QHT sekorundakı neqativlərlə bağlı İFŞA PROSESİ davam edir. DİA.AZ bildirir ki, bu dəfə Esmira Orucova adlı hüquq müdafiəçisi ilginc iddialarda bulunub. E.Orucova yazır:

"QHT Agentliyinin həqiqətən də başlı-başına, nəzarətsiz olduğunu bir daha xatırlatmaq istəyirəm. Layihə menecerlərinin işlərinə belə nəzarət edən yoxdur.
Agentlik rəhbərliyinin başı o qədər lazımsız işlərə qarışıb ki, əsas işlər qalıb kənarda.
Sizə sədrinə çox hörmət etdiyim bir QHT-nin layihəsində əks olunmuş Agentliyin loqosunu təqdim edəcəyəm.
QHT sədri məndən inciməsin, bəlkə də Agentlikdən loqonu ona bu vəziyyətdə göndəriblər.
İş əsnasında səhv də edə bilərik. Bəs, Agentliyin əməkdaşları hara baxırlar?
Günah Agentlikdəkilərdədir.
QHT Agentliyinin işi də bu bannerdə özlərinin logosu kimidir. Hər şey tərsinə gedir.
Aylardır QHT banner hazırlayıb və mediada da məlumat işıqlandırıb. Amma nəzarətsizlikdən bir nəfər də olsun o boyda Agentlikdə baxmır ki, niyə bizim logo kəllə mayallıqdır.
Vallahi ki, Agentliyin işi Allaha qalıb.
Agentlikdə dövlətin bu qədər vəsaiti göyə sovrulur, heç Agentliyə nəzarət edənlər də nə dinir, nə də danışırlar.
Görəsən, hansı maraqlardan dövlət büdcəsinin səmərəsiz xərclənməsinə göz yumurlar?
Adi bir element göstərir ki QHT Agentliyində ciddi nəzarətsizlik, özbaşınalıq baş alıb, gedir.
P.S. QHT sədrindən rica edirəm, məndən inciməsin. Bəs, layihə menecerləri nə üçündür? Bizim səhvlərimizi düzəltmək üçün deyil məgər?"

İddia olunanlarla bağlı dia.az olaraq qarşı tərəfi də dinləməyə hazırıq...

QHT sekorundakı neqativlərlə bağlı İFŞA PROSESİ davam edir. DİA.AZ bildirir ki, bu dəfə Esmira Orucova adlı hüquq müdafiəçisi ilginc iddialarda bulunub. E.Orucova yazır:

"QHT Agentliyinin həqiqətən də başlı-başına, nəzarətsiz olduğunu bir daha xatırlatmaq istəyirəm. Layihə menecerlərinin işlərinə belə nəzarət edən yoxdur.
Agentlik rəhbərliyinin başı o qədər lazımsız işlərə qarışıb ki, əsas işlər qalıb kənarda.
Sizə sədrinə çox hörmət etdiyim bir QHT-nin layihəsində əks olunmuş Agentliyin loqosunu təqdim edəcəyəm.
QHT sədri məndən inciməsin, bəlkə də Agentlikdən loqonu ona bu vəziyyətdə göndəriblər.
İş əsnasında səhv də edə bilərik. Bəs, Agentliyin əməkdaşları hara baxırlar?
Günah Agentlikdəkilərdədir.
QHT Agentliyinin işi də bu bannerdə özlərinin logosu kimidir. Hər şey tərsinə gedir.
Aylardır QHT banner hazırlayıb və mediada da məlumat işıqlandırıb. Amma nəzarətsizlikdən bir nəfər də olsun o boyda Agentlikdə baxmır ki, niyə bizim logo kəllə mayallıqdır.
Vallahi ki, Agentliyin işi Allaha qalıb.
Agentlikdə dövlətin bu qədər vəsaiti göyə sovrulur, heç Agentliyə nəzarət edənlər də nə dinir, nə də danışırlar.
Görəsən, hansı maraqlardan dövlət büdcəsinin səmərəsiz xərclənməsinə göz yumurlar?
Adi bir element göstərir ki QHT Agentliyində ciddi nəzarətsizlik, özbaşınalıq baş alıb, gedir.
P.S. QHT sədrindən rica edirəm, məndən inciməsin. Bəs, layihə menecerləri nə üçündür? Bizim səhvlərimizi düzəltmək üçün deyil məgər?"

