Yol polisi əməkdaşlarının özbaşınalıqları getdikcə daha da artır. Məlumdur ki, yol polisi əməkdaşlarının bəziləri fəaliyyətləri zamanı özbaşınalıqlara çox yol verirlər. Elə rəisin yerinə əmr çıxarıb icra edən Gəncə Dövlət Yol Polisinin komandiri polis mayoru Ramin Bağırov da qanunsuz olaraq vətəndaşları ittiham edən polis əməkdaşlarından biridir.

İndi isə gələk Gəncə Dövlət Yol Polis mayoru Ramin Bağırovun əsassız vətəndaş ittihamına.

Deməli Gəncə Dövlət Yol Polisinin komandiri polis mayoru Ramin Bağırov 29.09.2023 tarixində (öz xidməti avtomobili 99 YP 032 dövlət qeydiyyat nişanlı) lakin başqa xidməti avtomobillə (99 YP 209 dövlət qeydiyyat nişanlı) saat 23:15 radələrində Gəncə Mall-ın qarşısında 99-VZ-028 dövlət qeydiyyat nömrə nişanlı Range Rover markalı avtomobilə yaxınlaşaraq sürücünün maşını polis bölməsinə sürməsini tələb edib. Sürücü də öz növbəsində DYP-nin əməkdaşının əmrinə tabe olub və bölməyə gedib. Orada məlum olub ki, guya sürücü Gəncə Mall-ın qarşısında Fifa siqnalı verib. Lakin maşına baxış keçirilib və məlum olub ki, maşında ümumiyyətlə belə bir siqnal yoxdur. Qanunsuz yerə bölməyə apardığı maşını sərbəst buraxmaq əvəzinə işi məzuniyyətdə olan Gəncə şəhər DYP-nin rəisi Eldəniz Həsənovun əmri olduğunu deyib və ancaq onun buraxa biləcəyini söyləyib. Lakin, bu addımı atmaqla Ramin Bağırovun məqsədinin nə olduğunu anlamaq mümkün deyil. Necə olur ki, işi məzuniyyətdə olan rəisin əmr və göstərişi ilə yerinə yetirdiyini deyir. Bu kimi neqativ halların Gəncə şəhər Dövlət Yol Polisi tərəfindən tez-tez baş verməsi şəhər sakinlərinin kəskin etirazına səbəb olur. Doğrudur, hüquq mühafizə orqanlarının rəhbərliyi ictimai qınaqlardan sonra tədbirlər görsə də, bu cür özbaşınalıqlara tamamilə son qoyulmur. Hətta qeyd etmək lazımdır ki, Gəncə şəhərində Yol polislərinin özbaşınalıqları pik həddədir. Şəhərdə sürücülərin qanunsuz təqib edilən, onlara qarşı qanunsuz cərimələr tətbiq edəcəyi ilə hədələyib nəsə alan bəzi Yol polislərinin özbaşınalıqları sakinlərin haqlı narazılıqlarına səbəb olur.

Zirveyolu.info

NDU-nin İncəsənət fakültəsində təhsil alan tələbələrə saqqal saxlamağın qadağan olunduğu bildirilir. Yeni qaydaya görə, fakültənin oğlan tələbələrindən hər gün üzlərini qırxıb, dərsə gəlmələri tələb olunur. Bundan əlavə, tələbələrə üzərində şəkil, yaxud hansısa yazı olan müasir paltarlar geyinmək də yasaqlanıb.

DİA.AZ bildirir ki, bu haqda „Gündəlik Naxçıvan“a bir qrup tələbə məlumat verib.

Şikayətçi tələbələr deyir ki, bu qaydanı pozanlar rəhbərlik tərəfindən sıxışdırılır və cəzalandırılırlar. Onların sözlərinə görə, yeni qaydaya şəxsən dekan nəzarət edir. Tələbələrdən B.M. deyir ki, dərsə saqqalı, yaxud üzərində çizgi olan paltarla gələnlərə qayıb yazılır, onlar kursda saxlanılmaqla hədələnirlər:

“Biz nə polis akademiyasında, nə də hərbi məktəbdə oxuyuruq. Heç, əsgəri xidmətdə də deyilik, incəsənət fakültəsində oxuyuruq. Dərsin keyfiyyəti ilə maraqlanan yoxdur. Ancaq, işləri, gücləri oğlan tələbələrin saqqalına, geyimlərinə nəzarət etməkdir. Bizdən hər gün üzümüzü qırxmağı tələb edirlər. Görəndə ki, kiminsə üzündə azca tük var, yaxud şəkili paltar geyinib, qayıb yazırlar, imtahanda kəsməklə hədələyirlər. Ötən həftə oğlanlardan birinin köynəyində pələng şəkli vardı deyə, dərsdən qovdular”.

