Yevlax rayonunda mənzil-kommunal təsərrüfatı sahəsində işlər qeyri-qənaətbəxş qiymətləndirilir. Bu sahənin fəaliyyətində rəvac verilən korrupsiya hüquqpozmaları KİV-in gündəmində olub və rayon rəhbərliyinin uğurlarına xeyli kölgə salıb. Yevlax şəhər Kommunal Təsərrüfatı İstehsalat Birliyinin rəisi vətəndaşlarla ünsiyyətdən qaçır.
Xüsusilə də Yevlax şəhər sakinləri məişət tullantılarının yığılmamasından gileylənirlər. Birliyin istifadəyə yararlı 2 ədəd zibildaşıyan maşını vaxtlı-vaxtında zibili daşıyıb-boşaltmağı çatdırmadığına görə dolub-daşan möhtəviyyatı külək ətrafa, yola və yaxınlıqdakı evlərin həyətlərinə səpələyir. Di gəl, idarənin balansındakı belə maşınların sayı çoxdur, tenderlə yeni alınmışlar da həmçinin.
Sakinlər deyirlər ki, Kommunal Təsərrüfatı İstehsalat Birliyi zibil pulu yığmaqda pərgardır. Hər dəfə də pul almağa başqa adam gəlir və ona özündən əvvəl gələn həmkarına pul ödənildiyini sübut etmək olmur. Verdikləri qəbzlər “kötüksüz”, anlaşılmayan xətlə yazılır.
Bir sözlə, rəhbərinin yumşaq ifadə ilə desək, səriştəsizliyi ucbatından Yevlax şəhər Kommunal Təsərrüfatı İstehsalat Birliyinin əhatə etdiyi ərazidəki küçə və meydanların, parkların təmizliyini, çoxmənzilli binaların ümumi istifadə olan hissələrinin süpürülməsini, məişət tullantılarının daşınmasını təmin etmək vəzifəsinin öhdəsindən gəlmir. Ona görə də rayon rəhbərliyi tez-yez sovetdənqalma ümumşəhər iməciliyi praktikasına əl atmalı olur, müxtəlif büdcədən maliyyələşən zəhmətkeş kollektivlərini məcburi əməyə cəlb edirlər.
Ötən ilin avqust ayında Yevlax şəhər Kommunal Təsərrüfatı İstehsalat Birliyi tərəfindən keçirilən tender müsabiqəsində həmin ərəfədə cəmi bir ay əvvəl 5 manat nizamnamə kapitalı ilə yaradılmış “Orlondo Az” MMC qutudan qalib çıxarılmışdı. Sonradan MKTB-yə əkin materialları, gübrələr və digər mallar satmış “Orlando Az” qarşılığında 105 min 800 manat almışdır. Qeyd edək ki, Yevlax şəhərində dövlət qurumları tərəfindən daha əvvəl də yeni yaranan, təcrübəsiz şirkətləri tenderin qalibi elan ediblər.
İbrahim Hümbətov //azerinfo.info//

"Hörmətli Azercell Telecom LLC... siz nə yeyib-içirsiniz orda?" DİA.AZ bildirir ki, bu barədə "Müştərinin Səsi" sosial qrupundakı paylaşımında Günay Tadıqova adlı istifadəçi giley edir.

Narazı vətəndaş daha sonra yazır: "Bu nə "sms"dir? Ya rus dilində yazın, ya da öz dilimizdə. Ümumiyyətlə, təklif edirəm dövlət dilimizi rus dili elan edək, canımız qutarsın day bu artistliklərdən!!!"

İddia olunanlarla bağlı dia.az olaraq qarşı tərəfi də dinləməyə hazırıq...

Əhalinin son siyahıyaalınmasının nəticəsi əsasında 2023-cü il avqust ayının 1-i vəziyyətinə hesablanmış əhalinin sayı 10157406*) nəfər təşkil edib.

