“Öz təcrübəmdə təbii qazdan bu cür kütləvi qırğınların baş verməsinin şahidi olmamışam”

Bu fikirləri “Azəriqaz”ın fərdi evlərdə və mənzillərdə qazla işləyən su qızdırıcılarından istifadəyə qadağa qoyması haqda danışan kommunal məsələləri üzrə ekspert Nüsrət Qasımov Yenicag.az-a açıqlamasında deyib.

Onun sözlərinə görə, “Azəriqaz”ın bu addımı əhalinin narazılığına səbəb olur:

“Hamam otaqlarındakı su qızıdırıcılarına qaz verilişinin dayandırılması tamamilə səhv addımdır. “Azəriqaz”ın bu addımı əhalini narahat edir. Xüsusilə, indiki seçki ərəfəsində belə addımların atılması əhalini hökümətdən narazı salır.

Azərbaycan xalqı 90 ildən çoxdur ki, təbii qazdan istifadə edir. Bəli, ötən dövrlərdə qazla işləyən qızdırıcı cihazlar primitiv idi. 1950-60-cı illərdə KQ-56, KQ-4 tipli cihazlar Azərbaycanda istehsal olunurdu. Hazırda baş verən bədbəzxt hadisələrin səbəbini hamam otaqlarında yerləşən su qızdırıcılarında görürlər.

Məgər dəm qazından boğulan 2 tələbə hamamda olarkən o faciə baş vermişdi? Bu işin nəticə hissəsidir. Nəticəni kənarda saxlayıb səbəbi axtarmaq lazımdır. Mən ömrümün 60 ilini nəzarətçi olaraq bu işə sərf etmişəm. Hələ öz təcrübəmdə qazdan belə kütləvi qırğınların şahidi olmamışam.

Həqiqət bundadır ki, bütün dünyada qazın təhlükəsiz istifadəsi təchizatçının nəzarətində olur. Lakin bizdə “Azəriqaz”ın nümayəndəsi özü etiraf etdi ki, 2016-cı ildən 2024-cü ilə qədər abonentlərlə heç bir profilaktik iş aparılmayıb”.

Mütəxəssis bu məsələlərə ciddi nəzarətin təşkil olunmasının vacibliyindən danışıb:

“Əhali yerində maarifləndirilmirsə, qaz cihazları yoxlanılmırsa, zəlzədən sonra qaz xətləri, sızmazı, qaz boruların qaynaqlarında əmələ gələn çatları yoxlanılmırsa, əlbəttə, partlayış, yanğın, qaz sızmasından insan tələfatı baş verəcək. Mədəndən hasil olunan qaz müxtəlif qatqılarla, neftlə, kükürdlə birgə çıxır. Həmin qaz emal zavodunda təmizləndikdən sonra əhalinin istifadəsinə verilməlidir.

“Azəriqaz” da minadan daha təhlükəli olan qazı istifadəyə versə də, bu işlərə cavabdehlik daşımaq istəmir. Bəs kim nəzarət etməlidir? Düzdür, bəzən bu məsələdə abonentlərdə də günah olur. Evində qaz cihazı quraşdırarkən təcrübəsiz ustalara əmanət edir.

Heç bir ev sahibinin qaz xəttinə toxunmağa ixtiyarı yoxdur. Buna ciddi nəzarət olunmalıdır. Əhalinin bir qismi kustar yolla hazırlanmış qızdırıcı cihazlardan istifadə edir. Bu da ciddi təhlükə yaradır. Buna daim nəzarət edilməli, ildə bir dəfə yox, hər ay yoxlanılmalıdır”.

“Öz təcrübəmdə təbii qazdan bu cür kütləvi qırğınların baş verməsinin şahidi olmamışam”

Bu fikirləri “Azəriqaz”ın fərdi evlərdə və mənzillərdə qazla işləyən su qızdırıcılarından istifadəyə qadağa qoyması haqda danışan kommunal məsələləri üzrə ekspert Nüsrət Qasımov Yenicag.az-a açıqlamasında deyib.