İddia olunanlarla bağlı dia.az olaraq qarşı tərəfi də dinləməyə hazırıq...

Xətai rayonunun Əhmədli qəsəbəsində 13 milyon manata torpaq sahəsi satılır.

DİA.AZ Bizim.Media-ya istinadla xəbər verir ki, bu barədə “tap.az” saytında elan yerləşdirilib.

Satışa çıxarılan ərazinin ümumi sahəsi 1 hektar 28 sotdur. Maraqlıdır ki, ərazi vaxtilə uşaq bağçası olub. Hazırda binadan özəl tədris müəssisəsi kimi istifadə edilir.

Digər tərəfdən, Bakı şəhərində məktəbəqədər tərbiyə müəssisələrinin çatışmazlığının olduğu bir vaxtda uşaq bağçalarının özəlləşdirilməsi də suallar doğurur.

Mövzu ilə Xətai Rayon İcra Hakimiyyətinin şöbə müdiri Pənah İmanov sorğumuza cavab olaraq məsələdən məlumatlı olduqlarını və sözügedən ərazinin özəl mülkiyyət olduğunu bildirib.

İcra hakimiyyətinin rəsmisi özəlləşdirmələrin Əmlak Məsələləri üzrə Dövlət Xidmətinin səlahiyyətində olduğunu qeyd edib. Mövzunu davam etdirəcəyik.

Məlum olduğu kimi, Naxçıvan Respublika xəstəxanasında düzgün müalicə olunmaması səbəbindən bir nəfər ölüb. DİA.AZ bildirir ki, dünyasını dəyişən xəstə ürək xəstəsi imiş. Belə anlaşılır ki, onu xərçəng xəstəsi kimi “müalicə” ediblər.

Mərhumun valideynləri hesab edirlər ki, övladları xərçəngin yox, pulsuzluğun qurbanı olublar. Yəni xəstəxana rəhbərliyinə rüşvət vermədiklərinə görə ona baxmayıblar və nəticədə övladları dünyasını dəyişib.

Kim haqlıdır? Təbii ki, buna Naxçıvan Prokurorluğu aydınlıq gətirəcək. DİA.AZ bildirir ki, bu olaya reaksiya verən tanınmış jurnalist Heydər Oğuz problemin kökünün nədə olduğuna aydınlıq gəirib.

Heydər Oğuz bildirib: "Qeyd edim ki, “canişin” həzrətlərinin misli görünməmiş tibbi islahatları sayəsində Naxçıvan MR Mərkəzi xəstəxanasının zəhmindən tibb bacıları ürkən baş həkimi Zəbur müəllim işdən çıxarılmış, yerinə attestatsiya imtahanlarında 60 keçid balından 11 bal toplayaraq, el arasında dünyanın “ən savadlı həkimi” ünvanına layiq görülən Ramazan müəllim gətirilmişdi. Bununla kifayətlənməyən “canişin” rejimi xan dövrü Naxçıvanında az-çox savadlı kadr tərəfindən idarə olunan Kardiologiya Mərkəzini də Ramazan həkimin nəzarətinə vermişdi. Səbəbini nə ilə izah etsələr yaxşıdır? – Açıq ürək əməliyyatını təkmilləşdirmək məqsədi ilə.

Budur, 11 ballıq Ramazan həkimin əl işi indi Naxçıvan MR Prokurorluğunun araşdırma mövzusuna çevrilib. Təbii ki, “xan”ın atasına rəhmət oxutduran “canişin” cənablarının islahatları sayəsində..."

Məsələ diqqəttimizdədir. Bütün əlaqədar qurum və şəxsləri də dia.az olaraq dinləməyə hazırıq...

Bakının Yasamal rayonunda “alimlərin yataqxanası” kimi tanınan bina söküləndən sonra sakinlər çətin duruma düşüblər. Pilot layihəni həyata keçirən “İnşaat Konstruksiyaları” MMC yeni binanı 2016-cı ildən bəri tikib istifadəyə vermir. Sakinlər illərini kirayələrdə keçirir. Onların bəzisi beş ildir kirayə pulu da almadığını bildirir.
Bizimyol.info xəbər verir ki, “İnşaat Konstruksiyaları” MMC sakinlərə 1 il 6 ay ərzində yeni mənzillərinə köçə biləcəklərini vədini etmişdi. Binada görüləcək iş də az deyil. Üstəlik, bəzi mənzillərin bir neçə şəxsə satılması faktları ortaya çıxıb. Məsələyə Korrupsiyaya Qarşı Mübarizə Baş İdarəsi qarışıb.

