[rating-type-4]
{likes}
{dislikes}
[/rating-type-4]
Hətərən-pətərən danışan Paşinyanla NECƏ DANIŞMALI... - ÇƏTİN SUAL...

Ermənistan Baş naziri Nikol Paşinyan hökumətin iclasında növbəti dəfə Azərbaycanı suçlayıb. Baş nazir iddia edib ki, guya, Azərbaycan Ermənistana qarşı genişmiqyaslı müharibəyə başlamaq məqsədilə sərhədin müəyyən hissələrində hərbi əməliyyatlara çalışır: “Bu niyyəti rəsmi Bakının bütün bəyanatlarında və hərəkətlərində oxumaq olar. Buna baxmayaraq, Ermənistanın siyasəti bu ssenarinin qarşısını almaqdan ibarətdir və buna nail olmaq üçün bütün lazımi səylər göstəriləcək. Eyni zamanda Ermənistan ölkənin bütün qanuni maraqlarının müdafiəsində qətiyyətlə dayanacaq”. Paşinyanın sərsəm düşüncəsinə görə, Azərbaycan dialoq yolu ilə əldə edə bilmədiyi şeylərə nail olmaq üçün hərbi müdaxilə təhlükəsindən istifadə edir. Baş nazir zənn edir ki, Nerkin-Hand kəndi yaxınlığında baş vermiş son hadisə Azərbaycanın “destruktiv siyasəti”nin növbəti təzahürü idi: “Bu, Azərbaycanın Ermənistana qarşı hərbi zorakılıq məqsədlərinin dəyişməz qaldığını göstərir. Bizdə belə bir təəssürat yaranır ki, Azərbaycan sərhədlərin sabitliyi və təhlükəsizliyi məsələsinə biganədir. Belə düşünmək üçün kifayət qədər əsaslar var. Xüsusilə, 2022-ci ildə razılıq əldə olunub ki, sərhədlərin delimitasiyası komissiyalarının vəzifələrinə sərhəd təhlükəsizliyi məsələləri də daxil edilsin. Ermənistan sərhədlərin delimitasiyası və təhlükəsizlik məsələləri üzrə komissiya yaratdığı halda, Azərbaycan təhlükəsizlik komponentini daxil etmədən sərhədlərin delimitasiyası üzrə komissiya ilə məhdudlaşıb".
Azərbaycan Xarici İşlər Nazirliyi erməni baş nazirin absurd bəyanatlarını cavabsız qoymayıb. XİN-dən bildirilib ki, Ermənistanın Baş naziri Nikol Paşinyanın 15 fevral tarixli hökumət iclasında növbəti dəfə səsləndirdiyi əsassız iddialar bölgədə qəsdən gərginlik yaratmaq məqsədi daşıyır: "12 fevral tarixində Ermənistan tərəfinin təxribatlarının 5 aya yaxın müddətdə hökm sürən sabitliyi pozduğu və bunun məsuliyyətinin Ermənistan tərəfində olduğu hər kəsə yaxşı məlumdur. Ermənistanın bütün qonşularının ərazi bütövlüyünü dəstəklədiyini iddia edən baş nazirə Ermənistan Konstitusiyasında, qüvvədə olan qanunvericilik aktlarında, rəsmi məktublarında, rəsmi bəyanatlarında, beynəlxalq təşkilatlar və məhkəmələrdə yaydığı sənədlərdə Azərbaycanın ərazi bütövlüyünə qarşı davam edən iddialarını xatırlatmaq istərdik. Ermənistan tərəfi, həqiqətən də, sülh prosesində maraqlıdırsa, Azərbaycanın ərazi bütövlüyü və suverenliyinə qarşı iddialarından əl çəkməlidir".
Göründüyü kimi, Ermənistan Baş naziri Nikol Paşinyan yenə qeyri-konstruktiv mövqe sərgiləməklə, Azərbaycanı aqressor kimi göstərib, beynəlxalq təzyiqə nail olmaq istəyini davam etdirir. Nerkin-Hand kəndi yaxınlığındakı mövqelərindən Azərbaycan əsgərini snayper atəşi ilə yaralayan və aylar sonra sərhəddəki atəşkəsi pozan Ermənistan olub, DSX yalnız cavab verib. Digər tərəfdən, Ermənistan Azərbaycana aid kəndləri qaytarmamaq üçün artıq 3 ildən çoxdur müxtəlif bəhanələr gətirir. Halbuki Qazaxın 7, Naxçıvanın 1 kəndinin Ermənistan işğalı altında qaldığını Paşinyan özü belə təsdiqləyib və bu kəndlərin Ermənistanın “29,8 min kv.km ərazisinə daxil olmadığını” elan edib. Bu açıqlamalar müxtəlif bəhanələr gətirmək, riyakarlıq və işğalı davam etdirmək cəhdidir. Fevralın 14-də Ermənistan silahlı qüvvələrinin Kəlbəcər rayonu istiqamətindəki mövqelərimiz üzərində kvadrokopterlə kəşfiyyat uçuşları həyata keçirməsi də təxribat planlarının davamı idi.

Millət vəkili Asim Mollazadə "Sherg.az"a deyib ki, Ermənistan daxilində çox ciddi problemlər, siyasi-iqtisadi təlatümlər yaşanır. Parlament üzvünün sözlərinə görə, Ermənistan baş nazirinin tutarsız və məntiqsiz açıqlamaları bir daha göstərir ki, Paşinyanın sülhlə bağlı heç bir açıqlamasına inanmaq olmaz. Çünki İrəvan hökuməti sülhlə imitasiya edir və Azərbaycanla münasibətlərin normallaşmasına çalışmır:

"Nikol Paşinyan hamı ilə oynayır, qarşı tərəfi yalanları ilə aldatmaq niyyəti güdür. Paşinyan qonşu ölkələrlə əməkdaşlıq, münasibətlərin normallaşmasını istəmir. Çünki Ermənistanda radikal, revanşist qüvvələrin mövqeyi getdikcə güclənir. Erməni diasporası da hökumətə təzyiqlərini artırır. Həmçinin bir sıra Qərb və region ölkələrinin Cənubi Qafqazda vəziyyəti gərginləşdirmək niyyəti ortadadır. Onlar da aktiv fəaliyyətə keçiblər. Dalana dirənmiş Paşinyan dünən dediyini bu gün təkzib edir, əvvəlki ritorikasını dəyişərək müharibədən, hərbi əməliyyatlardan danışır, heç bir əsas olmadan Azərbaycanı suçlayır. Əlbəttə, qeyri-müəyyən mövqe sərgiləyən bir hökumətlə nəyisə normal müzakirə etmək mümkünsüzdür".
[rating-type-4]
{likes}
{dislikes}
[/rating-type-4]
Naxçıvanda nazir şikayətçini ŞƏXSƏN QƏBUL ETDİ VƏ... - AÇIQLAMA

Naxçıvanda polis əməkdaşlarının fərdi təsərrüfatla məşğul olan Tahir Abbasovu həyətindəki samana görə qanunsuz cərimələməsi ilə bağlı məlumat ”Gündəlik Naxçıvan”da ctimailəşdikdən sonra o, yerli DİN-ə dəvət olunub. Bu haqda onun özü məlumat verib. Tahir Abbasovun sözlərinə görə, onu daxili işlər naziri Süleyman Neymətovun özü qəbul edib:
“Məlumat ictimailəşəndən təxminən bir saat sonra məni yerli DİN-ə dəvət etdilər. Süleyman müəllim şəxsən özü qəbul etdi. O, mənə öz hüquqlarımı və polisin hüquqlarını izah etdi. Görüşün sonunda onun göstərişi ilə inzibati xətaya görə mənə yazılan cərimə ləğv olundu”.
Naxçıvan şəhər 54-cü məhəllə sakini Tahir Abbasov „Gündəlik Naxçıvan“a bildirdmişdi ki, fevralın 14-də polis sahə rəisi Ramin Əhmədov onun yaşadığı evin həyətinə gəlib, samanın yerə sərilməsini qanun pozuntusu kimi protokollaşdırıb və ona 50 manat cərimə yazıb. Təbriz Abbasovun sözlərinə görə, daha sonra sahə rəisi onu hədələyərək bildirib ki, üç gün ərzində pul ödənilməsə, o və oğlu həbs olunacaqlar.
[rating-type-4]
{likes}
{dislikes}
[/rating-type-4]
Həyəcan pik nöqtədə: Onlarla bağlı hansı qərar veriləcək? - Bu gün, yaxud sabah...


Xəbər verdiyimiz kimi, Prezident İlham Əliyevin inauqurasiya mərasimindən sonra Azərbaycan hökuməti istefa verdi. Hazırda baş nazir Əli Əsədov daxil olmaqla, bütün hökumət üzvləri – Baş nazirin birinci müavini, iki müavini, 17 nazir, 7 Komitə sədri, 3 Xidmət rəisi və 2 Agentlik sədri öz vəzifələrini müvəqqəti icra edirlər.

Yenixeber.org-un məlumata görə, yeni hökumətin formalaşması uzun çəkməyəcək. Bu gün yaxud sabah yeni təyinatların olacağı gözlənilir.

Aldığımız məlumata görə, hökumətin istefası ilə əlaqədar olaraq, dövlət qurumlarda həyəcanlı atmosfer hökm sürür. Hökumət üzvlərinin əksəriyyəti kariyerası ilə bağlı ciddi narahatlıq keçirir. Hakimiyyət dəhlizlərində bir neçə nazirin yola salınacağı ilə bağlı xəbərlər dolaşır.

Bu sırada daha çox 4 şəxsin - FHN başçısı Kəmaləddin Heydərovun, Müdafiə naziri Zakir Həsənovun, Elm və Təhsil naziri Emin Əmrullayevin və Dini Qurumlarla İş üzrə Dövlət Komitəsinin sədri Mübariz Qurbanlının adları hallanır. Kimin gedib, kimin qalacağı isə yaxın günlərdə məlum olacaq.(Yenisabah)
[rating-type-4]
{likes}
{dislikes}
[/rating-type-4]
Bakının mərkəzində “RR Construction” ÖZBAŞINALIĞI - Dövlət vətəndaşa sahib çıxmalıdır...

“Kubinka” kimi tanınan Yasamal rayonu Əlibaba Abdullayev küçəsi söküntü ərazisi kimi hasarlanıb. Söküntünü “RR Construction” şirkəti həyata keçirir. Dia-az info bildirir ki, sakinlər isə söküntü şərtləri ilə razı olmadıqlarını deyirlər. Onlar iddia edir ki, ərazini boşaltsınlar deyə evlərini bilərəkdən zədələyirlər.

“Camaatın evini bilə-bilə zədələyirlər. Guya bunların əlində arayış var ki, bu ərazi qəzalı vəziyyətdə olan evlərdir. Burada qəzalı evlər bəlkə də var. Onların sakinləri böyük əksəriyyət bugünkü gündə köçüb gediblər. Qəzalı olmayan evləri də başqa adla çıxarmaq olmur axı, nəsə əsas olmalıdır. Ona görə bilə-bilə zədəliyirlər. Burada qonşunun evini bilə-bilə zədələyiblər. Təsəvvür elə, evin içindən göyə baxırsan, günəş görünür”.

Sözügedən ev Təzəgül Həsənovanın evidir. Deyir ki, artıq neçənci dəfədir evinin damını zədələyirlər. Sakinlər şirkətlə razılığa gələ bilmirlər, şərtlər onları qane etmir. Şirkətin vədlərinə də inanmırlar deyə evlərindən çıxmaq istəmirlər.

“RR Construction” şirkətinin rəhbəri Rafael Abdullayev açıqlamasında bildirir ki, sakinlərə təklif olunan məbləğ bazar qiymətinə uyğun olaraq 2000 manatdır. Sakinlər isə məbləğin bazar qiymətinə uyğun olmadığını deyirlər.
[rating-type-4]
{likes}
{dislikes}
[/rating-type-4]
Şöbə müdiri işdən çıxarıldı, narazı qaldı - NƏ BAŞ VERİB?


OMD adı ilə tanınan K.Y. Fərəcova adına Elmi-Tədqiqat Pediatriya İnstitutunun şöbə müdiri Gülşən Qəhrəmanova işdən çıxarılıb.

Qaynarinfo-nun əldə etdiyi məlumata görə, onun işdən çıxarılması bir müddət əvvələ təsadüf edir.

Gülşən Qəhrəmanovanın işdən çıxarılmasının səbəbləri bəlli olmasa da, keçmiş şöbə müdirinin qərardan narazı olduğu bildirilir. Məlumata görə, Gülşən Qəhrəmanova işə bərpa tələbi ilə İnstitutu məhkəməyə verib.

Lakin birinci instansiya məhkəməsi onun iddiasını təmin etməyib. Gülşən Qəhrəmanova apellyasiya şikayəti verib. Şikayətə Bakı Apellyasiya Məhkəməsində baxılacaq. Fuad Abdıyev iş üzrə hakim təyin edilib.

Araşdırmalarımız zamanı məlum olub ki, Gülşən Qəhrəmanova K.Y. Fərəcova adına Elmi-Tədqiqat Pediatriya İnstitutunun Yenidoğulanların patologiya şöbəsinin müdiri vəzifəsində işləyib. K.Y. Fərəcova adına Elmi-Tədqiqat Pediatriya İnstitutunun direktoru tibb elmləri üzrə fəlsəfə doktoru, dosent Aynur Poluxovadır. Aynur Poluxova direktor vəzifəsinə 2023-cü ilin dekabrında təyin olunub.

OMD-dən məsələyə münasibət öyrənmək mümkün olmayıb.
[rating-type-4]
{likes}
{dislikes}
[/rating-type-4]
Qazax səhiyysinə təcili CƏRRAH MÜDAXİLƏSİ lazımdır... - YOXSA...

Bu günlərdə “Dəryaz” qəzeti redaksiyasına müraciət edən vətəndaş Eyyubova Siranuş Cəbrayıl qızı Qazax Rayon Mərkəzi Xəstəxanası Publik Hüquqi Şəxsin direktoru Sevda Məmmədovanı şikayət edib.

Siranuş Eyyubova bildirir ki, özü Böyük Vətən müharibəsi əlilinin qızıdır. Ailəsi Qarabağ savaşında şəhidlər verib. Böyük qardaşının oğlu I Qarabağ müharibəsinin şəhidi, Milli Qəhrəmandır. Kiçik qardaşının oğlu 44 günlük Vətən müharibəsi şəhidi, bibisi nəvəsi 1 günlük antiterror əməliyyatının şəhididir. Bir sözlə, Siranuş xanımın həmişə gözü ağlar olub, şəhid yaxınlarının qanları, canları bahasına Qalib ölkəyə çevrilən Azərbaycanın alnı açıq, üzü ağ vətəndaşı kimi bu torpağın çörəyini yeməyi haqq edib. Amma şikayətlənir ki, uzun illər kiçik tibb bacısı vəzifəsində işlədiyi Qazax Rayon Mərkəzi Xəstəxanasının direktoru Sevda Məmmədova onu bu bir tikə çörəkdən məhrum edib. Ötən ilin noyabr ayının 17-də Siranuş xanımın pensiya yaşı (65) tamam olan kimi onu yaş senzi ilə əlaqədar çalışdığı İnfeksion xəstəliklər şöbəsindəki işindən kənarlaşdırıb.

Yeri gəlmişkən, Sevda Məmmədovanın özü 69-u haqlayıb, yaşa qalanda Siranuş Eyyubovadan bir neçə bayram böyükdür. Sevda Məmmədova 2019-cu ildən direktorluq etdiyi Qazax RMX-na başqa yerdən gəlməyib, 44 ilə yaxındır ki, Qazax səhiyyə sistemində çalışır. Yəni, elə Siranuş Eyyubova ilə çiyin-çiyinə. Adam bütün sülaləsini rəhbərlik etdiyi müəssisədə işlə təmin edib, yaşı ötmüş qohumlarını da vəzifədə saxlayıb. Belə ki, əri Musa dəri-zöhrəvi həkimi, bir bacısı Gülüş uşaq həkimi, digər bacısı Hüsniyyə diş texniki, bacısı oğlu elektrik vəzifələrindədirlər. Siranuş xanımın sözlərinə görə, Musanın yaşı 75-dir, Gülüş işə çıxmadığı halda maaş almaqdadır, Hüsniyyə isə özü psixi xəstədir. Əgər, Sevda Məmmədova gənc kadrları irəli çəkmək istəyirsə, ilk növbədə özü və əri kreslolarından əl çəkməlidirlər.

Şikayətçi mərkəzi xəstəxanada Sevda Məmmədovanın öz qohumlarından başqa da “əziz-xələflərinin” olduğunu bildirir: “Direktor Doğum Evində yaş senzi ilə əlaqədar işdən çıxardığı sanitarın yerinə həmin şəxsin gəlinini, camaşırxanaya isə qızını işə qəbul edib. Təbii ki, gedən adama bunca böyük diqqətin göstərilməsinin təmənnasız olduğunu düşünmək sadəlövhlük olar. Arzu adlı sanitar adı gecə növbəsinə yazılsa da, heç vaxt gecələr növbəyə çıxmır, ixtisası olmadığı halda xəstələrə iynə vurur. Direktor Arzuya qeyri-rəsmi ixtiyar verib ki, əlinə süpürgə götürməsin, özünü pasientlərə tibb bacısı kimi tanıtsın, tibb bacısı Ülviyyə isə həkim kimi təqdim olunur. İnfeksion xəstəliklər şöbəsinə gecə qəfləti yoxlama göndərilsə, tibb personalından heç kəsin işdə olmadığı, xəstələrin başlı-başına qaldıqları məlum olar”.

Siranuş xanım bildirir ki, direktor onunla əmək müqaviləsinin müddətini uzatmamasının səbəbini yerinə şəhid ailəsini götürmək niyyəti ilə əlaqələndirib. Hərçənd, sonradan məlum olub ki, Siranuş xanımın yerinə işə götürülən şəxsin heç bir güzəştli statusu, imtiyazı yox imiş. Təbii ki, Siranuş Eyyubova işinə bərpa olunmaq üçün səy göstərib. Amma direktor ona deyib ki, TƏBİB sədri Vüqar Bayramov nə vaxt Qazax Xəstəxanasına vakant ştat göndərsə, o vaxt məsələyə baxılacaq. Halbuki, müəssisədaxili kadr siyasəti direktorun öz səlahiyyətindədir. TƏBİB rəhbərliyinə və daha yuxarı instansiyalara şikayət ünvanlayan Siranuş Eyyubova redaksiyamıza da müraciət edərək, məsələnin ictimailəşdirilməsini xahiş etmişdir.

P.S. Deyilən ittihamlarla bağlı Sevda xanım Məmmədovanın mövqeyini öyrənmək üçün ona zəng etdik. O, yekun olaraq bildirdi ki, şikayətçinin dedikləri doğru deyil, siz də nəyazırsınız yazın. Ancaq Sevda xanım doğruların nədən ibarət olduğunu demədən telefona «odboy» verdi. Biz də araşdırmalarımızdan sonra xanım direktorun əmlaklarından, o cümlədən əriklik adlanan ərazidə yerləşən qoşa villalarından və s. barədə oxucularımıza məlumat verəcəyik...

“Dəryaz”
[rating-type-4]
{likes}
{dislikes}
[/rating-type-4]
Bu xəstəxanada pasiyentlər soyuqdan donur - istilik sistemi sıradan çıxıb...

Tibbi Ərazi Bölmələrini İdarəetmə Birliyinin (TƏBİB) tabeliyindəki Zərdab Rayon Mərkəzi Xəstəxanasında istilik sistemində problemlər yaranıb.

Bu barədə İqtisadiyyat.az-a hazırda xəstəxanada stasionar müalicə alan pasiyentlər məlumat verib.

Qeyd edilib ki, ötən ilin payızından havalar soyuyandan bəri tibb müəssisəsinin istilik sistemi işləmir. Uzun müddətdir mövcud halın yaşandığını söyləyən pasiyentlər problemin aradan qaldırılmamasından narazılıqlarını bildiriblər.

Zərdab Rayon Mərkəzi Xəstəxanasının direktoru Emil Kamilov da İqtisadiyyat.az-a açıqlamasında istilik sistemində problemlərin yarandığını və hazırda bunun davam etdiyini təsdiqləyib.

E.Kamilov mövcud problemin onun direktor vəzifəsinə təyin olunmamışdan əvvəl - yəni xəstəxananın keçmiş rəhbərliyinin zamanında yarandığını xatırladıb. O, buna baxmayaraq hazırda xəstəxanada temperaturun normal olduğunu söyləsə də, palatalarda istiliyin necə təmin olunduğu barədə danışmaq istəməyib.

E.Kamilov problemin qısa zamanda aradan qaldırılması üçün işlərə başlanıldığını vurğulayıb. Direktor qeyd edib ki, istilik sisteminin bərpası üçün Bərdə rayonundan mütəxəssislər dəvət olunub.

Məlumat üçün bildirək ki, E.Kamilov ötən ilin noyabrında TƏBİB-in İcraçı direktoru Vüqar Qurbanovun əmri ilə Zərdab Rayon Mərkəzi Xəstəxanasının direktoru vəzifəsinə təyin olunub. O, daha əvvəl Zərdab Gigiyena-Epidemioloji Mərkəzinin direktoru olub.

Xatırladaq ki, Zərdab Rayon Mərkəzi Xəstəxanasının binası 1988-ci ildə inşa edilib. Uzun müddət baxımsız vəziyyətdə qalan binada 2013-cü ildə əsaslı təmir işlərinə başlanıb və 2016-cı ildə xəstəxananın yeni binası əsaslı təmirdən sonra istifadəyə verilib.
[rating-type-4]
{likes}
{dislikes}
[/rating-type-4]
Eşqi Bağırovun arxasında ciddi bir qüvvə dayanır... - İLGİNC GƏLİŞMƏ...

Eşqi Bağırov 10 ildən artıq bir müddətdə bilərəkdən dövlətin qanununu pozaraq rəsmi olaraq həm məmur olub, həm də bizneslə məşğul olub...

Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin direktoru öz adına olan və 16 il müddətində fəaliyyət göstərən şirkətinin fəaliyyətinə xitam verib.
Eşqi Bağırovun arxasında ciddi bir qüvvə dayanır... - İLGİNC GƏLİŞMƏ...

AzFakt.com xəbər verir ki, 2008-ci ildə təsis edilən “Allure” MMC-nın varlığı barədə məlumat bir neçə il öncə ölkə mətbuatında yayılıb.

Eşqi Bağırov Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin direktoru vəzifəsinə ötən ilin oktyabrında təyinat alsa da, o, uzun illər boyu bu nazirlikdə müxtəlif vəzifələrdə çalışıb. Yəni Eşqi Bağırov 10 ildən artıq bir müddətdə bilərəkdən dövlətin qanununu pozaraq rəsmi olaraq həm məmur olub, həm də bizneslə məşğul olub.

Xatırladaq ki, Eşqi Bağırov əmək fəaliyyətinə 2014-cü ildə Təhsil Nazirliyinin İnsan resursları şöbəsində məsləhətçi kimi başlayıb.

2016–2017-ci illərdə həmin şöbədə sektor müdiri, müdir müavini vəzifələrində, 2018-ci ildən isə şöbə müdiri vəzifəsində çalışıb. 2022-ci ildən nazirliyin Aparat rəhbərinin müavini səlahiyyətlərinin icrası ona həvalə edilib.

Eşqi Bağırov 2006–2010-cu illərdə Bakı Dövlət Universitetində hüquqşünaslıq ixtisası üzrə bakalavriat, 2019–2021-ci illərdə Azərbaycan Respublikasının Prezidenti yanında Dövlət İdarəçilik Akademiyasında isə dövlət və bələdiyyə idarəetməsi ixtisası üzrə magistratura təhsili alıb. Hazırda ADA Universitetində dövlət idarəetməsi ixtisası üzrə ikinci magistratura təhsilini alır.

Qeyd edək ki, bir müddət əvvəl E.Bağırovun adı məhkəmə işində hallanmışdı. Belə ki, 34 nömrəli tam orta məktəbin sabiq direktoru Rəhman Hacıyevin yaxın qohumu, Rəfael adlı şəxsin 13 il Lənkəranda müəllim işləyən Könül adlı şəxsdən Bakıda sözügedən məktəbdə müəllim vəzifəsinə düzəlmək adı ilə 15 min manat pul alması ilə bağlı keçirilən məhkəmə prosesində E.Bağırovun da adı hallanırdı. Bildirilirdi ki, həmin şəxs pulun E.Bağırova çatacağını deyib. Bundan əvvəlsə “qəhrəmanımızın” adı müəllim qruplarına kart göndərtdirərək pul yığmaqda hallanmışdı. Müəllimlərə həmin vəsaitlərin guya “şəhidlər fonduna” yığıldığı bildirilib. Vəsait üçün müəllim qruplarında paylaşılan kart isə şəxsən E.Bağırovun özünə aid olub.
Eşqi Bağırovun arxasında ciddi bir qüvvə dayanır... - İLGİNC GƏLİŞMƏ...
Eşqi Bağırovun arxasında ciddi bir qüvvə dayanır... - İLGİNC GƏLİŞMƏ...

Bir məmurun qeyri-rəsmi formada, şəxsi kart vasitəsilə yardım adı altında pul yığdırması kifayət qədər ciddi hadisə olsa da, E.Bağırov bu qalmaqalalrı adlaya bilib və ona daha böyük vəzifə belə verilib. Bu isə onu göstərir ki, Eşqi Bağırovun arxasında ETN ssitemində ciddi bir qüvvə dayanır.

Qeyd edək ki, yerli mətbuatda Eşqi Bağırovun FETO-ya bağlı olması ilə bağlı iddialar səsləndirilib.
[rating-type-4]
{likes}
{dislikes}
[/rating-type-4]
İlknur haqda yeni cinayət işi başlanıldı
Dələduzluğa görə bacısı ilə birgə həbsdə olan İlknur Turkut haqda yeni cinayət işi başlanılıb.

Turkut Binəqədi Rayon Polis İdarəsinə daxil olmuş vətəndaş şikayəti əsasında cinayət məsuliyyətinə cəlb edilib.

İttihama görə, İ.Turkut zərərçəkmiş Şirin Abbasova oğlunu həbsdən çıxara biləcəyi barədə yalan vəd verib. O, məhkəmə istintaqı davam edən işi həll etmək üçün zərərçəkmişdən 15 min manat pul alıb.

Bu günlərdə toplanmış materiallar baxılması üçün Binəqədi Rayon Məhkəməsinə göndərilib. İşi hakim Zamiq Bağırov araşdıracaq.

Qeyd edək ki, Binəqədi Qəsəbə Bələdiyyəsinin sabiq sədri Aytac Əliyeva Cinayət Məcəlləsinin 178.3.2-ci (külli miqdarda dələduzluq) və 320-ci (saxta sənəd hazırlama), İ.Turkut isə 178.3.2-ci (külli miqdarda dələduzluq) maddəsi ilə təqsirli biliniblər. İttihama görə bacılar zərərçəkmiş şəxslərə yalan vəd verərək 1 milyon manata yaxın ziyan vurublar.(“Qafqazinfo”)
[rating-type-4]
{likes}
{dislikes}
[/rating-type-4]
Dövlət Komitəsinin “Dostluq”a sədaqəti bu imiş... - NARAZILIQ VAR...

Kinoteatrın binasını sökürdülər. Məsələni ictimailəşdirəndən sonra ora diqqət cəlb olundu və söküntü işləri dayandırıldı”.

Memarlar İttifaqının İdarə Heyətinin üzvü, memar Elçin Əliyev Meydan TV-yə belə deyib.

Dövlət Şəhərsalma və Arxitektura Komitəsi “Dostluq” (“Дружба”) kinoteatrının sökülməsini təkzib etsə də, memar bu açıqlama ilə razı deyil.

O deyir ki, binanın söküntüsü məhz məsələ ictimailəşəndən sonra dayandırılıb və dövlət komitəsi yalan açıqlama yayıb:

“Kinoteatrın binasının sökülməsi ilə bağlı söylənilənləri necə əsassız adlandırmaq olar? Məgər binanın nə günə qoyulduğunu görmürlər? Buna necə demək olar ki, sökülmür? Hamısı yalandır. Sahibi binanı sökmək istəyirdi”.

“Biz bina sahibinin nümayəndəsi ilə danışdıq və xahiş etdik ki, sökmə. Gəl, sənə bir memar kimi kömək edim, ayrı bir variant tapaq. Binanın fasadını saxla, içərisində nəyi istəyirsən, sök və yenidən tik. Necə ki Bakı Kitab Mərkəzini ediblər. Tarixi bina idi, divarlarını, fasadını saxladılar. İçərisində yeni bina tikdilər”, – Elçin Əliyev deyib.

Fevralın 9-da memar Elçin Əliyev Meydan TV-yə “Dostluq” kinoteatrının sökülməsi ilə bağlı məlumat verib.

Bildirib ki, kinoteatrın ərazisindən təsadüfən keçərkən, binanın söküldüyünü görüb və dərhal Mədəniyyət Nazirliyinə, Bakı Şəhər İcra Hakimiyyətinə, Dövlət Şəhərsalma və Arxitektura Komitəsinə müraciət etdib.

Hadisə yerində olan aidiyyəti qurumların müdaxiləsi və söhbəti nəticəsində bina sahibinin nümayəndəsi söküntü işlərini dayandırıb və davam etməyəcəklərini deyib.

Mədəniyyət Nazirliyinindən Meydan TV-yə bildirilib ki, “Dostluq” kinoteatrı dövlət mühafizəsinə götürülmüş daşınmaz tarix-mədəniyyət abidələrinin siyahısına daxil olmasa da, bu istiqamətdə təkliflərə baxılır.

Dövlət Şəhərsalma və Arxitektura Komitəsindən isə bildirilib ki, kinoteatrda monitorinq aparılan zaman binanın damında və fasad hissəsində işlərin aparılması müəyyən edilərək dayandırılıb.

“Kinoteatr binasının sökülməsi və yerində yeni binanın tikilməsi ilə bağlı Dövlət Şəhərsalma və Arxitektura Komitəsinə mülkiyyətçi tərəfindən müraciət olunmayıb və heç bir tikintiyə icazə verilməyib”,– “Şəhərsalma”nın açıqlamasında bildirilb.

Memar Elçin Əliyev binanın sökülməsi zamanı çəkdiyi fotoları da Meydan TV-yə təqdim edib.

Vaxtilə paytaxt Bakıda 16 kinoteatr fəaliyyət göstərib.

Onlar ümumilikdə 70 kinozaldan ibarət olub.

2006-cı il avqustun 23-də Prezident İlham Əliyevin imzaladığı “Səhiyyə, təhsil, idman və mədəniyyət sahələrində bir sıra müəssisə və obyektlərin özəlləşdirilməsi haqqında” sərəncamdan sonra ikisi (“Azərbaycan” və “Araz”) profilini saxlamaq şərtilə ölkə üzrə 100 kinoteatr və kino qurğusunun özəlləşdirilməsinə başlanılıb.

Sahibkarlar isə həmin kinoteatrları təmir etmək əvəzinə, onlardan biznes və başqa təyinatlı obyektlər kimi istifadə ediblər.

1952-ci ildə inşa olunan “Dostluq” kinoteatrı da 2017-ci ildə özəlləşdirilib.

Avropa standartları 10 milyon əhali üçün 500 kinozalı nəzərdə tutur.

Bu baxımdan ölkədəki kinozalların say etibarilə Avropa standartlarından geri qalır.

Ölkədə, daha doğrusu, paytaxtda dövlət kinoteatrlarının olmaması da birbaşa bilet qiymətlərinin bahalaşmasına təsir göstərir.

Kino mütəxəssisləri hər dəfə kinonun problemlərindən danışarkən, kinoteatrlar mövzusuna da toxunurlar.

Problemin həlli istiqamətində addımlar atılmadığını deyirlər.

Hazırda isə Bakıda dövlət balansında yalnız bir kinoteatr var, o da “Nizami” Kino Mərkəzidir.

Digərləri – “Park Cinema”, “CinemaPlus” şirkətlər zənciri özəl şəbəkələrdir və hakim ailəyə aid olduğu deyilir.

“Azərbaycan kinosunun 2008-2018-ci illər üzrə inkişafına dair Dövlət Proqramı”nda göstərilib ki, dövlət şəbəkəsində saxlanılan kinoteatr binaları bərpa olunmalı, müasir tələblərə cavab verən nümayiş və səs avadanlığı ilə təchiz edilməlidir.

Qanundan irəli gələn tələblər isə yerinə yetirilməyib.
Dövlət Komitəsinin “Dostluq”a sədaqəti bu imiş... - NARAZILIQ VAR...

XƏBƏR LENTİ

14:27

"ZAKİR HƏSƏNOV AİLƏ ÜZVLƏRİMƏ DEYİB Kİ, ONUN GÜNAHI YOXDUR..." - "General olduğum üçün məni qurban seçdilər..."

13:58

Naxçıvan Nazirlər Kabinetinə yeni Aparat rəhbəri təyin edilib - Ceyhun Cəlilovun İLK Sərəncamı

13:34

"43 sot pay torpağımız var, onu da əkib-becərə bilmirik..." - NARAZILIQ VAR...

12:30

FƏRİD ƏHMƏDOV BU PROBLEMİ YOLUNA QOYA BİLƏCƏKMİ? - Yeni nazirin etməli olduğu yenilik

12:03

Nərimanovda “zibil dağları” yaradılıb... - İH və “JEK” hara baxır?

11:25

Süfrəmiz ətdən düyüyə qədər xaricdən asılıdırsa.. - HƏQİQƏTƏN DƏ...

11:25

Süfrəmiz ətdən düyüyə qədər xaricdən asılıdırsa.. - HƏQİQƏTƏN DƏ...

10:51

Yeni Klinikada TƏFTİŞ: Saxlanılan var - DETALLAR

10:12

İmişlidə fermer başçıdan NARAZIDIR... - başçı isə...

10:12

İmişlidə fermer başçıdan NARAZIDIR... - başçı isə...

09:41

İki naziri yola salan Heydər Yaqubov... – Direktor öz gücünü kimdən alır?

09:15

Məmur ciblərinə SU KİMİ AXAN büdcə pulları... - Nə bir soran var... nə də soruşduran...

19:06

Türkiyə kəşfiyyatı Suriyada əməliyyat keçirib, PKK-nın iki rəhbər şəxsi tutulub

18:47

Siqaret və dərman oliqarxı: Cavanşir Feyziyev Londonda itirdiyini Gürcüstanda qazanır –VİDEO

16:32

Xətaidəki "xətalara göz yumanlar" - Qanunsuz tikintilərə qanunların "razılığı" hansı əsaslarla alınır? /VİDEO+FOTOLAR

15:59

İlham Əliyev və onun şərikləri ölkə mədəniyyətini tarmar edirlər - FOTO/VİDEO

15:18

“Azərşin” ASC rəhbərliyinin qanunsuzluğundan şikayət var -“Bizə güllə atırlar, başımıza oyun açırlar”

14:45

"LC Waikiki" və "Penti"yə qoyulan 3,8 milyonluq maya geri götürüldü - NƏ BAŞ VERİR?

14:17

Namiq Yusifov 6 saylı Ekologiya idarəsinin ərazilərində ekoloji terroru davam etdirir - ARAŞDIRMA

13:50

Rusiya XİN: Azərbaycan və Ermənistanın sərhədlərin delimitasiyası üzrə bütün səylərini dəstəkləyirik

12:22

Astara illərdir eyni problemləri yaşayır... - Başçı nə günə orda oturub ki?..

11:50

Məleykə Abbaszadə ilə Emin Əmirullayevin QOVĞASI - zərbə kimə dəyir?

10:58

Gəncə xəstəxanasında MÜBHƏM ÖLÜM... - niyə ört-basdır edilir?

10:21

Naxçıvan müəllimləri 3 ildə 2 dəfə imtahan verməyə məcbur edilir – BU AYRI-SEÇKİLİYİN SƏBƏBİ NƏDİR?

09:48

Neftçilərin xaotik yerdəyişməsi KİMİN MARAĞINDADIR? - BU NƏDİ BELƏ?!

09:25

Fransada içməli suda təhlükəli bakteriyalar aşkarlanıb

21:13

Bakıda çoxmərtəbəli yaşayış binasında yanğın olub

21:03

Prezident İlham Əliyevin adından Sadır Japarovun şərəfinə dövlət ziyafəti verilib - YENİLƏNİB

19:51

Azərbaycanda yeni kollec yaradıldı

19:00

Qırğızıstan Prezidenti Bakıda şəhidlərin xatirəsini andı

18:38

İraqın şimalında PKK-nın 6 terrorçusu zərərsizləşdirildi

16:46

Məşhur pediatrın intihar səbəbi bu imiş

16:21

Bayden növbəti dəfə “erməni soyqırımı” ifadəsini işlətdi

15:53

"Oğlum xəstə ola-ola əsgər aparıblar" - Cəlilabad sakinindən şikayət - FOTO