Adının çəkilməsini istəməyən başqa bir tələbə də universitetdə geyim qaydasının sərbəst olmasına baxmayaraq, yeni qadağanın tətbiqindən şikayətçidir:

“Vasif Talıbovun vaxtında vahid geyim qaydası var idi, lakin o zaman saqqala qarışmırdılar. Rəhbərlik dəyişəndən sonra elan edildi ki, geyim sərbəstdir, kim necə istəyir elə də geysin. İndi, incəsənət fakültəsinin dekanılığı oğlan tələbələrin geyiminə müdaxilə edir. Bu paltar güllüdür, bunda şir şəkili var, bunda fil şəkili var, geyinmək olmaz deyirlər. Bu azmış kimi hər gün saqqalımızı da yoxlayırlar, saqqal saxlayanları da sıxışdırırlar”.

NDU-dan tələbələrin iddialarına münasibət öyrənmək mümkün olmadı. Onların da mövqeyini işıqlandırmağa hazırıq.

“Şəhərlərin inkişafı üçün maliyyəyə əlçatanlığın olmaması əsas problemlərdən biridir”

Bu fikirləri Ümumdünya Məskunlaşma Günü ilə bağlı tədbirdə Qambiyadan olan mer Rohi Malik Lov deyib.

Banjul şəhərinin meri bildirib ki, şəhərlərin infrastrukturları üçün maliyyəyə ehtiyac var:

“Bununla yanaşı, şəhərlərin insan kapitalı cəhətdən imkanları məhduddur. Bu prosesdə bizi dəstəkləyənlərin sayı çox az olur. Özəl tərəfdaşlarla yaxşı işlənilməlidir. Eləcə də biz tərəfdaşlardan bir daha maliyyə vəsaitlərinin ayrılmasının yollarını düşünməklərini istəyirəm”.

Rohi Malik Lov deyib ki, bütün şəhərlərin özlərinə xas xüsusiyyətləri, problemləri var:

“Şəhərlər maliyyə vəsaitini tək başına toplaya bilmirlər. Bu da şəhərlərin siyasi iradəsinin olmadığını göstərən amillərdən biridir.

Mən həmişə merlərə haqq qazandırıram. Çünki miqrasiya, iqlim dəyişikliyi proseslərini nəzərə almaq lazımdır. Buna görə də merlərin üzərlərinə böyük məsuliyyət düşür. Hər kəs istəyir ki, ona göstərilən xidmətlər davam etsin. Merlər davamlı xidməti təmin etməlidirlər”.

“Bütün dünyada qadın merlərin sayı azdır. Kişilər isə əksinə bir-birinə dəstək olurlar. Lakin qadın olaraq mer kimi işləmək çox çətindir”, - deyə o qeyd edib.

“Qarabağ iqtisadi rayonunun bütün bölgələrində, küçələrdə, kəndlərdə vəziyyətin dekriminallaşması ilə bağlı ciddi şəkildə iş aparılır”.

“Report”un Xocalıya ezam olunmuş əməkdaşının verdiyi xəbərə görə, bunu Daxili İşlər Nazirliyinin (DİN) Mətbuat Xidmətinin rəisi Elşad Hacıyev jurnalistlərə açıqlamasında deyib.

Onun sözlərinə görə, aidiyyəti dövlət qurumları ilə birgə bu işin təşkili və aparılması diqqət mərkəzindədir:
“Yalnız narkotik vasitələr yox, sürpiz mina hallarına qarşı da ciddi şəkildə işlər həyata keçirilir. Dünən də bir neçə rayonda, körpülərdə, su hövzələrində və insanların hərəkət edə biləcəyi ehtimal olunan yerlərdə mina təhlükəsinin olduğu müəyyənləşib”.

