Goranboy rayonunun Aşağı Ballıqaya kənd sakini, müharibə veteranı İlqar İsmayılov redaksiyamıza müraciət edərək Azərbaycanın Milli Qəhramanı Fikrət Hacıyev adına Ballıqaya kənd ümumi orta məktəbinə yeni direktor təyinatından narazılığını bildirib.

Xalqxeber.az Redaktor.Az-a istinadla şikayətçinin müraciətini olduğu kimi təqdim edir:

"Bu məktubu sizə yazmaqda məqsədim Gəncə Daşkəsən Regional Təhsil İdarəsində baş verən özbaşınalıq və bu özbaşınalığın birbaşa səbəbkarı olan regional idarənin müdiri Anar Qədiməliyev, müavini Rövşən Kərimov və Təhsil sektorunun müdüri Xəyal Məmmədovdur.

Övladım İsmayılova İlahə İlqar qızı 2011-ci ildə Lənkəran Dövlət Universitetinin coğrafiya fakultəsini bitirib, elə həmin ildən müəllimlərin işə qəbulu müsabiqəsində uğur qazanaraq Goranboy rayon Fikrət Hacıyev adına Ballıqaya kənd ümumi orta məktəbində coğrafiya müəllimi kimi fəailiyyətə başlayıb. 01 oktyabr 2021-ci il tarixindən Goranboy rayon Təhsil şöbəsinin müvafiq əmri ilə həmin məktəbin direktor vəzifəsini icra etmək ona həvalə edilib.

15 noyabr 2022-ci il tarixində Gəncə Daşkəsən Regional Təhsil İdarəsi tərəfindən keçirilən şagird sayı 151 – 500 olan məktəblər üçün direktorların işə qəbulu müsabiqəsinin test və müsahibə mərhələsində uğur qazansa da, direktor kimi təsdiqlənmədi. Lakin hara müraciət olundusa bunun səbəbini demədilər. Nazir Emin Əmrullayev Göygöldə qəbul keçirdi, qəbula getdik bizi qəbula salmadılar.

Həmin məktəbdə direktor əvəzi olaraq öz fəaliyyətini davam etdirdi. Yenidən Gəncə Daşkəsən Regional Təhsil İdarəsi tərəfindən keçirilən imtahanda iştirak edərək uğur qazandı və məktəb seçimində 12 il müəllim kimi və 2 il direktor əvəzi kimi fəaliyyət göstərdiyi məktəbə deyil, yaşadığı yerdən 50 kilometr aralı olan Gürzalılar kənd tam orta məktəbinə təyinat almasını ona bildiriblər. Övladım səbəbini soruşduqda isə Rövşən Kərimov "2 il işlədiyin bəsdi, indi də sənin yerinə Aytən İsmayılova işləyəcək" demişdir. Aytən İsmayılova təyinat aldığı məktəb üzrə ərizə yazdıqdan sonra kəndə gəlmiş və elan etmişdir ki, "Rövşən Kərimov mənə dediki 12 sentyabr tarixindən sən Ballıqaya məktəbinin direktorusan, amma bu müddətdə bunu gizli saxla. Çünki siz namizədlərə bizdən sonra rəy verəcək qurumlar eşidə bilər və bu onlarda şübhə yaradar". Övladım İlahə İsmayılova Rövşən Kərimovun qəbulunda olduğu zaman ona bildirib ki, "niyə siz bəzi namizədlərə 12 sentyabr tarixinə qədər məlumatların gizlin saxlanılmasını və onların artıq direktor təyin olunduqlarını bildirmisiniz". O isə cavabında "bu mənim işimdir, mən elan etməliyəm" deyib.

Bu halda bizdə belə bir sual yaranır kı, məktəblərə direktorları təyin edən Rövşən Kərimovdur, yoxsa Azərbaycan Respublikası elm və təhsil naziri Emin Əmrullayevdir?

Bir məsələni də xatırladım ki, namizədlər vakansiya seçiminə çağrılan zaman mənim qızımın növbəsi olduğu halda Yasin müəllim Aytən İsmayılovanın yuxarı qalxmasını söylədi. Qızım etiraz etdi ki, indi mənim növbəmdi, Yasin müəllim isə bunun Rövşən Kərimovun tapşırığı olduğunu bildirdi. Məndə bir sual yarandı ki, Rövşən Kərimovla Aytən İsmyılova arasında olan bu isti münasibət hardandır?

