Keçən günlərdə barəsində müxtəlif iddialar səslənən və kifayət qədər SİRLİ MƏMUR təsiri bağışlayan Bakı şəhər İcra Hakimiyyətində Ərazinin planlaşdırılması və inkişafı şöbəsinin müdiri Mübariz Əlmədətovla bağlı ilginc iddiaların yer aldığı materialı təqdim etmişdik. DİA.AZ-ın təqdim etdiyi məlumatlardan aydın olurdu ki, əslində "köhnə komanda"nın İŞDÜZƏLDƏNİ kimi tanınan Mübariz Əlmədətov hüquq-mühafizə orqanlarının da hədəfindədir.

Məlumatda həmçinin qeyd olunurdu ki, yaxın günlərdə inunla bağlı konkret addım atılsın... Çünki adam çox irəçli gedib...

DİA.AZ-a daxil olan son informasiyalardan isə aydın olur ki, kifayət qədər SİRR DAĞARCIĞI hesab olunan Mübariz Əlmədətov əslində hüquq-mühafizə orqanları üçün çox ciddi qaynaq rolunu oynaya bilər: "Onu danışdırsalar, "yuxarıların" nəzərindən qaçan böyük yeyinti faktları da ifşa oluna bilər. Elə buna görə də hazırda Mübariz Əlmədətov çox nüfuzlu məmurlardan biri tərəfindən ciddi şəkildə qorunur. Amma hara qədər?"

Həmin məmurun kimliyinə gəlincə isə... Bu barədə daha geniş materialımız olacaq.

Məsələ diqqətimizdədir. Əlavə bilgilərimiz olacaq...

İddia olunanlarla bağlı olaraq qarşı tərəfi də dinləməyə hazırıq...

"Yardımlı rayonunda 2023-cü ilin Dövlət büdcsindən ayrılan 850000 manatlıq Tender yeyintisi var". Bu iddia DİA.AZ-a göndərilən müraciətdə deyilir.

DİA.AZ-a yazan müraciət müəllifləri daha sonra bildirir: "Bunun bir adı var: Yardımlı rayonunda tender oyunu... Yardımlı rayon İcra Hakimiyəti Başçısının sabiq müavini Mahir Mirəyev işdən çıxsa da, yenidən Yardımlı rayon büdcəsinə əli uzanır. Belə ki Yardımlı rayonunda 2023-cü il üçün elan edilmiş 2 tenderin nəticələrinə görə, (biri 755 min manatlıq - Yardımlı rayonunda yolların təmiri məqsədilə, digəri isə 50 min manatlıq - Yardımlı rayonunda abadlıq işləri ilə bağlı elan edilmiş müsabiqələr) Mahir Mirzəyevin müəsissəsinin adı qalib kimi göstərilib. Və bu da o deməkdir ki, Yardımlı rayonunda əvvəlki özbaşınalıq qanunsuzluğu Mahir Mirzəyev davam etdirir, heç nə dəyişməyib.

DİA.AZ vasitəsilə aidiyyatı qurumlardan xahiş ediirk ki, Yardımlı rayon İcra Hakimiyyəti tərəfindən elan edilmiş bu müsabiqələr ciddi araşdırılsın. 755 min və 50 min manatların hara getdiyi müəyyən olunsun. Bu pullarla Yardımlı rayonunda çox çiddi işlər görmək olar..."

İddia olunanlarla bağlı olaraq bütün aidiyyatı olan qurum və şəxslərin mövqelərini işıqlandırmağa hazırıq..

