Sentyabrın 19-u saat 11:45 radələrində Azərbaycan Ordusunun Ağdam rayonu istiqamətində yerləşən mövqeləri Rusiya sülhməramlı kontingentinin müvəqqəti yerləşdiyi Azərbaycan ərazisindəki Ermənistan silahlı qüvvələrinin birləşmələri tərəfindən minaatanlardan və müxtəlif çaplı atıcı silahlardan atəşə tutulub.

Bu barədə Müdafiə Nazirliyindən məlumat verilib.

Nəticədə Azərbaycan Ordusunun iki hərbi qulluqçusu yaralanıb. Hərbi qulluqçularımıza dərhal ilkin tibbi yardım göstərilib.

Bölmələrimiz tərəfindən cavab tədbirləri görülüb.

Patrul.az xəbər verir ki, hadisə Xətai rayonu Məzahir Rüstəmov küçəsində müşahidə olunub.

Belə ki, küçə ticarəti ilə məşğul olan şəxslər 54 BH 805 dövlət qeydiyyat nişanlı avtomobili yolun parklanma üçün nəzərdə tutulmuş hissəsində saxlayaraq avtomobilin arxa hissəsinə müxtəlif növ meyvə, tərəvəz düzməklə satışını təşkil edirlər.

Nəzərə alsaq ki, sözügedən satış yolun nəqliyyat vasitələrinin parklanması üçün nəzərdə tutulmuş hissəsində daimi olaraq icra olunur, bu o deməkdir ki, sürücülərin yolun həmin hissəsində parklanma etməsi mümkünsüz olacaq və alış-veriş etmək üçün həmin yerə yaxınlaşan şəxslər yolun hərəkət hissəsinə çıxmağa məcbur olduqları üçün həyatlarına təhlükə yaranmış olacaq.

Qeyd edək ki, bizim heç kimin qazancına müdaxilə etmək niyyətimiz yoxdur. Qanunlarla idarə olunan bir ölkədə yaşayırıq və hər kəs qanunlara əməl etməlidir.

Ümid edirik ki aidiyyatı qurumlar bu halı aradan qaldıracaqlar və bu ticarətlə məşğul olan sözügedən şəxslər də daha uyğun, heç kimə mane olmayan bir yerdə öz ticarətlərinə davam edəcəklər.

Daha ətraflı aşağıdakı videoda:

Naxçıvan şəhər İcra Hakimiyyətində yoxlamalar aparan Hesablama Palatası 5 milyon manatdan artıq yeyinti aşkarlayıb. Yoxlamalar 2021/22-ci illəri əhatə edir. Həmin dövrdə adı keçən icra hakimiyyətinə hazırkı başçı Mirsənani Seyidov rəhbərlik edib. O, 2018-ci ildən bu vəzifədədir.

Mirsənani Seyidov ötən ay iki müavinini vəzifədən uzaqlaşdırıb.

Millitv.az bildirir ki, icra hakimiyyətindəki mənbənin “Gündəlik Naxçıvan”a verdiyi məlumata görə, milyonlarla yeyintinin məsuliyyətinin məhz işdən çıxarılan bu şəxslərin üzərinə atılacağı ehtimal olunur.

Palatadan verilən məlumata görə isə, yoxlamalar zamanı 1.792.167 manat məbləğindən artıq və qanunsuz əmək haqqı ödənilməsi, 564.407 manat məbləğində mal alışının əmtəəsiz sənədləşdirilməsi, 2.955.000 manat məbləğində vətəndaşlardan vəsaitin qanunsuz tələb edilməsi halları müəyyən edilib.

Auditlə həmçinin İcra Hakimiyyətinin tabeli qurumlarında küçələrin işıqlandırılması xərclərinin sayğac göstəricilərinə uyğun aparılmadığı, istehsalçılara satılmış suyun faktiki həcminin rəsmiləşdirilmiş göstəricidən nəzərəçarpacaq dərəcədə az olduğu, malların baha qiymətə rəsmiləşdirildiyi, dövlət əmlakından qanunsuz istifadə edildiyi və büdcəyə çatacaq vergilərin ödənilmədiyi də aşkar olunub.
Müəyyən olunmuş hüquqpozmalarda cinayət tərkibi əlamətlərinin ehtimal edilməsi nəzərə alınaraq, müvafiq materialların hüquq-mühafizə orqanlarına göndərilməsi qərara alınıb. Bu materiallar əsasında icra hakimiyyəti vəzifəlilərinə qarşı cinayət işinin açılacağı gözlənilir.

