“Bank BTB” ASC 5 milyon manat borc cəlb edir.

“Ölkə.Az”ın məlumatına görə, bank hər birinin nominal dəyəri 1000 manat olan 5 000 ədəd adi, adlı, sənədsiz səhmlər emissiya edir.

Bankın 2023-cü il üzrə audit olunmamış hesabatına əsasən aktivləri 369 mln 155 min manat, öhdəlikləri 321 mln 791 min manatdır. Cəmi kapitalı isə 50 milyon həddindən aşağı – 47 mln 363 min manat təşkil edir. “Bank BTB” ASC ötən ili 2 mln 779 min manat xalis zərərlə başa vurub.

Xatırladaq ki, “Bank BTB”nin səhmlərinin 74,99%-i Nigar Mehdiyevaya, 19,01%-i Rza Sadiqə (Müşahidə Şurasının sədri), 6%-i isə Tükəzban Mahmudovaya məxsusdur. Mətbuatda Nigar Mehdiyevanın Prezident Administrasiyasının sabiq rəhbəri Ramiz Mehdiyevin gəlini olduğu qeyd olunur.

Azərbaycan Dövlət İqtisad Universiteti (UNEC) Elm və Təhsil Nazirliyinin İdarəetmə Sistemləri İnstitutunun aparıcı elmi işçisi, iqtisad üzrə fəlsəfə doktoru, dosent Səyyad Ağayevin dissertasiya işinin Əhədzadə Elməddin tərəfindən plagiat olaraq istifadə edilməsinə aydınlıq gətirib.

UNEC-in Hüquq Şöbəsinin müdiri Kəmalə Bünyadova Pravda.az-açıqlamasında deyib ki, Əhədzadə Elməddin 2016-cı ildə UNEC-də magistraturaya qəbul olub: “O, 2 illik magistratura təhsili dövründə öz ixtisası üzrə 3 semestr ərzində müxtəlif fənləri dinləyərək və imtahanları verərək müvəffəq qiymətlər alıb. Eyni zamanda elmi tədqiqat və elmi pedaqoji təcrübələri müvəffəqiyyətlə keçib. 2019-cü ildə Əhədzadə Elməddinin “Azərbaycanda vergidən yayınma risklərinin tənzimlənməsində istifadə olunan metod və alətlər” mövzusunda dissertasiya işi elektron anti-plagiat sistemində yoxlanılıb və dissertasiya işi elektron bazada olmadığı üçün elmi işin plagiat olduğu aşkar edilməyib. Plagiat işi ilə bağlı iddiaçı Ağayev Səyyadın müraciətinə Sumqayıt Şəhər Məhkəməsində baxılıb. 17 yanvar 2023-cü il tarixli qətnamə ilə iddia qismən təmin edilərək, müəllif hüquqlarının pozulmasına görə 3000 (üç min) manat məbləğində kompensasiya və 1000 (min) manat məbləğində mənəvi ziyanın əvəzi Əhədzadə Elməddin oğlu tərəfindən Ağayev Səyyada ödənilib. Məlumat üçün qeyd edək ki, magistr elmi adının və diplomun ləğvi barədə məhkəmə qərarı yoxdur”.

Xatırlatma: Səyyad Ağayev bildirib ki, Ali Məhkəmənin Mülki İşlər üzrə Məhkəmə Kollegiyasının 2023-cü il 13 sentyabr tarixli qərarına görə, E.Əhədzadənin diplomunun ləğvi ilə bağlı ADİU-ya müraciət etməsi bildirilib. Qeyd olunub ki, o, əks halda, İnzibati Məhkəməyə müraicət etməlidir. Hazırda iş Şirvan İnzibati Məhkəməsindədir. İlk məhkəmə iclası iclası mayın 6-na təyin olunub.

Son günlər ölkədə fəaliyyət göstərən “Xaricdə Təhsil Şirkətləri” haqqında gəzən söz-söhbətlər heç də xoş məqamlardan xəbər vermir.

Doğrudur, elə şirkətlər var ki, işlərini mükəmməl həyata keçirir və tələbələrin diqqətini cəlb edir. Gələcəyimiz olan gənclərin bir qismi arzu edir ki, ölkə xaricində təhsillərini davam etsinlər, Vətənə layiqli vətəndaş kimi xidmət etsinlər. Əfsüslər olsun ki, “Xaricdə Təhsil Şirkətləri” adı altında xoşagəlməz hallara yol verilir, vətəndaşların etibarından sui-istifadə edib onların pullarını mənimsəyirlər. Qeyd etdiyim nöqsanlarla bağlı kifayət qədər arqument, dəlil göstərmək olar.