Xəzəri ən çox çirkləndirən ərazi Novxanıdır... Biz bir media olaraq öz fantaziyamıza deyil, dövlət qurumlarının rəsmi məlumatlarına əsaslanıb məqalələr yazırıq. Bəli, rəsmi məlumatlardan bəlli olur ki, Xəzər dənizinin çirklənməsində ən çox “payı” olan ərazi Novxanı ərazisidir. Novxanı qəsəbəsində yerləşən ictimai-iaşə müəssisələri, restoranlar, kafelər, istirahət kompleksləri ilin bütün günü, gecə-gündüz Xəzər dənizinə tullantılar, zir-zibil axıdırlar. Belə obyektlərdən biri də Sumqayıt şəhəri, Sumqayıt Novxanı yolu, dənizkənarı sahə ünvanında yerləşən... fiziki şəxs Kılıç Mehriban Cahan qızına məxsus “LİMAN” restoranınıdır.
Dövlət qurumlarının apardığı yoxlamalar zamanı bəlli oldub ki, müəssisədə mal qonşuluğu prinsipinə riayət edilmir. Yəni ət, toyuq, balıq, qiymə, soğan, qatıq, kartof, kök, sarımsaq eyni soyuducu anbarda saxlanılır. “LİMAN” restoranında aparılmış yoxlama zamanı məlum olub ki, ictimai iaşə müəssisəsində istehsal olunan “Azərbaycan” çörəyinin keyfiyyət və təhlükəsizlik göstəricisi olan uyğunluq sertifikatı mövcud deyil.
O da məlum olub ki, “LİMAN” restoranında, ümumiyyətlə, laboratoriya analizləri yoxdur. Və müəssisənin laboratoriyası olmaması bir yana, hər hansı bir akkreditasiya olunmuş laboratoriya ilə müqavilə bağlanmayıb. Ümumiyyətlə, restoranın verdiyi lülə-tikə kabablar laboratoriyada analiz olunsa, hansı bağırsaq qurdlarının çıxacağı məlum deyil.
Bütün bunlar bir yana. Biz bu problemlərdən bəhs edəndə həmişə Ulu Öndərin məşhur fikirlərinə istihad edirik: “Ağacları kəsib yerini baqqalxanaya çevirənlər bu ölkəyə xəyanət ediblər. O ağacları bərpa etmək indi çox çətindir. Hesab edin ki, o ağacları kəsənlər mənim balalarımın başını kəsiblər. Onlar haqq-ədalət məhkəməsi qarşısında cavab verməlidir. Orada gəlib baqqal dükanı salanlar, xüsusi mülklər tikənlər var, onların hamısını dağıtmaq, qovmaq, uçurtmaq lazımdır..”
Bəli, Ulu Öndər ağacları kəsib yerində baqqal dükanı, xüsusi mülklər, nə bilim restoranlar, şadlıq evləri tikənlər üçün konkret cəza tələb edirdi: Həmin şəxslər haqq-ədalət məhkəməsi qarşısında cavab verməli və onlar həbs olunmalı idilər. Həmin obyektlər isə qeyri-qanuni olduğu üçün məhkəmənin qərarı ilə sökülməli, dağıdılmalı, uçurulmalı idi…
Belə obyektlərdən biri də LİMAN restoranıdır. Bu restoranın tikilməsi üçün nə qədər ağaclar kəsilib, yaşıllıq məhv edilib. Deməli, Ulu Öndərin buyurduğu kimi bu restoran sökülməli, yerində yaşıllıqlar və əhalinin mədəni istirahəti üçün kompleks salınmalıdır. Bütün bu sadalaqdıqlarımızı, bəlkə də, zamanın, reallığın ayağına yazmaq olardı...Bəlkə də...Amma.. Əmması odur ki, bütün reklamlarda özünü AİLƏVİ RESTORAN kimi qələmə verən "LİMAN" restoranı milli-mənəvi dəyərlərdən tam uzaq, mentalitetə yaraşmayan əməllərlə məşğuldur…. Yəni "LİMAN” restoranı ilə AİLƏ sözü ümumiyyətlə, bir araya gələn məvhum deyildir…
Çox detallara varmaq istəmirik. Amma görəsən, hansı kişi öz ailəsini götürüb "LİMAN" restoranına gələr …? Axı, hamı bilir ki, qonşu otaqlarda, kabinetlərdə nələr baş verir..?
Yeri gəlmişkən, Azərbaycan Qida Təhlükəsizliyi Agentliyinin (AQTA) "LİMAN"-la bağlı məlumatını yada salaq. Rəsmi dövlət qurumunun məlumatından bəlli olur ki, restoranda heç bir ictimai-iaşə qaydalarına əməl edilmir. Sanitar qovşaqları çirkab içərisində itib-batır. Restoranda mənşəyi bilinməyən, yəni həkim nəzarətindən keçərək, üzərində möhürü olmayan ət məhsullarından istifadə edilir. Qanunla axsam saat 11-ə qədər fəaliyyət göstərməli olan restoran, 24 saat fəaliyyətini davam etdirir.
Azərbaycan Qida Təhlükəsizliyi Agentliyi öz işinin öhdəsindən gələ bilmədiyi üçün və ya gəlmək istəmədiyi üçün neqativ hallar hər addımda baş verir. AQTA-nın müfəttişləri tərəfindən "LİMAN" restoranında yoxlamaların səthi aparılması və ya aparılmaması onu deməyə əsas verir ki, "LİMAN" restoranının rəhbərliyi, AQTA-nın rəhbəri Qoşqar Təhməzli ilə dil tapıb.
P.S. Yaxın zamanlarda çəkiliş qrupumuzun "LİMAN" restoranından hazırladığı reportajı ictimaiyyətə təqdim edəcəyik. //gundelik-baku.com//