“Yardımlaşma kampaniyası” adı altında vətəndaşları aldadaraq onların külli miqdarda pulunu mənimsəməkdə ittiham olunan Tənzilə Kərimovanın cinayət işi üzrə məhkəmə prosesi başlayıb.

APA xəbər verir ki, Bakı Ağır Cinayətlər Məhkəməsində hakim Eldar İsmayılovun sədrliyi ilə keçirilən hazırlıq iclasında təqsirləndirilən şəxslərin anket məlumatları dəqiqləşdirilib. Məhkəmənin baxış iclası oktyabrın 11-ə təyin olunub.

Qeyd edək ki, Tənzilə Kərimovanın işi üzrə 81 nəfər zərərçəkən var. Onun ümumilikdə 2 milyon manat mənimsədiyi iddia edilir.

Bir insan barəsində yol verilmiş ədalətsizlik hamı üçün hədədir. (Şarl Lui Monteskyö)

Bəli, özü də bu ədalətsizliyi ədaləti bərpa etməli olan hakim özü etdiyində bu, ədalətsizliyə uğramış hər kəs üçün çox qorxunc təhdiddir.

Lakin, çox təəssüflə qeyd edirik ki, ölkəmizdə hakim ədalətsizliyindən narazı vətəndaşların sayı günbəgün artır.
"Biz hüquqi dövlətdə yaşayırıq", "burda qanun şahdır" kimi ifadələr boğazdan yuxarı, bütün dillərdə şablon olub, reallığa gəldikdə isə banklar və dövlət qurumları ilə məhkəmə çəkişmələrində vətəndaşlar çox zaman haqsızlığa uğrayırlar ki, bu barədə illərdir Azərbaycan mediasında, həmçinin sosial şəbəkələrdə məlumatlar yayımlanır.

Bütün ədalətsizliklər arasında ən dözülməzi qanun adı altında törədilən ədalətsizlikdir. (Aristotel)

Yeri gəlmişkən, qeyd edək ki, elə bu yaxınlarda biz "DogruXeber.az" olaraq özümüz də hakim ədalətsizliyinə məruz qalmışıq. Hansı ki, bu barədə ötən yayımlarımızda da ətraflı məlumat vermişdik.

Və qeyd etmişdik ki, Hakim kürsüsündə əyləşən gənc Orxan Həsənov barəsində silsilə şəklində məlumatları diqqətinizə çatdıracağıq ki, iddiaçını evə göndərib ardından qərar verən bu gənc oğlanı siz də tanıyın.

Demək Bakı inzibati-iqtisadi məhkəməsində hakim kürsüsündə əyləşən Orxan Həsənov 1990-cı il təvəllüdlüdür. 33 yaşlı Orxan Həsənovun şəxsi Facebook hesabında qeyd olunur ki, "2015-ci ildə Bakı Dövlət universitetində təhsil almağa başladı".

Əgər, özünün paylaşdığı bu məlumatı əsas götürsək, belə çıxır ki, o 2019-cu ildə təhsilini başa vurub, 2021-ci ilin fevral ayına qədər (cəmi bir il) "ASAN" xidmətdə çalışıb, 2021-ci ilin fevral ayında da "Ələddinin çırağının köməyi ilə " hakim kürsüsünə əyləşib.

Amma, Ədliyyə Nazirliyinin rəsmi saytında isə qeyd olunur ki, 1990-cı il təvəllüdlüdür, 2008-ci ildən 2012-ci ilə qədər Bakı Dövlət Universitetinin hüquq fakültəsində təhsil alıb, 2013-cü ildən 2018-ci ilə qədər Bakı Apellyasiya Məhkəməsində məhkəmə iclas katibi vəzifəsində çalışıb, 2018-ci ildə 13 saylı vəkil bürosunda çalışıb, 2018-2021-ci illərdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyində Hüquqi Təminat Şöbəsi, Daxili hüquqi tənzimləmə sektorunda baş məsləhətçi işləyib, 2021-ci ilin fevral ayından bugünə qədər isə Bakı inzibati-iqtisadi məhkəməsində hakim kürsüsündə əyləşir...

Aha... barəsində iki fərqli məlumat olan bu gənc oğlanın ümumiyyətlə Vikipediyası olmasa da barəsində ən azından Ədliyyə Nazirliyinin rəsmi portalında qeyd olunan məlumatlar adama çox şeyi deyir.