Bizim bir media olaraq məqsədimiz kimisə qaralamaq, kiminsə əməllərinə kölgə salmaq deyil. Biz istəyirik ki, hər şey olduğu kimi, rəhmətlik Mirzə Ələkbər Sabir demişkən, “Düzü düz, əyrini əyri yazaq”, yəni tarixi saxtalaşdırmayaq. O cümlədən də “Çörək Tofiq” deyilən şəxslə də zərrə qədər şəxsi problemimiz yoxdur.
Oxucuya aydınlıq gəlməsi üçün qeyd edək ki, camaat arasında “Çörək Tofiq” kimi tanınan, əslən Qubadlı rayonundan olan Tofiq 1982-ci ildə Sumqayıt çörək-qənnadı kombinatında sex rəisi işləyib və... Azərbaycan Xalq Cəbhəsi hakimiyyətə gələndə, yəni 1992-ci ildə bu müəssisənin bazasında səhmdar cəmiyyəti yaradaraq saxta yolla sədr seçilib. Məhz Sumqayıt cəbhəçilərinin köməyi ilə.
Fikir verdinizmi, bu adam heç kombinatın direktoru da işləməyib, sadəcə sex rəisi olub, amma bir neçə il sonra Sumqayıt boyda şəhərin çörək kombinatını ələ keçirib, guya səhmdar cəmiyyət yaradıb-filan..
Təsəvvür edirsiniz, 1992-ci ildə hələ özəlləşdirməyə start verilməmişdi, amma Çörək Tofiq tələm-tələsik cəbhəçilərin əli ilə dövlət mülkiyyətini ələ keçirdi.
Bir az tarixə ekskurs etsək, “Çörək Tofiq”in əsl kimliyini bilə bilərik. Deməli, Ulu Öndər 2003-cü ildə Sumqayıtda keçirdiyi müşavirədə demişdir ki, Sumqayıtda özəlləşdirmədə ciddi problemlər olub...
Sözümüzün canı odur ki, bu adam o boyda çörək kombinatını zəhmətlə qazanmayıb, sadəcə ələ keçirib. İndi hər yerdə halallıqdan danışır... Bu hələ harasıdır..? Normal təhsili, savadı olmayan Tofiq Hüseynli 2000-ci ildə 40 saylı Sumqayıt üçüncü seçki dairəsindən deputat seçilmiş və II çağırış Milli Məclisin üzvü olmuşdur.
Sözün düzü, belə bir adamın deputat olması özü bir möcüzə idi və növbəti seçkidə seçicilər onu baykot etdilər. “Çörək Tofiq” hər yerdə deyir ki, 1993-cü ildə Qubadlılar qaçqın düşəndə hamısına iş vermişəm, çörək vermişəm və s. Birincisi, adam verdiyini deməz, ikincisi, sən çörək verən idinsə, kombinatın işçilərini niyə çörəksiz qoyurdun..? Biz hələ Tofiq Hüseynlinin Sumqayıtda çörək satışını inhisara almasından danışmırıq. Bu adam Bakıdan gətirilən çörəklərə qadağa qoyub. Adama deyərlər ki, sən kimsən, nəçisən inhisar yaradırsan..?
Yuxarıda qeyd etdiyimiz kimi Ulu Öndər 2003-cü ildə Sumqayıtdakı müşavirədə Tofiq kimilərin yaxşıca dərsini vermişdi. Xatırlatma üçün qeyd edək ki, həmin müşavirədə Sumqayıtın o zamankı deputatları Tofiq Hüseyli, Xıdır Alovlu, Sumqayıt Şəhər İcra Hakimiyyətinin o zamankı başçısı Təvəkkül Məmmədov, “Azərkimya”nın rəhbəri Fikrət Sadıqov, iş adamı Zaman İsgəndərov da iştirak edirdi. Ulu Öndər çıxışında qeyd edirdi ki, bizə Təvəkkül Məmmədov haqqında anonim məktublar daxil oldu. Nə bilim, o pis işləyir, vəzifəsini icra edə bilmir, haradasa gedib katibəsinin toyunda kefli olubdur, neyləyibdir.
Bəli, digər tərəfdən, guya o, narkotik qəbul edir, nəşə çəkir və s. Sonra Ulu Öndər qeyd edir… Mənə deyiblər, Sumqayıtda bir neçə qrup var, onların əlində böyük kapital var. Onlardan biri Fikrətdir, biri Tofiq Hüseynlidir, bir neçə başqaları da var. Zaman var. Deyirlər ki, Sumqayıtın bir hissəsini Tofiq Hüseynli özəlləşdiribdir. Başqa bir hissəsini Zaman İskəndərov özəlləşdiribdir… Tofiq Hüseynlinin bir dəstə qohumu işləyir. Bir dəstə də Zaman İskəndərovun qohumu işləyir və başqalarının qohumları işləyir. Başqa adamlara yer yoxdur! Bunların həm biznesdə böyük imkanları var, həm də böyük vəzifədədirlər.
Fikir verdinizmi, Ulu Öndər təkrar-təkrar Tofiq Hüseynlinin adını çəkir, onun neqativ əməllərindən danışır… Amma bu gün Tofiq Hüseynli özünə “Çörək Tofiq” ləqəbi götürüb, özünü hacı Zeynalabdin Tağıyevin davamçısı hesab edir və s. Ancaq tanıyanlar Tofiq Hüseynlinin kim olduğunu, hansı əməllərə sahib olduğunu gözəl bilirlər. Biz də deyirik ki, xalqın gözü tərəzidir, “Çörək Tofiq”, sənin çəkini əla bilirlər. Qanunlarımız da yaxın zamanda sənə tətbiq olunacaq... //gundelik-baku.com//

