"Bank BTB-nin Ramiz Mehdiyevə aid olduğu çoxdan bilinirdi. O isə dünən deyib ki, mənim deyil, oğlumundur. Oğlu (Söhbət fövqəladə hallar nazirinin müavini, general-mayor Teymur Mehdiyevdən gedir - V.B.) isə general, nazir müavini və məmurdur. Sonra da düzəliş edib ki, bankı oğlu idarə edir, amma həyat yoldaşının adına rəsmiləşdirilib". Bunu Respublikaçı Alternativ Partiyasının (REAL) icra katibi, politoloq Natiq Cəfərli qeyd edib.

REAL-ın icra katibi hesab edir ki, məntiqlə məmurların bizneslə məşğul olmaq qadağasına görə, Ramiz Mehdiyevin oğlu ya işdən çıxarılmalı, ya da biznesdən getməlidir: "Amma olmayacaq, bu ölkədə məntiq yoxdur. Ramiz Mehdiyev də sanki açıq danışıb meydan oxuyur ki, hamınızın obyektləri, biznesi var da, elə gözünüz məni görüb?! Çox maraqlıdır ki, uzun zamandır susqun qalan Ramiz Mehdiyev Rusiyadan yüksək rütbəli məmur ölkəmizə səfər edən, rus gəmisi Bakı limanına gələn gün danışıb. Yəni, mən hələ də buralardayam ha..." //hurrriyet.az//

Ağsu rayonunun Bico kəndindən olan qazi Vurğun Sayılov rayon rəhbərliyindən narazıdır.

DİA.AZ xəbər verir, o, bu barədə Bakupost.az-a müraciətində bildirib.
Vurğun Sayılov deyir ki, 2009-2011-ci illərdə hərbi xidmətdə olub. 2012-ci ildə isə müddətdən artıq xidmət hərbi xidmətçisi (MAXHX) kimi yenidən ordu sıralarına qoşulub. 2020-cı ilin iyulunda Tovuz döyüşlərində fəal iştirak edən qazimiz 44 günlük Vətən müharibəsinə də qatılaraq, ön cəbhədə xüsusi fədakarlıqlar göstərib. Belə ki, Vurğun Hadrut və Şuşanın azad edilməsində birincilər sırasında olub. Hətta Şuşa uğrunda gedən qanlı döyüşlərdə sağ ayağından ağır yaralanıb:
“Müalicə olunandan sonra yenidən xidmətimə davam etdim. 2023-cü ilin 19 sentyabrında başlayan lokal antiterror tədbirləri zamanı da ön sıralarda döyüşdüm. Xankəndi yaxınlığında düşmən ağ bayraq qaldırdıqdan bir müddət sonra pilotsuz uçuş aparatından atılan bombanın partlaması nəticəsində bu dəfə sol ayağımdan ağır yaralandım”.
Qazimiz deyir ki, yaralanandan sonra bir müddət Mərkəzi Hərbi Hospitalda müalicə alıb. Daha sonra isə həkimlər ona bir ay müddətində ev şəraitində müalicə olunmağı məsələhət biliblər. Qazimiz hazırda yeriyə bilmir. Belə ki, ayağı İlizarov aparatına qoşulub. Hazırda yataq şəraitində müalicəsini davam etdirən Vurğun bir aydan sonra hospitala, tam sağalandan sonra isə yenidən Ermənistan sərhədinə yaxın ərazidə yerləşən xidmət etdiyi hərbi hissəyə dönəcəyini bildirir.
Onun sözlərinə görə, Qarabağ uğrunda döyüşlərdə iki dəfə ağır yaralansa da, nə ərazi icra nümayəndəliyi, nə Ağsu Rayon İcra Hakimiyyəti, nə də Hərbi Xidmətə Çağırış üzrə Dövlət Xidmətinin Ağsu rayon şöbəsindən indiyədək bir dəfə də olsun, onunla maraqlanmaybılar. İndiyədək kənd camaatı və qohumlarından başqa yerli məmurlardan heç kim onu yoxlamayıb. Məmur biganəliyindən gileylənən Vurğun Sayılov kənddə yaşadığı evin həyətində şəraitsizlikdən iki dəfə yıxılıb və millərlə bağlanmış ayağının üzərinə düşüb.
Qazimiz dolanışığının çətin olduğunu, maddi problemlərinin yarandığını da bildirib.
Məsələ ilə bağlı Ağsu Rayon İcra Hakimiyyəti ilə əlaqə saxladıq. Zəngimizi İctimaiyyətlə əlaqələr şöbəsinə yönləndirsələr də cavab verən olmadı.
Ümid edirik ki, bu yazıdan sonra Ağsu Rayon İcra Hakimiyyəti və digər əlaqədar qurumların rəhbərləri Vurğun Sayılovla maraqlanacaq, onun məişət problemlərinin həllinə yardım edəcəklər.