Azərbaycan Qida Təhlükəsizliyi Agentliyi “Volt Azərbaycan” MMC-nin fəaliyyətinin dayandırıb.
Səbəb kimi göstərilir ki, şirkət qanunvericiliyin tələblərini pozub.

Qanunun tələblərini açıq şəkildə pozanların biri elə AQTA-nın özüdür…

Deməli, son 3 ildə AQTA-nın keçirdiyi və ümumi dəyəri 600 min manata yaxın olan 6 tenderin qalibi “Duohıve” MMC (VÖEN – 1503672811) adlı şirkət olub.

Şirkət təsis olunan zaman (2017-ci il) rəhbəri Rəşad Xalıqov adlı şəxs olub. Bu şəxs 2020-ci ilin yanvar ayından 2021-ci ilin aprel ayına kimi AQTA-nın İnformasiya texnologiyaları və innovativ həllər sektorunun müdiri olub. Sektor müdiri olan kimi “Duohıve” MMC AQTA-nın informasiya texnologiyaları ilə bağlı keçirdiyi 3 tender müsabiqəsinin qalibi olub.

Bəs qanun nə deyir?

“Dövlət Satınalmaları haqqında” Qanunun 13-cü maddəsində açıq şəkildə yazılır ki, satınalma prosedurlarından əvvəlki üç il ərzində satınalma prosedurlarında iştirak edən iddiaçının əməkdaşı və ya vəzifəli şəxsi olanlar satınalma prosedurları zamanı satınalan təşkilatın təmsilçisi, məsləhətçisi və satınalmalarla əlaqədar digər vəzifələrin icraçısı ola bilməzlər.

Qanunun tələbindən də göründüyü kimi, tender keçirilən zaman (2020-ci ildə) satınalan təşkilatın, yəni AQTA -nın təmsilçisi (İnformasiya texnologiyaları və innovativ həllər sektorunun müdiri) 3 il əvvəl – 2017-ci ildə iddiaçının, yəni “Duohıve” MMC -nin vəzifəli şəxsi (qanuni təmsilçisi) olub.

İndi əsas sual budur, qanunun tələblərini açıq şəkildə pozan AQTA-nın fəaliyyətini kim dayandıracaq?