Dövlət Statistika Komitəsindən verilən məlumata görə, əhalinin ümumi sayında şəhər əhalisinin xüsusi çəkisi 54,6 faiz, kənd əhalisinin xüsusi çəkisi 45,4 faiz, kişilərin xüsusi çəkisi 49,8 faiz, qadınların xüsusi çəkisi isə 50,2 faiz olub

Artıq iki ilə yaxındır ki, istehlakçılar neft və qaz məhsulları istisna olmaqla aldıqları digər mallara görə ödənilmiş ƏDV-nin müəyyən hissəsini geri ala bilirlər. Amma istehlakçıların ƏDV-ni geri alması heç də həmişə asan başa gəlmir. Bəzən ƏDV-nin icrasında istehlakçıya süni problemlər yaradılır.

Belə bir hal N.Nərimanov rayonu Fətəlixan Xoyski prospekti ev 830-835-ci məhəllədə yerləşən “Mango” geyim mağazasının Gənclik filialında yaşanıb.

Mağazadan olunan alış-verişdən sonra məlumatların bilərəkdən yalnış göstərilməsi istehlakçı üçün ƏDV-nin geri qaytarılmasına imkan verməyib.

Bizim.Media-ya müraciət edən alıcının sözlərinə görə sentyabrın 11-də sözügedən ünvandakı “Mango” mağazasından 139 manat məbləğində nağdsız formada geyim alıb və ona ƏDV qəbzi verilib. Amma müştəri ƏDV-ni geri ala bilməyib.

Üstəlik absurd və anormal bildirişlə üzləşib. Bildirişdə “Qanunvericiliyə uyğun olaraq akoqollu içkilər və tütün məmulatlarına görə ödənilmiş ƏDV məbləği qaytarılmır” ifadələri yazılıb.

Hansı ki, bu, aidiyyəti məhsullara aiddir. İstehlakçı bir neçə dəfə cəhd etsə də, ƏDV-ni geri qaytarmaq mümkün olmayıb.

Buna bənzər halla daha əvvəllər də qarşılaşan müştəri digər istehlakçıların da aldadılmaması üçün problemin ictimailəşməsini istəyib.

Məsələ ilə bağlı “Mango” geyim mağazasının Gənclik filialına müraciət etdik.

Mağaza rəsmisi Aygün xanım saytımıza açıqlamasında baş verən yalnışlığın texniki problem və mağaza ilə əlaqəsi olmadığını bildirib:

“Əslində bununla bağlı bir neçə müştəri bizə müraciət edib. Problem ƏDV sistemi ilə bağlıdır. İstər nağd, istərsə də nağdsız bütün alış verişlər zamanı alıcılara ƏDV bizim tərəfimizdən geri qaytarılır”.

Vergilər Xidmətinin mətbuat katibi Şahin Məmmədov isə son vaxtlar ƏDV-nin geri qaytarılmaması ilə bağlı şikayətlərin çoxaldığını bildirib.

O, bu cür hallarda insan faktorunun rol oynamadığını xüsusilə vurğulayıb. Konkret qeyd olunan məsələyə gəlincə isə qurum rəsmisi müvafiq şöbə tərəfindən sistemin yoxlanılacağını deyib.

İqtisadçı-ekspert Natiq Cəfərlinin sözlərinə görə texniki problem olma ehtimalı daha çoxdur:

“Texniki problem deyilsə, demək ki, əlaqəli dövlət qurumu ilə həmin mağaza ƏDV-nin geri qaytarılmaması üçün satdığı məhsulların kateqoriyasını sistemin özündə dəyişikliyə uğradıb. Təbii ki, kateqoriya dəyişikliyə uğrayanda sistem onun paltar, yaxud içki və ya tütün məmulatlarının olduğunu görə bilmir.

Əgər kateqoriya dəyişdirilirsə, avtomatik olaraq eyni cavabı göndərir. Amma bu, texniki səhv də ola bilər. Yoxlamadan heç kəsi ittiham etmək doğru deyil. Texniki səhv olmayıbsa, burada qərəz var. Yaxşı olardı ki, müştəri bununla bağlı əlaqədar dövlət orqanlarına, o cümlədən İqtisadiyyat Nazirliyinin Vergi Xidmətinə birbaşa onlayn müraciət etsin”.

Ekspert əlavə edib ki, buna bənzər halla özü də qarşılaşıb və müvafiq quruma müraciət edib:

“İlk növbədə vətəndaşlar bu məsələdə aktiv olmalıdırlar. Belə məqamlarda əgər haqlı olduqlarına əmindirlərsə, mütləq əlaqədar orqanlara üz tutsunlar ki, nəticə etibarilə öz hüquqlarını bərpa edə bilsinlər”.Bizim.Media

Mövzunu diqqətdə saxlayacağıq...

Avropadan Azərbaycana və əks istiqamətdə xüsusilə külli miqdarda valyutanın köçürülməsi üzrə gizlin sistem təşkil edən dəstə Dövlət Təhlükəsizliyi Xidməti (DTX) tərəfindən keçirilmiş tədbirlərlə ifşa olunub.

Həmin şəxslərdən biri Azərbaycan vətəndaşı Pərviz İsmayılovdur.

Belə ki, Səbail Rayon Məhkəməsinin qərarı ilə Dövlət Təhlükəsizliyi Xidmətinin İstintaq orqanı tərəfindən verilən vəsatət əsasında İsmayılov Pərviz Rövşən oğlu barəsində Cinayət Məcəlləsinin 206-1.3-cü (xüsusilə külli miqdarda xaricdən və xaricə qanunsuz pul köçürmələri) maddəsi ilə həbs qətimkan tədbiri seçilib.

İttihama əsasən, Pərviz İsmayılov xarici ölkə vətəndaşları ilə qabaqcadan əlbir olan bir qrup şəxs halında qəsdən əvəzləşdirmə və digər qarşılıqlı hesablaşma üsulları ilə müxtəlif valyutalarda xüsusilə külli miqdarda pul vəsaitlərinin qanunsuz olaraq xarici ölkədən Azərbaycan Respublikasına və Azərbaycan Respublikasından xarici ölkəyə köçürülməsi fəaliyyəti ilə məşğul olmaqda təqsirləndirilir.

Milyonlarla dövriyyəsi olan qeyd olunan kölgə iqtisadiyyat şəbəkəsi vasitəsilə dövlət qeydiyyatından kənar Azərbaycana keçirilmiş həmin pul vəsaitlərinin çatdırıldığı şəxslər sırasında dövlət təhlükəsizliyinə qarşı müxtəlif cinayətlərə görə məsuliyyətə cəlb edilmiş şəxslər, habelə müxtəlif radikal ekstremist yönümlü qruplar da olub.

Qeyd edək ki, kölgə iqtisadiyyatının imkanlarından istifadə edən casusların və terrorçu birləşmələrin maliyyələşdirilməsi, korrupsiya cinayətlərindən əldə edilən gəlirlərin xaricə çıxarılaraq leqallaşdırılmasına qarşı mübarizə sahəsində qabaqcıl beynəlxalq təcrübəyə uyğun olaraq, Azərbaycan Prezidentinin Fərmanı ilə 2022-ci ilin dekabr ayında Cinayət Məcəlləsinə 206-1-ci maddə əlavə edilib, istintaqının İqtisadiyyat Nazirliyi və Dövlət Təhlükəsizliyi Xidmətində aparılacağı müəyyən edilib.

Analoji fəaliyyətlə məşğul olan şəbəkələrə qarşı ciddi tədbirlər görüləcəyi gözlənilir.

Report

Bakıda bir sıra dövlət qurumların tenderlərinin qalibi olan və "tender kralı” adını qzanan "Bakinşaat Group” Məhdud Məsuliyyətli Cəmiyyəti (MMC) borc içində batır.

Qanuni təmsilçisi Məmmədov Elşad Sabir oğlu olan "Bakinşaat Group” MMC-nin İqtisadiyyat Nazirliyi yanında Dövlət Vergi Xidmətinin Milli Gəlirlər Baş İdarəsinə 7 milyon 184 min 469 manat vergi borcu var. Şirkətin qanuni təmsilçisinin ölkədən çıxşına "stop” qoyulsa da, "Bakinşaat Group” MMC-nin əsil sahibi Yavər adlı sahibkardır.
7 milyondan çox vergi borcu olan Yavər kimdir? - “Qaçqınkom”un sevimli şirkəti batır

O həmçinin Rusiyada otellər şəbəkəsinin də sahibidir. Onun Yessuntukidə sanatoriyası da var. Buna baxmayaq, həmin şəxs dövlətə və o cümlədən fərdi sahibkarlara olan borclarını qaytarmır. "Bakinşaat Group” MMC-ni isə öz köməkçisi Elşad Məmmədovun adına rəsmiləşdirib.

Hazırda Elşad Məmmədovun ölkədən çıxışına "stop” qoyulub. "Bakinşaat Group” MMC-nin əməkdaşlıq etdiyi şirkətlərə də külli miqdarda borcu yaranıb. Borc sahibləri müvafiq dövlət qurumlarına şikayətlərdə ünvanlasalar da, onların vəsaitləri MMC sahibi Yavər tərəfindən qaytarılmır.

"Bakinşaat Group” MMC-nin borclu olduğu şəxslərdən biri Qaynarinfo-ya bildirib ki, şirkət onun pulunu vermir.

Qeyd edək ki, "Bakinşaat Group” MMC mütəmadi olaraq Qaçqınların və Məcburi Köçkünlərin İşləri üzrə Dövlət Komitəsinin milyonluq tenderlərini udub. Təkcə 2020-ci ilin son rübündə komitə ilə "Bakinşaat Group” MMC arasında maliyyə dəyəri 3 801 400.68 AZN olan müqavilə imzalayıb. Müqaviləyə əsasən, MMC Ramana qəsəbəsi ərazisində 1512 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində 280 yerlik uşaq bağçasının tikintisini həyata keçirib.

"Bakinşaat Group” MMC rəhbərliyi isə dolayı yolla yaranmış borca görə Qaçqınların və Məcburi Köçkünlərin İşləri üzrə Dövlət Komitəsini günahlandırır. Qaynarinfo

Bakı şəhərinin daha bir ünvanında yaşıllıqlar hasara alınıb. Bu dəfə ağacların qırılması ehtimalı olan ünvan Nizami rayonu Qara Qarayev küçəsindəki ərazidir. Belə ki, 8-ci kilometr bazarı ilə üzbəüz ərazidə xeyli sayda yaşlı ağac dəmir hasara alınıb. Yerli sakinlər iddia edirlər ki, ərazidə ticarət obyekti tikiləcək. Və ərazidəki ağaclar kəsiləcək.

Məsələ ilə bağlı Nizami rayon İcra Hakimiyyəti ilə əlaqə saxladıq.

DİA.AZ xəbər verir ki, İcra Hakimiyyətindən Bizim.Media-ya bildirdi ki, məsələdən xəbərdardırlar:

“Bəli, ərazi hasara alınıb. Amma orada abadlıq işləri aparılacaq. Tikinti aparılacağı barədə bizdə məlumat yoxdur”.

Mövzunu diqətdə saxlayacağıq.

Yardımlı Rayon İcra Hakimiyyəti rayon yollarının təmirinə başlayır.

DİA.AZ Qaynarinfo-ya istinadla xəbər verir ki, qurum bununla bağlı elan etdiyi tenderə yekun vurub. Tenderin qalibi "Pro Təmir Tikinti” MMC seçilib. Yolların təmirinə 754 488,57 AZN xərclənəcək.