Onun sözlərinə görə, “Azəriqaz”ın bu addımı əhalinin narazılığına səbəb olur:

“Hamam otaqlarındakı su qızıdırıcılarına qaz verilişinin dayandırılması tamamilə səhv addımdır. “Azəriqaz”ın bu addımı əhalini narahat edir. Xüsusilə, indiki seçki ərəfəsində belə addımların atılması əhalini hökümətdən narazı salır.

Azərbaycan xalqı 90 ildən çoxdur ki, təbii qazdan istifadə edir. Bəli, ötən dövrlərdə qazla işləyən qızdırıcı cihazlar primitiv idi. 1950-60-cı illərdə KQ-56, KQ-4 tipli cihazlar Azərbaycanda istehsal olunurdu. Hazırda baş verən bədbəzxt hadisələrin səbəbini hamam otaqlarında yerləşən su qızdırıcılarında görürlər.

Məgər dəm qazından boğulan 2 tələbə hamamda olarkən o faciə baş vermişdi? Bu işin nəticə hissəsidir. Nəticəni kənarda saxlayıb səbəbi axtarmaq lazımdır. Mən ömrümün 60 ilini nəzarətçi olaraq bu işə sərf etmişəm. Hələ öz təcrübəmdə qazdan belə kütləvi qırğınların şahidi olmamışam.

Həqiqət bundadır ki, bütün dünyada qazın təhlükəsiz istifadəsi təchizatçının nəzarətində olur. Lakin bizdə “Azəriqaz”ın nümayəndəsi özü etiraf etdi ki, 2016-cı ildən 2024-cü ilə qədər abonentlərlə heç bir profilaktik iş aparılmayıb”.

Mütəxəssis bu məsələlərə ciddi nəzarətin təşkil olunmasının vacibliyindən danışıb:

“Əhali yerində maarifləndirilmirsə, qaz cihazları yoxlanılmırsa, zəlzədən sonra qaz xətləri, sızmazı, qaz boruların qaynaqlarında əmələ gələn çatları yoxlanılmırsa, əlbəttə, partlayış, yanğın, qaz sızmasından insan tələfatı baş verəcək. Mədəndən hasil olunan qaz müxtəlif qatqılarla, neftlə, kükürdlə birgə çıxır. Həmin qaz emal zavodunda təmizləndikdən sonra əhalinin istifadəsinə verilməlidir.

“Azəriqaz” da minadan daha təhlükəli olan qazı istifadəyə versə də, bu işlərə cavabdehlik daşımaq istəmir. Bəs kim nəzarət etməlidir? Düzdür, bəzən bu məsələdə abonentlərdə də günah olur. Evində qaz cihazı quraşdırarkən təcrübəsiz ustalara əmanət edir.

Heç bir ev sahibinin qaz xəttinə toxunmağa ixtiyarı yoxdur. Buna ciddi nəzarət olunmalıdır. Əhalinin bir qismi kustar yolla hazırlanmış qızdırıcı cihazlardan istifadə edir. Bu da ciddi təhlükə yaradır. Buna daim nəzarət edilməli, ildə bir dəfə yox, hər ay yoxlanılmalıdır”.

Azərbaycanın əczaçılıq sahəsində aparıcı şirkətlərdən olan "Avromed Company" Qapalı Səhmdar Cəmiyyəti (QSC) ilə Azərbaycan Tibb Universitetinin Tədris Terapevtik Klinikası arasında qalmaqal yaranıb.

Qaynarinfo xəbər verir ki, qalmaqalı kökündə tərəflər arasındakı alqı-satqı müqaviləsinə dair mübahisə dayanır.

Məlumata görə, "Avromed Company" QSC klinikaya tibb məhsulları satıb. Lakin pulun ödənilməsində problem yaranıb və bu mübahisəyə çevrilib.
"Avromed Company" QSC bu üzdən məhkəməyə müraciət edib.