Gununsesi.info

"Şikayətim, Mənzil İnşaatı Dövlət Agentliyindəndir (MİDA) . Belə ki, mən keçən ilki satışda 2-ci Yasamal Yaşayış Kompleksindən ev udmuşam. Oktyabrın 7-dən burda yaşayıram". DİA.AZ bildirir ki, bu barədə şikayətində Bakı sakini Azad Həsənov bildirib.
Narazı vətəndaş daha sonra yazır: "Bu il iyun ayının əvvəllərindən alt qonşu (8 ci mərtəbə) gəlib dedi ki, mənim evimə su axır sizdən. MİDA-nın ərazi üzrə nümayəndəliyinə, binaya cavabdeh şəxsə bildirdim. Həmin şəxs ustaları göndərdi gəlib problemi aşkar edə bilmədilər. Dedilər krantın filan yerini dəyiş, "qarmoşka"nı dəyiş falan. Dəyişdirdim, halbuki havayı pul xərclədim. Sonra mənə MİDA-nın ərazi üzrə kuratoru bir neçə dəfə bildirdi ki, sizin evdən alt qonşuya su axır. Ancaq, mən rayona getmişdim deyə suyu bağlamışdım və bildirdim ki, mən suyu bağlayıb gəlmişəm. Nəhayət bir neçə dəfə zənglər olunduqdan sonra iyunun 20-də MİDA-da bizim binaya cavadeh şəxsə bildirdim və Su sızma şirkətindən usta çağırdım 120 manata. Gəldilər aşkar etdilər ki, bəs laminatın altından sızma var. MİDA ustaları həmin yeri laminatı sökdülər və məlum oldu ki, laminatın altı tamam sudur. Bizdən qabaq ev təmir olunan zamanı taxtaya vurulmalı şurup turbanı yaralayıb və spirişdən su axan həcmdə su axır turbadan. Həmin məsələni yenidən ərazi nümayəndəliyinə bildirdim ki, baş verən hal budur. MİDA ustaları həmin 13 vedrə suyu ordan vedrələrlə daşıyıb tökdülər (bu barədə video görüntülər var əməkdaşlar da açıq-aydın görünür). Sabahı mən sığortalı kimi, sığortaçı şirkət olan Qala Sığorta ASC-yə bildirdim. Sığorta əməkdaşı yaxınlaşdı və bütün aktları, şəkilləri və videoları götürdü və ciddi ziyan dəydiyini bildirdi. Sonra qiymətləndirmə şirkəti mənə dəyən ziyanı qiymətləndirməsini etdi və vahid qiymət çıxartdı. Ancaq, pul köçürmədə problem olduğunu bildirdilər. Belə ki, MİDA bu məsələdən xəbərdar olduğunu təsdiqləməlidir və bununla bağlı rəsmi sənəd verməlidir bildirdilər. Faktları təqdim etsəm belə, ərazi üzrə hər bir şəxsin bu məsələdən xəbəri olsa belə MİDA təsdiqedici sənədi verməkdən boyun qaçırdır. MİDA-ya 2 dəfə rəsmi sorğu göndərdikdən sonra Fərhad Təhməzovun adından Qala Sığortaya rəsmi cavab göndərilibdir ki, bu barədə məlumat cəmiyyətimizdə mövcud deyildir. Tamam, mövcud deyilsə bütün sübutlarla birlikdə videonu da göndərdim yenidən MİDA-nın office@mida.gov.az elektron poçtuna. Sonra MİDA-ya cavabdeh şəxs mənə zəng etdi ki, videoların çəkilmə tarixlərini istəyirlər. Növbəti müraciətimdə MİDA mənə yazdı ki, get Azərsuya bildir. Həmin zaman Azərsuya bildirsəm də, mənə binalara cavadeh şəxsin MİDA olduğunu bildirdilər (Həqiqətən aramızda bağlanan müqavilədə öz əksini tapır). Artıq 2 aydır ki, mən yazsam da MİDA mənə cavab vermir. Mən öz abrıma sığınıb sakit şəkildə öz haqqımı tələb edirəm. Pulun köçürülməsi üçün MİDA rəhbərliyi bu barədə xəbərdar olduqlarını təsdiq edən rəsmi cavab verməlidir ki, Sığorta şirkəti pulu mənə köçürə bilsin. Ancaq, MİDA-nın bəzi yarıtmaz əməkdaşları bürokratik əngəl yaradırlar bu məsələdə və mənim vətəndaş hüququmu pozurlar. Hal-hazırda evə dəyən ziyan təmir olunmalıdır, ancaq pul köçürülmür deyə problem olduğu kimi qalıb.
Belə hər xırda problemlə bağlı ölkə rəhbərliyinə yazaqmı?
Problemin həlli üçün nə etməliyəm?"

