yüzlərlə, minlərlə nümayəndəsi və yaşıllığın müdafiəsində olan ölkələr paytaxtımızda beynəlxalq layihədə iştirak edəcəklər.

Bu tədbir dövlətin birbaşa nəzarətində olan və təşkilində olan hadisədir. Amma Azərbaycanda “Kristal Abşeron” adlı tikinti şirkəti üçün ölkə rəhbərliyinin hazırlşadığı beynəlxalq layihə COP29 tədbirinin təşkilinə heç bir məhəl qoyulmadan, bataqlıq bir ərazidə minlərlə vətəndaşın od qiymətinə, yuxarı faizlərlə alacağı mənzillərin tikintisi üçün yeni binalar inşa olunmaqdadır.

Tribunainfo.az saytı məlumat verir ki, bu ərazidə tikinti işlərinin aparılması ciddi müzakirələrə səbəb olub. Ekspertlər, müxtəlif tikinti mütəxəssisləri, eləcə də ayrı-ayrı sosial media fəalları sual edirlər ki, belə bir bataqlıq ərazinin qurudulub yerində mənzillər, binalar inşa edilməsi nə dərəcədə tikinti normativlərinə uyğundur. Amma “Kristal Abşeron” şirtkəti heçbir izahatlara cavab vermir və öz işinin başındadır.

Şirkət artıq işlərə start da verib. Gecə-gündüz bilmədən ərazidə iş aparılır ki, bataqlıq tez qurudulsun. Əraziyə torpaq daşınır, bataqlıq doldurulur. Bataqlıq doldurulduqdan sonra ərazidə hündürmərtəbəli binaların inşasına başlanılacaq. Artıq təxmin etmək olur ki, bataqlıq üzərində tikiləcək binada vəziyyət necə olacaq. “Kristal Abşeron”un indiyə qədər inşa etdiyi digər bütün binalarda sakinlərin ən çox şikayəti həmişə mənzillərin nəm olması, divarların kif olması ilə bağlı olub. Bataqlıq üzərində inşa ediləcək binadakı mənzillərdə indidən vəziyyəti təsəvvür etmək mümkündür.(Azfakt.com)

“Bavariya”nın baş məşqçisi Tomas Tuhelin futbolçu Coşua Kimmixi ilə arasında münaqişə yaranıb.

Buna səbəb “Bohum”la (2:3) oyunda futbolçunun əvəzlənməsi olub.

Alman nəhəngi baş məşqçi və oyunçu arasında yaranmış bu soyuqluğa görə yarımmüdafiəçi axtarışındadır.

29 yaşlı futbolçunun bundan xəbərdar olması isə vəziyyəti daha da gərginləşdirib.

Qeyd edək ki, 2015-ci ildən “Bavariya”da çıxış edən futbolçu bu mövsüm keçirilən 26 oyunda 1 qol vurub və 6 məhsuldar ötürmə edib.

 

Azərbaycan Prezidenti İlham Əliyev İqtisadiyyat Nazirliyi yanında Dövlət Vergi Xidməti işçilərinin təltif edilməsi haqqında Sərəncam imzalayıb.

Sərəncamla vergi sisteminin inkişafında xidmətlərinə görə İqtisadiyyat Nazirliyi yanında Dövlət Vergi Xidmətinin aşağıdakı işçiləri təltif ediliblər:

3-cü dərəcəli “Vətənə xidmətə görə” ordeni ilə

Vəliyev İlkin Etibar oğlu

“Dövlət qulluğunda fərqlənməyə görə” medalı ilə

Musayev Orxan Azad oğlu

1-ci dərəcəli “Vergi orqanlarında xidmətdə fərqlənməyə görə” medalı ilə

Abdullayev Vəli Həsən oğlu

Kəngərli Cavid Muxtar oğlu

Musayev Fəxrəddin Binnət oğlu

Süleymanlı Elxan Süleyman oğlu

Şahinzadə Fərman İlham oğlu

2-ci dərəcəli “Vergi orqanlarında xidmətdə fərqlənməyə görə” medalı ilə

Mahmudov Fuad Malik oğlu

Məhərrəmov Ramiz Bulut oğlu

3-cü dərəcəli “Vergi orqanlarında xidmətdə fərqlənməyə görə” medalı ilə

Əhmədov Rəşad Kazım oğlu.