İşə Bakı Kommersiya Məhkəməsində baxılacaq. Fevralın 22-nə iş üzrə məhkəmə hazırlıq iclası təyin edilib. İclas hakim Zaur Pirverdiyevin sədrliyi ilə keçiriləcək.

"Avromed Company" QSC 20 dekabr 2001-ci ildə qeydiyyata alınıb. Nizamnamə kapitalı 57 000 AZN-dir. Şirkətin qanuni təmsilçisi İskəndərov Kamran İnqilab oğludur.

Kamran İskəndərov "Coca Cola" şirkətinin Ukrayna və Moldova üzrə nümayəndəliyinin baş meneceri vəzifəsində işləyib. 2022-ci ildən isə "Avromed Company"nin baş direktorudur.

Lakin mediada gedən məlumatlara görə, şirkətin sahibi Milli Məclisin deputatı Cavanşir Feyziyevdir. Cavanşir Feyziyevin tərcümeyi halında qeyd edilib ki, o, 2002-2010-cu illərdə QSC-nin baş direktoru vəzifəsində işləyib.

Buna rəğmən, deputat 2013-cü ildə İngiltərəyə səfər etmək üçün viza müraciəti zamanı özünü "Avromed Company" QSC-nin baş direktoru kimi təqdim edib. Bu barədə İngiltərədə Cavanşir Feyziyevin ailəsinə məxsus 5.6 milyon funt-sterlinqin müsadirə olunması ilə bağlı materiallarda bildirilir.

2020-ci ildə isə şirkətin yaydığı açıqlamada qeyd edilir ki, Cavanşir Feyziyev 2010-cu ilə qədər "Avromed"in direktoru vəzifəsində çalışıb, 2016-cı ildə isə səhmlərini satıb.

Cavanşir Feyziyev 115 saylı Şəki kənd ikinci seçki dairəsindən mandat qazanıb

"Bank VTB Azərbaycan” ASC-nin 2023-cü ildə depozitlərinin məbləği 89 milyon 351 min manat olub.

Valyuta.az bankın maliyyə hesabatına istinadən xəbər verir.

Belə ki, "Bank VTB Azərbaycan” ASC-nin 2023-cü ildə depozitlərinin məbləği 2022-ci il ilə müqayisədə 5 milyon 500 min manat, yaxud da 5,7% azdır.

2023-cü ildə fiziki şəxslərin depozitləri 65 milyon 305 min manat olub, bu isə illik müqayisədə 1 milyon 512 min manat, yaxud da 2,3% çoxdur.

Hesabat dövründə hüquqi şəxslərin depozitləri 24 milyon 045 min manat olub, bu isə 2022-ci illə müqayisədə 7 milyon 013 yaxud da 22,5% azdır.

Xatırladaq ki, "Bank VTB Azərbaycan” ASC 2023-cü ili 10 milyon 608 min manat xalis mənfəətlə başa vurub. Bu, 2022-ci illə müqayisədə 1 milyon 296 min manat, yaxud da 10,9% azdır.

"Bank VTB Azərbaycan” gəlirləri 2023-cü ildə 34 milyon 972 min manat təşkil edib, bu, 2022-ci illə müqayisədə 4 milyon 258 min manat (10,9%) azdır.

Bu il yanvarın 1-nə "Bank VTB Azərbaycan”ın aktivləri 249,9 milyon manat olub ki, bu da 1 il əvvələ nisbətən 4,8% çoxdur. Bunun 163,761 milyon manatı müştərilərə verilmiş xalis kreditlərdir.

Səhiyyə Nazirliyinin yüksək vəzifəli şəxsi içkili halda avtomobil idarə etdiyi üçün polis tərəfindən saxlanılıb.