Bakı şəhəri, Xətai rayonu, Gəncə prospekti 29, 35 A ünvanında yaşayan Əkbərov Zaur Məqsud oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, yaşadığı binanın komendatına 800 manat vermədiyi üçün evinə buraxılmır:

"Mən, Əkbərov Zaur Məqsud oğlu, yazaraq sizdən xahiş edirəm ki, problemimi işıqlandırasınız.

Bakı şəhəri, Xətai rayonu, Gəncə prospektində 2006-cı ilin mart ayının 17-də aldığım yeni tikilmiş binanın 1-ci blok, 8-ci mərtəbəsində, mənə məxsus olan evimə buraxılmıram. Səbəb də odur ki, mən o binanı alanda binanın lahiyəsində 2 lift görülsə də, piyadalar üçün lifti quraşdırmışdılar, amma yük üçün lift yox idi. Binanın hal-hazırda komendantı olan Qocayev Ayxan yük liftinin quraşdırıb və hər sakindən 800 man pul tələb edir. Pulu ödəməyən piyadaları da həmin liftdən istifadə etməyə qoymur.

Mən öz evimə gedə bilmirəm. Hər ay “komendant pulun”u ödəyirəm, buna baxmayaraq Ayxanın tələb etdiyi 800 manatı ödəməmişəm deyə başıma bu oyun açılır. Bu komendant özbaşınalıq edir, lazımi yerlər görsün və tədbir görsünlər".

Məsələ ilə bağlı binanın komendantı Ayxan Qocayevlə də əlaqə saxladıq. O bildirdi ki, binanı ilk tikən şəxs dələduzluq maddəsi ilə tutulub, sonradan vəfat edib: “İkinci bir şəxs gəldi, o da eyni qayda ilə binanı yarımcıq qoyub, dələduzluq maddəsi ilə tutuldu, bir müddət sonra isə vəfat etdi. Mən özüm də həmin binanın sakiniyəm. Bina sahibsiz qaldı. Binanın damı, lifti, işığı, qazı, suyu yox idi. Fövqalədə Hallar Nazirliyinə borcu 16 min manatdan artıq idi.

Həmin vaxt binada 10-15 ailə yaşayırdı. Bina 2016-cı ildə satılmışdı, o vaxtlar hər kvadrat metri 200 manat olub. Sonradan aydın oldu ki, bir mənzili 5 nəfərə satıblar. Nəticədə, bina məhkəməlik oldu. İşin bu qədər çətinliyini görüb, bina sakinləri olaraq ağsaqqallar, sözü keçənlər yığılıb özümüz üçün şərait yaratmağı qərara aldıq. Əvvəlcə 1 lift aldıq, bir müddət sonra digərini. Daah sonra binanın qazını, suyunu, işığını çəkdirməklə, səhmana salmağa başladıq. Hər dəfə də iclasda iştirak etməyənlərə zəng vurur, yaxud da xəbərdarlıq edirdik ki, pul yığılır, qatılsınlar.