“Harmony İndustrial Construction and Engeering Group” adlı bir MMC Azərbaycanın dövlət satınalmaları bazarında sözün əsl mənasında at oynadır. Bir müddət əvvəl bununla bağlı araşdırma məqalə də yaymışdıq. Bu şirkət 2019-2023-cü illər ərzində satınalmalarda bir çox dövlət qurumlarının ölkə boyu keçirdikləri 162 tender və kotirovka sorğularının qalibi olub. Apardığımız araşdırmalar zamanı məlum oldu ki, “Harmony İndustrial Construction and Engeering Group” MMC əsasən tibb müəssisələrinin keçirdiyi satınalma müsabiqələrində öndə gedir. Liftlərə texniki servisi xidmətindən tutmuş dezinfeksiya xərcləri, tikili və avadanlıqların cari təmiri, maşın və avadanlıqların əsaslı təmirnə qədər, inzibati binalarının qazlaşdırılması işlərindən tutmuş, Şəki şəhərində yolların asfalt-betonla əsaslı təmiri işlərinə, Laçın rayonu, Ərdəşəvi yaşayış məntəqəsində yerləşən vacib obyektlərin elektrik enerjisi ilə təmin olunmasından tutmuş bir çox tender və kotirovkaların qalibi olub. Əsasən də Səhiyyə Nazirliyinə tabeli tibb müəssisələrinin texniki xidmətin göstərilməsi və ehtiyyat hissələrinin satınalınmasını həyata keçirib. Qeyd edək ki, bu kimi kotirovkalara o qədər böyük pullar ayrılmır.
Aktualinfo.org sözügedən MMC-nin son illər udduğu böyük həcmli, dəyəri milyonlarla ölçülən tenderlərini də araşdırıb. MMC udduğu milyon manat dəyəri olan tenderləri ancaq “Azərişıq” Açıq Səhmdar Cəmiyyəti ilə bağlayıb.
“Azərişıq” ASC Kəlbəcər rayonu Cermux, Laçın rayonu Cağazur, Tərtər rayonu Talış(Ağuçuq), Ağdam rayonu Çullu və Goranboy rayonu ərazisində yerləşən hərbi hissələrin elektrik enerjisi ilə təmin olunması məqsədilə elektrik veriliş xəttinin çəkilməsi və KTM-lərin quraşdılması işlərinin satın alınması üzrə MMC ilə 7.132.240,66 manat məbləğində satınalma müqaviləsi 18.10.2023-cü il tarixdə
Qeyd edək ki, müsabiqə 14.09.2023-cü il tarixdə dərc edilib. Zərflərin açılış tarixi 29.09.2023-cü il tarixə müəyyən edilib. Təsəvvür edin 7 milyon manat dəyəri olan tender 15 günə yekunlaşıb. Müqavilənin şərtlərinə görə MMC yuxarıda qeyd olunan işləri ən geci 3 ay ərzində başa çatırmalıdır.
“Azərişıq” ASC tərəfindən Laçın rayonu, Ərdəşəvi yaşayış məntəqəsində yerləşən vacib obyektlərin elektrik enerjisi ilə təmin olunması məqsədilə 35 kV-luq ÖİN xətlərinin çəkilməsi və KTM-in quraşdırılması işlərinin satın alınması üzrə MMC ilə 934.796,5 manat məbləğində bir satınalma müqaviləsi 26.12.2022-ci il tarixdə bağlanmışdır. “Azərişıq” ASC bu tenderi isə 20 gün ərzində keçirib.
“Azərişıq” ASC tərəfindən Laçın rayonu, Pircahan yaşayış məntəqəsində yerləşən vacib obyektlərin elektrik enerjisi ilə təmin olunması məqsədilə 35 kV-luq ÖİN xətlərinin çəkilməsi və KTM-in quraşdırılması işləri üzrə MMC ilə 2.309.877,64 manat məbləğində bir satınalma müqaviləsi 14.11.2022-ci il tarixdə bağlanmışdır.