Diqqət etdinizsə, orta məktəb illərindən - hətta doğulduğu ildən bugünə qədərki bütün fəaliyyəti ardıcıl olaraq qeyd olunub, bəs bu 33 yaşlı "ədalət qoruyucusu" vətən borcunu verməyibmi?

Gördüyünüz kimi, "dayısından yarıyan" dövlət məmuru kimi orta məktəbi bitirəndən işsiz qalmayıb. Yoxsa, hərbi xidmətini doğulmamışdan öncəmi yerinə yetirib ki, sonra vaxtı olmayacaq?..

Hərbi xidmətdə olubsa, nə zaman olub?, olmayıbsa necə hakim olub? Yəqin ki, bu sualın cavabı oxucularımız üçün də maraqlıdır.

Hə, onu da vurğulayırıq ki, qarşıdakı günlərdə BDU-ni bitirən və bugünə qədər fəhlə işləyən, yaxud işsiz qalan məzunlardan fərqli olaraq, işsiz qalmayan və sürətlə hakim kürsüsünə əyləşən Orxan Həsənovun "sehirli vəzifə yolu" barəsində də məlumatlar dərc edəcəyik.

Diqqətiniz bizdə olsun, mövzunu davam etdirəcəyik.

Redaksiyamız hər kəsin söz haqqını tanıyır.

DogruXeber.az

"Azərenerji" Açıq Səhmdar Cəmiyyətinin prezidenti, Əməkdar mühəndis Balababa Rzayev görəv başında son günlərini yaşayır.. Bu barədə DİA.AZ-a hökumətdəki mötəbər mənbədən xəbər verilib.

Xəbəri verən qaynaq idda edir ki, Balababa Rzayevin azaad olunmuş ərazilərimizdəki inşaat və quruculuq işləri zamanı dövlə büdcəsinə (bu vaxta qədər) 7 milyon manata qədər vəsaiti şəxsən mənimsədiyi fakt olraq ifşa olunub.

Mənbənin dia.az-a söylədikləri: "Hazırda araşdırma gedir.... Çox ciddi fiqurların kəlləsi kötüyə qoyulacaq....

İddia olunanlarla bağlı olaraq büün maraqlı tərəfləri dinləməyə hazırıq...

“25 ilin arıçısıyam. 100 arı təhnəm var. Ötən il hər təhnədən 15 kq bal alırdımsa, bu il 2-3 kq bal oldu. İyul ayında ton yarım əvəzinə 250 kq bal topladım, onu da 5 ildir ki, davamlı iştirak etdiyim bal yarmarkasına aparacam. Artıq 500 manat xərcim laboratoriya və yer haqqına çıxıb. Kiloqramını 30 manatdan satım ki, sərf etsin. Kəndimizdə, rayonda çox arıçı məhsuldarlıqda itirdi. Subsidiyanı isə beş il aldım və ötən il bitdi, artıq dövlətdən dəstək yoxdur. Yazda bu dəstək bərpa olsa, yaxşı olar”, – arıçı Mansur Orucov deyir.

Mansur Orucov ölkədəki 32933 arıçı təsərrüfat sahiblərindən biridir. Balakənin Talalar kəndində illərdir ki, arıçılıqla məşğul olub, fərdi dolanışığını baldan gələn gəlir ilə təmin edir. Onun kimi ölkənin əksər arıçıları builki hava şəraitinin əlverişsiz keçməsindən, yazda yağıntıların bol olmasından dolayı arılarına yem tapmaqda çətinlik çəkib. Nəticədə bəziləri az, bəziləri heç bal götürə bilməyib. Bu isə balın qiymətlərində 5-10 manat miqdarında artıma səbəb olub.

Arıçı Vüsal Bodurovun sözlərinə görə belə hava şəraiti, ümumiyyətlə region boz Qafqaz cinsindən fərqli olaraq qərbdən gətirilən arı cinsləri üçün uyğun deyil. Yerli cins isə bir neçə ildir ki, sıradan çıxır.

“Ötən il 20 manat idisə, bu il 30 manatdır

“Xəstəliklərdən də qırılırlar. 18 təhnəmdən dörd təhnəm qaldı, hamısı qırıldı. Onu da artırıb 9 təhnəyə çatdırdım, ümumi 18 kiloqram bal toplaya bildim. Yağışdan dolayı arı böyürtkən meyvəsi ilə qidalandı, hərəkət edə bilmədi, yer dəyişmək mümkün olmadı. Odur ki, rəngi qaradır balımın. Rənginə görə hələ ucuz satacam. Ötən il 20 manat idisə, bu il 30 manatdır”, – arıçı danışır.

