UFC-nin rəhbəri Dana Uayt verdiyi sonuncu açıqlama ilə diqqət mərkəzinə düşüb.

O bildirib ki, Rusiya prezidenti Vladimir Putin Həbib Nurməhəmmədovu irlandiyalı Konor Makqreqor üzərində qələbədən sonra yüksək məbləğdə hədiyyə ilə mükafatlandırıb.

“O, döyüşdən dərhal sonra, soyunub-geyinmə otağına hələ çatmamış, Vladimir Putin artıq ona zəng etmişdi. Vladimir Putin ona və atasına Rusiyada təxminən 20 milyon dollar dəyərində daşınmaz əmlak hədiyyə etdi” – UFC rəhbəri söyləyib.

Xatırladaq ki, Həbib Nurməhəmmədovla Konor Makqreqor arasında baş tutan döyüş 2018-ci ilin oktyabr ayında baş tutub. H.Nurməhəmmədov dördüncü raundda rəqibi Konor Makqreqoru boğucu fəndlə təslim olmağa məcbur edib. (“Games With Names”)

İsmayıllıda avtomobil qəzası baş verib.

Daxili İşlər Nazirliyinin mətbuat xidmətinin Şəki regional qrupundan bildirilib ki, fevralın 22-i saat 18 radələrində İsmayıllı rayonunun Xanagah kəndi ərazisində “MAZ” markalı yük avtomobili ilə “Azsamand” markalı minik avtomobili toqquşub.

Hadisə nəticəsində minik avtomobilindəki sərnişin, 34 yaşlı Nigar Bayramova aldığı xəsarətlərdən ölüb.

Araşdırma aparılır.

Rusiya Prezidenti Vladimir Putin amerikalı həmkarı Co Baydenin təhqirinə cavab verib.

Bu barədə o, “Rossiya-1” telekanalına müsahibəsində danışıb.

“Biz sizinlə bu barədə danışmışdıq. Siz məndən ABŞ-nin gələcək prezidenti kimi kimə üstünlük verdiyimi soruşmuşdunuz.

Mən isə, bizə fərqi yoxdur demişdim. Lakin, Rusiya üçün daha yaxın olan Baydendir demişdim. Onun son açıqlamaları mənim nə qədər haqlı olduğumu bir daha sübut etdi. Bu, mənim tərəfimdən deyilənlərə adekvat reaksiyadır. O, mənə “Volodya, afərin! sağ ol. Sən mənə çox kömək etdin” deyə bilməz.

Mən o vaxt dediyimi yenə təkrar edə bilərəm: Bayden ən yaxşı seçimdir”.

Qeyd edək ki, Bayden San-Fransiskoda keçirilən qapalı seçki kampaniyası zamanı Rusiya lideri Vladimir Putin haqqında kobud ifadələr işlədib.

Ağ Evin rəhbəri Putini ağıldan kəm, dəli adlandırıb.

"Bizim bu Putin və başqa qancıq uşaqları kimi dəli oğlanlarımız var və həmişə nüvə münaqişəsindən narahat olmalıyıq, lakin bəşəriyyət üçün ekzistensial təhlükə iqlim dəyişikliyidir", - Bayden vurğulayıb.

Prezident İlham Əliyevin tapşırığına və bölgələrdə vətəndaşların qəbulu cədvəlinə uyğun olaraq daxili işlər naziri general-polkovnik Vilayət Eyvazov fevralın 22-də Saatlı Rayon Polis Şöbəsində növbəti vətəndaş qəbulu keçirib.

Nazir əvvəlcə Saatlı rayonundakı ümummilli lider Heydər Əliyevin abidəsini ziyarət edərək əziz xatirəsini böyük hörmət və ehtiramla yad edib.

Sonra Rayon Polis Şöbəsinin inzibati binasında Sabirabad, Beyləqan, İmişli, Saatlı, Füzuli və Xocavənd şəhər və rayonlarından qəbula gələn 215 vətəndaşın müraciətini dinləyən nazir onların problemlərinin həlli üçün Nazirliyin aidiyyəti baş idarə və idarə rəislərinə tapşırıqlar verib. Müraciətlərin əksəriyyətinin yerində həlli ilə bağlı tədbirlər görülüb.

Səfər çərçivəsində general-polkovnik V.Eyvazov bölgə üzrə polis orqanlarında sıravi və kiçik rəis heyətinə xidmətə qəbulla bağlı sıra baxışı keçirib.

35 Vətən müharibəsi iştirakçısının da qatıldığı sıra baxışında xidmətə qəbulun şərtlərinə uyğun gələn 154 nəfər seçim turunun növbəti mərhələsinə buraxılıb.


Prezident İlham Əliyevin tapşırığına və bölgələrdə vətəndaşların qəbulu cədvəlinə uyğun olaraq daxili işlər naziri general-polkovnik Vilayət Eyvazov fevralın 22-də Saatlı Rayon Polis Şöbəsində növbəti vətəndaş qəbulu keçirib.

Nazir əvvəlcə Saatlı rayonundakı ümummilli lider Heydər Əliyevin abidəsini ziyarət edərək əziz xatirəsini böyük hörmət və ehtiramla yad edib.

Sonra Rayon Polis Şöbəsinin inzibati binasında Sabirabad, Beyləqan, İmişli, Saatlı, Füzuli və Xocavənd şəhər və rayonlarından qəbula gələn 215 vətəndaşın müraciətini dinləyən nazir onların problemlərinin həlli üçün Nazirliyin aidiyyəti baş idarə və idarə rəislərinə tapşırıqlar verib. Müraciətlərin əksəriyyətinin yerində həlli ilə bağlı tədbirlər görülüb.

Səfər çərçivəsində general-polkovnik V.Eyvazov bölgə üzrə polis orqanlarında sıravi və kiçik rəis heyətinə xidmətə qəbulla bağlı sıra baxışı keçirib.

35 Vətən müharibəsi iştirakçısının da qatıldığı sıra baxışında xidmətə qəbulun şərtlərinə uyğun gələn 154 nəfər seçim turunun növbəti mərhələsinə buraxılıb.

Türkiyənin ilk beşinci nəsil qırıcı təyyarəsi KAAN 2028-ci ildə Hərbi Hava Qüvvələrinin inventarına daxil ediləcək.

Teleqraf.com xəbər verir ki, bunu Türkiyə Prezidenti Rəcəb Tayyib Ərdoğan deyib.

“Beşinci nəsil qırıcı təyyarəmiz KAAN ilk uçuşunu uğurla həyata keçirdi. On beş illik işin uğuru olan KAAN mühüm sınaqla kritik həddi keçdi. 2028-ci ildə hava inventarımıza qoşulacağını gözləyirik. Nə deyirsinizsə, deyin, biz bunu etdik, göy üzünə qaldırdıq”, - prezident bildirib.

Dövlət Gömrük Komitəsinin sabiq vəzifəli şəxsi qurum barəsində məhkəmə iddiası qaldırıb.
Yeniavaz.com xəbər verir ki, məhkəmə iddiası Dövlət Gömrük Komitəsinin Qərb Ərazi Baş Gömrük İdarəsinin Əməliyyat və Təhqiqat İdarəsinin keçmiş rəisi, gömrük xidməti polkovniki Rafiq Cəlal oğlu Fətullayev tərəfindən irəli sürülüb.
Məhkəmə iddiası Bakı Kommersiya Məhkəməsinin hakimi Aytən Orucovanın icraatına verilib.
İddia əmək məsələləri üzrə mübahisələrlə əlaqədar qaldırılıb. Polkovnik Rafiq Fətullayev Komitədən onu işə bərpa etməsini tələb edir.
Məlumat üçün bildirək ki, ötən ilin aprel ayında mətbuatda Rafiq Fətullayevin nöqsanlara görə işdən azad olunduğu barədə məlumatlar yayılıb.
Yayılan məlumatlarda həmçinin qeyd olunur ki, əslən Babak rayonun Nehrəm kəndindən olan Rafiq Fətullayevin Dövlət Gömrük Komitəsinin sabiq sədri Səfər Mehdiyevlə qohumluq əlaqələri var.

Oğuz şəhəri, Nizami küçəsi d 1, ev 1 ünvanında yaşayan Poladova Sofya Vilyam qızı tərəfindən Hurriyyet.az saytının redaksiyasına şikayət məktubu daxil olub. Şikayətçi məktubunda Əmək və Əhalinin Sosial Müdafiəsi Nazirliyindən narazılığını bildirir:

“Mən, Poladova Sofya Vilyam qızı, sizə atam Poladov Vilyam Aleksandr oğlu ilə bağlı müraciət edirəm. Hansı ki, atam gözümün qabağında olmazın əziyyət çəkir. Amma nazirlik əməkdaşları bizi get-gələ salırlar.

Bildirim ki, atam gözümüzün qabağında 4 il 4 aydır yataq xəstəsidir. Əmək və Əhalinin Sosial Müdafiəsi Nazirliyinin Oğuz və Şəki filiallarından bildirirlər ki, xəstəyə I qrup əlillik dərəcəsi verilməlidir. Lakin Qəbələ filialı isə, işimizi çətinə salaraq, bizi və xəstəni incidirlər(Xəstənin vəziyyəti barəsində sizə şəkillər göndərirəm).

Şəkillərdən də görünür ki, atam günü-gündən geri gedir, nazirlik deyəsən, sadəcə onun ölümünü gözləyir.

Bu yazını oxuyan bütün səlahiyyətli qurumlardan xahiş edirəm, atamın haqqı olan I qrup əlillik dərəcəsi almağımızda bizə kömək edin. Əli-ayağı üstündə olan şəxslər I qrup ala bilirlər, amma mənim atama, baxıma möhtac olduğu halda, I qrup əlillik vermirlər. Mən müvafiq qurumlardan çox xahiş edirəm ki, mənim atam kimi yeriyə bilməyən, baxıma möhtac olan xəstələrə yardımcı olmağa çalışın, onları həyatdan küsdürməyin. Allahdan onlara verilən xəstəliklərin üzərinə dərd yükləməyin.

Bir daha xahiş edirəm, atamın vəziyyətində olan xəstələrə kömək olun”.

Prezident İlham Əliyev avtomobil yollarının tikintisi və istismarı sahəsində fərqlənən bir qrup şəxsin təltif edilməsi haqqında Sərəncam imzalayıb.

Sərəncama əsasən, avtomobil yollarının tikintisi və istismarı sahəsində əmək nailiyyətləri ilə fərqlənən aşağıdakı şəxslər təltif edilib:

3-cü dərəcəli “Əmək” ordeni ilə

Azadəliyev Azadəli Kəlbəli oğlu

Əkbərov Mübariz Hilal oğlu

Qocayev Əvəz İlyas oğlu

Mirzəbəyov Əhməd Əzizxan oğlu

Süleymanov Şahin Şahbaz oğlu

“Tərəqqi” medalı ilə

Babayev Elşən Əlican oğlu

Bəndəliyev Araz Arif oğlu

Cavadi Elman Hökməli oğlu

Əbilov Fazil İsmayıl oğlu

Əliyev Elxan Bulud oğlu

Əzizov Tahir İslam oğlu

İsgəndərov Sadıq Yaqub oğlu

Qasımov Həsən Əsrafül oğlu

Lələyev Bəhruz Rauf oğlu

Mehtiyev Tural Elşad oğlu

Mircavadov Eldar Mirməmməd oğlu

Niftəliyev Ustubat Heydər oğlu

Rəfiyev Sabir İbad oğlu

Səmədzadə Elnarə Fətulla qızı

Süleymanova Rübabə Şahbaz qızı

Yusubov Fərid Fikrət oğlu.

“Funda Hospital adlı tibb müəssisəsində bir həkimin qəbuluna düşmək istədim. Assistenti telefonda dedi :
– Doktorun çoxlu xəstəsi var, təəssüf ki, indi yer yoxdur. Mart ayının sonuna gələ bilərsiniz.
-Nə pis oldu. İstəyirdim daha tez olsun.

Köməkçisi tez cavab verdi :
– Sabah görüşdürə bilərəm. Amma yüz manat verəcəksiniz.
Mən təəccüblə:
-Yüz manat? Bəs dediniz yer yoxdur?
Assistenti irişərək, pul versəniz yer tapılar dedi”.
Tribunainfo.az yazır ki, bu sözləri teleaparıcı Mirsəməd yazıb. Telejurnalist daha sonra şərh bölümündə əlavə edib: “Dostlar, maraqlısı nədir. Müayinə pulludur, bunu anlayışla qarşılayırıq, yüksək ixtisaslı həkimdir, vaxtını ayırır, sizi müayinə edir, əlavə müayinəyə göndərir, məsləhət verir, dərman yazır. Xanıma deyirəm ki, mənim müayinəyə ehtiyacım yoxdur, gəlib həkimi görmək istəyirəm, bir baxsın, bəlkə heç müayinəyə, əməliyyata ehtiyac olmadı. Deyir ki, yox, əgər bura gəlsəniz 40 manat verəcəksiniz. Burda olduğunuz müddətdən asılı olmayaraq…”

Qarşı tərəfin də mövqeyini işıqlandırmağa hazırıq.

Hesablama Palatasının Bakı şəhər Mədəniyyət Baş İdarəsində yoxlamalara başladığı bildirilir.

Bizim.Media-nın əldə etdiyi məlumata görə yoxlamalara yanvar ayının əvvəllərindən başlanıb və fevralın sonunda bitəcək. Audit yoxlamaların Bakı Şəhər Mədəniyyət Baş İdarəsinin tərkibindəki mədəniyyət ocaqlarında da aparıldığı qeyd olunur.

Mənbənin sözlərinə görə yoxlamalar Bakı şəhər Mədəniyyət Baş İdarəsinin rəisi İbrahim Əliyevin vəzifəsindən sui-istifadə edərək qanunazidd qərarlar qəbul etməsi iddiası ilə bağlı aparılır.

Mədəniyyət Nazirliyinin mətbuat katibi Aynur Kərimova Bizim.Media-ya açıqlamasında “Yoxlamalar plana uyğun olaraq aparılır” cavabını verib.

Hesablama Palatasından isə onlara rəsmi sorğu ilə müraciət etməyimiz istənilib. Qurumun email ünvanına rəsmi sorğu göndərsək də, hələki açıqlama verilməyib.

Qeyd edək ki, idarə rəhbərinin adı əmək mübahisələləri ilə bağlı qalmaqallarda çəkilir. İddialara görə İbrahim Əliyev təhsilsiz şəxsləri rəhbərlik etdiyi Baş İdarənin tərkibindəki mədəniyyət ocaqlarında işə götürüb, işə götürülən şəxslərin təqdimatını isə onun tapşırığı ilə kuratoru, mədəniyyət üzrə sektor müdiri Səbinə Məmmədova hazırlayıb. Halbuki İdman haqqında qanunun 48-ci maddəsinə əsasən idman üzrə ali və orta ixtisas təhsili olmayan insanlar bu sahə üzrə pedoqoji dərs verə bilməzlər.

Bundan əlavə İbrahim Əliyevin müvafiq qanunlara məhəl qoymayaraq şəxsi əmri və idarənin daxili qərarları ilə işçi qəbulu həyata keçirir. Belə ki, Bakı şəhər Mədəniyyət Baş İdarəsinin rəisi İbrahim Əliyevin 14.12.2022-ci il tarixində imzaladığı 164 nömrəli əmrinə əsasən idarənin hazırladığı qanunlara görə sadəcə sertifikatı olan və ya heç bir sənədi olmayan adamlar da idarənin balansına daxil olan müəsisələrdə ödənişli və ödənişsiz formada idman dərsləri verə bilərlər. Elə bu əmr əsasında Baş idarənin tərkibinə daxil olan Əmirov adına Mədəniyyət sarayı, Mərdəkan Mədəniyyət Sarayı, Binə Mədəniyyət Mərkəzi, Qızıldaş qəsəbə Mədəniyyət Mərkəzi və Binəqədi Mədəniyyət evinin fines klublarına təhsili olmayanların rəhbərlik etdiyi deyilir.