Şikayətçilərdən Rəvanə Əsədova xatırlayır ki, yaşadıqları bina Yasamal Rayon İcra Hakimiyyətinin keçmiş başçısı İbrahim Mehdiyevin iştirakı ilə sakinlərin icazəsi olmadan sökülmüşdü: “Bizimlə o vaxt elə davrandılar, indi də belə. Nə qədər stres keçirmək olar?! Heç nəyə köklənmək olmur. Küçələrdə qalmışıq”.

Pərviz Bədəlov deyir ki, məhdud məsuliyyətli cəmiyyətdən konkret söz ala bilmirlər. “İnşaat Konstruksiyaları” daha 200 alıcıya mənzil satıb. İndi “alimlərin yataqxanası”nın sakinləri bilmir ki, kimin mənzili harada olacaq: “Binanın üstünü bəzəyiblər, amma içəridə arakəsmələr hörülməyib, işıq, su xətləri axıra qədər çəkilməyib. Binanın damında izolyasiyalar yekunlaşmayıb. Liftlər qoyulmayıb. Xərc aparan işlərin hamısı qalıb. Yalnız kosmetik addımlar atılıb. Görüntü yaratmaq istəyirlər ki, guya binada iş dayanmayıb. Burada heç vaxt 10-15 fəhlə işləməyib, uzağı 2-3 nəfər”.

Hacımurad Mirzəyev deyir ki, bu məsələyə görə həyatından bezib. Hər ay artıq 120 manat kirayə pulu verir: “Gül kimi təmirli evimizdə yaşayırdıq. Nə günə qoydular bizi...”

“İnşaat Konstruksiyaları” MMC-nin Nizami rayonunda inşa etdiyi binadan da şikayətlər var. Məhdud məsuliyyətli cəmiyyətin rəhbəri Rauf Əliyev mətbuata açıqlamasında haqqında danışılan binanın 2024-cü ilin martında təhvil veriləcəyini deyib. Onun sözlərinə görə, müvəqqəti maliyyə sıxıntıları olub, indi hər şey qaydasındadır: “Son tamamlama işləri qalıb. Onu da həll edəcəyik”.

Tikintidəki qanunsuzluqları Korrupsiyaya Qarşı Mübarizə Baş İdarəsinin araşdırması məsələnin qısa zamanda həllini tapmayacağını deyir. Üstəlik, oxşar halların baş verməsi şübhələri qalır. Şikayətçi Məzahir Cəfərov iddia edir ki, hələ də mənzillər bir neçə şəxsə satılır. //Bizimyol.info//

Son zamanlar yerli icra hakimiyyətlərinin fəaliyyəti ciddi tənqid olunur. Nöqsanları ilə gündəmə gələn bəzi icra başçıları işdən çıxarılsa, həbs olunsa belə, yenə vəziyyət dəyişmir. Dəfələrlə adları şikayət və tənqid olunanlar siyahısında hallanan icra başçılarının fəaliyyətində dönüş yaranmır.

DİA.AZ bildirir ki, yerli KİV-də əhalinin ən çox narazı qaldığı icra hakimiyyətləri barədə araşdırma materialı təqdim olunub. Aydın olur ki, narazılığa səbəb olan RİH-lərdən biri də Qusar rayon İcra Hakimiyyətidir.

Araşdırma materialında deyilir:

"Şair Alxasov bu gün barəsində ən çox şikayələr olunan iccra başçısıdır. Hətta bir zamanlar Qusarın yerli sakinləri Alxxasovdan şikayətlərin əhəmiyyətsiz olduğuna, bu şikayətlərin qarşısının Prezident Administrasiyasında kimlərsə tərəfindən alındığına inandıqlarından artıq PA-ya yox, əslən sözügedən bölgədən olan Bakı Şəhər İcra Hakimiyyətinin başçısı Eldar Əzizova belə müraciət edirdilər ki, bu da əslində onların çarəsizliklərinin göstərcisi idi...

İndi isə sakinlər əllərini tamamən üzüblər və güman edirlər ki, Şair Alxasov Qusar RİH başçısı postunda ömürlük olacaq, ondan şikayət etmək də əbəsdir.

İlkin təəssürat sakinlərin haqlı olması yönündə olsa da, vəziyyətin hər an dəyişəcəyi də gözləniləndir.