Övladım Azər müəllimin qəbulunda olaraq onu işlədiyi Ballıqaya məktəbinə direktor təyin olunması ilə bağlı cənab nazirə ərizə yazmış və xahiş etmişdir ki, mənim ərizəmi cənab nazirə çatdırın. Ərizəmiz cənab nazirə çatıbmı? Bu məsələ də artıq sual altındadır.

Bu gün mən Gəncə Daşkəsən Regional Təhsil İdarəsində olan özbaşınalıqdan sizi xəbərdar etmək üçün, bu müraciətimi sizə ünvanlayıram. Rövşən Kərimovun təzə kadrı Aytən İsmayılova 2016-2018-ci illərdə (2 il müddətində) Gəncə şəhərində yaşamış, ona əmrlə verilən dərslər keçirilməmiş, əmək haqqının buraxılması üçün sinif jurnalları (dövlət sənədləri) məktəbin müavini Valya İbrahimova, Aytən İsmayılova gilin gəlinləri Əminə İsmayılova və həmin illərdə qonşu məktəbdən müddətli müqavilə ilə məktəbə dəvət edilmiş müəllim Arzu Əliyeva tərəfindən yazılmışdır. Həmin bu saxta sənədlər Rövşən müəllimə deyildikdə, o, "mənim işim deyil, Aytənin məndən əvvəl gördüyü işlər mənə o qədər önəmli deyil" söyləmişdir. Külli miqdarda vəsaiti mənimsəyənlərin bu gün hansısa məktəbə, hansı yollarla direktor təyin edilməsi, bizim təhsilimizin gələcyinin kimlərə həvalə olunduğunu aydın şəkildə göstərir.

2 il təhsildən yayınan, dövlət vəsaitini mənimsəyən Aytən İsmayılovanın hansı yolla məktəbə direktor təyin olunur?

Aytən İsmayılova kollektivdə nüfuzu olmayan biridir. Bu insan kollektivdə hər zaman nizam-imtizamsız biri kimi tanınır. Təhsilimizi gör kimlərə həvalə edirlər.
Cənab Prezident təhsilimizə diqqət qayğı göstərir, ancaq regiondakı bu cür məmurlar dövlətin siyasətinə qarşı çıxırlar.

Videoçarxda görürsüz ki, kollektiv və kənd sakinləri bu insanın direktor təyin olunmasına narazılıq edirlər. Ancaq buna məhəl qoymurlar. Kənd sakinlərini dövlətdən narazı qalması üçün nə lazımdı edirlər.

Burda şübhəli məqam yaranır ki, Aytən İsmayılovadan külli miqdarda rüşvət alıblar, buna görə də heç kimin narazılığını məhəl qoymurlar.

Aytən İsmayılovanın ailəsinin belə kənddə heç bir nüfuzu yoxdur. Bu insanın atası, qardaşları hər zaman dövlətçiliyimizə qarşı olan insanlardı. Kənd sakinlərinin bu insanlar örüş torpaqlarını öz torpaqları kimi məimsəyib istifadə edirdilər. Lakin kənd sakinlərinin böyük narazılıqlarından sonra öz örüş torpaqlarını geri qaytara biliblər. Bu insanlar ailəlikcə deyirlər ki, "burda bizik, Bağdatda kor xəlifə".

Bütün orqanlardan xahiş edirəm bu məsələyə əl qoysunlar. Aytən İsmayılova kimi dövlət vəsaitini mənimsəyənlərə qarşı lazımlı orqanlarmız mübarizə aparsın".

Qeyd edək ki, Aşağı Ballıqaya kənd sakinləri redaksiyamıza Aytən İsmayılovanın direktor təyinatının etirazla qarşılanması barədə video görüntülər də təqdim ediblər. Həmin videonu təqdim edirik:

Sumqayıt şəhərində şəhidin dəfni zamanı yaylım atəşindən qorxaraq yerə oturan, sonradan isə qəhqəhə çəkərək gülən iş adamının görüntüləri qalmaqala səbəb olub.

Millitv.az bildirir ki, məsələ ilə bağlı Bizim.Media-ya açıqlama verən "Qartal" Tikinti firmasının sahibi, iş adamı Şahin Məmmədov sözügedən görüntülərin lentə alınması və yayılmasında Sumqayıtdan olan şəhid Nicat Nəbiyevin anası Əfsanə Əbülfətovanın səbəbkar olduğunu qeyd edib.

