Azərbaycan hələ sovet dövründə "pambıq respublikası" kimi tanınırdı. Müstəqillik dövründə zamanla məhsuldarlıq aşağı düşməyə başladı. Son illər bu istiqamətdə müəyyən canlanma hiss olunurdu. Neft qiymətləri düşən kimi hökumət pambığı xatırlayır. Guya ölkəyə böyük pullar gətirəcək. Pambıq tədarükü məntəqələri ilə bağlı çox danışılır. Rəsmi statistika istehsalın artdığını iddia edir. Amma ortada bir şey yoxdur.

DİA.AZ Bizimyol.info-ya istinadla xəbər verir ki, keçən il pambıq ixracı 121 milyon dollardan 52 milyon dollara düşüb. Qeyri-neft ixracı statistikasında bu məhsulun ölkəyə gətirdiyi gəlir digərləri ilə müqayisədə xüsusilə azalıb. Məsələn, meyvə-tərəvəz, kimya sənayesi məhsulları, metal ixracı heç bu qədər azalmayıb. Pambıq ölkəyə gözləniləndən dəfələrlə az qazanc gətirir. Heç ətrafında bu qədər ajiotaj yaradılmasına da dəymir.

Pambıq xəyalları niyə suya düşdü? Bəlkə də, ona görə ki, ölkədə su qıtlığı var. Hökumət vəziyyətin yaxşı olmamasını etiraf etmək istəməsə də, pambığın perspektivi görünmür. Məsələn, Saatlı pambıq rayonu sayılır. Burada həmişə məhsuldarlıq yüksək olub. Amma indi bu rayonda ciddi su qıtlığı var. Hətta sakinlər buna görə aksiya da keçirmişdilər. Kür hövzəsində yaşayanlar adicə bostan sulamağa aciz qalırlar. Pambığın inkişafından, məhsuldarlığın artırılmasından necə danışmaq olar?! Onsuz da tarlalarda çalışanlara pambıq toplamaq çox sərf etmir. Böyük əziyyət müqabilində qəpik-quruş alırlar. Tədarük məntəqələri zəhmətkeşləri razı salacaq şərtlərlə işləmir. Üstəlik, proses getdikcə daha mürəkkəb olmağa başlayıb. Susuzluq özünü bütün müstəvilərdə göstərir.

Eyni zamanda pambıq təsərrüfatında böyük nöqsanlara yol verilir. Məsələn, az qala hər il məhsulun əkilməsində gecikməyə yol verilir. Yəni aprelin sonuna qədər proses yekunlaşdırılmır. Pambıq yığımı da eyni taleyi yaşayır. Oktyabrın sonuna qədər məhsulun tam yığılması lazım gəldiyi halda bir çox hallarda sahələr hələ də "ağ libasını çıxarmır". Pambıq toplayanlar da işdə stimul görmürlər. Məhsulun kiloqramının 10-15, lap 20 qəpiyə yığmaq heç bir halda sərfəli görünə bilməz. Pambıq istehsalı kənd təsərrüfatının inkişaf planının tərkib hissəsi olmalıdır. Bizdə isə bu məhsul təbliğat predmetindən başqa bir şey deyil.

Dövlət Məşğulluq Agentliyinin özünəməşğulluq layihəsi çərçivəsində Cəlilabadda bir qrup şəxsə 20 baş qoyun və bir törədici qoç verilib.

Millitv.az -ın Qaynarinfo-ya istinadən məlumatına görə, vətəndaşlar Agentlik tərəfindən onlara təqdim edilən heyvanlardan narazıdırlar. Belə ki, təqdim edilən heyvanların əksəriyyəti xəstədir.

Fermerlərdən biri iddia edir ki, ona verilən qoyunların bir ədədi üçün dövlət qiyməti olaraq 400 manata imza atdırılıb. Amma qoyunların ikisi təqdim edilən yerdə ölüb. Biri isə halsız vəziyyətdədir. Digər heyvanlar da eyni vəziyətə düşürlər.

Qeyd edək ki, Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin İdarə Heyətinin sədri Mustafa Abbasbəylidir. Məsələdən xəbərdar olan agentlik rəhbəri nədənsə hələ də baş verən heyvan ölümləri ilə bağlı insanları günahlandırır.

VİDEO BURADA:
My Webpage

İsmayıllı rayonunun Aşağı Baş kənd sakini Əliyeva Ramilə Qərib qızı «Təzadlar» qəzeti redaksiyasına göndərdiyi şikayət ərizəsinə problemini əks etdirən foto və videoçəkilişləri də əlavə edib.

Şikayətçi «Təzadlar» vasitəsilə İsmayıllı rayonunun icra başçısı Nahid Bağırova müraciət edərək kömək istəyir. Ərizədə yazılır: «Çox hörmətli Nahid müəllim. Bizim yaşayış şəraitimizi iki göz gərəkdir görsün və nəticə çıxartsın. Mən vəziyyətimizin kritik olduğunu Əmək və Əhalinin Sosial Müdafiəsi Nazirliyinin rəhbərliynə yazdığım ərizəmizlə bildirmişdim. Oradan nümayəndələr gəlib dedilər ki, siz yalan deyirsiniz, burada insan yaşaya bilməz, heyvan saxlamaq olar, yəqinki sizin başqa yerdə eviniz var və s. Amma onların dili niyə yol verirdi ki, göz ilə görünənləri belə ifadə etsin, bilmədik.

Bizim ev adlanan bu daxma köhnə «PAZ» avtobusunun ətrafının taxta-tuxta ilə bağlanması əsasında yaranıb. Yayımız da, qışımız da belədir, burada yaşamağa məhkumuq. Həyat yoldaşım da, özüm də xəstəyəm. Uşaqlarım da elə. Bit-birə əlindən tərpənə bilmirik. Çünki nəmişlik və yayda isə isti və bürkü bizi bu həşaratlara yem edib. Uşaqlar iki dəfədir qotur düşür. İmkanımız da yoxdur ki, özümüzə daşdan bir daxma düzəldək. Allah Prezidentimizin canını sağ eləsin, bizim kimi ailələrə qayğı göstərilməsinin şahidiyik. Lakin İsmayıllıda bunun şahidi olmuruq.

Hörmətli Nahid müəllim! Bilirik ki, iki ildən çoxdur cənab Prezident sizi İsmayıllıya başçı təyin edib. Deməli, bu rayonun sakinlərinin şikayətinə də siz əncam çəkməlisiniz, çünki burada rəhbər sizsiniz. Sizin ədalətli və insaflı, işgüzar rəhbər olduğunuzu eşidirik. Odur ki, bizim şəraitimizi görməyiniz və aidiyyəti tapşırıq verməyinizi arzu edirik.

Hörmətli Nahid müəllim! Mən bu müraciəti cənab Prezidentimiz İlham Əliyevə də ünvanlaya bilərdim. Amma düşündüm ki, əgər Sizin kimi işgüzar və ədalətli icra başçısı varsa, mən niyə hörmətli Prezidentimizi narahat edim. Ona görə də bizim bu kasıb ailəyə kömək etməyinizi bir daha xahiş edirik. Biz pul istəmirik, sadəcə, bizə soyuqdan xəstələnib ölməmək üçün başımızı salmağa daxma istəyirik. Səbrsizliklə gözümüz yolda olacaq. Əvvəlcədən minnətdarıq».

«Təzadlar»dan: inanırıq ki, İsmayıllı rayon İcra Hakimiyyətinin rəhbərliyi bu ailəyə mümkün köməyini əsirgəməyəcək…

Görülən tədbirlər barədə əlavə məlumat veriləcək. //«Təzadlar»//

"Bir neçə gündən sonra Rəşad Tağlyevin Şəmkirin icra başçısı təyin olunmağının 2 ili tamam olacaq. Qalmaqallı Alimpaşa Məmmədovun həbsindən sonra gənc oğlanın bu vəzifəyə təyin olunması ölkə gündəminin ən maraqlı hadisələrindən biri idi. Rəşad Tağıyev bu təyinata qədər həm özəl sektorda hüquqşünas kimi işləmişdi, sonradan hamilərinin dəstəyi ilə dövlət qulluğuna keçərək Bakı şəhər Təhsil İdarəsində qısa müddətdə sıravi işçidən müdir vəzifəsinə qədər yüksəlmişdi. Emin Əmrullayevin Təhsil naziri təyinatından sonra Rəşad Tağıyev bu nazirlikdə persona non-qratde elan edilərək, zaman-zaman özünün Təhsil Nazirliyindən uzaqlaşması üçün zəmin yaradılmışdı. Bu dəfə də Rəşad Tağıyevin harayına yüksək vəzifələrdə kadr işləri ilə məşğul olan tələbə yoldaşı çatmışdır (bu barədə növbəti yazılarımızda ciddi faktlar ortaya qoyacağıq)". Bu barədə DİA.AZ-a göndərilən məqalədə deyilir.
Məaqlədə daha sonra bildirilir: "Rəşad Tağıyevin Şəmkirə icra başçısı təyin olunması onun üçün sonuncu şans idi. Yuxarıda qeyd etdiyimiz kimi 2021 ci ilin aprel ayının 26 da Alimpaşa Məmmədovun xidməti otağında həbs olunması xəbəri ölkə gündəminə bomba kimi düşmüşdü.

Rəşad Tağıyev 2 il ərzində nə ilə yadda qaldı ?!
İcra başçısının adı ötən 2 il ərzində dövrü mətbuatda yalnız səriştəsiz idarəetməsi, tədbirlərdə rabitəsiz cümlələrlə çıxışı, etdiyi yalnış kadr təyinatları, Alimpaşa Məmmədovdan qalma, adları bu gün də məhkəmə istintaqında keçən, hər ay 2 3 dəfə Gəncə Ağır Cinayətlər Məhkəməsində Alimpaşa Məmmədovun üzünə durmaqla keçən kadrları başına toplamaqla yadda qaldı.
İlk olaraq Bakıdan yüksək məvacibli işdə işləyən, öz hamisinin yaxın qohumu Alışan Yusibovu Şəmkir Kommunal Müəssisələr Kombinatına rəis təyin etdi. İcra hakimiyyətinin tabeliyində qalmış yeganə struktur, el arasında zibillik idarəsi deyilən KMK icra başçılarının yeganə “dolanma yeri” olması artıq heç kəsə sirr deyil.
2022 ci ilin aprelin 1 də Rəşad Tağıyev icra başçısının 1 ci müavini vəzifəsinə Süleyman Gəray oğlu Zeynallı adlı şəxsi təyin etdi. Kimdir Süleyman Zeynallı ?! Sizə təqdim etdiyimiz bütün xəbərlər internet resurslarından əldə etdiyimiz faktlara əsaslanır. Rəsmi məlumatda qeyd olunur ki, Süleyman Zeynallı Şəmkirin Seyfəli kəndində anadan olub. Son iş yeri Qala Sığorta Şirkətində Hüquq departamentinin rəhbəri vəzifəsi olub. Göründüyü kimi, bu şəxs Şəmkirdə sadəcə anadan olub və ya doğum yeri elə göstərilib. Uzun illər Şəmkirlə heç bir əlaqəsi olmadığı halda birdən birə Şəmkir sevgisinin arxasında dayanan faktları getdikcə açığa çıxaracağıq !
Bunun ardınca Şəmkir icra hakimiyyətində digər müavin yeri vakansiyası yarandı. Başçının sosial-iqtisadi inkişafın təhlili və proqnozlaşdırılması şöbəsinin müdiri Fəxrəddin Vəliyev təqaüd yaşı ilə əlaqədar dövlət qulluğundan çıxaraq, YAP Şəmkir təşkilatına sədr getdi. İşin maraqlı tərəfi bundan sonra başladı.....

İcra hakimiyyəti strukturundan azacıq məlumatı olan hər kəsə məlumdur ki, hazırda icra hakimiyyətlərinin büdcələri artıq çox ciddi nəzarətdədir. Dövlət satınalmaları, tender, kotirovka məsələləri ciddiləşdikcə, icra başçılarının və büdcə vəsaitində gözü olanların işi ağırlaşır. Bu işləri görmək sözün əsl mənasında peşakarlıq tələb edir. Və uzun uzadı məsləhətmələşmələrdən sonra, Süleyman Zeynallı öz yaxın dostunu, keçmişdə Qala Sığortada birlikdə çalışdığı, 2019 2021 ci illərdə Qala Sığortanın baş mühasibi işləmiş Rüfət Sahib oğlu Sahibsoyu icra başçısının müavini təyin etmək üçün Rəşad Tağıyevi razı sala bilir !

Bəs Rüfət Sahib oğlu Sahibsoy kimdir ?!
İcra hakimiyyətinin rəsmi dövlət səhifəsində haqqında heç bir məlumat yoxdur. Lakin internet resurslarında barəsində çox ciddi məlumatlar əldə edə bildik. Bir daha qeyd edirik ki, təqdim etdiyimiz bütün məlumatlar açıq resurslarda olan faktlardır.
İlk olaraq Rüfət Sahibsoy haqqında məlumat icra başçısının müavini təyin olunması xəbəri ilə başlayır. Qeyd olunur ki, “03 iyul 2023 cü ildə Şəmkir Rayon İcra Hakimiyyətinin (RİH) başçısına yeni müavin təyin olunub. Bununla bağlı icra başçısı Rəşad Tağıyev müvafiq sərəncam imzalayıb.Sərəncama əsasən Sahibsoy Rüfət Sahib oğlu Şəmkir RİH başçısının müavini, Sosial-iqtisadi inkişafın təhlili və proqnozlaşdırılması şöbəsinin müdiri vəzifəsinə təyin edilib.O, bu gün kollektivə təqdim olunub.Qeyd edək ki, R.Sahibsoy bundan öncə Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin departament müdiri vəzifəsində çalışıb.” Maraqlıdır Bakı şəhərində, yüksək vəzifədə, yüksək əməkhaqqı ilə çalışan birisi birdən birə niyə həm vəzifəcə, həm statusca, həm əməhaqqıca aşağı işə niyə getsin ki ?!

Rüfət Sahibsoy haqqında araşdırma apardıqca daha ciddi faktlara rast gəlməyə başlayırıq. Təbii ki, bu məlumatlar yayılandan sonra Rüfət müəllim çalışacaq bunları internet resurslarından sildirsin, lakin biz redaksiya olaraq bütün faktları artıq yükləmişik. Klassik Xalq Cəbhəsi partiyasının rəsmi səhifəsində,16 may 2012 ci il və 08 sentyabr 2013 cü il xəbərlərində görünür ki, Rüfət Sahib oğlu Sahibsoy Klassik Xalq Cəbhəsi Partiyasının Ali Məclisinin üzvüdür !
Dünya siyasətini araşdırarkən, məlum olur ki, bütün hakimiyyətlər əksər hallarda içəridən edilən xəyanətlər nəticəsində süquta uğrayır. Rüfət Sahibsoyun birdən birə iqtidar tərəfə keçməsi, dövlət qulluğunda mühum vəzifəyə gəlib çıxması bunun məntiqi nəticəsi ola bilərmi ?! Hər halda bu suala az da olsa cavab tapmışıq. Rüfət Sahibsoy işə başladığı ilk gündən Rəşad Tağıyevin çox yaxınında dayanmağa çalışır, bütün tədbirdə, görüşlərdə işin içərisinə girməyə çalışır. Büdcə ilə bağlı artıq bütün rəqəmlər onun nəzarətindədir. Hər halda özünə müavin təyin edən Rəşad Tağıyev ola bilməzdi ki, Rüfət Sahibsoy haqqında kiçik bir araşdırma aparmasın. İstənilən halda, gənc hüquqşünas başçı bilir ki, hərəkət və hərəkətsizlikdən yaranan nəticə eyni məsuliyyəti daşıyır.
Təbii ki, Rüfət Sahibsoyun qaranlıq keçmişi, müxalifət düşərgəsinin fəal üzvü olması, 2013 cü il prezident seçkiləri ərəfəsi meydanlarda açıq mitinqlərdə iştirak edərək, hakimiyyəti tənqid etməsini Süleyman Zeynallı bilməmiş olmazdı. Əlbəttə Süleyman müəllimin bu faktları ört-basdır etməsinin arxasında yuxarıda qeyd etdiyimiz kimi, Rüfət Sahibsoyun tender, kotirovka mütəxəssisi olması dayanmaya bilməz !
Rüfət Sahibsoy haqqında əldə etdiyimiz məlumatlarda təsdiq olunur ki, harda işləməsindən asılı olmayaraq, bu şəxs dövlət büdcəsi ilə istədiyi kimi rəftar etmişdir. Bu barədə faktları təqdim edirik !

Növbəti yazılarımızda zülmətə qərq olmuş, natəmizlik, antisanitariya, sosial probləri girdabında boğulan Şəmkir haqqında apardığımız araşdırmalarımızı, əldə etdiyimiz konkret faktları hissə hissə təqdim edəcəyik!"

Məsələ ilə bağlı dia.az olaraq bütün maraqlı tərəflərin mövqelərini işıqlandırmağa hazırıq...

Bəzi yanacadoldurma məntəqələrində istehlakçılar aldadılsalar da, bunu sübut etmək mümkün olmur.

Sürücü Hüseyn Həsənzadə Dünyanınsəsi.Az-a ünvanladığı Videofaktda ” MSOÌL” yanacadoldurmaməntəqəsində aldadılmasından şikayət edib.
04.09.2023-xü il tarixdə Sūrūcū operatora 5 manat verib ki, benzin vursun.Benzin vurulduqdan sonra avtomobilin yanacaq deposunda benzin qutarıb..Məlum olub ki, operator maşına benzin vurmayıb.Sürücü bu hala etiraz etdikdən sonra yenidən 3 manatlıq benzin depoya vurulduqdan sonra mühərrik işə düşüb.
Qeyd edək ki, son zamanlar şikayət edən sürücülər aldıqları yanacağın kəmiyyət və keyfiyyətinə şübhə ilə yanaşırlar. Bəzilərinin iddialarına görə, YDM-lərdə avtomobilin çəninə vurulan benzinin həcmi monitorda göstərildiyindən 1-2 litr az olur. Maraqlı məqam şikayətçilər arasında yeni alınmış avtomobil sahiblərinin də olmasıdır. Onlar bildirir ki, hətta yanacaqdoldurma məntəqəsində vurulan yanacaq həcmə uyğun gələn məsafəni qət etməyə imkan vermir.
Şikayətçi mətbuat vasitəsi ilə Azərbaycan Respublikası Standartlaşdırma, Metrologiya və Patent üzrə Dövlət Agentliyinə eləcə də Daxili İşlər Nazirlyinin müvafiq qurumlarından xahiş edir ki, ona qarşı bü cür “dələduzluq” edən operator barəsində müvafiq tədbir görsünlər.
Daha ətraflı videosūjetdə…

Yardımlı Rayon İcra Hakimiyyəti Başçısının Yardımlı Şəhər ərazi Nümayəndəliyinin Müxtəlif abadlıq-bərpa işlərinin satın alınması ilə bağlı elan etdiyi tender başa çatıb.

Tenderin qalibi "KASPİAN STANDART" MMC olub . Tərəflər aradında 222.114,21 AZN-lik müqavilə imzalanacaq.

Tenderə əsasən 3-cü qr torpağın əl ilə qazılması, Çalaların əl ilə doldurulması, Beton bünövrənin düzəldilməsi, Polad işıq dirəklərin quraşdırılması 2 başlıqlı, Çilçıraqların qoyulması: lüminisent lampalı və s işlər görülməlidir.

Bildirək ki, Nizamnamə kapitalı 10 AZn olan "KASPİAN STANDART" MMC-nin qanuni təmsilçisi FUAD NƏSRULLAYEV NAZİM OĞLUdur.

Xatırladaq ki, Yardımlı Rayon İcra Hakimiyyətinin başçısı Ayaz Əsgərovdur.32gun.az

Necə olur ki, Beyləqan rayon mərkəzi xəstəxanasının Ailə Sağlamlıq Mərkəzində (ASM) xadiməçi tibb bacısı, 3-6 aylı kurs oxuyanlar isə baş tibb bacısı işləyə bilirlər?
RealMedia.az xəbər verir ki, hazırda Beyləqan rayon xəstəxanasında insanların taleyi təhlükə altındadır. İnsanların sağlamlığı heç bir tibb təhsili olmayan, yalnız 2-3 aylıq kurs keçən, savadsız “tibb bacıları”na həvalə edilib.
Bildirilir ki, hazırda xəstəxananın ştat cədvəlində adı kiçik tibb bacısı (xadimə) gedən işçilər daxili əmrlə şöbələrdə baş tibb bacısı, qeydiyyatçı və sair işlərə təyin ediliblər. Məsələn, buna adlarını qeyd etdiyimiz şəxsləri misal olaraq göstərmək olar: Arzu Həsənzadə, Aytəkin Allahverdiyeva, Aynur Əlizadə (məlumata görə 17 yaşından tibb bacısı işləyir) Şəlalə, Firəngiz Zahidqızı, Gülnar.
Bildirilir ki, bu adları çəkilən şəxslər 3-6 aylıq kurs bitirməklə xəstəxanada tibb bacısı və ya baş tibb bacısı kimi çalışırlar.
Bildirilir ki, illərlə kənd xəstəxanasında xadimə işləyən şəxslər, sonradan “Beyləqan rayon mərkəzi xəstəxanası”publik hüquqi şəxsdə tibb bacısı kimi işə qəbul olunurlar. Bir sözlə, Beyləqan xəstəxanasında tragikomik bir vəziyyət yaranıb.
Məsələylə bağlı TƏBİB-nin mövqeyini dinləməyə və dərc etməyə hazırıq.
Qeyd edək ki, mövzuya daha ətraflı şəkildə qayıdacağıq.
RealMedia.az

İki gündür Xətai rayonu Fəhlə prospektində təmirə görə tıxac yaşanır. “Azərenerji” tərəfindən aparılan təmir işləri ilə əlaqədar pik saatlarda sıxlıq müşahidə olunur.

DİA.AZ bildirir ki, Bizim.Media-ya bununla bağlı sürücülər şikayətləniblər. Dediklərinə görə səhər saatlarında işə tələsənlər üçün həmin yoldan istifadə müşkülə çevrilir. Sürücülər təmir işlərinin istirahət və ya gecə saatlarında aparılmasını daha məqsədəuyğun hesab edirlər.

Məsələ ilə bağlı “Azərenerji” ASC ilə əlaqə yaratdıq. Qurumun mətbuat katibi Teymur Abdullayev Bizim.Media-ya açıqlamasında bildirib ki, “AzərEnerji” 8 noyabr prospektində hava xətlərini yeraltı kabel xəttinə çevirir.

Bu səbəbdən “Ağşəhər”, “Həzi Aslanov” və “Əhmədli” yarımstansiyaları ilə “Bakı” İEM arasında enerji halqası yaradılır:

“Xətai rayonunun sürətlə artan sənaye və sosial obyektlərin, o cümlədən “Ağ Şəhər” kompleksinin elektrik təchizatının etibarlığının və dayanıqlığının yüksəldilməsi, “Bakı” İstilik Elektrik Mərkəzində istehsal olunan enerjinin ötürülməsində məhdudiyyətlərin, həmçinin 110 kV-luq “Əhmədli” və “8-ci kilometr” ötürmə xətlərində ifrat yüklənmənin aradan qaldırılması məqsədi ilə “AzərEnerji” tərəfindən yeni layihənin icrası həyata keçirilir.

Hazırda 110 kV-luq “Həzi Aslanov” və “Ağ Şəhər” yarımstansiyaları arasında yeraltı ikidövrəli kabel xətlərinin “Bakı” İstilik Elektrik Mərkəzinin 110 kV-luq yarımstansiyasına giriş-çıxış sxemi ilə qoşulması üzrə işlər davam etdirilir.

Bu məqsədlə 8 noyabr prospektində nəqliyyatın hərəkətini dayandırmadan, qismən məhdudlaşdırmaqla işlər aparılır. Qeyd edək ki, 8 noyabr prospektində işlər yekunlaşmaqdadır.

Paralel olaraq “Bakı” İstilik Elektrik Mərkəzinin 110 kV-luq yarımstansiyasında yeni avadanlıqlarla komplektləşdirilmiş 2 ədəd yuva quraşdırılır. Nəticədə, 110 kV-luq “Əhmədli”, “Həzi Aslanov”, “Ağşəhər” yarımstansiyaları ilə “Bakı” İstilik Elektik Mərkəzinin enerji halqası yaradılır.

Ən əsası isə 8 noyabr prospektinin estetik görünüşünü gözəlləşdirmək məqsədi ilə “Bakı” İstilik Elektrik Mərkəzi ilə “Həzi Aslanov” yarımstansiyası arasında hazırda mövcud olan yüksək gərginlikli köhnə dayaqlardan ibarət ümumilikdə 1,4 km uzunluqda hava xətti sökülərək ləğv ediləcək. Həmin hava xətti yeraltı kabel xəttinə keçiriləcək”.

Qurumdan işlərin tam olaraq nə zaman yekunlaşacağı ilə bağlı isə məlumat verilməyib.

Naxçıvandakı Duzdağ Fizioterapiya Mərkəzində müalicə qiymətləri günü-gündən bahalanır, xidmət isə aşağı düşür.

DİA.AZ bildirir ki, bu haqda „Gündəlik Naxçıvan“a mərkəzdə müntəzəm müalicə alan şəxslər məlumat verib. Onlar deyir ki, əvvəllər 80-100 manat ödəməklə, 15 gün müalicə ilə yanaşı bütün xidmətlərdən pulsuz istifadə edə bilirmişlər. Hazırda isə, 15 günlük müalicə üçün bundan üç-dörd qat artıq xərc çıxır. Duzdağda müalicə qiymətlər 2018-ci ildən bəri, yəni mərkəz dövlət balansından çıxarılıb, publik hüquqi şəxs statusu aldıqdan sonra tədricən bahalaşmağa başlayıb.

Şirvan rayonundan olan Sarvan İsmayılov deyir ki, astma xəstəliyindən bir neçə il öncə burada uğurlu müalicə alıb. Hazırda isə, 11 yaşlı oğlu həmin xəstəlikdən əziyyət çəkdiyindən, bu yaxınlarda yenidən mərkəzə üz tutmalı olub:

„Əvvəl 100 manatla iki həftəlik müalicəni başa vurumaq olurdu. Bu dəfə 11 yaşlı oğlumu gətirdim və qiymətlərdən şoka düşdüm. Böyüklərin bir günülük müalicə alması 24, uşaqlarınkı isə, 12 manat olub. Bundan əlavə, seansa girən uşaqları gözləyəndə, valideynlərdən hər saat üçün bir manat alırlar. Seans təxminən 10 saat çəkir, bu da gündəlik on manat pul edir. Yataq üzünün dəyişdirilməsi və digər xidmətlər üçün də pul alırlar. Habuki, əvvəllər hamısı pulsuz idi“.

İmişli rayon sakini Nəcəf Qurbanov da qiymətlərin bahalığından şikayətlətnir:

“Bu il 10 yaşında olan övladımı Naxçıvandakı Duzdağa aparmışdım. Qiymətlər həddindən artıq bahadır. Böyüklər günlük 24, uşaqlar 12 manatdır. Avtobuslar da pulludur. Xəstələrin sayı çox olduğu üçün,servis xidmətindən istifadə edə bilmədik. Bir neçə nəfərlə taksi xidmətindən istifadə etməli olduq. Gğzlədiyimdən 3 dəfə artıq xərcim çıxdı. Hətta yataq dəstinin üzünü dəyişmək üçün xəstələrdən hər gün 3-5 manat alırdılar”.

Elgiz və arvadının yaratdığı mütəşəkkil cinayətkar şəbəkə… Burada xəstələri döyür, asır, suda boğur, hər cürə işgəncə verirlər… “Həyat üçün şans”- reabilitasiya mərkəzinin təssisçisi və rəhbəri Elgiz Alxanov ( Şirinov) barəsində xırda bir araşdırma aparmalı olduq. Və bunun üçün onun https://www.instagram.com/narkomaniya2021/ səhifəsinə daxil olub xəbərləri izlədik.
Təsəvvür edə bilməsiniz ki, bu boyda Reabilitasiya Mərkəzinin təsisçisi və rəhbəri nə qədər savadsız adamdır. Bu məxluq öz səhifəsində müxtəlif videolar, audiolar, şəkillər paylaşır və hər dəfə qarşısına iri hərflərlə yazılmış reklam şüarı qoyur. Fikir verin… “ƏZYƏTSİZ UGURUN ÖMRÜ AZ OLAR”… Gördünüzmü, bu adamın elementar-ibtidai təhsili olsaydı “ƏZİYYƏT” sözünü, “UĞUR” sözünü düzgün yazmağı bacarardı.
Bunun ətrafındakılar da özü ağılda, özü kimi savadsızlardır. Əks halda, səhvi düzəldərdilər. Axı bu reklamlar 100 minlərə hesablanıb. Elgiz Alxanov ( Şirinov ) başqa bir reklam çarxında qarşısına yeni bir şüar qoyub: “AKTUAL MÖVZÜLƏR”… Təsəvvür edirsiniz, bu nə deməkdir… “MÖVZÜ” nədir, ay Elgiz Alxanov ( Şirinov)..? Günah səndə deyil ee, sənə Reabilitasiya Mərkəzi açmağa icazə verən məmurlarda, Səhiyyə Nazirliyindədir…
Başqa bir reklam çarxında Elgiz Alxanovdur, Qalxanovdur nədir deyir: Bizim Reabilitasiya Mərkəzi heç kimə söz vermir, qarantiya vermir, ancaq ŞANS verir… Adama deyərlər ki, hər ay hər xəstədən 1500 manatı alıb məzləyirsən, bura sənin üçün dərnək-zaddır..? Qarantiya vermirsənsə, insanların külli miqdarda pulunu niyə alırsan..?
Hələ bu harasıdır..? https://www.instagram.com/narkomaniya2021/ səhifəsindən bəlli olur ki, Reabilitasiya Mərkəzinin Qadınlar Filialı da fəaliyyət göstərir və Filialın müdiri Elgiz Alxanovun (Şirinov) arvadıdır. Amma orada müalicə alan narkoman qadınlara kişilərin daldan banka qoymasını heç cür anlaya bilmədik… Axı səhifədən göründüyü kimi filialın xeyli sayda qadın əməkdaşı var.
Nə isə, sözün qısası, Elgiz Alxanov (Şirinov) və arvadı ölkədə əməlli başlı cinayətkar şəbəkə yaradıblar. Elgizin arvadı imkanlı, vəzifəli şəxslərin qız-gəlinlərini, həyat yoldaşlarını öz toruna salıb milyonlar qazanır.
Yeri gəlmişkən, vaxtilə dost-tanışdan 5 manat çörək pulu alan və ləqəbi “Dilənçi” olan Elgiz narkotiklərin hesabına Yasamal Rayonu, Nazim Hikmət küçəsindəki evini 100 min manata təmir etdirir, 200 min manata maşın alır və Elgiz hazırda özünə dəyəri 1 milyon olan bağ evi axtarır… Yazıq valideynlər isə ağızlarındakı protezi satıb Elgizə pul gətirirlər və s.
Uzun-uzadı yazmadan, qısa xatırlatma üçün qeyd edək ki, bu Reabilitasiya Mərkəzinin özünün “həbsxanası”, “əməliyyat qrupu”, “cəza dəstəsi” və “karsı”, “polis maşını” və s. hər şeyi var. Bəli, Elgiz Alxanov (Şirinov) “Həyat üçün Şans” Reabilitasiya Mərkəzi adı altında həbsxana yaradıb… Bu adam bir başa dövlətə meydan oxuyur, heç bir məhkəmə qərarı, sanksiya-filan olmadan vətəndaşı maşınlara basıb Reabilitasiya Mərkəzinə gətirirlər. Bu hələ harasıdır…? Burada adamı ayağından asırlar, suda boğurlar, işgəncə verirlər və daha nələr…
Elgiz hər yerdə çox yüksək vəzifəli şəxslərin adını çəkir və deyir ki, Reabilitasiya Mərkəzinin sahibləri onlardır. Bu adam başına 2500 narkomanı toplayıb, özünü muzdlu dəstənin başçısı kimi aparır. Elgiz Alxanov (Şirinov) ölkədə tanınan, nüfuzlu və imkanlı şəxslərin uşaqlarının siyahısını tutub, onları tora salmağın, mala otuzdurmağın, valideynlərindən külli miqdarda pul almağın planlarını cızıb və tapıb… Yəni bu adam birbaşa Dövlətə meydan oxuyur, Azərbaycan Dövlətinə də şər-böhtan atır, hər yerdə deyir ki, polis rəislərinin aylığını verirəm… Hətta tez-tez bəzilərinin adlarını da hallandırır…
Onu da qeyd edək ki, Elgiz Alxanovun (Şirinov) bir qardaşı da Rusiyada yaşayır və o da orada, guya, Reabilitasiya Mərkəzi açaraq narkomanları müalicə edir… Amma əslində, Elgiz və onun dəstəsi narkotacirlərlə sıx əlaqədə işləyirlər, Elgiz, guya, aşağı doza narkotiklə xəstələri müalicə edir.
Əslində, Elgiz (Alxanov) Şirinov ətrafına 2500-dən çox narkoman toplayaraq özü üçün bir “ordu” yaradıb, müxtəlif imkanlı şəxslərin evlərinə, mülklərinə basqın edərək qarət edirlər… Və onu da qeyd edək ki, Elgiz (Alxanov) Şirinovun Reabilitasiya Mərkəzləri Abşeronda, Novxanıda, Binəqədidə, Sumqayıtda özəl obyektlərdə, şəxsi evlərdə fəaliyyət göstərir. Hələ bu harasıdır..? Bəli, şəxsi evlərdə…həm də pəncərələr dəmir barmaqlıqlarla bağlanır, dəstəyi çıxarılır…sözün həqiqi mənasında ZİNDAN… Və içəridə qumarxana, meyxana və s. məclislər…təşkil edilir. Və onu da qeyd edək ki, Elgizin yanında, guya, müalicə olunan narkomanlar bayırdakı narkomanlara imkanlı adamların evlərinin, mülklərinin ünvanlarını ötürüb evləri qarət edirlər… Elgiz o qədər həddini aşıb ki, dövlətin hesabına Reabilitasiya Mərkəzi açmaq istəyənləri şantaj edir, deyir ki, mənim icazəm olmadan onlar heç nə aça bilməzlər…onlar mütləq mənimlə razılaşmalıdırlar…
Bu günlərdə Elgiz Alxanovun (Şirinov) dəstəsi Qarabağ veteranı olan bir şəxsin evinə basqın edərək qarət ediblər. Bir sözlə, Elgizin cinayətkar şəbəkəsi əməllərini davam etdirir… Bundan əlavə, onu da qeyd edək ki, Elgiz Alxanov (Şirinov) həyat yoldaşı ilə birləşərək başına cinayətkar dəstə toplayıb heç bir lisenziyası olmayan evlərdə gizlin fəaliyyət göstərirlər. 2500 adamdan hər ay 1500 manatdan pul alınırsa, görəsən, Elgiz Alxanov (Şirinov) hər ay nə qədər vergi ödəməlidir və nə qədər ödəyir?
Bütün bunların sonunda üzümüzü Hüquq-Mühafizə Orqanlarına, Səhiyyə Nazirliyinə, Dövlət Vergi Xidmətinə tutub soruşuruq: Bu boyda cinayət əməllərini görmürsünüz, cənablar..? Hətta Elgiz Alxanovun işçisi Turan İkram adlı şəxslə şərik olduğunu da bildirir. Bu haqda növbəti sayımızda.
P. S. Onu da bildirək ki, Elgiz Alxanov (Şirinov) barəsində Abşeron Rayon Mehdiabad Polis Bölməsində araşdırma aparılır. Kimin şikayəti varsa, həmin bölməyə şikayət edərək dəymiş ziyanlarını geri istəyə bilərlər. (Gundelik-baku.com)