Məsələ ilə bağlı olaraq qarşı tərəfi də dinləməyə hazırıq...

Şabran şəhərinin girəcəyi bərbad vəziyyətdədir. Baxımsızlıqdan şəhərin adı yazılan dayaq tikilisi sökülüb, uçub dağılmaq üzrədir. Ərazidəki yaşıllıqlar quruyub. Şabranın girəcəyinin bərbad halda olması şəhərin özü haqqında da az-çox fikir forlamaşdırır.

Tribunainfo.az-a bu barədə yazan şəhər sakinləri bildirib ki, Şabranın girəcəyi uzun müddətdir ki, o vəziyyətdədir. Şəhərə girənləri qarşılayan tikilinin və ətrafın bu vəziyyətdə olması sakinləri narahat edir. Şabran Rayon İcra Hakimiyyətinin baxmalı və adablaşdırmalı olduğu yerin vəziyyətilə bağlı heç bir tədbir görülmür. Şəhərin girəcəyinin işıqlandırması yoxdu. Əvvəllər işıqlandırma olub. Ancaq sonradan baxımsızlıqdan hər şey sıradan çıxıb. Ərazini ot, tikan, kol basıb. Bazi ağaclar susuzluqdan quruyub. Tikilinin salamat qalan hissəsi yoxdur.

Günün qaranlıq saatlarında Şəhərin girəcəyi lap zülmət olur. İşıqlandırma hazırda yoxdur. Səkini yaşıllıqdan ayıran tikililərdən əsər-əlamət qalmayıb.

Sakinlər Şəhərin girişinə əncam çəkilməsini, orada abadlıq işləri aparılmasını istəyirlər. Sakinlərin sözlərinə görə Şabran Rayon İcra Hakimiyyəti tərəfindən şəhərin abadlığı və gözəlliyi üçün heç bir tədbir görülmür.

"Ali təhsil ocaqlarına yaşanan neqativlər "yuxarıları" düşündürməkdədir. Əslində bu problem hər zaman diqqət mərkəzində olub. Bu dəfə isə köklü islahatlara gediləcək". Bunu DİA.AZ-a açıqlamasında bildirən hökumətdəki mənbə ali məktəb rektorlarından bəzilərinin vəzifələrindən alınacağını bildirib.

Mənbənin dia.az-a söylədikləri: "Proses konkret planın icrasıdır. Nədən rektorlardan başlanılır? Çünki islahatlar aparılacaqsa, bu işi görən rəhbər də islahatlara xarakterik keyfiyyətinə görə cavab verməlidir. Hələlik əyalətdən başlanılır: Gəncədəki Dövlət Aqrar Universitetinin, Mingəçevirdəki Mingəçevir Dövlət Universitetin və Sumqayıtdakı Sumqayıt Dövlət Universitetinin rəhbərləri - demək olar ki, tam heyətlə işlərindən uzaqlaşdırılacaq və hər üç ali məktəbin idarə olunması müvəqqəti elmi şurlara həvalə olunacaq. Belə bir plan var".

Nədən bu universitetlər? Bu suala cavab verən mənbə bildirir ki, təhsilin aşağı keyfiyyəti və administrativ özbaşınalıqlar baxımında bu üç ali məktəb ilk yerdə gəlir: "Buna görə də islahatlara buralardan başlanılacaq..."

Əlavə bilgilərimiz olacaq.

İddia olunanlarla bağlı olaraq bütün maraqlı tərəfləri dinləməyə hazırıq...

Təxminən bir il öncə, ötən il sentyabrın əvvəllərində “Tibbi Ərazi Bölmələrini İdarəetmə Birliyi” (TƏBİB) publik hüquqi şəxsin Müşahidə Şurasının iclasında Vüqar Cavanşir oğlu Qurbanov TƏBİB-in icraçı direktoru təyin edilib. Vüqar Qurbanov Azərbaycan Tibb Universitetinin məzunudur. O,uzun illər həkim-nevropatoloq kimi fəaliyyət göstərib, həmçinin İcbari Tibbi Sığorta üzrə Dövlət Agentliyinin Tibbi iddialar departamentinin rəhbəri vəzifəsində çalışıb. Ötən bir il ərzində TƏBİBin fəaliyyəti təyinatın uğursuzluğuna tam əminlik yaradır. Məsələ burasındadır ki, V.Qurbanovun kadrları, bur başa onun himayəsi altında olanların əməlləri cəmiyyətdə ciddi narazılıq yaradır.