Şəhid anasının onun yanına mebel istəməyə gəldiyini, imtina etdiyi üçün isə qadının qərəzli şəkildə belə bir foto yaydığını iddia edib. Hətta şəhid anasının ünvanına nalayiq ifadələr də səsələndirib.

Bizim.Media məsələ ilə bağlı qarşı tərəfin də fikirlərini alıb. Saytımıza açıqlamasında Əfsanə Əbülfətova bildirib ki, Şahin Məmmədovun şəhid dəfnindəki davranışı tək onu deyil, bütün Sumqayıt şəhidlərinin ailələrini qıcıqlandırıb.

Görüntüləri isə özü çəkməyib, sosial şəbəkələrdən götürüb:

“Şəhidin dəfnində mən olmamışam. Şahin Məmmədovun gülən görüntülərini çəkib “TikTok”da paylaşıblar. Kim olduğunu bilmirəm. Mən də onu “TikTok”da gördüm və götürdüm. Torpağa bala qoymuşamsa, əlbəttə ki, bu görüntü qıcıq verəcək. Mən o videoya ağlaya-ağlaya baxmışam. Şahin isə gülür, yanındakılar da ona qoşulub. Həqiqətən də mənə əsəb gəldi. Nəyə gülürsən?

Sənin balan deyil, tabutu evindən çıxmayıb axı, ona görə gülürsən. Bunu, bu mənada paylaşdım və altından “Öl ay kasıb. Sumqayıtın ağsaqqalları...” - deyə şərh yazdım. Onun sürücüsü Rauf mənə zəng etdi ki, “görüntüləri səhifəndən sil”.

Cavab verdim ki, “mən sildim, bəs başqası? Artıq video sosial şəbəkələrdə sürətlə yayılıb. Təkrar qayıtdı ki, “sənə deyirəm sil”, mən isə “sildirə bilirsən sil, səhifə mənim, ağıl mənim” dedim. Şəhid analarının hamısı o görüntüləri paylaşıb, altına isə “bizim kimi yanasız” yazıblar. Bəli, məndə də qıcıq yaratdı və paylaşdım”.

Əfsanə Əbülfətova Şahin Məmmədovdan mebel istəməsi məsələsinə də aydınlıq gətirib:

“Balamdan əziz heç nə yoxdur. Onun qəbrinə and olsun ki, mən Şahin Məmmədovdan heç nə istəməmişəm. Sadəcə olaraq o hər dəfə deyirdi ki, Kəlbəcərə generator göndərib. Bunu bir neçə dəfə təkrarladı. Axırda dedim ki, “Şahin müəllim bunu 3 ildir başımıza vurursuz. 3 min bala gedib torpağa, heç ailələrinin səsi çıxmır”. Guya öz xoşunla edirsən? Camaatın pulunu yeyib göndərirsən də...”

Şahin Məmmədovun onun ünvanına nalayiq ifadələr səsləndirməsinə gəlincə, Əfsanə Əbülfətova bu məsələni hüquqi müstəvidə həll edəcəyini vurğulayıb:

“Mən səhərə qədər toyuq sexində işləyib, təkbaşına bala böyütmüşəm və tabutun altına tək girmişəm. Buna deyir yüngül həyat tərzi? Onun barəsində polisə şikayət etmişəm. Qoy məhkəmədə sübut etsin ki, ondan pul və ya nəsə istəmişəm”.

Xatırladaq ki, Sumqayıt şəhərində şəhidin dəfni zamanı yaylım atəşindən qorxaraq yerə oturan, sonradan isə qəhqəhə çəkərək gülən "Qartal" Tikinti firmasının sahibi, iş adamı Şahin Məmmədovun görüntüləri ictimaiyyətdə narazılıqla qarşılanıb. Şahin Məmmədov isə görüntülərin ortaya çıxmasında Sumqayıtdan olan şəhid anası Əfsanə Əbülfətovanı günahlandırıb.

Sabunçu Rayon İcra Hakimiyyətinin başçısı Adil Vəliyev jurnalist Əvəz Zeynallının məhkəməsində ifadə verib. Məcburi qaydada məhkəməyə gətirilən icra başçısı vəkillərin suallarını cavablandırarkən etiraf edib ki, hətta tikinti qanunsuz olsa belə, icra hakimiyyətinin onu sökməyə ixtiyarı yoxdur: “İnşa prosesi dayandırılmalı, məhkəməyə müraciət olunmalıdır. Lakin praktikada bir sıra hallarda qanunsuz tikinti aparılanda müdaxilə edib sökürlər”.

Vəkilin “Sizin səlahiyyətiniz olmadığı halda, necə müdaxilə edirsiniz” sualına Vəliyev belə cavab verib: “Elə danışırsınız ki, sanki Azərbaycanda yaşamırsınız...”.

Vəliyev deyib ki, Əvəz Zeynallı ona zəng vuraraq sadəcə xahiş edib: “Mənə kimsə nə pul verib, nə də kiminsə buna cəsarəti çatar”.

250 min nəfər əhalisi olan paytaxt rayonunun rəhbəri tərəfindən “Elə danışırsınız ki, sanki Azərbaycanda yaşamırsınız...” ifadəsi sosial şəbəkələrdə kəskin etirazla qarşılanıb. “Yaşadığı ölkədən təminatı olmayan icra başçısı bir rayona necə rəhbərlik edə bilər” və digər ritorik suallar sosial mediada ciddi müzakirə mövzusuna çevrilib.

Milli Məclisin üzvü Vahid Əhmədov AYNA-ya açıqlamasında bildirib ki, dövlət məmurunun belə bir açıqlama verməsi sadəcə biabırçılıqdır: “Azərbaycanda nöqsanlar mövcuddur. Bunu dövlətin başçısı da bəyan edir, deputatlar da, ictimaiyyət nümayəndələri də. Əgər Adil Vəliyev hesab edirsə ki, nöqsanlar var, o zaman onu dilə gətirməlidir. Yaxud bəyan etməlidir ki, ona qarşı müəyyən təzyiqlər var. Daha “Elə danışırsınız ki, sanki Azərbaycanda yaşamırsınız...” kimi ifadələr işlətmək məmur əkanına sığmır”.

“Cəmiyyətdə bu cür məmurları “kiçik padşahlar” adlandırırlar. Onlar özlərini elə aparırlar ki, sanki hər şey onlara məxsusdur. Əgər Adil Vəliyev və onun kimiləri ölkəni bəyənmirlərsə, istefa verib getsinlər. Daha bu cür mənasız və məzmunsuz açıqlamalar verməyə gərək yoxdur”, - deyə deputat söyləyib.

Onun sözlərinə görə, A.Vəliyev və digər icra başçılarının timsalında baş verənlər yerli idarəetmə orqanları ilə bağlı qərara yenidən baxılmasını qaçılmaz edir: “Cənab Prezident İlham Əliyev bildirmişdi ki, icra hakimiyyətləri sovetdən qalma sistemdir və zamanla ləğv olunacaqlar. Bu gün Azərbaycanda 14 iqtisadi rayon mövcuddur. Onlardan bəzilərinə Prezidentin səlahiyyətli nümayəndələri təyin olunub. Kifayət qədər də normal fəaliyyət göstərirlər. İcra hakimiyyətləri isə həm sistem, həm də davranış etibarilə sovetlər dövrünü xatırladır”.

“Hətta SSRİ dövründə belə, rayon rəhbərləri bu cür təxribatçı fikirlər səsləndirə biməzdilər. Bu, milyonlarla ölkə vətəndaşını təhqir etməkdir. Hesab edirəm ki, bu mövzuya məntiqi yekun vurulmalıdır. İcra hakimiyyətləri ləğv edilməli, iqtisadi rayonlar üzrə nümayəndəlik institutu yaradılmalı, onların tərkibində idarəetmə strukturları formalaşdırılmalıdır”, - deyə Əhmədov vurğulayıb.

Adil Vəliyevin məhkəmə ifadəsini şərh edən Azərbaycan Vəkillər Kollegiyasının üzvü, tanınmış hüquqşünas İradə Cavadovanın sözlərinə görə, Sabunçunun icra başçısı “səmimi etiraflar” edib: “Azərbaycanda yazılmamış qanunlar var və bunu hər kəs bilir. Yəni, inşaata necə və haradan icazə alırlar, bunun üçün nə qədər qeyri-rəsmi rüsum ödənilir, hansı aiddiyəti orqanlara nə qədər vəsait ödənilməlidir və s. Bunları ölkədə bilməyən yoxdur. Dəfələrlə də bu mövzu gündəmə gəlib - həm ictimaiyyət nümayəndələri, həm də mətbuat orqanları və siyasətçilər tərəfindən”.

“Əslində Adil Vəliyevin bu ifadəsi ölkəmiz üçün bir yenlikdir. Çünki bunu söyləyən adam sıradan adam deyil. Dövlət məmurudur və bir rayona rəhbərlik edir. Onun dediyindən belə çıxır ki, Azərbaycanda qaranlıq qərarlar qəbul edilir və dolayısı ilə bu da onu edir. Jurnalistin xahişi ilə tikintiyə icazə verilməsi də yenilikdir. Bu da maraqlı məqamdır. Adətən belə mövzularda jurnalistləri eşitmirlər. Daha ciddi yerlərdən xahişlər olunur”, - deyə müsahibimiz qeyd edib.

Cavadova əlavə edib ki, normal ölkələrdə bu cür fikirlər səsləndirən məmurlar istefa verirlər: “Bu isə həm vəzifəsini qoruyur, həm də təmsil olunduğu sistemi və özünü ifşa edir. Azərbaycan məmurları arasında istefa mədəniyyəti olmasa da, hesab edirəm ki, bu ifadədən sonra Adil Vəliyevi yola salacaqlar. Çünki bundan sonra onun icra başçısı kimi fəaliyyəti absurddur. Bu, o demək olacaq ki, onun söylədikləri həqiqətdir və bunu hökumət də qəbul edir. Əslində bir daha söyləmək istəyirəm ki, ölkə reallıqları elə Adil Vəliyevin söylədiyi kimidir. Ancaq bunu məmur səsləndirirsə, ya bu sistemə etiraz edib istefa verməli, ya da belə fikirlər səsləndirməməlidir”.

AZƏRBAYCANREALLIĞI.COM

Akademik C. Abdullayev adına Elmi-Tədqiqat Kardiologiya İnstitutunda növbəti kuryoz hadisə baş verib. Dünən institutun direktoru Gülnaz Dadaşova bu vəzifəyə təyin olunmasının 5 illiyini təntənəli şəkildə qeyd edib.

Harda görünüb ki, ciddi bir elm ocağının rəhbəri, özünü professor adlandıran şəxs vəzifə təyinatının ildönümünü (?!) qeyd etsin, çələnglər (bəli, gül dəstələri deyil, məhz çələnglər!), hədiyyələr, zərflər qəbul etsin?!(Sosial şəbəkələrdə bunu əks etdirən video və fotolar yayılıb)

Ölkə rəhbəri öz ad günlərini qeyd etmədiyi, yaxud çox sadə şəkildə, xalqın arasında qeyd etdiyi halda, institut direktorunun vəzifə təyinatını təmtəraqlı şəkildə qeyd etməsini necə başa düşmək olar? Bu, hansı məntiqə sığır?

Özü də bu hadisə nə vaxt baş verir? Ölkə üçün taleyüklü məsələlərin həll olunduğu, Qarabağda lokal antiterror tədbirlərinin keçirildiyi, Azərbaycanın az qala hər şəhərinə şəhid cənazələrinin göndərildiyi, şəhid analarının gözüyaşlı qaldığı, millətin şəhidləri dəfn etməyə səfərbər olduğu bir vaxtda! Dünyanın əksər güclərinin, beynəlxalq təşkilatların, böyük dövlətlərin Azərbaycanın üzərinə gəldiyi bu günlərdə institut direktorunun, özünü bu millətin ziyalısı sayan şəxsin belə addım atmasına nə deyəsən?

Elmi-Tədqiqat Kardiologiya İnstitutunun direktoru Gülnaz Dadaşovanın bu addımı presedenti olmayan, elm aləmində görünməyən bir hadisə, bəlkə də bir "ilk"dir. Yəqin, o, bir alim kimi bu "yeniliyi" ilə Ginnesin "Fəxri Rekordlar Kitabına" düşməyə "layiqdir"!

O da maraqlıdır ki, Gülnaz Dadaşova bu addımı kollektivin böyük əksəriyyətinin iradəsinin ziddinə olaraq atıb. İddialara görə, kollektivin iradı, narazılığı nəzərə alınmayıb. Məhz elə buna görə də "yubiley" tədbirində direktorun yaxın ətrafı - Kardiologiya İnstitutunun baş həkimi, elmi və klinik bölmədə çalışan həkimlər, inzibati şöbənin rəhbərliyi iştirak ediblər. Bir sıra şöbə müdirləri, adlı-sanlı həkimlər isə direktorun "yubileyini" boykot ediblər.

Əldə etdiyimiz məlumata görə, məhz direktorun yarıtmaz idarəçiliyi nəticəsində Kardiologiya İnstitutunun əməkdaşlarının böyük əksəriyyəti ondan narazıdır. Bəlkə direktor təntənəli "yubiley" tədbirini elə onlardan qisas almaq üçün keçirib? Sözün düzü, bu olayın komik, yoxsa tragik olduğunu ayırd etmək çətindir. Ancaq bir məsələ dəqiqdir ki, Kardiologiya İnstitutunun direktoru belə şahşahlı tədbirləri, yubileyləri çox sevir. Əgər belə olmasaydı, o, bu yaxınlarda 44 yaşı tamam olan institutun 45 illik yubileyini keçirməzdi! Elə buna görə institutda deyirlər ki, əgər həyatda olsaydı, yəqin ki, tanınmış müğənni İlhamə Quliyeva belə bu cəhətinə görə Gülnaz Dadaşovaya qibtə edərdi!

Və sonda. Görəsən, hörmətli səhiyyə naziri Teymur Musayev institut direktorunun vəzifəyə təyin olunmasının 5 illiyini qeyd etməsinə, kollektivdən bahalı hədiyyələr qəbul etməsinə necə baxır? Yəqin ki, normal. Çünki o, hələ 44 yaşı tamam olan institutun 45 illik yubileyini keçirəndə institut direktoru barədə ölçü götürməli idi... Nə etmək olar, burası Azərbaycandır və biz hələ deyəsən, uzun müddət səhiyyə sistemində belə anormal hadisələrin şahidi olacağıq...

Reyting.az

"Bakı Slavyan Universitetinə Nurlana Əliyevadan sonra Anar Nağıyev rektor təyin edilib.Amma dəyişən elə adlar olub,iş prinsipi qalıb.Yenə də Nurlananın abu-havası var,yenə də Nurlanın adamları hökm sürürlər,yenə Nurlananın qaydaları qüvvədədir". Bu barədə DİA.AZ-a göndərilən məqalədə deyilir.
Məqalədə daha sonra bildirilir: "Anar Nağıyevin universitetdə sevimliləri var.Onları siz də tanıyın.Rafiq Novruzov adlı şəxs Nurlana Əliyevanın vaxtında elmi işlər üzrə prorektoru olub,eyni zamanda pulları yaxşı yığdığına görə kassa da ona tapşırılıbmış.İşə düzəlmək istəyən bu prorektora təxminən 20 min AZN ödəməklə arzusuna çatırmış.Rafiq indi də Anarın xususi hörmət göstərdiyi personadır.BSU adından bütün xarici səfər siyahılarına mütləq şəkildə onun adı salınır. "Slavyan filologiyası" kafedrasının müdiridir. edib. Həm də Anar müəllimin "müəllim"i hesab edilir.Ona köhnə "üsülları" öyrədib hazırlaşdırır.
Digər sevimlisi müşaviri Elçin Hüseynovdur.
Hazırda BSU-nu demək olar ki,o idarə edir.Hamı Elçinin qılıncının altından keçir.Anar Nağıyev də iclaslarda hər kəsin Elçinə qulaq asmalı olduğunu bildirir,əməl etmək istəməyənləri hədələyir.Çünki müşaviri qara kassanı dolduran əsas adamlardan biridir.Nurlananın BSU-ya gətirdiyi imtahan keçirilməsi,cavabları yoxlanması qaydalarını "uğur"la tətbiq edir.BSU-da kütləvi kəsirləri dəbə salmaqla tələbələrin,elə vicdanlı müəllimlərin də qəniminə çevrilib.
İmtahan cavablarını üç dəfə yoxlatdırır və müəllimləri tələbələrin qiymətlərini aşağı salmağa məcbur edir.Yoxlamaya gələn müəllimlərin də qarşısını alır.Deyir,rektor Anar Nağıyev şəxsən özü yoxlayacaq.
Elçinə bu əməlində Nurlana Əliyevanın ən qabaqcıl kadrlarından biri-Habil Məmmədov yardımçı olur.İmtahan cavablarını 17 baldan aşağı qiymətləndirir ki, tələbələrin imtahan kəsirlərinin sayı üç minə (3000) çatsın.Hər kəsir Elçinin əli 600 manata düzəldilir. 3000-ni 600 manata vurub alınan nəticəyə baxın.Böyük təhsil biznesidir...Tələbələrin əksəri kasıb,imkanı az olan ailələrdəndilər.Onsuzda gündəlik yaşayış xərcləri asan başa gəlmir.Təhsil müəssisəsinin yataqxanası yararsız olduğuna görə rayondan gələn tələbələr kirayə ev tutub qalırlar.
Universitetdə yeməkxana olmadığı üçün güzəştli yeməkdən də məhrum olublar.Həmkarlar da buna susur.Çünki keçmiş idman müəllimi Əzim rektorun ixtiyar verdiyi adamlardan biridir.Bəzi "mühüm" məsələlər onun vasitəsilə həll olunur.
Elçin Hüseynova hegemonluğunda kömək edənlər də var.Bunlardan biri tədris şöbəsinin müdiri Nəsib Cəbrayılovdur.Keçmişdə tələbə məzun şöbəsinin müdiri işləyərkən seyfində diplomları gizlədib 200-250 manat "şirinliyə" satırmış,digəri rəqəmsal və təminat şöbəsinin müdiri Zümrüd Yolçuyevadır.Heç bir elmi dərəcəsi olmayan Zümrüd yaxın rəfiqəsi Güllü Abdullayeva ilə əl-ələ verib müəllim və tələbələrə qan uddurur,bəziləri bunların əlindən bezib işlərini tərk edirlər.
Anar Nağıyevin başqa bir sevimli kadrı təlim-tərbiyə işləri üzrə prorektor Xanım Sultanovadır.Xanım xanım həm də Nurlana Əliyevanın BSU-ya gətirib doldurduğu ən sevimlisi "bajı"larından biri olub.Keçmişində pioner baş dəstə rəhbəri olmuş bu bajı Nurlananın dönəmində "Bədii-kütləvi tədbirlər" şöbəsi açdıraraq rəfiqəsi Aygün Kərimovanı ora müdir təyin etdirir.Şöbəyə Əli Natiqoğlu kimi təqdim edilən rəqqas da cəlb edirlər.Əvvəlki adı Rüstəm olub,bəzi müəmmalı işlərinə görə elə Xanım Sultanovanın göstərişi əsl adını dəyişib.(Deyirlər Əli Xanım,Aygün və digərləri tərəfindən tez-tez ələ salındığı üçün hətta özünə bir dəfə qəsd etmək məqsədilə dərman içibmiş).
Əli (Rüstəm) Aygünlə birlikdə universitetdəki gözəl vücudlu,qamətli gənclərə göz qoyur,siyahı tutur,onları rəqqas və rəqqasəliyə cəlb edirlər.Bu tələbələr BSU-nun təşkil etdiyi,qatıldığı tədbirlərdə çıxışlar edirdilər.Onlara bunun nazirliyin tapşırığı olduğu deyilirmiş.Etiraz edən tələbələri X.Sultanova qiymətlərində güzəştlər ediləcəyi ilə şirnikləndirirmiş.Tələbələrin dediyinə görə təlim-tərbiyəyə cavabdeh Xanım Sultanova nahar fasiləsində Aygün xanımla qəlyan(nargilə) qüllablamağı çox sevirmiş.
Keçmiş "pioner vojator" Xanım qəfildən prorektor olmağının da səbəbsiz olmadığı deyilir.Onun rəqqasları əsl rəqqasları geridə qoyub müsabiqələrdə irəliləyir,özü karyerasında sıçrayış edir. Deyilənə görə bunlar onun Dövlət Təhlükəsizlik Xidmətində,ASAN Xidmətdə,Elm və Təhsil Nazirliyində yüksək vəzifə tutan himayədarları sayəsində mümkün olub.
Gördüyünüz kimi,Bakı Slavyan Universiteti,onun rektoru,prorektoru,rəhbərliyi özlərinə əməlli-başlı muxtariyyət qurub öz qayda-qanunları ilə günlərini keçirirlər.Paytaxtın düz mərkəzində qocaman təhsil ocağı "boz kardinal" Ramiz Mehdiyevin "boz zona"sına çevrilib.Biz deyirik,qalanını əlaqədar təşkilatlar bilər".

İddia olunanlarla bağlı dia.az olaraq bütün maraqlı tərəfləri dinləməyə hazırıq...

Teref.az yazır ki, şəhidin dəfnində gülən şəxsin Qartal tikinti və mühafizə firmasının rəhbəri əslən Laçınlı olan Şahin Məmmədov olduğu müəyyən edilib. Bu barədə jurnalist Elnurə Abuşova öz sosial şəbəkə səhifəsində yazıb. Elnurə Abuşovanın statusunu təqdim edirik:
"İş adamı, Sumqayıtda nüfuzlu şirkət kimi tanınan, Qartal tikinti və mühafizə firmasının rəhbəri Şahin Məmmədov şəhidin dəfnində gülürdü. Videoda şəxsən gördüm. Əslən Laçından olan bu iş adamının oğlanları niyə ön cəbhəyə getmir? Yolu, izi bizimkilərdən yaxşı tanıyarlar. Yoxsa Vətənin yalnız səfası bunlar üçündü?

Mənim qardaşım Bilik günü gələcəyin əsgəri 2 oğlunu məktəbə özü apara bilmədi. Laçında işıq çəkirdi..."

P.S. Qeyd etmək istəyirik ki, bu polis serjantı Ramil Şirinovun dəfn mərasimi zamanı baş verib.
Qarşı tərəfin mövqeyini dərc edə bilərik! Teref.az

Balaxanının köhnə adı “İkinci mədən” olan “28 May” küçəsinin sakinləri yaşadıqları yerin şəraitsizliyindən şikayətlənirlər. Onların sözlərinə görə, yollara asfalt çəkilmir, kanalizasiya sitemi yoxdur, küçə təmirsiz vəziyyətdədir.

Toplum TV

Daha ətraflı aşağıdakı videoda:

Məsələ ilə bağlı Millitv.az olaraq qarşı tərəfi də dinləməyə hazırıq...

Uçmaq üzrə olan divarlar, su axıdan tavanlar və üfunət qoxusuna bürünən koridorlar...

Söhbət Sumqayıt şəhərinin İnşaatçılar qəsəbəsində məcburi köçkünlərin məskunlaşdığı 10 saylı yataqxanadan gedir. Binanın acınacaqlı vəziyyətindən gileylənən sakinlərin əsas istəkləri isə bu yataqxananın təmir olunmasıdır. Deyirlər ki, yağış yağanda binanın pəncərələrinin qarşısı keçilməz olur. İcra hakimiyyətindən neçə dəfə gəlib baxsalar da, bir nəticəsi olmayıb. Sumqayıt şəhəri icra hakimiyyətinin mətbuat xidmətinin rəhbəri Eyvaz Qocayev Toplum TV-yə bildirdi ki, Sumqayıt şəhərindəki yataqxanalarda mərhələli şəkildə təmir işləri həyata keçirilir. Qəzalı vəziyyətdə olan yataqxanalar isə mərhələli şəkildə söküləcək.

Toplum TV

Azərbaycan Milli Kitabxanasının əməkdaşları bu gün işə çıxmamağa qərar veriblər.

DİA.AZ-ın xəbərinə görə, Pravda.az-a daxil olan məlumatda bildirilib ki, buna səbəb Gülüstan sarayında keçiriləcək Milli Kitabxananın 100 illik yubiley tədbirinə sıravi işçilərin dəvət edilməməsidir.

Məlumatda qeyd olunub ki, tədbirdə yalnız Milli Kitabxananın rəhbərliyi edəcək. Eyni zamanda vurğulanıb ki, Milli Kitabxananın rəhbərliyi maaşa edilən əlavələri də vermək istəmir, həmin vəsaitin Gülüstan sarayında tədbirin təşkilinə xərcləndiyi bildirilir.

Məsələni aydınlaşdırmaq üçün Milli Kitabxananın Elmi işlər və kitabxana-informasiya xidməti üzrə direktor müavini Ədibə İsmayılova ilə bir neçə dəfə əlaqə saxlanılsa da, Ə.İsmayılova zənglərə cavab verməyib.

Milli Kitabxanın daxili nömrəsinə edilən zənglər də cavabsız qalıb.

Azərbaycan Respublikasının Silahlı Qüvvələri tərəfindən Azərbaycanın Qarabağ bölgəsində keçirilən lokal xarakterli antiterror tədbirləri uğurla davam etdirilir. Keçirilən tədbirlər zamanı Ermənistan silahlı qüvvələrinin 60-dan çox döyüş mövqeyi Ordumuzun nəzarətinə keçib.

Bu sözləri bu gün keçirilən növbəti brifinqdə Müdafiə Nazirliyinin mətbuat xidmətinin rəisi, polkovnik Anar Eyvazov söyləyib.

O əlavə edib ki, Ermənistan silahlı qüvvələrinin birləşmələrinə məxsus 20-dək hərbi təyinatlı avtomobil, 40-dan çox artilleriya qurğusu, 30-dan artıq 82 və 120 millimetrlik minaatan, 2 ədəd zenit-raket qurğusu, 6-dan çox “Martira” radioelektron mübarizə stansiyası və hərbi təyinatlı digər vasitələri zərərsizləşdirilib.