“Elə arıçılar var idi ki, balı çox olanda rayon daxilində 13-15 manatdan da satırdı. İndi onlar da 20-25 manata nizamlayıb qiymətləri. Satış üçün uzaq məsafə, bal yarmarkasının xərcləri sərf etmir, yaxşısı rayon daxilində münasib qiymətə satmaqdır. Mütəxəssislər, şərait də yoxdur ki, güclü məsləhətlər alasan, dəstək görəsən. Ona görə baha da olsa, yazda cins ana təkini 25-30 manata alıb, arı töhnələrinin sayını artırmağı düşünürəm”, – Vüsal Bodurov deyir.

“Baldansa təhnəni satmaq sərf edir”

Balakənli Soltan Bodurov adlı arıçı isə mövcud vəziyyətdən çıxış yolu kimi təhnələrini satmaq məcburiyyətində qalıb. Bir təhnə on kiloqram balın pulu edir. O növbəti illərdə də damazlıq arı cinsləri alaraq təhnələrinin sayını artırıb satmağı düşünür.


“Məhsuldarlıq sıfır, çox zəif oldu. Bir təhnədən 15-20 kq məhsul götürən mən bu il ən yaxşı halda üç kiloqram ala bildim. Bir ton bal satdığım il olurdu. Ona görə təhnələrimin çoxunu Qarabağ regionundan gələnlərə satdım. Baldansa təhnəni satmaq sərf edir. Bir təhnədən üç şanı 100-150 manata, hətta 170 manata, təhnə qarışıq isə 250-300 manata satdıq. 12 təhnə saxladım. Gördüm yağıntı çoxdur, məhsul olmayacaq, buna da şəkər yedizdirəsi olsaq, heç sərf etmir, odur ki, arı töhnələrinin sayını artırıb regionlara satmağı düşünürəm”.

Statistikaya görə, ötən il ölkədə 656,1 min arı ailəsindən ümumi 445,9 ton bal istehsal olunub ki, bu, 2021-ci illə müqayisədə 9,45 % çoxdur. Bu il isə mütəxəssislər hava şəraiti ilə əlaqədar bal istehsalının 2-3 dəfə az olacağını düşünür. Kənd Təsərrüfatı Nazirliyi dəqiq göstəricilərin gələn il ərzində açıqlanacağını deyir.

“Arıya dəyən ziyan arıçılardan asılıdır”

Kənd Təsərrüfatı Nazirliyinin mətbuat xidmətinin rəhbəri Vüqar Hüseynov bildirir ki, ölkədə bu il hava şəraiti ilə əlaqədar balın miqdarında azalma olsa da, satış qiymətinin müəyyənləşdirilməsi arıçılardan asılıdır.

O, ölkədə balın kütləvi satışı ilə bağlı ildə bir dəfə yarmarkanın keçirilməsi ilə yanaşı, xarici bazarlara ixracın arıçıların fərdi təşəbbüslərindən asılı olduğunu əlavə etdi:

“Balın ölkədə müxtəlif qiyməti var, kiloqramı 5 manatdan tutmuş 60 manat qədər. Qiyməti arıçılar özləri müəyyən edir. Arıçılar qiymətin baha olmasından dolayı satışda problem yaşaya bilər. Arıya dəyən ziyan arıçılardan asılıdır. Biri yaxşı baxır, digəri yaxşı baxa bilmirsə, təsərrüfatda qırılma olur. Bizim apardığımız araşdırma da göstərdi ki, yağıntıların bol miqdarı bal istehsalına mənfi təsir etdi. Ancaq regionlara görə fərqlidir. Nazirlik bunun monitorinqi ilə məşğul deyil deyə, regionlarda nə qədər arıçıya hava şəraiti ziyan vurub, bunu bilmirik. Adətən peşəkar arıçılar aktiv yerdəyişmə apardığına görə onların yaxşı məhsulu olur. Elə arıçılar var ki, məhz yağıntılardan dolayı məhsul götürə bilməyib”.