Unutmaq lazım deyil ki, bu gün hələ də düşmən Ermənistanın torpaqlarımızdakı tör-töküntülərini əzməkdə olan DƏMİR YUMRUQ nəəhayətdə yerlərdə özzlərini vətəndaşlaara qarşı DÜŞMƏN KİMİ aparan məmurlara da qarşı yönələ bilər...

Necə ki, belə olaylara çox şahidlikk etmişik və hələ də həbsdə 10-a yaxın ira başçısı var..."

Məsələ ilə bağlı olaraq bütün maraqlı tərəfləri dinləməyə hazırıq...Dia.az

Gədəbəyin əli baltalı ictimai – iaşə obyektlərinin sahibləri meşbəyilərlə əlbir olaraq Tovuzun Yanıqlı meşəbəyliyi ərazisində ki, meşə massivlərinə qənim kəsilib.
Payız mövsümünün gəlişi ilə bağlı meşə ərazilərini örüş otlaq sahəsi kimi fermerlərə satılmasından Ekologiya və Təbii Sərvətlər Nazirliyinin xəbəri varmı?
Bu haqda Dünyanınsəsi.Az saytına eko fəal, Gədəbəy rayonun Qoşabulaq kənd sakini Verdiyev Mübariz Əhməd oğlu tərəfindən maraqlı video və fotofaktlar göndərilib.
Belə ki, hər il olduğu kimi bu ildə Tovuz Regional Meşə Təsərrüfatı Mərkəzinin direktoru Şamil Zeynalov vəzifə səalahiyyətlərindən sui-istifadə etməklə Gədəbəy rayonun Qoşabulaq kəndi ərazisndə yerləşən Yanıxlı (Şahzadə meşəsi) meşəbəyliyinin 37 dolayısını dədə malı kimi satırlar.
Ərazidən çəkilmiş videomateriala baxarkən məlum olur ki, sözgedən meşə dolayısında yüngül və digər konustruksiyalarla çoxlu sayda ictimai – iaşə obyektləri tikilib.Eko faəlın çəkib göndərdiyi video və fotofaktlara baxdıqda məlum olur i, tikilən obyektlərin materialları həmin meşənin ağaclarını kəsərək tikmişlər. Yerli kənd sakinləri eləcədə eko fəalın bildirdiyinə görə hər yay-payız mövsümlə bağlı hər obyekt sahibi Tovuz Regional Meşə Təsərrüfatı Mərkəzinin direktoruna haqq verildiyini bildirirlər.
Eko fəal onuda saytımıza bildirb ki, Tovuz Regional Meşə Təsərrüfatı Mərkəzinin Yanıxlı meşəbəyliyinin 37-ci dolayısının meşəbəyisi Quluyev Əliyar Mehdi oğlunun də həmin ərazidə kabaxanası həm də istirahət mərkəzi var.Həm də sözügedən meşbəyi ərazidə özünə məxsus olan çoxlu mal-qara saxlamqdadır.Həm də sözügedən Şamlıq meşəsində Qoşabulaq kənd sakini iki oğlu fərari olan Alıyev Front Xəlil oğluda meşələrə qənim kəsildiyi qeyd olunur.

Belə ki, onlara məxsus olan 2 ictimai – iaşə obyektləri eləcə də meşədə lövbər salan mal-qoyun sürülüri şamlıq meşəsini örüş otlaq sahəsinə çevirib.
Meşələrin icra müqaviləsi olmadan zəbt edilməsi eləcədə mal-heyvan saxlanması olayından 2 saylı Regional Ekologiya və Təbii Sərvətlər idarəsinin guya xəbəri yoxdur? Əlbəttdə Var!
Məlumat üçün qeyd edək ki, Tovuz Regional Meşə Təsərrüfatı Mərkəzinin direktorundan tutdun sıravi işçilərinə kimi hamısı bir-biri ilə qohum olduğundan meşə fond ərazilərini özlərinin biznes mənbəyinə çevirməklə özlərinin şəxsi qazanc mənbəyinə çeviriblər.Bu cür analoji vəziyyət 2 saylı Regional Ekologiya və Təbii Sərvətlər İdarəsində də höküm sürür.
Redaksiya olaraq inanırıq ki, meşələrin zəbt edilməsi ilə bağlı Ekologiya və Təbii Sərvətlər Nazirliyinin Meşələrin İnkişafı Xidməti araşdırma aprıb nəticəsi barədə ictimaiətə açıqlama verəcəkdir.