Göründüyü kimi “Azərişıq” ASC 14.11.2022-ci ildən 18.10.2023-cü ilə, yəni 11 ay ərzində “Harmony İndustrial Construction and Engeering Group” MMC-yə ümumi olaraq 10 376 914 manat dəyəri olan döblət sifarişi verib.
Bəs sözügedən şirkət bu dövlət sifarişlərini həyata keçirmək iqtidarındadırmı? Rəsmi məlumatlara diqqət yetirək.
İqtisadiyyat Nazirliyi yanında Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında “HARMONY İNDUSTRİAL CONSTRUCTİON AND ENGİNEERİNG GROUP” Məhdud Məsuliyyətli Cəmiyyətinin 28.02.2005-ci il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının BAKI ŞƏHƏRİ NƏRİMANOV RAYONU, CEYHUN HACIBƏYLİ, ev 52, m. 20, qanuni təmsilçisi kimi isə Orucov Əlövsət Bilal oğlu qeyd olunub.
Dövlət Vergi Xidmətinin reystr məlumatlarına edilən dəyişiklikdə isə göstərilir ki, MMC ilk olaraq “PİRAMİDA-F.R.” kimi dövlət qeydiyyatına alınıb. MMC-nin adı 19.06. 2020-ci ildə dəyişdirilərək “HARMONY İNDUSTRİAL CONSTRUCTİON AND ENGİNEERİNG GROUP” olub. Buna səbəb isə çox güman ki, “PİRAMİDA-F.R.” MMC-nin adının bir sıra şübhəli satınalmalarda hallanması olub. “Piramida F.R” MMC-nin təkcə 2020-ci ildə dəyəri 1 milyon manatdan çox olan şübhəli satınalma müqavilələri imzaladığı iddia olunur. Maraqlıdır ki, həmin vaxt şirkətin 542 min manat vergi borcu olub. Bu barədə yerli mediada da yazılıb.
İqtisadiyyat Nazirliyi yanında Dövlət Vergi Xidmətinin MMC -yə vergi öhdəliklərini vaxtında təqdim etməməyə görə dəfələrlə maliyyə sanksiyası tətbiq edilmişdir. Səyyar vergi yoxlamaları üzrə – Səyyar vergi yoxlaması üzrə məsuliyyətə cəlbetmə qərarının nəticəsində 1 622 631.02 manat əlavə vergi, 878 867.47 manat maliyyə sanksiyası hesablanmışdır. Bundan başqa vergi bəyannamələrini vaxtında təqdim etməməyə görə MMC -yə dəfələrlə maliyyə sanksiyası tətbiq edilmişdir. MMC-nin 22.01.2024-cü il tarixdə dövlətə 1 473 252.55 manat vergi borcu olub. Hazırki günə isə bu borc qismən ödənilib və 1 028 504.33 manat təşkil edir.
Göründüyü kimi MMC-nin üzərində vergi yoxlamaları və maliyyə sanksiyaları ilə birgə 2 501 495.49 manat yerinə yetirilməmiş vergi öhdəliyi var. Belə olan halda “Azərişıq” ASC-nin Satınalma Komissiyası bu MMC-nin tenderdə iddiaçı qısmində iştirakına necə yol verib?
Qeyd edək ki, hər hansı bir şirkət tenderdə iddiaçı qismində iştirak ərizəsi verdikdə vergilər və digər icbari ödənişlərə dair yerinə yetirilməsi vaxtı keçmiş öhdəliklərin, habelə vergi ödəyicisinin Azərbaycan Respublikasının Vergi Məcəlləsi ilə müəyyən edilmiş vəzifələrinin yerinə yetirilib-yetirilməməsi hallarının mövcud olub-olmaması barədə məlumatlar təqdim etməlidir. Buna nə kimi məlumatlar daxildir?