“Bu il də oktyabrdan iqtisadi zonalar üzrə bal yarmarkası keçirilir və 250 arıçı 400 kq bal, 60 şan satışa çıxara bilər. Arıçı var 100 kq, arıçı var 400 kq gətirir. Ancaq keyfiyyət məsələsi var. Sertifikat göstəriciləri uyğun gəlməyənlər yarmarkaya buraxılmır. Yarmarka bitəndən sonra məlumatlar paylaşılır. Xarici bazar hazırda fərdi təşəbbüskarlardan asılıdır. Fərdi şəkildə sahibkar Lətif Binyətoğlu tərəfindən Yaponiyaya belə məhsul göndərildi. Sahibkarlar özləri axtarıb, xaricdə özlərinə bazar tapıb sata bilər”, – Vüqar Hüseynov deyir.

Arıçıların subsidiya ilə bağlı narazılığına gəlincə, nazirlik rəsmisi bildirib ki, subsidiya beş il nəzərdə tutulub və ötən ilə qədər verilib: “2018-ci ildə Nazirlər Kabinetinin qərarı vardı ki, beş il veriləcək və bitəcək. Ötən il bitdi və beş il də dövlət arıçılara öz dəstəyini göstərdi. Biz icraçı qurumuq bu məsələdə”.

Ölkədə adambaşına düşən illik istehlak səbətində balın miqdarı 500 qram təşkil edir. Bu, dünyada orta istehlak göstəriciləri ilə müqayisədə aşağıdır. Türkiyə və bəzi qərb ölkələrində həmin göstərici 1-1.5 kqdır. Çin, Kanada kimi iri ölkələrdə bir arı təhnəsindən 48-55 kq arası bal götürmək olur ki, kənd təsərrüfatı üzrə mütəxəssis bunun Azərbaycanda da mümkün sayır.

“Arıçılığın inkişafı üçün mütəxəssislər işləməlidir”

Kənd təsərrüfatı məsələləri üzrə mütəxəssis Vahid Məhərrəmli Meydan TV-yə bildirib ki, arı ailələrinin sayını və məhsuldarlığını artırmaq üçün öncə ölkədə yem bazasını gücləndirmək, bitkiçiliyi inkişaf etdirmək, meşə ehtiyatını artırmaq istiqamətində dövlət kompleks tədbirlər görməlidir:

“Azərbaycanda arıçılığın inkişafı üçün bitkiçilik inkişaf etməyib. Bitkiçiliyin inkişafı ilə arıların yemə olan bazası təmin olunmalıdır. Arıçıların yem üçün müxtəlif region dəyişməsi həm vaxt itirir, həm məhsuldarlığa təsir göstərir, həm də xərci artırır. İqlim dəyişməsinin yaratdığı problemlər də bir tərəfdən. İntensiv yağıntılar, sel, dolu dağıntılara səbəb olur. Hər iki problem arıçıların işinə təsir edir, həm də məhsuldarlığa. Yem azlığı arılar arsında xəstəliyi də artırır. Zəif olanda xəstəlik çoxalır. Hökumət məsləyə kompleks yanaşmalıdır, bunun üçün də peşəkar mütəxəssislər olmalıdır”.

Vahid Məhərrəmli deyir ki, problemin həlli, məhsuldarlığın artımı, arıçılığın inkişafı üçün mütəxəssislər işləməlidir. Necə etmək olar ki, heyvandarlıq, arıçılıq və bitkiçilik inkişaf etsin deyə kompleks tədbirlər həyata keçirilməlidir:

‘Belə olduğu təqdirdə arıçılar yerdəyişmə vəziyyətindən azad olar. Meşə ehtiyatı bizdə azdır və həmin ehtiyatları müəyyən adamlar qoruyur, ancaq inhisara alınır. Arıçılığı həm də meşələrdə artırmaq olur. Ağaclar seyrəkdir, təbii yanğınlar artır, bu da təsir edir. İndiki şəraitdə arıçılar zülümlə o təsərrüfatı əldə edib qoruyur, əziyyət çəkir. 6-7 dəfə il ərzində arının yerini dəyişir ki, bu ağır bir prosedurdur. Əlavə işçi qüvvəsi, yol xərci, yer icazəsi və s. tələb olunur. Hökumət bu istiqamətdə iş görmür”.