Zaur Əkbərovun anası Zəhra xanım iclasda olub, amma heç vaxt pul verməyiblər. İndi də sakinlər onların kirayəçilərinə liftdən istifadə etməyə icazə vermir, onlar da havayıdan istifadə etmək istəyirlər. Binada bir çox işlər təmənnasız edilib. Burda mənlik heç nə yoxdur. Pul verənlərə səbəb bina tam səliqəyə salınıb. Pul verməyənlər də kiminsə haqqına girmək istəyirlər. Şəxs, sahibkar getsin sakinlərlə problemini həll etsin, pul verən sakinlər pul verməyənlərə liftin açarının verilməsini istəmirlər.

Zaur Əkbərov istəyir ki, bir qəpik vermədən onun kirayəçiləri və özü liftdən istifadə etsin.

O ki qaldı 800 manata, liftin qiyməti ilə maraqlansaz, hər şey sizə aydın olar. Pulu verən şəxslərin heç birinin şikayəti yoxdur. Çünki öz rahatlıqları üçün bu işi görüblər.

2019-cu ilin fevral ayında cənab Prezident yarımcıq binaların itismara qəbul olunması ilə bağlı qərar qəbul etdi. Fərmandan sonra binada bir çox işlər görülüb. Zaur Əkbərovun səsləndirdiyi fikirlər əsassızdır, buyursun kim istəyir yoxlanış keçirib hər şeyi aydınlaşdıra bilərlər”.

Bu yaxınlarda yerli mediada Azərbaycanın Xalq artistlərindən birinin gəlinin səhhətində ciddi problem yaranması barədə məlumat yayılmışdı.

DİA.AZ bildirir ki, hadisə ilə bağlı Qaynarinfo-ya maraqlı informasiya daxil olub.

Məlumata görə, etik səbəblərdən adını açıqlamadığımız xəstə "Laser Beauty” Klinikasının (LB Clinik) "Neapol” filialında estetik əməliyyat olunaraq evə buraxıldıqdan sonra - gecə saatlarında səhhəti qəfil pisləşib və komaya düşüb. Yaxınları xəstəni təcili Mərkəzi Gömrük Hospitalına aparıblar. Xəstə sözügedən hospitalda 10 gün koma vəziyyətində qalıb. Şükür ki, xəstə Gömrük Hospitalının həkimləri tərəfindən xilas oluna bilib.

Amma məlumatda diqqət çəkən məqam odur ki, xəstənin ilkin əməliyyat olunduğu "Laser Beauty" Klinikasının "Neapol” filialının estetik əməliyyatların aparılması üçün uyğun lisenziyaya malik olmadığı bildirilir.

Maraqlıdır ki, Səhiyyə Nazirliyi də bu məlumatı təsdiq edib. Nazirlikdən Qaynarinfo-ya verilən açıqlamaya görə, "Neapol” filialına yalnız ambulator cərrahiyyə əməliyyatlarının aparılması üçün lisenziya verilib:

"Klinikada ancaq kiçik cərrahi, o cümlədən estetik müdaxilələrə icazə verilir. Amma böyük plastik cərrahiyyə və yaxud ümumi cərrahiyyə işləri görülə, estetik əməliyyatlar da oluna bilməz. Bir də ki, baxır əməliyyatın növünə. Hansısa yüngül işlər görülə bilər, amma məsələn, burun əməliyyatı, üzdə müəyyən dəyişikliklər və s. bunlar oluna bilməz. Bunların hər biri stasionar xidmət tələb edir, filialda isə ancaq ambulator cərrahiyyə var".

"Laser Beauty Klinikası”nın "Neapol” filialının baş həkimi Natəvan Əmirova Qaynarinfo-ya açıqlamasında xalq artistinin gəlini ilə bağlı məlumatı təsdiqləməyib. Lisenziya ilə bağlı sualın cavabında isə deyib ki, rəhbərlik etdiyi filialın ümumi tibb fəaliyyət göstərməsinə lisenziyası var. Onun iddiasına görə, lisenziyanın əlavəsində cərrahiyyə əməliyyatları aparılmasına icazə var:

"Bu məlumatlar Səhiyyə Nazirliyinin saytında da var və onu rahat şəkildə əldə etmək mümkündür. "Laser Beauty" Klinikasının "Neapol” filialının cərrahi əməliyyat etmək üçün hüququ və tam olaraq bunun üçün bütün şəraiti var. Lisenziya verilməzdən öncə Səhiyyə Nazirliyinin əməkdaşları bizim klinikada olublar, yoxlama aparıblar və ondan sonra klinikaya lisenziya verilib. Bununla yanaşı lisenziyanın əlavəsi də alınıb. Lisenziyanın əlavəsində də qeyd edilib ki, cərrahi xidmətlər göstərmək üçün bizim hər bir şəraitimiz var".

