“Xankəndinin ermənilərdən tamamilə təmizlənməsi Azərbaycana siyasi baxımdan yalnız zərər verə bilər. Azərbaycanın indiyə qədər apardığı sülhsevər siyasətinə, tolerant, multikultural imicinə xələl gətirər. Sirr deyil ki, Azərbaycan Ordusu 44 Vətən müharibəsində Xankəndini tamamilə götürmək iqtidarında idik, lakin dünya birliyi bunu başqa cür qəbul edərdi. Biz dəfələrlə qeyd etmişik ki, bütün millətlərin nümayəndələri, etnik azlıqlar Azərbaycanı öz vətənləri kimi qəbul edir və qanunlarına riayət edirlərsə, bizim ərazilərimizdə yaşaya bilərlər. Əlisilahlı səperatçılarla ilə bağlı məsələ isə tamam ayrı cür həll olunmalıdır". Zamantv.az xəbər verir ki, bunu Pravda.az-a açıqlamasında Milli Məclisin deputatı Nəsib Məhəməliyev deyib.

Deputat bildirib ki, təxribatların törədilməsi, atəşkəsin pozulması kimi hallar birmənalı olaraq aradan qaldırılmalıdır: "Mülki əhalinin Xankəndidən tamamilə çıxarılması Azərbaycana ziyan vura bilər. Biz Azərbaycanı günahlandıran erməni daşnaqlarının əlinə əlavə arqumentləri vermiş olarıq. Lakin qanunlara uymayan, əlisilahlı ermənilərə, separatçılara qarşı ən kəskin şəkildə tədbir görülməsi vacibdir. İndiki halda Azərbaycan Ordusunun Xankəndiyə girməsi isə bir çox fəsadlar törədə bilər. İstənilən vəziyyətdə xarici qüvvələrin təhriki ilə ermənilərin Azərbaycan ərazisində sabitliyi pozmasının qarşısı qətiyyətlə alınacaq. "Dəmir yumruq" yerindədir! Azərbaycan Ordusu daha da təkmilləşib və müharibədən çıxmış bir ordu kimi döyüş qabiliyyətini daha çox artırır, yeni silahlarla, müasir döyüş texnikası ilə təchizat işi davam etdirilir. Yəni, Ermənistanın heç bir halda uğur qazanmaq imkanı yoxdur".

Rusiyanın Ukraynaya hücumunun 13-cü günündə bütün dünyanın qanını donduran hadisələr baş verir.

Zamantv.az-[b][/b]ın xarici mediaya istinadla məlumatına görə, mühasirədə olan Buça şəhərinin meri Anatoli Fedorik "Rusiya dayanmadan amansızcasına bombalayır. Bu kabusdur" deyib.

Fedoruk vurğulayıb ki, Kreml yenə də mülki şəxslər üçün təhlükəsiz dəhlizlər vəd etsə də, mütəmadi olaraq mərmi və raket yağışları əhalinin daha çox olduğu yerlərə düşməyə davam edir.
"Ağır silahlardan atəşə tutulması gecə-gündüz davam etdiyi üçün meyitləri belə toplaya bilmirik. Şəhərin küçələrində itlər meyitləri parçalayır. Bu kabusdur", - Fedoruk bildirib.

Bakıda və Abşeron yarımadasında martın 9-u axşamdan 10-u səhərədək arabir yağış yağacağı gözlənilir.

Ekologiya və Təbii Sərvətlər Nazirliyinin Milli Hidrometeorologiya Xidmətindən Zamantv.az-a verilən xəbərə görə, gecə bəzi yerlərdə intensiv olacağı ehtimalı var. 10-dan 11-i səhərədək şimal-qərb küləyinin 15-20 m/s, arabir 23 m/s-dək güclənəcəyi gözlənilir.

Azərbaycanın rayonlarında
Martın 9-da günün ikinci yarısı şimal və qərb rayonlarından başlayaraq 13-dək ölkə ərazisində hava şəraitinin dəyişəcəyi, arabir yağıntılı olacağı, dağlıq və dağətəyi rayonlarda qar yağacağı gözlənilir. Ayrı-ayrı yerlərdə intensiv olacağı, şimşək çaxacağı, dolu düşəcəyi ehtimalı var. Qərb küləyi ayrı-ayrı yerlərdə arabir 20-25 m/s-dək güclənəcək. Çaylarda sululuğun artacağı ehtimal olunur. Havanın temperaturu ötən günlərlə müqayisədə tədricən 5-8° aşağı enəcək.

Qeyd: İkinci ongünlükdə ölkə ərazisində birinci ongünlüyə nisbətən hava şəraitinin qeyri-sabit, fasilələrlə yağıntılı olacağı, temperatur rejiminin aşağı olacağı gözlənilir.

Ukrayna prezidenti Volodimir Zelenski Rusiya prezidenti Vladimir Putini müharibəni dayandırmağa çağırıb.

Zamantv.az bildirir ki, bu barədə o, ABC News-a müsahibəsində bildirib.

İndi Putinə nə demək istədiyi sualına cavab verən Zelenski bunları deyib:
“Mən inanıram ki, o, başladığı müharibəni dayandırmağa qadirdir. Və hətta o, bunu başladığını düşünməsə də belə, yenə qadirdir. Müharibəni dayandırmağın onun bacardığı şey olduğunu inkar etmək olmaz”.

Qeyd edək ki, əvvəlcə UNİAN xəbər yaymışdı ki, martın 3-də Zelenski Putini Ukrayna torpaqlarını tərk etməyə və ya onunla danışıqlar masasına oturmağa çağırıb.

Rusiya qoşunları Kiyev vilayətinin Buça kəndini növbəti dəfə artilleriya atəşinə tutub. Şəhər mühasirəyə alınıb.

Zamantv.az Ukrayna KİV-nə istinadla bildirir ki, bu barədə mer Anatoli Fedoruk telemarafon zamanı məlumat verib.

Şəhər sakinlərinin su, yemək almaq imkanı yoxdur, işıqlar kəsilib və getmək imkanları yoxdur. Bələdiyyə sədri vurğulayıb ki, yerli sakinlər zirzəmilərdə gizlənir və onlarla demək olar ki, heç bir əlaqə yoxdur.

Ukraynanın xarabazarlığa çevrilən şəhər və qəsəbələrindən son görüntüləri təqdim edir.

Rusiyanın Ukraynaya qarşı başlatdığı hərbi əməliyyatlara səbəb kimi “Kiyevdəki neonasistlər” variantını ön plana çəkməsi diqqətdən yayınmır. Xüsusilə də, son günlərdə Kreml rəsmilərinin çıxışlarında “Ukraynanın neonasistlərdən təmizlənməsinin” Moskavanın əsas məqsədi olduğu bildirilir. Zamantv.az xəbər verir ki, mövzu ilə bağlı sualları Bizim.Media üçün cavablandıran politoloq Qabil Hüseynlinin sözlərinə görə, milliyətçi öz xalqını sevən adama deyilir:

“Milliyyətçi öz xalqının yolunda dayanmadan çalışan və xalqını irəli aparmaq istəyənlərə deyilir. Lakin Kremldə biraz da irəli gedib, Ukraynada “neonasistlər”in olduğunu bildirirlər. Bu başdan-ayağa cəfəngiyyatdır. Nasist dedikləri, milliyətçi dedikləri kimə qarşı pislik ediblər? Yaxud da qonşu kimi sizlərə qarşı hansısa pisliyi ediblərmi? Bu, vəhşi, barbar müharibənin məntiqsiz uydurmalarıdır”.

Politoloq neonasist iddialarının Rusiyanın hücum əməliyyatlarına haqq qazandırmaq üçün irəli sürdüyü variant olduğunu da qeyd edib:

“Deməli, sən beynəlxalq hüququn normalarını tapdayacaqsan, adını da qoyacaqsan ki, “milliyyətçi dairələrə qarşı mübarizə aparmaq”.

Bu çox cəfəng fikirdir. Eyni zamanda bu, dünyanı qarşıdurmaya apara biləcək iddiadır. Rusiya hakimiyyətinin Ukrayna ilə uzun müddətdir ki, ixtilafları var idi və bu ixtilaflardan səbəbi yenə də Rusiya idi. Milliyyətçi dediyin adamların, Krım kimi böyük ərazisini işğal etmisən, Donetsk və Luqansk kimi qondarma qurumların müstəqilliyini tanımısan. Bu nöqteyi-nəzərdən, onların bu fikirləri cəfəngiyyatdır”.

“Polşa Ukraynaya öz qırıcılarını verməklə bağlı qərar qəbul etsə, ABŞ buna qarşı çıxmayacaq”.

Zamantv.az “Report”-a istinadən xəbər verir ki, bunu Ağ Evin mətbuat katibi Cen Psaki bildirib.

“Biz Polşa ilə bu məsələ üzərində işləyirik. NATO-dan olan başqa müttəfiqlərimizlə məsləhətləşərik. Bu, Polşanın suveren hüququdur. Polşanın Ukraynaya təyyarələr verməsi ilə bağlı qərarına qarşı heç bir şəkildə çıxış etməyəcəyik. Bir sıra praktik məsələlər var: Polşa Ukraynaya həmin təyyarələri necə ötürəcək? Bu, çox vacib məsələdir”, - C.Psaki bildirib.

O əlavə edib ki, keçmiş sovet təyyarələrinin yerinə ABŞ qırıcılarının Polşaya verilməsi uzun vaxt aparacaq.

8 Mart Sovetlər dövründən qalma bayram olsa da Azərbaycanda indiyədək qeyd edilir .Məhz qadınların kütləvi şəkildə savadlanmasi müəyyən hüquqlara malik olması həmin təsadüf edir.Bəlkə də buna görədir ki, 8 mart digər sosializm mənşəli bayramlardan fərqli olaraq artıq müstəqillik qazanmış keçmis SSRİ respublikalarının təqvimindən bu günə qədər silinməyib.
1998 -ci ildə Azərbaycanda Qadın Problemlərı üzrə Dövlət Komitəsi yaradılıb. Azərbaycan həm də Avropa şurasının qadınlarla bağlı bürosunda təmsil olunur.BMT -nin qadın məsələləri üzrə komissiyasının tam hüquqlu üzvüdür .1995-ci ildə isə Azərbaycan rəsmi şəkildə qadınlara qarşı münasibətdə
ayrıseçkinliyin bütün formalarının aradan qaldırılması haqqında beynəlxalq konvensiyaya qoşulub.
Hər il bayram günü ərəfəsində dövlət başçımız 8 mart Beynəlxalq Qadınlar günü münasibətilə Azərbaycan qadınlarına təbrik unvanlayır bir qrupuna fəxri adlar,orden,medallar verir və təbrik edir .Mən də "Çapar info" saitinin kollektivi adından bu bayram münasibəti ilə bütün Azərbaycan qadınlarını təbrik edərək deyirəm -Bayramıniz mübarək əziz qadınlar.

Xəyalə İbrahimli
"Çapar.info"saitinin baş redaktorunun 1-ci müavini.

Ölkəmizin inkişafında Azərbaycan qadının rolu mühüm əhəmiyyətə malikdir.

Bu gün Azərbaycan qadını cəmiyyətimizdə mühüm rola malikdir. Zərif cinsin nümayəndələri ana olmaqla yanaşı, dövlət idarəçiliyində, qanunvericilik aktlarının formalaşmasında, diplomatiya aləmində, iş dünyasında, mədəniyyət sahəsində, elmdə, təhsildə, səhiyyədə və digər mühüm sahələrdə fəaliyyətini uğurla davam etdirir. Onların ictimai – siyasi, elmi, mədəni, sosial – iqtisadi və digər sahələrdə qazandıqları uğurlar, beynəlxalq aləmdə Azərbaycanı layiqincə təmsiletmə bütövlükdə ölkəmizin inkişafına mühüm töhfələr verir. Dövlətimizin qadınlarla bağlı həyata keçirdiyi siyasət onların bərabər hüquqlarını və bərabər imkanlarını təmin edir. Əminliklə demək olar ki, bu siyasət daimi və dönməz səciyyə daşımaqla, bütövlükdə qadınların cəmiyyətdə layiqli mövqeyini hər zaman qoruyub saxlamağa imkan verəcəkdir. Bu gün Azərbaycan Respublikasının Birinci vitse-prezidenti, Yeni Azərbaycan Partiyası Sədrinin birinici müavini, Heydər Əliyev Fondunun prezidenti, Mehriban xanım Əliyevanın simasında bütün dünya Azərbaycan qadınını dərin biliyə, yüksək intellektə, peşəkar təşkilatçılıq qabiliyyətinə, bəşəriyyətin bu günü və gələcəyi ilə bağlı yüksək məsuliyyət hissinə, ali ideallara malik obrazda tanıyır, şəxsiyyətinə dərin rəğbət bəsləyir. Mehriban xanımın səmərəli və çoxşaxəli fəaliyyəti, respublikamızın inkişafı, ayrı-ayrı sahələrdə qarşıya qoyulmuş məqsədlərin gerçəkləşdirilməsi, milli maraqlardan irəli gələn strateji əhəmiyyətli vəzifələrin reallaşdırılması baxımından böyük əhəmiyyətə malikdir. Prezident cənab İlham Əliyevin ən yaxın silahdaşı olaraq Birinci vitse-prezident Mehriban xanım Əliyevanın sosial, humanitar və iqtisadi siyasətin həyata keçirilməsində rolu müasir Azərbaycanın quruculuğunda mühüm əhəmiyyət kəsb edir. Azərbaycan qadınının qazandığı nailiyyətlər bu gün qadın fəallığı ənənələrini yaşadır, məsuliyyəti artırır, gələcək nəsillər üçün davamlı inkişafa yol açır.

İlkin Əliyev Yeni Azərbaycan Partiyası Zərdab Rayon Təşkilatının sədri