“Türkiyə ilə birgə təsərrüfatın inkişafı üçün institut yaradıla bilər”

Mütəxəssis damazlıq arı cinslərindən yerli mühitə uyğun olanının xarici ölkədən gətirilməsini əsas sayır. Həmçinin Türkiyə ilə birgə bu sahədə institut yaradıb arıçılığın inkişafına töhfə verilməsini ən uyğun həll yolu hesab edir. Birlik və yarmarkaların isə regionlarda olmasını monopoliyadan xilas kimi qaçılmaz görür. Qonşu ölkələrlə müqayisədə balın qiymətinin baha olmasını balın maya dəyərinin baha olması ilə əlaqələndirir:

“Bunlarla xüsusi institutlar məşğul olmalı, arıçılığın inkişafı, məhsuldarlığı, damazlıq təsərrüfatının inkişafı üçün xaricdən uyğun ölkələrin arı cinsləri gətirilməlidir. Türkiyədə yetişdirilən cinslər bura daha uyğundur. Hökumət təşəbbüs göstərməli, nazirlik çalışmalıdır. Formal xarakterli işlərlə olmur”.

Vahid Məhərrəmli deyir ki, arıçılar özləri birləşib, regional qurumlarla çalışıb, bal yarmarkaları təşkil edə bilər. Hesab edir ki, rayon səviyyəsində balın qablaşdırılması üçün müəssisə yaradılmalıdır.

“Bunun üçün yüksək vəsaitə ehtiyac yoxdur. Hər rayonda da bu müəssisə olmalıdır. Balın keyfiyyətini yoxlayıb sertifikat verməlidir. İstənilən bazara çıxış əldə ediməlidir. Balın qiyməti baha başa gəlir ki, məhsuldarlıq aşağıdır. Məhsuldarlıq artdığı təqdirdə qiymət də aşağı olar. Ötən il ortalama 26-27 manat idi, bu il bahalaşma var. İranda 5 manat, Türkiyədə 17 manatdır. Bu da bizdəki balın maya dəyərinin baha olduğunu göstər, çünki məhsuldarlıq aşağıdır. Çox bal istehsal edilsə, cins arıların baha qiymətə satılması da gözə görünməz”, – mütəxəssis vurğulayıb. //meydanTV//

Gəncənin Nizami Gəncəvi küçəsinin sakinləri kanalzasiya problemindən şikayətlənir. DİA.AZ bildirir ki, burada nə yol infrastrkturu var, nə də kanalizasiya xəttləri. Sakinlər evlərinin qarşısında kanalizasiya quyuları qazıb. Bu da üfunət qoxusuna səbəb olur. Sakinlər bunla bağlı dəfələrlə müraciət etsələr də məsələ həllini tapmayıb.
Yaşayış massivi Gəncənin əsas küçələrindən biridir. Şəhərin tam mərkəzinə iki-üç çıxışı var. Lakin rəsmilər sakinlərin üzləşdiyi çətin durumu görməzdən gəlirlər.
Yerigəlmişkən biz də sakinlərin şikayətini yerli İcra Hakimiyyətinin nümayəndələrinə çatdırdıq. Gün ərzində açıqlama veriləcək deyilsə də Gəncə şəhər İcra Hakimiyyətindən heç bir açıqlama gəlmədi.

Daha ətraflı aşağıdakı videoda:

Yasamal rayonunun Qanlıgöl massivi sakinləri kanalizasiya problemindən əziyyət çəkir.

Sakinlər deyir ki, evlərinin yanında "Kristal Abşeron" MTK-ya aid yaşayış kompleksi inşa edilir.

Tikintiyə görə sakinlərin kanalizasiya borularına tıxac vurulur.

Beləcə sakinlər evlərində kanalizasiyadan istifadə edə bilmir.

Qanlıgöl sakinləri deyir ki, məsələ ilə bağlı aidiyyatı orqanlara dəfələrlə şikayət olunsa da, şikayətləri cavabsız qalıb.

Sakinlər hətta bu məsələyə görə dəfələrlə yolu da bağladıqlarını deyirlər.

Həftə sonu olduğundan sakinlərin şikayəti ilə bağlı "Kristal Abşeron" MTK-dan mövqe almaq mümkün olmayıb.

Meydan TV

Daha ətraflı aşağıdakı videoda: