Yasamal rayonunda çoxmərtəbəli yaşayış binasının 4-cü mərtəbəsində ümumi sahəsi 75 m² olan 2 otaqlı mənzilin mətbəxində tavan 6 m² sahədə, mebel 4 m² sahədə, 1 ədəd qapı və 4 ədəd məişət avadanlığı yanıb.

Bu barədə Fövqəladə Hallar Nazirliyindən bildirilib.

Yanğın zamanı yanğınsöndürənlər tərəfindən 8 nəfər bina sakini tüstülənmiş mənzillərdən təxliyə olunub və 1 nəfər tüstüdən zəhərlənmiş halda təcili tibbi yardım briqadasına təhvil verilib. Mənzilin qalan hissəsi və digər mənzillər yanğından mühafizə olunub. Yanğın yanğından mühafizə bölmələri tərəfindən söndürülüb.

Ərzincanın İliç rayonunda baş verən sürüşmə nəticəsində dağıntılar altında qalan 9 işçinin axtarışları dayandırılıb.

Bu barədə Türkiyənin daxili işlər naziri Ali Yerlikaya və enerji və təbii sərvətlər naziri Alparslan Bayraktar birgə açıqlamalarında deyiblər.

Onlar buna səbəb kimi ərazidə torpaq sürüşməsi riskinin artmasını göstəriblər.

“Çox təəssüf ki, biznes qurumları, o cümlədən “Azərbaycan Dəmir Yolları” (ADY) üçün yaradılan rahat şəraitdən sui-istifadə olunur. İstehlakçıları aldadırlar, xidmət səviyyəsi lazımi səviyyədə olmur. Güman edirəm ki, ADY-də də bu var. Doğrudur, mənə bu barədə indiyə kimi yazılı şikayət gəlməyib, lakin əminəm, ADY-də də sözügedən problem yaşanır. Əgər ADY-dən mənə konkret şikayət gələrsə, istehlakçıların hüquqularını qorumaq üçün bütün lazımi addımları ataram. Ümumiyyətlə, Azərbaycanda xidmət sahəsində həmişə problem var. Bunun səbəbi ölkədə istehlakçıların hüquqlarının mükəmməl şəkildə qorunmamasıdır. Bu işlə məşğul olan dövlət orqanları istehlakçıları arxa planda qoyub, ancaq biznesin lobbiçiliyini aparırlar. “İstehlakçıların müdafiəsi haqqında” qanun 1995-ci ildə qəbul olunub. Həmin ildən bəri qanunda xeyli dəyişikliklər olunmalı idi. Həyat dəyişib, bu qanun isə dəyişmir. Qanunun işləmədiyi bir şəraitdə, əlbəttə, istehlakçı problemi getdikcə artır...”

Bu sözləri Pravda.az-a açıqlamasında Azad İstehlakçılar İctimai Birliyinin sədri Eyyub Hüseynov deyib.

O bildirib ki, demokratik və müasir liberal cəmiyyətin əsas tezisi “hakimiyyətin mənbəyi xalqdır” tezisidir: “Bu, Konstitusiyanın 1-ci maddəsində yazılıb. Bu maddədən sonra isə biznes qurumları ilə dövlətin sinxron işləməsi məsələsi gəlir. Belə bir şəraitdə tezislər olmalıdır. Liberal, demokratik dövlətin biznes qurumunun əsas şüarı “istehlakçı haqlıdır!” olmalıdır. Demokratik cəmiyyətin birinci siyasi baxışı budur. İkinci bazar baxışı isə mənim dediyimdir...”

E.Hüseynov "Azərbaycan Dəmir Yolları" QSC rəhbərliyinin tenderləri öz şirkətlərinə verməsi barədə iddialara da münasibət bildirib: “Ölkədə tender məsələsi də daim problemlidir. Mən iki il Azərbaycan Qida Təhlükəsizliyi Agentliyində (AQTA) İctimai Şuranın üzvü oldum. Dəfələrlə Şura üzvlərinə, rəhbərliyə dedim ki, biz AQTA-nın “mətbəxi”nə, yəni orada gedən işlərə, tenderlərinə daxil ola bilməmişik. Heç kimi “mətbəx”ə yaxın qoymurdular. Dedim ki, ölkədə ictimai nəzarət olması ilə bağlı cənab Prezidentin çağırışı varsa, gərək, qurumlar da buna uyğun ictimai nəzarət üçün şərait yaratsınlar. İctimai təşkilat gedib dövlətlə vuruşmayacaq ki. Bir sözlə, AQTA-nın “mətbəxi”nə bizi buraxmadılar. Əminəm ki, Azərbaycan Dəmir Yollarında da vəziyyət elə bu cürdür. Dərman biznesində də tenderlərlə bağlı vəziyyəti öyrəndim. Məlum oldu ki, tenderə nəzarət edən İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin ayrıca bir şöbəsi var. Onlar effektli işləmirlər. Mən bunu qurumun rəhbərliyinə üzbəüz dedim. Tenderdə elə şərtlər qoyurlar ki, özlərinə lazım olan adam onu uda bilsin. Məsələn, nəsə alınır, bir şirkət qiyməti aşağı verir, əslində, tenderdən də o şirkət keçməlidir. Lakin bunlar vaxt qoyurlar ki, malı neçə günə təhvil verməlisən. Qiyməti aşağı qoyan şirkət yazır ki, malı 30 günə təhvil verəcəyəm. Özlərinə lazım olan adamın şirkəti isə qiyməti yuxarı qoyur və deyir ki, malı 20 günə təhvil verəcəyəm. Götürüb tenderdən öz şirkətlərini keçirirlər, tenderi o udandan sonra isə malın alınması 40 gün çəkir. Tenderin qalibi olandan sonra bu şirkətə nə edə biləcəklər? Heç nə! Artıq pul ayrılıb, qurtarıb gedib. Yəni guya, legitimlik, qanuni şərait yaratmaq üçün belə gülünc “priyom”lardan istifadə olunur. Belə “priyom”lardan az istifadə etsinlər. Bəsdir! Qurtarmaq lazımdır belə işləri...”

Ötən ay Azərbaycanda ən çox şikayət edilən bank 6,22 indeksi ilə "Bank of Baku" seçilib.

İqtisadiyyat.az bu barədə Azərbaycan Mərkəzi Bankına (AMB) istinadən xəbər verir.

"Bank BTB" siyahıda ikinci (5,18 indeksi), "Yapı Kredi Azərbaycan" isə üçüncü (4,17indeksi) olub.

Digər banklar üzrə göstəricilər isə aşağıdakı kimidir:

Prezident seçkilərindən sonra Azərbaycanda formalaşdırılan yeni hökumətin tərkibində Fikrət Məmmədovun yer almayacağı gözlənilən idi. 2000-ci ildən, 24 il Ədliyyə naziri vəzifəsini daşıyan F.Məmmədov ölkənin əhəmiyyətli personaya sahib olan "A" kateqoriyalı məmurlarının sırasında ilk yerlərdən birində qərarlaşırdı. Bu müddət ərzində sabiq nazir ölkənin ədliyyə sisteminin formalaşdırılmasında mühüm tədbirlərə imza atıb. Eyni zamanda o, ədliyyə sistemində kök salmış ənənəvi və betonlaşmış problemlərdən də xəbərdar idi. İndiki məqamda isə onun fəaliyyətinin müsbət və yaxud mənfi konteksdə təhlili məqsədəyuyğun mövzu hesab oluna bilməz.
Prezident İlham Əliyev andiçmə mərasimində Azərbaycan üçün yeni dövrün başlandığını bəyan etdi. Öldədaxili, regional və qlobal proseslərin təhlili göstərir ki, bundan sonra heç bir sahədə problemlərin dərinləşməsinə yol vermək olmaz. Əslində Ədliyyə Nazirliyi dövlətin hüquq siyasətini zərgər dəqiqliyi ilə həyata keçirən nəhəng bir qurum kimi qanunlarının aliliyini təmin edən güclü, ədalətli və şəffaf bir qurum olmalıdır. Ədliyyə sistemində klassik problemlərin mövcud olması təkzibolunmaz faktdır və sağlamlaşdırma tədbirlərinin görülməsi üçün strateji yanaşmalar sərgilənməli, proqramlar işlənib həyata keçirilməlidir. Lakin bütün bunların da bu sahədəki neqativləri aradan qaldıracağına inanmaq çətindir.
Yeni dövrün tələbləri göstərir ki, yeni Ədliyyə naziri hər hansı klanı və yaxud iri ranqlı məmuru təmsil etməməli, hüquq sahəsində geniş vizyona sahib olmalı, prosesləri müqayisəli şəkildə təhlil etmək qabiliyyətinə sahib olmalı, ədliyyə sisteminin problemlərini dərindən bilməli, hüquq cameəsindən çıxmalı, müstəqil arbitr kimi xalqına, dövlətinə və prezidentinə xidmət etməlidir.
Sırf hüquq təhsilli olduğuna görə bu posta kimsə təyin ediləcəksə, deməli, heç bir nəticə gözləməyə dəyməz, o da digərləri kimi dəbə minmiş “yeni texnologiyaların tətbiqi” ilə məşğul olacaq və binalar tikəcək.
Ədliyyə naziri Məhkəmə-Hüquq Şurasının rəhbərliyindən uzaqlaşdırılsa da, amma hələ də bu istiqamətdə ciddi təsir mexanizmlərinə malikdir.
Məhkəmə qərarlarının icrası həlli mümkünsüz ən ağır problemlərdən biri kimi qalmaqdadır.
Notariat və qeydiyyat sistemində nəzərəçarpacaq işlər görülsə də, uzun illərdir bu sahə bir sıra məmurların şəxsi obyekti kimi onlara və ailə üzvlərinə xidmət etməkdədir.

Müəllif: Samir Feyruzov
Azsiyaset.az

Son zamanlar Xaçmaz Rayon İcra Hakimiyyətinin başçısı Elnur Rzayevin şəxsi avtomobili gündəmdədir. Sosial şəbəkələrdə icra başçısının "Range Rover" markalı avtomobilinin qiyməti 450000 manat civarında hesablanaraq, sual doğuran və şübhə altında olan bu qədər maliyyənin, icra başçısının büdcəsində hardan olduğu maraq doğurur.

Gəlin, görək Xaçmaz rayonuna ayrılan bu qədər tender layiqincə xərclənib, yoxsa tenderlərin pulları "Range Rover"dədir...

Elnur Rzayevin başçı olduğu Xaçmaz Rayon İcra Hakimiyyətinin tenderlərdə payladığı pulllar sözün əsl mənasında dodaq “uçuqladır”. Bu dəfəki yazımızda 2020-ci ildə Xacmaz Rayon İcra Hakimiyyətinin həyata keçirdiyi tender müsabiqələr və bağlanan müqavlilələrlə bağlı ümumi məlumat verəcəyik. Sözügedən icra hakimiyyəti 2020-ci ildə tenderdə 3 milyon manatdan çox pul xərcləyib. Bağlanan tender müqavilələrinin siyahısını təqdim edirik:

Xaçmaz Rayon İcra Hakimiyyəti - "SDS GROUP" MMC - Xaçmaz şəhərində Mərkəzi İstirahət Parkının və Şəhidlər Xiyabanının abadlaşdırılması və təmiri işlərinin satınalınması - 1.534.655,95 AZN

Bildirmək yerinə düşər ki, qalib MMC-nin nizamnamə kapitalı cəmi 100 AZN-dir. Bu şirkətin də qanuni təmsilçisi isə SƏXAVƏT BƏŞİROV DİLQƏM OĞLUdur.

Xaçmaz Rayon İcra Hakimiyyəti - "TALEH-A.T." MÜƏSSİSƏSİ - Xaçmaz şəhər daxili küçələrin təmiri və yenidən qurulması - 189.870 AZN. Bildirək ki, yol-tikinti şirkəti olan "Taleh-AT" Müəssisəsinin nizamnamə kapitalı 8633200 AZN-dir, qanuni təmsilçisi isə Əliyev Məhəmmədəli Heydər oğludur.

Xaçmaz Rayon İcra Hakimiyyəti - "BAKU BUILDING" Məhdud Məsuliyyətli Cəmiyyəti Çoxmənzilli yaşayış binalarının təmiri - 255.075,79 AZN AZN. Bildirək ki, qalib MMC-nin nizamnamə kapitalı cəmi 10 AZN-dir. Bu şirkətin də qanuni təmsilçisi isə SAMİR HÜSEYNOV RAFİQ OĞLUdur.

Xaçmaz Rayon İcra Hakimiyyəti - “TALEH - A.T.” müəssisəsi - Xaçmaz şəhər daxili küçələrin təmiri və yenidən qurulması - 953.054,14 AZN. Bildirmək yerinə düşər ki, qalib MMC-nin nizamnamə kapitalı cəmi 8633200 AZN-dir. Bu şirkətin də qanuni təmsilçisi isə MƏHƏMMƏDƏLİ ƏLİYEV HEYDƏR OĞLUdur.

Xaçmaz Rayon İcra Hakimiyyəti - “ASBELLA-GM"MMC - Katirovka sorğusu - 40000AZN. Qalib MMC-nin nizamnamə kapitalı cəmi 5 AZN-dir. Qanuni təmsilçisi isə İSMAYIL MUSAYEV FİRDOVSİ OĞLUdur.

Xaçmaz Rayon İcra Hakimiyyəti - “ALYANS MT"MMC - Katirovka sorğusu - 49.960 AZN.

Xaçmaz Rayon İcra Hakimiyyəti - “ALYANS MT"MMC - Katirovka sorğusu - 43.230 AZN. Bildirmək yerinə düşər ki, qalib MMC-nin nizamnamə kapitalı cəmi 5 AZN-dir. Bu şirkətin də qanuni təmsilçisi isə İSMAYIL MUSAYEV FİRDOVSİ OĞLUdur.

Onu da vurğulayaq ki, Xaçmaz Rayon İcra Hakimiyyəti 2021-ci ildə cəmi 1 dənə tenser müqaviləsinə imza atıb. "Osmanlı İnşaat" MMC ilə Xaçmaz və Xudat şəhərlərində aparılacaq abadlaşdırma işlərinin layihə-smeta sənədlərinin hazırlanmasına görrə 26.275 AZN-lik müqavilə imzalanıb. “Osmanlı İnşaat” MMC-nin isə nizamnamə kapitalı 10 AZN, qanumi təmsilçisi AQİL HÜSEYNOV CEYFUN OĞLUdur.

Baş Prokurorluq, Korrupsiyaya Qarşı Mübarizə Baş İdarəsi, Maliyyə Nazirliyi, Hesablama Palatası, Prezident Administrasiyası sosial şəbəkələrdə gedən yazının araşdırılmasını nəzarətə götürüb, yazılanların həqiqətə uyğun olub-olmadığına aydınlıq gətirməlidir.

Hurriyyet.az

Azərbaycan və Türkiyə arasında sənədlərin imzalanması mərasimi başlayıb.

Mərasimdə Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan iştirak edirlər.

Həmin görüntüləri təqdim edirik:

Xəbər verdiyimiz kimi, yanvarın 15-də paytaxtın Binəqədi rayonunda yerləşən mebel sexində 10 nəfərin ölümü, 23 nəfərin müxtəlif dərəcəli bədən xəsarətləri alması ilə nəticələnən partlayış-yanğınla bağlı iki nəfər həbs olunub. Bunlar "Bakı Ağac Emalı" ASC-yə sahiblik edən Tağı İbrahimov və ASC-ni faktiki olaraq idarə edən Toğrul Rzayevdir.

Qaynarinfo-nun məlumatına görə, hazırda həbsdə olan Tağı İbrahimovun rəhbərlik etdiyi "Bakı Ağac Emalı" ASC-nin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinə 195.354,58 manat vergi borcu var.

Onun banklara da kifayət qədər borcu yaranıb. Əldə etdiyimiz məlumata görə, sözügedən zavod Azərbaycan Beynəlxalq Bankının (ABB) girovluğunda olub.

Məsələ ilə bağlı Qaynarinfo ABB-yə soruğu ünvanlasa da bu barədə saytımıza nə yazılı, nə də şifahi cavab verilməyib.

Onu da deyək ki, şirkətin qanuni təmsilçisi isə Əkbərov Natiq Məmmədrəhim oğludur.

Tağı İbrahimov

Natiq Əkbərovun adı bir neçə il əvvəl də Vergilər Nazirliyi vergi borcuna görə ölkədən getmə hüququ məhdudlaşdırılmış hüquqi şəxslərin siyahsında olub. Hazırda da onun sözügedən borca görə ölkədən çıxışı məhdudlaşdırıldığı deyilir.

ASC-nin ilk qanuni təmsilçisi isə İbrahimov Həmid Kazım oğlu olub. Həmid İbrahimov Diasporla İş üzrə Dövlət Komitəsinin sabiq sədri Nazim İbrahimovun yaxın qohumu olub və 2020-ci ildə dünyasını dəyişib. Sözügedən zavod isə Nazim İbrahimov komitə sədri olduğu ildən bir il sonra, yəni 2009-cu ildə Həmid İbrahimovun adına keçirilib.

Qeyd edək ki, sözügedən ASC illər əvvəl "İBRA Holdinq"in prezidenti Tağı İbrahimov tərəfindən özəlləşdirilib. Sexin təsisçisi Tağı İbrahimov və onun qardaşı, "Avesta" şirkətinin sabiq prezidenti Hacı İbrahim Nehrəmli olub.

Kristal Abşeron şirkəti daha yüzlərlə sakini bataqlığa qərq etməyə hazırlaşır. Bundan əvvəl “Qobu Park 2” layihəsində əyri bina tikib vətəndaşların həyatını təhlükəyə atan tikinti firması indi də Yasamal rayonu ərazisində, MiDA evlərinin yaxınlığında bataqlığı qurudub yeni binalar inşa etməyə başlayır. Halbuki Azərbaycan bu ilin payızında möhtəşəm COP29 rədbiri həyata keçirməklə bütün dünyaya yaşıl enerji, yaşıl layihə mesajlarını verəcək. Dünyanın yüzlərlə, minlərlə nümayəndəsi və yaşıllığın müdafiəsində olan ölkələr paytaxtımızda beynəlxalq layihədə iştirak edəcəklər. Bu tədbir dövlətin birbaşa nəzarətində olan və təşkilində olan hadisədir. Amma Azərbaycanda “Kristal Abşeron” adlı tikinti şirkəti üçün ölkə rəhbərliyinin hazırlşadığı beynəlxalq layihə COP29 tədbirinin təşkilinə heç bir məhəl qoyulmadan, bataqlıq bir ərazidə minlərlə vətəndaşın od qiymətinə, yuxarı faizlərlə alacağı mənzillərin tikintisi üçün yeni binalar inşa olunmaqdadır.

Tribunainfo.az saytı məlumat verir ki, bu ərazidə tikinti işlərinin aparılması ciddi müzakirələrə səbəb olub. Ekspertlər, müxtəlif tikinti mütəxəssisləri, eləcə də ayrı-ayrı sosial media fəalları sual edirlər ki, belə bir bataqlıq ərazinin qurudulub yerində mənzillər, binalar inşa edilməsi nə dərəcədə tikinti normativlərinə uyğundur. Amma “Kristal Abşeron” şirtkəti heçbir izahatlara cavab vermir və öz işinin başındadır.

Şirkət artıq işlərə start da verib. Gecə-gündüz bilmədən ərazidə iş aparılır ki, bataqlıq tez qurudulsun. Əraziyə torpaq daşınır, bataqlıq doldurulur. Bataqlıq doldurulduqdan sonra ərazidə hündürmərtəbəli binaların inşasına başlanılacaq. Artıq təxmin etmək olur ki, bataqlıq üzərində tikiləcək binada vəziyyət necə olacaq. “Kristal Abşeron”un indiyə qədər inşa etdiyi digər bütün binalarda sakinlərin ən çox şikayəti həmişə mənzillərin nəm olması, divarların kif olması ilə bağlı olub. Bataqlıq üzərində inşa ediləcək binadakı mənzillərdə indidən vəziyyəti təsəvvür etmək mümkündür.

Bakı şəhəri Nərimanov rayon İcra Hakimiyyətinin başçısı Elgün Həbibullayev yaxın zamanlarda işdən çıxarıla bilər.

Bu barədə Qlobal.az-ın əldə etdiyi məlumatda bildirilir.

Məlumata görə oliqarx məmurlardan sayılan Nərimanov rayon İcra Hakimiyyətinin başçısı Elgün Həbibullayevin işdən çıxarılmasına səbəb özünü hazırkı vəzifədə doğrulda bilməməsidir.

İcra başçısının hədəfə gəlməsinin digər səbəbi isə Nərimanov rayon İcra Hakimiyyətindən Prezident Administrasiyasına ünvanlanan şikayətlərin çoxalmasıdır.

Bir çox yerlərdə Bakı Şəhər İcra Hakimiyyətinin başçısı Eldar Əzizovun kadrı olduğunu deyən E.Həbibullayevin milyonluq mülklərə sahib olduğu deyilir.

Belə ki, Bakıda məşhur biznes şəbəkələrindən biri olan “Panda Kids”-in Nərimanov rayon İcra Hakimiyyətinin başçısına məxsus olduğu qeyd edilir.

E.Həbibullayevin bulvarın kənarında olan məzilinin qiymətinin isə 2 milyon manatdan çox olduğu vurğulanır.

Qeyd edək ki, Elgün Həbibullayev 2000-ci illərin əvvəllərində Bakı şəhərinin Nizami rayon icra hakimiyyətində şöbə müdiri, 2003 – 2011-ci illərdə Gəncə şəhər icra hakimiyyəti başçısının köməkçisi, sonra aparat rəhbəri, 2011-ci ildən Sumqayıt şəhər icra hakimiyyəti başçısının müavini,
20 sentyabr 2018-ci il tarixdən isə Bakı şəhər icra hakimiyyəti aparatının rəhbəri vəzifəsində çalışıb.

E.Həbibullayev 18 fevral 2022-ci il tarixdən Bakı şəhəri Nərimanov rayon icra hakimiyyətinin başçısı vəzifəsində çalışır.

Nərimanov rayon icra hakimiyyəti yazıya mövqe bildirmədi.