Saxlanılan şəxs X.M. 1986-cı ildə Biləsuvar şəhərində anadan olub, ali təhsillidir və Səhiyyə Nazirliyində şöbə müdirinin müavini vəzifəsində çalışır.

Belə ki, məmur içkili halda "Mersedes Benz S350" minik markalı, XU seriyalı avtomobillə saxlanılıb, barəsində protokol tərtib edilib və iş məhkəməyə göndərilib.

Məhkəmədə nazirlik əməkdaşı protokolda göstərilən halların doğruluğunu etiraf edib. Bildirib ki, ABŞ-dan qonaqları gəldiyinə görə spirtli içki qəbul edib. X.M. həkim müayinəsinin nəticəsi ilə razılaşdığını və əməlindən peşman olduğunu deyib.

Məhkəmənin hökmü ilə vəzifəli şəxs İnzibati Xətalar Məcəlləsinin 333.1-ci maddəsi ilə təqsirli bilinərək, barəsində 400 manat məbləğində inzibati cərimə növündə tənbeh tədbiri tətbiq edilib.(Qaynarinfo)

“Yapı Kredi Bank”a (Qoç Banka) əmanət yerləşdirən hüquqi şəxslərin vəsaitlərinin həcmi 1 il ərzində 6 milyon 370 min manat azalaraq 276 milyon 736 min manata düşüb. Buna baxmayaraq fiziki şəxslərin əmanətləri 9 milyon 207 min manat azalaraq 89 milyon 958 min manata düşüb. Nəticədə bankın depozit portfeli 2 milyon 838 min manat artaraq 366 milyon 695 min manata yüksəlib.
Kommersant.az xəbər verir ki, bankın kredit təşkilatları və digər maliyyə digər maliyyə institutları qarşısındakı öhdəliklər 11 milyon 8 min manat artaraq 35 milyon 685 min manata yüksəlib.

Bankın öhdəliklər cəmi 2022-ci ilin sonu ilə müqayisədə 119 milyon 27 min manat artaraq 416 milyon 879 min manata yüksəlib.

Ucar rayonu, Bərgüşad kənd sakini, Birinci Qarbağ Müharibəsi veteranı Nəsiyev Azər Ataş oğlu tərəfindən “Hürriyyət” qəzetinin redaksiyasına şikayət məktubu daxil olub. Şikayətçi deyir ki, oğlu 2016-cı ilin aprel döyüşlərində yaralansa da, 2023-cü ildə 2-ci qrup əlillik dərəcəsi ləğv edilib:

“Mən, Nəsiyev Azər Ataş oğlu, şikayət edib bildirirəm ki, 2016-cı ilin Aprel döyüşlərində oğlum Nuruş partlayış nəticəsində ağır yaralanıb və əlil olub. Ona verilmiş 2-ci qrup əlillik dərəcəsi 2023-cü ildə qanunsuz olaraq ləğv edilib.

Çoxlu şikayətlər etsəm də, baxılmır, heç bir tədbir görülmür.

Oğlum Nuruş döyüşdə aldığı xəsarətə görə gözünün biri kor olub, qulağı eşitmir, ağır kəllə-beyin travması alıb.

Mənim dörd oğlum müharibədə iştirak edib. Nuruş isə 2016-cı il tarixdə hərbi xidmət zamanı Aprel döyüşlərində partlayış nəticəsində ağır kəllə-beyin travması alıb. Onun müalicə olunması üçün həyətimizdən iribuynuzlu heyvanlarımızı satmışıq, banklardan kredit götürmüşük. İndi də borclarımızı ödəyə bilmirik.

Nuruşa əlillik dərəcəsi 5 illik təyin edilsə də, 3 il keçəndən sonra qanunsuz olaraq dayandırıblar. Müharibədə ağır yaralanıb gözü kor, qulağı kar, beyni zədəli olan xəstə oğluma qarşı edilən bu qanunsuzluq cinayət əməlidir.

Onu da deyim ki, bacım oğlu Səbuhi Ələkbər oğlu Süleymanov da Vətən müharibəsində şəhid olub.

Prezident cənab İlham Əliyevdən və aidiyyətiı qrumlardan xahiş edirik, mənim şikayətimi obyektiv araşdırıb, qanuni tədbirlər görsünlər”.

Mədəniyyət Nazirliyinin tabeliyində fəaliyyət göstərən “Əsaslı Tikinti və Təchizat” MMC tərəfindən keçirilən tender müsabiqəsinin qalibi məlum olub.
Yeniavaz.com açıqlanan rəsmi məlumatlara istinadən bildirir ki, Mədəniyyət Nazirliyinin keçirdiyi tender müsabiqəsinin qalibi “Banu” MMC (VÖEN – 1000212851) olub.
“Banu” MMC “Əsaslı Tikinti və Təchizat” MMC-nin sifarişi əsasında “İşğaldan azad edilmiş ərazilərdə erməni vandalizminə məruz qalmış məzarlıqlar və uçurulmuş qəbir abidələri” və “Məhv edilmiş mədəni irs və dağıdılmış abidələr” layihələri çərçivəsində iki kitabın nəşrə hazırlanması xidmətlərini həyata keçirəcək.
İki kitabın nəşrə hazırlanmasına görə “Banu” MMC-yə 225 min manat ödəniləcək. Kitabların bu ilin sonuna kimi hazırlanması nəzərdə tutulur.
Qeyd edək ki, tender müsabiqəsi dövlət satınalmalarının vahid internet portalı vasitəsi ilə həyata keçirilməyib. Qalib şirkət bir mənbədən satınalma metodu ilə müəyyən edilib.
Xatırladaq ki, 14 iyul 2023-cü il tarixində Prezident İlham Əliyev “Dövlət satınalmaları haqqında” yeni Qanunu (https://e-qanun.az/framework/54966) təsdiq edib. 1 yanvar 2024-cü ildən qüvvəyə minən yeni Qanunun 15.1 maddəsində göstərilir ki, məxfi məlumatlar istisana olmaqla bütün dövlət satınalmaları yalnız portal vasitəsilə həyata keçirilir.
Eyni zamanda Qanunun 49-cu maddəsində qeyd olunur ki, bir mənbədən satınalma metodu aşağıdakı hallarda tətbiq olunur:
- Satınalma predmeti yalnız hər hansı konkret təchizatçıda olduqda;
- Satınalma predmetinin əvəzedicisi və alternativi olmadıqda;
- Satınalma predmetinə təcili tələbat yarandıqda;
- Təbii fəlakətlər, texnoloji qəzalar, epidemiyalar baş verdikdə və fövqəladə xarakter daşıyan digər hallarda bilavasitə insanların həyat və sağlamlığına vurulan ziyanın qarşısının təcili alınması məqsədilə;
- Satınalma predmeti kəşfiyyat və əks-kəşfiyyat fəaliyyətini təmin edən tələbata aid olduqda.
Qeyd edək ki, Mədəniyyət Nazirliyinin kitab nəşri ilə bağlı tender müsabiqəsinin yuxarıda göstərilən hallardan hansına aid edildiyi barədə məlumat mövcud deyil.
Onu da bildirək ki, iki kitabı 225 min manata nəşrə hazırlayan “Banu” MMC barəsində açıq mənbələrdə heç bir məlumat mövcud deyil. MMC-nin nə rəsmi veb-saytı, nə də sosial şəbəkə hesabları mövcuddur. Daha əvvəl hansı sahədə fəaliyyət göstərdiyi də məlum deyil.
Vergilər Xidmətinin reyester məlumatlarında göstərilir ki, 2004-cü ildə dövlət qeydiyatına alınan və nizamnamə kapitalı 10 manat olan “Banu” MMC-nin hüqui ünvanı Səbail rayonu, Məmmədyarov, ev 29, m. 2-də yerləşir. MMC-nin qanuni təmsilçisi Sarieh Deghatidir.
Məlumat üçün onu da bildirək ki, məşhur azərbaycanlı fotoqraf Reza Deghatinin bacısı Pəriçöhrə Deghati tətəfindən Bakıda “Banu” adlı moda evi yaradılıb. Sarieh Deghatinin rəhbərlik etdiyi “Banu” MMC ilə Reza Deghatin bacısı tərəfindən yaradılan moda evi arasında bənzər ad (“Banu”) və bənəzər soyaddan (Deghati) əlavə hansısa əlaqənin olub-olmadığı barədə məlumat yoxdur.

Məlumdur ki, son vaxtlar ölkə gündəmini zəbt edən əsas mövzulardan biri də, ötən 12 il 6 ay ərzində SOCAR AQŞ-də baş direktor vəzifəsində çalışan, məşhur Harvard Universitetində ali təhsil alan və bu təhsil ocağını fərqlənmə diplomu ilə başa vuran Ramin İsayevin qanunsuz həbsdə saxlanması məsələsidir. Qeyd edək ki, bu şəxsin həbsdə saxlanmasının heç bir hüquqi əsası olmasa da, Ramin İsayevlə qərəzçilik edən bəzi şəxslərin verdikləri sifarişlər əsasında qeyd olunur ki, guya o, həmin vəzifəni daşıyarkən özünə yüksək məbləğdə maaş yazır. Belə bir səbəbdən də Ramin İsayev daşıdığı vəzifəsindən azad olunur.

Əslində bütün bunlar tamamilə cəfəng və böhtan xarakterli məlumatlardır ki, həmin məlumatlar bu şəxslə qərzçilik edən şəxslər tərəfindən dövriyyəyə buraxılır. Əldə etdiyimiz məlumatlara görə Ramin İsayevi kimsə işdən çıxartmayıb, əslində onun özü baş verən haqsızlıqlara etiraz əlaməti olaraq 16 oktyabr 2020-ci il tarixdə öz ərizəsi ilə işdən çıxır. Yəni, bu şəxs işdən çıxmaq barədə yazdığı ərizəsini müəssisənin baş hüquqşünasına təqdim edir. Baş hüquqşünas da Ramin İsayevin ərizəsini Direktorlar Şurasına təqdim edir və bununlada o, daşıdığı vəzifəsindən uzaqlaşır. Diqqət yetirmək lazımdır ki, Ramin İsayev məmur olmayıb, o, özəl müəssisə hesab olunan SOCAR AQŞ MMC-də baş direktor vəzifəsində çalışıb. Digər tərəfdən, bu şəxsin aldığı maaşın məbləğini SOCAR AQŞ-nin səhmdarları təyin edib və müvafiq sənədlərin imzalanması səlahiyyəti isə, bu gün də NEQSOL Holdinqin Baş İcraçı direktoru vəzifəsini daşıyan Yusif Cabbarova həvalə olunur. İndi isə sənədlərə və lazımi faktlara istinad etməklə bunları qeyd edə bilərik.

1. Ramin İsayevlə yeni əmək müqaviləsinin imzalanması səlahiyyətləri 15 iyul 2020-ci il tarixdə SOCAR AQŞ-nin səhmdarlarının ümumi yığıncağında Yusif Cabbarova həvalə olunur.
2. Ramin İsayevin əmək haqqının 9224 manatdan 54301 manata qaldırılması ilə bağlı 01 sentyabr 2020-ci il
tarixdə səlahiyyətli şəxs olan Yusif Cabbarov əmr imzalayır.
3. Qeyd edək ki, Ramin İsayev 2008-2020-ci illər ərzində NEQSOL Holdinqin ən iri müəssisəsinə rəhbərlik edirdi və o, digər müəssisə rəhbərləri ilə müqayisədə qat-qat aşağı maaş alır. Bir faktı da qeyd edək ki, Ramin İsayevin tabeliyində işləyən, amma Yusif Cabbarovun əsas adamlarından biri olan Fuad Behbudun maaşı, Ramin İsayevin aldığı maaşdan təxminən 3 (üç) dəfə çox olur.
4. Ramin Isayevin 1 022 785 manat məbləğində mükafatlandırılması, əslində onun 2017-ci ilin dekabr və 2020-ci ilin iyun ayları ərzində ödənilməmiş maaşı olur. Bunun sübutu olaraq Yusif Cabbarov tərəfindən ingilis və azərbaycan dillərində imzalanmış sənədlərin olmasıdır.
5. Ramin İsayevin 1 022 785 manat məbləğində mükafatlandırılması ilə bağlı 01 sentyabr 2020-ci il tarixdə səlahiyyətli şəxs olan Yusif Cabbarov tərəfindən əmr imzalanır.

Qeyd edək ki, əgər altı aydan çox müddət ərzində qanunsuz həbsdə saxlanan Ramin İsayevlə bağlı məlumatlar olduğu qaydada, düzgün formada ölkə rəhbərinə çatdırılarsa, yəqin ki, o halda o, dərhal həbsdən azad olunar. Bununla da haqq-ədalət öz yerini tapar. Ötən yazımızda, yəni “Sabiq baş direktor hansı səbəblərdən həbsdə saxlanır?- İDDİALAR TƏSDİQİNİ TAPMIR” başlığı altında yayımladığımız yazımızda onu da qeyd etmişdik ki, sabiq baş direktor həbs olunduğu vaxtdan bu günə kimi davam etdirilən istintaq araşdırmaları zamanı, Ramin İsayev barəsində 16 milyon manatlıq mənimsəmə faktı ilə bağlı ortaya heç bir dəlil-sübutu qoymaq mümkün olmamışdır. O halda sual oluna bilər ki, hal-hazırda bu şəxs hansı səbəbdən həbsdə saxlanır və nəyə görə də həbsdə saxlanmalıdı.(Gundemxeber.az)
Ardı var.
Mövzuya qayıdacağıq, bizi izləməyi unutmayın.

"Tezadlar.az" saytına Bakı şəhəri, Sabunçu rayonu, Bakıxanov qəsəbəsi, Rəhmanov küçəsi, ev 4, mənzil1ünvanında yaşayan Əhmədov Cəmaləddin Davud oğlunun "PAŞA Sığorta" şirkətinin İdarə Heyətinin sədri Ülviyyə Cabbarovaya ünvanlı şikayət ərizəsi daxil olub.

Şikayətçi yazır:

"Çox hörmətli Ülviyyə xanım!

İlk növbədə qeyd etmək istəyirəm ki, Azərbaycanın sığorta bazarında brend olaraq “PAŞA Sığorta”nın əsas funksiyalarına və fəaliyyət prinsiplərinə nəzər salsaq, onu da xüsusi olaraq vurğulamalıyıq ki, şirkət hər zaman qanunçuluğu, sağlam iş şəraitinin yaradılmasının təmin edilməsilə yanaşı, korporativ mədəniyyəti, uğurlu strategiyanı və milli-mənəvi dəyərlər baxımından etik davranış qaydalarını qorumağı həmişə yüksəkdə tutur, özünə ən ümdə vəzifə hesab edir. Bundan əlavə, lider sığorta şirkəti kimi, fəaliyyət göstərdiyiniz uzun illər ərzində əsas hədəfiniz müştərilərin rahatlığını təmin etmək və maksimal müştəri məmnuniyyətinə nail olmadan ibarət olub ki, bütün bunları bir vətəndaş olaraq hər zaman öz içtimai həyatımızda hiss edirik. Bu isə öz növbəsində vətəndaşların dövlətə olan inamını daha da gücləndirir və uğurlu dövlət siyasətinin tərkib hissəsi kimi qəbul olunur.

Çox hörmətli Ülviyyə xanım! Yuxarıda qeyd edilən müsbət məqamlara və sözün həqiqi mənasında, uzun illərin zəhməti hesabına şirkətin qazandığı yüksək nüfuza kölgə salmaq fikrindən çox-çox uzaq olaraq, qarşılaşdığım kiçik, lakin mənaca böyük məzmun ifadə edən haqsızlığı diqqətinizə çatdırmaq istəyirəm və inanıram ki, məhz sizin humanistliyinizin sayəsində göstərilən diqqətsizliyin aradan qalxması ilə yanaşı, eyni zamanda, həmişə olduğu kimi, şəffaflıq prinsipləri də yüksək səviyyədə qorunacaqdır.

Bildirirəm ki, 8 dekabr 2023-cü il tarixdə, təxminən saat 19:00 radələrində qardaşım Əhmədov Amil Davud oğluna məxsus və etibarnamə əsasında idarə etdiyim 77-XD-079 dövlət qeydiyyat nömrə nişanlı BMW markalı avtomobillə Mərdəkan qəsəbəsində yolun hərəkət hissəsinin kənarında dayandığım zaman 10-ON-961 dövlət qeydiyyat nömrə nişanlı “Qazel” markalı yük maşını arxaya hərəkət edərək, BMV markalı avtomobilə ciddi ziyan vurmuşdur. Hadisənin qeydə alınması prosesi aidiyyəti üzrə DYP və sığorta şirkəti əməkdaşları tərəfindən operativ şəkildə həyata keçirilsə də, nədənsə, dəymiş zərərin qiymətləndirilməsi işində müəyyən anlaşılmazlıqlar bu günə kimi hökm sürməkdə davam edir. Belə ki, fotoşəkillərdən də göründüyü kimi, BMV markalı avtomobilin kapot hissəsinin və qabaq buferin məlum əziklərinin təmiri nəticəsində qeyd edilən detalların əvvəlki halına gətirilməsinin mümkünsüzlüyü nəzərə alınmamaqla, bu hissələrin köhnə detallarla (ikinci əl ehtiyat hissələrinin satışı bazarında) əvəzlənməsi üçün nəzərdə tutulan məbləğin ödənilməsinə ayrı-ayrı əməkdaşlar tərəfindən süni maneələr yaradılır və bütün bunların müqabilində mənə 520 manat məbləğinin ödənilməsi təklif olunur. Lakin işin həqiqi hallarını nəzərə alaraq, bildirirəm ki, avtomobilin qarşı tərəfinin kapotu zamoku ilə birlikdə 1050 manat, qabaq buferi 600 manat, BMV nişanı 150 manat, usta haqqı 200 manat ilə birlikdə mənə dəymiş olan zərər 2000 manat təşkil edir.

Çox hörmətli Ülviyyə xanım! Yuxarıda qeyd edilənlərə əsasən, sizdən xahiş edirəm ki, müraciətimi öz şəxsi nəzarətinizə götürəsiniz və mənə dəymiş zərərin aradan qaldırılması istiqamətində sərf olunacaq 2000 manat məbləğinin ödənilməsi istiqamətində öz müvafiq tapşırıqlarınızı verəsiniz.

İnanıram ki, həmişə olduğu kimi, humanizm və ədalət prinsiplərini rəhbər tutaraq, aztəminatlı ailə başçısı kimi sosial həyat şəraitimi və “Sıığorta Haqqında Azərbaycan Respublikası Qanunu”nun tələblərini nəzərə alıb, öz köməkliyinizi məndən əsirgəməyəcəksiniz.

Sizə əvvəlcədən öz dərin minnətdarlığımı bildirirəm”.

Qeyd edək ki, vətəndaş tərəfindən şikayət ərizəsi aidiyyəti ünvanlara göndərilib.

Məsələ ilə bağlı qarşı tərəfin də mövqeyini dərc etməyə hazırıq.