Qarşı tərəfi də dinləyib, mövqeyini dərc etməyə hazırıq.

Meşə dolayısını zəbt edilməsini özündə əks etdirən videomaterialı təqdim edirik:

İqtisadçı ekspert Elçin Qurbanovla həmsöhbət olduq. O, Rəqabət Məcəlləsi layihəsinin Milli Məclisdə müzakirəyə çıxarılması ilə bağlı fikirlərini bölüşdü. E.Qurbanov bildirdi ki, hər hansı yüksək çinli məmur adi sahibkarla rəqabət apararsa, sahibkar necə rəqabət apara bilər ki, onun əlində bir çox resurslar, təsir mexanizmi var. Əlbəttə ki, bu, mümkün deyil. Rəqabət Məcəlləsi də bəzi hallarda müəyyən məsələləri həll edə bilər, müəyyən məsələləri həll edə bilməz. Ona görə də burada ölkə başçısının siyasi iradəsi böyük rol oynayacaq.

Daha ətraflı aşağıdakı videoda:

Azərbaycanda cərrahiyyə əməliyyatı vaxtı tənzif unudularaq, 7 ay xəstənin qarın boşluğunda qalıb. Nəticədə onun bağırsağı deşilib. Hadisə Mingəşevir şəhər Mərkəzi Xəstəxanasında qeysəriyyə əməliyyatında baş verib.

2021-ci ilin sentyabrında 25 yaşlı Aysel Qurbanova qeysəriyyə əməliyyatıyla qız uşağı dünyaya gətirib. Onu xəstəxananın həkim-ginekoloqu Leyla Cəfərova əməliyyat edib. 2012-ci ildən xəstəxanada çalışan bu həkimin 38 yaşı var.

“Müayinədən keçəndə həkim dedi ki...”
Üç gün sonra xəstəxanadan evə buraxılan Qurbanovanın qarın nahiyəsində bir müddət keçincə ağrılar başlayıb. Dediyinə görə, öncə əməliyyat ağrıları olduğunu düşünüb, amma üç ay keçsə də, ağrılar səngiməyib. Bu üzdən, yaxınları onu ginekoloq L.Cəfərovanın yanına gətirib.

Qurbanovanın sözlərinə görə həkim onun soyuqladığını iddia edib və buna uyğun müalicə yazıb. Di gəl, ağrılar keçməyib. O əməliyyatdan 7 ay sonra – ötən ilin aprelində Bakıda “Xəzər” klinikasına gəlib, müayinədən keçəndə, həkim onun təcili əməliyyata ehtiyac olduğunu deyib:

“Müayinədən keçəndə həkim dedi ki, qarnımda kist var ( kista qışası olan, içi maye dolu çevrəvari törəməyə deyilir – red.) onun götürülməsi üçün əməliyyat olunmalıyam. Rauf həkim əməliyyat etdi. Əməliyyat zamanı, sən demə, qarnımdan bint götürüb, amma bizə deməyib...”

A. Qurbanova evə gələndən sonra əməliyyat yerindən nəcis axıntısı gəlməyə başlayıb. Onun yaxınları “Xəzər” klinikasında əməliyyatı icra eləyən cərrah Rauf Xəlilovdan bunun səbəbini soruşanda həkim tənzif məsələsini onlara açıb deyib. Bundan sonra Ayselin yaxınları Mingəçevir şəhər Mərkəzi Xəstəxanasına gəliblər.

Zərərçəkmiş deyir ki, öncə ginekoloq qarın boşluğunda tənzif unutması haqda deyilənləri qəbul etməyib, ancaq əməliyyatın gedişində R. Xəlilovun çəkdiyi fotoları görəndə razılaşıb.

Bir daha Bakıda müayinədən keçəndə məlum olub ki...
L.Cəfərova Rauf həkimlə əlaqə saxlayıb, həmkarından xahiş edib ki, xəstəyə lazım olan bütün tibbi yardımlar göstərilsin. Həmin gün A.Qurbanova Respublika Klinik Xəstəxanasına yerləşdirilib, orada 11 gün müalicə alıb. Onu evə buraxsalar da, durumu yaxşılaşmayıb. Sonradan bir daha Bakıda müayinədən keçəndə məlum olub ki, onun “S-vari” bağırsağı deşilibmiş. Həkimlərin rəyinə görə, tənziflə təmas nəticəsində çürümə yaranıb və bu üzdən bağırsaq deşilib.

