Qəzzada 2500-dən çox ev dağıdılıb və ya o dərəcədə zədələnib ki, yaşayış üçün yararsız hala düşüb.

Bu barədə BMT baş katibinin rəsmi nümayəndəsi Stefan Düjarrik deyib.

“Qəzzada 2500-dən çox ev dağıdılıb və ya ciddi şəkildə zədələnib, yaşayış üçün yararsız hala düşüb. 23 minə yaxın digər ev isə orta və ya kiçik ziyana məruz qalıb”, - deyə o bildirib.

Düjarrik həmçinin qeyd edib ki, ən azı 88 təhsil müəssisəsi bombardmana məruz qalıb.

Maliyyə Nazirliyinin məlumatına əsasən, 2023-cü ilin yanvar-sentyabr aylarında (9 ayda) dövlət büdcəsinə 22 milyard 77 milyon manat vəsait daxil olub.

Dövlət Statistika Komitəsinin aylıq hesabatına görə, büdcədən 23 milyard 214,5 milyon manat vəsait xərclənib. Büdcənin icrasında 1 milyard 137,5 milyon manatlıq kəsir yaranıb. Xatırladaq ki, 2023-cü ilin yanvar-avqust aylarında (8 ayda) dövlət büdcəsinə 20 milyard 431,2 milyon manat vəsait daxil olub, büdcədən 20 milyard 649,7 milyon manat vəsait xərclənib və büdcənin icrasında 218,5 milyon manatlıq kəsir yaranmışdı.

Qeyd edək ki, dövlət büdcəsində kəsrin yaranması birmənalı qarşılanmayıb. Belə ki, həmin kəsirin büdcə üçün təhlükəli vəziyyət yaratması ilə bağlı da fikirlər öz əksini tapır.

Bəs reallıqda yaranmış vəziyyət dövlət büdcəsi üçün nə dərəcədə təhlükəlidir? İqtisadçı-ekspert Əkrəm Həsənov Cebhe.info-ya bildirib ki,ümumilikdə götürdükdə büdcə kəsiri problemdir:

“Məsələn, bizim illik gəlirimizlə xərclərimiz arasında xərcin xeyrinə fərq varsa, bu, problemdir. Yəni daha çox xərcləmişik, nəinki qazanmışıq. Sadəcə nəzərə alaq ki, dövlətin gəliri yalnız büdcə deyil, Dövlət Neft Fondu da var. DNF-nun gəliri ondan çoxdur. O demək deyil ki, dövlətin vəsaiti qurtardı. Məsələni sadə dildə izah etsək, məsələn, 4 nəfərdən ibarət ailədə ər-arvad çalışırlar və illik əmək haqqı, gəlirləri 50 min təşkil edir.

Ancaq onların bankda 100 min əmanətləri var. Onlar başqa bir evlərini də icarəyə veriblər. Həmin icarədən və əmanətdən də onlara 20 min manat vəsait gəlir. Onların hansısa ildə illik xərci 60 min manat təşkil edib, ancaq gəliri 50 min manatdır. Bu, təbii ki, problemdir. Ancaq onlar üçün faciə deyil. Çünki onların əlavə gəlirləri də var”.

Ekspert deyib ki, eyni məsələ dövlət büdcəsində də özünü göstərir:

“Bu da o deməkdir ki, ya dövlət büdcəsi DNF-dən vəsait götürməlidir, ya da borc almalıdır. Hesab etmirəm ki, Azərbaycan büdcəsi üçün 1 milyard manatdan çox olan kəsir ciddi problemdir. Yəqin ki, hökumət bunun necə olması ilə bağlı hesabat verər. Böyük ehtimalla bu, gözlənilməz xərclər, sosial sahə, işğaldan azad olunmuş ərazilərlə bağlı olan xərclər olub.

Bu xərclərə ehtiyac var və dövlət bu xərcləri çəkməlidir. Ancaq hamı üçün ən yaxşı olan odur ki, dövlət borca girməsin. Hansısa başqa ölkə, məsələn, Türkiyədə belə bir məsələ olsa, problemdir. Çünki onun neft gəlirləri, neft fondu yoxdur. Onun xərci gəlirindən çox olursa, borca girməli, kredit götürməlidir. Ancaq bizdə belə bir problem yoxdur”.

"Mənə deyəndə ki, qardaşına və yaxud övladına özün kimi qız alardın, cavab verirəm, xeyr. Mən almazdımsa, ailə və valideynləri də qınamaq olmur".

Bu sözləri aktrisa Pərvin Abıyeva Baku TV-də yayımlanan "Qapqara" verilişində danışarkən deyib:

"Nələr görmüşəm, nələr yaşamışam, nələr eşitmişəm... Haqqımda bu qədər xəbərlər çıxır, yalan-doğru, fərqi yoxdur. İstər-istəməz ata da, ana da baxır. Düşünür ki, sabah onu gəlin edəndə qohum-əqrəba mənə nə deyəcək. Özünü də düşünmür, "nə deyəcəklər" söhbəti var". //Teleqraf.com//

Son zamanlar Bakı metrosunda sıxlıq daha da artıb.

Bunun bir səbəbi tədris ilinin başlaması və yay tətilinin bitməsi ilə əlaqədardırsa, digər səbəbi avtobusların mənzil başına vaxtında catmamasıdır. Həm də bu səbəbdən sərnişinlər metroya axın edirlər. Belə olan halda gur saatlarda metroda və avtobuslarda sıxlıq müşahidə olunur. İşçilər işə, tələbələr dərsə gecikir, ancaq problemlər həll olunmur. Bakıda yenə tıxaclar baş alıb gedir, ictimai nəqliyyat problemi hər kəsin gündəlik həyatını çətinləşdirir.

Cebhe.info-ya açıqlamasında nəqliyyat məsələləri üzrə ekspert Eldəniz Cəfərov bildirib ki, sıxlığın əsas səbəbi Bakıda əhali sayının artmasıdır:

“Əhali sayı artdıqca sıxlıq yaranır. Bu zaman da içtimai nəqliyyatın öhdəsinə böyük yük düşür. Təəssuf ki, şəhərdə ictimai nəqliyyat avobus və metrodan ibarətdir, çoxşaxəli deyil. Düşünürəm ki, metroya yeni qatarların gətirilməsinə ehtiyac var. Həmcinin, ictimai nəqliyyatın avtobus seqmentində marşruta buraxılan avtobus sayını artırmaq lazımdır.

Artıq neçə ildir, özəl daşıycılar haqqında tələb qoyulur ki, marşruta buraxılan avtobusların sayı artırılsın. Həmçinin bu avtobuslar müasir tələblərə cavab versin. Lakin illər ötür, bu tələblər yerinə yetirlmir”.

Ekspert xatırladıb ki, avtobus şirkətlərinin tələbi ilə gediş haqqı artırılıb:

“Qiymət qalxıb, amma avtobuslarda vəziyyət düzəlmir”.

Ekspert əlavə edibi ki, əsas problem içtimai nəqliyyatın çatışmazlığı, nəqliyyatın düzgün tənzimlənməməsidir:

“İctimai nəqliyyatın şaxələnməsinə, yeni nəqliyyat sisteminin yaradılmasına ehtiyac var. Bunlardan biri tramvay ola bilər. İstər sadə, istər sürətli tramvay xətlərinin çəkilməsinə ehtiyac var. Bu tramvay xətləri sadəcə dekorasiya naminə, yəni turistlərin fonunda şəkil çəkdirməsi üçün deyil. Rentabelli və keyfiyyətli sərnişindaşıma həyata keçirə bilən tramvay xətləri olmalıdır”.

Vətən müharibəsi iştirakçısı Asim Zülfüqarov vəfat edib.

Bu barədə sosial şəbəkələrdə məlumat yayılıb.

O, bu gün dünyasını dəyişib.
A.Zülfüqarov xərçəng xəstəliyindən əziyyət çəkib.

O, doğulduğu Siyəzən rayonunda dəfn olunub.

QHT sekorundakı neqativlərlə bağlı İFŞA PROSESİ davam edir. DİA.AZ bildirir ki, bu dəfə Esmira Orucova adlı hüquq müdafiəçisi ilginc iddialarda bulunub. E.Orucova yazır:

"QHT Agentliyinin həqiqətən də başlı-başına, nəzarətsiz olduğunu bir daha xatırlatmaq istəyirəm. Layihə menecerlərinin işlərinə belə nəzarət edən yoxdur.
Agentlik rəhbərliyinin başı o qədər lazımsız işlərə qarışıb ki, əsas işlər qalıb kənarda.
Sizə sədrinə çox hörmət etdiyim bir QHT-nin layihəsində əks olunmuş Agentliyin loqosunu təqdim edəcəyəm.
QHT sədri məndən inciməsin, bəlkə də Agentlikdən loqonu ona bu vəziyyətdə göndəriblər.
İş əsnasında səhv də edə bilərik. Bəs, Agentliyin əməkdaşları hara baxırlar?
Günah Agentlikdəkilərdədir.
QHT Agentliyinin işi də bu bannerdə özlərinin logosu kimidir. Hər şey tərsinə gedir.
Aylardır QHT banner hazırlayıb və mediada da məlumat işıqlandırıb. Amma nəzarətsizlikdən bir nəfər də olsun o boyda Agentlikdə baxmır ki, niyə bizim logo kəllə mayallıqdır.
Vallahi ki, Agentliyin işi Allaha qalıb.
Agentlikdə dövlətin bu qədər vəsaiti göyə sovrulur, heç Agentliyə nəzarət edənlər də nə dinir, nə də danışırlar.
Görəsən, hansı maraqlardan dövlət büdcəsinin səmərəsiz xərclənməsinə göz yumurlar?
Adi bir element göstərir ki QHT Agentliyində ciddi nəzarətsizlik, özbaşınalıq baş alıb, gedir.
P.S. QHT sədrindən rica edirəm, məndən inciməsin. Bəs, layihə menecerləri nə üçündür? Bizim səhvlərimizi düzəltmək üçün deyil məgər?"

İddia olunanlarla bağlı dia.az olaraq qarşı tərəfi də dinləməyə hazırıq...

QHT sekorundakı neqativlərlə bağlı İFŞA PROSESİ davam edir. DİA.AZ bildirir ki, bu dəfə Esmira Orucova adlı hüquq müdafiəçisi ilginc iddialarda bulunub. E.Orucova yazır:

"QHT Agentliyinin həqiqətən də başlı-başına, nəzarətsiz olduğunu bir daha xatırlatmaq istəyirəm. Layihə menecerlərinin işlərinə belə nəzarət edən yoxdur.
Agentlik rəhbərliyinin başı o qədər lazımsız işlərə qarışıb ki, əsas işlər qalıb kənarda.
Sizə sədrinə çox hörmət etdiyim bir QHT-nin layihəsində əks olunmuş Agentliyin loqosunu təqdim edəcəyəm.
QHT sədri məndən inciməsin, bəlkə də Agentlikdən loqonu ona bu vəziyyətdə göndəriblər.
İş əsnasında səhv də edə bilərik. Bəs, Agentliyin əməkdaşları hara baxırlar?
Günah Agentlikdəkilərdədir.
QHT Agentliyinin işi də bu bannerdə özlərinin logosu kimidir. Hər şey tərsinə gedir.
Aylardır QHT banner hazırlayıb və mediada da məlumat işıqlandırıb. Amma nəzarətsizlikdən bir nəfər də olsun o boyda Agentlikdə baxmır ki, niyə bizim logo kəllə mayallıqdır.
Vallahi ki, Agentliyin işi Allaha qalıb.
Agentlikdə dövlətin bu qədər vəsaiti göyə sovrulur, heç Agentliyə nəzarət edənlər də nə dinir, nə də danışırlar.
Görəsən, hansı maraqlardan dövlət büdcəsinin səmərəsiz xərclənməsinə göz yumurlar?
Adi bir element göstərir ki QHT Agentliyində ciddi nəzarətsizlik, özbaşınalıq baş alıb, gedir.
P.S. QHT sədrindən rica edirəm, məndən inciməsin. Bəs, layihə menecerləri nə üçündür? Bizim səhvlərimizi düzəltmək üçün deyil məgər?"

İddia olunanlarla bağlı dia.az olaraq qarşı tərəfi də dinləməyə hazırıq...

Xətai rayonunun Əhmədli qəsəbəsində 13 milyon manata torpaq sahəsi satılır.

DİA.AZ Bizim.Media-ya istinadla xəbər verir ki, bu barədə “tap.az” saytında elan yerləşdirilib.

Satışa çıxarılan ərazinin ümumi sahəsi 1 hektar 28 sotdur. Maraqlıdır ki, ərazi vaxtilə uşaq bağçası olub. Hazırda binadan özəl tədris müəssisəsi kimi istifadə edilir.

Digər tərəfdən, Bakı şəhərində məktəbəqədər tərbiyə müəssisələrinin çatışmazlığının olduğu bir vaxtda uşaq bağçalarının özəlləşdirilməsi də suallar doğurur.

Mövzu ilə Xətai Rayon İcra Hakimiyyətinin şöbə müdiri Pənah İmanov sorğumuza cavab olaraq məsələdən məlumatlı olduqlarını və sözügedən ərazinin özəl mülkiyyət olduğunu bildirib.

İcra hakimiyyətinin rəsmisi özəlləşdirmələrin Əmlak Məsələləri üzrə Dövlət Xidmətinin səlahiyyətində olduğunu qeyd edib. Mövzunu davam etdirəcəyik.

Azərbaycan Respublikasının Prezidenti İlham Əliyev MDB Dövlət Başçıları Şurasının iclasında iştirak etmək üçün oktyabrın 12-də Qırğız Respublikasında səfərdədir.

Bişkek şəhərinin “Manas” Beynəlxalq Hava Limanında Prezident İlham Əliyevin şərəfinə fəxri qarovul dəstəsi düzülüb.

Azərbaycan Prezidentini Qırğızıstan Nazirlər Kabinetinin sədri - Prezident Administrasiyasının rəhbəri Akılbek Japarov və digər rəsmi şəxslər qarşılayıblar.

2023-cü ilin 13-15 oktyabr tarixlərində Rusiya Federasiyasının Rostov şəhərində “Avrasiya Kuboku 2023” döyüş sənətləri üzrə Beynəlxalq festival-turnir, habelə sözügedən mötəbər tədbir çərçivəsində koşiki karate-do idman növü üzrə təcrübəli məşqçilərin iştirakı ilə seminar keçiriləcək.

Bu barədə Karate Federasiyası məlumat yayıb.

Bildirilib ki, Azərbaycan Şorinciryu Kenkokan Karate-do Koşiki Karate Federasiyasının komandası da Kata və Kumite növləri üzrə həmin yarışlarda, eləcə də göstərilən seminarda iştirak üçün rəsmi dəvət olunmuşdur. Adıçəkilən turnirdə iştirak etmək və ölkəmizi layiqincə təmsil etmək məqsədilə federasiyamız tərəfindən bir məşqçi və 11 idmançıdan ibarət yığma komanda artıq formalaşdırılmış və yarışa yola salınmışdır.

Qürur hissi ilə qeyd etmək istərdik ki, Azərbaycan Koşiki Karate-do Federasiyasının baş məşqçisi Nazim Mövsümzadə turnir çərçivəsində artıq 13 oktyabr 2023-cü il tarixində Rusiya Koşiki Karate-do Federasiyasının prezidenti Aleksandr Borisoviç Sokovikovla birgə Seminar keçirmiş və veteranlar arasında Kata yarışında iştirak etməsi gözlənilir.
Yığma komandamızın hər idmançısı iki növ üzrə, yəni Kata və Kumite yarışlarında iştirak edəcəkdir. Əsas yarışların 14-15 oktyabr 2023-cü il tarixlərində keçirilməsi nəzərdə tutulmuşdur.

Dövlətlərimiz arasında idman sahəsində mövcud əlaqələrin daha da möhkəmləndirilməsi və inkişafı üçün komandamızın bu kimi turnirlərdə iştirakı çox vacibdir və idmançılarımızın beynəlxalq miqyaslı gələcək yarışlara hazırlıq səviyyəsinin yoxlanılması baxımından mühüm əhəmiyyət kəsb edir.

Fələstin hərəkatının və 2007-ci ilin iyul ayından Qəzza zolağında hökmranlıq edən HƏMAS təşkilatının silahlıları Beeri kibutsunda (İsraildə sosial prinsiplər əsasında qurulmuş kənd təsərrüfatı icması - red.) yəhudi körpələrin başlarını kəsiblər.

Bu yer Qəzza zolağı ilə sərhəddə yerləşir.

Baş verən bu faciəni İsrail Müdafiə Qüvvələrinin rəsmi nümayəndəsi Conatan Konrikus təsdiqləyib.

“Hərbçilər əminliklə deyə bilərlər ki, şənbə günü Beeri kibutsuna hücum edən HƏMAS yaraqlıları körpələrin başını kəsiblər”, - deyə Conatan Konrikus bildirib.
Qeyd edək ki, HƏMAS silahlılarının oxşar hərəkətləri barədə daha əvvəl İsrail hökumətinin nümayəndələri və bu dövlətin hərbi qulluqçuları da danışmışdılar. Lakin İsrail Müdafiə Qüvvələrinin nümayəndələri bəzi KİV-də yayılan bu açıqlamaları təkzib etmişdilər. Baş verən faciənin təfərrüatı, eləcə də bu qəbildən faktlar barədə rəsmi şəxslərdən hər hansı təsdiq gəlməmişdi.

Bununla belə, dünya mediasında da İsrail əsgərlərinin ölkənin cənubunda qadın və uşaqların öldürüldüyü qətliam barədə verdikləri məlumatlar dərc edilmişdi. Həmin məlumatlarda Kfar-Az kibutsunda körpələr də daxil olmaqla 200-dən çox başı kəsilmiş cəsədin aşkar edildiyi iddia olunurdu.

Mənbə: “The Guardian”