Bakı şəhər Mədəniyyət Baş İdarəsinin rəisi İbrahim Əliyevin qanunazidd qərar və əmr qəbul etdiyi iddia olunur. Məlumatlara görə İbrahim Əliyev təhsilsiz şəxsləri mədəniyyət ocaqlarında işə götürür.

Halbuki “İdman haqqında” qanuna görə ölkə ərazisində yalnız ali və orta ixtisas təhsilli şəxslər idman dərsləri verə bilər.

Məlumat üçün bildirək ki, Bakı şəhər Mədəniyyət Baş İdarəsinin tabeliyində 66 mədəniyyət müəssisəsi və çoxsaylı musiqi məktəbləri fəaliyyət göstərir. Məlumatlara görə İbrahim Əliyevin kuratoru, mədəniyyət üzrə sektor müdiri Səbinə Məmmədova təhsilsiz şəxslərin işə götürülməsi ilə bağlı təqdimat yazır və müdirinə möhürlədir. Ayrıca Bakı Şəhər Mədəniyyət Baş İdarəsinin hüquqşünası da var. O, da qanunazidd əməllərə göz yumur.

Qeyd edək ki, Bakı şəhər Mədəniyyət Baş İdarəsinin tərkibinə daxil olan mədəniyyət evləri, saray və mədəniyyət mərkəzlərində gecədən səhərədək fitnes klubları fəaliyyət göstərir. İdarənin tərkibində təşkil olunan ödənişli fiziki inkişaf kurslarına ali və orta ixtisas təhsili olmayanlar rəhbərlik edir.

Xatırladaq ki, “İdman haqqında” qanunun 48-ci maddəsinə əsasən idman üzrə ali və orta ixtisas təhsili olmayan insanlar bu sahə üzrə pedoqoji dərs verə bilməzlər. Lakin Bakı şəhər Mədəniyyət Baş İdarəsinin rəisi İbrahim Əliyevin 14.12.2022-ci il tarixində imzaladığı 164 nömrəli əmrinə əsasən idarənin hazırladığı qanunlara görə sadəcə sertifikatı olan və ya heç bir sənədi olmayan adamlar da idarənin balansına daxil olan müəsisələrdə ödənişli və ödənişsiz formada idman dərsləri verə bilərlər.

Millitv.az bildirir ki, Bizim.Media-nın araşdırmasına görə hazırda Lökbatan qəsəbəsində fəaliyyət göstərən Ə.Əmirov adına Mədəniyyət Sarayında gecədən səhərədək fitnes və idman dərsləri verilir.

Bakı şəhər Mədəniyyət Baş İdarəsinin icazəsi ilə fəaliyyət göstərən fitnes klubun səhərədək fəaliyyəti, eləcə də baş verə biləcək hər hansı xoşagəlməz və ya bədbəxt hadisəyə görə birbaşa məsuliyyət daşıyan Baş İdarənin qanunazidd addımları anlaşılan deyil.

Bundan əlavə 3 ilə yaxındır ki, Qızıldaş qəsəbə Mədəniyyət Mərkəzində gecə-gündüz fəaliyyətdə olan və fitnes klubuna rəhbərlik edən Eyvaz Hüseynovun da heç bir təhsili olmadığı deyilir.

Halbuki həmin klubda boks üzrə fərdi idman dərsləri vermək üçün Eyvaz Hüseynova Bakı şəhər Mədəniyyət Baş İdarəsi ilk gündən dəstək və icazə verib. Fəaliyyətini isə Baş İdarə öz rəsmi səhifəsində işıqlandırıb.

Qızıldaş qəsəbə Mədəniyyət Mərkəzinə yeni təyin olunan direktor tərəfindən Eyvaz Hüseynovun idman üzrə ali və orta ixtisas təhsili olmadığı üçün fəaliyyətinə məhdudiyyət qoyulmuşdu. Bu səbəbdən tərəflər arasında yaranmış qalmaqal media müstəvisinə qədər gedib çıxmışdı. Maraqlıdır, Gənclər və İdman Nazirliyi tərəfindən həmin şəxsin fəaliyyəti qanunsuz hesab edilsə də, Mədəniyyət Nazirliyindən məsələyə nə etiraz edilir, nə də müvafiq reaksiya verilir.

Ayrıca Eyvaz Hüseynovun atası Fazil Hüseynov və qardaşı Akşin Hüseynov da Qızıldaş qəsəbə Mədəniyyət Mərkəzində fiziki inkişaf kursuna ödənişli idman dərsləri vermək üçün müraciət ediblər. Hər iki şəxs tərəfindən Baş idarəyə təqdimat da yazılıb. İdarədən təqdimata müsbət cavab verilsə də, mərkəz direktoru idman üzrə təhsili olmayan hər iki şəxslə bağlı əmr verməyib.

Direktorun bu hərəkəti Bakı şəhər Mədəniyyət Baş İdarəsinin növbəti hiddətinə səbəb olub. Baş İdarənin rəisi İbrahim Əliyev direktora mərkəzdə fitnes kluba icazə verməli olduğunu bildirib.

Əmrinə əməl etmədiyi üçün 3 ayın tamamında mərkəzə direktoru işdən çıxarmaq üçün yoxlama da göndərib, lakin direktoru Mədəniyyət Nazirliyindən işə götürdükləri üçün idarə onu vəzifəsindən azad edə bilməyib.

Xatırladaq ki, bu il ölkədə fəaliyyət göstərən idman klublarında iki uşaq ölümü baş verib. Aprel ayında Sumqayıtda 7 yaşlı Fərid Bakarovun tanınmış idmançı Mehman Xəlilovun keçirdiyi sambo məşqləri zamanı ağır xəsarət alaraq vəfat etməsi, Yasamal rayon Zahid Xəlilov küçəsində yerləşən “Megacity” Fitness və Spa mərkəzində isə 2020-ci il təvəllüdlü Gülay Məmmədlinin nəzarətsiz qalaraq hovuzda boğulması ölkə gündəmini zəbt etmişdi. Hər iki bədbəxt hadisədən sonra ölkə başçısı Gənclər və İdman Nazirliyinə idman klublarının fəaliyyətinə ciddi nəzarət olunmasını tapşırdı.

Hərçənd ki, Gənclər və İdman Nazirliyinin İdman şöbəsinin müdiri Nicat Həsənov Qızıldaş qəsəbə Mədəniyyət Mərkəziin sözügedən məsələ ilə bağlı müraciətinə cavab olaraq bildirib ki, peşəkar pedaqoji idman fəaliyyətinə bədən tərbiyəsi, eləcə də idman sahəsində ali və orta ixtisas təhsili haqqında dövlət sənədlərinə malik şəxslər buraxılırlar.

Məsələ ilə bağlı Bakı şəhər Mədəniyyət Baş İdarəsinin rəisi İbrahim Əliyevlə dəfələrlə əlaqə yaratmağa çalışsaq da, idarə rəhbəri zənglərimizə cavab verməyib.