A.Qurbanova Bakıda ikinci dəfə əməliyyat olunub. Onun bağırsağında çürümüş hissə kəsilib, sağlam hissələr birləşdirilib.

A.Qurbanovanın başına gələnlərlə əlaqədar bu ilin fevralında Cinayət Məcəlləsinin 314.1 (səhlənkarlıq) maddəsilə cinayət işi başlanıb, martda icraat dayandırılıb. May ayında yenidən icraat təzələnib və L.Cəfərovaya əməliyyat etdiyi xəstənin qarnında 7 ay tənzif qalmasıyla bağlı səhlənkarlığa görə ittiham irəli sürülüb.

L.Cəfərova özünü təqsirli bilsə də deyir ki, baş verənləri biləndən sonra nəticəni aradan qaldırmaqdan ötrü əlindən gələn fiziki və maddi nə varsa, edib.

Onun sözlərinə görə, məsələdən xəbərdar olunca, Rauf Xəlilovla əlaqə saxlayıb, onların klinikasında olmasa belə, başqa bir klinikaya yerləşdirilməsini xahiş edib. Daim xəstənin durumunu diqqətdə saxladığını, onu şəxsi maşınıyla Bakıya müayinə və əməliyyata apardığını, xərclərini ödədiyini vurğulayıb.

“Yaxınları məndən tələb edirdilər ki, onu sağaldım”
L.Cəfərova deyir ki, onun səhvindən sonra kist əməliyyatında həkim R.Xəlilovun bağırsaqdakı deşilməni görməməsi, o vəziyyətdə qarın boşluğunu bağlayıb, əməliyyatı yekunlaşdırması sonradan müayinə edən həkimləri təəccübləndirmişdi:

“Qarın nahiyəsindən nəcis axıntısı gələndə, yaxınları məndən tələb edirdilər ki, onu sağaldım. Onu professor cərrah Xaləddin həkimin yanına apardım. Müayinə elədi, səhəri gün əməliyyat oldu. Professor mənə və anasına dedi ki, belə böyük perforasiyanı necə görməmək olar? Ya da görüb, necə bağlamaq olar qarın boşluğunu? Bütün xərcləri mən ödədim kassaya. Aysel sağalıb çıxan gün yaxınları mənə təşəkkür elədi...”

A.Qurbanova isə təqsirləndirilən həkimin onun xərclərini qismən ödədiyini deyir. Bununla belə, o, L.Cəfərovaya qarşı şikayət və tələbinin olmadığını, onunla barışdığını söyləyib.

Bu məsələyə Mingəçevir şəhər Məhkəməsində baxılıb. Bugünlərdə hakim Elza Cəbrayılzadə cinayət məsuliyyətinə cəlbetmə müddətinin keçdiyini əsas gətirərək, təqsirləndirilən həkimin məsuliyyətdən azad edilməsinə qərar verib. //AzadlıqRadiosu//

"Bank BTB-nin Ramiz Mehdiyevə aid olduğu çoxdan bilinirdi. O isə dünən deyib ki, mənim deyil, oğlumundur. Oğlu (Söhbət fövqəladə hallar nazirinin müavini, general-mayor Teymur Mehdiyevdən gedir - V.B.) isə general, nazir müavini və məmurdur. Sonra da düzəliş edib ki, bankı oğlu idarə edir, amma həyat yoldaşının adına rəsmiləşdirilib". Bunu Respublikaçı Alternativ Partiyasının (REAL) icra katibi, politoloq Natiq Cəfərli qeyd edib.

REAL-ın icra katibi hesab edir ki, məntiqlə məmurların bizneslə məşğul olmaq qadağasına görə, Ramiz Mehdiyevin oğlu ya işdən çıxarılmalı, ya da biznesdən getməlidir: "Amma olmayacaq, bu ölkədə məntiq yoxdur. Ramiz Mehdiyev də sanki açıq danışıb meydan oxuyur ki, hamınızın obyektləri, biznesi var da, elə gözünüz məni görüb?! Çox maraqlıdır ki, uzun zamandır susqun qalan Ramiz Mehdiyev Rusiyadan yüksək rütbəli məmur ölkəmizə səfər edən, rus gəmisi Bakı limanına gələn gün danışıb. Yəni, mən hələ də buralardayam ha..." //hurrriyet.az//