Səhiyyə Nazirliyinin açıqlamasını Natəvan Əmirovanın diqqətinə çatdırdıqda isə baş həkim bildirib ki, cərrahi əməliyyat növləri heç bir lisenziyanın əlavəsində göstərilmir:

"Sadəcə, cərrahiyyə xidməti yazılır. Nazirlər Kabinetinin qərarı var. Həmin qərarın hazırlanmasında şəxsən özüm iştirak etmişəm. Ya icazən var, ya da yoxdur, vəssalam. Hansı əməliyyatlar aparıla biləcəyi barədə qeyd isə nə "Sağlamlığın qorunması haqqında” Qanunda, nə Nazirlər Kabinetinin hər hansı qərarında, nə də Səhiyyə Nazirliyinin əmrində var”.

Göründüyü kimi, tənzimləyici qurum olan Səhiyyə Nazirliyi adıçəkilən klinikanın uyğun lisenziyaya malik olmadığını deyir, klinika isə bunun əksini iddia edir. Mövzunu diqqətdə saxlayacağıq.

Qeyd edək ki, "Laser Beauty Clinic"-in Bakı şəhərində 5 filialı mövcuddur. Klinika şəbəkəsinin direktoru Rəna Soltanovadır.

Prezident İlham Əliyev "Bir sıra birinci instansiya məhkəmələri hakimlərinin təyin edilməsi və bəzi birinci instansiya məhkəmələri hakimlərinin vəzifələrinin dəyişdirilməsi haqqında" Sərəncam imzalayıb.

Sərəncamla “Məhkəmələr və hakimlər haqqında” qanuna uyğun olaraq, hakim vəzifəsinə aşağıdakı namizədlər birinci instansiya məhkəmələrinin hakimləri təyin ediliblər:

Lənkəran Ağır Cinayətlər Məhkəməsi

Məmmədova Esmira Qərib qızı

Şəki Ağır Cinayətlər Məhkəməsi

Əfəndizadə Tural Qurbanəli oğlu

Naxçıvan Muxtar Respublikasının İnzibati Məhkəməsi

Əliyev Tural Yusif oğlu

Gəncə İnzibati Məhkəməsi

Əliyeva Leyla Kamil qızı

Sumqayıt İnzibati Məhkəməsi

Həbibova Könül Əbülfəz qızı

Şirvan İnzibati Məhkəməsi

Qurbanova Pərvanə Tahir qızı

Gəncə Kommersiya Məhkəməsi

Qələndərzadə Ramiq Ramis oğlu

Sumqayıt Kommersiya Məhkəməsi

Həmidli Fərman Fəzail oğlu

Gəncə Hərbi Məhkəməsi

Bəşirov Cəmil İsmayıl oğlu

Quliyev Tariyel Şirindil oğlu

Bakı şəhəri Binəqədi Rayon Məhkəməsi

Məmmədov Pərviz Şahin oğlu

Bakı şəhəri Nəsimi Rayon Məhkəməsi

Musayeva Vüsalə Vahid qızı

Bakı şəhəri Nizami Rayon Məhkəməsi

Əliyeva Starə Vidadil qızı

Bakı şəhəri Suraxanı Rayon Məhkəməsi

Muradov Pərviz Namiq oğlu

Rzayeva Fəridə İslam qızı

Abşeron Rayon Məhkəməsi

Qasımov Abusət Sahib oğlu

Mirhəsənli Mirnəsir Mirfazil oğlu

Ağdaş Rayon Məhkəməsi

Mürsəlova Aygün Mayıl qızı

Füzuli Rayon Məhkəməsi

İsmayılov Elmir Akif oğlu

Gəncə Şəhər Məhkəməsi

Xanməmmədova Liza Əliəşrəf qızı

Göyçay Rayon Məhkəməsi

Qurbanova Gülnaz İntiqam qızı

Hacıqabul Rayon Məhkəməsi

Bayramov Orxan Telman oğlu

Xaçmaz Rayon Məhkəməsi

Abiyeva Nərmin Mirhəsən qızı

Əliyeva Aynur Məhəmməd qızı

Mingəçevir Şəhər Məhkəməsi

Quliyeva Güləndam Gündüz qızı

Salyan Rayon Məhkəməsi

Əliyeva Vəsilə Əlövsət qızı

Sumqayıt Şəhər Məhkəməsi

İsmayılov Samir Bəyistan oğlu

Şirəliyeva Vəfa Zavrulla qızı

Şabran Rayon Məhkəməsi

Mirzəfərova Könül Murtuz qızı

Şəki Rayon Məhkəməsi

Musayev Kamran İbrahim oğlu

Şirvan Şəhər Məhkəməsi

Məmmədli Aydan Zakir qızı

Ucar Rayon Məhkəməsi

Bədəlov Xəyal Natiq oğlu.

2. “Məhkəmələr və hakimlər haqqında” Azərbaycan Respublikası Qanununun 94-cü maddəsinə və 97-ci maddəsinin ikinci hissəsinə uyğun olaraq aşağıdakı hakimlərin vəzifələri dəyişdirilsin:

Aytən Heydər qızı Əliyeva Bakı Kommersiya Məhkəməsinin hakimi vəzifəsindən azad edilərək Bakı Ağır Cinayətlər Məhkəməsinin hakimi təyin edilsin;

Kamran Nüsrət oğlu Muxtarov Gəncə Hərbi Məhkəməsinin hakimi vəzifəsindən azad edilərək Bakı Ağır Cinayətlər Məhkəməsinin hakimi təyin edilsin;

Elnur Aləm oğlu Nuriyev Bakı şəhəri Suraxanı Rayon Məhkəməsinin hakimi vəzifəsindən azad edilərək Bakı Ağır Cinayətlər Məhkəməsinin hakimi təyin edilsin;

Anar Böyükkişi oğlu Sadıqov Xaçmaz Rayon Məhkəməsinin hakimi vəzifəsindən azad edilərək Bakı Ağır Cinayətlər Məhkəməsinin hakimi təyin edilsin;

Azər Heydər oğlu Tağıyev Bakı şəhəri Nəsimi Rayon Məhkəməsinin hakimi vəzifəsindən azad edilərək Bakı Ağır Cinayətlər Məhkəməsinin hakimi təyin edilsin;

Nurəddin Nizami oğlu Hüseynli Gəncə Hərbi Məhkəməsinin hakimi vəzifəsindən azad edilərək Sumqayıt Ağır Cinayətlər Məhkəməsinin hakimi təyin edilsin;

Elçin Qüdrət oğlu Məmmədov Sumqayıt Şəhər Məhkəməsinin hakimi vəzifəsindən azad edilərək Sumqayıt Ağır Cinayətlər Məhkəməsinin hakimi təyin edilsin;

Nahid Namiq oğlu Mirzəyev Şəki Ağır Cinayətlər Məhkəməsinin hakimi vəzifəsindən azad edilərək Sumqayıt Ağır Cinayətlər Məhkəməsinin hakimi təyin edilsin;

Kənan Zakir oğlu Hüseynov Gəncə Şəhər Məhkəməsinin hakimi vəzifəsindən azad edilərək Bakı Kommersiya Məhkəməsinin hakimi təyin edilsin;

Fikrət Hüseyn oğlu Əliyev Sumqayıt Şəhər Məhkəməsinin hakimi vəzifəsindən azad edilərək Bakı Hərbi Məhkəməsinin hakimi təyin edilsin.

3. Bu Sərəncam imzalandığı gündən qüvvəyə minir.

2023-cü ilin yanvar-sentyabr aylarında istehlak qiymətləri indeksi 2022-ci ilin yanvar-sentyabr aylarına nisbətən 110,9 faiz, o cümlədən ərzaq məhsulları, içkilər və tütün məmulatları üzrə 112,4 faiz, qeyri-ərzaq məhsulları üzrə 110,1 faiz, əhaliyə göstərilmiş ödənişli xidmətlər üzrə 109,6 faiz təşkil edib.

Dövlət Statistika Komitəsindən "Unikal"a verilən məlumata görə, 2023-cü ilin sentyabr ayında istehlak qiymətləri indeksi əvvəlki aya nisbətən 100,3 faiz, əvvəlki ilin sentyabr ayına nisbətən 105,1 faiz təşkil edib.

2023-cü ilin sentyabr ayında ərzaq məhsulları, içkilər və tütün məmulatları üzrə istehlak qiymətləri indeksi əvvəlki aya nisbətən 100,6 faiz, əvvəlki ilin sentyabr ayına nisbətən 104,5 faiz olub.

Bildirilib ki, cari ilin sentyabr ayında əvvəlki aya nisbətən ayrı-ayrı ərzaq məhsullarından daha çox bahalaşma mal və qoyun ətinin, təzə balığın, yumurtanın, bananın, gavalının, şaftalının, pomidorun, xiyarın, göy lobyanın, bibərin, badımсanın, yerkökünün, çuğundurun, kartofun, sarımsağın, tütün məmulatlarının, ucuzlaşma isə əsasən qarabaşaq yarmasının, unun, makaron məmulatlarının, toyuq ətinin, yoqurtun, kərə və bitki yağlarının, almanın, kələmin, balqabağın, soğanın, şəkər tozunun, konfetlərin, çayın, limonadın, arağın qiymətlərində müşahidə olunub.

Digər ərzaq məhsullarının qiymətlərində ciddi dəyişikliklər baş verməyib.

2023-cü ilin sentyabr ayında qeyri-ərzaq məhsulları üzrə istehlak qiymətləri indeksi əvvəlki aya nisbətən 100,1 faiz, əvvəlki ilin sentyabr ayına nisbətən 105,9 faiz təşkil edib.

Sentyabr ayında əvvəlki ayla müqayisədə qeyri-ərzaq məhsullarından bahalaşma əsasən sementin, kəsilmiş taxtaların, ucuzlaşma isə sintetik yuyuсu vasitələrin və yazı kağızlarının qiymətlərində müşahidə olunub.

Digər qeyri-ərzaq məhsullarının qiymətlərində ciddi dəyişikliklər baş verməyib. 2023-cü ilin sentyabr ayında əhaliyə göstərilmiş ödənişli xidmətlər üzrə istehlak qiymətləri indeksi əvvəlki aya nisbətən 100,0 faiz, əvvəlki ilin sentyabr ayına nisbətən 105,4 faiz təşkil edib.

Prezident İlham Əliyev Azərbaycanla Özbəkistan arasında imzalanan sənədi təsdiqləyib.

Bu barədə Prezidentin Mətbuat Xidməti məlumat yayıb.

“Azəriqaz” İstehsalat Birliyinin (İB ) əməkdaşı Nağı Allahverdi Əli oğlu tərəfindən Hurriyyet.az saytının redaksiyasına şikayət məktubu daxil olub. Saytımız vasitəsilə Prezident İlham Əliyevə müraciət edən şikayətçinin məktubunu olduğu kimi dərc edirik:

“Cənab Prezident!

“Azəriqaz” İstehsalat Birliyinə təyin etdiyiniz Baş direktor Əliyev Ruslan həzrətləri Bakı Regional Qaz İstismar Departamentinə (BRQİD) Aşurov Azər adlı bir şəxsi rəis müavini vəzifəsinə gətirib. Həmən Aşurov vaxtilə Neft Daşlarında çalışanda yaşlı xanım işçilərə cinsi təcavüz etdiyinə görə, onu “Qaz İxrac”a, ordan da Ruslanın əmr və xeyir duası ilə BRQİD-ə rəis müavini gətiriblər.

Həmin igid də gələn kimi, Qaz Paylama Məntəqələrinə gedib və ordan işçilərin xidməti otağından televizorların yığılmasına qərar verib. Ruslan buna deməyib ki, ay Aşurov, işçilər televizorda dövlət kanalı olan AZ TV kanalı vasitəsi ilə ölkəmizin inkişaf və tərəqqidən xəbədarlığını, möhtərəm Prezidentin çıxışlarını dinləyirlər. Bunun qarşısını almaq nə deməkdir?

Bu əmələ görə cavabdeh olan şəxslər çinayət məsuliyyətinə cəlb olunmalıdır. Təcili ictimai-siyasi proseslərin bu qədər qaynar keçən bir vaxtında strateji obyektdə, mədənlərin içində izolə edilmiş işçiləri AZ TV-siz qoymaq nə deməkdir ?

Cənab Prezident!

Mən Suraxanı Texniki İstismar Xidmətinin (TİX ) Suraxanı Qaz Paylama Məntəqəsində ( QPM ) çalışıb, istilik sisteminin olmamasından əziyyət cəkib, xəstəlik tapmışam.

Əliyev Ruslan və Aşurov Azər işçiləri AZ TV-dən məhrum edib, onlara Prezidentin çıxışlarını dinləmək qadağasını qoymaqdansa, oranın istilik sistemini düzəltdirib, digər operatorların xəstəliyə tutulmasının qarşısını ala bilərlər. Televizoru yığmaqdansa dövlət hesabına oranı soyuducu və kondisionerlə təmin etsinlər. Operatorlar üçün internet çəkdirib onları telefonla təmin etsin, özündən sonra iz qoysun. Yoxsa AZTV-ni izləmək kimi qadağa qoymaq olmaz. Və yaxud da nə etmək istədiyini açıq desin.

Sizdən xahiş edirəm, yaxın vaxtlarda bu insan barəsində tədbir görülsün”.

Redaksiyadan: Yazıda adları çəkilən şəxslərin mövqeyini dərc etməyə hazırıq.

Şəki-Zaqatala Regional Təhsil İdarəsi məktəblərdə sinifləri komplektləşdirir. Bu komplektləşdirmə 1-ci və 2-ci siniflərin birləşdirilib, eyni sinifdə dərs keçməsi ilə həyata keçirilir.

DİA.AZ bildirir ki, bu barədə Gununsesi.info-ya Oğuz rayon Calut kənd orta məktəbinin müəllim və valideynləri məlumat veriblər.

Şikayətçilər bildiriblər ki, bu iş regional təhsil idarəsində müavin işləyən Bəhruz Nəbilinin rəhbərliyi ilə tətbiq edilir.

Müraciət edənlər qeyd edir ki, 1 və 2-ci siniflərdə cəmi 19 şagird var. Bu komlektləşdirilmədən narazı qalan valideynlər Elm və Təhsil Nazirliyinin “Qaynar xətt”inə zəng ediblər. Nazirlik məsələnin rayon sektorunda həll edilməsini məsləhət görüb.

Övladları kənd orta məktəbinin 1-ci və 2-ci sinfində oxuyan valideynlər rayon sektorunun qəbulunda olublar. Burada da məsələnin həllinin onların səlahiyyətləri çərçivəsində olmadığını bildiriblər.

Müraciət edən müəllimlər təhsillə bağlı başqa problemlərdən də narazıdırlar. “Regional Təhsil İdarəsi vaxtı bitən direktorları işdən azad eləmir. Vakant yazılan yerlərə müqaviləli müəllimləri işə götürür, imtahandan keçən müəllimi müsahibə mərhələsində kəsir. Yoldaşımı 2 dəfə direktorluğun, 3 dəfə də müavinliyin müsahibə mərhələsindən kəsiblər”, – deyə şikayət edənlərdən biri bildirib.

Mövzuda adı çəkilən şəxslərin və qurumların da mövqeyini dərc etməyə hazır olduğumuzu bildiririk.