Vüqar Qurbanovdan Qarabağ qazisinə sayğısızlıq

“Yeni Klinika”nın daxili təhlükəsizlik şöbəsinin keçmiş rəisi Coşqun Məmmədov mediaya açıqlamasında bildirib ki, Barat Yusifov ondan TƏBİB-in icraçı direktoru Vüqar Qurbanovun avtomobilin qapısını açmasını tələb edib. Coşqun Məmmədov isə işinin qapı açmaq olmadığını deyıb. Lakin klinikanın rəhbəri israr edib. Coşqun Məmmədov “Mən kiminsə qapısını açan şəxs deyiləm” deyərək öz ərizəsi ilə işdən çıxıb. “Çünki mənim üçün qürurum və mənliyim hər şeydən öndə gəlir”, – deyə Coşqun Məmmədov bildirib. Onun sözlərinə görə, 1995-2022 ci illərdə Azərbaycan Respublikasının Silahlı Qüvvələrində zabit kimi xidmət edib. “2022 ci ilin fevral ayında xəstəliyim ilə əlaqədar polkovnik leytenant rütbəsi ilə ehtiyata buraxılmışam.

Vətən müharibəsi zamanı Fizuli, Cəbrayıl və Xocavənd uğrunda gedən döyüşlərdə aktiv iştirak etmişəm. 26 oktyabr 2020-ci il tarixdə Xocəvənd rayonunda yaralanmışam”. Coşqun Məmmədov “Vətənə xidmətə görə” 3-cü dərəcəli ordenlə, “Fizulinin azad olunmasına görə”, “Cəbrayılın azad olunmasına görə”, “Xocavəndin azad olunmasına görə” və “Vətən müharibəsi iştirakçısı” medalları ilə təltif olunub. Hərbi xidmət dövründə isə “Silahlı Qüvvələrin 10 illiyi”, “Silahlı Qüvvələrin 90 illiyi” , “Silahlı qüvvələrin 95 illiyi”, “Silahlı qüvvələrin 100 illiyi”, “Qüsursuz xidmətlərə görə” 3-cü dərəcəli, “Qüsursuz xidmətlərə görə” 2-ci dərəcəli və “Qüsursuz xidmətlərə görə” 1-ci dərəcəli medalları ilə təltif edilib. O, Silahlı Qüvvələr veteranıdır.

Yeni Klinikada yaşanan rəzalət

TƏBİB-in İdarə heyətinin sədri Vüqar Qurbanovun Yeni Klinikaya təyin etdiyi Barat Yusibovun təyinatından sonra klinikada ciddi şəkildə işdən cixarmalar həyata keçirilir. Məlumat üçün onu da bildirək ki, səhiyyə sistemində peşəkarlığına görə nüfuz qazanmış C.Paşayevin B.Yusibovla əvəzlənməsi birmənalı qarşılanmamışdı. Çünki Barat Yusibovun adı dəfələrlə müxtəlif qalmaqalda hallanıb. Bununla bağlı cumhuriyyet.az olaraq xatırladaq ki, 2021-ci ildə Bakıda fəaliyyət göstərən “EGE Hospital”da əməliyyat olunan Fatimə Əli qızı Xuçinayeva komaya düşüb. Xəstənin qızı Eren Xuçinayeva o zaman mətbuata açıqlamasında bildirmişdi ki, anasının bu vəziyyətə düşməsində “EGE Hospital”ın təsisçisi Barat Yusifov, onun xanımı Gültəkin Yusifova və baş həkim Aqil Ağakişiyev təqsirkardır. Bu ilin martında isə həkim nefroloq Barat Yusubovun səhlənkarlığı ucbatından sevilən aparıcı, pedaqoq Rəna Bayramqızı həyatını itirib. Belə bir şəxsin “Yeni Klinika” kimi tibb müəssisəsinə rəhbər təyin olunması təəccüb doğurmaya bilməz.

Amma ötən ayın əvvəllərində TƏBİB-in direktor vəzifəsini icra edən Cavid Paşayevin müqaviləsinə xitam verildikdən sonra V.Qurbanov Yeni Klinikaya öz adamını yerləşdirməyi bacarır. Cavid Paşayev ilə elə də isti münasibətləri olmayan V.Qurbanov direktor vəzifəsini icra edən Baş Həkim C.Pasayevin müqavilə müddətini uzatmir. Eyni zamanda cumhuriyyet.az-a daxil olan məlumata görə B.Yusibovun təyinayindan sonra klinikada hər gün kütləvi işdən cixarmalar olur. İşdən çıxarılan işçilərə isə ərizə yazaraq öz istəkləri ilə işdən çıxmaları ilə bağlı bildiriş edilir. İşçilər də münaqişəyə getməyərək öz ərizələri alinaraq işdən çıxarılır. İyulun son 20 günündə demək olar ki, əsas şöbə müdirlərinun ərizələri alinaraq işdən çıxarılıb. Yeni rəhbərlik bütün əsas strateji postlara öz adamlarını yerləşdirməyi hədəfləyiblər.

Vüqar Qurbanovun dostu aşbazı necə kadrlar rəisi edib?

Digər utancverici fakt Sumqayıt Tibb Mərkəzinin Kadrlar şöbəsinin müdiri Elnarə Arif qızı Məmmədova haqqındadır. 1977-ci il təvəllüdlü, Qobustan rayonu, Qobustan şəhəri, Şikar Şükürov küçəsi, ev 3, mənzil 2 ünvanda qeydiyyatda olan bu xanım gənclik illərində yeməkxanalarda, yas məclislərində “povır”- aşbazlıq edirmiş. Həmin vaxt, Qobustan Mərkəzi Xəstəxanasının baş həkimi Emin Hüseyn Elnarə ilə tanış olur. Media üzərindən aparılan araşdırmalara əsasən, cumhuriyyet.az bildirir ki, Emin Hüseyn Astara Rayon Mərkəzi Xəstəxanasına baş həkim vəzifəsinə təyin olunarkən, heç bir ali və tibbi təhsili olmayan Elnarə Məmmədovanı özü ilə Astaraya aparır və Astara Mərkəzi Xəstəxanasının Kadrlar şöbəsinə müdir təyin edir. 2015-ci ildə TƏBİB-in icraçı direktoru Vüqar Qurbanov 2 milyon manat mənimsəmədə adı hallanan, bu qalmaqallı baş həkimi Astaradan çıxarıb, Qobustan Mərkəzi Xəstəxanasına baş həkim təyin edir. Emin Hüseyn Elnarə Məmmədovanı yenidən özü ilə Qobustan Mərkəzi Xəstəxanasına gətirərək Kadrlar şöbəsinə müdir təyin edir. Vüqar Qurbanov daha sonra dostunu Şamaxı Mərkəzi Xəstəxanasına direktor təyin etdi. Amma Emin Hüseyn bu dəfə Elnarə Məmmədovanı özü ilə Şamaxıya apara bilmir və bir müddət sonra Elnarə Məmmədova Səkinə Sadıqovanın direktor olduğu Sumqayıt Tibb Mərkəzində kadr şöbəsinin müdiri vəzifəsinə təyinat alır. Əslən Gürcüstandan olan Emin Hüseyn dostu Elnarə Məmmədovaya 30.09.2019-cu il tarixdə Gürcüstan Millenium Universitetindən HEM 000141 saylı diplom alıb. Azərbaycan Respublikasının Təhsil Nazirliyi Biznes, Hüquq və Sosial Elmlər ixtisası istiqamətində Biznesin idarəedilməsi ixtisas dərəcəsi üzrə verilən diplomun ekvivalentini təsdiq edib. Konkret olaraq təhsil naziri Emin Əmrullayev 2021-ci ildə diplomu təsdiq edib və qeydiyyat nömrəsi də 022109-dur. 1977-ci il təvəllüdlü Elnarə Məmmədova 2019-cu ildə, yəni 42 yaşında necə saxta diplom alıb. və bu saxta diplomu Təhsil Nazirliyi təsdiq edib. Onu da qeyd edək ki, Elnarə Məmmədovanın qızının həyat yoldaşı Ozal da, hal-hazırda Qobustan xəstəxanasında işləyir. Ozaldan əlavə Elnarə Məmmədovanın qızı Mayanın və oğlu Valehin də Qobustan Tibbi Mərkəzdə adları işçi kimi gedirdi. Onlar ölü canlar kimi saxlanılaraq yalnız və yalnız məvacib alırdılar. Emin Hüseyn Şamaxıya gedəndə onları işdən azad etdi. Amma kürəkəni Ozal hal – hazırda Qobustan Tibbi Mərkəzdə şöbə müdiri vəzifəsində çalışır. //aztoday.az//

Baş Prokurorluqda kadr dəyişikliyi olub.

"Unikal"ın əldə etdiyi məlumata görə, Baş prokuror Kamran Əliyevin müvafiq əmrinə əsasən Azərbaycan Respublikası Baş Prokurorluğunun Kriminalistika və informasiya texnologiyaları idarəsinin Kriminalistika şöbəsinin prokuroru Mübariz Bağırov tutduğu vəzifədən azad olunaraq Naxçıvan Muxtar Respublikası Prokurorluğunun Kriminalistika və informasiya texnologiyaları şöbəsinin rəisi təyin edilib.

Bundan başqa, Naxçıvan Muxtar Respublikası Prokurorluğunun Kriminalistika və informasiya texnologiyaları şöbəsinin rəisi Əqil Əliyev tutduğu vəzifədən azad olunaraq Naxçıvan Muxtar Respublikası Prokurorluğunun İstintaq şöbəsinin rəisi təyin edilib.

Bundan başqa, Kamran Əliyevin digər əmrilə Naxçıvan Muxtar Respublikası Prokurorluğunun Cinayət təqibindən kənar icraatlar şöbəsinin böyük prokuroru Xalid Mirzəyev tutduğu vəzifədən azad olunaraq Baş Prokurorluğunun Kriminalistika və informasiya texnologiyaları idarəsinin Kriminalistika şöbəsinin prokuroru vəzifəsinə təyin edilib.

Bakıda dələduzluqda təqsirləndirilən "200" MTK-nın rəhbəri Etibar Fərziyev, onunla birlikdə ittiham olunan Elxan Əliyev, Ramil Şükürov və Arzu Ağalarovun barələrindəki barəsindəki hökmdən kassasiya şikayəti verilib.

DİA.AZ bildirir ki, Pravda.az-ın əldə etdiyi məlumata görə, Ali Məhkəmədə keçiriləcək proses avqustun 15-nə təyin edilib.

Şikayət hakim Ələsgər Novruzovun sədrliyi ilə araşdırılacaq.

Bakı Ağır Cinayətlər Məhkəməsinin hökmünə əsasən E.Fərziyev 10 il, E.Əliyev 3 il müddətinə azadlıqdan məhrum edilib. R.Şükürov və A.Ağalarov isə Cinayət Məcəlləsinin 70-ci (şərti məhkumetmə) maddəsi tədbiq edilməklə məhkəmə zalından azadlığa buraxılıb.

Qeyd: Təqsirləndirilən şəxslər vətəndaşların etibarından sui-istifadə edərək, bir mənzili bir neçə şəxsə satmaqla dələduzluqda təqsirli biliniblər. Onlar Cinayət Məcəlləsinin 178.3.2-ci (külli miqdarda ziyan vurmaqla dələduzluq) maddəsi ilə ittiham olunublar.

İş üzrə 23 nəfər zərərçəkmiş var.