İqtisadiyyat Nazirliyi yanında Dövlət Vergi Xidmətinin reyestr məlumatlarına əsasən, "Pro Təmir Tikinti” MMC 20 oktyabr 2022-ci ildə qeydiyyata alınıb. Nizamnamə kapitalı 10 AZN olan şirkətin hüquqi ünvanı Bakı şəhəri Sabunçu rayonu, Zabrat qəsəbəsi, Əliyev küçəsi, ev 30X, mənzil 1-də yerləşir. MMC-nin qanuni təmsilçisi Əliyev İlqar Şamil oğludur.

Açıq mənbələrdə şirkət və qanuni təmsilçisi barəsində heç bir məlumat yoxdur. Şirkətin nə internet səhifəsi, nə də əlaqə telefonları var.

Mediada şirkətin Yardımlı Rayon İcra Hakimiyyəti başçısının keçmiş müavini Mahir Mirzəyevə bağlı olduğu barədə iddialar yer alıb. Mahir Mirzəyev müavin olmaqla yanaşı, həm də sosial-iqtisadi inkişafın təhlili və proqnozlaşdırılması şöbəsinin müdiri vəzifəsində çalışıb. O bu ilin iyununda işdən çıxarılıb.

Mahir Mirzəyev barəsində mediada dərc edilən materiallardan aydın olur ki, icra hakimiyyətinin tenderlərini əsasən o, keçirir və müsabiqələrdə özünə yaxın şirkətlər qalib seçilir. Görünür, bu faktlar icra başçısı Ayaz Əsgərovu Mahir Mirzəyevi işdən çıxarmaq məcburiyyətində qoyub.

Lakin onun quruma hələ də təsiri qalır. İcra hakimiyyətinin Sosial-iqtisadi inkişafın təhlili və proqnozlaşdırılması şöbəsinin müdir müavini Elçin Mirzəyevin Mahir Mirzəyevin əmisi oğlu olduğu deyilir.

İddialara görə, keçmiş müavin tender məsələlərini indi onun əli həll edir. Təbii ki, burada icra başçısının da mövqeyi nəzərə alınır.

Yardımlı Rayon İcra Hakimiyyəti bu ilin avqustunda da "Pro Təmir Tikinti” MMC ilə satınalma müqaviləsi imzalayıb. Maliyyə dəyəri 59 619,85 AZN olan müqavilədə Yardımlı rayonunda abadlıq işlərinin satın alınması nəzərdə tutulur.

Yardımlı Rayon İcra Hakimiyyəti ötən il yolların təmirinə 754 726,03 AZN, 2021-ci ildə 739.068,8 AZN, 2020-ci ildə isə 754 110,59 AZN xərcləyib. Bu ilki xərci də bura əlavə etsək, məlum olur ki, icra hakimiyyəti 3 il ərzində yollara 3 002 393,99 AZN "səpib”.

Qazax Rayon İcra Hakimiyyəti başçısı Rəcəb Babaşovun birinci müavini Məmməd Alıyev oğluna "Land Cruiser" avtomobili alıb.
Daxil olan məlumata görə, icra başçısının müavininin oğlu Elnur Alıyev artıq bir neçə gündür işə həmin avtomobillə gedir.
E.Alıyevin idarə etdiyi yeni avtomobilinin qiyməti avtomobil bazarında ortalama 120 min dollardır. Şəmkir Rayon Polis İdarəsinin əməliyyatçısıdır.

Qarşı tərəfin mövqeyini dərc etməyə hazırıq.

32gun.az

İmişli rayonundakı kəndlərdən birində sakinlər orta məktəb direktorunu uşaqlara qarşı cinsi qısnamada ittiham edirlər. Onlar direktorun işdən azad edilməsi üçün etiraz aksiyası da keçiriblər. Müəllimin nəvəsindən seksual xarakterli fotolar istədiyini bildirən kənd sakini deyir ki, onların şikayəti düzgün araşdırılmayıb. //meudan.TV//

Daha ətraflı aşağıdakı videoda: