Azərbaycan əhalisi son illər qida rasionundakı ətin çəkisini azaltmaq məcburiyyətində qalıb. Getdikcə məhsul daha əlçatmaz olur. Bir tərəfdən heyvandarlıq çətin dövrünü keçirir. Bunun məntiqi nəticəsi olaraq qiymətlər bahalaşır. Əhali isə daha az ət yemək reallığı ilə üz-üzə qalır.

DİA.AZ Bizimyol.info-ya istinadla xəbər verir ki, ölkədə mal-qara, qoyun, keçi sayı dayanmadan azalır. Biz, adətən, bu xəbərləri ciddiyə almırıq. Hətta qoyunların sayının azalması lağ mövzusuna çevrilir. Halbuki heyvandarlıqla bağlı vəziyyət çox acınacaqlı istiqamət alıb. Son bir ildə ölkədə qoyun və keçilərin sayında 8,8 faiz azalma olub. Mal-qara baş sayında da eyni tendensiya müşahidə edilib. Bu istiqamətdə azalma 4 faizi keçib. Ekspertlər vəziyyətin zamanla yalnız pisləşdiyini xüsusi vurğulayırlar. Məsələn, keçən il azalma indiki ilə müqayisədə təxminən 5 dəfə az idi. Aşkar görünür ki, son bir ildə durum daha da korlanıb.

Ölkədə mal-qara, qoyun sayı niyə azalır?
Səbəblər çoxdur. Hər şeydən əvvəl heyvanların qidalandırılması istiqamətində ciddi problem var. Fərdi təsərrüfatlar yükü daşıya bilmir. Ölkədəki su qıtlığı kəndlini çətin vəziyyətdə qoyub. Ekspertlər bildirir ki, yemçilikdə işlərin qaydasında getməsi üçün yarımqapalı şəraitə keçilməsi vacibdir. Yəni təsərrüfat kooperasiyaları olmalıdır. Ölkədə belə kooperasiyalar var, amma olduqca azdır. Kənd təsərrüfatı kooperasiyası haqqında qanun isə yalnız kağız üzərində qalıb. Örüş yerlərinin xeyli azalması da özünü göstərir. Bir çox ərazilər əkin altına verilib. Məsələn, pambıqçılıqla bağlı böyük təbliğat dalğası dövründə örüş yerləri buna qurban verildi. Pambıq ölkəyə ciddi xeyir gətirmədi. Amma örüş yerləri sıradan çıxdı. Heyvandarlıq böyük zərbə aldı. Fərdi təsərrüfatın idarə olunmasında problemlər ortaya çıxır. Dağ örüş yerlərində bir çox prosedurları həyata keçirmək asan deyil. Xəstəliklər yayılanda kəndli çarəsiz görünür. Vaksinasiya məsələləri, xəstəliklərə qarşı mübarizə təşkilatlanma tələb edir.

Kənd Təsərrüfatı Nazirliyi yanında Aqrar Tədqiqatlar Mərkəzinin direktoru Firdovsi Fikrətzadə deyir ki, problemlər ənənəvi köçəri modelinin bugünkü sosial həyat tərzi ilə uyğunlaşmamasına görə ortaya çıxır. Burada müəyyən qədər həqiqət payı ola bilər. Amma əsas səbəb bu deyil. Ölkədə heyvandarlıq da inhisara alınıb. Ayrı-ayrı oliqarxlar otlaq sahələrindən rahatlıqla istifadə edir. Kəndli əli-qolu bağlı qalıb. Su mənbələrinə çıxış yoxdur. Buna görə də ölkə əhalisinin az qala yarısı paytaxtda toplaşıb. Heyvandarlığa yanaşma dəyişməli, bu işlə məşğul olan sadə insanlara şərait yaradılmalıdır.

Goranboy rayonu Qızılhacılı qəsəbə sakini Müharibə veteranı Qurbanov İlqar Mikayıl oğluna məxsus yaşayış olmayan evin qaz sayğacı 1 il əvvəl naməlum şəxslər tərəfindən ekranı sındırılmışdı. DİA.AZ bildirir ki, bu barədə narazı vətəndaş "Şikayətim VAR" sosial qrupundakı paylaşımında giley edir.

Narazı qalan vətəndaş daha sonra yazır: "Aidiyyatı şəxslərə məlumat verildi. Həmin ərazinin nümayəndələri sayğacı yenisi ilə əvəz etdilər. Amma heç bir cəriməsi yoxdur deyib dəyişdilər.

İndi bugun ərazinin nəzarətçisi deyir ki, 1600 AZN məbləğində cərimə yazılıb sizə. Ödəniş edin. Bu hansı qanuna uyğundur? Özbaşınalıqdır? Milləti niyə yükləyirsiz?

1 ildən çox müddətdə dəyişilmiş sayğacın Laboratoriya rəyi indi niyə gəlir?

Onu da qeyd edim ki həmin evdə 2018-ci ildən yaşayış yoxdur. Dövriyyədə sərfiyyat yoxdur".

Məsələ ilə bağlı olaraq qarşı tərəfi də dinləməyə hazırıq...

Azərbaycan ordusu Ermənistana qarşı lokal xarakterli antiterror əməliyyatı keçirdiyi dönəmdə ordumuzun 192 əsgər və zabiti qəhrəmancasına torpağlarımızın süverenliyi uğrunda canlarından keçib şəhid oldular.

Amma təəsüflər olsun ki, bəzi vəzifəli şəxslər xüsusən də icra hakimiyyətinin məhul və vəzifəli şəxsləri istər şəhidin dəfni zamanı, istər "Anım günü" vaxtı bir neçə dəqiqə olsun üzlərində olan gülüş sevinc hissin saxlaya bilmirlər, sanki yasa yox hansısa övlad uşaqlarının toy məclisinə gəliblər.

"Azərbaycan Reallığı" xəbər veri ki bunlardan birdə "Anım günü" Quba rayon Şəhidlər Xiyabanında keçirilən tədbirdə rayon icra hakimiyyəti başçısının müavini Səidə Abasovanın üzündə olan gülüş hissi tədbirdə iştırak edən media nümayəndələrinin kamerasından yayınmayıb. Maraqlıdır ki, ordumuz bu qədər şəhid verdiyi bir dönəmdə Səidə xanımı bu qədər xoşbəxt edən mövzu nədir ki, belə gülür?

Bu cür xoşagəlməz mənzərə son vaxtlar demək olar neçənci dəfədir ki baş verir. Xəbər saytlarında və sosial şəbəkələrdə dəfələrlə belə halla qarşılaşırıq, tənqid olunsalar da nəticə çıxarmırlar. Nə demək olar, insanda ruh hiss olsun gərək

Qarşı tərəfində mövqeyini dərc etməyə hazırıq

Biz bir media olaraq bir neçə gün əvvəl konkret olaraq Azərbaycan vətəndaşı olan bir qadının – əslən İmişlidən olan, 1977-ci il təvəllüdlü Darviş Elnarə Parış qızının başına gələnlər əsasında yazı dərc etdik.
Qısa xatırlatma üçün qeyd edək ki, Elnarə Darviş İmişlinin Gövhərli kəndində anadan olub, birinci evliliyindən 2 övladı var, sonra boşanıb, Bakıda yaşayıb, məcbur olub övladlarını 2 saylı Uşaq evinə verib və özü “Dialoq” firmasının köməkliyi ilə Türkiyədə işə düzəlib. Burada aldığı 1200 dollar qazancla Bakıda bankda hesab açıb, pullar yatırıb və Binəqədidə torpaq sahibi olub. Sonra Birləşmiş Ərəb Əmirliyində işə düzəlib və orada ərəb olan Basemlə tanış olub. Və onunla ailə qurmalı olub. Sonda Basemlə birlikdə Bakıya qayıdıblar. Onların nikahından 2 övladları -qızı və oğlu dünyaya gəlib. Bakıya qayıtdıqdan sonra Elnarə və həyat yoldaşı Basem müxtəlif yerlərdə çalışıblar. Məsələn, Basem Elnarənin tikinti sahəsində çalışan qardaşlarının yanında işləyib. Elnarə özü isə bankda olan pullarını xırda tikinti biznesinə yönəldib və nəticədə binaların birindən mənzil alıb, özü üçün restoran açıb və orada çalışıb. Evləri, maşınları olub. Bir gün Basem Elnarəyə gecə klublarında çalışacağını, böyük pullara sahib olacağını deyib.
Sözün qısası, Elnarənin dediklərindən belə başa düşdük ki, ərəb Basemlə 18 illik ailə münasibətləri dağılmağa başlayıb. Və Zeynəb Quliyeva ilə Basem Darvişin qurduğu oyunların nəticəsində Elnarə ömrü boyu qazandığı mülklərini, evlərini, maşınlarını, qızıl-zinət əşyalarını itirib, daha doğrusu, hamısını Basem Dərviş ələ keçirib.
İndi Elnarə qalıb çıxılmaz vəziyyətdə. Və deyir ki, indi də Basem Darviş ikimizin izdivacından olan 16 yaşlı qızımızı ərəb Veysələ 100 minə satmaq istəyir. Elnarə deyir ki, dəfələrlə onu bu yoldan çəkindirməyə çalışmışam, amma Basemin fikirlərinə görə, nə olsun ki, qızım az yaşlıdır, iki ildən sonra kəbin kəsdirəcəklər… amma mən 100 min qazanacağam…
Basem Darviş dəfələrlə Elnarəyə zorakılıqla əziyyətlər, təzyiqlər göstərib. Bu dəfə də o Elnarəni böyük bəla ilə üz-üzə qoydu... Keçən müraciətində Elnarə bildirmişdi: "Mən bu il ilk dəfə məktəbə gedəcək oğlumdan da nigaranam. Düşünürəm ki, Basem mənə təzyiq üçün uşağımı oğurlaya bilər..." Onun qorxduğu başına gəldi... Məlum oldu ki, 2016-cı ildə Basem bar qadını Nigar, onlara kömək edən Emin adlı şəxslə birlikdə Elnarəni qaçırdıblar. Bu iş Abşeron Rayon Polis İdarəsinin arxivində mövcuddur. Lakin Basem Darviş Elnarənin bütün müraciətlərindən yayınmağı necəsə bacarıb. 2023-cü ildə eyni hadisəni qəzəblənmiş "ata" Basem öz doğma oğlunu oğurlatdırıb ona zülm edərək - döydürərək təkrarlayır...
Elnarə bir ANA olaraq bütün aidiyyəti qurumlardan İMDAD diləyir... Bu acı gerçəklər, mütləq ki, insaflıların qəlbinə toxunacaq. Hüquq Mühafizə Orqanlarından Azərbaycan xanımı olan Elnarəni ərəb Basemin təzyiqlərindən xilas etməyi xahiş edirik.

Sabahnews.az

Azərbaycan Respublikası Dövlət Ehtiyatları Agentliyi “ADEA-nın maliyyə hesabatlarının Beynəlxalq Maliyyə Hesabatları Standartlarına uyğun hazırlanması və audit olunması məqsədilə balansda olan daşınar və daşınmaz əmlakın qiymətləndirilməsi xidmətinin satın alınması” tenderinin nəticələrini elan edib.

DİA.AZ xəbər verir ki, tenderin qalibi “Baker Tilly Audit Azərbaycan” QSC olub.

Şirkətlə 105 020 manat məbləğində müqavilə imzalanıb .

"Şikayətim AYNA (köhnə BNA) və Baku BUS MMC-dəndir". DİA.AZ bildirir ki, bu barədə "Şikayətim VAR" sosial qrupundakı paylaşımında Gülər Hüseynova adlı istifadəçi giley edir.

Narazı vətəndaş daha sonra yazır: "Baxmayaraq ki,Baku BUS Zığda yerləşir ancaq yerli Zığ camaatı adından deyə bilərəm ki,hamımız çox əziyyət çəkirik.Çox çək-çevirdən sonra bu ilin Fevral ayında (44 qəza törətdikdən sonra) yeni avtobuslar verildi.Çox sevindik ki, her şey əla olacaq,daha da pis oldu.İnterval yuxarı qalxdı,sıxlıq çoxaldı və keyfiyyət daha da aşağı düşdü.20-25 dəq avtobus gözləmək olar?Hamı bir-birinin belində gedir.4 avtobus son dayanacaqda gözləyir onun biri də gəlmir, gözləyir 20 dəq keçsin sonra gəlsinlər.
Və bu gün 28 Sentyabr durduq ki yuxudan 7 ay sevincək olduğumuz avtobusları yığışdirib əvəzinə siniq-sökük avtobuslari (bu avtobuslara təzə demək üçün min şahid lazımdır) veriblər.Avtobuslar sanki mənşəyi bilinməyən bir yerdən gətirilib və avtobusda üfunət iyindən dayanmaq olmur.AYNA şikayətə baxmır,BAKU BUS əsaslı cavablar vermir.
Səbəb soruşanda: daxili qaydaya əsasən dəyişmişik, səbəb deyə bilmərik.
Ümumiyyətlə Baku BUS və AYNA- ni hara şikayət etmək olar?"

İddia olunanlarla bağlı olaraq qarşı tərəfi də dinləməyə hazırıq...

Son günlər QHT sektorunda müşahidə olunan neqativlərlə bağlı apardığı araşdırmaları ilə diqqətə gələn İctimai Siyasi Proseslər və Beynəlxalq Araşdırmalar Mərkəzinin (İSBAM) sədri Samir Adıgözəlli yeni açıqlama ilə çıxış edib. DİA.AZ bildirir ki, İSBAM sədri sözügedən istiqamətdəki durumu təhlükləi adlandırıb.

DİA.AZ hüquq müdafiəçisinin açıqlamasını təqdim edir: "Bu gün QHT sektoru ilə bağlı həqiqətən acınacaqlı vəziyyət yaranıb.
Bu qurum işini hansı prinsiplər əsasında qurursa heç kimin ondan xəbəri yoxdur. Görünən odur ki, qurum qisasçılıq, QHT-lər arasında intriqa yaratmaq, bölücülük, şərçilik və s. prinsiplər əsasında işləyir. Agentlik bir nəfərin şəxsi mülkiyyəti və istəkləri ilə idarə olunur.
Mediaya verilən tapşırıq da odur ki, nöqsanları işıqlandırmayın, hansı QHT səsini çıxarsa şərləyin.
Ciddi bir siyasi səhv var. Amma buna baxan və əncam çəkən yoxdur.
Xatırladım ki, Azərbaycan Prezidentinin 27 iyul 2007-ci il, 2288 nömrəli sərəncamı ilə “ qht -lərə dövlət dəstəyi konsepsiyası” təsdiq edilib.
Orada QHT-lərə dövlət dəstəyinin əsas prinsipləri və formaları qeyd edilib . Sənəddə dövlət dəstəyinin əsas prioritetləri göstərilib.
Təəssüf ki, QHT Agentliyi Ölkə başçısının bu sərəncamına və konsepsiyasına nəinki əməl etmək, heç əziyyət çəkib öz rəsmi saytında da yerləşdirməyib.
Həqiqətən cəzasızlıq mühiti hökm sürür.
Nə vaxta qədər belə davam edəcək?
Bir neçə gün öncə Nazirlər Kabineti QHT-lərin layihələrinin maliyyələşdirilməsi ilə bağlı yeni qaydaları təsdiq edib. Agentliyin icraçı direktorunun dediyinə istinad etsək, qaydaları Nazirlər Kabineti yox, Agentlik tərtib edib.
Məni o qaydalardakı ziddiyətlərdən öncə sənədin yuxarıda qeyd etdiyim Konsepsiyaya uyğunsuzluğu məsələsi narahat edir".

Məsələ ilə bağlı olaraq əlaqədar qurum və şəxsləri də dinləməyə hazırıq...Dia.az

"Türk dünyasının aşiqi olan önəmli şəxsi itirdik".

Bunu TÜRKSOY-un Baş katibi Sultan Raev Azərbaycanın Milli Məclisinin deputatı Qənirə Paşayevanın vəfatı ilə bağlı "X" sosial şəbəkəsindəki hesabında yazıb.

"Türk dünyasının aşiqi, TÜRKSOY-un dostu olan önəmli bir şəxsi - Qənirə Paşayevanı itirdik. Unutmayacağıq.

Ailəsinə və bütün Türk Dünyasına başsağlığı verirəm. Məkanı cənnət olsun", - Sultan Raev qeyd edib.

Qeyd edək ki, Milli Məclisin Mədəniyyət Komitəsinin sədri, deputat Qənirə Paşayeva sentyabrın 28-də müalicə olunduğu Mərkəzi Klinik Xəstəxananın reanimasiya şöbəsində vəfat edib.

Naməlum mənşəli hipotonik vəziyyət diaqnozu qoyulan Qənirə Paşayevanın səhhətindəki kritik durumla əlaqədar Mərkəzi Klinik Xəstəxananın həkim personalı və Türkiyədən cəlb edilmiş həkim mütəxəssislər tərəfindən görülmüş bütün zəruri tədbirlərə baxmayaraq millət vəkilinin həyatını xilas etmək mümkün olmayıb.

Millət vəkili səhhətində yaranmış ciddi problemlərlə əlaqədar sentyabrın 23-dən Mərkəzi Klinik Xəstəxananın reanimasiya şöbəsinə yerləşdirilmişdi.

Xəbər verdiyimiz kimi, millət vəkili Qənirə Paşayeva vəfat edib.

Həkimlikdən millət vəkilliyinə qədər yol qətən Qənirə Paşayevanın dosyesini təqdim edirik:

Qənirə Ələsgər qızı Paşayeva 1975-ci il 24 mart tarixində Tovuz rayonunun Düz Qırıqlı kəndində anadan olub.

Azərbaycan Dövlət Tibb Universitetinin “Pediatriya” fakültəsini və Bakı Dövlət Universitetinin “Beynəlxalq hüquq” fakültəsini bitirən Q. Paşayeva rus və ingilis dillərini səlist şəkildə bilirdi.

Siyasi elmlər üzrə fəlsəfə doktoru, professordur. Gürcüstanın «Şərəf» ordeni ilə təltif edillib. Azərbaycan Yazıçılar Birliyinin üzvü, 20-dən artıq elmi, publisistik kitabın, romanın, yüzlərcə məqalənin, 20-yə yaxın sənədli filmin ssenari müəllifi və baş məsləhətçisi olub. Gürcüstanın, habelə Türkiyənin bir çox vilayətlərinin fəxri vətəndaşıdır.

Dünya Azərbaycanlılarını Əlaqələndirmə Şurasının üzvü, Avrasiya Beynəlxalq Araşdırmalar İnstitutu İctimai Birliyinin sədri olub.

1998-ci ildən ANS televiziya şirkətinin Xəbərlər xidmətində reportyor, müxbir, redaktor, aparıcı redaktor, baş aparıcı redaktor, baş redaktorun müavini, Xəbərlər redaksiyası baş redaktorunun müavini vəzifələrində çalışmışdır.

2005-ci ildən isə Heydər Əliyev Fondunun İctimaiyyətlə əlaqələr departamentinin rəhbəri vəzifəsində çalışmağa başlamışdır. 2012–2015-ci illərdə «Odlar Yurdu» Universitetinin Siyasi elmlər kafedrasına rəhbərlik etmişdir.

Qənirə Paşayeva bir çox sahələrdə çalışsa da, hər zaman siyasətə marağı ilə də seçilmişdir. Məhz bu maraq onu deputatlığa qədər apardı. O, üçüncü, dördüncü və beşinci çağırış Azərbaycan Respublikası Milli Məclisinin deputatı olmuşdur. Bundan əlavə Milli Məclisin Mədəniyyət komitəsinin sədri, Azərbaycan-Pakistan parlamentlərarası əlaqələr üzrə işçi qrupunun rəhbəri, Avstraliya, Bosniya və Herseqovina, Fransa, Gürcüstan, Vyetnam, Yaponiya, İndoneziya, İraq, İspaniya, İtaliya, Koreya, Macarıstan, Malayziya, Qazaxıstan, Qırğızıstan, Mərakeş, Misir, Moldova, Özbəkistan, Rumıniya, Şimali Makedoniya, Tailand, Türkiyə, Türkmənistan parlamentləri ilə əlaqələr üzrə işçi qruplarının üzvü olub.

Asiya Parlament Assambleyasında Azərbaycan nümayəndə heyətinin rəhbəri kimi çalışıb.

30 sentyabr 2011-ci ildə “İslahatçı Gənclər” İctimai Birliyi Qənirə Paşayevanı “Xəzər” Milli Mükafatı ilə, 2013-cü ildə Azərbaycanda reallaşdırılan dövlət gənclər siyasətinə verdiyi dəstəyə və bu siyasətin təbliğindəki xidmətlərinə görə Fəxri Diplomla təltif edib.

Qənirə Paşayeva, eyni zamanda, Gürcüstanın fəxri vətəndaşıdır.

Hər zaman xeyirxah işlərlə seçilən Qənirə Paşayeva 2012-ci ildə iki həftə uşaq həkimi qismində Somalidə fəaliyyət göstərmiş, sakinlərə yardım etmişdir.

Bundan əlavə o, tez-tez Türkiyədə və bir çox xarici ölkələrdə təhsil alan gənclərlə, tələbələrlə görüş keçirir, onların problemlərini dinləyir və bu təhsil yolunda hər zaman onlara dəstək olacağını dilə gətirir, göstərirdi.

Qənirə Paşayeva 28 sentyabr 2023-cü il tarixində Mərkəzi Klinik Xəstəxananın reanimasiya şöbəsində vəfat edib.

Subay idi və Firuzə adlı mənəvi qızı var idi.

Millət vəkili Qənirə Paşayeva vəfat edib.

Millət vəkili səhhətində yaranmış ciddi problemlərlə əlaqədar sentyabrın 23-dən Mərkəzi Klinik Xəstəxananın reanimasiya şöbəsinə yerləşdirilib.

Naməlum mənşəli hipotonik vəziyyət diaqnozu qoyulan Qənirə Paşayevanın səhhətindəki kritik durumla əlaqədar Mərkəzi Klinik Xəstəxananın həkim personalı və Türkiyədən cəlb edilmiş həkim mütəxəssislər tərəfindən görülmüş bütün zəruri tədbirlərə baxmayaraq millət vəkilinin həyatını xilas etmək mümkün olmayıb.