Bir qurup gənc media vasitəsi ilə dövlət qurumlarına, bir sözlə Azərbaycan Respublikasının Birinci vitse-prezidenti Mehriban Xanım Əliyevaya müraciət etmək fikrindədir. Belə ki, Bakı şəhərində fəaliyyət göstərən “Pilgrim Education” şirkətinin rəhbəri Aslanova Aisa Nəbi qızı bir neçə tələbədən şirkətə ödəniş etdirərək onları güya xarici ölkələrin universitetlərinə təhsil almaq üçün şərait yaradacaq.

Redaksiyamıza şikayət edən Qurbanova Türkan Seymur qızı, Soltanova Rəna Pərviz qızı, Hacıyeva Firuzə Namiq qızı, Hüseynova Tahirə Rəhmaz qızı və digərləri iddia edirlər ki, Aisa Aslanova onları aldadıb və götürdüyü öhtəliklərin heç birini yerinə yetirməyib.

Əksinə, A. Aslanovanın mobil telefonuna zəng edən gənc şikayətçilər gözlənilmədən müəyyən qurumların adları ilə hədələnib. Məsələ ilə bağlı qarşı tərəf kimi Aisa Aslanova ilə telefon əlaqəsi yaratdıq.

Qarşı tərəf isə bir qurup gəncin iddialarını qəbul etmədi, onları şantajçı adlandırdı. Onu da qeyd edək ki, ödənişlər kart vasitəsi ilə həyata keçirilib.

Maraqlı məqam ondan ibarətdir ki, bu cür çirkətlər daha çox reklam qazanır, universitetlərlə əməkdaşlıq edir, tədbirlərə dəvət edilir. Məhz bundan sonra tələbələr həmən şirkəti ciddi qəbul edərək sövdələşməyə imza atır.

Digər gənclərə tösiyyə olunur ki, “Xaricdə Təhsil Şirkətləri” ilə əlaqə qurduqda diqqətli olsunlar. Heç bir halda razılaşmarıq ki, gələcəyimiz olan gənclər bir qurup arzuolunmaz şəxslərin qurbanına çevrilsin. Ələxsüsdə, “Pilgrim Education” şirkəti ilə qəti təmas qurmasınlar. Əks halda yuxarıda adı hallanan gənclərin aqibətini sizlərdə yaşayacaqsınız. Bütün hallarda haqları tapdalanan gənclərin müdafiə edəcəyik və bu barədə daha yuxarı dairələrə məlumat veriləcək.
azinforum.az

“QƏSR” Mədəni İrsin və Tarixi Abidələri Qoruyaq İctimai Birliyi tərəfindən gundemxeber.az xəbər portalının redaksiyasına olduqca diqqəti cəlbedən məlumatlar daxil olub. İctimai Birliyin məlumatlarinda bildirilir ki, "Şəxsi maraqlarını dövlət marağından üstün tutan Bakı şəhəri, Sabunçu RİH-nin Başçısının göstərişinə əsasən dövlət qeydiyyatında olan tarixi qəbirlər dağıdılmışdır.

Müasir müstəqil Azərbaycan dövlətinin memarı və qurucusu, dünya şöhrətli siyasi xadim, xalqımızın Ümummilli Lideri Heydər Əliyevin anım günü yəni; 12.12.2023-cü il və növbədənkənar prezident seçkilərinin nəticəsinin Azərbaycan Respublikası Konstitusiya Məhkəməsində təstiq edilməsindən bir gün qabaq, yəni; 12.02.2024-cü il tarixlərdə dövlət mühafizəsində olan “tarixi qəbirlər, qədim yaşayış məskənləri, kurqan” və 100 ədəd 266 il yaşı olan əncir ağacları qəsdən, Sabunçu RİH başçısının göstərişi ilə bir qrup vəzifəli şəxslər tərəfindən qabaqcadan əlbir olaraq şəxsi maraqlar çərçivəsində məhv edilərək dağıdılmışdır.

AR Mədəniyyət və Turizm Nazirliyi tərəfindən (hal-hazırda Mədəniyyət Nazirliyi) 1078/09 saylı, 04.05.2009-cu il tarixli məktubu ilə qeyd olunan tarix və mədəniyyət abidələrinin və tarixi ərazinin toxunulmazlığının təmin edilməsini Bakı şəhəri, Sabunçu RİHB-dan xahiş edilmişdir. İB-nin 08.08.2014-ci il tarixli, 025/01-2014İB saylı sorğusuna cavab olaraq AR Mədəniyyət və Turizm Nazirliyi (Mədəniyyət Nazirliyi) 08.09.2014-ci il tarixli 2426/09 saylı məktubu ilə bu tarixi faktı bir daha təsdiq etmişdir. Bütün qeyd olunanlara baxmayaraq AR Əmək və Əhalinin Sosial Müdafiəsi Nazirliyinin “Vətəndaşların müraciətləri ilə iş sektoru”nun baş məsləhətçisi Zülfüqarova Gülnarə Əsgər qızının “rəbərliyilə” Sabunçu RİH başçısının Kürdəxanı qəsəbəsi inzibati ərazi dairəsi üzrə nümayəndəsi Orucov Ruhin Eyvaz oğlu, Kürdəxanı bələdiyyəsinin sədri Məsumov Ağaəli Əlifhəmzə oğlu, nümayəndəliyin müavini Tağıyev İxtiyar Altay oğlu 12.02.2024-cü il tarixli saxta akt tərtib edərək, Bakı şəhəri, Sabunçu Rayon Polis İdarəsinin havadarlığı ilə şəxsi maraqları çərçivəsində dəfələrlə “ərazi” traktor vasitəsilə məhv edilərək dağıdılmışdır.

Tarixi ərazi Ləhiş bağlar massivinin 35-ci dalanın (tupikin) sonunda yerləşir. Bağ-torpaq sahəsinin içərisinə doğru heç bir küçə heç vaxt mövcud olmamışdır. Sadəcə olaraq bir qrup vəzifəli şəxslər öz vəzifə səlahiyyətlərini aşaraq, qəbir üzərində təhqiredici hərəkətlər etməklə, ərazinin tarixiliyinin izini itirib, torpağı zəbt edib satmaq istəyirlər. “Məlum tarixi qəbirlər, qədim yaşayış məskənləri, kurqan” “yeni aşkar edilmiş” tarix və mədəniyyət abidəsi kimi qeydiyyata götürülmüş və mühafizə olunur. İnzibati ərazinin Sabunçu rayon Kürdəxanı Bələdiyyəsinə və Sabunçu İH-nin Kürdəxanı qəsəbəsi üzrə nümayəndəliyinə heç bir aidiyyatı yoxdur.

Tarix və mədiyyət abidələrinin qorunması haqqında Azərbaycan Respublikasının Qanununa əsasən; Abidələrin bədii-estetik görkəminin dəyişdirilməsi, uçurulması və onlar üçün təhlükə yarada biləcək təmir, inşaat təsərrüfat və digər işlərin aparılması qadağandır. (Maddə 10. Abidələrin toxunulmazlığı). Abidələrin qorunması haqqında Azərbaycan Respublikası qanunvericiliyini pozan şəxslər Azərbaycan Respublikasının qanunvericiliyinə uyğun olaraq cinayət, inzibati. Intizam və mülki məsuliyyət daşıyırlar. (Maddə 28. Abidələrin qorunması haqqında qanunvericiliyin pozulmasına görə məsuliyyət)."
Yazıda adıçəkilən rəsmi şəxslərin də mövqeyini dinləməyə hazırıq.


GundemXeber.Az

"Azərbaycan Respublikası Baş nazirinin sabiq birinci müavini (1992–2006) 74 yaşlı Abbas Abbasov hazırda Moskvada dovşan təsərrüfatı ilə məşğuldur". Dia-az.info bildirir ki, bu barədə tanınmış jurnalist Cavanşir Həsənli məluma paylaşıb.
C.Həsənli daha sonra qeyd edir: "O bir vaxtlar Azərbaycanda siyasi proseslərə nüfuz etmək istəyən keçmiş "Milyarderlər İttifaqı"nın başçısı olub, 2007-ci ildən Rusiya paytaxtında maliyyə, sığorta və pensiya xidmətləri göstərən "İŞGÜZAR ƏMƏKDAŞLIQ" FONDUNUN rəhbəridir. 2021-ci ilin iyulun 9-dan isə 10 faizlik payla Moskvada "TİMOXİNO FERMER TƏSƏRRÜFATI" Məhdud Məsuliyyətli Cəmiyyətinin təsisçilərindən biridr. Təsərrüfatın hüquqi ünvanı Moskva vilayətinin Yrəeqorovs şəhəri, Tİmoxino kəndi göstərilir. Təsnifata görə fermer təsərrüfatı dovşan əti istehsalı ilə məşğuldur.
Müəssisənin internet səhifəsində (https://timokhino.ru/) qeyd olunur ki, Abbasova və ortaqlarına məxsus təsərrüfatın qablaşdırdığı məhsullar Moskvanın Bolşaya Çeryomuşkinskaya küçəsindəki RİO Ticarət Mərkəzində (Buxta pavilyonu) topdan satılır.
"TİMOXİNO FERMER TƏSƏRRÜFATI" üzərindən Abbas Abbasov və ortaqları 2021-ci ildə Rusiyada topdan ət və ət məhsulları satışı ilə məşğul olan "POL'ZA EDY" LLC-ni də təsis edib. Onların təsərrüfat üzərindən təsis etdiyi digər şirkət isə heyvandarlıq təsərrüfatı ilə məşğul olan "XOLDİNQ MİRNIY" Məhdud Məsuliyyətli Cəmiyyətidir".(Dia-az.info)

Dövlət Sosial Müdafiə Fondu Gununsesi.info-nun adıçəkilən qurumun İdarə Heyətinin sədri Himalay Məmişovun İsveçrədə infarkt keçirməsi barədə xəbərinə reaksiya verib.

Qeyd edək ki, bu barədə yazdığımız xəbərdə İsveçrə Krallığına rəsmi səfərə gedən Himalay Məmişovun fevralın 27-də infarkt keçirdiyi deyilir.

DSMF-nin yaydığı məlumatda isə Himalay Məmişovun İsveçrədə işgüzar səfərə getdiyi,lakin ölkəyə qayıtdığı deyilir:

Bəzi səhifələrdə Dövlət Sosial Müdafiə Fondunun sədri Himalay Məmişovun İsveçrədə səfərdə olarkən guya infarkt keçirdiyi ilə bağlı yayılmış məlumatlar həqiqəti əks etdirmir.

DSMF sədri İsveçrə Krallığında işgüzar səfərdə olub.

Səfər zamanı iki ölkənin müvafiq qurumları arasında əməkdaşlıqla bağlı görüşlər keçirib. Səfər çərçivəsində DSMF ilə dünyanın 160-dan çox ölkəsindən 350-yə yaxın sosial təminat qurumunun üzv olduğu Beynəlxalq Sosial Təminat Assosiasiyası (BSTA) arasında əməkdaşlıq haqqında Anlaşma Memorandumu imzalanıb.

Bununla da DSMF BSTA-nın etibarlı və uzunmüddətli peşəkar tərəfdaşına çevrilib. DSMF sədri hazırda Bakıdadır, səhhətində hər hansı bir narahatlıq yoxdur.

Bununla belə Gununsesi.info olaraq, xəbərin dəqiqliyinə bir daha israr edirik.

Qeyd edək ki, Himalay Məmişovun vəzifəsini icra edən şəxsə verdiyi imza nümunəsi daha 10 gün uzadılıb.

Kimliyindən, vəzifəsindən asılı olmayaraq, hər bir insanın başına belə bir arzuolunmaz hal gələ bilər.

Ancaq bunun gizlədilməsi isə təəccüb doğurur.

Biz də Himalay müəllimə tezliklə sağalmasına və işinin başına dönməsini arzu edirik.

Gununsesi.info

***

ƏVVƏLKİ XƏBƏR BUDUR
Dövlət Sosial Müdafiə Fondunun İdarə heyətinin sədri Himalay Məmişov İsveçrədə infarkt keçirib.
Bu barədə Gununsesi.info-ya DSMF-dəki mənbələrdən bildirilib.
Məlumata görə, fevral ayının 27-də İsveçrə Krallığının gedən Himalay Məmişovun səhhəti orada qəfil pisləşib. Xəstəxanaya çatdırılan Məmişova infarkt diaqnozu qoyulub.
Onun hazırda İsveçrədəki tibb müəssisələrinin birində həkim nəzarətində olduğu bildirilir.

Elm və Təhsil Nazirliyinin İdarəetmə Sistemləri İnstitutunun aparıcı elmi işçisi, iqtisad üzrə fəlsəfə doktoru, dosent Səyyad Ağayev Azərbaycan Dövlət İqtisad Universiteti (UNEC) ilə bağlı Şirvan İnzibati Məhkəməsinə müraciət etməsi barədə yayımlanan məlumatın detallarını açıqlayıb.

O, Pravda.az-a açıqlamasında deyib ki, 2013-cü ildə Bakı Dövlət Universitetində Prezident yanında Ali Attestasiya Komissiyasının tələblərinə uyğun olaraq “İqtisad üzrə fəlsəfə doktoru” elmi dərəcəsi almaq üçün müdafiə etdiyi “Vergidən yayınma risklərinin modelləşdirilməsi” mövzusunda dissertasiya işi 2019-cu ildə İqtisad Universitetinin magistri Elməddin Əhədzadənin adından magistr işi kimi qeydə alınıb.

"Bundan xəbər tutandan sonra UNEC-nin rektoru Ədalət Muradova yazılı etirazımı bildirdim, dissetasiya işinin plagiat olması barədə şikayət etdim. Rektor mənə cavab verdi ki, iki elmi iş arasında heç bir oxşarlıq yoxdur, məhkəməyə müraciət edin. Hər şey göz qabağındadır, amma rektor bunları görməzlikdən gəldi. Məhkəməyə müraciət etdim və 3 tələb irəli sürdüm. Həmin magistrın dissertasiya işinin ləğvi, mənə dəyən maddi-mənəvi ziyana görə təzminat ödənilməsi və magistrın diplomunun ləğvi. Sumqayıt Şəhər Məhkəməsinin 2(060)-50/2023 nömrəli 17 yanvar 2023-cü il tarixli qətnaməsinə əsasən, iddiam qismən təmin edilərək, müəllif hüquqlarımın pozulmasına görə 3000 manat məbləğində kompensasiyanın və 1000 manat məbləğində mənəvi ziyanın əvəzinin cavabdeh Əhədzadə Elməddindən tutulması qət edilib. Əslində, Elm və Təhsil Nazirliyi, UNEC və magistrant birlikdə mənə 70 minə yaxın ödəməli idilər. Artıq cavabdehdən 4000 manat alınaraq mənə ödənilib. Dövlət qərar çıxarsa da, dissertasiya işinin ləğvi tələbini UNEC bu günə qədər yerinə yetirmir. Rektor hər vasitədən istifadə edir, işin ləğvinə maneə olur. Magistrın diplomunun ləğvi məsələsinə Ali Məhkəmədə baxıldı. Mülki İşlər üzrə Məhkəmə Kollegiyasının 2023-cü il 13 sentyabr tarixli qərarına görə, diplomun ləğvi ilə bağlı ADİU-ya müraciət etməyim bildirildi. Qeyd olundu ki, əks halda, İnzibati Məhkəməyə müraicət etməlisiniz. Ali Məhkəmənin qərarını Ədalət Muradova göndərdim. Lakin cavabı tədris üzrə prorektor Gəray Musayev verdi, işi üzərlərindən atdı. Ümumiyyətlə, Sumqayıt İcra və probasiya şöbəsi də qərarın yerinə yetirilməsində maraqlı deyildi. Dissertasiya işi ləğv edilməlidir axı, buna görə UNEC və icra məmuru birləşərək işi öz aralarında boğurlar. Öz mənafelərini dövlətin qərarından üstün tuturlar. Noyabrda Bakı İnzibati Məhkəməsinə müraciət etdim, yanvar ayında iş Şirvan İnzibati Məhkəməsinə göndərildi. Ötən ay yanvarın 15-də Ədliyyə Nazirliyində oldum, nazirə rəsmi müraciət etdim. Nəticədə, Sumqayıt Apellyasiya Məhkəməsinin hakimi işə çox obyektiv yanaşdı. Hazırda Şirvan İnzibati Məhkəməsinin qərarını gözləyirəm. Birinci məhkəmə iclası 2024-cü il mayın 6-na təyin olunub. İş hakim Amiliya Hüseynovanın icraatındadır. Ümid edirəm ki, dissertasiya işi ləğv edildiyi üçün avtomatik diplom da ləğv ediləcək. Çünki qayda belədir. Sadəcə, hakimlər təcrübəyə əsaslanırlar. Azərbaycanda məhkəmə praktikasında isə indiyə kimi plagiatla bağlı heç bir işə baxılmadığı üçün hakimlər necə qərar çıxaracaqlarını bilmirdilər. Hazırda məhkəmələrə ən çox boşanmalar, cinayət işləri ilə bağlı müraciət edilir, plagiat işi üzrə müraciət yoxdur”, - S.Ağayev qeyd edib.

S.Ağayev əlavə edib: “Bir neçə gün öncə UNEC rektoru Ədalət Muradovun öz “Facebok” səhifəsində paylaşdığı statusa şərh yazmışdım. Rektorun ədalətli olacağını güman edərək ona şərh bölməsində fikirlərimi bildirdim. Çox təəssüf ki, Ədalət Muradov dözümsüzlük göstərərək 12 saatdan sonra yazdığım şərhi sildi. Bununla kifayətlənməyib ictimai nüfuzunu, alimliyini nəzərə almadan məni bloka saldı. Halbuki bu, çıxış yolu deyildi. Kimin haqlı, yaxud haqsız olduğuna ədalətlə, vicdanla ictimaiyyət qərar versin. Mən buna sussam, tələbələrim mənə deyərlər ki, müəllim, sizdən oğurluq ediblər, bəs necə haqq-ədalətdən, elmdən-təhsildən danışırsınız? Hər şeyi cənab Prezidentə deməliyik? Bəs sizi rektor nə üçün təyin edib? Bilirlər ki, üz-üzə danışmağa heç bir sözləri, əsasları yoxdur. Zamanım, əsəblərim, pulum gedir. Məhkəmə yollarında qalmışam. Mənim də ailəm, övladlarım qarşısında öz məsuliyyətim var”.

Sabiq nəqliyyat naziri Ziya Məmmədovun oğlu Anar Məmmədova məxsus Böyük Britaniyanın paytaxtı Londonda fəaliyyət göstərən KFC restoranlar şəbəkəsi böyük zərər edib.
Yeniavaz.com xəbər verir ki, səhmlərinin 75%-i Anar Məmmədova məxsus olan “B.J.R. Foods Limited” şirkəti 2022-ci ili 1 milyon 182 min 13 funt-sterlinq (2,6 milyon manat) zərərlə başa vurub.
Müqayisə üçün bildirək ki, “B.J.R. Foods Limited” şirkəti 2021-ci ili 3 milyon 244 min 762 funt-sterlinq mənfəətlə başa vurub. Bundan başqa şirkətin illik dövriyyəsi isə 7,1% azalaraq 41 milyon funt-sterlinqdən 38 milyon funt-sterlinqə düşüb.
Qeyd edək ki, Londonda məşhur restoranlar şəbəkəsi olan KFC françayzinqinə sahib olan “B.J.R. Foods Limited” şirkətinin 75%-lik payını Anar Məmmədov 23 iyul 2021-ci il tarixində satın alıb.
Onu da bildirək ki, Anar Məmmədov eyni tarixdə daha 3 şirkətin 75%-lik payını satın alıb. Bu şirkətlər “Colonel Foods Limited”, “1st RATE Investment (UK) Limited” və “Amber Restaurants Limited” şirkətləridir.
“Colonel Foods Limited” və “Amber Restaurants Limited” 152 gündən artıqdır ki, hesabatlarını müvafiq qurumlara təqdim etməyiblər.
Səhmlərinin 75%-i Anar Məmmədova aid olan bu şirkətlərə hazırda Böyük Britaniya vətəndaşları 1970-ci il təvəllüdlü Zafar Abbasi və 1967-ci il təvəllüdlü İqbal Sulemani rəhbərlik edirlər. Bu şəxslər daha əvvəl – 2004-2010-cu illərdə Londonda fəaliyyət göstərən “Zqan UK Ltd” şirkətinə rəhbərlik ediblər. Məlum olduğu kimi, Azərbaycanda fəaliyyət göstərən ZQAN holdinq Anar Məmmədova məxsus olub. ZQAN adı da sabiq nazirin özünün və ailə üzvlərinin adının baş hərflərindən yaranıb.
Xatırladaq ki, Bakıda fəaliyyət göstərən KFC restoranları da vaxtilə Anar Məmmədova məxsus ZQAN holdinqə bağlı olub. ZQAN holdinq 2013-cü ildə adını dəyişərək “Garant” holdinq olub. 2017-ci ildə Ziya Məmmədov nazir vəzifəsindən çıxarıldıqdan sonra KFC restoranları vaxtı ilə fövqəladə hallar naziri Kəmaləddin Heydərovun oğlanlarının rəhbərlik etdiyi “Gilan” holdinqin tərkibinə daxil edilib.

Xəbər verdiyimiz kimi, Nazirlər Kabinetinin qərarına əsasən bu gündən etibarən 2024-cü ilin sonuna kimi ölkəyə idxal olunan “Aİ-92” markalı benzin və dizel yanacağı aksiz vergisindn azad edilib.
Bəs, idxal olunan benzin və dizelin aksiz vergisindən azad edilməsi daxili bazarda satılan yanacağın qiymətinə necə təsir edəcək?
Məsələ ilə bağlı Yeniavaz.com-a açıqlama verən iqtisadçı-ekspert Allahverdi Aydın bildirib ki, idxal olunan yanacağın aksiz vergisindən azad edilməsi daxili bazarda satılan benzinin qiymətinə təsir etməyəcək:
“Bildiyimiz kimi, Nazirlər Kabineti əvvəlki illərdə də analoji qərarlar qəbul edib. Azərbaycanda “Aİ-92” markalı benzinə və dizelə olan təlabat əsasən daxili istehsal hesabına ödənilir. İdxal olunan yanacağın daxili tələbatda payı aşağıdır. Bu səbəbdən idxal olunan yanacağın aksiz vergisindən azad edilməsi daxili bazardakı qiymətlərə təsir edə bilməz. Məsələn, ötən il Azərbaycanda 1 milyon 464 ton “Aİ-92” markalı benzin istehsal edilib. Eyni zamanda 65 min ton “Aİ-92” markalı benzin idxal edilib. Göründüyü kimi, idxal olunan benzin daxili istehsalın təxminən 4%-i həddində olub”.

İqtisadçı-ekspert belə hesab edir ki, daxili bazarda satılan benzinin qiyməti kifayət qədər yüksəkdir:
“Bizdə adətən yanacağın qiymətini digər ölkələrlə müqayisə edirlər. Amma, bu cür müqayisə iqtisadi baxımdan yanlışıdır. İstənilən məhsulun, o cümlədən də yanacağın ölkə daxilindəki qiymətinə onun maya dəyəri, vergilər, nəqliyyat xərcləri və s. bu kimi amillər təsir edir. Avropada benzinin baha olmasının Azərbaycanda benzinin qiymətinə birbaşa olaraq heç bir təsiri yoxdur”.
Azərbaycanda istehsal olunan “Aİ-92” markalı benzinin maya dəyərinin açıqlanmadığını deyən iqtisadçının sözlərinə görə, benzinin yalnız istehsalçı qiyməti açıqlanır:
“Açıqlanan son məlumatlar göstərir ki, “Aİ-92” markalı benzinin şirkətdən çıxış qiyməti 1 litr üçün 52 qəpik təşkil edir. Aydın məsələdir ki, benzinin maya dəyəri bu qiymətdən də aşağı olur. Hətta biz benzinin istehsalçı qiymətini maya dəyəri olaraq qəbul etsək, o zaman açıq şəkildə görülür ki, pərakəndə satış qiyməti ilə maya dəyəri arasında ən azı 2 dəfə fərq var. Hazırda benzinin hər litrinin istehsalçı qiymətinin üzərinə 40 qəpiyə yaxın vergi əlavə olunur ki, bu da əhalinin gəlir səviyyəsinə adekvat deyil”.
Allahverdi Aydın bildirir ki, qiymət fərqi idxal olunan “Aİ-95” markalı benzinin qiymətindən daha çoxdur:
“Azərbaycan “Aİ-95” markalı benzin istehsal etmədiyi üçün tamamilə xaricdən idxal edir. Ötən il ölkəyə 86 min ton “Aİ-95” markalı benzin idxal edilib. Benzinin ölkəyə giriş qiyməti, yəni gömrük dəyəri 1 litr üçün 1 manat 20 qəpik olub. Amma, biz bilirik ki, “Aİ-95” markalı benzinin ölkə daxilindəki pərəkanda satış qiyməti 2 manatdır. Gördüyünüz kimi, arada təxminən 2 dəfəyə yaxın fərq var. 2022-ci ildə “Aİ-95” markalı benzinin qiyməti 1 manat 60 qəpikdən 2 manata qaldırılan zaman, bunun səbəbi kimi idxal olunan benzinin qiymətinin artması göstərildi. Lakin, maraqlıdır ki, 2022-ci illə müqayisədə 2023-cü ildə idxal olunan “Aİ-95” markalı benzinin qiyməti təxminən 18% aşağı düşüb. Amma, biz bu ucuzlaşmanı daxili bazarda müşahidə etmirik”.
Ekspert bildirir ki, ölkədə benzinin həm istehsalı, həm də idxalı SOCAR-ın nəzarətindədir:
“SOCAR-dan verilən açıqlamalarda hər zaman deyilir ki, istənilən şəxs, ya da istənilən şirkət xaricdən benzin idxal etməkdə sərbəstdir və bu heç kimə qadağan olunmayıb. Amma bu açıqlmaya baxmayaraq, mövcud vəziyyət onu göstərir ki, uzun illərdir SOCAR benzin istehsalı, idxalı və topdansatışında inhisarçı mövqedə dayanır. Buna görə də, gömrük dəyəri 1 manat 20 qəpik olan “Aİ-95” markalı benzinin 2 manata satılmasının əsas səbəbkarı məhz SOCAR hesab olunmalıdır”.

Azərbaycanın məhkəmə-hüquq sistemində dələduzlara, cinayətkarlara hakimlər tərəfindən himayəçilik edilməsi təəccüblü hal sayılmır. Ölkədə onlarla belə məhkəmə hakimi görmək olar ki, zərər çəkmişi yox, təqsirləndirilən şəxsi müdafiə edir, onu qoruyur, hansısa yollarla qismən də olsa haqq qazandırmaq istəyir. Təbii ki, bu femida adına rüsvayçılıqdır. Belə hakimlər geyindiyi mantiyanı əynindən çıxarmalı və başqa peşə seçməlidirlər, ya da tam əksinə, onların cinayəti sübut olunmuş şəxlərlə işbirliyi araşdırılmalıdır. Axı hakim ədalətin yanında olmalıdır, bəs bəziləri niyə cinayətkarların, insanların haqqını yemiş fırıldaqçıların yanında olur?!
Soruşa bilərsiniz ki, Anaxeber.info-nun konkret hansı faktları var, o zaman biz təqdim edək, siz tanış olun:
Belə ki, Bakı Ağır Cinayətlər Məhkəməsinin hakimi Əli Məmmədov ağır cinayət törətmiş iki nəfəri müdafiə edir. Təsəvvür edin, məhkəmənin adı ağır cinayətlə bağlıdır, onun hakimi isə ağır cinayətdə ittiham olunan tərəfə qahmar çıxır... Söhbət Yeni Günəşlidə tikdiyi binada bir mənzili bir neçə nəfərə sataraq dələduzluq etmiş "Sahil - S İnşaat" şirkətinin rəhbərlərindən gedir. Onlar Taley Alaverdiyev və Pənah Kərimovdur. Hər ikisi həbsdədir. Sübut olunub ki, 165 ailə bu şirkətin sahiblərinin dələduz əməllərinin qurbanıdır. Di gəl ki, hakim Əli Məmmədov daşıdığı o ada belə dəyər vermədən "müaviyə"lərin, "yezid"lərin, ailələrin pulunu yeyib yuva qurmaq ümidini söndürmüş, uşaqların sevincini ürəyində qoymuş həmin iki dələduzun tərəfini saxlayır. Halbuki Baş Prokurorluq yanında Korrupsiyaya qarşı Mübarizə Baş İdarəsinin obyektiv araşdırması, sonrakı dönəmdə sakinlərin problemlərini diqqətdə saxlaması, ölkə rəhbərliyinə edilən müraciətlər əsasında dövlət qurumlarının dəstəyi sayəsində sakinlər o fırıldaqçıların yarımçıq qoyduqları işləri öz gücünə, şəxsi resursu hesabına tamamlamağa çalışıblar. Ki, mənzillərinə köçsünlər. Lakin hakim Əli Məmmədov həbsdəki "moşennik"lərin yanında dayanmağa üstünlük verir. Bəs bunu necə edir?Belə ki, dələduzluğa görə həbs edilmiş şirkət rəhbərlərinə qahmar çıxaraq, zərər çəkmişlərdən onlara ödəniş edilməsini tələb edir. Həmin zərər çəkmiş 16 ailə aldadıldığını başa düşdüyü üçün mənzilə görə kredit ödənişini zamanında dayandırıblar. Kredit ödəyiciləri sonrakı dönəmdə ödədikləri pulla binanın yarımçıq işləri tamamlanıb. Belə ki, həmin vəsaitlə lift alınıb, dam vurulub, qaz, su, işıq xətləri çəkilib, arakəsmələr düzəldilib, fasadlar işlənib. Yəni ümumilikdə 16 ailə kreditin əvəzinə o vəsaiti binanın işlərinə yönəldib, nəticədə bütün sakinlərin problemlərinin həlli üçün addımlar atılıb. Əslində 165 ailənin üzləşdiyi bir problemdən söhbət gedir. Ancaq hakim Əli Məmmədov isə dələduzlara sahib çıxaraq belə qənaətə gəlib ki, həmin vəsaitlər tikinti şirkətinə çatmalıdır. Yəni kredit ödəyiciləri o pulu şirkət sahiblərinə ödəməlidirlər, nəticədə onlar azadlığa çıxmalıdır. Bu qədər absurd, bu qədər anormal mövqe... Maraqlıdır, şirkət sahibləri götürdüyü hansı öhdəlikləri yerinə yetiriblər ki, zərər çəkmiş ailələr bu pulu onlara versin?! O ailələr aldadılıb, bununla belə mənzillər təhvil verilsin deyə ödəməli olduqları krediti binanın yarımçıq işlərinə xərcləyiblər. Ki, evlərinə köçüb yaşasınlar. Ancaq hakim bu işdə dələduzların müdafiəsinə qalxır, sakinləri sıxışdırır. Ümumiyyətlə, onun fırıldaqçıları müdafiə etməsi suallar doğurur. Axı Əli Məmmədovun hakim kimi bu işdə nə marağı var ki, həmin şəxslər azadlıqda gəzsinlər, yaxud pullar şirkətə verilsin?! Belə şübhələr yaranır ki, hakim həmin dələduzlarla nəyinsə müqabilində sövdələşib. Bunu başqa cür anlamaq çətindir. Əgər hakim vətəndaşların haqqının pozulmasını deyil, şirkətin iki dələduzunu müdafiə edirsə, deməli, onun məsələyə yanaşması şəxsi prizmadandır, ədalətin bərpası deyil.
Ona görə də həmin sakinlər yeni ədliyyə naziri Fərid Əhmədova müraciət edərək bu məsələdə araşdırma aparılmasını xahiş edirlər. Onlar gənc nazirə inanaraq qeyd edirlər ki, hakim Əli Məmmədovun tutduğu mövqenin səbəbi araşdırılacaq. Həmçinin, Ali Məhkəmə sədri İnam Kərimovdan da dəstək istəyən sakinlər deyirlər ki, bu məsələ ciddi şəkildə yoxlanmalıdır, hakimin prosesə baxışı öyrənilməlidir. Sakinlər bildirirlər ki, pozulan hüquqlarının müdafiəsi üçün Prezident Administrasiyasına gedəcəklər və hakimin tələbləri barədə dövlət rəhbərliyini məlumatlandıracaqlar.