Vergilər üzrə:
Məcburi dövlət sosial sığorta haqqı üzrə: İşsizlikdən sığorta haqqı üzrə: İcbari tibbi sigorta haqqı üzrə:
Vergi Məcəlləsi ilə müəyyən edilmis öhdəliklərin və vəzifələrin yerinə yetirilməsi ilə bağlı mövcud vəziyyət:
Vergi ödəyicisinin qeydiyyat tarixi: Əsas fəaliyyət növü: Aktiv fəaliyyət göstərən obyektlərin sayı: Dövriyyə (cari il üzrə) Dövriyyə (ötən il üzrə) Cari tarixə işçi sayı: Minimum aylıq əmək haqqı məbləğindən aşağı əmək haqqısı olan işçi sayı: Təqdim edilməmiş bəyannamələr: Sonuncu vergi bəyannamə məlumatına əsasən vergi ödəyicisinin əsas
vəsaitlərə, aktivlərə malik olmaması:
Bəs Qanunun tələb etdiyi şərtlərə cavab verməyən, vergi borcu ilə birgə üzərində milyonlarla manat vergi öhdəliyi olan, riskli vergi ödəyicisi hesab edilən bir MMC-nin “Azərişıq” ASC-nin satınalmalarında iştirakına kimlər yol verir?
Təbii ki, başda “Azərişıq” Açıq Səhmdar Cəmiyyətinin sədri Vüqar Əhmədov olmaqla, onun komandası. Əldə etdiyimiz məlumatlara görə, bu işlərin başında sədrin tələbə yoldaşı olmuş Kamil Hüseynovla bərabər daha bir neçə nəfərin də durduğu söylənilir. Onlardan biri “Azərişıq” ASC-də mühüm vəzifə tutan, Tender Komissiyasının sədri Uğur Babayevdir ki, açıq mənbələrdə barəsində məlumat yoxdu. Amma məlumatlara görə ASC sədrinin ən yaxın adamlarından biri olduğuna görə məhz onu Tender Komissiyasının sədri seçdirib, yəni təyin edib. Digəri dostu isə “Azərişıq” ASC-nin layihələrin idarə olunması və maddi texniki təchizat İdarəsinin rəisi İdrak Ələkbərov. Bu o, İdrak Ələkbərovdu ki, hələ 2009-cu ildə keçmiş İqtisadi inkişaf nazirliyinin Antiinhisar Xidməti Departamentinin üç məmurunun Novxanı qəsəbəsində yerləşən istirahət mərkəzlərinin sahiblərindən rüşvət almaq üstündə həbs edilənlər arasında olub. Sonradan məhkəmənin qərarı ilə şərti cəza alıb və bir müddət işsiz qaldıqdan sonra Vüqar Əhmədovun vasitəçiliyi ilə “Azərişıq” ASC-də ən mühüm vəzifələrdən birinin başına gətirilib. Bu dostların keçmişdə gördüyü işlər barədə elektron mediada kifayət qədər geniş məlumat var. Bu dostlar son illər “Azərişıq” ASC-nin keçirdiyi dövlət satınalmalarını özlərinə yaxın olan şirkətləri qalib çıxarır və bu yolla külli miqdarda dövlət vəsaitlərini təyinatından kənarlaşdırırlar.
Şübhəsiz ki, başdan ayağa risk olan “Harmony İndustrial Construction and Engeering Group” MMC-də bunlardan biridir. “Azərişıq”ASC-nin rəsmiləri satınalma müqaviləsi bağladıqda bu MMC-nin başdan ayağa risk olduğunu görməyiblərmi? Əlbəttə görürlər. Yaxşı da nəzarət edirlər. Amma bəzi tenderlərdəki qanunsuzluqları görməzdən gəlirlər.

Ölkədə səhiyyə sistemi ilə bağlı narazılıqların bir qismi təcili tibbi yardımla bağlıdır. Vətəndaşlar təcili tibbi yardım maşınlarının çağırışa vaxtında getmədiyindən şikayətlənirlər. Gecikməyə səbəb kimi ya paytaxt yollarındakı sıxlıq, yaxud da çağırışın çox olması göstərilir.

Vətəndaşlara pulsuz göstərilən xidmətin narazılıq yaradan digər tərəfi isə xəstənin bir xəstəxanadan digərinə daşınmasıdır.

Belə ki, təcili tibbi yardım maşını xəstəni xəstəxanaya aparır, həmin xəstəxanada xəstəni müayinə etmək üçün lazımi avadanlıq və ixtisaslaşmış tibbi xidmət olmadıqda xəstəni tam xidmət göstərən xəstəxanaya aparmaq lazım gəlir.

Bu günlərdə səhhətində yaranan problemlə bağlı vətəndaşın çağırışına gələn təcili tibbi yardım xidməti xəstəni müayinə üçün Mərkəzi Neftçilər xəstəxanasına aparıb. Həmin xəstəxanada ixtisaslaşmış tibbi xidmət olmadığı üçün xəstəni “MediStyle Hospital”a aparmaq lazım bilinib. Lakin təcili tibbi yardım maşını ilə xəstəni ora aparmaq üçün vətəndaşdan 70 manat məbləğində vəsait tələb edilib.

Qeyd edək ki, ölkəmizdə səhiyyənin bir sıra xidməti icbari tibbi sığorta hesabına aparılır və vətəndaş sığorta olunduğu üçün ondan pul tələb olunmamalıdır.

Məsələyə aydınlıq gətirmək üçün Tibbi Ərazi Bölmələrini İdarəetmə Birliyi (TƏBİB) ilə əlaqə saxladıq.

TƏBİB-dən Bizim.Media-nın sorğusuna cavab olaraq bildirilib ki, xəstə digər xəstəxanaya tibb müəssisəsinin hesabına aparılır:

““İcbari tibbi sığorta üzrə Xidmətlər Zərfi”nin təsdiq edilməsi haqqında Nazirlər Kabinetinin 10 yanvar 2020-ci il tarixli 5 nömrəli Qərarının 5.4 bəndinə əsasən, təcili və təxirəsalınmaz hallarda tibb müəssisəsi tərəfindən ixtisaslaşdırılmış tibbi xidmətin göstərilməsi mümkün olmadıqda, tibb müəssisəsi öz maliyyə vəsaiti hesabına sığortaolunanın həmin tibbi yardımı göstərən digər tibb müəssisəsinə göndərilməsini təmin edir”.

Naxçıvan şəhərindəki bərbad vəziyyətdə olan küçələrdən biri də N. Naxçıvani küçəsidir. Bunu həmin küçədə yaşıyan sakinlərin “Gündəlik Naxçıvan” üçün çəkdikləri videogörüntülər də sübut edir. Bundan öncə isə, Azərbaycan küçəsinin sakinləri eyni problemlə bizə müraciət etmişdilər.

Naxçıvan şəhər İcra Hakimiyyət “Gündəlik Naxçıvan”ın sorğusuna cavab olaraq, hər iki küçənin təmirə ehtiyacı olduğunu təsdiqləyib. İcra hakimiyyətindən verilən məlumata görə, hər iki küçə bu il ərzində təmir olunacaq.

VİDEO - baxmaq üçün bura ıklayın...My Webpage

Qarabağ İqtisadi Rayonunda Bərpa, Tikinti və İdarəetmə Xidməti Publik Hüquqi Şəxsi 13.02.2024-cü il tarixində sifarişçi olduğu növbəti satınalmaya yekun vurub.

“Arqument.az”ın araşdırmasına görə, Bərpa, Tikinti və İdarəetmə Xidmətinin “Təbliğat işinin təşkili məqsədi ilə sosial media marketinq (SMM) xidmətlərinin satın alınması” lotu üzrə yekun vurulan satınalmanın məbləği 48.970 manat olub.

Satınalmada “SİNERGİ PARTNERŞİP” Məhdud Məsuliyyətli Cəmiyyəti (VÖEN: 1001326201) qalib elan edilib.

Bağlanmış müqaviləyə əsasən qalib elan edilən şirkət sifarişçiyə müxtəlif işlər üzrə 1-30 ay xidmət göstərəcək.

Görüləcək işlər əsasən siyahısında Sosial Media hesablarının idarəsi, təhlükəsizlik tədbirlərinin görülməsi və ümumi nəzarət, aylıq 15-20 postun hazırlanması, Postların kontentinin təyin edilməsi, mövzu başlıqları üzrə təsdiq aldıqdan sonra dizayn və kopiraytinq işlərinin aparılması, tam təsdiq edildikdə Timeplana əsasən paylaşılması, SMM xidməti (12 ay), Quruma birbaşa müraciət edən jurnalist, media qurumu işçiləri ilə əlaqəyə keçmək, tələbləri və istəkləri öyrənmək (30 ay), Qurum nümayəndələrindən gələn sorğuların cavablandırılmasında vasitəçi kimi çıxış etmək və digər xidmətlər yer alır.

Qalib elan edilən “SİNERGİ PARTNERŞİP” MMC 2008-ci ilin aprel ayında dövlət qeydiyyatına alınıb.

Şirkətin hüquqi ünvanı Bakı şəhəri, Binəqədi rayonu, Nizami Nərimanov ev 87, mənzil 8 ünvanı, qanuni təmsilçisi isə Abbasov Rüfət Aydın oğludur.

Abbasov Rüfət Aydın oğlu 22 may 1984-cü ildə Bakıda anadan olub. Ali Diplomatiya Kollecinin Beynəlxalq Jurnalistika fakultəsinin və Azərbaycan Dövlət İqtisad Universitetinin Beynəlxalq İqtisadi Müasibələr fakultəinin, eyni zamanda Amerika Dövlət Departamentinin Gələcəyin Liderleri Beynəlxalq Proqramının məzunudur.

Rüfət Ababsov əvvəllər “Azercell Telekom” MMC-nin mətbuat katibi vəzifəsində çalışıb.

Mediada dərc edilən məlumatda Rüfət Abbasovun Amerika Birləşmiş Ştatlarının Dövlət Departamentinin “Futures Leaders Visitors” proqramının məzunu, Dünya Səhiyyə Təşkilatının Ünsiyyət Şəbəkəsinin və Azərbaycan Media Mərkəzin İdarə Heyətinin üzvü olduğu, Britaniya hökumətinin maliyyə dəstəyi ilə British Council tərəfindən həyata keçirilən uzunmüddətli layihə çərçivəsində Azərbaycan regionlarında jurnalistlər üçün treninqlərdə mühazirəçi kimi çıxış edib.

Eyni zamanda PR mütəxəssisləri üçün treninq keçdiyi yazılır.

Onun həmçinin Soros Fondunun dəstəyi ilə jurnalist araşdırması layihəsini həyata keçirdiyi də yazılır.

Rüfət Abbasov mediaya müsahibəsində ABŞ-ın sabiq prezidenti Barak Obamanın telefonundan işlətdiyini qeyd edirdi.

Müxtəlif televiziya proqramlarında məşhur aparıcıların reklam etdiyi həkimlərdən zaman-zaman şikayətlər gəlir.

Fotoda: Həkim Benjamin Azər Kərimov

Bakupost.az xəbər verir ki, növbəti şikayət ARB kanalında aparıcı Elgiz Əkbərin “Elgizlə izlə” verilişində 100 % tutulmuş gözləri açan həkim kimi təqdim olunan Benjamindəndir.
Əsl adı Azər Kərimov olan həkimə müraciət edən Salyan rayon sakini Gülşən Adışirinova əməliyyatdan sonra gözünün kor olduğunu iddia edir.


Bakupost.az -a müraciət edən hər iki gözündən əlil Gülşən Adışirinova Elgiz Əkbərin həkimi tərifləməsindən sonra gözünü ona etibar etmək qərarına gəlib. Verilişə dəvət olunan qadına gözünün sağalacağını deyib, onu müayinə və əməliyyata alıblar.

Hətta qadına və ailə üzvlərinə kanal tərəfindən bir müqavilə imzaladılıb, şərtlərə görə əməliyyatdan sonra çıxıb həkim barədə xoş sözlər deməlidir. Əgər bundan boyun qaçırsa, cərimə ediləcəyi bildirilib.
Nəhayət, gözünün xilas olacağı ümidilə Kəpəz Hospitala gələn xəstə bundan sonra başına gələnləri Bakupost.az -a müsahibəsində danışıb.
Gülşən Adışirinova özünün və oğlunun başına gətirilənləri açıqlayıb.
Ətraflı videomüsahibədə izləyin.

Müsahibədə ünvanına kəskin ittihamlar səsləndirilən, Kəpəz Hospitalda çalışan Azər Kərimovla əlaqə saxlayaraq, onun məsələyə münasibətini öyrənmək istədik.
Həkim açıqlama verməsə də, özünü onun meneceri kimi təqdim edən Elsevər adlı şəxs həkimə şər-böhtan atıldığını bildirdi:
“Həmin xanıma sadəcə, linza əməliyyatı olunub. Xəstədə yüksək şəkər olduğu üçün sonradan torlu qişada qopmalar olub. Bunun əməliyyata heç bir dəxli yoxdur. Ekspertizanın rəsmi rəyi var. Prokurorluq məsələni araşdırıb, iş bağlanıb. İndi məhkəmə işi gedir. Danışdıqlarının böyük hissəsi yalandır. Məqsəd həkimi şantaj etməkdir. Nə həkim, nə Kəpəz Hospital ona transplantasiya və pul vədi verib. Bütün bunlar onun istəyidir. Biz onun gözünü zədələməmişik. Hazırda məhkəmə prosesi gedir, qərarı gözləyirik”.

Kiçik və Orta Biznesin İnkişafı Agentliyinin (KOBİA) Biznesə Xidmətlər Departamentinin təchizat şöbəsinin rəis müavini Mahir Cəbiyevin İqtisadiyyat Nazirinin yeni müavinlərindən biri olacağı ilə bağlı xəbərlər yayılıb.

AzToday.az mediada yayılan məlumatlara istinadən xəbər verir ki, yaxın günlərdə təyin olunacaq nazir müavinləri arasında Mahir Cəbiyevin də adı hallanır.

Məlumatlarda həmçinin qeyd olunur ki, KOBİA rəhbərliyində təmsil olunan şəxslərdən bir-neçəsinə müxtəlif nazirliklərdə vəzifə veriləcək.

Bir müddət öncə Mahir Cəbiyev haqqında yerli mətbuatda yayılan məlumatlarda onun milyonçu məmur olduğu iddia edilirdi. Həmin məlumatda bildirilirdi ki, KOBİA-nın Biznesə Xidmətlər Departamentinin təchizat şöbəsinin rəis müavini Mahir Cəbiyev vəzifəyə təyin olunandan sonra milyonçu məmura çevrilib. Qısa müddətdə bahalı mülklərə və avtomobillərə sahib olan Mahir Cəbiyevin qohumlarının adına şirkətlər də yaratdığı bildirilir

Kiçik və orta biznes subyektlərinin inkişafını dəstəkləyən, onun tənzimlənməsində, kiçik və orta biznes maraqlarının qorunmasında və problemlərinin həllində iştirak etməli olan KOBİA-nın dəstəklədiyi biznes strukturlarını araşdırdıqda məlum olur ki, real iqtisadiyyat deyil, əsasən xidmət sahələrinə güzəştli kreditlər verilib. Həmçinin, biznes layihələrinin maliyyələşdirilməsi prosesində bir çox hallarda tanışlıq faktoru rol oynayır. Mediada yayılan məlumatlara görə, əgər KOBİA-da tanışın yoxdusa, layihən keçməyə bilər. Varsa ,zəmanətlə güzəşli kredit almaq, qrant müsabiqələrində qalib olmaq şansın yüksək olur.(AzToday.az)

Qeyd edək ki, Kiçik və Orta Biznesin İnkişafı Agentliyinin İdarə Heyətinin sədri Orxan Məmmədovdur.