Mədəniyyət Nazirliyindən isə Bizim.Media-nın sorğusuna belə cavab verilib:

“Bildirək ki, “Mədəni-maarif müəssisələrində olan qulluqçu vəzifələrinin Vahid Tarif-İxtisas Sorğu Kitabçası”nda rəhbərlərin və müvafiq hallarda mütəxəssislərin əməyinin ödəniş dərəcələri həmin müəssisənin qrupundan asılı olaraq müəyyənləşdirilir.

Klublar, mədəniyyət evlərində (saraylar) sözügedən göstəricilər arasında müəssisələrdə ödənişli dərnəklərin olmasının zəruriliyi qeyd edilib.

Məsələ ilə əlaqədar olaraq, Bakı Şəhər Mədəniyyət Baş İdarəsi tərəfindən şəbəkəsinə daxil olan mədəniyyət müəssisələrində fəaliyyət göstərən kurs və dərnəklərin fəaliyyətinin tənzimlənməsi, bu istiqamətdə səmərəliliyin artırılması və şəffaflığın təmin edilməsi məqsədilə “Kurs və dərnəklərin fəaliyyəti haqqında Qaydalar” yenidən hazırlanaraq Azərbaycan Respublikasının Mədəniyyət Nazirliyinə təqdim olunub. Nazirliyin 09 dekabr 2022-ci il tarixli, 07/04-3742/2022 nömrəli məktubuna əsasən təqdim olunmuş layihəyə razılıq verilib”.

Nazirlikdən qeyd olunub ki, Mədəniyyət və Turizm Nazirliyinin (indiki Mədəniyyət Nazirliyi) 31.01.2007-ci il tarixli, 43 nömrəli əmri ilə təsdiq edilmiş müəssisə və təşkilatlarında tətbiq olunan pullu xidmətlərin siyahısının 4-cü bəndində idman-sağlamlıq (qaçış, şahmat-dama klubları, tennis, nərd və s.) sahəsində kursların və dərnəklərin yaradılması nəzərdə tutulub.

İdarənin 14 dekabr 2022-ci tarixli, 164 nömrəli əmrinə əsasən təsdiq edilmiş “Ödənişli kurs və dərnəklərin fəaliyyəti haqqında Qaydalar”ın 6.1. bəndinə müvafiq olaraq kurs və dərnəklərdə dərsləri (məşğələləri) tədris etmək üçün ali, orta ixtisas, peşə təhsili, xüsusi sertifikat və ya şəhadətnamə, əmək stajı, iş təcrübəsi, zəruri hallarda praktiki peşə-ixtisas hazırlığı olan şəxslər Baş İdarə ilə yazılı razılaşdırma yolu ilə müəssisə direktorunun əmri əsasında cəlb edilirlər.
Mövzunu diqqətdə saxlayacağıq...

Naxçıvan Muxtar Respublikası Ali Məclisinin sabiq sədri Vasif Talıbovun istefasından sonra iş adamları muxtar respublikaya investisiya qoymağa dəvət edilib. Uzun illər ərzində Vasif Talıbov iş adamlarını Naxçıvana buraxmamış, muxtar respublikadakı əksər istehsal və xidmət müəssisələri Talıbovlar ailəsinə məxsus olmuşdu. DİA.AZ bildirir ki, yeni dönəmdə ortalığa çıxan şirkətlərdən biri də “HİMAL” Holdinqdir. Bu holdinqə Naxçıvanda yaşıl işıq yandırılıb, geniş imkanlar yaradılıb. Qısa müddət ərzində “HİMAL” Holdinq “Çınqıllı” və “Darıdağ” təbii və mineral sularının istehsalına başlayıb.

Bundan başqa, holdinqin Naxçıvandakı otelləri, bir sıra xidmət sahələrini satın aldığı ilə bağlı xəbərlər yayılmışdı.

Bu günlərdə məlum olub ki, “HİMAL” Holdinq Naxçıvan Muxtar Respublikasında bəzi sahələrdə fəaliyyətini dondurub. Holdinq ona təklif olunan əmlakları satın almaq fikrindən daşınıb.

DİA.AZ xəbər verir ki, TNS-ə özəl mənəbələrdən daxil olan məlumata görə, bundan sonra Azərbaycan Respublikası Prezidentinin Naxçıvan Muxtar Respublikasındakı səlahiyyətli nümayəndəsi Fuad Nəcəfli ilə “HİMAL” Holdinqin rəhbəri Hacı Ələsgərov arasında ciddi problem yaranıb, holdinqin Naxçıvandakı fəaliyyəti məhdudlaşdırılıb.

Əldə etdiyimiz məlumata görə, iş adamı Hacı Ələsgərov səlahiyyətli nümayəndəyə verdiyi sözü tutmayıb, onu ölkə rəhbərliyi qarşısında çətin duruma salıb. Belə ki, Hacı Ələsgərov Talıbovlar ailəsinə məxsus olan “Təbriz”, “Duzdağ”, “Grant Naxçıvan”, “Avtovağzal” otellərini, “Nəqşicahan” tikinti şirkətini, bir sıra xidmət sahələrini almaq barədə söz verib. Bu əmlakların dəyəri, təqribən, 50-60 milyon manat arasındadır. Həmin vəsait Naxçıvanın büdcəsinə yönəldilərək muxtar respublikada tikinti-quruculuq işlərində istifadə olunacaqmış.

Hacı Ələsgərovun sözünə arxayın olan Fuad Nəcəfli keçirilən müşavirələrdə muxtar respublikaya 50 milyon manat ayrılacağını, vəsaitlə bağlı yaranmış problemlərin aradan qaldırılacağını bildirib.

Aparılan texniki-iqtisadi dəyələndirmələrdən sonra “HİMAL”a təklif olunan obyektlərin rentabelli olmadığı müəyyən edilib və holdinq həmin əmlakları satın almaq fikrindən vaz keçib.

Hazırda “HİMAL” Naxçıvanda bəzi sahələrdə fəaliyyətini davam etdirir. Mənbənin sözlərinə görə, bu holdinqə əvvəlki münasibət olmayacaq. Çünki holdinq üzərinə götürdüyü öhdəlikləri yerinə yetirməyib, Hacı Ələsgərov isə özü barədə qeyri-ciddi iş adamı təəssüratı yaradıb.

Əmək və əhalinin sosial müdafiəsi naziri Sahil Babayev təqaüdə çıxmağa yaxın olan sabiq rəislər üçün Dövlət Sosial Müdafiə Fondunda əlavə ştatlar açdırıb.

DİA.AZ bildirir ki, Qaynarinfo-nun əldə etdiyi məlumata görə, bir müddət əvvəl nazirin müvafiq əmri ilə DSMF-nin Regionlarla İş üzrə Mərkəzi Filialı yaradılıb. DSMF İdarə Heyətinin sədri Himalay Məmişovun uzun illər köməkçisi olmuş Maqsud Həsənov isə bu Mərkəzə rəis təyin edilib.

Regionlarla İş üzrə Mərkəzi Filialın direktor müavini vəzifəsinə isə DSMF-nin ləğv edilən Xəzər Rayon Şöbəsinin sabiq müdiri Kələntərli Elgüc Asif oğlu gətirilib.

Ləğv edilən Sosial Müdafiə Mərkəzinin müdiri İbrahimov Çapay Bayram oğlu Regionlarla İş üzrə Mərkəzi Filialın direktorunun müşaviri təyin edilib.

DSMF-nin ləğv edilən Nərimanov Rayon Şöbəsinin sabiq müdiri Vəliyev Məzahir Abdulkərim oğlu Regionlarla İş üzrə Mərkəzi Filialın direktorunun müşaviri təyin olunub.

DSMF-nin ləğv edilən 2 saylı Xidmət Nümayəndəliyinin (Xətai rayonu) direktor müavini olmuş Möhbalıyeva Yeganə Suliddin qızı Regionlarla İş üzrə Mərkəzi Filialı direktorunun müşaviri təyin edilib. Yeganə Möhbalıyeva Həmkarlar İttifaqı Konfederasiyasının sədri, millət vəkili Səttar Möhbalıyevin bacısıdır.

DSMF-nin ləğv edilən 2 saylı Xidmət Nümayəndəliyinin (Xətai rayonu) direktor müavini olmuş Novruzov Məhərrəm Dünyamalı oğlu da Regionlarla İş üzrə Mərkəzi Filialın direktorunun müşaviri təyin edilib. Məhərrəm Novruzov millət vəkili Siyavuş Novruzovun qardaşıdır.

Göründüyü kimi sanki Mərkəzi Filial sabiq rəislərin və məmurların kütləvi təyinatı üçün yaradılıb. Bunun səbəb və məqsədləri isə bir çox suallar doğurur.

Qeyd edək ki, təkcə 2023-cü il üçün dövlət büdcəsində DSMF-nin gəlirləri 6,27 milyard manat təsdiq edilib. Ümumilikdə isə sosial müdafiə və sosial təminat üzrə büdcə 10 milyard manatdan artıqdır.

“Bu il nar ağaclarının hamısında meyvə çürüdü. Bəzi ailələrin yeganə gəlir mənbəyi nar satışındandır. Elə bağlar var ki, ümumiyyətlə, məhsul vermədi”.

DİA.AZ bildirir ki, bunu Meydan TV-yə Hacıqabulun Udullu kənd sakinləri bildiriblər.

Kənd sakini Ramin Həsənov deyib ki, qonşu kəndlərdə, hətta respublikanın əksər bölgələrində də narın məhsuldarlığı yüksək olmayıb:

“Onsuz da bu il dərman, gübrə bahalaşıb, xərclər ən azı 2 dəfə artıb. Bir tərəfdən də məhsul az olduğundan ötən ilə nisbətən bu il nar bahalaşacaq”.

“Neçə adamla maraqlandıq, hamısı eyni problemdən şikayətləndi. Hər il bar verən nar ağacları bu il bar vermədi. Bəziləri deyir ki, meyvə yağışdan çürüyüb. Amma elə yerlər var ki, oranı yağış çox tutmayıb”, – kənd sakini bildirib.

Sakinlərin sözlərinə görə, onlara yağışlı havadan sonra hərarətin qalxması nəticəsində ağaclarda göbələk xəstəliyinin yarandığını deyiblər, amma heç bir yardım edilməyib.

Sakinlərdən biri deyib ki, bağa yaxşı qulluq edib, dərmanlanma aparıb, ancaq yenə də məhsul ağacda çürüyüb. Bu problem əsasən narın yetişdirmə dövründə baş verib.

Kəndlilərin sözlərinə görə, Udulluda suvarma problemi olduğundan taxıl, pambıq və ya digər məhsullar yetişdirə bilmirlər. Həmin ərazi üçün yeganə məhsul nardır, o da bu il problemli olub:

“Dəqiq səbəb deyən də yoxdur. Bəziləri deyir ki, qurd düşüb, bəzisi deyir ki, göbələk xəstəliyidir, yaxud iqlim dəyişikliyidir. Dolanışığımız günü-gündən çətinləşir. Onsuz da kənddə qalan ailələrin sayı çox deyil. Əksəriyyət Bakıya köçüb, daş karxanalarında günəmuzd fəhlə kimi çalışır. Udullunun problemləri həll olunmaqdansa, getdikcə daha da dərinləşir”.

Kənd təsərrüfatı üzrə ekspert Vahid Məhərrəmli isə hesab edir ki, problem hava şəraiti ilə bağlı göbələk xəstəliyinin yaranmasından baş verə bilər.

Azərbaycan Nar İstehsalçıları və İxracatçıları Assosiasiyasının İdarə Heyətinin sədri Fərhad Qaraşov isə mətbuata deyib ki, Azərbaycanın nar ixracının əsas bazarı hesab olunan Rusiyada milli valyutanın dəyərdən düşməsi nəticəsində problemlərin yaranacağı gözlənilir.

Qaraşovun sözlərinə görə, ötən il 31 milyon 564 min dollar dəyərində nar ixrac edilib.

Rusiya-Ukraniya müharibəsinə görə Azərbaycan Ukrayna bazarını tamamilə itirib.

Narın yetişdirilməsində istifadə edilən dərman, gübrə, aqrotexnik qulluq ləvazimatları bahalaşıb. Bu isə maya dəyərinin artmasına səbəb olub.

“Azercell” AzTV-nin redaktorunu ölkə xaricində internetsiz qoydu.

DİA.AZ Tribunainfo.az-a istinadla yazır ki, Azərbaycan Dövlət Televiziyasının redaktoru, jurnalist Afaq Vasifqızı “Azercell” üzündən problem yaşayıb. O bu barədə sosial şəbəkə hesabında yaxıb:

“Ölkə xaricindəyəm. Rominq xidmətim aktivdir. İnternet paketi almaq istəyirəm. Olmur. “Azercell”in *1111 xəttinə zəng vururam, alınmır. “Azercell”in fb səhifəsinə yazıram. Messenceri oxuyan da yoxdur. Qosqoca şirkətin sosial hesabı – sıfır”.

Keçən günlərdə ARDNŞ-nin keçmiş vitse-prezidenti, hazırki müşavir Daşqın İsgəndərovla bağlı verdiyimiz informasiyada iddia olunurdu ki,onun kadrlarının "vurulması" prosesinə start verilib və ilk hədəfdə olanlardan biri də hazırda "Azəriqaz" İstehsalat Birliyində direktorun Təmir-Tikinti işləri üzrə müavini postunu tutan Ramil İsgəndərovdur.

DİA.AZ-ın məlumatına görə, artıq rəhbərlik tərəfindən R.İsgəndərovun ərizəsinin alındığı iddia olunur. Onu da qeyd edək ki, Daşqın İsgəndərov bu günlərdə SOCAR-da vitse-prezidentlikdən alınaraq müşavir kimi təyin olunub və bu da onun mövqelərinin kifayət qədər zəifləməsi kimi anlaşılır. DİA,AZ vurğulayır ki, D.İsgəndərov yerli KİV-də gizli oliqarx-məmurlardan biri kimi təqdim olunur...

Ramil İsgəndərova gəlincə isə, onun özü də yetərincə qabarıq fiqurdur. Xatırladaq ki, zamanında Ramil İsgəndərov barəsində ilginc iddialar səslənirdi. Məsələ onun səlahiyyətləri ilə bağlıdır, yəni nə iş göfrürüdü ki, belə diqqətə gəlirdi... İş bundadır.

Bəs Ramil İsgəndərovun “Azəriqaz”da işi nədən ibarətdir? Yuxarıda qeyd etdiyimiz kimi, ölkə ərazisində qaz kəmərlərinin yenidənqurulması, qazpaylama infrastrukturunun yaradılması layihələrinin hazırlanmasına, təmir-tikinti işlərinin həyata keçirilməsinə nəzarət etmək.

İnternet resurslarında açıq mənbələr üzərindən apardığımız araşdırmalarda “Azəriqaz” İstehsalat Birliyini tərəfindən son illər bir çox rayonlarda kəndlərin qazlaşdırılmasının həyata keçirməsi barədə geniş məlumatlar tapdıq. Bu işlərin həyata keçirilməsinə nəzarət isə Ramil İsgəndərovun səlahiyyətindədir. Çünki, İstehsalat Birliyinin baş direktorunun keçirdiyi”Açıq mikrofon” aksiyalarında Ramil İsgəndərov əsaslı tikinti üzrə müavin kimi daim Ruslan Əliyevin yanında olur. Bu isə o deməkdir ki, kəndlərin qazlaşdırılması işinin başında birbaşa Ramil İsgəndərov dayanır. Redaksiyamıza verilən məlumatlara görə məhz bu işlərin həyata keçirilməsinə ayrılan dövlət vəsaitlərinin çox hissəsi baş direktorun müavini Ramil İsgəndərovun vasitəsi ilə təyinatından kənarlaşdırılır. Əldə eydiyimiz məlumatlara görə Ramil İsgəndərov bu vəzifəyə SOCAR-ın neftin, qazın nəqli və qaz təsərrüfatı məsələləri üzrə keçmiş vitse-prezidenti, hazırki müşavir Daşqın İsgəndərov tərəfindən məhz bu məqsədlə otuzdurulub. Həm Ruslan Əliyevə nəzarət etmək, həm də var -dövlət toplamaq məqsədi ilə.

İndi isə onun özünün mövqeləri zəifləyib. Bu barədə danışan mənbə iddia edir ki, əlinə fürsət düşən “Azəriqaz” İstehsalat Birliyinin rəhbəri Ruslan Əliyev heç də fürsəti fövtə vermək fikrində deyil. Və...

Daha ilginc faktlar NÖVBƏTİ YAZIMIZDA...

Bizi izləməkdə davam edin...

Əlavə bilgilərimiz olacaq. İddia olunanlarla bağlı olaraq qarşı tərəfi də dinləməyə hazırıq...Dia.az