Yaponiya Xarici İşlər Nazirliyi Rusiyanın bütün ərazisini 3-cü dərəcəli təhlükəli ərazi (4 mümkün təhlükə səviyyəsindən) təyin edib.

Bu, Rusiyaya səyahət etməmək tövsiyəsini özündə ehtiva edir. Ötən həftədən etibarən Rusiyanın Ukrayna ilə həmsərhəd bölgələrinə 4-cü səviyyə təyin edilib ki, bu da həmin əraziləri tərk etmək çağırışı demək idi.

Rəsmi Tokionun məlumatına görə, hazırda Rusiyada 2 400 yaponiyalı var.

Mənbə: RİA Novosti

Rusiya qoşunları Ukrayna ərazisinə Belarus Respublikasının aerodrom şəbəkəsindən istifadə etməklə aviazərbələr endirməyə davam edir.

Bu barədə Ukrayna ordusunun Baş Qərargahı məlumat yayıb.

Qeyd olunub ki, Ukrayna ordusu müdafiəyə davam edir və qarşı tərəf canlı qüvvə və texnika baxımından ciddi itkilər verir.

Bundan əlavə bildirilib ki, İrpen şəhəri üç sutkadan artıqdır işıqsız, susuz və istiliksiz qalıb.

Mənbə: Segodnya.ua

Rusiyaya qarşı beynəlxalq sanksiyalar fonunda bir çox qlobal brend və şirkətlər Rusiya ilə əməkdaşlığı dayandırıblar.

Bu siyahı hər gün yenilənir. Martın 6-da fəaliyyəti dayandırılan şirkətlər aşağıdakılardır:

“Viza”, “Mastercard”, “Nvidia” (videokart istehsalçısı), “American Express”, IBM, “Qt Group” (“Yandex”dən istifadə edən Skandinaviya proqram təminatı istehsalçısı), OMV (Avstriya neft və qaz şirkəti), “TikTok”, “Spotify”, “PVC Corp” (“Tommy Hilfiger”, “Calvin Klein”, “Warner's” brendlərinin sahibidir), “Epic Games” (“Fortnite”, “Battle Breakers”, “Unreal”ın yaradıcısı), “Fazer” (Finlandiya şokolad və çörək məhsulları istehsalçısı), “Danone” (Rusiyada investisiya layihələrini dayandırıb), “Puma”, “Prada”, “Netflix”.

Mənbə: Rusiya KİV

Beynəlxalq Cüdo Federasiyası (IJF) Rusiya Prezidenti Vladimir Putin və iş adamı Arkadi Rotenberqi təşkilatdakı vəzifələrdən uzaqlaşdırıb.

Zamantv.az “Gazeta.ru” saytına istinadən xəbər verir ki, bu barədə təşkilatın saytında bildirilib.

"Ukraynada davam edən münaqişə fonunda Beynəlxalq Cüdo Federasiyası Vladimir Putinin Beynəlxalq Cüdo Federasiyasının fəxri prezidenti və səfiri statusundan azad edir”,- deyə təşkilatın saytında bildirilib
Federasiyanın fəxri prezidentinin səlahiyyət sertifikatı Putinə 2008-ci ildə təqdim edilib.

Xatırladaq ki, Beynəlxalq Olimpiya Komitəsi (BOK) beynəlxalq idman federasiyalarına müraciət edərək onlara yerli və belarus idmançılarını yarışlara buraxmamağı tövsiyə edib.

Bundan sonra bir neçə beynəlxalq idman təşkilatı Rusiyada yarışlar keçirməkdən imtina edib və əksər idman federasiyaları yerli idmançıların beynəlxalq yarışlarda iştirakını dayandırıb. Belə ki, xizək idmanı üzrə Dünya Kubokunun mərhələləri, Çempionlar Liqasının finalı və Rusiya komandası və klublarının bütün ev və Avropa oyunları, körlinq üzrə Avropa çempionatı, Formula 1 mərhələsi, voleybol üzrə dünya çempionatı və bir çox digər yarışlar artıq təxirə salınıb.

Avroviziya mahnı müsabiqəsində Azərbaycanı təmsil edəcək mahnı müəyyənləşib.

Zamantv.az-ın xəbərinə görə, bu barədə bu il Azərbaycanı mahnı müsabiqəsində təmsil edəcək Nadir Rüstəmli məlumat yayıb.

Mahnının adı yaxın günlərdə ictimaiyyətə açıqlanacaq.
Qeyd edək ki, “Avroviziya-2022” mahnı müsabiqəsi Turində baş tutacaq.

Çeçenistanжт rəhbəri Ramzan Kadırov Ukrayna prezidenti Vladimir Zelenskiyə müraciət edərək, Ukrayna lideri dialoqa hazır olduğu təqdirdə Rusiya prezidenti Vladimir Putinlə görüş təşkil etməyi təklif edib.

Zamantv.az Rusiya KİV-nə istinadla bildirir ki, Kadırov bu barədə özünün “Telegram” kanalında yazıb.

“Zelenski, əgər Polşaya getsən, o zaman zindana salınan və sonunda müttəhimlər kürsüsündə vətəninə qayıdan Gürcüstanın keçmiş prezidenti Mixail Saakaşvilinin taleyi ilə üzləşəcəksən. Əgər sən Rusiyaya güvənirsinizsə və dialoqa hazırsınızsa, onda mən sizinlə yolun yarısında görüşməyə və şəxsən Rusiya prezidenti Putindən xahiş etməyə hazıram ki, sizə sığınacaq versin və simanızı qorusun”, - Kadırov belə sövdələşmə təklif edib.
O, Zelenskidən onunla əlaqə saxlamağı xahiş edib və "Putinlə ümumi dil tapmağa", görüş təşkil etməyə kömək edəcəyinə söz verib.

Kadırov eyni zamanda bəyan edib ki, Ukrayna prezidentinin səlahiyyətləri 2014-cü ildə dövlət başçısı postundan devrilmiş Viktor Yanukoviçə ötürməlidir.

“Bəli, sən istedadlı insansan, yaxşı aktyors, amma siyasətçi deyilsən. İndi isə sənin çiyinlərində həll edə bilməyəcəyiniz problemlər yükü var. Çox gec olmadan mənə müraciət edin və gələcəyiniz haqqında danışaq. Mən şəxsən bunu deyirəm. Ən qısa zamanda qərar verin”, - Kadırov müraciətini belə yekinlaşdırıb.

Çeçenistanın rəhbəri bundan əvvəl də Zelenskiyə hakimiyyəti Yanukoviçə təhvil verməyi təklif edib.

Rusiyanın Ukraynaya təcavüzü hücumu edir. Dünya ayaq üstə ikən “Wall Street Journal” diqqətləri çox cəlb edəcək bir xəbər yayıb.. Məlumata görə, ABŞ rəsmiləri Amerikanın F-16 qırıcıları müqabilində Polşanın Ukraynaya sovet dövründən qalma təyyarələr verməsi ilə bağlı razılaşma üzərində işləyir.

Razılaşma əldə olunarsa, ABŞ-ın Polşaya müəyyən sayda F-16 verəcəyi, Polşanın isə bu təyyarələr müqabilində Kiyevə sovet dövründən qalma döyüş təyyarələri göndərəcəyi nəzərdə tutulur.

Ukraynaya Rusiyanın hücumuna cavab vermək üçün bu yaxınlarda ABŞ rəsmiləri bildiriblər ki, Birləşmiş Ştatlar Polşanın Amerika F-16 qırıcıları müqabilində Ukraynaya Sovet dövründən qalma təyyarələr göndərməsi ilə bağlı razılaşmanı araşdırır.
ABŞ rəsmiləri sazişin Ağ Evin təsdiqini tələb edəcəyini bildiriblər.

Mümkün razılaşmalardan biri Ukrayna prezidenti Zelenskinin ABŞ-ı daha ölümcül hərbi yardım, xüsusən də ukraynalı pilotların uça biləcəyi Rusiya istehsalı olan qırıcı təyyarələr almağa çağırmasından sonra baş verib.

ABŞ-ın müdafiə nazirinin keçmiş müşaviri, istefada olan polkovnik Duqlas Makqreqor dinc əhalidən canlı qalxan kimi istifadə etdiyinə görə Ukrayna Silahlı Qüvvələrini Yaxın Şərq ekstremistləri ilə müqayisə edib.

Zamantv.az xarici mediaya istinadla bildirir ki, Makqreqorun sözlərinə görə, Ukrayna ordusunun davranışını onunla izah etmək olar ki, onun hərəkətliliyi, hava hücumundan müdafiə sistemləri və hava daldalanacağı yoxdur, bu səbəbdən onlar yaşayış məntəqələrində gizlənməli olurlar.

“Biz bunu Yaxın Şərqdə görmüşdük. Biz islamçıları məğlub edəndə onlar şəhərlərə qaçdılar, insanlardan, dinc əhalidən canlı qalxan kimi istifadə etdilər və məhv olmaqdan yayınmağa çalışdılar”, - o vurğulayıb.
Polkovnik onu da vurğulayıb ki, Rusiya ordusu, məsələn, İraqdakı ABŞ ordusundan fərqli olaraq, mümkün qədər ehtiyatlı davranır və zərəri minimuma endirməyə çalışır.

Makqreqor əmindir ki, Ukrayna Silahlı Qüvvələrinin məğlubiyyəti qaçılmazdır və Ukrayna prezidenti Vladimir Zelenski hər vasitə ilə onu gecikdirməyə çalışır.

Onun fikrincə, Rusiyanın Ukraynaya neytral status tələb etməsi tamamilə təbiidir və ABŞ-ın maraqlarına uyğundur – bu halda ölkə Moskva ilə Vaşinqton arasında bufer zonaya çevrilə bilər.

Rusiya Mərkəzi Bankı maliyyə sabitliyini təmin etmək üçün fiziki şəxslər tərəfindən xaricə başqa şəxslərə və ya qohumlarına aylıq 5000 ABŞ dolları məbləğindən artıq bank köçürmələrini məhdudlaşdırmaq barədə qərar verib.
Moskva müxbirinin xəbərinə görə, bu barədə Rusiya Mərkəzi Bank məlumat yayıb.

Beləliklə, fiziki şəxslər tərəfindən bank vasitəsi ilə xaricə başqa şəxslərə və ya qohumlarına ay ərzində maksimum 5000 ABŞ dollar göndərilə bilər.
Qeyd edilib ki, Rusiya Mərkəzi Bankı valyuta bazarında artan volatilliyi nəzərə alaraq, maliyyə sabitliyinin təmin edilməsinə yönəlmiş əvvəllər qəbul edilmiş qərarlara əlavə olaraq, səlahiyyətli banklara təqvim ayı ərzində fiziki şəxslər-rezidentlər tərəfindən xaricə başqa şəxslərə və ya qohumlarına aylıq 5 min dollar məbləğindən artıq bank köçürmələrinin həyata keçirilməsini məhdudlaşdırmağı tapşırır.

Məhdudiyyətlərə bank hesabı açmadan köçürmələr və ya rezident fiziki şəxslərin hesablarından köçürmələr daxildir.

Tənzimləyicinin (Mərkəzi Bankın-red ) göstərişinə əsasən qohumların siyahısına ər-arvad və ya yaxın qohumlar, valideynlər və uşaqlar, baba, nənə və nəvələr, atadan bir və ya anadan bir qardaş və bacılar daxildir.

Türkiyə Prezidenti Rəcəb Tayyib Ərdoğanla Rusiya prezidenti Vladimir Putin arasında telefon danışığı olub.

APA-nın yerli bürosunun xəbərinə görə, görüşdə Ukrayna böhranı müzakirə edilib.

R. T. Ərdoğan atəşkəsin təmin edilməsi, humanitar dəhlizlərin açılması və sülh sazişinin imzalanması üçün təcili addımların atılmasının vacibliyini vurğulayıb.
Bundan əlavə, Türkiyə Prezidenti təcili atəşkəsin bölgədəki humanitar problemləri aradan qaldırmaqla yanaşı, siyasi həll yolunun axtarışına da imkan verəcəyini bildirib.

R. T. Ərdoğan Ukrayna probleminin ən qısa zamanda sülh yolu ilə həllinə töhfə verməyə hazır olduğunu da Rusiyalı həmkarına bildirib.

Qeyd edilib ki, Türkiyə Prezidenti Rusiya Prezidentini birlikdə sülhün yolunu açmağa çağırıb.

Görüşdə Türkiyə-Rusiya münasibətləri də müzakirə olunub.

Kremlin mətbuat xidmətinin yaydığı məlumatda isə bildirilib ki, telefon danışığı zamanı Putin Ukraynada xüsusi hərbi əməliyyatın gedişi barədə məlumat verib, bu kontekstdə prinsipial yanaşmaları və qiymətləndirmələri qeyd edib, qarşıya qoyulan əsas məqsəd və vəzifələri ətraflı izah edib.

Xüsusi əməliyyatın plana uyğun və qrafikə uyğun davam etdiyi vurğulanıb. V. Putin bildirib ki, Rusiya Silahlı Qüvvələri mülki şəxslərin həyatını xilas etmək və təhlükəsizliyini təmin etmək üçün mümkün olan hər şeyi edir, dəqiq zərbələr yalnız hərbi infrastruktur obyektlərinə endirilir: "Bunun fonunda Donbası intensiv atəşə tutan və Ukraynanın şəhər və qəsəbələrində faktiki olaraq girov götürülmüş mülki şəxslərdən, o cümlədən əcnəbilərdən “insan qalxanı” kimi istifadə edən millətçi, neonasist birləşmələrinin əməlləri xüsusi qəddarlığı və amansızlığı ilə seçilir".

Rusiya tərəfinin münaqişənin həlli üçün Ukrayna hakimiyyəti və xarici tərəfdaşlarla dialoqa hazır olduğu təsdiqlənib. Eyni zamanda, Ukrayna qüvvələrinin öz qüvvələrini və vasitələrini yenidən toplamaq üçün istifadə etdiyi danışıqlar prosesini uzatmaq cəhdlərinin nəticəsizliyinə diqqət çəkilib. Bu baxımdan xüsusi əməliyyatın dayandırılmasının yalnız Kiyevin hərbi əməliyyatları dayandırması və Rusiyanın məlum tələblərini yerinə yetirməsi şərtilə mümkün olduğu vurğulanıb.

Danışıqların planlaşdırılan növbəti raundu zamanı Ukrayna nümayəndələrinin yaranan reallıqları tam nəzərə alan daha konstruktiv yanaşma nümayiş etdirəcəyinə ümid ifadə olunub.

Rusiya və Türkiyə prezidentləri iki ölkənin diplomatik və hərbi idarələri arasında əlaqələrin davam etdirilməsinin vacibliyini bəyan ediblər. Vladimir Putin Rusiya tərəfinin Türkiyə vətəndaşlarının döyüş bölgələrindən təhlükəsiz təxliyəsi üçün bütün lazımi yardımı göstərməyə hazır olduğunu təsdiqləyib.

Rəcəb Tayyib Ərdoğan Rusiya mədəniyyətinə və onun xadimlərinə qarşı bir sıra Qərb dövlətlərində geniş vüsət alan kampaniyaya tənqidi qiymət verib.

Müxtəlif səviyyələrdə sıx təmasların davam etdirilməsi razılaşdırılıb.